المساعد الشخصي الرقمي

مشاهدة النسخة كاملة : ماهو علاج انحراف القرنية كيف ؟ واين ؟



adel777
27-02-2011, 11:27 PM
السلام عليكم ورحمة الله وبركاته


اخواني اخواتي الي عنده فكره عن علاج انحراف القرنية يفيدنا
ويدلنا على المكان واسم الدكتور واكون شاكرله
وانشالله نشوفكم اصحاء معافين من كل شر

بصمة قطرية
27-02-2011, 11:36 PM
للأسف ما عندي فكرة عن انحراف القرنية ..
ان شاء الله الاعضاء يفيدونك ..
اللي اعرفة الانحراف ما ادري هل المقصود فيه هو انحراف القرنية ولا انحراف النظر فقط ..!!!
لأني أعاني من انحراف في العينين والحل الوحيد هو الليزك ..

تحداني
28-02-2011, 12:08 PM
لا يوجد حل لإنحراف القرنيه وعاده ما تأتي مع الوراثه
هذا على كلام الدكتور " خالد الشريف " عندي واحد من إخواني قرر يسوي ليزر
فما صابت معاه التحاليل الي تسبق العمليه

والبديل هو إما العدسات الاصقه
او النظاره

هم الحمد لله رب العالمين
شئ أحسن من ولا شئ


ما إتشوفون شر يارب

جملك الله برضى الرحمن

كازانوفا
28-02-2011, 12:48 PM
ما عندي فكره
بس المفروض تقعد مع دكتور متخصص يراعي الله ويراعي ذمته ويقولك الصراحه

رجل الجزيرة
28-02-2011, 02:58 PM
السلام عليكم ورحمة الله وبركاته


اخواني اخواتي الي عنده فكره عن علاج انحراف القرنية يفيدنا
ويدلنا على المكان واسم الدكتور واكون شاكرله
وانشالله نشوفكم اصحاء معافين من كل شر

كما علمت من خبرتي البسيطة جدا وليست طبيبا سبب الإنحراف - طفلا - هو: ضعف قوة عضلة القرنية فالعلاج هو: تغطية العين الصحيحة ويرى بعين المنحرفة حتى تتعود وتكون تقريبا طبيعية بإذن الله تعالى ولا أعلم كم المدة؟ لكن الأفضل هو طبيب العيون

بنت صقار
28-02-2011, 04:19 PM
لا يوجد حل لإنحراف القرنيه وعاده ما تأتي مع الوراثه
هذا على كلام الدكتور " خالد الشريف " عندي واحد من إخواني قرر يسوي ليزر
فما صابت معاه التحاليل الي تسبق العمليه

والبديل هو إما العدسات الاصقه
او النظاره

هم الحمد لله رب العالمين
شئ أحسن من ولا شئ


ما إتشوفون شر يارب

جملك الله برضى الرحمن

نفس الرد اعلاه..

أبو بكر سالم
01-03-2011, 12:35 AM
الله يحميك اخوي ولى تهمل نفسك راجع دكتور العيون

becauzah
01-03-2011, 07:33 AM
أنا شخصيا سويت عملية لانحراف القرنية لما كان عمري 8 سنين في مستشفى الملك خالد للعيون في الرياض
كان الدكتور أمريكي و الحمدلله العملية ناجحة و سهلة.

سهام
01-03-2011, 07:37 AM
السلام عليكم ورحمة الله وبركاته ... اختي سوتها عند الدكتور الريفي بالبحرين سافرت وردت بنفس اليوم وكانت العمليه ناجحه ولله الحمد

khalid Qtr
01-03-2011, 09:47 AM
راجع الدكتور فهد القحطاني

عيادته في شارع النصر

والقرنية من ضمن تخصصاته

حتى لو ما سوالك العملية يدلك على دكتور ممتاز

OTOsan
01-03-2011, 10:04 AM
الله يشفيك اخوي عادل وماتشوف شر ، وان شاء الله تلاقي اجابة لسؤالك عند الاخوان !

مجموعة إنسان
01-03-2011, 10:13 AM
فية دكتور ممتاز في رياض وكان يعمل في مستشفي التخصصي والان فتح لة عيادة خاصة واسمة طبارة مع العلم انة يعالج الملك عبدالله بن عبدالعزيز ال سعود روح لة وجرب اهل قطر دايم يروحون لة طبعا العيادة فيها ستاف كامل وكذا دور يفحصون العين من الا

adel777
01-03-2011, 12:42 PM
شاكر لكم جميعا على نصائحكم وانشالله ماتشوفون شر
وشكرا يابوحمد

Qtr.Girl
01-03-2011, 01:35 PM
كما علمت من خبرتي البسيطة جدا وليست طبيبا سبب الإنحراف - طفلا - هو: ضعف قوة عضلة القرنية فالعلاج هو: تغطية العين الصحيحة ويرى بعين المنحرفة حتى تتعود وتكون تقريبا طبيعية بإذن الله تعالى ولا أعلم كم المدة؟ لكن الأفضل هو طبيب العيون

اول شي اخوي ماتجووف شر انشالله

وانا اعاني من المشكله ويوم كان عمري تقريبا 3 سنين او سنتين ماذكر التفاصيل بالضبط سويت الجراحه في مستشفى مغربي اللي بالسعوديه

والحمدلله تعدل عندي كل شي
وسوو لي مثل ما قال اخوي فوق ان غطوا لي العين السليمه وكنت اعتمد على العين اللي فيها انحراف+نظارة طبيه والحمدلله الامور كانت تمام
ومن سنه ونص رد الانحراف مره ثانيه ورحت حق كذا دكتور اللي يقول حوّر واللي يقول عادي بترد طبيعيه ..
واخر شي الدكتور احمد البدوي ممتاز وقالي هاي ارتخاء بعضلة العين هي اللي تسبب هالانحراف ولو صار وسويت الجراحه راح تكون تجميليه فقط لمدة 20 سنه او اقل وترد العين نفس الشي !!

وعندي مشكله ان العين اللي فيها الانحراف ماشوف فيهاا عدل النظر فيها اقل يعني عين سليمه وعين لا .. الحمدلله على كل حال

اذا عندك نفس الاعراض وزرت دكتور عطنا التفاصيل عشان نستفيد :nice:

ورد الدوحه
01-03-2011, 08:10 PM
انا بنتي عندها نفس المشكلة انحراف في القرنية واهتزاز في العين وضعف نظر وكل المستشفيات قالوا لي مالها علاج بس الحمدلله يوم كبرت خف الاهتزاز بس ضعف النظر مازال موجود والنظارة اللي تلبسها مالها فايدة

تحداني
01-03-2011, 10:23 PM
انا بنتي عندها نفس المشكلة انحراف في القرنية واهتزاز في العين وضعف نظر وكل المستشفيات قالوا لي مالها علاج بس الحمدلله يوم كبرت خف الاهتزاز بس ضعف النظر مازال موجود والنظارة اللي تلبسها مالها فايدة



الانحراف ماله علاج بالقعل . نفس الحاله وبنفس التفاصيل مرت على واحد من اخواني
التقارير موجوده عندي بس للأسف أخاف أحطها بالمنتدى .. ويصير شئ ما ودي يصير
بس متأكده من ما تقولينه


سبحان الله نعمه البصر مثل باقي النعم
كل ما الواحد يحس ابعجز في عضو معين في جسمه يعتقد
ان هذا العضو اهم عضو


الحمد لله انهم قادرين يسون امورهم الشخصيه
الله يحفظ اخوي ويحفظ كل من يعز عليكم يارب


جملك الله برضى الرحمن