في الصميم ........ توحيد الزي

[ام الحناين]

.............. الحمدلله ..............

تم توحيد الزي في جميع المدارس المستقلة :nice:

هيئة التعليم ارسلوا تعميم لكل المدراء لا وبعد مشترطين عليهم انه يكون
طويل محتشم لا يشف ولا يصف :victory:

الحمدلله الحين باقدر اشتري لبناتي من اي محل ابيه واي خياط بعد.............

ما قصرتوا يا هيئة التعليم والى الامام .............

[الـقـاسـي]

زين والله هذا المفروض يفكونا من الغثا وعوار الراس والزحمه ..

احس شوي شوي بدت ترجع المدارس للنظام القديم لكن تحت اسم المستقله

[بنت الطائي]

اي صح كلامج توني اشوف الجريدة

http://www.raya.com/local/Rnews/Pages/2011-3-1-1007.aspx

[عابر سبيل]

خبر طيب جدا
و في مصلحة الجميع
باذن الله..

لو..يخففون ايضا من الزام الطلبة (الذكور)
في المرحلة الابتدائية بالذات من لبس
الثياب (البيضاء)..لأن الصغار-بالذات-
كثيروا الحركة و المشاغبة
و يكثر توسيخ ملابسهم
البيضاء عند عودتهم مم المدرسة..
بسبب المشاغبة (الصبيانية)!
*
*
،،
عموما
الوصول متأخرا..خير من عدم الوصول..

نقولها (للمجلس) الاعلى للتعليم!

عجل الله فرج (وزارة التربية و التعليم)

[ام الحناين]

خبر طيب جدا
و في مصلحة الجميع
باذن الله..

لو..يخففون ايضا من الزام الطلبة (الذكور)
في المرحلة الابتدائية بالذات من لبس
الثياب (البيضاء)..لأن الصغار-بالذات-
كثيروا الحركة و المشاغبة
و يكثر توسيخ ملابسهم
البيضاء عند عودتهم مم المدرسة..
بسبب المشاغبة (الصبيانية)!
*
*
،،
عموما
الوصول متأخرا..خير من عدم الوصول..

نقولها (للمجلس) الاعلى للتعليم!

عجل الله فرج (وزارة التربية و التعليم)

بالعكس يا خوي انا أؤيد لبس الثوب وبقوة الصراحة
احسن من اي لبس اخر
على الاقل يطلعون رجاجيل

الله يحفظهم بس قرار سليم
الحين اصحاب الترخيص بيعصبون

[wadha-qa]

زين الحمد لله نشكرهم على تحركهم اخييرا!!

[دااانة قطر]

?????????????
تو الناااس عقب مافصلنا وخلصنا حق التيرم هذا ليش مانزلوا القرااار فترة الاختباارات؟؟

طيب متى بيتطبق السنه الجاايه ؟؟

ومتى بيوزعون الكتب ونتاايج التيرم الأول لين الحين ماخذوها من العيز؟؟ اليوم ثاالث

[ام السعف]

قرار يثلج الصدر ،، يستحقون الشكر عليه ،،

[المـهـفـة والـســفـرة]

رجعت حليمة لعادتها القديمة ههه ,, والله تخبط .

:tease:

[قطريه ماركه]

زين الحمدلله ...

[بـــــــنت النوخـّــــذه]

والله زين ماسوو صراحه عيزونا الا ذاك الخياط الا ذي القطعه الا ذاك الموديل الا هطول الا جذيه الا جذاك واخرتها يطلع المريول طبق الاصل من اليونيفورم

زين ماسسو احلى قرار اصدره المجلس الاعلى للتعليم

انزين يلا عاد يا مجلس يااعلى بشرونا بعد برجوع المدارس الحكوميه بتعليم مطور:tooth:

00

[ام السعف]

والله زين ماسوو صراحه عيزونا الا ذاك الخياط الا ذي القطعه الا ذاك الموديل الا هطول الا جذيه الا جذاك واخرتها يطلع المريول طبق الاصل من اليونيفورم

