بعد 10 أشهر يتم رفض توظيفي..10 أشهر!!

[دانـة قطـر]

السلام عليكم ورحمة الله وبركاته

االاسم: دانة قطر
الجنسية: بنت البلد ما فيها شك
المؤهلات: جامعية 2007

من 10 شهور تم عمل مقابله معي في إحدى المؤسسات الحكومية وبعدها بأسبوعين تم الاتصال بي لأبلاغي بالموافقه بالعمل لديهم ولكن انتظري قليلاً حتى يتم رفع طلب التوظيف للتوقيع عليه

لكم أن تتخيلوا بعد سنوات العطاله والبطاله الفرحه العارمة بأني وجدت أخيراً عملاً بدون واسطة سوى وساطة رب العالمين

ولا ننسى فرحة الأهل كذلك فهي مهمه جداً

جاء رمضان وجاء عيد الفطر وجاء عيد الأضحى وجاء اليوم الوطني يعني مرت فصول السنه من صيف وخريف وشتاء وربيع ولم يتم التكرم بتوقيع توظيفي

طبعاً خلال هذا كله كنت أجري اتصالي مع المدير المفترض أني سأعمل في إدارته فكان يقول انتظري شهر وبعدها يقول انتظري شهرين حتى طفح الكيل فيني وسألته :

هل صحيح لا يوجد توظيف هذه السنه؟!

شعر الرجل بخجل وقال للأسف وصلنا تعميم أنه لا يوجد توظيف هذه السنه..ولكن يوجد استثناء

إذا لماذا لم تقدمها طوال ال10 أشهر الماضية؟

قال أن هذه حركة متعمده يريدون توظيف أجانب بدلاً منكم لا عمل لهم سوى أكل المكسرات والجات

من حقك أختي أن تطالبي بتعويض فترة انتظارك طوال هذه الأشهر<<< بيرقعها يعني

10 شهوووووور وقبلها 4 سنين :weeping:

ما أقول إلا حسبي الله ونعم الوكيل وربي ياخذ بحقي منهم :(

[R 7 A L]

عاد انتي قدمي على أكثر من مكان لاتعتمدين على مكان واحد

[انتر ميلان]

ان شاءالله خيرة لج

وعسى أن تكرهوا شيئا وهو خيرا لكم

[غير البشر]

الاحول ولاقوه الابالله
الله يعينج اختي دانه ويوفقج بشغله احسن منها

وهذا ردي لكل موضوع ادري يزعل ناس كثيره لكن صدقوني للأسف هذا الواقع :(





معظم المسؤولين القطريين جبناء وكذابين
لاحد يزعل والله ان هذا الصج
تكون عنده ويعطيك كلام معسول وابشر وولدنا وتقطير وندعم القطريين
ومن تحت لين تحت هو نفسه يوقف الموضوع

لاحظي مسوؤلينا الافاضل
اذا طلبتي شي من حقج في الشغل لازم يسوي سالفه او يعطل الموضوع او القانون مايسمح ( مقصه للي مايعرف القانون )

[دانـة قطـر]

عاد انتي قدمي على أكثر من مكان لاتعتمدين على مكان واحد


بس الموافقه ما جاتني إلا منهم هم وبس محد دق علي غيرهم :(
يعني 10 شهور ما قدمت في أي مكان للأسف لأني خلاص خذت الموافقه بالعمل

[سحـابة خيـر]

ان شاء الله خيره لج ,, والله يـرزقج باحسن من المكان الي قدمتي عليه,,

قـدمي المره اليايه باكثر من جهه عمـل ولاتوقفين على مكان واحـد وتنتـظرين ,,

تضيعيـن نفسج ووقتـج ,,

محد يعرف وين رزقه,,

[الصريحه]

فيه ناس مثلك كثيرين عشموهم وتراجعوا
تلاقين وظفوا حد غيرك بالواسطه
وشالوج ترى تصير وايد
الله يوفقك

[دانـة قطـر]

ان شاءالله خيرة لج

وعسى أن تكرهوا شيئا وهو خيرا لكم


إن شاء الله
ربي أجرني في مصيبتي واخلفني خيراً منها :weeping:

[khalid Qtr]

لا حول ولا قوة الا بالله

بصراحة من حقج تشتكين ولكن من يسمع للشكوى !

