مكرمة اميرية تليق بقطر واميرها وشعبها

[بدوور]

نعم نعم نريد مكرمة اميرية
لا افكر في اسقاط الديون
لاافكر في زيادة الرواتب
ما يشغل فكري حبي لكل ذرة من تراب هذا الوطن
نعم نريد الشفافية والرؤية الواضحة
هناك عتمة وضبابية في معظم الوزارات والمؤسسات,,,,,,,, هناك شخصيات يفترض انها في خدمة الوطن والمواطن ولكنها مع الاسف اشبه برجل الثلج العملاق الذي تتجمد تحت قدميه كل اطر التنمية والامثلة كثير ة وللموضوع بقية[

[حبر سري]

شاللي تبينه يابدور؟
لان في اكثر من موضوع عن هالشي
كل هالمواضيع وللحين باقي ع اليوم الوطني وايد

وشخليتوا لليوم الوطني؟

[متسامح]

الحيييين اخت بدور مافي وقت للمكرمة الجماعه مشغوليين يحاولون يحلون مشاكل الشعوب العربية والاسلامية
الله يعينهم ويصبرنا متى بينظرون لنا

[bo_hamad]

وش المطلوب

[الألماسي]

بدوور شكلها تبي " برلمان " منتخب :playball:

[بوسيف الهاجري]

والله ذبحتونا
الا غصب تبون مكرمه
الحمدالله على كل حال
على اقل احنا احسن من غيرنا

[احب قطر]

أختي بدور ... أتفق معك تماما في كل ماذكرتيه وأعتقد بأنها ستكون أفضل مكرمة للشعب القطري ، مثال على ذلك ، نظام التعليم والقائمين عليه ، نظام الصحة والقائمين عليه ، والوزارات الاخرى والتي بقى بها المسؤلون ومعاملاتهم السيئة مع الموظفين ، اعادة النظر في طريقة تفكير المسئول وان يكون هدفة خدمة المواطن وليس وضع العواقب والحواجز امامه ... هو المطلوب النظر في ثقافة المسئولين .. واللي انا متأكد أن سيدي سمو الامير لا يتم ايصال الصورة كاملة اليه.

[بوخالد911]

الحمد لله على كل حال

[المستعينه بالله]

الله يفرجها علينا

[بدوور]

أختي بدور ... أتفق معك تماما في كل ماذكرتيه وأعتقد بأنها ستكون أفضل مكرمة للشعب القطري ، مثال على ذلك ، نظام التعليم والقائمين عليه ، نظام الصحة والقائمين عليه ، والوزارات الاخرى والتي بقى بها المسؤلون ومعاملاتهم السيئة مع الموظفين ، اعادة النظر في طريقة تفكير المسئول وان يكون هدفة خدمة المواطن وليس وضع العواقب والحواجز امامه ... هو المطلوب النظر في ثقافة المسئولين .. واللي انا متأكد أن سيدي سمو الامير لا يتم ايصال الصورة كاملة اليه.

اشكرك اخوي على التفاعل البناء واعتذر لبقية المشاركين اللذين قصر تعبيري عن الوصول اليهم

[بو خليفه 123]

متابع لـ ماتبقى من الموضوع لعل نصل الى مقترحات بنًاءه و مفيده للجميع

[بدوور]

بدوور شكلها تبي " برلمان " منتخب :playball:

شكرا الماسي مالي خبرة في السياسة
ولكن نريد من يحمل ملفاتنا الداخلية بفهم وادراك واضح
فاحيانا احلم ان يتولى ملف التعليم في قطر شخصية مثل الشيخ محمد بن حمد بفكر ورؤيه واضحيين , وبذلك نحصل على اغلى مكرمة اميرية تحقق اعلى درجة تنمية لقطر

[ريــــــــان]

ههههههههههه والله صرت اضحك من بعض الردود والمواضيع
طبعا انا ما اقصد اختي بدور
اقصد اللي ينقز فيهم عرج لي جبنا طاري مطالب ولا شي من الامير

تقول موصيينه ينقز بنغص علينا حتى مجرد موضوع
ويذبح روحه بمواضيع ثانيه ويحلف بالطلاق ان مانبي شي ولا اسقاط ديون ولا اي شي

وقسما بالله صرت اكره ادخل هالمنتدى من هالنوعيات اللي متدخله حتى الموت لتخريب مطلب عادي او مناشده
يبه ترى الولاء مب بهالطريقه الولاء لقطر بدمنا
مب انتو ولا غيركم تغيروونه لكن ادعي عليهم من قلبي ان تحدهم الحاجه ويكفون عن التطبيل المزيف

[هبوب الكوس]

بشرو بالخير

الخير جاي لا محاله

[الصريحه]

ان شاء الله
خير نتمنى معاج

[الحبتور]

تدرين اخت بدور ..

ان كل مطالبنا راحت ادراج الرياح ..

هذي الحقيقه ..

[ريــــــــان]

بعد اذن اختي بدور انا كمواطن قطريه مطلبي الاساسي اسقاط الديون
وتنظيم المجلس الاعلى للتعليم بشكل يليق بدولة قطر
والرجوع للنظام التعليمي السابق في التربيه والتعليم

[hamoor4ever]

الخير جاي جاي الخير الخير جاي الخير جاي جاي الخير الخير جاي
زنقا زنقا دار دار بيت بيت ههههه مش قصدي شي بس اقصد ان تعبنا من كثر مانحلم وياليت حد يسمعنا

[hamoor4ever]

^^^ معاك اخوي الحين محد من اهل قطر يطر لكن اتمنى من قيادتنا اللي نحبها ونكن لها كل تقدير واحترام تراعي بعض الفئات او مثلا اصدار بعض القرارات واذا كان اسقاط الديون خل نتكلم بواقعيه مثلا اقساط ديون العمل من السياره او غيره او مثلا اسقاط ديون الاسكان لان بصراحه يااخوي اهل قطر ضايق فيهم الحال بسبب الغلا وبسبب اللي مر عليهم من قبل ، اما الطراره محد يرضاها اخوي وياليت تتوحد مطالب الشعب بشي مقنع وممكن ان الدوله تساعد فيه ، اما ان تعالو سددو ديوني او عطوني 600 الف هههه ماعتقد شي مقنع

[ابن الجزيره]

نعم نعم نريد مكرمة اميرية
لا افكر في اسقاط الديون
لاافكر في زيادة الرواتب
ما يشغل فكري حبي لكل ذرة من تراب هذا الوطن
نعم نريد الشفافية والرؤية الواضحة
هناك عتمة وضبابية في معظم الوزارات والمؤسسات,,,,,,,, هناك شخصيات يفترض انها في خدمة الوطن والمواطن ولكنها مع الاسف اشبه برجل الثلج العملاق الذي تتجمد تحت قدميه كل اطر التنمية والامثلة كثير ة وللموضوع بقية[


انا اقول مثلا :

وزير قول وفعل (الخارجية ,,, بلاغبار ))
وتخصص لبعض للوزارات
البيئة الصحة التعليم ,,,, اللي بالصورة الحين !!!

