لا أثر لـ «زواج المسيار» في قطر [الأرشيف] - منتديات شبكة الأسهم القطرية

مقيم

01-03-2011, 07:50 AM

كتب محمد نجيب

أكد مأذونون شرعيون أنه لا وجود لزواج المسيار في قطر، ولم يوثقوا أي عقد في هذا الشأن منذ أن طرح هذا النوع من الزواج في دول مجاورة، وأقره أصحاب فضيلة من علماء المسلمين.

الأصيلة

01-03-2011, 07:53 AM

زواج المسيار منتشر بين القطري كـ زوج
والسعودية كـ زوجة

وهذا أسهل وأضمن للسرية التامة...

R 7 A L

01-03-2011, 07:56 AM

حتى لو انهم حللوه بس مافية المعاني السامية للزواج الصادق
لذلك الناس مازالت تبحث عن الزواج السامي وراحة البال والنفسية .

STAR

01-03-2011, 07:58 AM

آآآآآآه لحتى الآن لا اعرف كيف بعض المشايخ حللوا هذا النوع من الزواج.. اصبح الجميع
المقتدر والغير مقتدر يبحث عن زواج المسيااااار الذي اراااه اهانة للمرأة بشكل كبيييييير ...

meme~qatar

01-03-2011, 07:59 AM

لا ..موجود
واذا ماتم العقد في قطر يتم في دول اخرى
حسب جنسية احد الطرفين

وبعدين اللي اعرفه ان عقد زواج المسيار هو نفسه عقد الزواج الشرعي
يعني مافي عقد عنوانه زواج مسيار
وعقد عنوانه زواج شرعي
كلهم سواء بس تتنازل الزوجة عن بعض حقوقها

وانا لا اؤيد زواج المسيار بسبب شعوري بانه اهانة للمرأة

chillis

01-03-2011, 08:00 AM

الزواج هذا موجود بقطر بس اغلب العقود تكون بالدول المجاوره لقطر

الصريحه

01-03-2011, 08:00 AM

الحمد لله
هذا من جنون العصر
اهانه ومذله وظلم للمراه وسلب حقوقها
سؤال للي يفكر بهذا النوع من الزواج
هل ترضاها لاختك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟

بوخالد911

01-03-2011, 08:00 AM

الله اعلم

قطري !

01-03-2011, 08:01 AM

هذا ستر للمرأه العفيفه

meme~qatar

01-03-2011, 08:04 AM

واللي الاحظه ان اغلب اللي يتزوجون مسيار يبيتون نية الطلاق

وفعلا كثير من زواج المسيار ينتهي بالطلاق

يعني يشبه في النهاية زواج المتعة عند الشيعة

STAR

01-03-2011, 08:04 AM

هذا ستر للمرأه العفيفه

اهانة للمرأة مب ستر ... واذا الريال يبي يستر عليها صج يتزوجها عادي مب مسياااار

يسير عليها ويطلع...!!!!!!!!!!!!!:anger1:

meme~qatar

01-03-2011, 08:08 AM

اهانة للمرأة مب ستر ... واذا الريال يبي يستر عليها صج يتزوجها عادي مب مسياااار

يسير عليها ويطلع...!!!!!!!!!!!!!:anger1:

صدقتي يسير عليها بو ساعة ويطلع
وين الستر في الموضوع؟؟؟
وسؤال وليش مايعلن زواجه منها ويفتخر فيها دامه مايحس انه اخطأ .. هذا اذا كان قصده الستر على قولته

wadha-qa

01-03-2011, 08:26 AM

بصراحه اللي ما عندها كرامه بترضى بهالنوع من الزواج ؟؟ وطبعا معروفه الدول اللي طايحين فيها الشباب زواج الويكند و بالخش يروح لها وخايف لاحد يدري لو هو صدق حلال ما خافوا الناس من هالنوع و قاموا يخشون و بسر يروحون لزوجاتهم

وقال صلى الله عليه وسلم : {الإثم ما حاك في الصدر وخفت أن يطلع عليه الناس وإن أفتوك وأفتوك}

بو خليفه 123

01-03-2011, 08:29 AM

للأسف المؤذونون الشرعيون ليس لديهم احصائيات و ارقام ..

فيه مجلس كنت اروحه كان 3 من رواده متزوجين من الاحساء مسيار

عز الله انه له اثر في قطر

meme~qatar

01-03-2011, 08:40 AM

للأسف المؤذونون الشرعيون ليس لديهم احصائيات و ارقام ..

فيه مجلس كنت اروحه كان 3 من رواده متزوجين من الاحساء مسيار

عز الله انه له اثر في قطر

كلام سليم واحييك..
واين الاحصائيات اللي ذكروها فلنطلع عليها

وهذ المثال اللي ضربته احد الادلة على وجود اثر عميق لزواج المسيار في قطر

اسعاف

01-03-2011, 11:30 AM

في بعض الزيجات تحدث بقطر (مسيار9 بس لا يصرحون للمأذون بذلك
لأن اذا صرحوا له سيرفض توثيقه
المشكلة ان في نسوان هم انفسهم يبغون مسيار!!!!!

اتقول لها : اشحادك على هذا النوع من الزواج ؟؟

تقول وحدة : ما ابغي طليقي يدري عني اني متزوجة ، لأنه اذا درى فسوف يأخذ عني عيالي:weeping:

وثانية تقول : انا كبيرة وعندي عيال واعيال اعيال !!!!
وما ابغي (اجرح ) شعور ابنائي بزواج علني !!!
وما ابغي النسوان (يحشون فيني)ويقولون عيييوز وتبي ريل !!!!

ومما زاد الطين بلة ان حتى الرجل يشاطرها نفس هذا الشعور ويقول : ابغي مسيار علشان ما ابغي آزعل ام العيال
او علشان احافظ على البيت من الأنهيار
وبهذه الأعذار السابقة اتضح ان زواج المسيار معمول به في قطر
لكن (من تحت لي تحت )

عضو قديم

01-03-2011, 12:32 PM

زواج المسيار منتشر بين القطري كـ زوج
والسعودية كـ زوجة

وهذا أسهل وأضمن للسرية التامة...

انتي كذا :nice:

بـــــــنت النوخـّــــذه

01-03-2011, 12:40 PM

مادري ليش ماحبيت مصطلح (مسيار) كأن تسييره ساعه ومع الف سلامه هدفها واضح ومعروف:(

النفس البشريه والفطره السليمه تبغي استقرار ماتبغي حد يسير عليها كمن ساعه ويروح

اين الاستقرار من مسئله زواج المسيار؟؟

انزين ممكن اذا حد عنده عقد زواج لمسيار يصور لنا ابغي اشوف وشهو البنود الموجوده فيه والفرق بينه وبين العقد الشرعي السليم المتعارف عليه:looking:

المـهـفـة والـســفـرة

01-03-2011, 12:47 PM

النفس البشريه والفطره السليمه تبغي استقرار ماتبغي حد يسير عليها
اين الاستقرار من مسئله زواج المسيار؟؟

انزين ممكن اذا حد عنده عقد زواج لمسيار يصور لنا ابغي اشوف وشهو البنود الموجوده فيه والفرق بينه وبين العقد الشرعي السليم المتعارف عليه

أحلى ردّ بدون مجاملة:nice:

دااانة قطر

01-03-2011, 01:00 PM

في بعض الزيجات تحدث بقطر (مسيار9 بس لا يصرحون للمأذون بذلك
لأن اذا صرحوا له سيرفض توثيقه
المشكلة ان في نسوان هم انفسهم يبغون مسيار!!!!!

اتقول لها : اشحادك على هذا النوع من الزواج ؟؟

تقول وحدة : ما ابغي طليقي يدري عني اني متزوجة ، لأنه اذا درى فسوف يأخذ عني عيالي:weeping:

وثانية تقول : انا كبيرة وعندي عيال واعيال اعيال !!!!
وما ابغي (اجرح ) شعور ابنائي بزواج علني !!!
وما ابغي النسوان (يحشون فيني)ويقولون عيييوز وتبي ريل !!!!

ومما زاد الطين بلة ان حتى الرجل يشاطرها نفس هذا الشعور ويقول : ابغي مسيار علشان ما ابغي آزعل ام العيال
او علشان احافظ على البيت من الأنهيار
وبهذه الأعذار السابقة اتضح ان زواج المسيار معمول به في قطر
لكن (من تحت لي تحت )

من تحت لا تحت:rolleyes2:

دااانة قطر

01-03-2011, 01:01 PM

صدقتي يسير عليها بو ساعة ويطلع
وين الستر في الموضوع؟؟؟
وسؤال وليش مايعلن زواجه منها ويفتخر فيها دامه مايحس انه اخطأ .. هذا اذا كان قصده الستر على قولته

يبي يسير بس؟؟:eek5:

الخارجية

01-03-2011, 01:01 PM

الحمد لله
هذا من جنون العصر
اهانه ومذله وظلم للمراه وسلب حقوقها
سؤال للي يفكر بهذا النوع من الزواج
هل ترضاها لاختك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟
أختي صريحه ..
المسيار زواج شرعي والعلماء اجازوا .. ليش انقول اهانه ومذله وظلم للمراة

مهل

01-03-2011, 01:17 PM

اهانة للمرأة مب ستر ... واذا الريال يبي يستر عليها صج يتزوجها عادي مب مسياااار

يسير عليها ويطلع...!!!!!!!!!!!!!:anger1:

يه ؟؟

و ان تزوجها عادي حشرتووه و قلتو مره وحده تكفي و ليش يخون زوجته الخ الخ الخ
و لو كان الموضوع عن الزوجه الثانيه كان شفتي الردود بالمئات :rolleyes2:

انتر ميلان

01-03-2011, 01:26 PM

أمثلة اخوي اسعاف صحيحة
وهذا طبع المجتمع مايخلي حد بحاله
ولو كانت المرأة كبيرة في العمر قالو عنها عيوز وتبي تتزوج

فالأحسن لها ترضى بالمسيار
والزوج نفس الشي..

وأتوقع أكثر المتزوجين بالمسيار يكونون فوق الثلاثين سنة

الخارجية

01-03-2011, 01:26 PM

في مجلس في الخريطيات نجلس فيه 15 واحد متزوج مسيار من السعودية وماخذين شقة مدة سنة وبعضهم شاري بيت صغير وعليهم عيال اي اجازة سافر وقعد مع زوجتة (( مش بوساعة وتوكل على الله )) وثاني شي يعطيها 1000 وراضين بالوضع ويحمدون الله .. يروح بالحلال ولا الحرام

بو خليفه 123

01-03-2011, 01:30 PM

في مجلس في الخريطيات نجلس فيه 15 واحد متزوج مسيار من السعودية وماخذين شقة مدة سنة وبعضهم شاري بيت صغير وعليهم عيال اي اجازة سافر وقعد مع زوجتة (( مش بوساعة وتوكل على الله )) وثاني شي يعطيها 1000 وراضين بالوضع ويحمدون الله .. يروح بالحلال ولا الحرام

شكله نفس المجلس الي اروحه

ليكون بو علي واحد منهم ؟ :tease:

Arab!an

01-03-2011, 01:31 PM

^^

دلونا على المجلس يا جماعه

:p

الخارجية

01-03-2011, 01:38 PM

شكله نفس المجلس الي اروحه

ليكون بو علي واحد منهم ؟ :tease:
فيهم اثنين بوعلي اي واحد فيهم

الخارجية

01-03-2011, 01:43 PM

^^

دلونا على المجلس يا جماعه

:p
مايحتاج اعطيك رقم المطوع والتوتل كله مايكلفك 50 الف مع سكن سنة وبنات ناس قبايل فيهم الخير اهل كرم وجود وبكر واعمارهم 17 وطالع وفيهم حافظات للقران كامل مع التجويد

ابو علاوي

01-03-2011, 01:45 PM

^^

دلونا على المجلس يا جماعه

:p

هههههههههه
اذا دليت المجلس دلني هههههه

N7eEeS

01-03-2011, 01:46 PM

ههه الحين كل وحده بتشك في زوجها انه متزوج مسيار وينكم ياهل الخريطيات :)

marqap75

01-03-2011, 01:56 PM

معنى المسيار هو زواج عادي كاي زواج بشهود وولي واستشارة الزوجه المقبلة على الزواج وموافقتها ، لكن يتم الاتفاق على امور تتنازل المراءه عن بعض الحقوق مثلا عن المنزل ، النفقة ، المعاشره الزوجيه وغيرها يعني الامر بالتراضي ( وهي تسيوره وظل راجل ولا ظل حيطه)

مريومة

01-03-2011, 02:01 PM

مايحتاج اعطيك رقم المطوع والتوتل كله مايكلفك 50 الف مع سكن سنة وبنات ناس قبايل فيهم الخير اهل كرم وجود وبكر واعمارهم 17 وطالع وفيهم حافظات للقران كامل مع التجويد

:nice:

Arab!an

01-03-2011, 02:13 PM

مايحتاج اعطيك رقم المطوع والتوتل كله مايكلفك 50 الف مع سكن سنة وبنات ناس قبايل فيهم الخير اهل كرم وجود وبكر واعمارهم 17 وطالع وفيهم حافظات للقران كامل مع التجويد

يا الله يا الله .. وش ذا الترف كله !

لا هذا شكله زواج رسمي

مهل

01-03-2011, 02:16 PM

يا الله يا الله .. وش ذا الترف كله !

لا هذا شكله زواج رسمي

هههههههههههههههههه

ANONYMOUS

01-03-2011, 02:17 PM

مايحتاج اعطيك رقم المطوع والتوتل كله مايكلفك 50 الف مع سكن سنة وبنات ناس قبايل فيهم الخير اهل كرم وجود وبكر واعمارهم 17 وطالع وفيهم حافظات للقران كامل مع التجويد

حنونا من حناكم
:shy:

بـــــــنت النوخـّــــذه

01-03-2011, 02:19 PM

في مجلس في الخريطيات نجلس فيه 15 واحد متزوج مسيار من السعودية وماخذين شقة مدة سنة وبعضهم شاري بيت صغير وعليهم عيال اي اجازة سافر وقعد مع زوجتة (( مش بوساعة وتوكل على الله )) وثاني شي يعطيها 1000 وراضين بالوضع ويحمدون الله .. يروح بالحلال ولا الحرام

مايحتاج اعطيك رقم المطوع والتوتل كله مايكلفك 50 الف مع سكن سنة وبنات ناس قبايل فيهم الخير اهل كرم وجود وبكر واعمارهم 17 وطالع وفيهم حافظات للقران كامل مع التجويد

ماشاء الله تبارك الرحمن يعني افهم من الكلام ان بس هذي الديره الي فيها الناس العدله ؟؟

طيب شي حلو والله انزين اخواني بارك الله فيكم جمعو بهذا المجلس الشباب العزابيه الي ماخذين المهر حجه ودلوهم على هالمكان لجل يتزوجون (على سنه الله ورسوله ) امام الملأ استرو عليهم الله يستر عليكم دنيا وآخره 00ترى يابخت من وفق راسين بالحلال 00

واتمنى ترجع المجالس الي ونعم فيها نفس قبل المجالس الي يكون اجتماع الرجال بها لحل قضيه وتفريج كربه ومساعده محتاج و000مناقشه قضايا مهمه 000الخ

احتراماتي للجميع وفقكم الله وسدد خطاكم إلى الامام دائما"

نداء للدوله اتمنى عدم اسقاط الديون

ROSE

01-03-2011, 02:20 PM

هههههههههههههه شكل المجلس بيتغير عنوانه بعد هالموضوع

افتحوا لكم مجلس جديد لانه بتصير غاره نسائيه عليه :p

ابو محمد7

01-03-2011, 02:20 PM

مايحتاج اعطيك رقم المطوع والتوتل كله مايكلفك 50 الف مع سكن سنة وبنات ناس قبايل فيهم الخير اهل كرم وجود وبكر واعمارهم 17 وطالع وفيهم حافظات للقران كامل مع التجويد

صراحة العرض مغري جدا

ولكن !

الواحد وين يجيب عيال ويخليهم هناك ! عيال في الدوحة وعيال في السعودية !

وبعدين العيال يبي لهم مجابل ورعاية وتربية

الزواج والانجاب مايبي لها شطارة

ولكن الرجولة والبطولة في تحمل المسؤولية وتربية الابناء خير تربية

Arab!an

01-03-2011, 02:24 PM

نداء للدوله اتمنى عدم اسقاط الديون

ليش دايما اتفكرون ان الفلوس هي اللي تخلي الواحد يتزوج مرة ثانية ؟
:rolleyes2:

ANONYMOUS

01-03-2011, 02:25 PM

هههههههههههههه شكل المجلس بيتغير عنوانه بعد هالموضوع

افتحوا لكم مجلس جديد لانه بتصير غاره نسائيه عليه :p

حياكم عندي في سيلين

والزين في المكان .. احيانا يقلب الارسال على stc

يعني نقرب كل بعيد :p

ANONYMOUS

01-03-2011, 02:26 PM

ليش دايما اتفكرون ان الفلوس هي اللي تخلي الواحد يتزوج مرة ثانية ؟
:rolleyes2:

ابد .. من قال فلوس

يبي لها شنب

:secret:

بوحارب

01-03-2011, 02:28 PM

زواج المسيار يسهل كل صعب :)

بلوتنيوم

01-03-2011, 02:30 PM

زواج المسيار يسهل كل صعب :)

زواج المسيار يقرب كل بعيد :omen2:

واحد ثقة

01-03-2011, 02:31 PM

مايحتاج اعطيك رقم المطوع والتوتل كله مايكلفك 50 الف مع سكن سنة وبنات ناس قبايل فيهم الخير اهل كرم وجود وبكر واعمارهم 17 وطالع وفيهم حافظات للقران كامل مع التجويد

الرقم على الخاص ولاتهون ،،

ROSE

01-03-2011, 02:33 PM

الرقم على الخاص ولاتهون ،،

:rolleyes2:

بوحارب

01-03-2011, 02:33 PM

زواج المسيار يقرب كل بعيد :omen2:

كيوتل مثلا :tease:

مثل العسل

01-03-2011, 02:34 PM

احسن والحمد لله

بصراحه يايكون الزواج المتعارف عليه

ويصون بنات الناس والا لا يتزوج احسن

>_<

شكرا على الطرح

الألماسي

01-03-2011, 02:37 PM

ليش دايما اتفكرون ان الفلوس هي اللي تخلي الواحد يتزوج مرة ثانية ؟
:rolleyes2:

بس خلاص . .!!!!!

جبتوا سالفه " اسقاط الديون " الحين بيجيكم " عنتر و عبله " و على بكره الموضوع بيوصل عشر طعش صفحه :app:

حسن

01-03-2011, 02:39 PM

مايحتاج اعطيك رقم المطوع والتوتل كله مايكلفك 50 الف مع سكن سنة وبنات ناس قبايل فيهم الخير اهل كرم وجود وبكر واعمارهم 17 وطالع وفيهم حافظات للقران كامل مع التجويد

يانت بتحصل دعاوي من الحريم يالخارجيه :anger1:بس فتحت على نفسك باب لشبباب وتصير معرف بعدين يمكن اكلمك على الخاص نبي الرقم ولاتهون الله يكثر من امثالك:victory:

لافوشيا

01-03-2011, 02:45 PM

مايحتاج اعطيك رقم المطوع والتوتل كله مايكلفك 50 الف مع سكن سنة وبنات ناس قبايل فيهم الخير اهل كرم وجود وبكر واعمارهم 17 وطالع وفيهم حافظات للقران كامل مع التجويد

مافهمت قصدك؟؟؟

العـوا

01-03-2011, 02:54 PM

موجود وبكثره بعقود
خليجيه

البدع

01-03-2011, 02:56 PM

شخصيا

لا اعرف احد تزوج مسيار

زواج مسيار ليس عادة اهل قطر

ROSE

01-03-2011, 03:00 PM

لحظه امنع الخارجية من الخاص

مهل

01-03-2011, 03:02 PM

لحظه امنع الخارجية من الخاص

ههههههههههه لاتحرمينه من الاجر

اوقفي مع بنات جنسك العازبات :secret:

عابر سبيل

01-03-2011, 03:08 PM

ليش دايما اتفكرون ان الفلوس هي اللي تخلي الواحد يتزوج مرة ثانية ؟
:rolleyes2:

اكيد ..لليش لا؟؟

يا اما انه واحد راهي و عنده سعة في الوقت و البيزات..
او انه "مديون" و يبي وحده راهية تكد عليه
و على (عيالها:secret:)!!