[دانـة قطـر]

الاحول ولاقوه الابالله
الله يعينج اختي دانه ويوفقج بشغله احسن منها

وهذا ردي لكل موضوع ادري يزعل ناس كثيره لكن صدقوني للأسف هذا الواقع :(




امبيـه امبيـه:omg:

نفس كلامه والله :eek5:

[الأصيلة]

جربتي أختي ورحتي برج برزان وقدمتي عند الأخت ملاك الهاجري
عشان تشوف لج الوظيفة اللي تناسبج
صراحة اللي في البرج كلهم يحاولون المساعدة وبنفس طيبة
والكل يخدم القطري والقطرية ويتمنونه ويقدمونه على غيره
وفيه فرص عمل كثيرة...

[ام خليفة]

الله يعينج اختي


انا بعد صار لي نفس الموقف عطوني الموافقه من اول اسبوع بس الفرق اني انتظرت سنه ونص وكل مره اراجعهم يقولون ننتظر الاعتماد النهائي ولي اليوم ماشفنا شي

وغير الاماكن الثانيه بعد ، المشكله انهم يقولون لج مبروك مقدما يخلونج تفرحين :weeping: وتنتظرين ويروح الوقت في الانتظار لاهم وظفونا ولاخلونا نشوف لنا مكان ثاني !!

[غير البشر]

امبيـه امبيـه:omg:

نفس كلامه والله :eek5:


والله اني اكتب هالكلام واشعر باالحسف على اعيال ومسئولين بلادي
لان ها لشي عايشه انا من زمان والكثير من معارفي ولازم نتلكم بصراحه وانقول الصراحه بدون مجاملات

[دانـة قطـر]

ان شاء الله خيره لج ,, والله يـرزقج باحسن من المكان الي قدمتي عليه,,

قـدمي المره اليايه باكثر من جهه عمـل ولاتوقفين على مكان واحـد وتنتـظرين ,,

تضيعيـن نفسج ووقتـج ,,

محد يعرف وين رزقه,,


المشكلة شنهي ألحين؟
يقولون أنتي من زماااان متخرجه يعني شهادتي قديمة :(

[غير البشر]

جربتي أختي ورحتي برج برزان وقدمتي عند الأخت ملاك الهاجري
عشان تشوف لج الوظيفة اللي تناسبج
صراحة اللي في البرج كلهم يحاولون المساعدة وبنفس طيبة
والكل يخدم القطري والقطرية ويتمنونه ويقدمونه على غيره
وفيه فرص عمل كثيرة...

في فرص كثيره صحيح كلامج لكن صدقيني صعبه نصيدها



اتمنى ان كلامي مايحبطكم
بالعكس تفائلو بالخير تجدوه وعليكم بالسعي والدعاء والاستخاره

[دانـة قطـر]

فيه ناس مثلك كثيرين عشموهم وتراجعوا
تلاقين وظفوا حد غيرك بالواسطه
وشالوج ترى تصير وايد
الله يوفقك


ليتج تعرفين أساميهم وجناسيهم.. بس شو فيه خيتو :(

[لاجئ عاطفي]

ارفعي عليهم قضية في المحكمه الادارية

[دانـة قطـر]

لا حول ولا قوة الا بالله

بصراحة من حقج تشتكين ولكن من يسمع للشكوى !


أشتكيت عند رب العالمين وهو قادر أنه ياخذ بحقي منهم

[م. عبدالعزيز]

لا تكثر الشكوى فيأتيك الهم .. ولكن أكثر الشكر فيأتيك الثناء

[دانـة قطـر]

جربتي أختي ورحتي برج برزان وقدمتي عند الأخت ملاك الهاجري
عشان تشوف لج الوظيفة اللي تناسبج
صراحة اللي في البرج كلهم يحاولون المساعدة وبنفس طيبة
والكل يخدم القطري والقطرية ويتمنونه ويقدمونه على غيره
وفيه فرص عمل كثيرة...