وفالكم طيب

[هارودز]

الحمدالله على النعمة الحمدالله احسن من غيرنا

[البسمة العذبه]

هذي شغله ماتتصلح في يوم وليلة
خلنا نكون متفائلين وان شاء الله الايام الجاية تحمل معها بشائر خير

[متسامح]

لا ياس مع الحياة ولاحياة مع الياس

[أستاندر]

نعم نعم نريد مكرمة اميرية
لا افكر في اسقاط الديون
لاافكر في زيادة الرواتب
ما يشغل فكري حبي لكل ذرة من تراب هذا الوطن
نعم نريد الشفافية والرؤية الواضحة
هناك عتمة وضبابية في معظم الوزارات والمؤسسات,,,,,,,, هناك شخصيات يفترض انها في خدمة الوطن والمواطن ولكنها مع الاسف اشبه برجل الثلج العملاق الذي تتجمد تحت قدميه كل اطر التنمية والامثلة كثير ة وللموضوع بقية[
العنوان في صوب والمقال في صوب من قال لا نريد اسقاط الديون هذا لا يحس بالمواطنين ولا بالاعباء التي لديهم وعدم النوم من كثرة التفكير والسجون وما ادراك ما السجون روحوا وشوفوا اللي في السجون بسبب الديون لا ومسجونين مع المجرمين الله المستعان .

[متسامح]

عنبر 4 مع المخدرات والخمارة والسالفة دين

[khaldoon]

نعم نعم نريد مكرمة اميرية
لا افكر في اسقاط الديون
لاافكر في زيادة الرواتب
ما يشغل فكري حبي لكل ذرة من تراب هذا الوطن
نعم نريد الشفافية والرؤية الواضحة
هناك عتمة وضبابية في معظم الوزارات والمؤسسات,,,,,,,, هناك شخصيات يفترض انها في خدمة الوطن والمواطن ولكنها مع الاسف اشبه برجل الثلج العملاق الذي تتجمد تحت قدميه كل اطر التنمية والامثلة كثير ة وللموضوع بقية[

اختي الفاضله بدووور....العنوان فهمت منه انه المكرمه الاميريه قد اقرت بالفعل و اعتقد هذا حال ال 600 شخص اللي مروا على الموضوع مثلي حتى الان ليعرفوا ما هي المكرمه الاميريه اللي تليق بقطر و اميرها و شعبها و بعدها نرى ان الموضوع مجرد تمني من طرفكي:(...

اتمنى اختي يكون في وضوح في العنوان في المره المقبله و هالشي هذا لاحظته في كثير من المواضيع عند كثير من الاعضاء

بالتوفيق ان شاء الله

[موضي قطر]

بدوور شكلها تبي " برلمان " منتخب :playball:



الـ " ريـن " جااااي :telephone:

[العذبي]

مانبي الا هالامااااااان مانبي ي ثاني عاجبك اللي في الدوله الثانيه فاقدين الامن والايمان

[chillis]

بعد اذن اختي بدور انا كمواطن قطريه مطلبي الاساسي اسقاط الديون
وتنظيم المجلس الاعلى للتعليم بشكل يليق بدولة قطر
والرجوع للنظام التعليمي السابق في التربيه والتعليم

كمواطن قطريه الجمله غلط ؟ حدد الحين ماعرفنا وبعدين ليه كل ما احد قال رايه قلتوا عنه مايبي الخير للغير ولا مهب قطري كلن وحر برايه والحين لو احد ضد اسقاط الديون خلاص يعني الدوله ما بتسقطه بتسمع كلامه مثلا استغرب والله من بعض الاعضاء وردودهم :) عيل كمواطن قطريه خير انشالله

[chillis]

عندي سؤال هل يعقل كل الي بالمنتدى ديونهم بيت وعلاج واشايء ضروريه عيل الي راكبين السيارات الفخمه ومافي جيبه فلوس البترول والي يسافر كل سنه بدين من البنك والبنك رافع عليه قضيه من هذولي اجانب ؟ استغرب بس الحين صار كل الاعضاء ديونهم بيوت وعلاج :(

[حبر سري]

عندي سؤال هل يعقل كل الي بالمنتدى ديونهم بيت وعلاج واشايء ضروريه عيل الي راكبين السيارات الفخمه ومافي جيبه فلوس البترول والي يسافر كل سنه بدين من البنك والبنك رافع عليه قضيه من هذولي اجانب ؟ استغرب بس الحين صار كل الاعضاء ديونهم بيوت وعلاج :(

تحكيرة

[موضي قطر]

تحكيرة


ليش تحكيره اخوي الفاضل ؟!!

يعني بالذمة كل العالم تسافر وكلهم سيايرهم فخمة :(

[chillis]

ليش تحكيره اخوي الفاضل ؟!!

يعني بالذمة كل العالم تسافر وكلهم سيايرهم فخمة :(

احنا نقول ان كل اعضاء المنتدى الحين يقولون ديونهم بيوت وعلاج هل يعقل ؟ والاسماء الي نشوفها انذارات من المحاكم واغلب الشباب الي راكبين سيارات فخمه يعني الديون كلها تخص الاجانب ؟ هني السؤال اختي موضي مافهمتي كلامي لان كل الي شاركوا بينوا انهم مديونين للبيت ولا علاج ولا حاجات ضروريه وهالكلام غير معقول اكيد من الميه شخصين يكونون فشخره هاي اللي اقصده

[ابو محمد7]

عندي سؤال هل يعقل كل الي بالمنتدى ديونهم بيت وعلاج واشايء ضروريه عيل الي راكبين السيارات الفخمه ومافي جيبه فلوس البترول والي يسافر كل سنه بدين من البنك والبنك رافع عليه قضيه من هذولي اجانب ؟ استغرب بس الحين صار كل الاعضاء ديونهم بيوت وعلاج :(


اذا ممكن اجاوب من خلال ردود فئة كبيرة جدا جدا من اللي بالمنتدى

الكثيرين من المطالبين باسقاط الديون كانوا يقولون احنا ماعندنا ديون لكن نطالب علشان المساكين المديونين و الارامل والايتام

يعني جواب السؤال انه مب كل اللي بالمنتدى مديونين بيت وعلاج ولكن كلهم محبين للخير تجردوا من الانانية وسخروا نفسهم واوقاتهم للدفاع عن المساكين المحتاجين !!!

