::: ارتفاع أسعار ألعاب الأطفال بحديقة الحيوانات :::

[STAR]

تشهد إقبالا كبيرا في عطلة نهاية الأسبوع..ارتفاع أسعار ألعاب الأطفال بحديقة الحيوانات



اشتكى أحد المواطنين من غلاء وارتفاع أسعار الألعاب في حديقة الحيوانات مشيرا إلى أن هناك إقبالا كبيرا على قسم الألعاب الذي أضيف حديثا إلى الحديقة وأصبح الكثير من المواطنين والمقيمين يقصدون الحديقة لهذا الغرض حتى يتمكن أبناؤهم من اللعب والتسلية إلى جانب التجول في الحديقة ولكن ارتفاع أسعار ألعاب الأطفال يحول بينهم وبين الاستمتاع بهذه الألعاب

خاصة أن كثيرا من الأسر لديهم عدد من الأبناء وكل واحد منهم يريد أن يلعب في أكثر من لعبة وهذا يعتبر عبئا كبيرا على رب الأسرة.. مؤكدا ضرورة أن تكون هذه الألعاب بأسعار رمزية حتى تتمكن العائلات من الاستمتاع عند ذهابها إلى الحديقة.

ويؤكد أن عدد الزوار قد ارتفع كثيرا بعد تخصيص جزء منها ليكون مدينة للترفيه والألعاب ولكن المشكلة تكمن في ارتفاع أسعار الألعاب التي تعتبر عبئا على أصحاب الدخل المحدود الذين لديهم عدة أبناء وكل واحد يبحث عن أكثر من اللعبة ليستمتع بها. مطالبا بأن تراعي الجهات المختصة وضع الأسر خاصة من أصحاب الدخل المحدود بأن تقدم ألعابا بأسعار رمزية وأن تكون هناك عروض خاصة في أيام أخرى من الأسبوع.

ويشير إلى أن أسعار المطاعم والمأكولات والألعاب مرتفعة ويجب أن تكون بأسعار مناسبة لتراعي ظروف هذه الأسر خاصة أن الأسرة تأتي ليلعب أطفالها وإلى جانب ذلك تستريح لتتناول وجبات خفيفة.. مؤكدا على ضرورة أن تكون الأسعار مناسبة حتى تستمتع العائلات خلال تجولها في الحديقة وخاصة بقسم الألعاب.

المصدر جريدة الشرق
http://www.al-sharq.com/articles/more.php?id=231133


و أي استفسار او قتراح اكتبوا اهني وان شاء الله العضو عاشق الشهادة يرد عليكم



افيدكم ان شاء الله بس انتم تسئلون وانا ان شاء الله اجاوبكم عن كل الي في خاطركم :)

[تركي محمد]

كل شي يزيد

الحين الحلاق يعدل اشنبك .. يقولك 20 ريال
ويحط لك لوحة كبر ويهه يكتب لك فيها ان الاسعار تغيرت وكشف بقائمة الاسعار الجديدة

عقبال ماتصير زيادة متفحشه في الرواتب

[ميموري]

كل شي يزيد

الا درجات التقييم ومدى فهم المسوؤلين

في انحدار

[ميموري]

http://karektair.com/upload/uploads/images/karektair-b470d965d0.jpg


http://www.alriyadh.com/2009/01/25/img/025024.jpg


http://www.okaz.com.sa/new/issues/20090802/Images/Cartoons/krkr090.jpg

http://pages.pressera.com/shms/1491/html/L1265794998.jpg


http://mo7md.com/images/cartoon/today_2_510794_1_209.jpg?8386

هذا القرار الوحيد اللي نفذته حماية المستهلك في قطر

وغصب عنهم ارجعوا ارفعوه

الله المستعان

[khalid Qtr]

كل لعبة بـ 5 ريال ، يعني اذا عندك 4 اطفال وتبي تلعبهم على الاقل بـ 4 العاب

يطلع الناتج 100 ريال

[دااانة قطر]

كل لعبة بـ 5 ريال ، يعني اذا عندك 4 اطفال وتبي تلعبهم على الاقل بـ 4 العاب

يطلع الناتج 100 ريال


واذا العيااال يبون اكثر من 4 العاااب؟؟!!