أختي رحت لبرزان مثل ما ذكرت لج قبل وقالوا خلاااص ملفج يغلق لأني رفضت العمل فالمدارس المستقله وانه اللي عليهم سووه
نفس طيبة كثري منها لأني ما شفت هالنفس الطيبة أثناء تجولي فالبرج

[بنت البدر 77]

وانا اعرف خريجات شريعه وخريجات كيماء وتخصصات علميه وللحين ماتوظفوا

الله المستعان

[دانـة قطـر]

الله يعينج اختي


انا بعد صار لي نفس الموقف عطوني الموافقه من اول اسبوع بس الفرق اني انتظرت سنه ونص وكل مره اراجعهم يقولون ننتظر الاعتماد النهائي ولي اليوم ماشفنا شي

وغير الاماكن الثانيه بعد ، المشكله انهم يقولون لج مبروك مقدما يخلونج تفرحين :weeping: وتنتظرين ويروح الوقت في الانتظار لاهم وظفونا ولاخلونا نشوف لنا مكان ثاني !!


زين ليييش؟
حد قال لهم أنهم بيدفعون رواتبنا من جيوبهم؟ :(
صبر جميل والله المستعان

[لاجئ عاطفي]

في جريدتي الشرق والوطن اليوم جهتين عارضين وظائف كثيره شوفي الاعلانات يمكن يكون لج نصيب فيها

[غير البشر]

في جريدتي الشرق والوطن اليوم جهتين عارضين وظائف كثيره شوفي الاعلانات يمكن يكون لج نصيب فيها


دعايه للتقطير فقط :)

[دانـة قطـر]

والله اني اكتب هالكلام واشعر باالحسف على اعيال ومسئولين بلادي
لان ها لشي عايشه انا من زمان والكثير من معارفي ولازم نتلكم بصراحه وانقول الصراحه بدون مجاملات


تدري أنهم من رواد المنتدى..خل يقرون يمكن يستحون ولا يخافون من الله

[N7eEeS]

أختي رحت لبرزان مثل ما ذكرت لج قبل وقالوا خلاااص ملفج يغلق لأني رفضت العمل فالمدارس المستقله وانه اللي عليهم سووه
نفس طيبة كثري منها لأني ما شفت هالنفس الطيبة أثناء تجولي فالبرج

الله يفرجها عليج.
بس عندي سؤال اختي انتي صار لج 5 سنوات وماحصلتي شغل ليش رافضه الشغل في مدرسه مستقله ؟
وسؤال ثاني ايش تخصصج.

[دانـة قطـر]

ارفعي عليهم قضية في المحكمه الادارية


قول غيرها يا رجل :rolleyes2:

[بوخالد911]

هلا دانة


الله يعوضج خير

وين قدمتي وجاء منهم هالرفض؟

تحياتي

[موضي قطر]

صباخ الخير اختي دانة


والله العظيم قريت موضوعك ضحكت تذكرت وحده عندنا في الدوام صار لها نفس قصتك المهم بعد ماتعذروا منها وانه مافيه توظيف عمها لقى واحد له كلمته وظفها عندنا وعلى فكره كانت جهة عملي هي نفسها اللي تعذرت منها :(

ماتدرين لعله خير كثري من الإستغفار والله يرزقك بواسطته سبحانه بلا منه إن شاء الله

[دانـة قطـر]

لا تكثر الشكوى فيأتيك الهم .. ولكن أكثر الشكر فيأتيك الثناء

والنعم بالله
بس الساكت عن الحق شيطان أخرس

[بو خليفه 123]

مافي شي اسمه الله يعوضك خير و روحي بيتكم و تلكوتي على عمرك و اسكتي و قولي قدر الله و ما شاء فعل .. ونعم بالله و لكن الى متى و نحن ملثمون عن الحق ؟

الدستور القطري يضمن لك الوظيفه والمعيشه الكريمه فـ انتي لا تطالبين بشيء غير القانون او ضده .

أنا اقول طالبي بالتعويض و اذا هذا المدير ماعرف يحل لك مشكلتك وصليها للمنصب الي اعلى منه . و من طلبات التعويض طالبي يا اما بتوفير وظيفه لك بالوزاره او اعطائك خطاب رسمي من هذه الوزاره تزكيك و ترشحك لحصول وظيفه في احدى الوزارات او الهيئات الاخرى .


فالك التوفيق

[..الاميرة..]