سبحان الله شيء غريب فجأة اصبح الجميع يحب الخير للناس ويفضل مصلحتهم على مصلحته وانتهت الانانية عندنا واختفت وكل واحد قاعد هني 24 ساعة يطالب مب علشان نفسه ولكن علشان غيره

اتمنى من كل قلبي ان هالشي صحيح ولكن استصعب اني اصدق هالشي خاصة من اللي نشوفه من حولنا في المجتمع

[venum]

عندي سؤال هل يعقل كل الي بالمنتدى ديونهم بيت وعلاج واشايء ضروريه عيل الي راكبين السيارات الفخمه ومافي جيبه فلوس البترول والي يسافر كل سنه بدين من البنك والبنك رافع عليه قضيه من هذولي اجانب ؟ استغرب بس الحين صار كل الاعضاء ديونهم بيوت وعلاج :(


تحكيرة


لاتحكيرة ولا هم يحزنون ,,, عليهم بالعافية يستهلون تتسدد ديونهم

عالأقل احسن من دللي وخيها وبيها وبن عمها والبوي فريند تاعونها اللى كاشخين على حساب ديرتنا

يعني يوم ولد البلد كشخ قلتو لييييي يكشخ؟؟ وام تنورة قصيرة تستاهل!!


مقيوله
الحلال حلال ابونا والقوم شاركونا

[مالي ومال الناس]

, , , ,

بعض الناس سطحي جداُ

من سطحيته لو يمسكونه وزارة بيثورون عليه موظفين وزارته ثاني يوم ويستقيل :)

والحسد مرض فتاك :)

[chillis]

اذا ممكن اجاوب من خلال ردود فئة كبيرة جدا جدا من اللي بالمنتدى

الكثيرين من المطالبين باسقاط الديون كانوا يقولون احنا ماعندنا ديون لكن نطالب علشان المساكين المديونين و الارامل والايتام

يعني جواب السؤال انه مب كل اللي بالمنتدى مديونين بيت وعلاج ولكن كلهم محبين للخير تجردوا من الانانية وسخروا نفسهم واوقاتهم للدفاع عن المساكين المحتاجين !!!

سبحان الله شيء غريب فجأة اصبح الجميع يحب الخير للناس ويفضل مصلحتهم على مصلحته وانتهت الانانية عندنا واختفت وكل واحد قاعد هني 24 ساعة يطالب مب علشان نفسه ولكن علشان غيره

اتمنى من كل قلبي ان هالشي صحيح ولكن استصعب اني اصدق هالشي خاصة من اللي نشوفه من حولنا في المجتمع

عندنا وحده متسلفه من االبنك 20 الف علشان تشتري شنطه شانيل بس تخيل وتشارك هني مرات وتطالب باسقاط الديون :) هذي احدى النماذج وهي معاي بالدوام

[سعـ قطر ـود]

بصراااااااحه استغربت ورب البيت انتوا في ارقى واحلا دولة عربية لحد الحين امن واماااااان بعد الله

بالنسبة لديون احنا اللي جبناااااه لانفسنا واعرف كثير لا متزوج ولا باني بيت وعليه 800 الي مليون ونص

ليش خير ان شاء الله الدنيا حلوه يعني لازم احمل نفسي اكثر من طاقتي وان شااااء الله واتمنى انها تسدد الديون

واذا ماتسددت مافي مشكله اهم شي اني في ديره العز ( الله الله في بلادكم لانها ثروه ماتعرفون معناها الا اذا فقدتوها وفي ناااااس كثر طامعين فيها بإثااااااااااااااااااااره الفتن وخااااصة ها الايااااام )

عسى الله يحميها ويحمي شعبها الطيب وحاكمها يااااارب العالمين

[جينير]

الحمدلله على كل حال
اخوكم موظف على قد حاله جينير مديون
ساكن بإيجار على حسابي
ماابي إلا يصرفون لنا الأرض ونبني ونفتك من الإيجارات اللي ذبحتنا

[متسامح]

انتو لا تذابحون الحيين ترى الحكومه مطنشة لين قالت باسدد القروض تهاوشو بس الحين حاولو تتقبلون افكار بعض

[chillis]

لاتحكيرة ولا هم يحزنون ,,, عليهم بالعافية يستهلون تتسدد ديونهم

عالأقل احسن من دللي وخيها وبيها وبن عمها والبوي فريند تاعونها اللى كاشخين على حساب ديرتنا

يعني يوم ولد البلد كشخ قلتو لييييي يكشخ؟؟ وام تنورة قصيرة تستاهل!!


مقيوله
الحلال حلال ابونا والقوم شاركونا

شو يازلمه حنا بنتكلم عن قطر كضيتنا يعني :(

[موضي قطر]

احنا نقول ان كل اعضاء المنتدى الحين يقولون ديونهم بيوت وعلاج هل يعقل ؟ والاسماء الي نشوفها انذارات من المحاكم واغلب الشباب الي راكبين سيارات فخمه يعني الديون كلها تخص الاجانب ؟ هني السؤال اختي موضي مافهمتي كلامي لان كل الي شاركوا بينوا انهم مديونين للبيت ولا علاج ولا حاجات ضروريه وهالكلام غير معقول اكيد من الميه شخصين يكونون فشخره هاي اللي اقصده


اختي وحبيبتي شيليز انا معاك بس تبين الصراحة اذا بنتكلم عن اللي يركبون سيارات ويسافرون خلينا نتكلم بعد عن " ناتالي وطوني " اللي راكبين سيارات فخمة يمكن عليه القوم عندنا مايركبونها وساكنين على حسابنا ارقى الفلل وتعمرت بيوتهم ومدنهم بالكامل على حساب قطر ليش ماحد قال راكبين سيارات ويفوشرون بفلوسنا والأدهي فلوسنا اللي ياخذونها من ربعنا تطير على السفر وعمليات التجميل وسواياهم وبذخهم بحلالنا عسل على قلبونا من :(

[chillis]

اختي وحبيبتي شيليز انا معاك بس تبين الصراحة اذا بنتكلم عن اللي يركبون سيارات ويسافرون خلينا نتكلم بعد عن " ناتالي وطوني " اللي راكبين سيارات فخمة يمكن عليه القوم عندنا مايركبونها وساكنين على حسابنا ارقى الفلل وتعمرت بيوتهم ومدنهم بالكامل على حساب قطر ليش ماحد قال راكبين سيارات ويفوشرون بفلوسنا والأدهي فلوسنا اللي ياخذونها من ربعنا تطير على السفر وعمليات التجميل وسواياهم وبذخهم بحلالنا عسل على قلبونا من :(

عندج الحكومه حاسبيهم على نتالي وطوني :) هذي سياستهم ما نقدر نغير فيها حنا ولا بايدنا لهم وجهت نظرهم شنسوي الله المستعان

[venum]

شو يازلمه حنا بنتكلم عن قطر كضيتنا يعني :(

لا كضيتكم ولا اشي,,,, المقصود ان فيه ناس يعممون انه القطريين متدينين فشخرة ...

وكل موضوع داشين عرض محد قالكم ومحد قالكم,, خلاص انا موافق انه ديونا فشخرة

عالأقل احنا نفشخر في بلادنا والله يعز ديرتنا احسن مايجي الغريب ويفشخر على حسابنا,,

يعني بالذمة اذا القطري شاري له لكزس ومب متحمل الديون بالله اشرحلي بعض الفئة الغير قطرية عندها سيارات موديل السنة ماتقل قيمتها عن نص مليون وساكن باللؤلؤة بتقنعني من جيبه دافع الفلوووس!!

