ياترى شنو تعلمت من الحياة؟

[فراشة ناعمة]

دش عليهم البيت غانم وهو معصب حده..فتح باب الصالة بقو وحصلهم يسولفون ويضحكون والتلفزيون شغال....

ام غانم(كانت تكلم بالتليفون):اكلمج عقب شوي..مع السلامة..بسم الله الرحمن الرحيم..اشفيك؟؟
غانم(خذ الريموت وبند التلفزيون)

حصة:هااااي اشفيك قاعدين نطالع ..ليش تسكه؟؟
غانم:سكتوا عني ترى واصله عندي لين هني(يأشر على خشمه) :anger1:
ام غانم:اي اشفيك ماتحجى..ايش صاير؟؟
غانم:سيف ولد مبارك..
ام غانم:اشفيه؟؟
غانم:انتوا تدرون اني كلش ولاعمري بحياتي قصرت معاه بشي..كل شي بغاه مني عطيته..من ايام الجامعة..كان يطلب مني محاضراتي عطيته..كان يقولي تكفى ياغانم درسني هذا ماني فاهمه ..درسته وعلمته..يوم توظفت جاني وقالي غانم توسط لي عند مدريكم يشغلني..قلت مايخالف آخذ فيه أجر وتوسطت له عند المدير وكلها اسبوع وتوظف عندنا..جاني عقب قالي غانم انا بتزوج وابي سيارة رفجيك ابي اكشخ فيها ليلة عرسي..قلت ماعليه..هذا رفيجي ومثل اخوي..رحت وطلبت من رفيجي السيارة وعطاني اياها..عطيته وكشخ فيها ليلة العرس..ولما ردها لي كانت مدعومة والصبغ طاير :anger1:..قالي اسمح لي انا مسافر شهر العسل وماعندي وقت اصلحها..حتى ان مامعاي ولا ريال علشان التصليح..صلحها وعقب بنتحاسب..قلت مايخالف معرس وماابي اخرب مزاجه علشان السيارة..صلحتها ورديتها لصحابي..وعقب فترة وجاني....

ينزل اخوه عيسى من فوق....
عيسى:وجاك قالك ياغانم ابيك تعطيني شقة من الشقق اللي بعمارة ابوك..وانت قلت حق ابوي ريال زين وعنده عيال ومحتاج للشقة..حاول تعطيه سعر زين..وابوي عطاه..هو احنا عندنا سالفة غير سالفة سيف...شالسالفة شالي صاير بينكم؟؟
غانم:تخيلوا صار له الحين 6 شهور مادافع الايجار..يقول شنو ماعندي!!!..خل ابوك ينتظر..بعدين ابوك مب واحد غريب خله يتحملني شوي..واذا مايقدر ادفع انت عني وعقب نتحاسب..سك الباب في وجهي وراح!!!..عمركم شفتوا واحد بهالوقاحة!!!! :anger1:
عيسى(يبتسم):اي ياكثرهم.. :: :nice:
غانم:اسوي خير في واحد طول عمري وبالاخر يسوي فيني جي؟؟ :weeping:
حصة:يااخي يمكن صج ماعنده..
غانم:لو صج ماعنده ايش له يروح يشتري سيارة آخر موديل؟!!..ولا علشان هذي عمارة ابوي بنسكت عنه..الاخ مستغل الطيبة..سنين وانا اعطيه من طيبتي واقول ماعليه الواحد يسوي خير في الناس..بس ماهقيت واحد يستغلني لهالدرجة..لايرد على تليفوناتي ولاشي..ومن يشوفني من بعيد يشرد..ويوم اروح له الشقة يسك الباب بوجهي ويقولي ماعندي دبرها انت!!! :eek5:
ام غانم:يايمه في هالزمن سو خير وقطه بحر..
غانم:يايمه صح اقطه بحر..بس على الاقل الواحد يعامل الناس عدل..صج هذا سيوفوه علمني ان مرة ثانية ان حد طلب مني شي اقوله من البداية ماعندي ومااعرف..
عيسى:تو الناس انا من متى واقولك لاتعطيه لاتسوي له اكثر من جذي..اذا كان حبيبك عسل لاتلحسوا كله..هذا طغى على طيبتك..بس وين ماكنت تسمع لي..
غانم:ماعليه الحين انا بروية من غانم..