فلا لتسديد الديون..
لانها ستجلب
ويلات اكبر من حل للمشكلات!

طارق

01-03-2011, 03:11 PM

زواج المسيار يقرب كل بعيد :omen2:

زواج المسيار , الرأي والرأي الأخر

طارق

01-03-2011, 03:12 PM

زواج المسيار أحسن من زنات الليل

MAZEN37

01-03-2011, 03:41 PM

الناس ظروف و اسرار
ليش بعض الناس يعتبروه اهانه للمرأه وان كانت اهانه للمرأه فهي اهانه للرجل
الشرع والدين حلل هذا النوع من الزواج
والقصد بالزواج انه مكتمل لكل اركانه مع وجود شروط كل طرف اعرف بها لنفسه
واعتقد انه كل انسان يحق له ومن غير تدخل الاخريين ورأيهم انه يتنازل عن اي حق له وبرضاه

الخزرجي قطر

01-03-2011, 03:45 PM

مافيها شي زواج المسيار زواج شرعي على سنة الله ورسوله صلى الله عليه وسلم بعقد من الماذون وشهود وخلافه لكن وفق شروط متفق عليها بين طرفي عقد النكاح في السريه والواجبات والحقوق وحسب راي بعض علمأالدين ان العقد مستوفي اركانه الشرعيه والله اعلم

الأصيلة

01-03-2011, 04:07 PM

في بعض الزيجات تحدث بقطر (مسيار9 بس لا يصرحون للمأذون بذلك
لأن اذا صرحوا له سيرفض توثيقه
المشكلة ان في نسوان هم انفسهم يبغون مسيار!!!!!

اتقول لها : اشحادك على هذا النوع من الزواج ؟؟

تقول وحدة : ما ابغي طليقي يدري عني اني متزوجة ، لأنه اذا درى فسوف يأخذ عني عيالي:weeping:

وثانية تقول : انا كبيرة وعندي عيال واعيال اعيال !!!!
وما ابغي (اجرح ) شعور ابنائي بزواج علني !!!
وما ابغي النسوان (يحشون فيني)ويقولون عيييوز وتبي ريل !!!!

ومما زاد الطين بلة ان حتى الرجل يشاطرها نفس هذا الشعور ويقول : ابغي مسيار علشان ما ابغي آزعل ام العيال
او علشان احافظ على البيت من الأنهيار
وبهذه الأعذار السابقة اتضح ان زواج المسيار معمول به في قطر
لكن (من تحت لي تحت )

أبغي أعرف من تحت لـ تحت ..اشلون ؟
في مخابئ سرية مثلا لايشوفونها عيالها ولا جيرانها ولايدرون بزواجها...
واخوانها وأهلها وين؟...اشلون مسيار بالسر ( إلا إذا كانت مقطوعة من شجرة )
الحين ما اتزوج وتطلع عليها الإشاعات أجل اشلون ليتزوجت ومسيار
يا أخوي مب من كبر بلادنا...
كل شي واضح ومبين وما ينخش شي على الناس...
أعتقد مانجح المسيار إلا لما تزوجوا القطريين من السعوديات
وبعرض من أهل العروس ابوها أو أخوها
( لأنهم يتمنون القطري ولو أيش كان )
لكن هل هذا الرجل مرتاح نفسيا وهو مخبي زواجه عن زوجته وأهله...؟
اش بيصير لو لاسمح الله توفى ...واطلعوا ورثه من خلف الكواليس
ياترى ايش موقف عياله وزوجته وأهله..
صار لـ وحده ها الموقف وفي نصف الحزن والألم لوفاته
توقف كل شيء وطلعت الحرة والقهر ونست الحزن...
اش حاده بس على هذا كله ؟
لو كان من المسيار فايده ومنفعه كان صار أيام الصحابة والتابعين...

الأصيلة

01-03-2011, 04:09 PM

بس خلاص . .!!!!!

جبتوا سالفه " اسقاط الديون " الحين بيجيكم " عنتر و عبله " و على بكره الموضوع بيوصل عشر طعش صفحه :app:

أكيد مادام اجتمعت سالفة الديون واسقاطها ...
والتعدد والمسيار

Sari

01-03-2011, 04:11 PM

لحظه امنع الخارجية من الخاص

ندااا من انصاررر الخارجية :shy::shy::shy::shy: نطالب بمزيد من الديمقراطية :shy:

الأصيلة

01-03-2011, 04:15 PM

في مجلس في الخريطيات نجلس فيه 15 واحد متزوج مسيار من السعودية وماخذين شقة مدة سنة وبعضهم شاري بيت صغير وعليهم عيال اي اجازة سافر وقعد مع زوجتة (( مش بوساعة وتوكل على الله )) وثاني شي يعطيها 1000 وراضين بالوضع ويحمدون الله .. يروح بالحلال ولا الحرام

هذا مب مسيار مادام فيه نفقة وسكن...
وأعتقد هذا السبب اللي خلى بعض الأزواج يهملون زوجاتهم
ويتركون لهم الحبل على الغارب
من سفر مع الأهل والصديقات
والطلعات والفسح وبدون الزوج
أما مع العيال أو مع صديقاتها وبدون محرم....
عشان يتفرغ لـ أم 17 سنة
ويترك أم 40 سنة تاخذ راحتها
وهي المسكينة مستانسة على مرونة أبوعيالها
اللي اطلعت فجأة بعد ما كان مشدد على طلعاتها وجياتها...

( من الواقع لا من الخيال )
والله على ما أقول شهيد

مريومة

01-03-2011, 04:15 PM

أبغي أعرف من تحت لـ تحت ..اشلون ؟
في مخابئ سرية مثلا لايشوفونها عيالها ولا جيرانها ولايدرون بزواجها...
واخوانها وأهلها وين؟...اشلون مسيار بالسر ( إلا إذا كانت مقطوعة من شجرة )
الحين ما اتزوج وتطلع عليها الإشاعات أجل اشلون ليتزوجت ومسيار
يا أخوي مب من كبر بلادنا...
كل شي واضح ومبين وما ينخش شي على الناس...
أعتقد مانجح المسيار إلا لما تزوجوا القطريين من السعوديات
وبعرض من أهل العروس ابوها أو أخوها
( لأنهم يتمنون القطري ولو أيش كان )
لكن هل هذا الرجل مرتاح نفسيا وهو مخبي زواجه عن زوجته وأهله...؟
اش بيصير لو لاسمح الله توفى ...واطلعوا ورثه من خلف الكواليس
ياترى ايش موقف عياله وزوجته وأهله..
صار لـ وحده ها الموقف وفي نصف الحزن والألم لوفاته
توقف كل شيء وطلعت الحرة والقهر ونست الحزن...
اش حاده بس على هذا كله ؟
لو كان من المسيار فايده ومنفعه كان صار أيام الصحابة والتابعين...

لا تحطون العقدة في المنشار

توفى لا سمح الله .. الله يرحمه

اطلعوا ورثة .. حالهم حال غيرهم

الله يهنيهم ويسعدهم ..هذا نصيب .. وكلن يجي ورزقه معاه

طالما اهلها يدرون وفي عقد وشهود .. خلاص

لا تحرمون وتحللون على كيفكم

بالنسبة للحريم .. طالما ما قصر عليج شي .. لا تحاتين

نامي وفي بطنج بطيخة صيفي .. ولا تنبشين وراه

بتتعبين وايد وبتضيع حياتج على الفاضي

بسنا خرابيط

01-03-2011, 04:38 PM

الله يوفق الجميع

أن عندي سؤال للي متزوجين مسيــاااااار

عندهم عيال من الزوجـــه الثانيــــه اللي ما خذينها مسيــااار أو ناويين ايجيبون عيال منهم ؟؟؟

وإلا الهدف من الزواااااج اشبـاع رغبـه جنسيــه ؟

حسن

01-03-2011, 04:45 PM

زواج شرعي ومكتمل الاركان الهم تنازل من بعض الشروط ويقول المثل ظل راجل ولا ظل حيطه

Sari

01-03-2011, 04:59 PM

لا تحطون العقدة في المنشار

توفى لا سمح الله .. الله يرحمه

اطلعوا ورثة .. حالهم حال غيرهم

الله يهنيهم ويسعدهم ..هذا نصيب .. وكلن يجي ورزقه معاه

طالما اهلها يدرون وفي عقد وشهود .. خلاص

لا تحرمون وتحللون على كيفكم

بالنسبة للحريم .. طالما ما قصر عليج شي .. لا تحاتين

نامي وفي بطنج بطيخة صيفي .. ولا تنبشين وراه

بتتعبين وايد وبتضيع حياتج على الفاضي

ياسلااام عليك يابنت عقاب كلاام كـــــــــــبير:nice:

الأصيلة

01-03-2011, 05:21 PM

لا تحطون العقدة في المنشار

توفى لا سمح الله .. الله يرحمه

اطلعوا ورثة .. حالهم حال غيرهم

الله يهنيهم ويسعدهم ..هذا نصيب .. وكلن يجي ورزقه معاه

طالما اهلها يدرون وفي عقد وشهود .. خلاص

لا تحرمون وتحللون على كيفكم

بالنسبة للحريم .. طالما ما قصر عليج شي .. لا تحاتين

نامي وفي بطنج بطيخة صيفي .. ولا تنبشين وراه

بتتعبين وايد وبتضيع حياتج على الفاضي

أما التنبش ها الأيام ورى الزوج تبتلش فيه
الزوجة وتتوهق لأنها بتشوف شي مايسرها
وبتسمع شي يضايقها...

لوجين098

01-03-2011, 05:30 PM

اعتقد من بث هذا النوع من الزواج وعمل على نشرة اهو الشيعة والكل غشيم ويفتكر من السنة والسنة القائمين علية فقط لانة مايحمل اي شي غير امور وامور كلها من خصوصيات الشيعية لو تددققون وتلاحضون ومنها ضياع حق المراة الذي لم يرضى الاسلام ولا الرسول صلى الله علية وسلم بهذا بتاتا وظلم لها وشكر

بـــــــنت النوخـّــــذه

01-03-2011, 07:38 PM

[size="4"]
انزين ممكن اذا حد عنده عقد زواج لمسيار يصور لنا ابغي اشوف وشهو البنود الموجوده فيه والفرق بينه وبين العقد الشرعي السليم المتعارف عليه:looking:

[COLOR="Black"]ليش محد جاوب على سؤالي ؟؟؟؟؟؟؟؟؟؟؟؟؟؟؟؟

ابغي اشوف الورقه شنهو البنود الي فيها حتى لو من اي موقع اي مكان لحد يعلم انها له او لغيره 000:telephone:

وعندي سؤال : ليش الرجل يلجأ للتعدد عن طريق زواج (المسيار) ولا يلجأ للتعدد بزواج الاشهار المتعارف عليه ؟؟؟؟؟

وخلونا من سالفه اباحه العلماء ابغي اعرف السبب ليش اختار التعدد بذيك الطريقه ؟؟

افيدونا افادكم الله وسدد خطاكم لطريق الخير

R 7 A L

01-03-2011, 07:39 PM

ليش محد جاوب على سؤالي ؟؟؟؟؟؟؟؟؟؟؟؟؟؟؟؟

ابغي اشوف الورقه شنهو البنود الي فيها حتى لو من اي موقع اي مكان لحد يعلم انها له او لغيره 000:telephone:

وعندي سؤال : ليش الرجل يلجأ للتعدد عن طريق زواج (المسيار) ولا يلجأ للتعدد بزواج الاشهار المتعارف عليه ؟؟؟؟؟

وخلونا من سالفه اباحه العلماء ابغي اعرف السبب ليش اختار التعدد بذيك الطريقه ؟؟

افيدونا افادكم الله وسدد خطاكم لطريق الخير

تدرين ليش ماحد جاوب لان كلهم بس يسمعون فيها
ولاحد منهم شافها على الطبيعة :)

العضو العتيج

01-03-2011, 07:41 PM

ليش محد جاوب على سؤالي ؟؟؟؟؟؟؟؟؟؟؟؟؟؟؟؟

ابغي اشوف الورقه شنهو البنود الي فيها حتى لو من اي موقع اي مكان لحد يعلم انها له او لغيره 000:telephone:

وعندي سؤال : ليش الرجل يلجأ للتعدد عن طريق زواج (المسيار) ولا يلجأ للتعدد بزواج الاشهار المتعارف عليه ؟؟؟؟؟

وخلونا من سالفه اباحه العلماء ابغي اعرف السبب ليش اختار التعدد بذيك الطريقه ؟؟

افيدونا افادكم الله وسدد خطاكم لطريق الخير

حسب علمي انه عقد عادي وبما ان العقد العادي من الممكن كتابه الشروط فيه سواء من الطرفين او احدهما والمصادقة عليه ..فعقد زواج المسيار هو عقد عادي مع وضع هذ الشرط وهو عدم توفير مسكن او عدم المشاركة في الحياة الزوجيه من ناحيه السكن وان يكون (تسيّر) فتغني الزوجه..(سيّر علينا ياهوى سيّر علينا)

موضي قطر

01-03-2011, 07:44 PM

ليش محد جاوب على سؤالي ؟؟؟؟؟؟؟؟؟؟؟؟؟؟؟؟

ابغي اشوف الورقه شنهو البنود الي فيها حتى لو من اي موقع اي مكان لحد يعلم انها له او لغيره 000:telephone:

وعندي سؤال : ليش الرجل يلجأ للتعدد عن طريق زواج (المسيار) ولا يلجأ للتعدد بزواج الاشهار المتعارف عليه ؟؟؟؟؟

وخلونا من سالفه اباحه العلماء ابغي اعرف السبب ليش اختار التعدد بذيك الطريقه ؟؟

افيدونا افادكم الله وسدد خطاكم لطريق الخير

بنيتي الحلوة فسكرة يمكن يقول بعضهم انه مايبي سنداره وحنه الحريم وخاصة اذا درت زوجته انه يبي يتزوج فيفضل المسيار .. بس المصيبة يشتكي من النسوان ويروح لهم برجوله :shy:

هذا شيسوون فيه :tease:

خليفـة

01-03-2011, 07:49 PM

باختصار .. الزواج المسيار موجود في قطر .. وبكثرة
وراس مالها مشوار صغير لأحد الدول المجاورة .. وعمل عقد الزواج هناك

نعم الزواج المسيار غير موجود بشكل ظاهر
ولكنه موجود من تحت لين تحت

والي يقول غير هالكلام .. يغمض عينه عن الحقيقة

تحياتي للجميع

:)

بـــــــنت النوخـّــــذه

01-03-2011, 08:04 PM

تدرين ليش ماحد جاوب لان كلهم بس يسمعون فيها
ولاحد منهم شافها على الطبيعة :)

صج عيل اشله يطلبون الرقم على الخاص :p يعني يابلفيت اني !!!!

بس كلام الاخ الي ذكر المجلس صح (استفسرت )وكنت اتمنى مايذكر اسم المنطقه بهذي الطريقه لانهم اهل المنطقه ومجالسهم ناس والنعم فيهم ومهب حلوه يطلعهم بهذي الصوره في تجمعهم بالمجالس0000وكذلك ماحبيت ذكر اسماء الدول الي يتهاتفون على زواج بناتهم بهذه الطريقه لان بعد مهب حلوه نذكرهم بهذي الطريقه 000 اتمنى تكون التعبيرات مره اخرى بشكل عام بدون تحديد اسماء والي حاب يستسفر يوجد الخاص :omen2:

حسب علمي انه عقد عادي وبما ان العقد العادي من الممكن كتابه الشروط فيه سواء من الطرفين او احدهما والمصادقة عليه ..فعقد زواج المسيار هو عقد عادي مع وضع هذ الشرط وهو عدم توفير مسكن او عدم المشاركة في الحياة الزوجيه من ناحيه السكن وان يكون (تسيّر) فتغني الزوجه..(سيّر علينا ياهوى سيّر علينا)

عتيج ما ابغي كلام ابغي ورقه (رسميه موجوده ) او حد ينقل بالتفصيل الي موجود بالورقه

بنيتي الحلوة فسكرة يمكن يقول بعضهم انه مايبي سنداره وحنه الحريم وخاصة اذا درت زوجته انه يبي يتزوج فيفضل المسيار .. بس المصيبة يشتكي من النسوان ويروح لهم برجوله :shy:

هذا شيسوون فيه :tease:

اهههه ليش وين راحت القوامه للرجل :)

دام الرجل واثق من نفسه ومن اسبابه يقدم على التعدد بطريقه شرعيه متعارف عليها 00

ياما حريم حنانات وازواجهم تزوجو عليهم وحطوهم جدم الامر الواقع واقتنعو لان عندهم اسباب 00

فأنصح اي رجل يبغي يغير انه يعدد بطريقه شرعيه متعارف عليها على الاقل يعني مسمعها لايدعو للاشمئزاز وغير عن عيالك مهب حلوه يقولون ابوي متزوج مسيار

وعندي سؤال اخر :omen2:: هل الرجل الي يقبل الزواج بهذه الطريقه يرضى باخته ان تتزوج بنفس الطريقه بصرف النظر عن العمر والتبريرات ابغي نعم \لا؟؟
معليه اسئلتي كثيره بس حلو الشخص يتثقف ويعرف تفكير المجتمع كيف وشلي يدور حوله وحواليه :::p

لاجل QT

01-03-2011, 08:05 PM

موجود والعقد يكون في الدول المجاورة

دام ستر وحلال مافيها شي...ابرك من الوحدة تقعد تجابل هالزوج 24 ساعة ويقعد يطحن على راسها بحنتة اللى ماتخلص..

لاجل QT

01-03-2011, 08:14 PM

صج عيل اشله يطلبون الرقم على الخاص :p يعني يابلفيت اني !!!!