[ابو محمد7]

عندنا وحده متسلفه من االبنك 20 الف علشان تشتري شنطه شانيل بس تخيل وتشارك هني مرات وتطالب باسقاط الديون :) هذي احدى النماذج وهي معاي بالدوام


انا ما انكر شي مب متأكد منه واتوقع منطقيا في ناس اجبرتهم الظروف وخذوا ديون من اجل سكن او علاج او غيره من الضروريات القصوى بس اتوقع انهم قلة قليلة

ولكن لما نشوف من حولنا انتشار السيارات اللي قيمتها فوق ال 300 الف بشكل كبير جدا
(ترى حتى الكروزر قيمته وصلت قريب 300 الف وشوفوا انتشاره)

ولما نشوف الماركات من شنط وغيره

ونشوف ونسمع عن الاعراس ومافيها من اسراف وبذخ

ونشوف الناس كل اجازة في دبي ولا لندن وغيره من دول اوروبا سياحة

صعب صراحة نصدق هالحملة اللي صايرة بالمنتدى او في غيره وبان كل هؤولاء محتاجين وماخذين ديون للحاجة الضرورية !!!

واصعب علي اصدق انهم مسوين هذا كله بس علشان ينصرون قضية ناس مايعرفونهم من باب حب الخير وحب الناس !!!

اعتقد الحقيقة ماراح تنعرف الا اذا كانت في دراسة دقيقة تكشف لنا اسباب الديون والاقتراض عند الناس

[حبر سري]

ليش تحكيره اخوي الفاضل ؟!!

يعني بالذمة كل العالم تسافر وكلهم سيايرهم فخمة :(
ويعني كلهم علشان العلاج واشياء ضرورية ؟.


لاتحكيرة ولا هم يحزنون ,,, عليهم بالعافية يستهلون تتسدد ديونهم

عالأقل احسن من دللي وخيها وبيها وبن عمها والبوي فريند تاعونها اللى كاشخين على حساب ديرتنا

يعني يوم ولد البلد كشخ قلتو لييييي يكشخ؟؟ وام تنورة قصيرة تستاهل!!


مقيوله
الحلال حلال ابونا والقوم شاركونا
بصراحة كلامك فيه من الصحة الكثير
لان من تجي السالفة عند طوني وربعه ، بصراحة مااعرف ارد ، اكون صريح وياكم



, , , ,

بعض الناس سطحي جداُ

من سطحيته لو يمسكونه وزارة بيثورون عليه موظفين وزارته ثاني يوم ويستقيل :)

والحسد مرض فتاك :)


الحسد ، ولاتنسى الصهيونية ، والماسونية بعد حطها وياهم:nice:

انتو لا تذابحون الحيين ترى الحكومه مطنشة لين قالت باسدد القروض تهاوشو بس الحين حاولو تتقبلون افكار بعض

ايوااااااا
هذا الكلام السنع
احنا شوي ونتذابح بسكاكين ، وللحين ماصدر اي شي ولا في اي ريحة
خخخخخخخخخخخخخخخخخخ
مافي الا اشاعات احنا نطلعها ، ونقعد نتهاوش عليها
والله حالنا يضحك
ولا اشرايكم؟

[حبر سري]

لا كضيتكم ولا اشي,,,, المقصود ان فيه ناس يعممون انه القطريين متدينين فشخرة ...

وكل موضوع داشين عرض محد قالكم ومحد قالكم,, خلاص انا موافق انه ديونا فشخرة

عالأقل احنا نفشخر في بلادنا والله يعز ديرتنا احسن مايجي الغريب ويفشخر على حسابنا,,

يعني بالذمة اذا القطري شاري له لكزس ومب متحمل الديون بالله اشرحلي بعض الفئة الغير قطرية عندها سيارات موديل السنة ماتقل قيمتها عن نص مليون وساكن باللؤلؤة بتقنعني من جيبه دافع الفلوووس!!

وش فشخرته الله يهداكم
من وين جايبين هالكلمة؟ ايه والله فشخرة

يعني مالقيتوا ولا كلمة قطرية
ماتعرفون الفسقة؟ ماتعرفون البطرة؟
ايه والله فشخرة

[chillis]

لا كضيتكم ولا اشي,,,, المقصود ان فيه ناس يعممون انه القطريين متدينين فشخرة ...

وكل موضوع داشين عرض محد قالكم ومحد قالكم,, خلاص انا موافق انه ديونا فشخرة

عالأقل احنا نفشخر في بلادنا والله يعز ديرتنا احسن مايجي الغريب ويفشخر على حسابنا,,

يعني بالذمة اذا القطري شاري له لكزس ومب متحمل الديون بالله اشرحلي بعض الفئة الغير قطرية عندها سيارات موديل السنة ماتقل قيمتها عن نص مليون وساكن باللؤلؤة بتقنعني من جيبه دافع الفلوووس!!

الي شاري لكزس ومهب قادر يقضي اقساطها يستريح وما يصيح هو جابه لنفسه اما الي تقول عنهم الفئه الثانيه هذي كلها هبات ومكرمات وانت تعرف من منو من اغلب التجار ورجال الاعمال ومن اماكن وظايفهم بلاش نتكلم كتير خيو لا نروح انا وانته في الرجلين

[ابو محمد7]

لا كضيتكم ولا اشي,,,, المقصود ان فيه ناس يعممون انه القطريين متدينين فشخرة ...

وكل موضوع داشين عرض محد قالكم ومحد قالكم,, خلاص انا موافق انه ديونا فشخرة

عالأقل احنا نفشخر في بلادنا والله يعز ديرتنا احسن مايجي الغريب ويفشخر على حسابنا,,

يعني بالذمة اذا القطري شاري له لكزس ومب متحمل الديون بالله اشرحلي بعض الفئة الغير قطرية عندها سيارات موديل السنة ماتقل قيمتها عن نص مليون وساكن باللؤلؤة بتقنعني من جيبه دافع الفلوووس!!


هذا هو المطلوب اللي ماخذ دين فشخره يقول ويعترف ولايقعد كل يوم يقول سكن وعلاج وظروفنا صعبه

[موضي قطر]

عندج الحكومه حاسبيهم على نتالي وطوني :) هذي سياستهم ما نقدر نغير فيها حنا ولا بايدنا لهم وجهت نظرهم شنسوي الله المستعان

اختي شيليز يعني افهم انه قادرين بس على أهل قطر وغيرهم اذا جبنا طاريهم حتى ما تنتقدون بذخهم تقولون الحكومة ابخص وروحوا حاججوها :rolleyes2:

[chillis]

اختي شيليز يعني افهم انه قادرين بس على أهل قطر وغيرهم اذا جبنا طاريهم حتى ما تنتقدون بذخهم تقولون الحكومة ابخص وروحوا حاججوها :rolleyes2:

اي يا اختي لانج عارفه وين يشتغلون واشلون يجيبون الفلوس >>>> ما تحط بذمتها ترا :secret:

[venum]

وش فشخرته الله يهداكم
من وين جايبين هالكلمة؟ ايه والله فشخرة

يعني مالقيتوا ولا كلمة قطرية
ماتعرفون الفسقة؟ ماتعرفون البطرة؟
ايه والله فشخرة

اخوي حبر سري ,, ذا مب كلامي انا قصدي فيه البعض يدشون هالمواضيع وهذي الفكرة اللي قصب طيب يطلعون بها القطري المديون.