السلام عليكم ورحمة الله وبركاته

مرحبا أخواني وخواتي..

كلنا تعرضنا لمواقف واحداث غريبة ، عجيبة، مضحكة، وغيرها....

لكن ياترى هل تعلمت من هالمواقف والاحداث شي من حياتك؟ ولا مرت عادي؟ وصرت تستمر على طبعك الماضي؟

شي تعلمته من حياتك ولايمكن تعيده مرة ثانية بسبب تجرية صارت لك..

شي تعلمته من حياتك وتبي تعيدة مرة ومرتين وثلاث لإنك شفت ردة فعل حلوة..

خلونا نعرف شنهي الاشياء اللي تعلمتوها من حياتكم..

إن كانت اشياء ايجابية او سلبية

خلونا نعيش تجارب بعض يمكن نتعلم من تجاربكم

اتمنى فكرتي وصلت لكم واتمنى أقرأ من خبرتكم في الحياة من مختلف جوانبها..

[مريومة]

لين ادخلت الفلوس

بين الاهل

او الاصدقاء

قول على العلاقة يالله السلام

[فراشة ناعمة]

لين ادخلت الفلوس

بين الاهل

او الاصدقاء

قول على العلاقة يالله السلام


فعلا معاج حق..

اضم رايي لرايج..

الفلوس لدخلت بين الاهل خلاص ينسون ان هذا اخو ، اخت، ابو، ام، عم او خال وغيرهم

الله المستعان..

[فراشة ناعمة]

بالنسبة لي تعلمت امور كثيرة في حياتي ان كانت ايجابية او سلبية

وان شاء الله كل مااتذكر راح اضيفه في هالموضوع

من الامور اللي تعلمتها في حياتي..

اذا كنت احب شخص لازم اقوله اني احبك..لازم اعبر له عن مشاعري اتجاهه..

لإن ماابي يي يوم ويفارقني هالشخص وماقلت له انت ايش كثر مهم بحياتي واعزك..

يعني احنا مرات نستحي نقول لأمهاتنا وابهاتنا واخوانا وخواتنا ان نحبكم..

لكن الزمن علمني اني لازم اقولهم عن مايجول في خاطري اتجاههم..

:)

[بصمة قطرية]

تعلمت إن الدنيا مافيها خير ..
والنــاس مصـالح ..
حتى الأهل تغيروا ..
تغيرت قلوبهم ..
وعلى كثر ما تعطيهم ما ينقع في عينهم ..
كلن صار يركض ورا حاجته ومصلحته ..
~ القــلوب تغيرت ~

تعلمت إن الطيبــة ما تنفــع أبد ..
بالعكــس صار صاحبها يخسر ويخسر ..!!

[كويتى1]

المواقف الصعبه تبين
منهووو الزين ووشين

[كويتى1]

تعلمت إن الدنيا مافيها خير ..
والنــاس مصـالح ..
حتى الأهل تغيروا ..
تغيرت قلوبهم ..
وعلى كثر ما تعطيهم ما ينقع في عينهم ..
كلن صار يركض ورا حاجته ومصلحته ..
~ القــلوب تغيرت ~

تعلمت إن الطيبــة ما تنفــع أبد ..
بالعكــس صار صاحبها يخسر ويخسر ..!!

اى والله اختى بصمة قطرية
تعتقدين شنوو الاسبااب

[بصمة قطرية]

اى والله اختى بصمة قطرية
تعتقدين شنوو الاسبااب

بإختصــار ..
~ القـــلوب تغيرت ~

[بصمة قطرية]

يمكن الناس صارت تهتم بالمادة أكثر من أي شي ..!!

..!!