بس كلام الاخ الي ذكر المجلس صح (استفسرت )وكنت اتمنى مايذكر اسم المنطقه بهذي الطريقه لانهم اهل المنطقه ومجالسهم ناس والنعم فيهم ومهب حلوه يطلعهم بهذي الصوره في تجمعهم بالمجالس0000وكذلك ماحبيت ذكر اسماء الدول الي يتهاتفون على زواج بناتهم بهذه الطريقه لان بعد مهب حلوه نذكرهم بهذي الطريقه 000 اتمنى تكون التعبيرات مره اخرى بشكل عام بدون تحديد اسماء والي حاب يستسفر يوجد الخاص :omen2:

عتيج ما ابغي كلام ابغي ورقه (رسميه موجوده ) او حد ينقل بالتفصيل الي موجود بالورقه

اهههه ليش وين راحت القوامه للرجل :)

دام الرجل واثق من نفسه ومن اسبابه يقدم على التعدد بطريقه شرعيه متعارف عليها 00

ياما حريم حنانات وازواجهم تزوجو عليهم وحطوهم جدم الامر الواقع واقتنعو لان عندهم اسباب 00

فأنصح اي رجل يبغي يغير انه يعدد بطريقه شرعيه متعارف عليها على الاقل يعني مسمعها لايدعو للاشمئزاز وغير عن عيالك مهب حلوه يقولون ابوي متزوج مسيار

وعندي سؤال اخر :omen2:: هل الرجل الي يقبل الزواج بهذه الطريقه يرضى باخته ان تتزوج بنفس الطريقه بصرف النظر عن العمر والتبريرات ابغي نعم \لا؟؟
معليه اسئلتي كثيره بس حلو الشخص يتثقف ويعرف تفكير المجتمع كيف:tease:

بنت النوخذة ورقة عقد الزواج المسيار نفس الورقة العادية للزواج العادي بالضبط بالسانتى والمللي....مافيها اي شي زايد او ناقص...بالنسبة للاخ ..لا مايرضى اختة تزوج زواج مسيار ..بس ممكن الاخت تحطة جدام الامر الواقع وتزوج مسيار اذا هي بغت او عدت 30 من العمر..الحين الحريم اكثر من الرجال اللى يدورون المسيار بالذات المطلقات والارامل بسبب ظروفهم ماااقصد هنا الظروف المادية ..لا ..ظروف اخرى

وسلام ن عليج

بـــــــنت النوخـّــــذه

01-03-2011, 08:21 PM

بنت النوخذة ورقة عقد الزواج المسيار نفس الورقة العادية للزواج العادي بالضبط بالسانتى والمللي....مافيها اي شي زايد او ناقص...بالنسبة للاخ ..لا مايرضى اختة تزوج زواج مسيار ..بس ممكن الاخت تحطة جدام الامر الواقع وتزوج مسيار اذا هي بغت او عدت 30 من العمر..الحين الحريم اكثر من الرجال اللى يدورون المسيار بالذات المطلقات والارامل بسبب ظروفهم ماااقصد هنا الظروف المادية ..لا ..ظروف اخرى

وسلام ن عليج

اهاااااااااااا مع اني قلت بصرف النظر عن الاسباب والعمر

انزين سؤال بما انها بالملي ونفس القياسات ليش بعض العلماء يرفضها ؟؟

واحد من الاعضاء قال فيه شيوخ دين الي يعقدون الزواج يرفضون العقد الخاص بالمسيار؟؟

دامها ورقه طبق الاصل اذا اين الخلل هل المسمى او الطريقه ؟؟
طولو بالكم عليّ ترى قلت حلو الشخص يعرف شالي يدور حوله وحواليه ولكي كذلك تتضح الصوره ---

متفااائل

01-03-2011, 08:25 PM

هو زواج عادي ولا يكتب في العقد مسيار ولا من هذا القبيل وموجود في قطر أيضا

R 7 A L

01-03-2011, 08:31 PM

بنت النوخذة

انتي تقولين مابيهم يذكرون ويذكرون ويذكرون

لو تلاحظين كل ردودك ( كلها اسئلة )

يعني فية تناقض في كلامك !!!

بو خليفه 123

01-03-2011, 08:40 PM

الخارجيه ارسل لي رقم المطوع ولا تهون

لاجل QT

01-03-2011, 08:40 PM

اهاااااااااااا مع اني قلت بصرف النظر عن الاسباب والعمر

انزين سؤال بما انها بالملي ونفس القياسات ليش بعض العلماء يرفضها ؟؟

واحد من الاعضاء قال فيه شيوخ دين الي يعقدون الزواج يرفضون العقد الخاص بالمسيار؟؟

دامها ورقه طبق الاصل اذا اين الخلل هل المسمى او الطريقه ؟؟
طولو بالكم عليّ ترى قلت حلو الشخص يعرف شالي يدور حوله وحواليه ولكي كذلك تتضح الصوره ---

الخلل فيه ان يتم الاتفاق بين الزوج والزوجة ان مافي عيال والسبب ان عندة عيال وهى عندها عيال ..(يعنى مايبون سندارة:rolleyes2:) بالنسبة للسكن ياجر شقة الزوج هو اللى ياجرها مو الزوجة...

وفي ناس تدفع مهر وقدرة حق الزوجة واذا تبي بعد مؤخر ممكن بعد..:victory:

بـــــــنت النوخـّــــذه

01-03-2011, 08:44 PM

بنت النوخذة

انتي تقولين مابيهم يذكرون ويذكرون ويذكرون

لو تلاحظين كل ردودك ( كلها اسئلة )

يعني فية تناقض في كلامك !!!

اشدخل وين التناقض؟؟؟؟:omen2:

الاسئله والاستفسار تناقض :eek5:؟؟

اي يذكرون عيل اشلون يعتبر سؤال اذا مافيه ذكر او تعليق000

واذا تقصد ب مابيهم يذكرون اي في نقطه وحده فقط اسماء ومناطق ودول واي استفسار يتم مراسله صاحب الشأن والسبب لان الموضوع فيه اختلاف ومهب حلوه انطلع الاشخاص الثانيين بهذي الصوره0خصوصا انها غير مستحبه عند البعض وعدم الاستحباب كفيل بفتح باب القيل والقال 00فلذلك مع الحديث بشكل عام وضد التخصيص0 بذكر اسماء دول ومناطق

:)

R 7 A L

01-03-2011, 08:47 PM

اشدخل وين التناقض؟؟؟؟:omen2:

الاسئله والاستفسار تناقض :eek5:؟؟

اي يذكرون عيل اشلون يعتبر سؤال اذا مافيه ذكر او تعليق000

واذا تقصد ب مابيهم يذكرون اي في نقطه وحده فقط اسماء ومناطق ودول واي استفسار يتم مراسله صاحب الشأن والسبب لان الموضوع فيه اختلاف ومهب حلوه انطلع الاشخاص الثانيين بهذي الصوره0خصوصا انها غير مستحبه عند البعض وعدم الاستحباب كفيل بفتح باب القيل والقال 00فلذلك مع الحديث بشكل عام وضد التخصيص0

:)

التناقض انج تقولين مابيهم يذكرون
وفي نفس الوقت انتي الى تسألين :anger1:

خاطري أشوف لج موضوع أو رد مافية سؤال

بـــــــنت النوخـّــــذه

01-03-2011, 08:48 PM

الخلل فيه ان يتم الاتفاق بين الزوج والزوجة ان مافي عيال والسبب ان عندة عيال وهى عندها عيال ..(يعنى مايبون سندارة:rolleyes2:) بالنسبة للسكن ياجر شقة الزوج هو اللى ياجرها مو الزوجة...

وفي ناس تدفع مهر وقدرة حق الزوجة واذا تبي بعد مؤخر ممكن بعد..:victory:

اهاااااااااااااااااااااااا

شكرا للتوضيح بارك الله فيج 000 :nice:

بـــــــنت النوخـّــــذه

01-03-2011, 08:51 PM

التناقض انج تقولين مابيهم يذكرون
وفي نفس الوقت انتي الى تسألين :anger1:

خاطري أشوف لج موضوع أو رد مافية سؤال

اشلون مابيهم يذكرون وين قلت هالكلمه اقول حط اقتباس لي عشان افسر لك عدل جذيه ما راح افهم

السؤال والاستفسار صار تناقض ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟:eek5:

طيب اذا الشخص يجهل بعض الاشياء اشلون يجاوب اههه يطرح الكلام باجابه ولا سؤال ؟
عطني الطريقه وانا بشوف اذا طبيعيه في لغه الحوار بستخدمها وعلى فكره الاسئله سياسه وفن للوصول لفكره ترى مهب بالضروره السؤال يعني بمعنى سؤال ^-* وكذلك حلو الشخص يستفسر ويعرف كل شي مهب يعلق على حسب الردود لازم يجمع له الاجابات ومن خلالها يصدر الحكم النهائي :)

لافوشيا

01-03-2011, 08:55 PM

بل بل بل السالفه تطورت ياجماعه

يعني الزبده الحين نتزوج مسيار ولا لا؟؟

R 7 A L

01-03-2011, 08:56 PM

اشلون مابيهم يذكرون وين قلت هالكلمه اقول حط اقتباس لي عشان افسر لك عدل جذيه ما راح افهم

السؤال والاستفسار صار تناقض ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟:eek5:

طيب اذا الشخص يجهل بعض الاشياء اشلون يجاوب اههه يطرح الكلام باجابه ولا سؤال ؟
عطني الطريقه وانا بشوف اذا طبيعيه في لغه الحوار بستخدمها وعلى فكره الاسئله سياسه وفن للوصول لفكره ترى مهب بالضروره السؤال يعني بمعنى سؤال ^-* وكذلك حلو الشخص يستفسر ويعرف كل شي مهب يعلق على حسب الردود لازم يجمع له الاجابات ومن خلالها يصدر الحكم النهائي :)

:nice:
هذا الى بغيت اوصل لة
على شأن ماتقولين ( سؤال برئ )

بـــــــنت النوخـّــــذه

01-03-2011, 08:59 PM

:nice:
هذا الى بغيت اوصل لة
على شأن ماتقولين ( سؤال برئ )

اشلون راحت علي نسيت احط سؤال بريئ :(

بس جد هي اسئله وابغي استفسر عنها لزياده العلم والمعرفه لان زواج المسيار زواج دخيل على مجتمعنا توه من كمن سنه داخل تقريبا سنه 2007 ايام ماكانت الاسهم لها ربح كبير في البيع والشراء يعني يسمونها الاقتصاديين سنه الرفاهيه

وعموما انا طلبت الاجابه بشكل عام مهب يخصص ويذكر اسم الدوله والمنطقه ورقم التلفون والعنوان لان موضوعنا (زواج المسيار) واسئلتي مافيها اي نوع من هذه الطلبات المرفوضه الي المفروض الاستفسار عنها يتم بالخاص

R 7 A L

01-03-2011, 09:08 PM

اشلون راحت علي نسيت احط سؤال بريئ :(

بس جد هي اسئله وابغي استفسر عنها لزياده العلم والمعرفه لان زواج المسيار زواج دخيل على مجتمعنا توه من كمن سنه داخل تقريبا سنه 2007 ايام ماكانت الاسهم لها ربح كبير في البيع والشراء يعني يسمونها الاقتصاديين سنه الرفاهيه

اعطيج أياها على بلاطة واتمنى من الجميع سوا اعضاء او زوار يسمحون لي على الكلمة الغير مرغوب فيها لكن هذه الحقيقة

الغرض من زواج المسيار للرجل هي ( المتعة ) :secret: فقط واتحدى اي واحد يقول لي عكس كذا .
بالنسبة للحريم فية اكثر من غرض .

بو خليفه 123

01-03-2011, 09:11 PM

رحال متى بتعود من امريكا ؟

عازمك على مطعم بخاري في الحسا لين عودت لنا بالسلامه و بناخذ الاخ الخارجيه معنا شاهد انه تغدينا مندي :)

لافوشيا

01-03-2011, 09:11 PM

اعطيج أياها على بلاطة واتمنى من الجميع سوا اعضاء او زوار يسمحون لي على الكلمة الغير مرغوب فيها لكن هذه الحقيقة

الغرض من زواج المسيار للرجل هي ( المتعة ) :secret: فقط واتحدى اي واحد يقول لي عكس كذا .
بالنسبة للحريم فية اكثر من غرض .

والي يقول غير كده يبقى ايه ؟؟؟

R 7 A L

01-03-2011, 09:14 PM

رحال متى بتعود من امريكا ؟

عازمك على مطعم بخاري في الحسا لين عودت لنا بالسلامه و بناخذ الاخ الخارجيه معنا شاهد انه تغدينا مندي :)

:eek5:
لا لا يمكن كمين :(

R 7 A L

01-03-2011, 09:15 PM

والي يقول غير كده يبقى ايه ؟؟؟

مافيش غير كده حااااقه :victory:

لاجل QT

01-03-2011, 09:15 PM

اعطيج أياها على بلاطة واتمنى من الجميع سوا اعضاء او زوار يسمحون لي على الكلمة الغير مرغوب فيها لكن هذه الحقيقة

الغرض من زواج المسيار للرجل هي ( المتعة ) :secret: فقط واتحدى اي واحد يقول لي عكس كذا .
بالنسبة للحريم فية اكثر من غرض .

محد ينكر:nice:

حتى الزواج العادي من اهدافة الستر والمتعة وتكوين اسرة..ونفس الشي الزواج الثانى والثالث هدفة المتعة...بالله الريال ليش يتزوج ..على شان يعف نفسة من الحرام..

شخبار امريكا رحال:nice:

حسن

01-03-2011, 09:19 PM

اعطيج أياها على بلاطة واتمنى من الجميع سوا اعضاء او زوار يسمحون لي على الكلمة الغير مرغوب فيها لكن هذه الحقيقة

الغرض من زواج المسيار للرجل هي ( المتعة ) :secret: فقط واتحدى اي واحد يقول لي عكس كذا .
بالنسبة للحريم فية اكثر من غرض .

اسمحلي انت غلطان زواج المسيار عقد صحيح فيه ايجاب وقبول وشهود وعيال على حسب الاتفاق وزاج المسيار اساسا وضع حق البنات اللي طافهم القطار وعندها فلوس خبرك المديرات والمدرسات الله مكثرهم وبعضهم كان يرفض والبعض ماجاها نصيب وفي اخر العمر تحسفوا وقبلو ببعض الشروط مثل السكن اوالمصروف لاكن العيال اعتقد صعبه لان المره تحب انه يكون لها عيال ينفعونهاوهذا راي واللي سمعته من بعض رجال الدين ومن ضمنهم القرضاوي

لافوشيا

01-03-2011, 09:21 PM

مافيش غير كده حااااقه :victory:

حاجه يبا حااااااااااااااجه مفيش قواعد خالص؟؟؟؟

ايه مبتشوفشي مسلسلات قديمه؟؟؟

R 7 A L

01-03-2011, 09:22 PM

محد ينكر:nice:

حتى الزواج العادي من اهدافة الستر والمتعة وتكوين اسرة..ونفس الشي الزواج الثانى والثالث هدفة المتعة...بالله الريال ليش يتزوج ..على شان يعف نفسة من الحرام..

شخبار امريكا رحال:nice:

الزواج العادي او المتعارف علية
لة الكثير من المعاني السامية
فية الاسقرار
فية السكينة
فية الاولاد

اما المسيار
خلي تماماً من هذه الامتيازات

R 7 A L

01-03-2011, 09:25 PM

اسمحلي انت غلطان زواج المسيار عقد صحيح فيه ايجاب وقبول وشهود وعيال على حسب الاتفاق وزاج المسيار اساسا وضع حق البنات اللي طافهم القطار وعندها فلوس خبرك المديرات والمدرسات الله مكثرهم وبعضهم كان يرفض والبعض ماجاها نصيب وفي اخر العمر تحسفوا وقبلو ببعض الشروط مثل السكن اوالمصروف لاكن العيال اعتقد صعبه لان المره تحب انه يكون لها عيال ينفعونهاوهذا راي واللي سمعته من بعض رجال الدين ومن ضمنهم القرضاوي

اخوي انا ماقلت انة غير صحيح
انا تكلمت عن الهدف منة لدى الرجال

والنساء لهم اكثر من غرض أو هدف منة
اما طافها على قولتك قطار الزواج او ان حالة اهلها المادية سيئة للغاية .

بـــــــنت النوخـّــــذه

01-03-2011, 09:25 PM

:looking:

متابعه من بعيد

R 7 A L

01-03-2011, 09:26 PM

حاجه يبا حااااااااااااااجه مفيش قواعد خالص؟؟؟؟

ايه مبتشوفشي مسلسلات قديمه؟؟؟

انتي لو تثبتين على لون معين في الكتابة كان ماحد غلط

لافوشيا

01-03-2011, 09:29 PM

انتي لو تثبتين على لون معين في الكتابة كان ماحد غلط

انا انسحب ... شكلك عصبي وماعندك روح رياضيه

سلام عليكم

STAR

01-03-2011, 09:29 PM

زواج المسيار هدفه فقط الجنس ‏...‏ اسمحوا لي ع هالكلمة..

وعمرها المرأة ما كانت للجنس بس..

واحتقر كل رجل يريد زواج المسياااااار...

للاسف للاسف لم اتوقع ان الرجال وصلوا الى هذا الحد ‏
من التفكير ‏...‏ اشلووون ترضاها؟! لو اختك والا بنتكجان مارضيتها ‏..
لكن بنات الناس عاااادي..

اتحدى المشايخ اللي حللوا هالنوعية من الزواج يزوجون بناتهم مسيااااار..

اتحدى..

لاجل QT

01-03-2011, 09:30 PM

الزواج العادي او المتعارف علية
لة الكثير من المعاني السامية
فية الاسقرار
فية السكينة
فية الاولاد

اما المسيار
خلي تماماً من هذه الامتيازات

اهم شي ان الشخص يعف نفسة عن الحرام ،ومن يقول مافي استقرار نفسي وسكينة.. في.. اذا كان فية تفاهم بين الطرفين ..والعيال موجودين :)

كل شي بالتفاهم وبشرع الله= الاستقرار النفسي والعاطفي:)

بو خليفه 123

01-03-2011, 09:35 PM

زواج المسيار هدفه فقط الجنس ‏...‏ اسمحوا لي ع هالكلمة..

وعمرها المرأة ما كانت للجنس بس..

واحتقر كل رجل يريد زواج المسياااااار...

للاسف للاسف لم اتوقع ان الرجال وصلوا الى هذا الحد ‏
من التفكير ‏...‏ اشلووون ترضاها؟! لو اختك والا بنتكجان مارضيتها ‏..
لكن بنات الناس عاااادي..

اتحدى المشايخ اللي حللوا هالنوعية من الزواج يزوجون بناتهم مسيااااار..

اتحدى..

أختي ستار مايصير التحقير في موضوع المسيار والرفض بهذه الطريقه

لك الحق الرفض و لكن بطرق سلميه اخرى

اذا انتي ماترضين بنتك تتزوج مسيار ترا غيرك قد رضى و زوج بناته مسيار ..

يعني نسبه و تناسب بين القبول والرفض ..

و ان شاء الله بنوصل صوتك للمشايخ انا و رحال رايحين هالويك اند نبحث بالموضوع

STAR

01-03-2011, 09:36 PM

واللي قاعد يقوول ان هالزواج حق اللي طافتها سيارة مادري سفينة مادري القطار..

اقوله لا تطلع حجج وهمية..اللي طافها الصاروخ مادري القطار خل ياخذها زواج عادي ‏
مب مسياااااااار يسر عليها..‏!!!!‏

مهما كانت كبيرة فالعمر فلها احساس ومشاعر..

والله قلبي مترووسة ‏‏)‏‏=‏

بديت اكره الرجال بسبة نظرتهم الدونية للمرأة..:weeping:

STAR

01-03-2011, 09:38 PM

بوخليفة..اعتقد هالشي راجع لي..

واكررها مليوووووووون مرة احتقر كل رجل يريد زواج المسياااااار..

على طاري روحتك في الويكند ‏..
اصلا انت من زمان تحن تبي تتزوج الثانية..

وعندي احساس لو يحصلك تاخذ مسيار على طووول راح تتزوجها..:)

حسن

01-03-2011, 09:38 PM

ياجماعه الخير محد يحس بالحسره والندم الا الغير متزوجه لما تشوف اللي حوليها متزوجين وعندهم عيال وهذا النوع من الزواج كان الهدف منه علاج لبعض الحالات من وجهه المشايخ وعلى فكره مايتم الزواج من غير رضا الطرفين يعني المره هي موافقه

بو خليفه 123

01-03-2011, 09:40 PM

بوخليفة..اعتقد هالشي راجع لي..