الي شاري لكزس ومهب قادر يقضي اقساطها يستريح وما يصيح هو جابه لنفسه اما الي تقول عنهم الفئه الثانيه هذي كلها هبات ومكرمات وانت تعرف من منو من اغلب التجار ورجال الاعمال ومن اماكن وظايفهم بلاش نتكلم كتير خيو لا نروح انا وانته في الرجلين

خلاص مدام هم لهم هبات ومكارم,,, احنا المفروض اولى,,

وبعدين خيو شيليز انت قطري ؟؟؟ مجرد فضول

[حبر سري]

ياجماعة الخير :
خلونا انركز في مواضيع اهم الله يرحم والديكم

ورب الكعبة لو تتكلمون من هنيه لين سنة قدام (وانتوا اولريدي سويتوها وتكلمتوا اكثر من سنة) دام الحكومة ماتبي اتسدد فاعطيكم اياها كاش:
لو اتموتون ماراح يسددون شي

ولو تبي اتسدد :
اليوم بيسددون كل شي

ياجماعة خلكم من هالمواضيع والاشاعات اللي انتوا اتطلعونها وتصدقونها وتتهاوشون عليها

ركزوا في مواضيع اهم

اللي يقرا ويشوف المنتدى يقول القرار بس ناطر توقيعكم

لحد يزعل ، ان سددوا اهلا وسهلا ، كلنا بنستفيد ، وهالشي بيكون قرار من القيادة العليا وبس ، مافي داعي كل يوم نصيح ونطالب وكن احنا قاعدين في الشارع ، لا يبه ، هل قطر فوق غصبا عن الكل ، القطري يبيع عمره ولا حد يقرب من عزة نفسه

وان ماسددوا الحمد لله رب العالمين ، هذا احنا عايشين احسن عيشة الحمد لله

[chillis]

اخوي حبر سري ,, ذا مب كلامي انا قصدي فيه البعض يدشون هالمواضيع وهذي الفكرة اللي قصب طيب يطلعون بها القطري المديون.



خلاص مدام هم لهم هبات ومكارم,,, احنا المفروض اولى,,

وبعدين خيو شيليز انت قطري ؟؟؟ مجرد فضول

والله قطريه :( بس السؤال انت قطري ؟

[venum]

هذا هو المطلوب اللي ماخذ دين فشخره يقول ويعترف ولايقعد كل يوم يقول سكن وعلاج وظروفنا صعبه

ايه اخوي بومحمد انا على ديوووووون

تبي تعرف في وشو ديووني ؟؟

[موضي قطر]

اي يا اختي لانج عارفه وين يشتغلون واشلون يجيبون الفلوس >>>> ما تحط بذمتها ترا :secret:


أنا البنت هذه ماعرفها :eek5::secret:

[حبر سري]

خاطري اعرف :
وشدخل الجنسيات في النقاش؟
خخخخخخخخخخخخخيعني الحين اللي بيقول سددوا راح يكون قطري اصلي

زين يمكن واحد من اللي قال سددوا طلع بنغالي

واللي يقول لاتسددون مب قطري لو شنو

شدعوة يبه

كل واحد يقول اللي عنده وخلاص

هذا قطري ، وهذا شيرازي(شدعوة قطو)

[ام السعف]

والله قطريه :( بس السؤال انت قطري ؟

هيهيهيهي

يقطع سوالف ابليسكم

كل قام يشك في الثاني ....> لو الحكومة تسدد الديون يكون افضل
على الأقل تقللون شك في بعض :telephone:

[chillis]

أنا البنت هذه ماعرفها :eek5::secret:

بو محمد لاتسال احد عن ديونه بيقولك بيت وعلاج :( مافيهم فشخره سياره ولا سفر ولا عرس ولا شي لا ماعاذ الله الفشخره والشي الغير الاجانب بس وكل القضايا المرفوعه من البنوك على الاجانب :secret: اختي موضي لاتخافين خل قلبج حجر

[ابو محمد7]

ايه اخوي بومحمد انا على ديوووووون

تبي تعرف في وشو ديووني ؟؟


انا كلامي عام وهو يخص أفكار وليس أشخاص

الجواب لا

[Bo_7aMaD_Q8]

جايكم الخير يا اهل قطر جايكم

[venum]

انا كلامي عام وهو يخص أفكار وليس أشخاص

الجواب لا

ياخوي الموضوع ترى له اسباب عدة ادت اللى غرق المواطنين بالديون :

اهم الأسباب وانا اخوك

1- تحصل اثنين اخوان من بيت واحد , واحد منهم تطلع له ارض + قرض والثاني بس ارض !!
ففي هذي الحالة لازم يشتري ارض وقيمة الارض ماتقل عن نص مليون ,
يعني لازم سلفة

2- البنك المركزي وقرارته اللى تصب في خدمة البنوك <<< مصالح مشتركة :secret:

3- دور حماية التاجر اقصد المستهلك.

4- احتكار التجار

5- فيتامينااااااااااااااااات الواو

6- مستشفى حمد << ادري بتقولي وش دخل مسشتفى حمد بقولك ,, مثلا ناس محتاجين علاج بالخارج وربعنا في مستشفى حمد يرفضون,


اشوف ردك يالغالي وبكمل لك اللسته

[بوسياف]

نعم نعم نريد مكرمة اميرية
لا افكر في اسقاط الديون
لاافكر في زيادة الرواتب
ما يشغل فكري حبي لكل ذرة من تراب هذا الوطن
نعم نريد الشفافية والرؤية الواضحة
هناك عتمة وضبابية في معظم الوزارات والمؤسسات,,,,,,,, هناك شخصيات يفترض انها في خدمة الوطن والمواطن ولكنها مع الاسف اشبه برجل الثلج العملاق الذي تتجمد تحت قدميه كل اطر التنمية والامثلة كثير ة وللموضوع بقية[

بسم الله والصلاة والسلام على رسول الله ..

اخواااني واخواااتي الاعضاء الكراااام ...
اختي بدووور الي وجدت النوور ,, نسأل الله لنا ولها نور البصيرة ..

لو تحللون كلماتها البسيطة انحلت ازماااتنا كلها ,,,
مووب محتاجين تسديد ديون ولا زيادة راتب ولا ولامنح ولا اي شئ....

انا اشد على يد اختي بدوووور ,,نعم نعم نعم ... هاااي الي نبيه ...

نريد شفافية ووضوح نحتاج الى تدريب وتطوير نطمح الى انجاج وتقدم ....