دندونه ولا يهمج فيه غيرها ألف وظيفه وعساها خيره لج الواحد مايدري وين نصيبه ..

قدمي في عندج الهيئات والوزارات ومؤسسات حكومية وبنوك وشركات خاصه ..

يعني عندج الفرص كثييره ولا تيئسين من شئ ..

[دانـة قطـر]

وانا اعرف خريجات شريعه وخريجات كيماء وتخصصات علميه وللحين ماتوظفوا

الله المستعان


الله يكون في عونهم ويرزقهم :(

[دانـة قطـر]

في جريدتي الشرق والوطن اليوم جهتين عارضين وظائف كثيره شوفي الاعلانات يمكن يكون لج نصيب فيها


جاري تحميل الجريدتين
جزاك الله خير

[دانـة قطـر]

الله يفرجها عليج.
بس عندي سؤال اختي انتي صار لج 5 سنوات وماحصلتي شغل ليش رافضه الشغل في مدرسه مستقله ؟
وسؤال ثاني ايش تخصصج.


شسمه بصراحه أنا قشره مع اليهال وما أحب اتعامل معامهم
عيالنا أطقهم بس عيال الناس كييييييف :shy:

تخصصي علم معلومات ومكتبات :(

[دانـة قطـر]

هلا دانة


الله يعوضج خير

وين قدمتي وجاء منهم هالرفض؟

تحياتي




تم الرد عالخاص
ودي أقول جهة العمل عشان يتسنعون :anger1:<<< قوليها عشان تسنعين أنتي :tease:

[حـ ن ـيـ ن]

لا تحزني ...

كوني متأكدة أن هناك ماهو افضل من هذه الوظيفة بانتظارك....

[دانـة قطـر]

صباخ الخير اختي دانة

والله العظيم قريت موضوعك ضحكت تذكرت وحده عندنا في الدوام صار لها نفس قصتك المهم بعد ماتعذروا منها وانه مافيه توظيف عمها لقى واحد له كلمته وظفها عندنا وعلى فكره كانت جهة عملي هي نفسها اللي تعذرت منها :(

ماتدرين لعله خير كثري من الإستغفار والله يرزقك بواسطته سبحانه بلا منه إن شاء الله


صباح النور موضي
أمر مضحك مبكي للأسف
أنا خلاص كرهت هالشغله والله طلعت من خااااااطري وكبدي تلوع علي إذا مريت جنب مبناهم :(

[شيط ويط]

الله يكون في العون

[noor-huda]

الزمي ذكر الله وحسن الظن به ولابد انه لن يخزيك فانه الكريم سبحانه

ودعيني اهمس بإذنك " الزمي قول اللهم اني اعوذ بك من الهم والحزن والعجز والكسل وضلع الدين وغلبة الرجال ،"

وانا لله وانا اليه راجعون اللهم اجرني في مصيبتي هذه واخلف لي خيرا منها

[N7eEeS]

شسمه بصراحه أنا قشره مع اليهال وما أحب اتعامل معامهم
عيالنا أطقهم بس عيال الناس كييييييف :shy:

تخصصي علم معلومات ومكتبات :(

تقبلي راي اخوج بصدر رحب.

يعني انتي ضيعتي 5 سنوات من عمرج وانتي قاعده في البيت لسبب انا اشوفه عادي كان بمقدورج اتوظفين في مدرسة مستقله واتجربين.
جربي احسبي رواتب 5 سنوات شوفي كم ضيعتي على نفسج!( فوق النص مليون ريال قطري) وكم ضيعتي على نفسج من معرفه وتطوير وتكوين علاقات اجتماعيه.
اما اني اقعد 5 سنوات واقول محد وظفني.
اذا كل واحد او وحده يتخصص في تخصصات مجال العمل فيها معروف وعقب مايتخرج يجي ويقول انا مابي اشتغل في مدرسه كان محد اشتغل!!
الله يفرجها عليج هذا كل اللي اقدر اقوله.
ونصيحه لكل اب وام انتبهوا لتخصصان ابنائكم ولا ادورون السهل لهم!! وشوفوا ايش المطلوب في سوق العمل والدراسه هي الدراسه والعمر واحد.