واكررها مليوووووووون مرة احتقر كل رجل يريد زواج المسياااااار..

صحيح راجع لك

و لك الحريه بتقبل النصيحه من اخوانك او الرفض ..

بـــــــنت النوخـّــــذه

01-03-2011, 09:40 PM

بديت اكره الرجال بسبة نظرتهم الدونية للمرأة..:weeping:

..

واكررها مليوووووووون مرة احتقر كل رجل يريد زواج المسياااااار..

ستار لازم تؤمنين بثقافه واهتمامات بعض الرجال الخليجيين وان هناك ثقافات واهتامات متفاوته مختلفه بين الشعوب :nice: <<<اشدخل

الله يعينج على الردود

بو خليفه 123

01-03-2011, 09:41 PM

حسب بعض الدراسات والاحصائيات ان زواج المسيار في منطقة الوكره يفوق شمال و وسط الدوحه بنسبة 95%

ممكن حد يأكد هالمعلومه

STAR

01-03-2011, 09:45 PM

ستار لازم تؤمنين بثقافه واهتمامات بعض الرجال الخليجيين وان هناك ثقافات واهتامات متفاوته مختلفه بين الشعوب :nice: <<<اشدخل

الله يعينج على الردود

سكتي عني يالبطووولة حدي متنرفزة من بعض الاعضاء:anger1:

تدرين خلاص شكلي بكره الرجال..

الزين والشين ‏..

اعيش بكرامتي والا اعيش مع رجل قد يكون تفكيره نفس تفكير بعض الاعضااااء..

ام بطوولة تحملي تتزوجين ههههههه

حسن

01-03-2011, 09:45 PM

واللي قاعد يقوول ان هالزواج حق اللي طافتها سيارة مادري سفينة مادري القطار..

اقوله لا تطلع حجج وهمية..اللي طافها الصاروخ مادري القطار خل ياخذها زواج عادي ‏
مب مسياااااااار يسر عليها..‏!!!!‏

مهما كانت كبيرة فالعمر فلها احساس ومشاعر..

والله قلبي مترووسة ‏‏)‏‏=‏

بديت اكره الرجال بسبة نظرتهم الدونية للمرأة..:weeping:

المشكله عندك خلط في فرق بين الزوج وبين الرجل وضحتلك الحريم هم اللي يبون وموافقين مهب غصب برضاها انقولك انتي مب راضيه هذا رايك ونحترمه وغيرك راضيه وهذا رايها ونحترمه وصلت الفكره ولا لا شاركين يابنت النوخذه

Dawn

01-03-2011, 09:46 PM

طبعا لا اثر لزواج المسيار في قطر لان اهل قطر اغلبهم سنه وعيال عرب ولله الحمد ..

واللي ياخذ مسيار شيعي بس مستحي يقول متعه .. :)

( التقيه )

مسيار = متعه = زنا

لافوشيا

01-03-2011, 09:51 PM

هو زواج العادي
أو زواج من جارية

لكن زواج المسيار ما كان موجود نهائياً

هل من المعقول تجي بعد 1400 سنة وتخترع زواج المسيار

حتى معنى الاسم ( علاقة عابرة من اجل الجنس )

هذا رأي وليس افتاء

STAR

01-03-2011, 09:52 PM

داااون والله يبتها في الصميم

مسيار ‏‏= متعة

ونتطنز على الشيعة وانا صرنا نفسهم

بـــــــنت النوخـّــــذه

01-03-2011, 09:54 PM

..

ام بطوولة تحملي تتزوجين ههههههه

اههههههههههههههههههههههه
نصيحه متأخره :(

عموما ترى اصابع يدج مهب سوى ستار ,,,,<<<ترفع معنوياتها وا اتحاول اترد الثقه :p

لافوشيا

01-03-2011, 09:54 PM

حسب بعض الدراسات والاحصائيات ان زواج المسيار في منطقة الوكره يفوق شمال و وسط الدوحه بنسبة 95%

ممكن حد يأكد هالمعلومه

زواج المسيار اطلق عليه هذا الأسم والقصد منه هو يسير الرجل على المرأة فسمي مسيار (وتلفظ بالعامية الخليجية يوسير اي يزور) ولقد انتشرت ظاهرة زواج المسيار ولقد سمعت عنه منذ حوالي 7 سنوات تقريبا اكثر او اقل بقليل ولقد قرأنا عن هذا النوع من الزواج بين مؤيد ومعارض وعرفت بأنه يعني بأن تتنازل الزوجه عن المسكن والمأكل اي يعني نفقتها ومن رأيي بأن الاسلام أعز المرأة فهل هذا الزواج فيه ما يحفظ كرامتها وهي تنفق على رجل .

زواج المسيار ما زال بين معارض ومؤيد ولقد انتشرت هذه الظاهرة في المملكة العربية السعودية بشكل رهيب وإلى الآن حيث يبحث الشباب عن المرأة التي توفر المسكن والمأكل وذلك لعدم قدرتهم على توفير متطلبات الزواج

حسن

01-03-2011, 09:54 PM

افتى فيها داون وايدته ستار ولافوشي ضايعه في الطوشه

بو خليفه 123

01-03-2011, 09:57 PM

افتى فيها داون وايدته ستار ولافوشي ضايعه في الطوشه

اضحك الله سنك :nice:

اكتفي بالمتابعه من البلكونه و ذلك لاكتظاظ الآراء المتشعبه في الميدان ..

meme~qatar

01-03-2011, 09:59 PM

طيب

ليش الرجل مايعلن زواجه مادام انه شرعي على قولته؟؟

ومن شروط الزواج العادي الاشهار

ممكن الاقي تفسير؟؟؟

STAR

01-03-2011, 10:01 PM

زواج المسيار ما زال بين معارض ومؤيد ولقد انتشرت هذه الظاهرة في المملكة العربية السعودية بشكل رهيب وإلى الآن حيث يبحث الشباب عن المرأة التي توفر المسكن والمأكل وذلك لعدم قدرتهم على توفير متطلبات الزواج

ابشرج صارت موضه عند الشباب.. الكل يبي مسيار المقتدر والغير مقتدر...

وفي النهاية نقول الحمدلله والشكر على نعمة العقل والاحساس والكرامة...:omen2:

لافوشيا

01-03-2011, 10:02 PM

في عقول قصدهم وصل واشكر راعي الموضوع لانه وضح انواعهم

شكرا مره اخرى والله يجزاك خير

لافوشيا

01-03-2011, 10:04 PM

ابشرج صارت موضه عند الشباب.. الكل يبي مسيار المقتدر والغير مقتدر...

وفي النهاية نقول الحمدلله والشكر على نعمة العقل والاحساس والكرامة...:omen2:

كل ممنوع مرغوب (( عندهم )) اهم شي عنده المتعه وخلاص

تفكير ...... والله

STAR

01-03-2011, 10:08 PM

طيب

ليش الرجل مايعلن زواجه مادام انه شرعي على قولته؟؟

ومن شروط الزواج العادي الاشهار

ممكن الاقي تفسير؟؟؟

السالفة مب سالفة اشهار يابنت الحلال

جان زين يات على الاشهار ..

السالفة سالفة ان المصرف والمأكل والسكن على المرة ( الزوجة)
وهو بس يسير عليها للمتعة...!!!

بذمتج مب اهانة...

بحجة انه غير مقتدر على متطلبات الزواج .. وبحجة انها طافتها الطيارة ...!!!!

حسن

01-03-2011, 10:10 PM

طيب

ليش الرجل مايعلن زواجه مادام انه شرعي على قولته؟؟

ومن شروط الزواج العادي الاشهار

ممكن الاقي تفسير؟؟؟

انتي تقصدين الزوج مهب الرجل اساسا من اشروطه في اشهار من اللي قالك مافي اشهاركل هل الشهود واهل العروس وين السر الحين بعدين في شي ينخش عندنا في قطراللي يصرخ علي مرته في الوكره دروبه هل الخور:anger1:

بـــــــنت النوخـّــــذه

01-03-2011, 10:10 PM

ولا لا شاركيني يابنت النوخذه

:telephone:

كأني سمعت حد يطلب التدخل السلمي لحل النزاع الدولي بين ثوره الشعب مع حكامها ,,,<<<اشدخل:rolleyes2:

المهم

لفتت نظري جملتك ان فيه فرق بين الزوج والرجل 00لان مهب كل رجل يصلح زوج خصوصا اذا كان تفكيره غير خصوصا اذا دخل بنظره تخالف المجتمع والبيئه 0وفرضها بالقوه واباحها اباحتا" للجميع 0 ما ابغي اخوض بالامور السلبيه وراء هذه الفكره لان ما ابغي اشوه اي مجتمع بكشف الحقائق بس بشكل عام المتتبع للامور الامنيه المتعلقه بالاخلاق بيحصل ان صارت بلاوي بين فئه الشباب والبنات 00من ورى اهلهم والسبه زواج المسيار

الحديث به مهب بذي السهوله الي يتصورها البعض تعال خلنا انروح وتعال عطني الرقم والوعد هناك ولا اهني

مع الرجل الي يعدد بطريقه صحيحه بدون لف ودوران خصوصا ان الاغلب يقولون هدفهم الاستقرار اذا اين المشكله من ان يكون هذا العقد واضح وصريح واذا عن الشروط ممكن يشرط والزوجه تشرط بعقد الزواج وخلصنا 000

من اراد الاستقرار والبحث عن زوجه ثانيه فليتبع التعدد المتعارف عليه بعيد عن القيل والقال

سلام (ن) عليكم :)

meme~qatar

01-03-2011, 10:12 PM

السالفة مب سالفة اشهار يابنت الحلال

جان زين يات على الاشهار ..

السالفة سالفة ان المصرف والمأكل والسكن على المرة ( الزوجة)
وهو بس يسير عليها للمتعة...!!!

بذمتج مب اهانة...

بحجة انه غير مقتدر على متطلبات الزواج .. وبحجة انها طافتها الطيارة ...!!!!

حبيبتي كل او اغلب اللي متزوجين مسيار متزوجين بالسر وهذا ضد الشريعة لان الاصل الاشهار

وغير طبعا انه يوفر عليهم لان المسكينه هي اللي (تنفق) عليه

meme~qatar

01-03-2011, 10:14 PM

انتي تقصدين الزوج مهب الرجل اساسا من اشروطه في اشهار من اللي قالك مافي اشهاركل هل الشهود واهل العروس وين السر الحين بعدين في شي ينخش عندنا في قطراللي يصرخ علي مرته في الوكره دروبه هل الخور:anger1:

بس هله وزوجته وعياله مايدرون

STAR

01-03-2011, 10:16 PM

اسمحلي انت غلطان زواج المسيار عقد صحيح فيه ايجاب وقبول وشهود وعيال على حسب الاتفاق وزاج المسيار اساسا وضع حق البنات اللي طافهم القطار وعندها فلوس خبرك المديرات والمدرسات الله مكثرهم وبعضهم كان يرفض والبعض ماجاها نصيب وفي اخر العمر تحسفوا وقبلو ببعض الشروط مثل السكن اوالمصروف لاكن العيال اعتقد صعبه لان المره تحب انه يكون لها عيال ينفعونهاوهذا راي واللي سمعته من بعض رجال الدين ومن ضمنهم القرضاوي

ترى حتى زواج المتعة عقد صحيح وكامل الاركان .. من مأذون وشهود وزوج وزوجة ..:)

و على طاري اللي عندها فلووس

وضع حق البنات اللي طافهم القطار وعندها فلوس خبرك المديرات والمدرسات

خوووش والله .. بصراحة لا تعليق على تفكيرك السامي .... الله يكثر من امثالك :secret:

سؤال خارج الموضوع الصورة الرمزية اللي حاطها هاي ولدك؟؟؟!!!:)

لافوشيا

01-03-2011, 10:18 PM

السالفة مب سالفة اشهار يابنت الحلال

جان زين يات على الاشهار ..

السالفة سالفة ان المصرف والمأكل والسكن على المرة ( الزوجة)
وهو بس يسير عليها للمتعة...!!!

بذمتج مب اهانة...

بحجة انه غير مقتدر على متطلبات الزواج .. وبحجة انها طافتها الطيارة ...!!!!

شطوره عجبتيني

شيط ويط

01-03-2011, 10:19 PM

أنا ولهان و(مسيّر) .. :)

meme~qatar

01-03-2011, 10:23 PM

^^^^^^
واقف على بابهم الحين ؟؟؟؟؟

STAR

01-03-2011, 10:23 PM

شطوره عجبتيني

افااا عليج اعجبج :nice:

مب ذيك المرة زعلتي في موضوع ( هل المرأة انسان) لما قلت المرأة مب انسان المرأة شيطانة او مخلوقة غريبة...:anger1:

كان لي مغزى ثاني بس الله يهديج مافهمتيني..:weeping:

لافوشيا

01-03-2011, 10:24 PM

ترى حتى زواج المتعة عقد صحيح وكامل الاركان .. من مأذون وشهود وزوج وزوجة ..:)

و على طاري اللي عندها فلووس

خوووش والله .. بصراحة لا تعليق على تفكيرك السامي .... الله يكثر من امثالك :secret:

سؤال خارج الموضوع الصورة الرمزية اللي حاطها هاي ولدك؟؟؟!!!:)

انتي شخصيه مميزه ربي يحفظج
:victory::victory:

واثق بالله

01-03-2011, 10:26 PM

رأيي أن الزواج المسيار يصلح لبعض الحالات

ويكون في بلد مساحته كبيره ...

والمسيار ليس من شروطه عدم الانفاق

وهذا يرجع للطرفين قد يكون مع الانفاق

او بدونه ..

انما الامر الاساسي فيه هو المبيت

فيرجع ذلك للزوج وقد يرجع للزوجه

في بعض الحالات ...

وأرى أن هذا النوع من الزواج يجب

الا يوثق الا بعد دراسة كل حاله بالتفصيل

من اجل حماية المجتمع من عبث العابثين

بالاعراض ...

والله أعلم

حسن

01-03-2011, 10:28 PM

شوفي ياستار انا مادري عن شروط زواج المتعه لاني ولله الحمد مش من ذي المله وبعدين انا مش قصدي اني اجرح حد وراس ولدي اللي في الصوره ولااحب اني اغلط على حد ولان يحصل مني ان شاء الله والله ثم والله انني لست من مويدي زواج المسيار ولن اقبل ان اتزوج بذي الطريقه لاكن لما سمعت شيخنا القرضاوي ورايه في الموضوع وجوازه تقبلت الموضوع رافه بحال البنات اللي تاخرو في الزواج وهم حرين وانا اسف اذا بدر مني شي

لافوشيا

01-03-2011, 10:28 PM

افااا عليج اعجبج :nice:

مب ذيك المرة زعلتي في موضوع ( هل المرأة انسان) لما قلت المرأة مب انسان المرأة شيطانة او مخلوقة غريبة...:anger1:

كان لي مغزى ثاني بس الله يهديج مافهمتيني..:weeping:

اسمحيلي اسفه والله الي راح راح سامحينا عاد

تاسفتلج عالعام وقدام الكل

تراك كبرتي فعيني ماتوقعتج ذكيه ومثقفه ماشفت وحده تفكر بمنطقيه نفسج فديتج

حسن

01-03-2011, 10:30 PM

بنت النوخذه من وجهه نظري في فرق بين الزوج والرجل

بـــــــنت النوخـّــــذه

01-03-2011, 10:36 PM

بنت النوخذه من وجهه نظري في فرق بين الزوج والرجل

ممكن توضيح اكثر عشان استفيد:telephone:

STAR

01-03-2011, 10:39 PM

شوفي ياستار انا مادري عن شروط زواج المتعه لاني ولله الحمد مش من ذي المله وبعدين انا مش قصدي اني اجرح حد وراس ولدي اللي في الصوره

لا عادي اخوي .... والله يحفظ لك ولدك ويطول شعره اكثر :)

لافوشيا

شكرا عالاطراء الجميل ^_^

meme~qatar

01-03-2011, 10:42 PM

وللاخوان اللي يؤيدون ويفكرون انهم يتزوجون مسيار

عندي سؤال اخر وارجو الصدق في الجواب

هل عند عقد زواج المسيار تبيتون نية الطلاق بعد فترة من الزواج؟؟؟؟

حسن

01-03-2011, 10:45 PM

الرجل مايرضى انه زوجته تصرف عليه

STAR

01-03-2011, 10:47 PM

بخصوص اللي مأيدين زواج المتعة اووه سوري اقصد المسيار...

عندي سؤال لهم

هل من الممكن للمرأه (القطرية) ان تتزوج برجل (اجنبي) مسيار .. يعني ماتبي (قطري) مسيار.. تبي تاخذ خليجي والا شامي ...

والا الحقوق محفوظة للشباب القطريين؟؟!!

:)

بـــــــنت النوخـّــــذه

01-03-2011, 10:50 PM

بخصوص اللي مأيدين زواج المتعة اووه سوري اقصد المسيار...

عندي سؤال لهم

هل من الممكن للمرأه (القطرية) ان تتزوج برجل (اجنبي) مسيار .. يعني ماتبي (قطري) مسيار.. تبي تاخذ خليجي والا شامي ...

والا الحقوق محفوظة للقطريين؟؟!!
:)

:whistling:

:pilot:

:pilot:

:pilot:

STAR

01-03-2011, 10:50 PM

الرجل مايرضى انه زوجته تصرف عليه

يعني هذا الفرق اللحين بين الرجل والزوج؟؟!!

يعني الزوج عادي يرضى زوجته تصرف عليه لكن الرجل ما يرضى زوجته تصرف عليه...

مادري ليش تذكرت اقوال القذافي الخالدة هههههه

الرادار

01-03-2011, 10:54 PM

الله يهني سعيد بسعيده

حسن

01-03-2011, 10:55 PM

وللاخوان اللي يؤيدون ويفكرون انهم يتزوجون مسيار

عندي سؤال اخر وارجو الصدق في الجواب

هل عند عقد زواج المسيار تبيتون نية الطلاق بعد فترة من الزواج؟؟؟؟
والله اللي يبيت نيه الطلاق مهب رجل ليش يفكر بنات الناس لعبه والمفروض اذا مايبي اعيال المره ماتاخذه وتقعد عند اهلها ابرك

حسن

01-03-2011, 10:59 PM

يعني هذا الفرق اللحين بين الرجل والزوج؟؟!!

يعني الزوج عادي يرضى زوجته تصرف عليه لكن الرجل ما يرضى زوجته تصرف عليه...