[دايموند]

ليش مايكون الدخول بمبلغ رمزي والالعاب مجانا؟؟!!

هذا اللي توقعته قبل افتتاح الالعاااب...

[khalid Qtr]

اختي دانة قطر

المشكلة ان الاطفال ما يرضون بـ 4 العاب مثل ما قلتي

[دااانة قطر]

اختي دانة قطر

المشكلة ان الاطفال ما يرضون بـ 4 العاب مثل ما قلتي



بصرااحه العااب سنااء ماافي مثلها
كنت اودي العياال العبهم وانا في سياارات التصاادم
لين تمللوا ركبوا معاي
والله من زماان مارحت مدري جااتهم حمى ارتفااع الأسعاار ؟؟
على ان الحين العياال يحبون العااب جنغل زون وفيلاااجيو

[بنت البدر 77]

السلام عليكم

من واقع تجربه ..

بالنسبه للدخول هو مجاني الا انك تدفع قيمة تذكرة الدخول لحديقة الحيوان .

بالنسبة للالعاب .. الالعاب منقوله وهذا اكيد ميه بالميه وامبين عليها من شكلها والارجح
جايبينها من مصر .. <<<<<< حركاتهم :victory:

بس الالعاب بصراحه حلوه وجديده ولو انها قديمة ومقارنه بالاماكن الثانيه اشوف اسعارها معقوله .. يعني حالياً بالذمة اذا بتروح مكان تلعب فيه اعيالك كم تودي معاك .. مو اقل من 300 والالعاب متنوعه يعني في بـ 5 ريال .. وفي الالعاب الكبيرة 20 تقريباً ..

والاسعار مقارنه مع الدول المجاوره اسعارها معقوله وكل من راح دبي يعرف هالشئ .. كلنا نتمنى ان يكون السعر للدخول ثابت والالعاب مجانية مثل جنغل زوون لكن مو كل شئ نتمناه يصير .. اللي يصير انك تتحاور مع اعيالك وتتفاهم معاهم قبل الحضور للالعاب وتخصيص مبلغ لكل طفل يدرك معاه ان حركة نقودة مرتبطه باادراكه ..
وهالطريقه تعلمه اشلون يفكر واشلون يتصرف بس احنا نقوي قلبنا .. وندرك ان بمقدرونا نروح كل الاماكن حسب ميزانياتنا وقدراتنا .. خاصه انها بحديقة حيوان ..

يعني للناس اللي تبي تلعب وبنفس الوقت تبي توفر

في البدايه تلف على الحديقه بالكامل ويوم نهاية الاسبوع الحديقه تسوي شغلات كثيره مثل انهم يطلعون الحيوانات ويخلون الصغار يمسكونها ويأكلونها يعني يقضي يوم ممتع فيها .. وبعدها يدخل الالعاب بمخطط مسبق .

صدقوني اعيالنا بخير .. وفاهمين وواعين بس يبيلهم ناس تفهمهم وتقعد معاهم وتوازن امورهم .

اتمنى فدتكم ولو بالقليل .

[بـــــــنت النوخـّــــذه]

على فكره ستار او مافتحت مدينه الالعاب في حديقه الحيوان ودينا اليهال اول مادخلنا جلسنا على الكراسي ناخذ نفس اههههه الا اشوي اشوف عامل ماسك مفك يبغي يثبت البرغي في لعبه من الالعاب
قلت لليهال عن خاطرهم لعبه وعلى البيت 00 الالعاب اتحسينها ملخلخه والاسعار ماتسوى وياريت بعد اللبعه تتم وايد لفتين سريعتين ويخلصون اشدعوه عاد لو اللعب نظيفه وجديده بنقول معليه يطلعون سعرها 00 بس بعدين اليهال من نفسهم خافو و قلنا خلنا انروح انشوف الاسد والقرود ابرك

[بومحمد911]

يا جماعة الخير فعلا الوضع اصبح لا يطاق كل تاجر قاعد يرفع السعر على كيفه

لا حسيب ولا رقيب انزين لين متى ؟

[ام حمادي]