زين ماسسو احلى قرار اصدره المجلس الاعلى للتعليم

انزين يلا عاد يا مجلس يااعلى بشرونا بعد برجوع المدارس الحكوميه بتعليم مطور:tooth:

00

ياااطمااااااااااعة .. صبري عليهم لشلوا المخضرمين من على كراسيهم
ممكن الدماء الجديدة تحقق مطلبج :telephone:

[Dawn]

يا حالتك يالمجلس الاعلى

يالله زين الحمدلله ... شي بسيط افضل من لاشي

الفال لقرارات اكبر وأجرأ من هذي ...

يا المجلس يا مسؤولين التراجع عن الخطأ والاعتراف بالخطأ فضيله ...

واحنا بنكون اول المصفقين لكم اذا كنتوا قد المسؤوليه ورجعتونا للعصر الذهبي للتعليم رجعونا لهذيك الايام ،، يوم كنا ندخل المدارس ونلقى الاجانب معدودين على الاصابع .. نلقى وجوه قطريه مبتسمه كلها حب وترحيب .. صرنا حتى نشتاق للروايح الطيبه ريحة العود والعطور ... الحين شوفوا الطلاب اكثر شي يشتكون منه ريحة المدرسه الاجنبيه والمشكله انهم من دول عربيه مسلمه .. الله يلوم اللي يلومهم احنا كنا زميلاتهم مب قادرين نتحملهم في الاجتماعات نحط الشيله على خشومنا من ريحتهم ...

نبي نرجع لايام المعلمه القطريه الحنونه ، نبي نرجع للتعامل الراقي اللي كله قايم على حب الوطن مب حب الفلوس وخوف عالميزانية ، نبي نرجع للمديرات اللي قلوبهم على الطلاب والطالبات مب على جيوبهم ومصلحتهم الشخصيه .. نبي نرجع لايام الكتاب مانبي ملزمه تصويرها يجيب المرض ،، نبي البساطه في الانشطه ما نبي الاستعراض الفارغ اللي ماله اي معنى ،، نبي البساطه في الدوام مانبي ايام تمدرس يمشون عليها الطلاب كانها قرآن منزل من السما ،، نبي نرجع للتربيه ونبي تعليم مع التربيه ،،، نبي نرجع للنظافه ما نبي اجانب ما يعرفون اي شي عن النظافه الشخصيه ...

يالله يالمجلس شدوا حيلكم .. تدرون ان النظام السابق كان افضل رغم عيوبه .. ارجعوا وطوروه محد بيشمت فيكم بالعكس الا الكل بيحترمكم .. الشعب ناطركم ...

هذا احسن خبر سمعته اليوم رغم بساطته ..

[شيزكيك]

الخبر حلو

بس ترى اعتقد حددوا 3 الوان حق كل مرحلة

[كروشيه]

ما قصروا المجلس الاعلى وللأمام لمزيد من القرارات الجيده والتي تصب في صالح الطالب والمعلم في نفس الوقت ،

[عابر سبيل]

بالعكس يا خوي انا أؤيد لبس الثوب وبقوة الصراحة
احسن من اي لبس اخر
على الاقل يطلعون رجاجيل

الله يحفظهم بس قرار سليم
الحين اصحاب الترخيص بيعصبون


انا بعد مؤيد جدا للبس الثوب..

بس الاعيال في الابتدائية او اول 3 صفوف..
ما لهم حل و الثياب تتبهدل من شطانتهم..
كل فصل نخيط لهم ع الاقل (مرتين)!!

يعني لو يسمحون بالثوب و لبس اخر
(موحد) يكون عملي و يستحمل شطانتهم!!
*
*
،،
عموما..نطالب بمساواة
بين
الطالبات
م
الطلاب

و يلبسنو الطالبات..