مادري ليش تذكرت اقوال القذافي الخالدة هههههه

الموضوع يبيله شرح ونخرج عن الموضوع الاساسي وارجعي للقران الكريم بيعطيك صفات الرجال

meme~qatar

01-03-2011, 11:00 PM

والله اللي يبيت نيه الطلاق مهب رجل ليش يفكر بنات الناس لعبه والمفروض اذا مايبي اعيال المره ماتاخذه وتقعد عند اهلها ابرك

شرايك ان الكثير منهم يبيت نية الطلاق
يعني يتمتع ويطلق وكان الله بالسر عليم

علشان مايجرح شعور ام العيال

حسن

01-03-2011, 11:03 PM

في قطريات متزوجين من غير قطريين ومن زمان ذي قسمه الله لها

حسن

01-03-2011, 11:08 PM

شرايك ان الكثير منهم يبيت نية الطلاق
يعني يتمتع ويطلق وكان الله بالسر عليم

علشان مايجرح شعور ام العيال

لاحول ولا قوه الا باللله للاسف 0000على هيك ذكور وانا اعرف ناس قد شعر راسي ماعمري سمعت في حد متزوج مسيار كان محد يعلم

البارح

01-03-2011, 11:18 PM

من قال ما له اثر
لعلمك اخوي المتزوجيين مسيار من الدوحه ياخذون حريمهم لمستشفى الخور للولاده
والي في الخور متزوجين مسيار يبونهم الدوحه او الاهلي للولاده :secret:

meme~qatar

01-03-2011, 11:21 PM

من قال ما له اثر
لعلمك اخوي المتزوجيين مسيار من الدوحه ياخذون حريمهم لمستشفى الخور للولاده
والي في الخور متزوجين مسيار يبونهم الدوحه او الاهلي للولاده :secret:

والسبب؟؟؟

البارح

01-03-2011, 11:25 PM

والسبب؟؟؟

السبب بسيط
ممكن حد يشوفه من جماعته في المستشفى
روح بعيد وتعال سالم يا ميمي

STAR

01-03-2011, 11:25 PM

الموضوع يبيله شرح ونخرج عن الموضوع الاساسي وارجعي للقران الكريم بيعطيك صفات الرجال

معليه انا جاهلة اشوي .. ممكن انت تفيدني شنهي صفات الرجل ؟؟؟

ان يتزوج المرأة مسيار مثلا؟؟

وان يرضى ان تكون هي التي تصرف على نفسها والمسكن عليها والمأكل كوكل شي عليها...

والاهم ان الرجل يجعلها للمتعة والجنس فقط يسيرعليها وقت مابغى يمارس حقه ويطلع .. يعني حتى المبيت مايبات عندها.. على اساس ستر لها وحفظ لكرامتها ...!!!
خوووووش ريااااااااال والله والنعم فيه ..

STAR

01-03-2011, 11:27 PM

من قال ما له اثر
لعلمك اخوي المتزوجيين مسيار من الدوحه ياخذون حريمهم لمستشفى الخور للولاده
والي في الخور متزوجين مسيار يبونهم الدوحه او الاهلي للولاده :secret:

اشعنده اللي صايدهم :)

ماقلت لنا عن وجهة نظرك بخصوص المسيار :telephone:

طارق

01-03-2011, 11:31 PM

معليه انا جاهلة اشوي .. ممكن انت تفيدني شنهي صفات الرجل ؟؟؟

ان يتزوج المرأة مسيار مثلا؟؟

وان يرضى ان تكون هي التي تصرف على نفسها والمسكن عليها والمأكل كوكل شي عليها...

والاهم ان الرجل يجعلها للمتعة والجنس فقط يسيرعليها وقت مابغى يمارس حقه ويطلع .. يعني حتى المبيت مايبات عندها.. على اساس ستر لها وحفظ لكرامتها ...!!!
خوووووش ريااااااااال والله والنعم فيه ..

نظرتج للموضوع سطحيه
لو انتي مطلقه او وعانس او ارمله
كنتي بتنظرين للموضوع بنظره اعمق
طارق/عاشق الزعتر

طارق

01-03-2011, 11:34 PM

في قطريات متزوجين من غير قطريين ومن زمان ذي قسمه الله لها

من زمان ياصديقي
حتى فراش الوزاره متزوج بعد من البعض

حسن

01-03-2011, 11:34 PM

معليه انا جاهلة اشوي .. ممكن انت تفيدني شنهي صفات الرجل ؟؟؟

ان يتزوج المرأة مسيار مثلا؟؟

وان يرضى ان تكون هي التي تصرف على نفسها والمسكن عليها والمأكل كوكل شي عليها...

والاهم ان الرجل يجعلها للمتعة والجنس فقط يسيرعليها وقت مابغى يمارس حقه ويطلع .. يعني حتى المبيت مايبات عندها.. على اساس ستر لها وحفظ لكرامتها ...!!!
خوووووش ريااااااااال والله والنعم فيه ..

انا كرجل مارضى ان المره تصرف علي ولا اسكن عندها ولا من الامور اللي ذكرتيها بس اكيد في غيري يسويها وعادي عندهواحب اوضحلك انه زوجتي ماتشتغل ولا اشتغلت وحاولت معاي لاكني رفضت

][ iMedia ][

01-03-2011, 11:34 PM

طارق/عاشق الزعتر

:nice:

البارح

01-03-2011, 11:37 PM

اشعنده اللي صايدهم :)

ماقلت لنا عن وجهة نظرك بخصوص المسيار :telephone:

ولا صايدهم ولا شيئ
روح شوفهم فاتحيين حلوجهم وهم داخليين :)

تاخذ رايي بالمسيار :eek5:
اذا شيوخنا قالوا حلال انا تبيني اقول حرام
الا حلال ونص
افضل من ............ :nice:

بـــــــنت النوخـّــــذه

01-03-2011, 11:39 PM

من قال ما له اثر
لعلمك اخوي المتزوجيين مسيار من الدوحه ياخذون حريمهم لمستشفى الخور للولاده
والي في الخور متزوجين مسيار يبونهم الدوحه او الاهلي للولاده :secret:

باااااااااااااااال حالتهم صعبه اهل المسيار

ضرب مشاوير عشان محد يصيدهم

موقلنا الاستقرار النفسي مهم في العلاقات الزوجيه
عاد البترول غلا الله يعينهم خش وضرب مشاوير احسه بعد يسوق بها وهو متلثم اهههه:p:p

STAR

01-03-2011, 11:40 PM

نظرتج للموضوع سطحيه
لو انتي مطلقه او وعانس او ارمله
كنتي بتنظرين للموضوع بنظره اعمق
طارق/عاشق الزعتر

سلامتك يا اخ طارق..

رأيي لن يتغير سواء اكنت عانس ام مطلقة او ارملة..

بخصوص نظرتي سطحية

اذا نظرتي سطحية فنظرتكم جنسية ‏‏(‏‏=‏

][ iMedia ][

01-03-2011, 11:40 PM

باااااااااااااااال حالتهم صعبه اهل المسيار

ضرب مشاوير عشان محد يصيدنهم

موقلنا الاستقرار النفسي مهم في العلاقات الزوجيه

عاد البترول غلا الله يعينهم خش وضرب مشاوير:p

لا ببشرك
الشباب عاملين حسابهم من كل النواحي
اللي كان يعبي سوبر اللحين بيعبي عادي . .

ماشيين على نظام ( لاضرر ولا ضرار )

:tease:

طارق

01-03-2011, 11:41 PM

ولا صايدهم ولا شيئ
روح شوفهم فاتحيين حلوجهم وهم داخليين :)

تاخذ رايي بالمسيار :eek5:
اذا شيوخنا قالوا حلال انا تبيني اقول حرام
الا حلال ونص
افضل من ............ :nice:

ياصديقي
البعض الي يتفلسف
لو يجيله فراش خذه مسيار
بس كلام في البطاطا

البارح

01-03-2011, 11:43 PM

باااااااااااااااال حالتهم صعبه اهل المسيار

ضرب مشاوير عشان محد يصيدهم

موقلنا الاستقرار النفسي مهم في العلاقات الزوجيه
عاد البترول غلا الله يعينهم خش وضرب مشاوير احسه بعد يسوق بها وهو متلثم اهههه:p:p

لا مركب مخفي 100%
يعني مستحيل تشوفين من جالس جنبه
وهم هي لابسه نقابيين

طارق

01-03-2011, 11:43 PM

سلامتك يا اخ طارق..

رأيي لن يتغير سواء اكنت عانس ام مطلقة او ارملة..

بخصوص نظرتي سطحية

اذا نظرتي سطحية فنظرتكم جنسية ‏‏(‏‏=‏

الله يسلمج
و سلمي عالربع :)

نبض قطر 1970

01-03-2011, 11:44 PM

للتوضيح فقط
الفرق بين : زواج المسيار ..وزواج المتعة .. والزواج العرفي

1- زواج المسيار : هو: أن يعقد الرجل زواجه على امرأة عقدًا شرعيًا مستوفي الأركان . لكن المرأة تتنازل عن السكن والنفقة .
2- زواج المتعة : هو: أن يتزوج الرجل المرأة بشيئ من المال مدة معينة ، ينتهي النكاح بانتهائها من غير طلاق . وليس فيه وجوب نفقة ولا سُكنى . ولاتوارث يجري بينهما إن مات أحدهما قبل انتهاء مدة النكاح .

3- الزواج العُرفي : وهو نوعان :

أ - باطل ؛ وهو أن يكتب الرجل بينه وبين المرأة ورقة يُقر فيها أنها زوجته ، ويقوم اثنان بالشهادة عليها ، وتكون من نسختين ؛ واحدة للرجل وواحدة للمرأة ، ويعطيها شيئًا من المال ! وهذا النوع باطل ؛ لأنه يفتقد للولي ، ولقيامه على السرية وعدم الإعلان .

ب - شرعي ؛ وهو أن يكون كالزواج العادي ؛ لكنه لايُقيد رسميًا عند الجهات المختصة ! وبعض العلماء يُحرمه بسبب عدم تقييده عند الجهات المختصة ؛ لما يترتب عليه من مشاكل لاتخفى بسبب ذلك .
أوجه المشابهة بين الزواج العرفي – الموافق للشريعة - وزواج المسيار :
1- العقد في كلا الزواجين قد استكمل جميع الأركان والشروط المتفق عليها عند الفقهاء، والمتوفرة في النكاح الشرعي، من حيث الإيجاب والقبول والشهود والولي.

2- كلا الزواجين يترتب عليه إباحة الاستمتاع بين الزوجين، وإثبات النسب والتوارث بينهما، ويترتب عليهما من الحرمات ما يترتب على الزواج الشرعي.

3- كلا الزواجين متشابهين في كثير من الأسباب التي أدت إلى ظهورهما بهذا الشكل، من غلاء المهور، وكثرة العوانس، والمطلقات، وعدم رغبة الزوجة الأولى في الزواج الثاني لزوجها، ورغبة الرجل في المتعة بأكثر من امرأة، وخوف الرجل على كيان أسرته الأولى... وغيرها.

4- كلا الزواجين يغلب عليهما السرية عن عائلة الزوج !
ويختلفان في النقاط التالية :
1- زواج المسيار يوثق في الدوائر الحكومية، ولكن الزواج العرفي لا يوثق أبداً.

2- في الزواج العرفي تترتب عليه جميع آثاره الشرعية بما فيها حق النفقة والمبيت، ولكن في زواج المسيار يُتفق على إسقاط حق النفقة والمبيت.
أوجه الفرق بين زواج المسيار وزواج المتعة:
1- المتعة مؤقتة بزمن، بخلاف المسيار، فهو غير مؤقت ولا تنفك عقدته إلا بالطلاق.

2- لا يترتب على المتعة أي أثر من آثار الزواج الشرعي، من وجوب نفقة وسكنى وطلاق وعدة وتوارث، اللهم إلا إثبات النسب، بخلاف المسيار الذي يترتب عليه كل الآثار السابقة، اللهم إلا عدم وجوب النفقة والسكنى والمبيت.

3- لا طلاق يلحق بالمرأة المتمتع بها، بل تقع الفرقة مباشرة بانقضاء المدة المتفق عليها، بخلاف المسيار.

4- أن الولي والشهود ليسوا شروطاً في زواج المتعة، بخلاف المسيار فإن الشهود والولي شرط في صحته .

5- أن للمتمتع في نكاح المتعة التمتع بأي عدد من النساء شاء، بخلاف المسيار ؛ فليس للرجل إلا التعدد المشروع ، وهو أربع نساء حتى ولو تزوجهن كلهن عن طريق المسيار.
فتوى في زواج المسيار :
من الذين قالوا بالإباحة: سماحة الشيخ عبدالعزيز ابن باز –رحمه الله- فحين سئل عن الرجل يتزوج بالثانية ، وتبقى المرأة عند والديها، ويذهب إليها زوجها في أوقات مختلفة تخضع لظروف كل منهما، أجاب رحمه الله : ( لا حرج في ذلك إذا استوفى العقد الشروط المعتبرة شرعاً، وهي وجود الولي ورضا الزوجين: وحضور شاهدين عدلين على إجراء العقد وسلامة الزوجين من الموانع، لعموم قول النبي صلى الله عليه وسلم : "أحق ما أوفيتم من الشروط أن توفوا به ما استحللتم به الفروج". وقوله صلى الله عليه وسلم: "المسلمون على شروطهم" فإن اتفق الزوجان على أن المرأة تبقى عند أهلها أو على أن القسْم يكون لها نهاراً لا ليلاً أو في أيام معينة أو ليالي معينة، فلا بأس بذلك بشرط إعلان النكاح وعدم إخفائه ) .
من خلال تأمل أقوال من أباح زواج المسيار من العلماء نجد أنهم استدلوا على رأيهم هذا بعدة أدلة من أهمها:
1- أن هذا الزواج مستكمل لجميع أركانه وشروطه، ففيه الإيجاب والقبول والتراضي بين الطرفين، والولي، والمهر، والشهود .

2- ثبت في السنة أن أم المؤمنين سودة – رضي الله عنها – وهبت يومها من رسول الله صلى الله عليه وسلم إلى أم المؤمنين عائشة – رضي الله عنها - . فكان رسول الله صلى الله عليه وسلم يقسم لعائشة يومين: يومها، ويوم سودة. ( رواه البخاري ) .

ووجه الاستدلال من الحديث: أن سودة بنت زمعة رضي الله عنها عندما وهبت يومها لعائشة رضي الله عنها وقبول الرسول صلى الله عليه وسلم ذلك، دل على أن من حق الزوجة أن تُسقط حقها الذي جعله الشارع لها كالمبيت والنفقة، ولو لم يكن جائزاً لما قبل الرسول صلى الله عليه وسلم إسقاط سودة - رضي الله عنها - ليومها.

3- أن في هذا النوع من النكاح مصالح كثيرة، فهو يُشبع غريزة الفطرة عند المرأة، وقد تُرزق منه بالولد، وهو بدون شك يقلل من العوانس اللاتي فاتهن قطار الزواج، وكذلك المطلقات والأرامل. ويعفُ كثيرًا من الرجال الذين لا يستطيعون تكاليف الزواج العادي المرهقة
وهذه فتوى اخرى لفضيلة الشيخ بن باز رحمه الله في سؤال له بخصوص النكاح بنية الطلاق

النكاح بنية الطلاق
سمعت لك فتوى على أحد الأشرطة بجواز الزواج في بلاد الغربة ، وهو ينوي تركها بعد فترة معينة ، لحين انتهاء الدورة أو الابتعاث . فما هو الفرق بين هذا الزواج وزواج المتعة ، وماذا لو أنجبت زوجته طفلة ، هل يتركها في بلاد الغربة مع أمها المطلقة أرجو الإيضاح؟

نعم لقد صدر فتوى من اللجنة الدائمة وأنا رئيسها بجواز النكاح بنية الطلاق إذا كان ذلك بين العبد وبين ربه ، إذا تزوج في بلاد غربة ونيته أنه متى انتهى من دراسته أو من كونه موظفا وما أشبه ذلك أن يطلق فلا بأس بهذا عند جمهور العلماء ، وهذه النية تكون بينه وبين الله سبحانه ، وليست شرطا .
والفرق بينه وبين المتعة : أن نكاح المتعة يكون فيه شرط مدة معلومة كشهر أو شهرين أو سنة أو سنتين ونحو ذلك ، فإذا انقضت المدة المذكورة انفسخ النكاح ، هذا هو نكاح المتعة الباطل ، أما كونه تزوجها على سنة الله ورسوله ولكن في قلبه أنه متى انتهى من البلد سوف يطلقها ، فهذا لا يضره وهذه النية قد تتغير وليست معلومة وليست شرطا بل هي بينه وبين الله فلا يضره ذلك ، وهذا من أسباب عفته عن الزنى والفواحش ، وهذا قول جمهور أهل العلم ، حكاه عنهم صاحب المغني موفق الدين ابن قدامة رحمه الله .

والله من وراء القصد

حسن

01-03-2011, 11:46 PM

نظرتج للموضوع سطحيه
لو انتي مطلقه او وعانس او ارمله
كنتي بتنظرين للموضوع بنظره اعمق
طارق/عاشق الزعتر

كلامك يا طارق مقنع وهو حق بعض الحالات اوافقك الراي

بـــــــنت النوخـّــــذه

01-03-2011, 11:47 PM

[

لا مركب مخفي 100%
يعني مستحيل تشوفين من جالس جنبه
وهم هي لابسه نقابيين

ماخبرالمخفي الامامي مصرح به في سياير الرجال ليكون حاله استثنائيه للناس ذولي بس اكيد تقصد يجلسها ورى مستحيل جدام بيصيدونه

صراحه معلومات اول مره اعرفها والله يازين الواحد لي مشى وهو راسه مرفوع لاخش ودس يقول هذي ام عيالي وهذي زوجتي بنت فلان بن فلان 000مهب يتخشش يضرب مشاوير الخور عشان محد يشوفه

اشله والله صراحه الله حلل التعدد واضح وصريح بالعقد (المتعارف عليه ):nice:

البارح

01-03-2011, 11:51 PM

[

ماخبرالمخفي الامامي مصرح به في سياير الرجال ليكون حاله استثنائيه للناس ذولي

صراحه معلومات اول مره اعرفها والله يازين الواحد لي مشى وهو راسه مرفوع لاخش ودس يقول هذي ام عيالي وهذي زوجتي بنت فلان بن فلان 000مهب يتخشش يضرب مشاوير الخور عشان محد يشوفه

اشله والله صراحه الله حلل التعدد واضح وصريح بالعقد (المتعارف عليه ):nice:

اشدعوا تبينه يحط اعلان في الجرايد زوجتي فلانه بنت فلان :)
على العموم المسيار صار جزء من المجتمع الخليجي
وواقع ملموس في الحياة الاجتماعية

حسن

01-03-2011, 11:52 PM

نبض قطر الله يجزيك خير على هل التوضيح ذي مشاركتك رقم 1 هطول خف علينا شوي الله يرحم والديك عيني قامت تضرب ديم فول

جرح الزمان

01-03-2011, 11:55 PM

ما هي اخر النتائج ...... في ولا ما في ؟

STAR

01-03-2011, 11:56 PM

بكرة راح اعلق ع بقية الردود..