مقارنه بالدول المجاوره

والله انا عن نفسي شفت العاب البحرين والسعوديه

واسعارها اقل من قطر بـ 5 ريال واكثر

للاسف تحس انك عايش في شفاطه ^_^ من يجي المعااش كل الدوحه فتحت فمها تشفط خخخخ

والله يا ناس اعرفهم مايجي تاريخ 10 من الشهر الا المعااش طاير لين يغطون الاساسيات حق البيت والاحتياجات الشخصيه يلقى بمخباه خمسميه ويالله تصرف فيها لاخر الشهر تبي بترول تبي عياده تبي العاب تبي وتبي

انا لو براجع بعياده للحمل كل موعد 400 الا كم ريال تخيلوا عاد لو حالتي تستدعي المراجعه ثلاث مرات بالشهر وغير الجامعه 500 ما تكفي اسبوع تقريبا مصاريفي الاساسيه مع غلاءالاسعار تعدي الالاف بس شنسوي اراعي زوجي مسكين وراه عايله غيري امه وخواته

[R 7 A L]

الله لايهينكم كل اسبوعين ودوا أعيالكم للحساء ترا ماهيب بعيدة
والاسعار رخيصة
ومنها تسوقون في العثيم مول

[STAR]

اتوقع اخوكم عاشق الشهادة يقدر يفيدكم ...

[دااانة قطر]

مقارنه بالدول المجاوره

والله انا عن نفسي شفت العاب البحرين والسعوديه

واسعارها اقل من قطر بـ 5 ريال واكثر

للاسف تحس انك عايش في شفاطه ^_^ من يجي المعااش كل الدوحه فتحت فمها تشفط خخخخ

والله يا ناس اعرفهم مايجي تاريخ 10 من الشهر الا المعااش طاير لين يغطون الاساسيات حق البيت والاحتياجات الشخصيه يلقى بمخباه خمسميه ويالله تصرف فيها لاخر الشهر تبي بترول تبي عياده تبي العاب تبي وتبي

انا لو براجع بعياده للحمل كل موعد 400 الا كم ريال تخيلوا عاد لو حالتي تستدعي المراجعه ثلاث مرات بالشهر وغير الجامعه 500 ما تكفي اسبوع تقريبا مصاريفي الاساسيه مع غلاءالاسعار تعدي الالاف بس شنسوي اراعي زوجي مسكين وراه عايله غيري امه وخواته



أهون من أسعاار الميك اب والقفف

مدري متى يحسون فينا ؟؟

[STAR]

على فكره ستار الالعاب اتحسينها ملخلخه والاسعار ماتسوى وياريت بعد اللبعه تتم وايد لفتين سريعتين ويخلصون اشدعوه عاد لو اللعب نظيفه وجديده بنقول معليه يطلعون سعرها 00 بس بعدين اليهال من نفسهم خافو و قلنا خلنا انروح انشوف الاسد والقرود ابرك

هههههههههههههههه

[بنت صقار]

المشكله ان الالعاب..بسرعه توقف؟؟؟
و250 ماتخليهم يستانسون في ساعه تقريبا..........لانهم يتنقلون بين لعبه ولعبه..مساكين (هالياهال فرحانين بطفولتهم)في زمن الغلاء..واعليه:(

[بوخالد911]

الله يعيينا بس

[بنت صقار]

ام الحمادي(صح لسانج)احنا عايشين في(شفاطه)http://www.lakii.com/vb/smile/26-236.gif (http://www.lakii.com/vb/smiles/index.php)

[عاشق الشهادة]

المشكلة اختي ستار عندنا بعض الصحفيين يكتب عن موضوع ما وهو غير ملم عنه ؟
هو لو كلف نفسة وذهب لمكتب ادارة دريم بارك وقابل حسن جمعة المدير العام كان وضح له ورد على اي استفسار يطلب منه ولكن الصحفي كاتب الموضوع لمجرد كسب خواطر المواطنين والمقيمين ,
لأن اي موضوع يتكلم عن ارتفاع اسعار ان كان العاب او سلعة او حتى ارتفاع لسعر الاسمنت سوفيؤيد من قبل شريحة كبيرة من الناس بدون معرفة سبب هذه الزيادة او حتى الموضوع ؟ ,


