ارجو المساعده

[$بنت شيوخ$]

لو سمحتو الي عنده فكره عن اسعار التنكر بكم اذا جديد او مستخدم واذا ابي اشتري وين يبيعونهم

[الكيلاني]

الأغلب ينباع بالصناعية
من دوار القلعة للصناعية
و من برا قطر أنا جبت من سوريا مستعمل بس مش تنكر, كان سيلو إسمنت و تريلات

[$بنت شيوخ$]

سيلو إسمنت و تريلات يعني شنو ؟؟؟؟؟؟ والاسعارتتراوح بكم اخوي اذا جديد او مستخدم

[$بنت شيوخ$]

طيب سياره الصرف الصحي بكم

[كركم]

اختي حسب الموديل والحجم .. في دناكر بـ 120 وفي بـ 250

[شموخ دائم]

,


,



مرحبا


الله يعطيك العافيه

اختي الكريمه اذا تبينه استخدام للعزبه او للزرع توكلي على الله

اما اذا تبينه كـ استثمار فما انصحك نهائيا ولا تدخلين بهذي المتاهه لان راح يسبب لك صداع مزمن

:)

السائق يسرق ويشتغل من وراك وانتي ما عندك خبر ( هذا اكيد )

ولهم طرق عجيبه ما تخطر على بالك حتى التواير يبيعها ويركب تواير مستعمله

وصاحب السياره اخر من يعلم

:)

ويبيع ماي يسحب الماي من شخص هندي ب 50 ريال ويبيعه على شخص بالليل ب 100 ريال

هذا غير عن الصيانه المستمره يوم بطاريات ويوم مكينه الماي خربانه

وكل يوم والثاني تاير خربان وتاير مبنشر وقيمه التاير الواحد

1500 ريال و 2000 ريال والسياره فيها 6 تواير وعليك الحساب

غير عن الخزان الماي نفسه يحتاج صيانه ويصدي

هذا غير الحوادث كل يوم شامخ له حيطه وكل يوم ( غرامات المرور )

ومشاكل مالها اول ولا تالي

ترى السائق راتبه 1500 ريال

لما يلاقي فرصه يكسب فيها 200 ريال نفسه تضعف بطريقه عجيبه

حتى فاتوره الكراج التصليح يزيد فيها ويتفق مع الكراج يضيف له السعر بالفاتوره زياده
ويرجع يتقاسمها معاه

عالم التناكر والتريلات هذا عالم ثاني لا تدخلين فيه

ولا صاحب ( اكبر شنب ) يقدر يسيطر عليها

:)

واخرتها يبيع السياره بنصف ثمنها بس عشان يرتاح من هذا الصداع


انا ما اخوفك لا والله انا احذرك ان هذا التنكر الي ممكن تشترينه

بيكون سبب في ( صداع ) غير متوقع

حطي فلوسك في شي ثاني احسن لك خاصه يكون شي نسائي

عندك معرفه فيه

او روحي للاسهم او روحي للعقار


اتمنى من له تجربه بالتناكر والتريلات والموجه الي صارت 2005 و 2006

يحط تجربته



,


,


اخوك


شموخ دائم

[الكيلاني]

أحسنت أخوي شموخ
كفيت و وفيت

[$بنت شيوخ$]

طيب حد يعطيني فكره مشروع حلو وناجح قلت ابي اسوي عبايات قالولي قطر فيها اكثر من خمس ميه محل عبايه يعني فيه اكتفاء التريلات فاشل وبتعرض للنصب عيل شسوي دلوني