الزي الوطني القطري؟؟

عاد..اي زي (قطري)/وطني/تراثي
بقى عند القطريلات هالايام:secret:

[^NoOOoR^]

down
كلامك صحيح 100%
أنصح كل مدرسة قطرية التمسك بمهنة التدريس لأن الأخطاء اللي تصير من المدرسات الغير قطريات في التدريس والله كبيرة.. تخيلوا مدرسة عربية ما تعرف تفرق بين الاسم والفعل .. غير النطق الغير صحيح لبعض الحروف لانهم يشرحون بلهجتهم أحيانا .. يعني الزي = الذي
الله يرحم الجيل القديم منهم ويهدي ويصلح الجيل الحالي

[أم وضحى]

قرار جيد :)


طيب متى بينزل قرار يمنع اجبار المعلمات على لبس التنوره والقميص ومخالفة اللي تلبس عبايه !؟

ضروري نرجع للخياطين ومخاسيرهم :(

[مدرسة]

قرار جيد :)


طيب متى بينزل قرار يمنع اجبار المعلمات على لبس التنوره والقميص ومخالفة اللي تلبس عبايه !؟

ضروري نرجع للخياطين ومخاسيرهم :(


اممممم

قرار سليم من المجلس الأعلى..... فعلا توحيد الزي من مصلحة الجميع

بس بخصوص لبس العباية في المدرسة ، انا مااا اؤيد هذا التوجه في مدارس البنات....في مدارس النموذجية بيكون شي ضروري بس بين الطالبات ماله داعي
ماااا اخبر ان مدرساتنا قبل كانوا يلبسون عبايات ..... :rolleyes2:
واذا عن مخاسير الخياطين......مو لازم التكلف لغير المستطيع.......!!!

[كاروهات]

قرار جيد :)


طيب متى بينزل قرار يمنع اجبار المعلمات على لبس التنوره والقميص ومخالفة اللي تلبس عبايه !؟

ضروري نرجع للخياطين ومخاسيرهم :(

ومن قالكم انه ما نزل قرار
بالعكس في قرار واصل لجميع المدارس بالالتزام بالزي المحتشم ............. لجميع الموظفين في المدارس المستقلة

[لـبـيـه]

اقول لهيئة التعليم

تو الناس وصح النوم

بعد مالتهتو الناس واولياء الامور وربحتو كم محل

الحين تصدرون القرار سبحان الله لهدرجه القرار هذا

كان صعب ويحتاج دراسه كم سنه

اصحو اصحو ترى في قرارات وايد بعد نبيكم تغيرونها

بس الظاهر بعد كم سنه بتعرفون وتستوعبون

هذا اكبر دليل بلتخبط قرارت تجي متاخره وقرار ينزل

وثاني يوم يتغير وحدث ولاحرج

[كاروهات]

اقول لهيئة التعليم

تو الناس وصح النوم

بعد مالتهتو الناس واولياء الامور وربحتو كم محل

الحين تصدرون القرار سبحان الله لهدرجه القرار هذا

كان صعب ويحتاج دراسه كم سنه

اصحو اصحو ترى في قرارات وايد بعد نبيكم تغيرونها

بس الظاهر بعد كم سنه بتعرفون وتستوعبون

هذا اكبر دليل بلتخبط قرارت تجي متاخره وقرار ينزل

وثاني يوم يتغير وحدث ولاحرج

بالعكس يا اختي قولي الحمدلله ومشكورين ما قصرتوا
المفروض توقفين معاهم مو تعاتبينهم

[halah]

قرار جيد :)


طيب متى بينزل قرار يمنع اجبار المعلمات على لبس التنوره والقميص ومخالفة اللي تلبس عبايه !؟

ضروري نرجع للخياطين ومخاسيرهم :(

أول مرة في حياتي أسمع بهالقرار:eek5::eek5:

اللي تلبس عباية تتخالف:anger1:

من متى هالقرار؟؟؟

حبيبتي انا اشتغلت في كذا مدرسة على أيام الحكومة والمستقلة واللي تلبس عباية ما لها غير الكرامة والحشيمة ومحد يخالفها أو يكلمها

[halah]

.............. الحمدلله ..............