[كويتى1]

بإختصــار ..
~ القـــلوب تغيرت ~

نعم نعم القلووب
تغيرت
وأبتعااد الناس عن الدين وصله الرحم

[بنت صقار]

الفلوس مالها تأثير الا على ضعيف النفس......وذلك له ارتباط..بالتنشئه..والتربيه..غالباً..مع وجود حالات..تتأثر بالمحيط الاجتماعي..(كدور بعض الاهل والزوجات)من وراء الكواليس.

[فراشة ناعمة]

تعلمت إن الدنيا مافيها خير ..
والنــاس مصـالح ..
حتى الأهل تغيروا ..
تغيرت قلوبهم ..
وعلى كثر ما تعطيهم ما ينقع في عينهم ..
كلن صار يركض ورا حاجته ومصلحته ..
~ القــلوب تغيرت ~

تعلمت إن الطيبــة ما تنفــع أبد ..
بالعكــس صار صاحبها يخسر ويخسر ..!!


امم الدنيا فيها خير بس للأسف ان الشر مغطي على الخير

وانا معاج بكل كلمة قلتيها..فعلا القلوب تغيرت..والطيبة في هالزمن ماعادت تنفع مع اي حد..

الواحد صار لازم يغير من شخصيته علشان يتماشى مع هالناس..



المواقف الصعبه تبين
منهووو الزين ووشين


فعلا..المواقف الصعبة تبين اذا الشخص يستحق العشرة او لا..في ناس أمور تافهه ماتقدر تكمل معاك الدرب..وفي ناس امور صعبة وقوية لكن مايهمهم شي ويستمرون معاك بالحلوة والمرة..

[فراشة ناعمة]

الفلوس مالها تأثير الا على ضعيف النفس......وذلك له ارتباط..بالتنشئه..والتربيه..غالباً..مع وجود حالات..تتأثر بالمحيط الاجتماعي..(كدور بعض الاهل والزوجات)من وراء الكواليس.


انا اتفق معاك دور بعض من الناس من وراء الكواليس لهم دور كبير في خراب علاقات قوية..

لكن..

كيف تقدرين تميزين اذا كان هذا الشخص ضعيف النفس او لا!!..بما انج عاشرتيه سنين ويربط بينج وبينهم امور كثيرة!!

هالشي ماكنا نشوفه السنوات اللي راحت..لكن صرنا نشوفه الحين..

[فراشة ناعمة]

تعلمت ان الثقة صارت معدومة..وصرت افكر مليون مرة قبل لأثق بأي شخص..

وللإسف على قولة وحده اثق بالغريب اكثر من القريب..

سبحان الله كيف صارت الدنيا

[لافوشيا]

ولاااااااااااااااااااااااااااااااااااااااااااااااا ااااشي ربي كما خلقتني

[عاشق الدوحه]

تعلمت اني احرص على العمل لاخرتي
وليس لدنياي فقط

[Dmy Enabi]

أشكر لك عزيزتي هذا الطرح الرائع

الحياة مدرسة كما يقولون ،بالنسبة لي تعلمت الكثير :
1- إن من يكن مع الله يستغني عن الناس .
2- المعاصي لانرتبكها إلا بعد أن اقترفنا الصغائر من الذنوب .
3- رحمة الله ولطفه أوسع من غضبه وسخطه .
4- الحياة هي قرار ،ولايمكن لأي كان أن يملك الحق في تقرير حياتي إلا أنا فقط .
5- رضا الناس غاية لاتدرك ،ألزم ماعلي رضا ربي فقط ،وإن كثر الكلام حولي .
6- ألا أنتظر جزاء ولا شكورا من أحد حتى لو كان ابنا لي ،وإنما العمل لوجه الله فقط .
7- أن أعفو عمن ظلمني كل ليلة قبل أن أنام

[تحداني]

سؤال قدييييييم قدم الزمان
ولكن للأسف قليل ما نستفيد منه ..ما أعرف ليه؟؟

سبحان من يخطأ ويعاود الخطأ من جديد

ماذا تعلمت من الحياه ؟؟
لم أتعلم شئ ولله الحمد والمنه


جملك الله برضى الرحمن

[فراشة ناعمة]