لازم اعااادة ضخ دماء جديدة او قديمة لازم تجديد في جميع وزاراتنا الي الى الان تعاني تحت النظام الورقي السقيم والقوانين القديمة الي قبل الحرب العالمية ...
وتجديد في مؤسساتنا وقطاعنا الخاص الي يبي ينمو ويتقدم ويتطور دون الاخذ بيد المواطن وجعله هو اللبنة الاولى للتطوير والتقدم ,,,
نبي شباااااااب وطن قطري الجنسية يصمم مشروع يراقب تنفيذة يشرف على اكماله يسااهم في انتاااجه ,,, هذاااا هو المطلووووب هنااا (المنحة الي نحتاجها فعلياا)

نبي صوت نبي صدأ نبي توااصل مع المسؤليين نبي فتح للمنافسة بيننا كإخوان والكل كسبان ..
محتاااجين فتح التعليم اكثر فاكثر انشاء المعاهد عندنا الجزيرة للتدريب موب كاافي عندنا انشطة نادي الخريجين هم مووووب كااافي .....

نبي تطوير موب لازم جااامعي في ثانووي عقله يوزن ذهب ومتفتح الذهن لكن شاءت الاقدار والظروف انه ماينهي درااستة ,,,, ياااخي اووكية تعااال انت يالي ماعندك شهاادة رووح ادرس برع على حسااب الدولة وين الاشكالية .....

هذا الي نبية من المجلس الاعلى .... هذا الي نبية من جامعه قطر ...هذا الي نبية من المدارس المستقلة .... موب احتفالات وعزائم وكلام فاااضي لابراز مفاتن المدارس كل وحده امام الاخرى ....

هنا الوقفة تكوووون وهنا المنح تكون وهنا الطموح يكون وهنا الرجاء الى جميع من يتخذ قرار ان يكون ....

اخواااني اخواااتي ... اذا مشينا ونفذنا كل الي قلنا وسوف نقول ...انتهاء ...
انتهاء الدين العام للمواطنين انتهاء العجز لدى المواطنين انتهاء المهايط والاسراف عن المواطن.. انتهاء قصور المواطن ... والاهم انتهاء حاااجت المواطن وعم التقدم والتطوور
مجتمعنا كاااامل هنا المنح ...نحتاااج اليااات نعملها بيدينا لابيد الغير ....

دمتم بكل خير وسعاادة ورضاء ...
اللهم لك الحمد حتى ترضى ولك الحمد عند الرضاء ولك الحمد بعد الرضااء
اللهم لك الحمد على نعمك ... اللهم اعنى على حمدك وشكرك ....
تقبولوا التحايا واعتذر على الاطالة ....
انتهاء

[ام السعف]

جايكم الخير يا اهل قطر جايكم

اللـــــه يالكويتي ذكرتني في
هذا هو هذا هذا هو ابن قطر
هذا هو هذا هو اقولها بكل فخر .....> انقالت عندكم :shy:

بس سؤال لو سمحت لي لأني ما كنت متتبعة الأخبار عشرة ايام
انتوا هل صادتك زيادات على ارض الواقع وما هي نوعها ؟

[مهل]

يرجى تعديل عنوان الموضوع

نطالب بمكرمة اميرية تليق بقطر واميرها وشعبها

[ابو محمد7]

ياخوي الموضوع ترى له اسباب عدة ادت اللى غرق المواطنين بالديون :

اهم الأسباب وانا اخوك

1- تحصل اثنين اخوان من بيت واحد , واحد منهم تطلع له ارض + قرض والثاني بس ارض !!
ففي هذي الحالة لازم يشتري ارض وقيمة الارض ماتقل عن نص مليون ,
يعني لازم سلفة

2- البنك المركزي وقرارته اللى تصب في خدمة البنوك <<< مصالح مشتركة :secret:

3- دور حماية التاجر اقصد المستهلك.

4- احتكار التجار

5- فيتامينااااااااااااااااات الواو

6- مستشفى حمد << ادري بتقولي وش دخل مسشتفى حمد بقولك ,, مثلا ناس محتاجين علاج بالخارج وربعنا في مستشفى حمد يرفضون,


اشوف ردك يالغالي وبكمل لك اللسته


تقدر تكمل كثر ماتحب ولو ان كلامك فيه التفاف على الموضوع ومحاولة لربط بعض الامور ببعضها

لكن للامانة بعض مما ذكرت فيه شيء من الصحة

فيتامينات واو وهذي صراحة احنا الملامين عليها ونلوم نفسنا قبل اي شخص اخر ولا تقول لي بعد انك ترفض استخدام واو لما يكون في صالحك مثل ماترفضه يوم يكون ضدك !!!

مستشفى حمد فيه الكثير من المشكلات

على فكرة انا ماقلت ان الوضع عندنا مثالي وللعلم فقط مافي مكان مثالي ولا اشخاص مثاليين خلنا واقعيين اذا بتمسك هالجوانب او غيرها بتلاقي ان احنا احسن من الكثير الكثير من دول العالم واذا بتجيب لي دولة احسن منا في جانب معين بتلاقي ان احنا احسن منهم في جانب اخر وهكذا

عودة للموضوع الرئيسي وهي فكرة بسيطة جدا

بان اللي عنده دين بسبب المظاهر خل يكون صريح مع نفسه

والانسان المحتاج ندعوا له ان الله يفرج كربته

[مستثمر 999]

الله يفرجها علينا


نعم كلنا بحاجه الى مكرمه اميريه


وخاصه المتقاعدين تقاعد تعسفي

[البارع]

اشكرك اخوي على التفاعل البناء واعتذر لبقية المشاركين اللذين قصر تعبيري عن الوصول اليهم


:nice:فزاويه90:nice:

ابلغ رد على المتفيهقه ههههه

[الصيـاد]

مشكلة الديون مالج خص فيها عندج مشكلة مع الوزارت تكلمي دايركت بالموضوع

صج لقافة

[khaldoon]

اختي وحبيبتي شيليز انا معاك بس تبين الصراحة اذا بنتكلم عن اللي يركبون سيارات ويسافرون خلينا نتكلم بعد عن " ناتالي وطوني " اللي راكبين سيارات فخمة يمكن عليه القوم عندنا مايركبونها وساكنين على حسابنا ارقى الفلل وتعمرت بيوتهم ومدنهم بالكامل على حساب قطر ليش ماحد قال راكبين سيارات ويفوشرون بفلوسنا والأدهي فلوسنا اللي ياخذونها من ربعنا تطير على السفر وعمليات التجميل وسواياهم وبذخهم بحلالنا عسل على قلبونا من :(

والله بهذه ما اقدر الومج..والله اللي مثل نتالي و طوني اللي حصلوا عليه من سيارات و فلل و فلوس من سنة 2006 و بعد ما حصل عليه اكثر من 90% من المقيمين اللي دخلوا قطر من 50 سنه

:secret:

[مهل]

