استفسار: ممكن تجاربكم حول فنادق بوكيت في تايلند

[صمتي حزن]

السلام عليكم ورحمه الله وبركاته

من جرب فندق الهوليدي ان (بوكت ) وشرايكم فيه وهل هو زين ول في احلى منه

من جرب فندق بانيان تري في( جزيره سامواي ) وهل هو زين ول في احلى منه

واذا حد يقدر يفيدني جزاكم الله خير


انتظر ردوردكم

[ام عبدالعزيز]

ربي يوفقج..

ماحربتهم..

[البدع]

هوليدي ان جربته في ٣ دول

فنادق جيدة

لا غالية

ولا رخيصة سيئة

يعني جودة + سعر جيد

وما اعرف عن بوكت

[الســـهم]

افضل فندق من ناحية الموقع في باتونغ بيتش هو هوليدي ان ، السوق والمطاعم ومحلات الصرافة والبحر كلهم على بعد خطوات منك ، وبين بركة السباحة والبحر شارع ..

الفندق سكنته مرتين الاخيرة كانت في 2004 او 2005 , وكان مجدد بالكامل , هو مش فخم ولكنه نظيف جدا , بوفيه الفطور مالهم لايعلى عليه , وعندهم يوم او يومين بالاسبوع بوفيه بحري للعشاء , انصحك اذا سكنت بالفندق انك ماتفوته , اذكر سعره كان بـ 550 بات ( يعني 55 ريال ) للشخص .. يابلاش والله على بوفيه حلو وفيه مالذ وطاب من البحري اضافة للاكلات العالمية , طبعا مع فرق العملة الحين لأني بهالسنة بالذات صرفت الـ 100 دولار بـ 5100 او 5200 بات ..

انصحك بزيارة موقع العرب المسافرون لأنك راح تحصل تقارير كثيرة عن كل الفنادق والفعاليات في تايلند ..

[خشوف]

الكل يمدح فندق هوليدي ان بوكيت holiday inn resort phuket
وتم تجديده بالكامل

هذا موقع في كل فنادق تايلند

http://thailand4arab.blogspot.com/2009/11/holiday-lnn-phuket.html

[بوشاهين2]

نعم أخوي (السهم) الفندق ماعليه كلام وفوق الجيد .. بس أخوي الأسعار الحين أرتفعت وال 100دولار الحين أتساوي 2600 بات .

[Xx QATARI xX]

فندق شيراتون لاجون ،، فريج مب فندق
عائلي درجه اولى
عيبه انه بعيد عن الباتونق بيتش تقريبا 40 دقيقه ،، لكن اللي مايبي
الزحمه والازعاج يسكنه
فلل ،، شقق ،، غرف عاديه

اغلب الفنادق اللي قريبه من البحر يكون اثاثها مستهلك او انه مب فخم ،، لكن هالفندق
ماعليه كلام من هالناحيه ،، ارقد وآمن

تحياتي للجميع

[زهرةالسوسن]

فندق لا قونا بيتش خيال بس تقريبا منتج وايد حلو ومرتب

[ذيب ولد ذيب]

ماسكنت فيه بس شفت موقعه ,,

موقعه ممتاز جداً وجديد واللي سكن فيه يمدحه

[البدع]

ياجماعة

احتاج فيزا لتايلاند ؟؟

ناوي اسافر واسوي جولة حول العالم

[مـــحـــمــد]

اخوي انا ماجرب الهوليدي ان

انا في عيد الفطر رحت بوكيت وسكنت في mercure بصراحه حلوو ونظيف

وقريب من الكورنيش (شارع الباتونق)

http://www.mercurepatongphuket.com/photo-tours/

وقداام الفندق محل ينظم رحلات الي يشتغل فيه واحد عربي تونسي او جزائري

وااحد مظبوط اسمه بوحليمه .

وبخصوص تايلاند ماتحتاج فيزا بس اذا بتروح اوربا تحتاج فيزا الشنقن وفيزا حق بريطانيا

وفيزا حق امريكا .

[Mohammed.a]

السلام عليكم
سكنت في هوليدي ان بوكيت من 4 شهور
منتجع حلو ونظيف ويصلح للعوائل وخاصة الي عنده اطفال لان في قسم للاطفال مميز جداا
ومكان المنتجع مميز على شارع باتونج
في مطاعم كثيره عربية وغيرها

وفي انواع للغرفه اذا بتاخذون الفندق فقط للنوم فاخذو اقل غرفه موجوده
اذا مطولين وودكم تستمتعون فخذو غرف Executive Club Level

[abu ali1]

موقع الهوليدي ان ممتاز جدا... قريب من المحلات والمطاعم والبحر..
انصحك بالسكن فيه....

بالتوفيق...

[Revamp]

كلش حلوو

[Rashid554]

للأمانه انا اتفق مع اخوي محمد وسبحان الصدف
انا سكنت ايضاً في فندق mercure بالتايلندي ينطقونه ( منكيو )
فندق جيد امانه وسعره رائع اذا بتحجزين ع النت
الفندق 4 نجوم اسعاره من موقع بوكينج

Superior Double Room من 440 ريال

Superior Double Room من 564 ريال

الفندق رائع .. امانه ولكن صارت لنا مشكلة بالفندق بشهر 3
وهي انطفاء الكهرباء والكنديشن وشغلو المحول الاحتياطي الي للأسف ما يشغل الكنديشن وقعدنا اكثر من 24 ساعه بدون كنديشن وعلى ليتات المحول الاحتياطي والحمدالله كانت بااخر ليله
لكن هذا ما يمنع رايي واقول با امانه الفندق جيد
وبالتوفيق

وموقعه رائع ع الشارع نفسه
5 دقايق مشي توصلون مطاعم شرق
10 دقايق مشي توصلون مجمع التسوق

[بوشاهين2]

أخوي عندك فندق (باتونج بيرل) قريب من البحر وقريب من المطاعم وبعد خطوات بس عن البحر وسعره فوق الأوكي 260 ريال (2600) بات .

[فارس قطر333]

بالنسبه لي فندق بلو مارين وايد حلو ومكانه بعد

والفندق 4 نجوم

http://www.7ujuzat.com/hotel-242340-The%20Blue%20Marine%20Resort%20&%20Spa.html

[مشتاقة لقطر]

موووفق ورحلة سعيدة ..

رحت .. تايلاند 2005 بس ما مرينا بوكيت

ممكن تشوف موقع العرب المسافرون رووووعة التجول بالاقسام بروحه سفر