[دانـة قطـر]

مافي شي اسمه الله يعوضك خير و روحي بيتكم و تلكوتي على عمرك و اسكتي و قولي قدر الله و ما شاء فعل .. ونعم بالله و لكن الى متى و نحن ملثمون عن الحق ؟
الدستور القطري يضمن لك الوظيفه والمعيشه الكريمه فـ انتي لا تطالبين بشيء غير القانون او ضده .

أنا اقول طالبي بالتعويض و اذا هذا المدير ماعرف يحل لك مشكلتك وصليها للمنصب الي اعلى منه . و من طلبات التعويض طالبي يا اما بتوفير وظيفه لك بالوزاره او اعطائك خطاب رسمي من هذه الوزاره تزكيك و ترشحك لحصول وظيفه في احدى الوزارات او الهيئات الاخرى .

فالك التوفيق


بو خليفة كلامك واايد حلو :eek2:
وش رايك ترفس الباب عليهم وتسمعهم هالكلام :thumbup:
جد والله كلامك مقنع على الأقل يعطوني توصيه :(

[بو خليفه 123]

بو خليفة كلامك واايد حلو :eek2:
وش رايك ترفس الباب عليهم وتسمعهم هالكلام :thumbup:
جد والله كلامك مقنع على الأقل يعطوني توصيه :(


مافي شي اسمه "القوه" اختي الدوله يحكمها قانون و اتمنى استخدام الحكمه والمشوره من الناس الخبراء بالحياه سواءً من أسرتك الكريمه او اخوانك الكبار .

اتخذي قرار الحل السريع بدلاً من كتابة الموضوع في المنتديات حتى "لا يبرد" الموضوع

[تركي محمد]

عندي تحفظ في بعض الاشيا

التوظيف عادة في الجهات الحكومية ... طريقتين

اما يكون توظيف مباشر - وهذي تكون بالمعرفة الشخصية

يعني مدير ادارة يطلب شخص بالاسم .
فيتم التوظيف بدون لجنة شؤون موظفين وهي الطريقة السريعة

اما الخطوات الطبيعية

اول شئ يشوفون احتياجات الجهة بالنسبة للتوظيف

بعدها يحاولون يجيبون اكبر عدد يقابلونهم .. ويتم الفرز و يطلعون الافضل منهم

بعدها تكون في موافقة مبدئية ... وحطوا خطين تحت كلمة موافقة مبدئية

تكون هذي الموافقة مرفوعة من لجنة المقابلات الى لجنة شؤون الموظفين

الموافقة الثانية تكون من لجنة شؤون الموظفين وهذي هي المهمة

في بعض الاوقات اللجنة هذي ماتم اجتماعاتها لظروف اجازات اعضاء البعض منهم
او يكون عندهم تحفظ للموضوع والنظر فيه لاحقا حسب الاحتياجات الحالية

وهذا اللي يتسبب في تاخير الرد علىيكم

المشكلة ان الي يقدم الطلب لمه يقولون له موافقة مبدئية ...... يظن انه خلاص تعين !!
او يكون خطأ من الي قاله انه موافقين عليك . وهو يقصد الموافقة الاولية طبعا مب النهائية

هذا اللي حبيت اوضحة لان هذا جزء من مجال عملي : )

[لافوشيا]

السلام عليكم ورحمة الله وبركاته

االاسم: دانة قطر
الجنسية: بنت البلد ما فيها شك
المؤهلات: جامعية 2007

من 10 شهور تم عمل مقابله معي في إحدى المؤسسات الحكومية وبعدها بأسبوعين تم الاتصال بي لأبلاغي بالموافقه بالعمل لديهم ولكن انتظري قليلاً حتى يتم رفع طلب التوظيف للتوقيع عليه

لكم أن تتخيلوا بعد سنوات العطاله والبطاله الفرحه العارمة بأني وجدت أخيراً عملاً بدون واسطة سوى وساطة رب العالمين

ولا ننسى فرحة الأهل كذلك فهي مهمه جداً

جاء رمضان وجاء عيد الفطر وجاء عيد الأضحى وجاء اليوم الوطني يعني مرت فصول السنه من صيف وخريف وشتاء وربيع ولم يتم التكرم بتوقيع توظيفي

طبعاً خلال هذا كله كنت أجري اتصالي مع المدير المفترض أني سأعمل في إدارته فكان يقول انتظري شهر وبعدها يقول انتظري شهرين حتى طفح الكيل فيني وسألته :

هل صحيح لا يوجد توظيف هذه السنه؟!