بـــــــنت النوخـّــــذه

01-03-2011, 11:56 PM

اشدعوا تبينه يحط اعلان في الجرايد زوجتي فلانه بنت فلان :)
على العموم المسيار صار جزء من المجتمع الخليجي
وواقع ملموس في الحياة الاجتماعية

كلامي واضح مهب بهذا التصور الي قلته :omen2: 00

انت قلت يضطر يودي مرته الخور بعيد عن الانظار 0يعني المستشفى ورى بيته في الدوحه يروح الخور عشان لحد يعرفه هذي حاله 0000

وكلامي مهب يمشي يحط اعلان انت فاهم شقصد عدل يعني يكون رجل صريح وواضح 000

وعلى فكره حلات الشخص يمشي بالسليم واي طريج بجيب له القيل والقال يبعد عنه

واكاد اجزم ان 3\4 الرجال مقتنعين اقتناع تام بان الفكره مرفوضه بس عاد كبرياء الاعتراف يفرض تلك الردود 000

عموما مازلت اقول التعدد بالطرق المتعارف عليها المجتمع افضل طريقه

سلام (ن) عليكم:)

حسن

02-03-2011, 12:01 AM

رجاء حار اللي متزوج مسبار ولا غيره لحد يجيب مرته يولدها عندنا ذي مستشفانه رجاء خاص

ANONYMOUS

02-03-2011, 12:02 AM

من قال ما له اثر
لعلمك اخوي المتزوجيين مسيار من الدوحه ياخذون حريمهم لمستشفى الخور للولاده
والي في الخور متزوجين مسيار يبونهم الدوحه او الاهلي للولاده :secret:

ليش العذاب

يجيب لها الدايه فلبيت ... طشت ماي حار وفوطه .. ويطلع ولي العهد الجديد :)

حسن

02-03-2011, 12:06 AM

ليش العذاب

يجيب لها الدايه فلبيت ... طشت ماي حار وفوطه .. ويطلع ولي العهد الجديد :)

اي بس مب ماعطينه شهاده ميلاد

نبض قطر 1970

02-03-2011, 12:07 AM

نبض قطر الله يجزيك خير على هل التوضيح ذي مشاركتك رقم 1 هطول خف علينا شوي الله يرحم والديك عيني قامت تضرب ديم فول

ويجزاك خير أخوي

وسلامة عيونك

وردي كان للتوضيح فقط

لأن بعض الاعضاء قام يفتي بحلال وحرام

وهو في موقع لايحق له بالافتاء أو مصادرة حقوق الآخرين في ابداء ارائهم

فلكل وجهة نظره وظروفه واسبابه في اتخاذ هذا القرار

فلا يحق لنا حجر عقول البشر ومن ثم نحرم عليهم هذا وذاك من غير سند شرعي

وفتوه من احد شيوخنا الأجلاء

تقبل تحياتي اخي العزيز وبارك الله لك في ولدك

R 7 A L

02-03-2011, 12:12 AM

:looking:

متابعه من بعيد

ماحد زود عدد صفحات هالموضوع الا متابعتك البعيدة :anger1:

يا أم علامة ( ؟ ) بريئة

ANONYMOUS

02-03-2011, 12:16 AM

اي بس مب ماعطينه شهاده ميلاد

يوديه اليوم الثاني ويطلع شهادت تقدير عمر
:telephone:

حسن

02-03-2011, 12:19 AM

ويجزاك خير أخوي

وسلامة عيونك

وردي كان للتوضيح فقط

لأن بعض الاعضاء قام يفتي بحلال وحرام

وهو في موقع لايحق له بالافتاء أو مصادرة حقوق الآخرين في ابداء ارائهم

فلكل وجهة نظره وظروفه واسبابه في اتخاذ هذا القرار

فلا يحق لنا حجر عقول البشر ومن ثم نحرم عليهم هذا وذاك من غير سند شرعي

وفتوه من احد شيوخنا الأجلاء

تقبل تحياتي اخي العزيز وبارك الله لك في ولدك

بيض الله وجهك ماقصرت على هل التوضيح والرد الشافي والله يكثر من امثالك اخوي وتصبحون على خير جميعا واحلام بفسجيه مثل خط بعض الناس:secret:

ام عبدالعزيز

02-03-2011, 12:19 AM

احسه زواج مب واضح..

يعني مده معينه وفتره معينه..

الزواج حلاته على وضح النقا..

جابر العثرات

02-03-2011, 12:30 AM

حتى شرع الله ما يردكم :omg:
حد يقول عن شرع الله اهانه ومذلة:anger1:
زواج المسيار حلال :victory:
وهو ستر ويحفظ للجميع حقوقه :shy:
بالمناسبة اللي تقول عن زواج المسيار
اهانه :telephone:
اشرايك تقعدين مكان اللي رضت بهذا الزواج:thumbdown:
الواحد لازم يراعي مصالح الناس والظروف

الأصيلة

02-03-2011, 12:34 AM

ههههههههههه لاتحرمينه من الاجر

اوقفي مع بنات جنسك العازبات :secret:

اللي في السعودية ...

][ iMedia ][

02-03-2011, 12:37 AM

اللي في السعودية ...

اختي مافي بقطر ؟
يعني انا اللي سمعتو " كذب " ؟ :omen2:

الصراحه ما عندي خلفيه - - ولا حتى شاشه توقف
عن الموضوع !

الأصيلة

02-03-2011, 12:39 AM

شرايك ان الكثير منهم يبيت نية الطلاق
يعني يتمتع ويطلق وكان الله بالسر عليم

علشان مايجرح شعور ام العيال

وعشان مايفشل الرجال ( اللحية الغانمة )
اللي عرض عليه وحده من بناته...
فيضطر يتزوجها حتى إذا ما اعجبته يطلقها...

نبض قطر 1970

02-03-2011, 12:44 AM

شرايك ان الكثير منهم يبيت نية الطلاق
يعني يتمتع ويطلق وكان الله بالسر عليم

علشان مايجرح شعور ام العيال

وهذه فتوى اخرى لفضيلة الشيخ بن باز رحمه الله في سؤال له بخصوص النكاح بنية الطلاق

النكاح بنية الطلاق
سمعت لك فتوى على أحد الأشرطة بجواز الزواج في بلاد الغربة ، وهو ينوي تركها بعد فترة معينة ، لحين انتهاء الدورة أو الابتعاث . فما هو الفرق بين هذا الزواج وزواج المتعة ، وماذا لو أنجبت زوجته طفلة ، هل يتركها في بلاد الغربة مع أمها المطلقة أرجو الإيضاح؟

نعم لقد صدر فتوى من اللجنة الدائمة وأنا رئيسها بجواز النكاح بنية الطلاق إذا كان ذلك بين العبد وبين ربه ، إذا تزوج في بلاد غربة ونيته أنه متى انتهى من دراسته أو من كونه موظفا وما أشبه ذلك أن يطلق فلا بأس بهذا عند جمهور العلماء ، وهذه النية تكون بينه وبين الله سبحانه ، وليست شرطا .
والفرق بينه وبين المتعة : أن نكاح المتعة يكون فيه شرط مدة معلومة كشهر أو شهرين أو سنة أو سنتين ونحو ذلك ، فإذا انقضت المدة المذكورة انفسخ النكاح ، هذا هو نكاح المتعة الباطل ، أما كونه تزوجها على سنة الله ورسوله ولكن في قلبه أنه متى انتهى من البلد سوف يطلقها ، فهذا لا يضره وهذه النية قد تتغير وليست معلومة وليست شرطا بل هي بينه وبين الله فلا يضره ذلك ، وهذا من أسباب عفته عن الزنى والفواحش ، وهذا قول جمهور أهل العلم ، حكاه عنهم صاحب المغني موفق الدين ابن قدامة رحمه الله .

الأصيلة

02-03-2011, 12:45 AM

[ imedia ][;6995190']

اختي مافي بقطر ؟
يعني انا اللي سمعتو " كذب " ؟ :omen2:

الصراحه ما عندي خلفيه - - ولا حتى شاشه توقف
عن الموضوع !

على السعودية إقبال أكثر والأسباب كثيرة..
شوف مركز بوسمرة كم واحد يعبر في نهاية الاسبوع
بحجة معزوم عند ربعة في النعيرية
أو عنده عرس في الجبيل...
أو بيجيب قطع غيار لسيارته من الحسا يقولك أرخص هناك...
وهكذا...

][ iMedia ][

02-03-2011, 12:53 AM

على السعودية إقبال أكثر والأسباب كثيرة..
شوف مركز بوسمرة كم واحد يعبر في نهاية الاسبوع
بحجة معزوم عند ربعة في النعيرية
أو عنده عرس في الجبيل...
أو بيجيب قطع غيار لسيارته من الحسا يقولك أرخص هناك...
وهكذا...

ااااههههههههههههههههههههههههه
شككتيني في سعود وبو سنيده
وانا طالب منهم اريل مترولا ولليوم ما جابولي اياه :happy:
اللحين اتضحت الصوره
هههههههههههههههههههه
خلاص بشوف شغلي معاهم اول ما يرجعو ..
على اساس رايحين يشتروا بوالين لان اسعارهم ارخص . .
هيـن
:tease:

تحياتي

الأصيلة

02-03-2011, 12:59 AM

[ imedia ][;6995223']

ااااههههههههههههههههههههههههه
شككتيني في سعود وبو سنيده
وانا طالب منهم مكينه اريل مترولا ولليوم ما جابولي اياه :happy:
اللحين اتضحت الصوره
هههههههههههههههههههه
خلاص بشوف شغلي معاهم اول ما يرجعو ..
على اساس رايحين يشتروا بوالين لان اسعارهم ارخص . .
هيـن
:tease:

تحياتي

الحق عليهم وانا اختك
ترى كل واحد يسوي دعاية لـ خوات زوجته وبنات جيرانها...

والله إنها صايره ...

QtrGate

02-03-2011, 01:01 AM

ههه قال لاأثر له في قطر

اعرف شباب كانو معاي في ثالث ثنوي وعايدين السنه كل اسبوع مسافرين البحرين او الحسا او مناطق اخرى
على قولتهم رايحين مزرعة واحد من ربعهم

يروحون الخميس بعد الدوام ويرجعون السبت

والحين بعد المدرسة بعض الشباب (( العاطلين ))

كل اسبوعين او ثلاث اسابيع مسافر يقولك ملل في الدوحة

والمشكلة لما تكلمهم وتقولهم حرام عليكم

يقولك بتحرم علينا شي حلله ربك

ماتقدر تقنع فيهم لان بعض المشايخ حللها

ويقولك لاتحرم على كيفك العلماء والمشايخ اعلم منك

][ iMedia ][

02-03-2011, 01:04 AM

الحق عليهم وانا اختك
ترى كل واحد يسوي دعاية لـ خوات زوجته وبنات جيرانها...

والله إنها صايره ...

مممممم
صحيح اختي . .
باعتقادي لان الكثير منهم يشوفو القطري " مكسب " وما يتفوت هههههه
.
بس هذا لا يمنع ان في حالات زواج مسيار في قطر . .
انا سمعت عن " مقيمين " متزوجين مسيار . .

اكثر من واحد مأكدلي :telephone:
و بشكل عام تبقى حالات قليله ومش منتشره على ما اعتقد !

R 7 A L

02-03-2011, 01:04 AM

على السعودية إقبال أكثر والأسباب كثيرة..
شوف مركز بوسمرة كم واحد يعبر في نهاية الاسبوع
بحجة معزوم عند ربعة في النعيرية
أو عنده عرس في الجبيل...
أو بيجيب قطع غيار لسيارته من الحسا يقولك أرخص هناك...
وهكذا...

اختي الاصيلة
لا أدري ماهي شواهدك بذكرك الدائم للسعودية
وترا مثل مافي السعودية ترا فية اكثرمن السعودية في دول الجوار الأخرى .

HiTec

02-03-2011, 01:06 AM

كتب محمد نجيب

أكد مأذونون شرعيون أنه لا وجود لزواج المسيار في قطر، ولم يوثقوا أي عقد في هذا الشأن منذ أن طرح هذا النوع من الزواج في دول مجاورة، وأقره أصحاب فضيلة من علماء المسلمين.

القطري يتزوج مسيار.. برة قطر

هي قطر كلها ناس تعرف ناس فـ أي مسيار؟؟
لازم ينّشر

كلها تروح سعودية .. تروح امارات بحرين

:)
موجود بكثرة كبيرة ..

خلي المأذونين ، يحصون كم من المتزوجين في قطر.. قد عددّوا بالمسيار

nadeemy

02-03-2011, 01:13 AM

وهذه فتوى اخرى لفضيلة الشيخ بن باز رحمه الله في سؤال له بخصوص النكاح بنية الطلاق

النكاح بنية الطلاق
سمعت لك فتوى على أحد الأشرطة بجواز الزواج في بلاد الغربة ، وهو ينوي تركها بعد فترة معينة ، لحين انتهاء الدورة أو الابتعاث . فما هو الفرق بين هذا الزواج وزواج المتعة ، وماذا لو أنجبت زوجته طفلة ، هل يتركها في بلاد الغربة مع أمها المطلقة أرجو الإيضاح؟

نعم لقد صدر فتوى من اللجنة الدائمة وأنا رئيسها بجواز النكاح بنية الطلاق إذا كان ذلك بين العبد وبين ربه ، إذا تزوج في بلاد غربة ونيته أنه متى انتهى من دراسته أو من كونه موظفا وما أشبه ذلك أن يطلق فلا بأس بهذا عند جمهور العلماء ، وهذه النية تكون بينه وبين الله سبحانه ، وليست شرطا .
والفرق بينه وبين المتعة : أن نكاح المتعة يكون فيه شرط مدة معلومة كشهر أو شهرين أو سنة أو سنتين ونحو ذلك ، فإذا انقضت المدة المذكورة انفسخ النكاح ، هذا هو نكاح المتعة الباطل ، أما كونه تزوجها على سنة الله ورسوله ولكن في قلبه أنه متى انتهى من البلد سوف يطلقها ، فهذا لا يضره وهذه النية قد تتغير وليست معلومة وليست شرطا بل هي بينه وبين الله فلا يضره ذلك ، وهذا من أسباب عفته عن الزنى والفواحش ، وهذا قول جمهور أهل العلم ، حكاه عنهم صاحب المغني موفق الدين ابن قدامة رحمه الله .

غريبه هذه الفتوى ان صحت
طيب اذا واحد مسافر اوروبا لدوره مثلا لمدة شهرين , فالمدة محدده وهو عارفها وان لم يصرح بها
طيب مالفرق بينه وبين المتعه ؟
الفرق الوحيد انه في المتعه ان الطرفين يعلمون المده ومتفقين عليها , ام هذا التوع فالزوج وحده يعلم الفتره
طيب الان الكثير من البنات يذهبن في دورات خارجيه وللدراسه , هل يجوز لهن الزواج بنيه الطلاق ؟
لو سمحت رابط الفتوى

الأصيلة

02-03-2011, 01:14 AM

اختي الاصيلة
لا أدري ماهي شواهدك بذكرك الدائم للسعودية
وترا مثل مافي السعودية ترا فية اكثرمن السعودية في دول الجوار الأخرى .

شواهدي ( اللي حولي واللي أعرف ومتأكده أنهم مسوينها وبكل أريحه )
وأغلبهم ابتدوا يجيبونها قطر...

اخوي قطر والسعودية كأنها بلد وحده
القطري رايح جاي على السعودية أكثر من أي بلد أخرى
ثاني شي عدد سكان السعودية أكثر من أي دولة ثانية...
وفيه أشكال وأجناس مختلفه من القبايل
وخاصة ذوي الدخل المحدود اللي يشوف القطري كنز عنده...
وللقطريين مصالح كثيرة مع اهل السعودية
وعندك أكثرهم مخيمين في النعيرية ويروحون الحفر والجبيل والحسا ويحطون عزبهم وحلالهم هناك ويتعارفون على الناس
من ها المنطلق قام الأب اللي عنده بنات يخطب لبناته ها الشباب اللي أغلب أيامهم في ربوع النعيرية والمنطقة الشرقية...
وأغلب البنات بين السن 17 ـ 25
وبـ مهر زهيد وبدون تكاليف وبعيد عن أهله وزوجته والسندارة...
لا والله إلا أقول التعدد حل مشكلة العوانس والمطلقات بـ قطر..

R 7 A L

02-03-2011, 01:20 AM

شواهدي ( اللي حولي واللي أعرف ومتأكده أنهم مسوينها وبكل أريحه )
وأغلبهم ابتدوا يجيبونها قطر...

اخوي قطر والسعودية كأنها بلد وحده
القطري رايح جاي على السعودية أكثر من أي بلد أخرى
ثاني شي عدد سكان السعودية أكثر من أي دولة ثانية...
وفيه أشكال وأجناس مختلفه من القبايل
وخاصة ذوي الدخل المحدود اللي يشوف القطري كنز عنده...
وللقطريين مصالح كثيرة مع اهل السعودية
وعندك أكثرهم مخيمين في النعيرية ويروحون الحفر والجبيل والحسا ويحطون عزبهم وحلالهم هناك ويتعارفون على الناس
من ها المنطلق قام الأب اللي عنده بنات يخطب لبناته ها الشباب اللي أغلب أيامهم في ربوع النعيرية والمنطقة الشرقية...
وأغلب البنات بين السن 17 ـ 25
وبـ مهر زهيد وبدون تكاليف وبعيد عن أهله وزوجته والسندارة...
لا والله إلا أقول التعدد حل مشكلة العوانس والمطلقات بـ قطر..

الى فهمت من كلامك ان السعوديين طمعانيين في فلوس القطريين ويزوجونهم بناتهم .

بس انتي تقولين بمهور زهيدة !!!

مادري هل هذا تناقض ولا انتي مافهمت :)

كيلو حديد

02-03-2011, 01:20 AM

انا مع الزواج الذي تتنازل فيه الزوجه عن بعض حقوقها

يسمونه مسيار ولا طيار ولا زنجبار

الاسماء لا تؤثر في حل الشئ او حرمته

الأصيلة

02-03-2011, 01:26 AM

الى فهمت من كلامك ان السعوديين طمعانيين في فلوس القطريين ويزوجونهم بناتهم .

بس انتي تقولين بمهور زهيدة !!!

مادري هل هذا تناقض ولا انتي مافهمت :)

المهور الزهيده عند القطري كبيرة عند بعض السعوديين اللي يعيشون في المناطق النائية
ويتحمل مسوؤلية بناته...
بالإضافة إلى الطمع في الإعتراف بالزوجة وإنجاب الأولاد
وأخذها لـ قطر معززة مكرمة
مثل مافعلها من اللي نعرفهم لـ حد الآن يمكن 5 ...
لحد الآن ماسمعت بزواج المسيار السعودي القطري
من بنات العوائل الغنية في السعودية...

AL_MUTAEM

02-03-2011, 01:43 AM

استغرب من بعض الردود التي تنكر زواج المسيار وتحرمه او كما ارى من البعض تشبيهه بزواج المتعه ..!!

زواج المسيار هو زواج يتم بين رجل وامرأه بكامل الشروط وتتنازل الزوجه عن النفقه او السكن او اي شرط يتم بينها ويتم تسجيل الزواج عند مأذون شرعي .

والزواج العرفي هو زواج يتم بورقه بين الطرفين بوجود شهود ولا يتم تسجيله عن طريق المأذون الشرعي . ولا يستدعي السكن الدائم ..

وزواج المتعه هو زواج وقتي ولقاء اجر معين يتفق عليه الطرفان وينتهي بانتهاء المده الزمنيه المتفق عليها ومباح عند الشيعه .

وهناك انواع عديده من الزواج بوقتنا الحاضر كـ زواج الويكند او المسفار او زواج الجنسيه وهو دارج بين الطلبه الذين يدرسون بالخارج واملهم الحصول على جنسية الدوله التي يدرسون بها ..

فأتمنى من الجميع الرجوع للقضاه او رجال الدين فلا ننسى ان كل كلمه نكتبها هاهنا سنحاسب عليها يوم الدين .

وزواج المسيار موجود بجميع دول المنطقه .

