المساعد الشخصي الرقمي

مشاهدة النسخة كاملة : أفيدووووونا .. عن سيارة ( مورانو - نيسان ) ؟؟؟ و سؤال آخر ..


الشراكة
24-04-2005, 10:09 AM
بسم الله الرحمن الرحيم


السلام عليكم ..


أسعفونا و أفيدونا و ...الخ

هل السيارة فيها عيوب ؟؟؟ أحد جربها ؟ هل أسعار قطع الغيار غالية مثل الهونده و ... أم أسعارها مثل

باقي سيارات نيسان الأخرى ؟؟

---------------

سؤال آخر :

اسمحوا أزعجتكم ..

إيش رايكم بالعازل الحراري ؟ هل هو مُجدي بالفعل ؟ أحد جربه ؟ عطونا رايكم .

الله يجزاكم خير ، و يرفع قدركم .

و في أمان الله .
roadrunner
24-04-2005, 06:01 PM
المورانو ... كاااان بخاطري .... بس واحد ذمه لي وقطه من عيني ... يقول ان الجامات الي على جنب مب ثابته ... والسيارة تنسم هواء واااايد .... وعلى السرعات العاليه تسمع صوت طرقعة الجامات ... بس بالنهاية اقول لك ... ان هذا مش رايي .. لأني ما جربته .. بس راي واحد من الشباب ....


وبالنسبة عن العازل الحراري ...... انا ابصم له بالخمس ... بس بعد يعتمد عن النوع ... عني انا .... ركبت على 3 سيارات ... ( سمارت + افالون) نوعية Vcool ... من السعودية .... وسعره غالي .. يعني الأفالون كلفتني 2500 ريال .. والسمارت 2000 ريال ...... وكان عندي طوارق ركبت عليه نوع تيتانيوم .. من الدوحة .. ونسبة العزل فيه 50% ..... وبصراحة ... كلهم ممتازين .... على فكرة .... انا اكثر واحد يحس بحرارة الشمس .... لأن شغلي بمسيعيد .... يعني وانا رايح الدوام تصلخني الشمس لأنها بحالة الشروق ... وانا معود من الدوام بعد تصلخني لأنها بحالة الغروب ... قبل لا اركب العوازل ... كنت احس بلسعة الشمس ...بس عقب ما ركبت .... الشهادة لله ... ماحس بلسعة الشمس
الشراكة
25-04-2005, 10:56 AM
جزاك الله ألف ألف ألف ألف ألف ألف خير على هذه المعلومات النافعة .