تم توحيد الزي في جميع المدارس المستقلة :nice:

هيئة التعليم ارسلوا تعميم لكل المدراء لا وبعد مشترطين عليهم انه يكون
طويل محتشم لا يشف ولا يصف :victory:

الحمدلله الحين باقدر اشتري لبناتي من اي محل ابيه واي خياط بعد.............

ما قصرتوا يا هيئة التعليم والى الامام .............

جزاكم الله خير يا المجلس الأعلى للتعليم

وبالفعل خطوة إلى الأمام

والله يهديكم إلى ما فيه مصلحة المسلمين في الدنيا والآخرة

ويرزقكم من يعينكم على لم شتات وتخبط التعليم

[meme~qatar]

أول مرة في حياتي أسمع بهالقرار:eek5::eek5:

اللي تلبس عباية تتخالف:anger1:

من متى هالقرار؟؟؟

حبيبتي انا اشتغلت في كذا مدرسة على أيام الحكومة والمستقلة واللي تلبس عباية ما لها غير الكرامة والحشيمة ومحد يخالفها أو يكلمها

اختي هالة
لا موجود وانا ايضا عملت مدرسة فكانت المديرة تخالف من تلبس العباية داخل المدرسة

[halah]

اختي هالة
لا موجود وانا ايضا عملت مدرسة فكانت المديرة تخالف من تلبس العباية داخل المدرسة

اختي انتي قريتي أو شفتي هالقرار؟

يعني هالقرار من المديرة وألا من المجلس الأعلى؟

[khaldoon]

والله خبر حلو

ان شاء الله بس يخففون من الطلبات اللي ما لها داعي ...نبي ملف ما اعرف اشلون يفتح و يسكر ويكون لونه ابيض غامق والا اسود فاتح والا اخضر سماوي ومن هالخرابيط

[الشقيان]

الحمدالله

[مشتاقة لقطر]

زين

تصل متاخرا خير من الا تصل ابدا

[أم وضحى]

أول مرة في حياتي أسمع بهالقرار:eek5::eek5:

اللي تلبس عباية تتخالف:anger1:

من متى هالقرار؟؟؟

حبيبتي انا اشتغلت في كذا مدرسة على أيام الحكومة والمستقلة واللي تلبس عباية ما لها غير الكرامة والحشيمة ومحد يخالفها أو يكلمها



هذا تعميم من مديرة المدرسة تقول انه من المجلس الاعلى :)

يا أما تلبسين تنوره وقميص او تتخالفين اذا لبستي عبايه .. عشان نفسية الطالبه ..:secret:

- طيب نفسية المعلمه شنهو وضعها ؟؟؟
- الحرية الشخصية وين موقعها ؟؟؟


يتركون انجازات المعلمة وكفائتها وخبرتها وعطائها .. ويقعدون لها على سالفة ليش لابسه عبايه !!

انا اخبر يقولون ممنوع اللبس الشفاف والدلعه واليد النص كم ومن هالكلام مب ممنوع العباية والستر ..

حسبي الله ونعم الوكيل ..

[مدرسة]

اختي انتي قريتي أو شفتي هالقرار؟

يعني هالقرار من المديرة وألا من المجلس الأعلى؟

حبوبة هالقرار موجود من زمان ... و يطبق في كثير من المدارس المستقلة بس انتي حظج
حلو و ما مريتي بهالمدارس

و هو من المجلس الأعلى مو من المدارس بس خبرج حد يطبق و حد يعطي الحرية الشخصية للمدرسة

[نورالهدى]

انزين شني هي الالوان للمرحلة الابتدائية
وشلون التصميم
والمرحلة الاعدادية
وشكرا

[أرج ــوآنه]

والله،،
تستاهلين البشاره:nice:،،

[Daisey]

الحمدلله والله خطوه جيده بس ماتلاحظون
ردت وزارة التربيه والتعليم بس مو راضين
يعترفون .