ولكن السؤال هل يصح للعازب بالبحث عن المسيار ؟؟ <<< تعبت وانا ابحث عن اجابه ^_*

نبض قطر 1970

02-03-2011, 01:54 AM

غريبه هذه الفتوى ان صحت
طيب اذا واحد مسافر اوروبا لدوره مثلا لمدة شهرين , فالمدة محدده وهو عارفها وان لم يصرح بها
طيب مالفرق بينه وبين المتعه ؟
الفرق الوحيد انه في المتعه ان الطرفين يعلمون المده ومتفقين عليها , ام هذا التوع فالزوج وحده يعلم الفتره
طيب الان الكثير من البنات يذهبن في دورات خارجيه وللدراسه , هل يجوز لهن الزواج بنيه الطلاق ؟
لو سمحت رابط الفتوى

http://www.ibnbaz.org.sa/mat/26

هذا رابط الموضوع

تقبل تحياتي

meme~qatar

02-03-2011, 05:33 AM

بيض الله وجهك ماقصرت على هل التوضيح والرد الشافي والله يكثر من امثالك اخوي وتصبحون على خير جميعا واحلام بفسجيه مثل خط بعض الناس:secret:

تقصد من؟

meme~qatar

02-03-2011, 05:49 AM

: { وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ} (21) سورة الروم

اساس الزواج السكينة والسكن
اذن كيف زواج المسيار يسقط هذا الحق وهذه الخاصية؟؟؟

وكيف المرأة تتنازل عن السكن؟؟

وكيف تتحقق المودة والرحمة مع عدم تحق السكن والسكينة؟؟؟

بنت النوخذة انا خذيت خاصيتج ( كله اسأل ) .. السموحة اختي الغالية

واحد ثقة

02-03-2011, 07:07 AM

أبغي أعرف من تحت لـ تحت ..اشلون ؟
في مخابئ سرية مثلا لايشوفونها عيالها ولا جيرانها ولايدرون بزواجها...
واخوانها وأهلها وين؟...اشلون مسيار بالسر ( إلا إذا كانت مقطوعة من شجرة )
الحين ما اتزوج وتطلع عليها الإشاعات أجل اشلون ليتزوجت ومسيار
يا أخوي مب من كبر بلادنا...
كل شي واضح ومبين وما ينخش شي على الناس...
أعتقد مانجح المسيار إلا لما تزوجوا القطريين من السعوديات
وبعرض من أهل العروس ابوها أو أخوها
( لأنهم يتمنون القطري ولو أيش كان )
لكن هل هذا الرجل مرتاح نفسيا وهو مخبي زواجه عن زوجته وأهله...؟
اش بيصير لو لاسمح الله توفى ...واطلعوا ورثه من خلف الكواليس
ياترى ايش موقف عياله وزوجته وأهله..
صار لـ وحده ها الموقف وفي نصف الحزن والألم لوفاته
توقف كل شيء وطلعت الحرة والقهر ونست الحزن...
اش حاده بس على هذا كله ؟
لو كان من المسيار فايده ومنفعه كان صار أيام الصحابة والتابعين...

: { وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ} (21) سورة الروم

اساس الزواج السكينة والسكن
اذن كيف زواج المسيار يسقط هذا الحق وهذه الخاصية؟؟؟

وكيف المرأة تتنازل عن السكن؟؟

وكيف تتحقق المودة والرحمة مع عدم تحق السكن والسكينة؟؟؟

بنت النوخذة انا خذيت خاصيتج ( كله اسأل ) .. السموحة اختي الغالية

ترى صجيتونا !

فتوى الشيخ يوسف القرضاوي بجواز زواج المسيار :

http://www.qaradawi.net/site/topics/printArticle.asp?cu_no=2&item_no=79&version=1&template_id=105&parent_id=16

وأنصح أي وحدة فيكم لم يتقدم لها أحد أن ترضى بأن تكون الزوجة الثانية أو الثالثة أو الرابعة ، وإن لم يصل النصيب فأنصحها بأن لا تفوت زواج المسيار لأن أستر لها ، خاصة من تجاوزت منكُن سن الـ 30 عاماً ،،

STAR

02-03-2011, 07:35 AM

[
QUOTE=AL_MUTAEM;6995327]

استغرب من بعض الردود التي تنكر زواج المسيار وتحرمه او كما ارى من البعض تشبيهه بزواج المتعه ..!!

زواج المسيار هو زواج يتم بين رجل وامرأه بكامل الشروط وتتنازل الزوجه عن النفقه او السكن او اي شرط يتم بينها ويتم تسجيل الزواج عند مأذون شرعي .

والزواج العرفي هو زواج يتم بورقه بين الطرفين بوجود شهود ولا يتم تسجيله عن طريق المأذون الشرعي . ولا يستدعي السكن الدائم ..

وزواج المتعه هو زواج وقتي ولقاء اجر معين يتفق عليه الطرفان وينتهي بانتهاء المده الزمنيه المتفق عليها ومباح عند الشيعه .

وهناك انواع عديده من الزواج بوقتنا الحاضر كـ زواج الويكند او المسفار او زواج الجنسيه وهو دارج بين الطلبه الذين يدرسون بالخارج واملهم الحصول على جنسية الدوله التي يدرسون بها ..

فأتمنى من الجميع الرجوع للقضاه او رجال الدين فلا ننسى ان كل كلمه نكتبها هاهنا سنحاسب عليها يوم الدين .

وزواج المسيار موجود بجميع دول المنطقه .

ولكن السؤال هل يصح للعازب بالبحث عن المسيار ؟؟ <<< تعبت وانا ابحث عن اجابه ^_*[/QUOTE]

http://www.ibnbaz.org.sa/mat/26

هذا رابط الموضوع

تقبل تحياتي

بصراحة ما اقدر اقرى كل الردود ...

ويا اخ AL_MUTAEM انا اللي استغرب من بعض الردود اللي مستانسة على المسيار
لو كنت امرأة اتحدااااااااااك تتزوج مسيااااار ... اتحداااك...

واخ نبض قطر يالي مستانس على المسيار...

احنا مهما تلاعبنا بالالفااااظ فالمسيار = زواج متعة بالطريقة السنية..

عند الشيعة (المتعة): يكون في فترة زمنية محددة..

اما (المسيار) عند السنة : فهو اونه دائم ...

يعني وجه الاختلاف في زواج المتعة والمسيار في تحديد الزمن والميراث...

لكن في بقية الاشياء متشابهه...( لا يشترط المبيت ولا النفقة ولا السكن)..!!!:rolleyes2:

وجميعهم يستوفون اركان الزواج من شهود ومأذون ... الخ...:discuss:

فيامعشر الرجال السنة لا تتلاعبون بالالفاااظ وتقولون زواج عادي ويحترم المرأة ويحفظها ويستر عليها...!!!:eek5:

هذا الزواج يحط من قدر المرأة ...:anger1:

- يسير عليها ((للمتعة))

- لا يشترط المبيت

- لا يشترط ان ينفق عليها

- وغالبا لايشهر للناس علنا

خووووش زواااج والله

فكيف ترضاها على اختك والا بنتك والا اي امرأة في الدنيا ... اهكذا هو الاسلام؟؟؟!!!

بالنسة لي هذا آخر رد لي لهذا الموضوع:omen2:

واكررها للمرة ترليووون

(( احتقر كل رجل يفكر او يريد زواج المسيااااار )))

ولا نزعل اذا اخوانا الشيعة تطنزوا علينا ...

جابر العثرات

بالمناسبة اللي تقول عن زواج المسيار
اهانه
اشرايك تقعدين مكان اللي رضت بهذا الزواج
مب انا اللي ارضى ان اكون مجرد للمتعة ولا اسمح لك تقولي هالكلام...

واللي ترضاها فهالشي راجع لها .. انا لو يصك عمري 60 سنة ماراح اغير نظرتي.. احترم نفسي واحترم كياني ولا ارضاها اني كون يوم من الايام للمتعة فقط...!!!

وللاسف مثل مافي مشايخ حللوا ...

ففي مشايخ حرموا هذا الزواج...

meme~qatar

02-03-2011, 07:41 AM

ترى صجيتونا !

فتوى الشيخ يوسف القرضاوي بجواز زواج المسيار :

http://www.qaradawi.net/site/topics/printarticle.asp?cu_no=2&item_no=79&version=1&template_id=105&parent_id=16

وأنصح أي وحدة فيكم لم يتقدم لها أحد أن ترضى بأن تكون الزوجة الثانية أو الثالثة أو الرابعة ، وإن لم يصل النصيب فأنصحها بأن لا تفوت زواج المسيار لأن أستر لها ، خاصة من تجاوزت منكُن سن الـ 30 عاماً ،،

شكرا على النصيحة
لكن الحمدلله انا زوجة قدام الله وخلقه وبكامل حقوقي

ولو يجي اخوي ولد امي وابوي
ويقول انه يبي يتزوج مسيار بكون اول معارضة له .. وشذنب بنت الناس يبهدلها

الـجـنـاحـي

02-03-2011, 07:53 AM

وهذا أسهل وأضمن للسرية التامة...

:nice::nice::nice::nice::nice::nice::nice::nice::n ice::nice::nice:

الصريحه

02-03-2011, 07:55 AM

أختي صريحه ..
المسيار زواج شرعي والعلماء اجازوا .. ليش انقول اهانه ومذله وظلم للمراة

يالخارجيه ياللي شاد حيلك بالموضوع
مارديت ترضاها لاختك؟؟؟؟؟؟او بنتك؟؟؟؟؟؟؟؟؟؟

واذا ترضاها_والكلام جد_
طرش لي على الخاص رقم الاهل علشان يتقدمون لها مسيار لواحد من الاهل
او عندك الشباب اللي قاعد تشجعهم
اكيد عندك اخت او بنت
لاتقصر وياهم
زواااااااااج مسيار اريح لك ولهم
ونشوف اخرتها وياه

الصريحه

02-03-2011, 08:01 AM

بعدين مو كل عالم ناخذ برايه ...........................لابد عالم ثقه............................
الله عرفناه بالعقل ياناس
هل زواج المسيار يكفل حق المراه ؟؟؟؟؟؟؟؟
حق المبيت وحق الستر وحق العاطفه وحق الامان وحق الاطفال
ولا ناويين بس تسيرون وهي تتم عند اهلها كانها ماتزوجت ولاراح تخليها ببيت لحالها ؟؟؟؟؟
وهل تستطيع تامن عليها بروحها؟؟؟؟؟؟؟
وهل بتوثق العيال لما تحمل ولواتفقتوا بعدم الانجاب؟؟؟؟؟؟؟؟؟؟؟؟؟؟؟؟؟؟
ولا راح تشوف ادخنه من رجيلكم..............................
والاغلب يروح يدور الطلاق بعد كم فتره علشان مايلتزم ويتورط

الزواج نسب وصهر وقرابه وعزوه وفخر وسند -بعد الله_
وانجاب اطفال ورفع الاسم بحملهم لقب الاب
الزواااااااااااااااااااااااااااااااااج اشهااااااااااااااااااااااااااااااااااااااااااااااا ااااااااار
لان قصده حلال وطريقه حلال وكل مافيه واضح وصريح
اللي يبي يتزوج يروح يعدد
لكن حرام عليه يضيع حقوق بنات اناس
ويستغل اوضاعهم

بو خليفه 123

02-03-2011, 08:07 AM

هذا الي حنا نقوله غدالي سنين و اتكلم في الموضوع

ناس يلوحون بالتعدد و ناس يهددون بالمسيار

ارجو التفرقه بين هاتين الفئتين و عدم الخلط بينهم ..

R 7 A L

02-03-2011, 08:11 AM

:telephone:

قربت ساعة الصفــــر

الماريّة

02-03-2011, 08:14 AM

هذي انانية من الزوج

يعني عشان خايف على بيته يرضى بالزوجه الثانية بالسر

والله ان بعض النساء مغفلات للاسف

AbdullA-Qtr

02-03-2011, 08:32 AM

عندي تعليق بسيط
وللأسف

ارد واقول
للأســــــــــــــــــــــــــــــــــــــــف بقول شي وهذا الي صاير وبكثــــــــــــــــــــــــــره ...

بعــض الزوجات يرضــون ان ازواجهــم يخونونـــهم ولا انهم يتزوجـــون عليهـــم ...

وهذا الي يصيـــر وشــافتــه عينــي ....

وللأســــــــــــــــــــــــــــــــف شي يوجــع القلــب ....

الصريحه

02-03-2011, 08:39 AM

عندي تعليق بسيط
وللأسف

ارد واقول
للأســــــــــــــــــــــــــــــــــــــــف بقول شي وهذا الي صاير وبكثــــــــــــــــــــــــــره ...

بعــض الزوجات يرضــون ان ازواجهــم يخونونـــهم ولا انهم يتزوجـــون عليهـــم ...

وهذا الي يصيـــر وشــافتــه عينــي ....

وللأســــــــــــــــــــــــــــــــف شي يوجــع القلــب ....
اذا هي رضت يرضى يزني ويحشر يوم القيامه مع الزناه ولا ياخذ بالحلال
الرجل ماتقدر المراه تغصبه بشيء
وهذا مب عذر
اللي يبي الحلال يدله واللي يبي الحرام هم يدله

الرسوووول ما وصى علينا وقال رفقا بالقوارير

وقال استوصو بالنساء خيرا

الأصيلة

02-03-2011, 10:04 AM

عندي تعليق بسيط
وللأسف

ارد واقول
للأســــــــــــــــــــــــــــــــــــــــف بقول شي وهذا الي صاير وبكثــــــــــــــــــــــــــره ...

بعــض الزوجات يرضــون ان ازواجهــم يخونونـــهم ولا انهم يتزوجـــون عليهـــم ...

وهذا الي يصيـــر وشــافتــه عينــي ....

وللأســــــــــــــــــــــــــــــــف شي يوجــع القلــب ....

نعم صحيح البعض ترضى له زوجته باللعب
بس مايكون زواج يفشلها قدام الناس...
وهذا كان سائد من30 سنة تقريبا
عند النساء الجهلة أمهاتنا وجداتنا ( البعض طبعا )
لكن ها الأيام يفترض تكون المراة مثقفة وتعرف الحلال من الحرام
كذلك الرجل المفروض مايمشي بس ورى رغبات زوجته حتى لو اطلبت منه الحرام..
فكما تدين تدان...

AbdullA-Qtr

02-03-2011, 10:13 AM

اذا هي رضت يرضى يزني ويحشر يوم القيامه مع الزناه ولا ياخذ بالحلال
الرجل ماتقدر المراه تغصبه بشيء
وهذا مب عذر
اللي يبي الحلال يدله واللي يبي الحرام هم يدله

الرسوووول ما وصى علينا وقال رفقا بالقوارير

وقال استوصو بالنساء خيرا

صحيح اختي المراه ماتقدر تغصبه على شي .. ولكنها لا تعطيه خيار افضل ..فعندما ان ياخذ الثانيه .. اول شي يفكر فيه الزوج اعياله .. وتشتتهم وضياع مستقبلهم ...

الزوجه ليس لديها سلطه وانما ااتحد من خياراته المتاحه ..وفي الاخير ترضى انه يلعب ولا ياخذ على راسها زوجه ثانيه .. وارد واقول للأسف انه شي صاير وبكثره :(

الخارجية

02-03-2011, 10:16 AM

صراحة العرض مغري جدا

ولكن !

الواحد وين يجيب عيال ويخليهم هناك ! عيال في الدوحة وعيال في السعودية !

وبعدين العيال يبي لهم مجابل ورعاية وتربية

الزواج والانجاب مايبي لها شطارة

ولكن الرجولة والبطولة في تحمل المسؤولية وتربية الابناء خير تربية
أخوي بومحمد
الشخص اللي راح يخطو الى هذا الزواج اكيد راح يتحمل المسؤولية وتربية الابناء خير تربية حتى لو كان الاب غايب عن البيت .. في نساء صنعت من ابنائها رجال

نبض قطر 1970

02-03-2011, 10:20 AM

[
QUOTE=AL_MUTAEM;6995327]
[size="4"][i]

بصراحة ما اقدر اقرى كل الردود ...

ويا اخ AL_MUTAEM انا اللي استغرب من بعض الردود اللي مستانسة على المسيار
لو كنت امرأة اتحدااااااااااك تتزوج مسيااااار ... اتحداااك...

واخ نبض قطر يالي مستانس على المسيار...

احنا مهما تلاعبنا بالالفااااظ فالمسيار = زواج متعة بالطريقة السنية..

عند الشيعة (المتعة): يكون في فترة زمنية محددة..

اما (المسيار) عند السنة : فهو اونه دائم ...

يعني وجه الاختلاف في زواج المتعة والمسيار في تحديد الزمن والميراث...

[COLOR="blue"]لكن في بقية الاشياء متشابهه...( لا يشترط المبيت ولا النفقة ولا السكن)..!!!:rolleyes2:

وجميعهم يستوفون اركان الزواج من شهود ومأذون ... الخ...:discuss:

فيامعشر الرجال السنة لا تتلاعبون بالالفاااظ وتقولون زواج عادي ويحترم المرأة ويحفظها ويستر عليها...!!!:eek5:

هذا الزواج يحط من قدر المرأة ...:anger1:

- يسير عليها ((للمتعة))

- لا يشترط المبيت

- لا يشترط ان ينفق عليها

- وغالبا لايشهر للناس علنا

خووووش زواااج والله

[B]فكيف ترضاها على اختك والا بنتك والا اي امرأة في الدنيا ... اهكذا هو الاسلام؟؟؟!!!

بالنسة لي هذا آخر رد لي لهذا الموضوع:omen2:

واكررها للمرة ترليووون

(( احتقر كل رجل يفكر او يريد زواج المسيااااار )))

ولا نزعل اذا اخوانا الشيعة تطنزوا علينا ...

جابر العثرات

مب انا اللي ارضى ان اكون مجرد للمتعة ولا اسمح لك تقولي هالكلام...

واللي ترضاها فهالشي راجع لها .. انا لو يصك عمري 60 سنة ماراح اغير نظرتي.. احترم نفسي واحترم كياني ولا ارضاها اني كون يوم من الايام للمتعة فقط...!!!

وللاسف مثل مافي مشايخ حللوا ...

ففي مشايخ حرموا هذا الزواج...[/QUOTE]

يالي مستانس على المسيار

[CENTER]أختي العزيزة

من أين لمستي أني مستانس عن المسيار

الظاهر أنتي ماقريتي أول رد لي وكان عنوانه للتوضيح فقط

وهو الفرق بين زواج المسيار والمتعه والعرفي بالاضافه لفتاوي علماء المسلمين

وكان ردي نتيجة لردود بعض الاعضاء التي تحرم وتحلل على كيفها

ولم أقل أني مع او ضد هذا الموضوع

فهناك من هو أفهم وأعلم مني فأذا حرم فلسبب وإذا حلل فهو أيضاً لسبب

وأرجو عدم ترديد نغمة لو عندك اخت وبنت هل سترضى بذلك أم لا

فذلك شان يخص من يرضى ومن يرفض ولايعمم على الكل

فعندما نناقش موضوع ما يجب علينا أن ندلي برأينا ونستمع للأي الآخر

لا أن نحجر على اراء البشر ونلزمهم أن يكونو معنا وإلا هم ضدنا

](( احتقر كل رجل يفكر او يريد زواج المسيااااار

هذا شان خاص بك

وهناك من يبجل وسعيد بالرجل الذي يفكر بزواج المسيار وهو شان خاص بهم ايضاً

تقبلي تحياتي

مريومة

02-03-2011, 10:22 AM

نعم صحيح البعض ترضى له زوجته باللعب
بس مايكون زواج يفشلها قدام الناس...
وهذا كان سائد من30 سنة تقريبا
عند النساء الجهلة أمهاتنا وجداتنا ( البعض طبعا )
لكن ها الأيام يفترض تكون المراة مثقفة وتعرف الحلال من الحرام
كذلك الرجل المفروض مايمشي بس ورى رغبات زوجته حتى لو اطلبت منه الحرام..
فكما تدين تدان...

من 30 سنة امهاتنا كانوا جاهلات علميا فقط

ولكن يعرفون دينهم اكثر منا .. واتعرف ان التعدد حلال

لذلك كان موجود وبكثرة ..

ولكن في هالزمن .. نسائنا الله بالخير

زوجها يسوي اي شي الا انه يتزوج عليها ..

ضي البدر

02-03-2011, 10:23 AM

طبعا لا اثر لزواج المسيار في قطر لان اهل قطر اغلبهم سنه وعيال عرب ولله الحمد ..