شعر الرجل بخجل وقال للأسف وصلنا تعميم أنه لا يوجد توظيف هذه السنه..ولكن يوجد استثناء

إذا لماذا لم تقدمها طوال ال10 أشهر الماضية؟

قال أن هذه حركة متعمده يريدون توظيف أجانب بدلاً منكم لا عمل لهم سوى أكل المكسرات والجات

من حقك أختي أن تطالبي بتعويض فترة انتظارك طوال هذه الأشهر<<< بيرقعها يعني

10 شهوووووور وقبلها 4 سنين :weeping:

ما أقول إلا حسبي الله ونعم الوكيل وربي ياخذ بحقي منهم :(





أختي المده الي تأخرو عليج فيها في الرد ترى طبيعيه تدرين ليش؟ لان عندنا فالشركه نفس الشي يردون على مقدمين الوظايف في مده اقلها سنتين واحيانا ثلاث سنين ترى يعتمد على جهه العمل وخصوصا ن كانت شركه اجنبيه انتيرناشونال

[حمد بن سعد]

ما أقول إلا حسبي الله ونعم الوكيل وربي ياخذ بحقي منهم




تكفي وتوفي

[أخت الغالي]

لوتعرفين سالفتي مع دوامي السابق شراح تقولين محق ادارة ومسوؤلين الحمدلله استقلت خيرة

أصبري والله يفتحها علييج يارب ..

القهر لوشهادج ثانويه قالوا جامعيات ولجامعيه قالوا نبي ثانويه واذا اجتمع الاثنين يبون خبرة
والحين طالعين بسالفه الشهاده قديمه نعيد السنه مثلا !!!

شالحل الله أعلم ...[/quote]

[ALHAJAJI]

الله يوفقكم وتحصلين الوظيفة اللي تطيب الخاطر وتشرح الصدر وتعينكم على مصاعب الحياة

[القحطاني505]

الله يعينش قدمّي على أماكن ثانية

بس القهر ذولاء الأجانب اللي مخاشرينا في عيشتنا

[ام السعف]

تقبلي راي اخوج بصدر رحب.

يعني انتي ضيعتي 5 سنوات من عمرج وانتي قاعده في البيت لسبب انا اشوفه عادي كان بمقدورج اتوظفين في مدرسة مستقله واتجربين.
جربي احسبي رواتب 5 سنوات شوفي كم ضيعتي على نفسج!( فوق النص مليون ريال قطري) وكم ضيعتي على نفسج من معرفه وتطوير وتكوين علاقات اجتماعيه.
اما اني اقعد 5 سنوات واقول محد وظفني.
اذا كل واحد او وحده يتخصص في تخصصات مجال العمل فيها معروف وعقب مايتخرج يجي ويقول انا مابي اشتغل في مدرسه كان محد اشتغل!!
الله يفرجها عليج هذا كل اللي اقدر اقوله.
ونصيحه لكل اب وام انتبهوا لتخصصان ابنائكم ولا ادورون السهل لهم!! وشوفوا ايش المطلوب في سوق العمل والدراسه هي الدراسه والعمر واحد.

اتفق مع اخونا نحيس ،، طبعا الكلام بيكون للي بعدهم متخرجين وما لقوا لهم شغلة،،
الواحد يرضى بالموجود ،، ترى الخبرة تكتسب عن طريق الاحتكاك بالناس والتعامل
معاهم ،،

اما ردي لدانة هو الله يكون في عونج علها خيرة ولا ينفع البكاء
على اللبن المسكوب،، ربنا كريم وابواب رزقه وسيعة وعديدة ،، لا تيئسين
وشدي الهمة وادعي ربنا انه يوفقج للي هو اخير لج ،،

امج العودة ام السعف:shy:

[abn qatar]

الله يعينج ويوفقج انا اتسائل وين المعرض المهني ايش عمل ماهي الوظائف اللي تم شغرها

كم عدد المتوظفين ضمن المعرض المهني

[نورالهدى]