تعلمت اني احرص على العمل لاخرتي
وليس لدنياي فقط





أشكر لك عزيزتي هذا الطرح الرائع

الحياة مدرسة كما يقولون ،بالنسبة لي تعلمت الكثير :
1- إن من يكن مع الله يستغني عن الناس .
2- المعاصي لانرتبكها إلا بعد أن اقترفنا الصغائر من الذنوب .
3- رحمة الله ولطفه أوسع من غضبه وسخطه .
4- الحياة هي قرار ،ولايمكن لأي كان أن يملك الحق في تقرير حياتي إلا أنا فقط .
5- رضا الناس غاية لاتدرك ،ألزم ماعلي رضا ربي فقط ،وإن كثر الكلام حولي .
6- ألا أنتظر جزاء ولا شكورا من أحد حتى لو كان ابنا لي ،وإنما العمل لوجه الله فقط .
7- أن أعفو عمن ظلمني كل ليلة قبل أن أنام


الحياة فعلا مدرسة وفيها الكثير من الفروع....

اتفق معاكم بكلماتكم هذي..

الدنيا فيها غرايب والاغرب كيف نتصرف فيها..

[فراشة ناعمة]

تعلمت ان فعلا تبسمك في وجه اخيك صدقة..

قبل كنت دوم ابتسم وبس من غير ماكنت اعنيها..

لكن الحين تغير الحال..

اكتشفت ايش كثر الابتسامة تأثر على الغير..كيف الابتسامة تكون مثل الجسر بين القلوب..

فعلا الابتسامة تستحق الصدقة..

شعور جميل يوم تقابل من يبتسم لك والاحلى انك تبتسم له..

[^NoOOoR^]

تعلمت من الحياة أن التضحية في هالزمن يعني غباء
تعلمت ماسكت عن حقي وأخذه أول بأول
تعلمت أن الطيب في هالزمن يسمونه مغفل
تعلمت أن أعطي ولكن في حدود
تعلمت أن التطنيش في بعض الأمور ومع أناس ذو تفكير محدود أفضل بكثير
:)

[ورقــة أمــل]

تعلمت ان كثيرا من الناس نعطيهم عيونا وقلوبنا ونسوي لهم اللي ماسويناه لغيرهم

بس للاسف بكل بساطة وسهولة يوم من الايام يتركونك عشان يرضون ناس غيرك او عشان يرضون غروروهم وتكبرهم... وتسير انت عندهم مجرد صديق او حبيب مر عليهم فترة من الفترات وانتهى كلشي،، حتى مايفكرون يسالونك عنك حي ولا ميت او شنهي احوالك،،


عشان جذي تحمل واعرف من يستحق تعطيه اهتمامك ومن اخر من يستاهل انك تذرف دمعة عشانه

[فراشة ناعمة]

تعلمت من الحياة أن التضحية في هالزمن يعني غباء
تعلمت ماسكت عن حقي وأخذه أول بأول
تعلمت أن الطيب في هالزمن يسمونه مغفل
تعلمت أن أعطي ولكن في حدود
تعلمت أن التطنيش في بعض الأمور ومع أناس ذو تفكير محدود أفضل بكثير
:)


ذكرتيني بوحده من ربعي..توها تعلمت هالشي..



تعلمت ان كثيرا من الناس نعطيهم عيونا وقلوبنا ونسوي لهم اللي ماسويناه لغيرهم

بس للاسف بكل بساطة وسهولة يوم من الايام يتركونك عشان يرضون ناس غيرك او عشان يرضون غروروهم وتكبرهم... وتسير انت عندهم مجرد صديق او حبيب مر عليهم فترة من الفترات وانتهى كلشي،، حتى مايفكرون يسالونك عنك حي ولا ميت او شنهي احوالك،،


عشان جذي تحمل واعرف من يستحق تعطيه اهتمامك ومن اخر من يستاهل انك تذرف دمعة عشانه


لا واقولج يروحون عند الناس اللي مابغوهم من البداية

سبحان الله كيف الدنيا

الحمدلله ان تعلمنا علشان مانعطيهم اكثر مما يستحقونه