اختي : للعلم ان مدينة الالعاب (دريم بارك) ليس ملك وزارة البيئة او حديقة الحيوان , وزارة البيئة مؤجرة الارض على هذه الشركة , الي ابي اوضحة للصحفي ان العاب دريم برك ليس لوزارة البيئة وانما لشركة خاصة ,


والي يقول ان الالعاب جايبينها من مصر هذا الكلام غير صحيح كل الالعاب الموجودة الأن بدريم بارك جايبينها من فرعهم الرئيسي الي بدولة الكويت


واسعار دريم بارك في الوقت الحالي هي ارخص مدينة العاب في قطر في الوقت الحالي , ولاتنسين اختي ان دريم بارك هي الالعاب الوحيدة بقطر في الهواء الطلق


وعلى حسب كلامي مع المدير العام لدريم بارك سوف يضيفون العاب جديدة في القريب العاجل


وأخيراً اختي ستار تدرين كم كان عدد زوار حديقة الحيوان يوم الجمعه الماضي 6800 زائر لو كانت الاسعار مرتفعة ماشفتي هذا العدد الكبير في 6 ساعات فقط
وبالتوفيق للصحفي وان شاء الله يرفعون لهم مبلغ كتابة التقرير من 200 ريال الى الف ريال ؟

[عاشق الشهادة]

اتوقع اخوكم عاشق الشهادة يقدر يفيدكم ...




افيدكم ان شاء الله بس انتم تسئلون وانا ان شاء الله اجاوبكم عن كل الي في خاطركم :)

[bo_hamad]

أنا رحت الملاهي والاسعار معقولة

[بنت البدر 77]

سواء من مصر والا الكويت الالعاب متهالكه وقديمه

يعني شنو قطر لها الحجاله مثلاً !!

لو جانا شئ يجي بمستوانا مو شئ مستعمل وملعون خامس جده .. والناس لو تروح

ماعندها مكان اتروح له .. فغصب يبون يطلعون اعيالهم ويفرجونهم .. انا عن الاسعار

عن نفسي اشوفها معقوله بالنقاط اللي تكلمت عنها سابقاً ..

والصحفي يتكلم عن جزء من الناس وهذا رايهم مانقدر نحجبه .. نسمع كل الآراء بس ماننتقدها

لانها تمثل جزء من آرائهم بدون الحديث عن قيمة مايكتبون لان هالشئ غير لائق !

[STAR]

افيدكم ان شاء الله بس انتم تسئلون وانا ان شاء الله اجاوبكم عن كل الي في خاطركم :)

اشكرك اخوي عاشق الشهادة عالافادة .. اقتراح

ليش ماتخلون الدخول بفلوس والالعاب مجانية..:telephone:

يعني الدخول ب 30-35 ريال والالعاب تكون مجانية ...

[بنت صقار]

اوكي..اخوي عاشق..باقول لك..ولدي يموت على مضمار البطبطه..وهومضمار صغير..ويلف له 3 لفات والله ماتوصل 3 دقايق..يمكن اقل..والتذكره بخمسه؟؟هبابه لف..الا موقفينه ومنزلينه؟؟شتقول؟؟مهب غلاء..يعني ادفع عشان يلف كم لفه مالا يقل عن 30 ريال؟؟لو عل الاقل له خمس دقايق مقابل الخمس ريالات..
الاالعاب.مهتريه ومصديه....مهب جديده..واغلبيتها خطيرة على سن الاطفال تحت 10 سنين..الواجب تكون العاب بسعر 3 ريال للي بخمس .. وخمسه للي بعشر..هذا ينقال عنه سعر رمزي..
تدري كم دفعت..في ساعتين ونص..والله اكثر من 300 ريال؟؟لو موديتهم جنغل زون اوفر؟؟ولا فيلاجيو..بس احنا من باب انها شرحه..وبنطلع منها نتمشى ونمر الحيوانات والالعاب الرمليه..وترى مهب كل الناس اللي قلتهم راحوا للالعاب ..لا..كثيرهم قاعدين ع المسطحات الخضراء ويلفون ع الحيوانات ولا عند الاالعاب الرمليه..يعني مهب كل 6000 ومدري كم العبو؟؟

[دوحة حمد]

بالنسبه لي انا اخر مره رحتها مع الاهل اشوف انه الاسعار مناسبة للصغار والكبار .