الله يعوض عليكي ويرزقك من حيث لاتعلمين
ويفتح لكي باب الرزق من أوسع أبوابه
اللهم آمين

[jeep-srt8]

بالظبط ..قدمي في كل مكان تقدرين عليه واي مكان يصير فيه النصيب وتشتغلين وخلاص يوصلك اول رابت مايهمك من يتصل بعدين هههههههههههههههههههه يعني اتوقع المشكلة انك سكتي انه خلاص اخذتي كلمه منه وبصراحة لاهو غلطك ولاغلطه يعني المفروض هو بعد من الاول يقولك على هالتعميم بس

نقولك

لعله خير ..وان الله مع الصابرين

[دانـة قطـر]

صبحكم الله بالخير
يسمحون لي أخواني وخواتي الطيبين بتجاوز ردودهم للرد على الأخوة والأخوات الأشرار :waiting:

[ام السعف]

صبحكم الله بالخير
يسمحون لي أخواني وخواتي الطيبين بتجاوز ردودهم للرد على الأخوة والأخوات الأشرار :waiting:

صباح الخير من بدري :shy:

[36R]

لسلام عليكم ورحمة الله وبركاته
أختي ممكن الآتي
مؤهلاتج
تخصصج
ترضين بعمل مختلط

[دانـة قطـر]

الشرير الأول "نحيس"


تقبلي راي اخوج بصدر رحب.

يعني انتي ضيعتي 5 سنوات من عمرج وانتي قاعده في البيت لسبب انا اشوفه عادي كان بمقدورج اتوظفين في مدرسة مستقله واتجربين.
جربي احسبي رواتب 5 سنوات شوفي كم ضيعتي على نفسج!( فوق النص مليون ريال قطري) وكم ضيعتي على نفسج من معرفه وتطوير وتكوين علاقات اجتماعيه.
اما اني اقعد 5 سنوات واقول محد وظفني.
اذا كل واحد او وحده يتخصص في تخصصات مجال العمل فيها معروف وعقب مايتخرج يجي ويقول انا مابي اشتغل في مدرسه كان محد اشتغل!!
الله يفرجها عليج هذا كل اللي اقدر اقوله.
ونصيحه لكل اب وام انتبهوا لتخصصان ابنائكم ولا ادورون السهل لهم!! وشوفوا ايش المطلوب في سوق العمل والدراسه هي الدراسه والعمر واحد.


أخوي ما لاحظت لما قلت لك أن تخصصي "علم معلومات ومكتبات"
أنت شفت كلمة مكتبات فقط وتجاهلت علم معلومات :rolleyes:
أنت وكثير غيرك لاحظت وصادفت يظن أن تخصصي حكر على مدارس فقط
لذلك أود أن اصحح لك هالفكره
أخوي نحيس جهة عملك ما فيها مكتبة؟ ما فيها موارد بشرية؟ ما فيها شؤون إدارية؟
زميلاتي اللي تخرجوا معي ونفس تخصصي اشتغلوا فالنيابة العامة والداخلية والعدل ووزارة المالية ووزارة الأوقاف وغيرها من الجهات ومحد قال لهم روحوا للمدراس

شغله ثانية أنا حابه تخصصي ومو من النوع اللي اسم أني أخذ حي الله شهادة والسلام
وهو فعلاً مطلوب في سوق العمل

[دانـة قطـر]

صباح الخير من بدري :shy:


صباح الخيرات والليرات
أم السعف صفي مع نحيس يالشريرة :shy:

[ام السعف]

صباح الخيرات والليرات
أم السعف صفي مع نحيس يالشريرة :shy:


شوفي ،،
عني لو تشتغلين امينة مكتبة لو تشتغلين كاشير في البنك ولا تقعدين في البيت
الشغل والاحتكاك بالناس بحد ذاته يمنحونج خبرة في التعامل مع الناس
وتكتسبين افكار وطرق يديدة في التفكير ،،

فمن جذيه وافقته على رايه ،،:shy:

[بوخالد911]

الله يوووفق

[دانـة قطـر]

الشرير الثاني "تركي محمد"


عندي تحفظ في بعض الاشيا

التوظيف عادة في الجهات الحكومية ... طريقتين

اما يكون توظيف مباشر - وهذي تكون بالمعرفة الشخصية

يعني مدير ادارة يطلب شخص بالاسم .
فيتم التوظيف بدون لجنة شؤون موظفين وهي الطريقة السريعة