اتمنى من الي يطالبون بمكرمه التمعن بهذ المثل (( قليل دائم خير من كثير منقطع ))

[موضي قطر]

والله بهذه ما اقدر الومج..والله اللي مثل نتالي و طوني اللي حصلوا عليه من سيارات و فلل و فلوس من سنة 2006 و بعد ما حصل عليه اكثر من 90% من المقيمين اللي دخلوا قطر من 50 سنه

:secret:


تكفون لا عاد تقتبسون ردودي اخاف ناتالي وطوني يشتكون علي بتهمة القذف http://up.3ros.net/get-3-2011-8jz9fcr2.gif (http://up.3ros.net)

[متداول عالمي]

المشكلة انا الناس عايشن في احلام وردية

[موضي قطر]

المشكلة انا الناس عايشن في احلام وردية



خلهم يحلمون ترى الأحلام في كثير من الأحيان تمنع " الكوارث :(

[بوحارب]

الحمدلله على كل حال

[العقل الحر]

والله بهذه ما اقدر الومج..والله اللي مثل نتالي و طوني اللي حصلوا عليه من سيارات و فلل و فلوس من سنة 2006 و بعد ما حصل عليه اكثر من 90% من المقيمين اللي دخلوا قطر من 50 سنه

:secret:


الله يعين كل مقيم عاش وانولد على هذي الارض اكثر من 20 سنه

شي قهر عايشين ومنولدين سنين واحد توه جاي يشيخ عليهم بارده مبرده

احس انهم دفعوا ضريبه حياتهم

ولكن معليه اهل قطر يعرفونهم وعاشوا معاهم ويساندونهم ضد الافواج والتيار القوي الحاصل الان .... لانهم في الهوى سوا

[لينا]

يارب يزيدون الشؤون حرام جارتنا تكسر الخاطر
2000 ريال شنو اتسوي هالايام

[i.qatar]

اتوقع ان المكرمه جايه

لكن ينتظرون مناسبه رسميه لأعلانها

عيد وطني ..؟
عيد جلوس ..؟
عيد اضحى ..؟
عيد فطر ..؟
عيد قطر ..؟
عيد شي .. ؟

الله العالم :playball:

[سمو الاميره]

كلاااااااامج صحيح وماعليج من الاعضاء الي يقولون شمطلوووب واحنا بخير

الحمدالله بس احنا نستااهل مكرمه حالنا حال غيرررناااااااااااااااااااااااااااااااااااااااااااا ااااا

واحنا احق بفلوس بلادنا ..~

وتحيااتي لـ صاحبة الموضوع بدور

[ملاك]

اتوقع ان المكرمه جايه

لكن ينتظرون مناسبه رسميه لأعلانها

عيد وطني ..؟
عيد جلوس ..؟
عيد اضحى ..؟
عيد فطر ..؟
عيد قطر ..؟
عيد شي .. ؟

الله العالم :playball:
اشدعوووووووووووووووووووه ؟؟

نسيت عيد مهم الشيخ

عيد ميلادي :shy:


هههههههههه عم بمزح <<< والله قطريه

انا اتوقع هالاسبوعين بتسمعون شي مب لازم اعياد يا خوي ترى هالشيوخ يوم فرحوا شعوبهم ترى من غير مناسبه للعلم

[خزامئ]

الله ايديم علينا نعمه الامن
والايمان

[chillis]

<<<< ناطره حبر سري يعلق

[بو فهد]

الحمدلله رب العالمين عايشين في نعمة بفضل الله عز وجل

ولاينقصنا سوى كاهل الديون التى ذبحت المواطنين

وتوزيع الثروة والاراضي بالمساواة بين الشعب.

[لطآم]

اتمنى يكون ردي هذا بنر للمنتدى
سنة 2013 مجلس امه في قطر
مثل الكويت 100%
والله يعطينا طولت العمر لين وقتها ان شاءلله
شوفولكم عضو قوي نفس مسلم البراك
عشان نرشحه لمجلس الأمه القطري

[البارح]

الحمدلله رب العالمين عايشين في نعمة بفضل الله عز وجل

ولاينقصنا سوى كاهل الديون التى ذبحت المواطنين

وتوزيع الثروة والاراضي بالمساواة بين الشعب.




بيت بيت :omg::omg:
دار دار :eek5::eek5:
زنقه زنقه :telephone::telephone:

[cavok]

واللة ملينا هاي السالفه ----- قولو الحمد لله على كل حال ------

[simsim1963]

انتوا كل يوم عندكم مكرمه .... الكهرباء والماء مجانيه ولله الحمد

[Qatar-King]

اتمنى يكون ردي هذا بنر للمنتدى
سنة 2013 مجلس امه في قطر
مثل الكويت 100%
والله يعطينا طولت العمر لين وقتها ان شاءلله
شوفولكم عضو قوي نفس مسلم البراك
عشان نرشحه لمجلس الأمه القطري

اغسل يدك من هالموضوع ,, :secret:

[simsim1963]

ما فيه شئ لا احدي يحلم كثير ..... ولا احد يمني نفسه بمكرمات والغاء ديون ما ادري شلون تفكرون احنا مقبلين على 2022 ومحتاجين كل ريال للمشاريع الضخمه وعندنا بنيه تحتيه متهالكه تحتاج موارد كبيرة .

[نبض قطر 1970]

ليش تحكيره اخوي الفاضل ؟!!

يعني بالذمة كل العالم تسافر وكلهم سيايرهم فخمة :(


كلام منطقي

مشكلة بعض الناس يرون الموضوع من منظور ضيق

وللأسف الشديد الموضوع أبعاده متراميه الأطراف

وكثير من المواطنين يعانون من الديون المركبه المتراكمه من قبل البنوك

والظلم الوظيفي وغلاء المهور وغلاء المعيشه وارتفاع اسعار البترول وآخر المستجدات

(( التقييم السنوي ))

لكل همومه واشجانه ومعاناته لكن البعض يضن انه يعيش بالمدينه الفاضله

الله يفرج كرب كل مهموم ويزيح الدين عن كاهل كل مديون

اللهم آمين

تقبلي تحياتي

[TRY]

الله يطول عمر بو مشعل

ولاهي بغريبة على بو مشعل راعي الكرم

أذا جات مكرمة أميرية من كريم لمستحق

وأذا ماجات كفاية مجانية الكهرباء والماء.

[لطآم]

اغسل يدك من هالموضوع ,, :secret:

كلام متأكد منه مليون فالميه
واذا الله احيانا لين سنة 2013
قول والله لطام قال بيصير المجلس :)

[saudqatar]

السلام عليكم الاشاعات ذبحتا في قطر مره نسمع زياده راتب ومره شل الديون !!!!