والالعاب بعد اوكي .

[شبح الصمت]

سؤال ليش ما يسون ملاهي متكاملة صوب حلبة الوسيل !!!

يعني امبادل جنغل زون العاب فاشله وغيرها وغيرها ,,,


كانوا سؤوو ديزني لاند قطر

اقل ما فيها شيء مرتب وحلو وتكون شبه مصكره ,,,

واسعار رمزيه تكون للدولة ما نبي تكون لأفراد ويسلخون جلودنا

[دااانة قطر]

سؤال ليش ما يسون ملاهي متكاملة صوب حلبة الوسيل !!!

يعني امبادل جنغل زون العاب فاشله وغيرها وغيرها ,,,


كانوا سؤوو ديزني لاند قطر

اقل ما فيها شيء مرتب وحلو وتكون شبه مصكره ,,,

واسعار رمزيه تكون للدولة ما نبي تكون لأفراد ويسلخون جلودنا



تهقون بصير عندنا دزني لاند قطر:omg:

[عاشق الشهادة]

سواء من مصر والا الكويت الالعاب متهالكه وقديمه

يعني شنو قطر لها الحجاله مثلاً !!

لو جانا شئ يجي بمستوانا مو شئ مستعمل وملعون خامس جده .. والناس لو تروح

ماعندها مكان اتروح له .. فغصب يبون يطلعون اعيالهم ويفرجونهم .. انا عن الاسعار

عن نفسي اشوفها معقوله بالنقاط اللي تكلمت عنها سابقاً ..

والصحفي يتكلم عن جزء من الناس وهذا رايهم مانقدر نحجبه .. نسمع كل الآراء بس ماننتقدها

لانها تمثل جزء من آرائهم بدون الحديث عن قيمة مايكتبون لان هالشئ غير لائق !



شكراً

[عاشق الشهادة]

اشكرك اخوي عاشق الشهادة عالافادة .. اقتراح

ليش ماتخلون الدخول بفلوس والالعاب مجانية..:telephone:

يعني الدخول ب 30-35 ريال والالعاب تكون مجانية ...




انا بحكم معرفتي وقربي من ادارة دريم بارك ابشرج اختي ستار وكل الاعضاء انه سوف يتم تخفيض اسعار دريم بارك عما قريب ان شاء الله وفيه مقترح مثل ماتفضلتي ان يكون الدخول والتمتع بجميع الالعاب بـ 30 ريال + دخول شخص أخر مجاناً :)

[صمت 1]

المفروض من وزارة البيئه بتجديد الحديقه وتطويرها للافضل

وبخصوص الالعاب انا من رايي يسحبون تصريح الشركه العابهم

جار عليها الزمن وغير آمنه ولا تستحق هذي الاسعار المبالغ فيها

سلملي على بوفهد ياعاشق

[عاشق الشهادة]

اوكي..اخوي عاشق..باقول لك..ولدي يموت على مضمار البطبطه..وهومضمار صغير..ويلف له 3 لفات والله ماتوصل 3 دقايق..يمكن اقل..والتذكره بخمسه؟؟هبابه لف..الا موقفينه ومنزلينه؟؟شتقول؟؟مهب غلاء..يعني ادفع عشان يلف كم لفه مالا يقل عن 30 ريال؟؟لو عل الاقل له خمس دقايق مقابل الخمس ريالات..
الاالعاب.مهتريه ومصديه....مهب جديده..واغلبيتها خطيرة على سن الاطفال تحت 10 سنين..الواجب تكون العاب بسعر 3 ريال للي بخمس .. وخمسه للي بعشر..هذا ينقال عنه سعر رمزي..
تدري كم دفعت..في ساعتين ونص..والله اكثر من 300 ريال؟؟لو موديتهم جنغل زون اوفر؟؟ولا فيلاجيو..بس احنا من باب انها شرحه..وبنطلع منها نتمشى ونمر الحيوانات والالعاب الرمليه..وترى مهب كل الناس اللي قلتهم راحوا للالعاب ..لا..كثيرهم قاعدين ع المسطحات الخضراء ويلفون ع الحيوانات ولا عند الاالعاب الرمليه..يعني مهب كل 6000 ومدري كم العبو؟؟