اما الخطوات الطبيعية

اول شئ يشوفون احتياجات الجهة بالنسبة للتوظيف

بعدها يحاولون يجيبون اكبر عدد يقابلونهم .. ويتم الفرز و يطلعون الافضل منهم

بعدها تكون في موافقة مبدئية ... وحطوا خطين تحت كلمة موافقة مبدئية

تكون هذي الموافقة مرفوعة من لجنة المقابلات الى لجنة شؤون الموظفين

الموافقة الثانية تكون من لجنة شؤون الموظفين وهذي هي المهمة

في بعض الاوقات اللجنة هذي ماتم اجتماعاتها لظروف اجازات اعضاء البعض منهم
او يكون عندهم تحفظ للموضوع والنظر فيه لاحقا حسب الاحتياجات الحالية

وهذا اللي يتسبب في تاخير الرد علىيكم

المشكلة ان الي يقدم الطلب لمه يقولون له موافقة مبدئية ...... يظن انه خلاص تعين !!
او يكون خطأ من الي قاله انه موافقين عليك . وهو يقصد الموافقة الاولية طبعا مب النهائية

هذا اللي حبيت اوضحة لان هذا جزء من مجال عملي : )


اللي صار معاي أنه تمت المقابلة مع مدير الإدارة و2 يعملون تحت إدارته
ووضح لي النقص اللي عنده في إدارته
وأعتقد أنك عارف الجهة أكثر مني يا بو محمد :)

[دانـة قطـر]

أختي المده الي تأخرو عليج فيها في الرد ترى طبيعيه تدرين ليش؟ لان عندنا فالشركه نفس الشي يردون على مقدمين الوظايف في مده اقلها سنتين واحيانا ثلاث سنين ترى يعتمد على جهه العمل وخصوصا ن كانت شركه اجنبيه انتيرناشونال


هلا لافوشيا
أختي أنا جهة حكومية مو شركة
بعدين شلون يعشمون الواحد ويكلمونه ويقولون له مبروك تمت الموافقه عليك بس انتظر أسبوع وهالأسبوع يتحول لـ 10 شهور !! وأخرتها ما فيه توظيف هالسنه!!
زين كان من الأول يقولون يخلون الواحد يشوف طريقه وحالته في مكان ثاني

[لمعة الالماس]

في ذمتهم. ليش المسؤولين بالتوظيف ما عندهم ذمه وضمير ؟؟

أنا نفس حالتج علقوني سنه وكل ما نتواصل معاهم قالوا قريب انطروا لين اخر شي قالوا اكتفاء :( ما اقول الا حسبي الله ونعم الوكيل والله ياخذ حقنا من اللي يصير

[cavok]

حسبي اللة ونعم الوكيل

[%حورية قطر%]

دانه نفس اللي صار معاج صار معااي وافقوا علي وكل شي
وتحدد المسمى الوظيفي ومن هو بيكووون مسؤولي
وفي الاخير جاااااا الرفض من فوووووووووق
لكن ماقول غير حسبي الله ونعم الوكيل

[ام خليفة]

:swoon:

دانه قطر
حزينه
لمعه الالماس
حوريه قطر
وانا :rolleyes:

كلنا مب لاقيين وظايف ويقولون مافي بطاله :rolleyes2:

[قطرية فذة]

اذا جاتك وظيفه اقبلي

بمثل ماقال اخونا نحيس

شيئ احسن من ولا شيئ

اذا انتي عندك خيارات مسهله

في ناس قعدوا في بيوتهم 7 سنوات لما حصلوا شغل

وليتهم حصلوا اللي يبونه اقبلوا بالقليل

الحمد لله على كل حال

والوقت يايمه مو مثل قبل

والمرتاح ماراح يفكر بمعاناتك

لذلك اقبضي ارضك واقبلي بالموجود حتى توصلين للي تبينة

يسر الله امورك

[المرحب]

ما أقول إلا حسبي الله ونعم الوكيل وربي ياخذ بحقي منهم

تكفيــك هالجمله

وربي يوفقك ويرزقك من حيث لا تحتسبي