الله يجيب الي فيه خير لاهل قطر ويفرح قطر

ويستاهلون وحنا اغنى دوله في الخليج

[دانـة قطـر]

مكرمة..مكرمة..مكرمة

يعني شنو مكرمة :confused:

[قناص الخليج]

ابشروا بالخير ياهل قطر

[ام السعف]

مكرمة..مكرمة..مكرمة

يعني شنو مكرمة :confused:

:telephone:

[الماريّة]

الله يجيب الخير ان شاء الله
من الله اولا سبحان وتعالى ومن ثم من قايدنا حمد

الله يرزقه البطانه الصالحه

[حبر سري]

<<<< ناطره حبر سري يعلق
ها انا ذا:nice:

بس ياتشيليز(يالحسودة الحقودة اللي مب قطرية):tease: صدقيني الكلام بينعاد مليون مرة ، ولا في نتيجة ، انا ابي افهم شالموضوع الحين؟ الموضوع عبارة عن وشو؟ طلب؟ محد ملتفت
خبر؟ غير صحيح
شالسالفة؟ اللي يقول لا ، فهو صهيوين عميل رافضي حقود ، اللي يقول ايه ، فهذا قطري ويحب الخير حق اهل قطر ، ولا حنا عارفين من يقول ايه ولا من يقول لا
ولا اللي يقول ايه بيسمعون له ولا اللي يقول لا
اللي يسمع يقول خلاص الملايين تنطرنا بس نخلص نقاش
لو نركز في مواضيع ثانية مب احسن؟
وبسج حسد ترى سمعت انج ماتحبين الخير حق اهل قطر :)
اتحبينه حق اهل بلادج بوركينا فاسو:anger1:


مكرمة..مكرمة..مكرمة

يعني شنو مكرمة :confused:

هذا سؤال خطير ، ممكن الموضوع بكبره ينحذف من ورا هالسؤال ، لاني طرحت هالسؤال وانحذف موضوعي برمته
حلوة برمته هاذي

[حبر سري]

خلهم يحلمون ترى الأحلام في كثير من الأحيان تمنع " الكوارث :(

طبعا موضي قطر انا احترمها واقدرها وهي عارفة
بس مافهمت معنى المشاركة
تقدرين اتوضيحنه ياموضي قطر؟:)

[موضي قطر]

طبعا موضي قطر انا احترمها واقدرها وهي عارفة
بس مافهمت معنى المشاركة
تقدرين اتوضيحنه ياموضي قطر؟:)


الله يرفع قدرك وانا احترمك اخوي بس لاعاد تقتبس ردودي تصيدني " ام الركب :(


الا اذا بتسلفني من حبرك السري علشان اكتب ردي :secret:

ممكن اعرف ليش مذيل ردك علي بابتسامةصفراء ؟!

[Engineer CA]

الله لايخيب ظنكم

ويكتب الخير ان شا الله

[بيانو]

الله يقدم إلى فيه الخير لجميع الشعب القطرى

[أين الحل ؟]

السلام عليكم ورحمة الله .

[علي1]

الحمد لله على كل حال
والله المستعان

[ALHAJAJI]

السلام عليكم ورحمة الله .

وعليكم السلام ورحمة الله وبركاتة :nice:

[Qtr95]

مع احترامي للأعضاء...
رأيت الكثر من الردود اللي ما فهمت شنو قصد الأخت بدوور..

على الأقلب .. انتم قريتوا العنوان فقط ؟ ..

وانا اضم صوتي مع الأخت ..
افضل مكرمة أميرية هي ..

المصداقية والشفافية في الوزارات ,,
والعمل بسلاسة ,,

وان الناس اللي ماسكين مناصب .,,
يكونون قد المسؤوليه ويتطورون اكثر ,, ويخبطون اقل ..
بالأتجليزي ..

More Success .. and less Failing..
>>>
احس ان السبلينج غلط لوووووووووووول

^^

[حبر سري]

الله يرفع قدرك وانا احترمك اخوي بس لاعاد تقتبس ردودي تصيدني " ام الركب :(


الا اذا بتسلفني من حبرك السري علشان اكتب ردي :secret:

ممكن اعرف ليش مذيل ردك علي بابتسامةصفراء ؟!

:whistling:

[المستعينه بالله]

لا إله إلا الله

الله يصلح أحوالنا وتتغير إلي الأافضل

[نوفا91]

يجيب الله مطر..

[AliQatar]

الله يكتب اللي فيه الخير

[دانـة قطـر]

طبعا موضي قطر انا احترمها واقدرها وهي عارفة
بس مافهمت معنى المشاركة
تقدرين اتوضيحنه ياموضي قطر؟:)


بعد أذن موضي إذا تسمح لي :shy:
"الأحلام حق مشروع للنائمين ..كل ما يلزم للقضاء على حلمك هو أن تستيقظ ، اليقظة مشنقة الأحلام ":yawn:

[chillis]

بعد أذن موضي إذا تسمح لي :shy:
"الأحلام حق مشروع للنائمين ..كل ما يلزم للقضاء على حلمك هو أن تستيقظ ، اليقظة مشنقة الأحلام ":yawn:


ماعليكم من حبر سري حقودي حسودي غير قطري ولازم نسحب منه الجنسيه اذا قطري يتهمني بالحسد والكراهيه :(

[حبر سري]

بعد أذن موضي إذا تسمح لي :shy:
"الأحلام حق مشروع للنائمين ..كل ما يلزم للقضاء على حلمك هو أن تستيقظ ، اليقظة مشنقة الأحلام ":yawn:

هذا اللي كانت تقصده؟
اشك بصراحة:)



ماعليكم من حبر سري حقودي حسودي غير قطري ولازم نسحب منه الجنسيه اذا قطري يتهمني بالحسد والكراهيه :(

حيا الله اللي مب قطرية:nice:
لازم تسحبون مني الجنسية؟ انتوا قصرتوا؟ يابنت الناس اذا اتهموني باني رافضي خخخخخخخ

على العموم

ارجع واقول :
ياجماعة لحد يتهاوش ، ترى مب صاير شي ان تهاوشتوا ، كل واحد يطرح رايه وهو ماشي ، وفي النهاية ماقدّر الله يصير

[غير عنهم]

يجيب الله مطر..

الله كريم

[موضي قطر]

بعد أذن موضي إذا تسمح لي :shy:
"الأحلام حق مشروع للنائمين ..كل ما يلزم للقضاء على حلمك هو أن تستيقظ ، اليقظة مشنقة الأحلام ":yawn:



ايــه هذا قصدي بالضبط :(

هذا اللي كانت تقصده؟
اشك بصراحة:)



:omg:


انت شتبي مني :weeping:




لازم اقول لا عاد تقتبس ردود اللي يردون علي يعني :weeping:

[نمر بن عدوان]

الحمدلله على نعمة الامن

[مستجدة]

مساكين اللي بتوقيعي هم والله اللي يحلمون احلام يقضه مع احلام النووووم المشروعه

[دكان عباس]

اشد على ايدك

[الصيـاد]

حتي الكلام ما تعرفي اتكلمين

نحن لا نطالب بمكرمة

هذا واجب علي الأمير اللي انكن لة كل الحب والاحترام بالنظر في احوال مواطنية

من هذي الوزارات والمؤسسات بعد فشل الحكومة