تدرين اختي بنت صقار من يوم تم افتتاح حديقة الحيوان من 30 سنه في قطر لم يوصل عدد الزوار الى هذا الرقم غير ايام الاعياد الي كان يوصل العدد باليوم الواحد من 10 الى 15 الف, والسبب انها المدينة الوحيدة للالعاب بقطر بالهواء الطلق ولاتنسين الجو هذه الايام جميل ومعتدل والاسعار المعتدله .

[الرايــق]

ليش هو رسوم الدخول على كم ؟

[عاشق الشهادة]

المفروض من وزارة البيئه بتجديد الحديقه وتطويرها للافضل

وبخصوص الالعاب انا من رايي يسحبون تصريح الشركه العابهم

جار عليها الزمن وغير آمنه ولا تستحق هذي الاسعار المبالغ فيها

سلملي على بوفهد ياعاشق




كيف الواحد يحدد ان هذه الالعاب آمنه او لا :telephone:

وسلامك وصل :)

[عاشق الشهادة]

ليش هو رسوم الدخول على كم ؟




الي اعرفه انه مافي رسوم على دخول دريم بارك :(

[بوحارب]

كل شي ارتفع سعره في البلاد :)

[STAR]

انا بحكم معرفتي وقربي من ادارة دريم بارك ابشرج اختي ستار وكل الاعضاء انه سوف يتم تخفيض اسعار دريم بارك عما قريب ان شاء الله وفيه مقترح مثل ماتفضلتي ان يكون الدخول والتمتع بجميع الالعاب بـ 30 ريال + دخول شخص أخر مجاناً :)

خبر ممتاااااااز ....

بخصوص دخول شخص آخر مجانا .. انا اقووول يكون الوالدين والخدم دخولهم مجانا ...

وشكرا على تواصلك.. واتمنى تطبيق المقترح بأسرع وقت ...:victory:

[ابو زيد]

انا بحكم معرفتي وقربي من ادارة دريم بارك ابشرج اختي ستار وكل الاعضاء انه سوف يتم تخفيض اسعار دريم بارك عما قريب ان شاء الله وفيه مقترح مثل ماتفضلتي ان يكون الدخول والتمتع بجميع الالعاب بـ 30 ريال + دخول شخص أخر مجاناً :)

السلام عليكم
اخي عاشق الشهادة
بداية شهر فبراير جانا اثنين (من الجنسية الهندية) يعملوا بالتسويق ومعهم عرض من دريم بارك , العرض انك تشتري كوبونات بقيمة (150) ريال وتروح الالعاب تأخذ خصم 50% على الالعاب والمطاعم وكاتبين ان بداية العرض في 15/2/2011م , مع عدم قناعتي المسبقة بمثل هاي العروض لكن تحت الضغط والمطالب الشعبية من العيال وام العيال وخوفا من ..... (انا فهمتهم) قمت وشريت الكوبون كون بداية العرض تتناسب مع اجازة العيال .
يوم 16/2/2011م رحنا الحديقة لكن للاسف قالوا تم تأجيل بداية العرض حتى 23/2 والله يا اخوان انها فشيلة ودخلت العيال ولعبوا دون الاستفادة من العرض وردينا البيت وقلت حق العيال بنرد مرة ثانية لسبوع الجاي وقمت كلمت ادارة الدريم بارك قبل لا اروح يوم 23/2 حسب الموعد الثاني والا يقولون لا تم تأجيل العرض لين 1/3/2011 قلت لهم انا شريت العرض حق الاجازة وانتم كاتبين على العرض 15/2 ما خذيت حق ولا باطل وانا اخوك وش رايك طال عمرك يعني شريت العرض ورحت ودفعت وما استفدت شي .
انت تدري العيال ما يعذرون وعندي اربع اعيال الله يخلهم ويخلي اعيالكم . وسلامتكم