واللي ياخذ مسيار شيعي بس مستحي يقول متعه .. :)

( التقيه )

مسيار = متعه = زنا

ردك عجيب:victory:

AbdullA-Qtr

02-03-2011, 10:24 AM

نعم صحيح البعض ترضى له زوجته باللعب
بس مايكون زواج يفشلها قدام الناس...
وهذا كان سائد من30 سنة تقريبا
عند النساء الجهلة أمهاتنا وجداتنا ( البعض طبعا )
لكن ها الأيام يفترض تكون المراة مثقفة وتعرف الحلال من الحرام
كذلك الرجل المفروض مايمشي بس ورى رغبات زوجته حتى لو اطلبت منه الحرام..
فكما تدين تدان...

اختلف معاج اختي ... سابقا لم يكن سائد مثل ما تفضلتي .. عكس مايحدث الان ..
سابقا عندما ينوي الرجل ان ياخذ الثانيه تخطب له زوجته الاولى وبموافقتها وبمباركة الاهل جميعا ....
اما الان
عندما ينوي الرجل ان ياخذ الثانيه تقوم الحرب العالميه .. ويكون الزوج محارب من الزوجه واهلها .. ويكون خياره هو اما ان يتزوج بالسر او يدخل في علاقات محرمه ...
وعندما تكتشتف ان زوجها متزوج بالسر تنفعل مثل البركان الهائج وتزلزله لماذا ؟ لانه تزوج وحده بالسر وبالحلال .. والسبب هو ان الزوج يريد ان يحافظ على مشاعر زوجته الاولى .. ولكي لا تتعثر حياته معها ويحافظ على ابناءه .. واما اذا اكتشتفت ان زوجها على علاقات محرمه ترضخ لامر الواقع!! ولا انه ياخذ على رأسها زوجة ثانيه ... وللأمانه اختي هذا شي صاير وشي يوجع القلب ... :(

الخارجية

02-03-2011, 10:34 AM

الخارجيه ارسل لي رقم المطوع ولا تهون

ابشر يابوخليفة

بوسيف الهاجري

02-03-2011, 10:39 AM

ابشر يابوخليفة

حتى انا ابي
:nice:

ضي البدر

02-03-2011, 10:39 AM

ستاااااااااااار ,, فديت روحج يالغالية انتي الوحيدة الي ردوودج شافية ووافية,, ولا في دليل من القرآن والسنه على هالزواج ,, والله الي علموه لنا أيام الدراسة ان الرسول علية أفضل الصلوات )).. حلل نوع من الزواج للمجاهدين والصحابه الي كانو يحاربووون في الفتوحات الأسلامية وكان ياخذ منهم وقت وعمر كبير من 3 شهور لين سنه او اكثر بعد فحلل لهم هالزواج من نفس البلاد الي هم مرابضين فيها منعاً وعفةً من الحرام ولكن بتعاليم من الرسول انه يتيح لها كامل حقوقها ولكن بفترة زمنية محددة والا وهي بعد انتهاء الحرب.. ولكن الحين وين انتو يامعشر الرجال الأفاضل من هالمجاهدين الشهداء في زمن رسولنا الكريم..

ليكووون اتجاهدووون في التفاخر بين بعضكم من المزواج أكثر من الي كسر خشم زوجته:eek5:

ماقووول الا فديتش ياستار وفديت خشتش..:victory:

بو خليفه 123

02-03-2011, 10:40 AM

لا خلاص هونت عقدت هدنه مع بعض العرب بعد التهديدات بالقتل :(

متابع من البلكونه

الصريحه

02-03-2011, 10:47 AM

ابشر يابوخليفة

ياللي قاعد توزع ارقام
مارديت علي
عندك اخت ولا بنت لزواج المسيار؟؟؟؟؟؟؟؟؟؟؟؟؟؟؟؟؟؟؟؟؟؟؟؟
فيه ناس من قرايبي يبون ؟؟؟؟؟
اسرع واسهل زواج ولاالتزامات ولاشيء

بوسيف الهاجري

02-03-2011, 10:48 AM

لا خلاص هونت عقدت هدنه مع بعض العرب بعد التهديدات بالقتل :(

متابع من البلكونه

زين قول لهم بنروح انجيب صراميك من السعوديه
انا ادل مطوع هناك

لافوشيا

02-03-2011, 10:52 AM

"اختلف معاج اختي ... سابقا لم يكن سائد مثل ما تفضلتي .. عكس مايحدث الان ..
سابقا عندما ينوي الرجل ان ياخذ الثانيه تخطب له زوجته الاولى وبموافقتها وبمباركة الاهل جميعا ....
اما الان
عندما ينوي الرجل ان ياخذ الثانيه تقوم الحرب العالميه .. ويكون الزوج محارب من الزوجه واهلها .. ويكون خياره هو اما ان يتزوج بالسر او يدخل في علاقات محرمه ...
وعندما تكتشتف ان زوجها متزوج بالسر تنفعل مثل البركان الهائج وتزلزله لماذا ؟ لانه تزوج وحده بالسر وبالحلال .. والسبب هو ان الزوج يريد ان يحافظ على مشاعر زوجته الاولى .. ولكي لا تتعثر حياته معها ويحافظ على ابناءه .. واما اذا اكتشتفت ان زوجها على علاقات محرمه ترضخ لامر الواقع!! ولا انه ياخذ على رأسها زوجة ثانيه ... وللأمانه اختي هذا شي صاير وشي يوجع القلب ...

مدري ليش حاسه انك مريت بهالموقف قبل؟؟؟

لافوشيا

02-03-2011, 10:54 AM

حتى انا ابي
:nice:

طبعا طبعا وانا ابي عراوي بعد في بعير ورا البيت ابي اذبحه الله لا يهينك

بـــــــنت النوخـّــــذه

02-03-2011, 10:56 AM

ماحد زود عدد صفحات هالموضوع الا متابعتك البعيدة :anger1:

يا أم علامة ( ؟ ) بريئة

اههههههههههههههه لازم عشان يصير اكشن تابعنا وفالك طيب
:nice:

عندي تعليق بسيط
وللأسف

ارد واقول
للأســــــــــــــــــــــــــــــــــــــــف بقول شي وهذا الي صاير وبكثــــــــــــــــــــــــــره ...

بعــض الزوجات يرضــون ان ازواجهــم يخونونـــهم ولا انهم يتزوجـــون عليهـــم ...

وهذا الي يصيـــر وشــافتــه عينــي ....

وللأســــــــــــــــــــــــــــــــف شي يوجــع القلــب ....

بك اسغفر الله وهذا الريال بس اي طريج يركض له ماعنده قيود وحرام وحلال اشدخل الزوجه بان زوجها يمشي بالحرم وين التزامه وين دينه لهذي الدرجه صار مثل شسمهم لاعقل والغريزه تسير امامي :)

عموما ارجع واقول الرجل الواثق من نفسه ماينخش يواجه بالتعدد والسبل المعتاد عليها المجتمع 00اذا عنده شرط يشرط واذا عندها شرط تشرط بالعقد الرسمي المتعارف عليه اما يمين يسار هذا اسمه باب للفتنه الله لايوريكم الانحراف الي صاير بسبه هالزواج بين الشباب والبنات ترى البلاوي زادت والسبه الكلام الصريح والباب المفتوح بهذا الموضوع 00 اي نعم اباحه (بعض العلماء ) ولكن حرمه الاغلبيه لان سمعو وشافو كيف صارت لعبه السالفه

واحد ثقة

02-03-2011, 10:56 AM

عجّل علينا بالرقم يالخارجية وفي ميزان حسناتك إن شاء الله ،،

QtrGate

02-03-2011, 10:56 AM

dawn على كلام الاخت

مسيار = متعه = زنا

تشابه لعمله واحده

انا اشجع للتعدد خذ وحده والثانية والثالثة

لاكن لاتقرب للمسيار

اجتنبوا الشبهات

بعض العلماء حلل وبعضهم حرم

بيجب علينا اجتناب هذا الشيئ لان موضع شبها

واذا خايف من زوجتك معناه انك مب رجال وسكانك مرتك

روح وتزوج بالحلال

ولاتنسى ان اساس الزواج الاعلان

بـــــــنت النوخـّــــذه

02-03-2011, 11:09 AM

dawn على كلام الاخت

مسيار = متعه = زنا

تشابه لعمله واحده

انا اشجع للتعدد خذ وحده والثانية والثالثة

لاكن لاتقرب للمسيار

اجتنبوا الشبهات

بعض العلماء حلل وبعضهم حرم

بيجب علينا اجتناب هذا الشيئ لان موضع شبها

واذا خايف من زوجتك معناه انك مب رجال:tooth::tooth: وسكانك مرتك

روح وتزوج بالحلال

ولاتنسى ان اساس الزواج الاعلان

كلامك صح وعين الصواب 000 بس يعني في تعبير اخالفك عاد الريال اذا خاف من زوجته اهههههه يمكن يحبها ومن كثر الحب تحول الموضوع لطاعه عمياء 0:)0

المهم انا مع كلامج الي قلتيه وبقوه 00 دام الشرع واضح وصريح ليش اللف والدوران حلات الشخص واضح وصريح هذي الرجوله 00يعني بذمتكم فرضا هذي الي خذها مسيار جابت عيال بكره عيالها لي اكبرو شبتقول ابوكم متزوجني مسيار:eek5: والله حتى الكلمه لاتليق بمجتمع محافظ الله وضع كلام واضح مثنى وثلاث ورباع بالتعدد بالعقد الرسمي ليش يغيرون اسم العقد انا مادري 00 ان شاء الله ياخذ له يهوديه بس بعقد متعارف عليه المجتمع

سلام (ن) عليكم
:)

AbdullA-Qtr

02-03-2011, 11:51 AM

"

مدري ليش حاسه انك مريت بهالموقف قبل؟؟؟

للأسف احساسج مب في محله ...... واذا فكرت في الزواج بتزوج .. وهذا حق من حقوقي ..
ولكن انا اتكلم عن الاشياء الي اتصير قدامي وترفع الضغط .. :rolleyes2:

وبعض الازواج يتزوجون بالسر .. ليه ؟ تجنب للمشاكل فقط .. ويقولون (( مع الايام كل واحد بصارح زوجته ))
واما عن زواج المسيار لا تعليق الصراحه .. لانه اذا تقدم واحد عندنا يبي مسيار احتمال كبير اني اثور عليه بالشوزن :tease:

(( الشي الي ماترضاه .. لا ترضاه على الغير ))

AbdullA-Qtr

02-03-2011, 11:58 AM

اههههههههههههههه لازم عشان يصير اكشن تابعنا وفالك طيب
:nice:

بك اسغفر الله وهذا الريال بس اي طريج يركض له ماعنده قيود وحرام وحلال اشدخل الزوجه بان زوجها يمشي بالحرم وين التزامه وين دينه لهذي الدرجه صار مثل شسمهم لاعقل والغريزه تسير امامي :)

عموما ارجع واقول الرجل الواثق من نفسه ماينخش يواجه بالتعدد والسبل المعتاد عليها المجتمع 00اذا عنده شرط يشرط واذا عندها شرط تشرط بالعقد الرسمي المتعارف عليه اما يمين يسار هذا اسمه باب للفتنه الله لايوريكم الانحراف الي صاير بسبه هالزواج بين الشباب والبنات ترى البلاوي زادت والسبه الكلام الصريح والباب المفتوح بهذا الموضوع 00 اي نعم اباحه (بعض العلماء ) ولكن حرمه الاغلبيه لان سمعو وشافو كيف صارت لعبه السالفه

اختي بنت النوخذه في حالات نصدم يوم نسمع عنها

للامانه .. بعض الزوجات ماترضى ان زوجها ياخذ عليها .. واتشوفينها ساكته عنه ..

مادري بالضبط عن تفكير الزوجه .. هل اذا الناس تكلمو وقالو افلان خذا على مرته .. يعني انها مسبه ولا تقليل من شأنها وان مالها كيان ؟

مثلا.. واحد متزوج

وقال حق اخوه الي اكبر منه ابي اخذ الثانيه بس لا تدري زوجتي ويخطبون عند عرب (( عادي )) ويتم الخطبه والعرس كل شي بالسر (( ليه )) يقول مابي مشاكل مع زوجتي وخاصه ان عنده عيال منها ... وياخذ بيت ثاني لزوجته الثانيه ويعيش معها نص يوم .. مع العلم اني استغرب
في حالة اذا نويت انك اتزوج المفروض اول انسانه اتعرف هي زوجتك وصارحها .. والصراحه راحه مهما كانت مرارتها .. على الاقل تسمع من زوجها ولا تمسع من الغرب ...

اما عن المسيار .. ردي في الاعلى ...

لافوشيا

02-03-2011, 12:04 PM

للأسف احساسج مب في محله ...... واذا فكرت في الزواج بتزوج .. وهذا حق من حقوقي ..
ولكن انا اتكلم عن الاشياء الي اتصير قدامي وترفع الضغط .. :rolleyes2:

وبعض الازواج يتزوجون بالسر .. ليه ؟ تجنب للمشاكل فقط .. ويقولون (( مع الايام كل واحد بصارح زوجته ))
واما عن زواج المسيار لا تعليق الصراحه .. لانه اذا تقدم واحد عندنا يبي مسيار احتمال كبير اني اثور عليه بالشوزن :tease:

(( الشي الي ماترضاه .. لا ترضاه على الغير ))

كله واحد

حسن

02-03-2011, 12:14 PM

المسلسلات لعبت دور في قضيه الزواج وشبه الرجل كانه ارتكب من المحرمات الله يرحم حريم لول الثانيه وياها في بيت واحد كنه اختها الما الحين يادافع البلا

بـــــــنت النوخـّــــذه

02-03-2011, 12:16 PM

اختي بنت النوخذه في حالات نصدم يوم نسمع عنها

للامانه .. بعض الزوجات ماترضى ان زوجها ياخذ عليها .. واتشوفينها ساكته عنه ..
اما عن المسيار .. ردي في الاعلى ...

ترى توقيعك مسبب ازمه ماكل الصفحه كامله اهههه
المهم قريت مشاركتك ورايك عن زواج المسيار وعلقت من قبل وقلت اكاد اجزم ان 3/4 المؤيدين هم داخليا رافضين هذا الشي بس كبرياء الرجل واعترافه بانه على خطأ يفرض عليه التأييد:omen2:

وانت ماشاء الله ابديت رأيك وحللت وفي النهايه قلت ترفضه راي صريح واحييك عليه :nice:

بالنسبه لرده فعل المرأه (بالتعدد ) شوف انا مره واعرف الحريم بتسندره اذا اعرفت شهر شهرين ان كثرت 6 شهور وبترضى بالواقع 00هذي طبيعه بشريه في المرأه اتحب التملك للرجل :)
وعلى الرجل اذا كان يفقه معنى الرجوله ان لايتغير يتم تصرفه رجولي مع الاوله والثانيه وينصف ويمجد الاولى والثانيه ولايفرق بالمعامله 00اما نظره المجتمع صراحه لاتعليق اصلا المجتمع حتى لو شخص يحب زوجته ويلبي طلباتها ومايفارق البيت قالو سكانه مرته ومتحكمه به طيب ليش ماتقولون ان هذي المرأه قايمه بحقوقه وواجباته ويشوف فيها مثنى وثلاث ورباع وتستحق التقدير00 يعني نظره المجتمع لاتدوي ولاتجيب بس هذره على الفاضي00على فكره مهب عذر عشان مرته لاتدري ياخذ مسيار 00الي واثق ورجل يعدد بالعقد الرسمي المتعارف عليه :)

بوخالد2

02-03-2011, 12:30 PM

موجود و بكثره و سبق ان طرحت موضوع بهذا الشان وابشرك جاتني رسايل على الخاص من عضوات و اعضاء يريدون رقم الشخص اللى يعقد الزواج هذا و تم اغلاق الموضوع وحذفه

LED

02-03-2011, 12:35 PM

بو خالد مكن الرقم على الخاص خخخخخخخ

بيني وبينك وبنتخبك للعلم صوتي لك ههههه

OTOsan

02-03-2011, 12:36 PM

هي راضيه وهو راضي .... اشحاشرك بينهم ياقاضي ؟!!

واحد ثقة

02-03-2011, 01:02 PM

موجود و بكثره و سبق ان طرحت موضوع بهذا الشان وابشرك جاتني رسايل على الخاص من عضوات و اعضاء يريدون رقم الشخص اللى يعقد الزواج هذا و تم اغلاق الموضوع وحذفه

ياليت ترسل لي الرقم على الخاص لحد مايرد علي الأخ الخارجية لأنه تأخر ،،

لافوشيا

02-03-2011, 03:10 PM

ياليت ترسل لي الرقم على الخاص لحد مايرد علي الأخ الخارجية لأنه تأخر ،،

صدمتني صراحه

الأصيلة

02-03-2011, 04:45 PM

اختلف معاج اختي ... سابقا لم يكن سائد مثل ما تفضلتي .. عكس مايحدث الان ..
سابقا عندما ينوي الرجل ان ياخذ الثانيه تخطب له زوجته الاولى وبموافقتها وبمباركة الاهل جميعا ....
اما الان
عندما ينوي الرجل ان ياخذ الثانيه تقوم الحرب العالميه .. ويكون الزوج محارب من الزوجه واهلها .. ويكون خياره هو اما ان يتزوج بالسر او يدخل في علاقات محرمه ...
وعندما تكتشتف ان زوجها متزوج بالسر تنفعل مثل البركان الهائج وتزلزله لماذا ؟ لانه تزوج وحده بالسر وبالحلال .. والسبب هو ان الزوج يريد ان يحافظ على مشاعر زوجته الاولى .. ولكي لا تتعثر حياته معها ويحافظ على ابناءه .. واما اذا اكتشتفت ان زوجها على علاقات محرمه ترضخ لامر الواقع!! ولا انه ياخذ على رأسها زوجة ثانيه ... وللأمانه اختي هذا شي صاير وشي يوجع القلب ... :(

إذا عرف السبب بطل العجب
عندي امثلة كثيرة من معارفنا وجيرانا وأقاربنا...
ـ وحده عيالها كبروا وتزوجوا على حريمهم وهي لـ حد الآن رافضة زوجها يتزوج عليها وتدري إنه يلعب...
ـ وحده كبيره بعد في السن لما تزوج زوجها اتركته للأبد وماعندها إلا ولد واحد فقط...
ـ الثانية بعد لما تزوج زوجهاوعيالها متزوجين وأحفادها تزوجوا
لكن هي زعلت واطلبت الطلاق من زوجها ...
قصص كثيرة ..هم يعرفون في دينهم
لكن من ناحية التعدد يتجاهلون الحكم...
انا قلت البعض مب الكل...

لافوشيا

02-03-2011, 04:54 PM

انزين سؤال

ليش الرجال بالذات يعجبهم زواج المسيار؟؟؟

يعني اوكي خلينا نقول هو متزوج وعنده عيال ... بعد بيدور؟؟؟ انزين ليييييييييييييييييييييييش

كبشينو

02-03-2011, 05:06 PM

والله لو في زواج مسيار اول واحد بتزوج انا بالعكس مافيها شي كل الدول المجاوره فيها وعلني بعد

الملا

02-03-2011, 05:09 PM

زواج المسيار منتشر بين القطري كـ زوج
والسعودية كـ زوجة

وهذا أسهل وأضمن للسرية التامة...

اختي العزيزة

زواج المسيار من شروطه التوثيق في المحكمة الشرعية

اما الزواج بدون توثيق فهو زواج العرفي وان سماه البعض بالمسيار