[عاشق الشهادة]

السلام عليكم
اخي عاشق الشهادة
بداية شهر فبراير جانا اثنين (من الجنسية الهندية) يعملوا بالتسويق ومعهم عرض من دريم بارك , العرض انك تشتري كوبونات بقيمة (150) ريال وتروح الالعاب تأخذ خصم 50% على الالعاب والمطاعم وكاتبين ان بداية العرض في 15/2/2011م , مع عدم قناعتي المسبقة بمثل هاي العروض لكن تحت الضغط والمطالب الشعبية من العيال وام العيال وخوفا من ..... (انا فهمتهم) قمت وشريت الكوبون كون بداية العرض تتناسب مع اجازة العيال .
يوم 16/2/2011م رحنا الحديقة لكن للاسف قالوا تم تأجيل بداية العرض حتى 23/2 والله يا اخوان انها فشيلة ودخلت العيال ولعبوا دون الاستفادة من العرض وردينا البيت وقلت حق العيال بنرد مرة ثانية لسبوع الجاي وقمت كلمت ادارة الدريم بارك قبل لا اروح يوم 23/2 حسب الموعد الثاني والا يقولون لا تم تأجيل العرض لين 1/3/2011 قلت لهم انا شريت العرض حق الاجازة وانتم كاتبين على العرض 15/2 ما خذيت حق ولا باطل وانا اخوك وش رايك طال عمرك يعني شريت العرض ورحت ودفعت وما استفدت شي .
انت تدري العيال ما يعذرون وعندي اربع اعيال الله يخلهم ويخلي اعيالكم . وسلامتكم




ابوزيد طرش لي رقمك ولا تزعل لك دفتر تذاكر كامل vip وتقدر تلعب الاعيال الله يحفظهم في اي وقت وعلى مدار السنة,
بس بشرط تعطيني الكوبونات الي شريتها ولا استفدت منه :)

[عاشق الشهادة]

خبر ممتاااااااز ....

بخصوص دخول شخص آخر مجانا .. انا اقووول يكون الوالدين والخدم دخولهم مجانا ...

وشكرا على تواصلك.. واتمنى تطبيق المقترح بأسرع وقت ...:victory:




لا شكر على واجب ويوم اول أمس وصلت العاب جديدة ومنها قطار معلق ( اتقولين مترو)المشكلة اختي ان مساحة دريم بارك لا تكفي لكل هذه الالعاب ,
وعلى حسب علمي ان حديقة الوكرة تم تطويرها وتحديثها من قبل ادارة دريم بارك وسوف تذهب اغلب الالعاب الجديدة الى هناك

[STAR]

لا شكر على واجب ويوم اول أمس وصلت العاب جديدة ومنها قطار معلق ( اتقولين مترو)المشكلة اختي ان مساحة دريم بارك لا تكفي لكل هذه الالعاب ,
وعلى حسب علمي ان حديقة الوكرة تم تطويرها وتحديثها من قبل ادارة دريم بارك وسوف تذهب اغلب الالعاب الجديدة الى هناك

حديقة الوكرة ... والله اياااام:weeping:


بس زين فكروا يودون بعض الالعاب للحديقة...اتمنى ترجع الحديقة مثل ايام قبل مع العابها اللي خذوها حق علاء الدين...

اي صج الالعاب اللي كانت في علاء الدين وين راحت؟؟!!

[ALHAJAJI]

الالعاب اللي فيها هم اللي كانوا في مملكة علا الدين والمصباح السحري ... وااكثرهم مصديين ومقطنين من سنين طويلة , واخرتها حديقة الحيوان عشان العمال يستانسون فيها ...

[خزامئ]

ويش الجديد
هاذ الي يحصل
كل يوم

[STAR]

ويش الجديد
هاذ الي يحصل
كل يوم

ان شاء الله نشوف تطور في الاسعار والالعاب الى الافضل

[الشقيان]

ان شاء الله نشوف تطور في الاسعار والالعاب الى الافضل

ان شاءلله :)