في قسم العلاج الطبيعي في احد المراكز الطبية المعروفة

[ra3shat hadab]

السلام عليكم ورحمة الله

لفت نظري منظر غريب في وحدة العلاج الطبيعي للنساء بمجمع .......... الطبي في طريق المطار
كنت اخذ الوالدة للعلاج الطبيعي هناك ولاحظت ان الفوط اللي يستخدمونها للمريضات يعلقونها على ستاند لين تنشف.

وبطلعة الروح قدرت اصور صورة وحده ..
لان الممرضة كل شوي مارة صوبي ومسؤولتهم لسانها طويل
وانا ماحبيت اسوي مشاكل عشان امي والله مابي اكدرها..


http://www.qatarshares.com/vb/attachment.php?attachmentid=72275&stc=1&d=1298986375

الجهاز اللي فالنص يطلعون منه الكمادات الدافية ويلفونها بالفوطة ويحطونها على جسم المريضة...

بعد ما تخلص المريضة تاخذ الممرضة الفوطة وتعلقها على الستاند اللي عاليسار..
واستنتاجي ان الفوط ما تتعلق بهالشكل الا عشان تنشف وتستخدم مرة ثانيه.. من غير غسيل.. !!


اتمنى ان اللي تروح هناك تنتبه لنظافة الفوط المستخدمة...

وان الاسفنجة اللي تنحط لجهاز الكهرباء جديدة وبقراطيسها لان للاسف بعض المراكز الخاصة مش مهتمين بالنظافة والتعقيم...

واتمنى من الجهات المسؤولة تشديد الرقابة على نظافة وتعقيم الادوات والغيارات المستخدمة في المراكز الطبية الخاصة...


وسلامتكم...

[حنان k]

لا حول ولا قوة إلا بالله العلي العظيم

هذا تسيب وأهمال أتمنى من المسئولين بقطر التشدد بالأمور هذه العالم تروح المستشفى تبحث عن علاج ودواء مش تروح عشان يسهل لهم نقل الأمراض وإضعاف مناعة الجسم

[ra3shat hadab]

هلا. تمت ازالة اسم المجمع من قبل الاخوان في الادارة.. ولهم كل الاحترام والتقدير..
المهم حاسبوا الله يخليكم .. وانا اللي علي سويته ونبهتكم..

يعطيكم العافية

[غزلان]

مب غريب عدم الأهتمام بالنظافه والتعقيم في اي مجمع خاص بالعكس بالنسبه لي شي وارد جدا جدا
لعدم وجود الرقابه ولأن الهدف الأول والأخير الربح

[ملاك]

وينكم يالمسؤولين ؟؟؟!!

صج عمك اصمخ

[بوخالد911]

الله يعيين

[ra3shat hadab]

لا حول ولا قوة إلا بالله العلي العظيم

هذا تسيب وأهمال أتمنى من المسئولين بقطر التشدد بالأمور هذه العالم تروح المستشفى تبحث عن علاج ودواء مش تروح عشان يسهل لهم نقل الأمراض وإضعاف مناعة الجسم


صحيح اختي غير الامراض اعتبرها قذارة ... واللي يتعالجون في العلاج الطبيعي حريم كبار في السن غالباً والمعروف ان مناعه الانسان تضعف مع التقدم في العمر.


مرة كنت في عيادة اسنان خاصه والممرضه قاعده تحضر الادوات قبل ما يدخل الدكتور
الممرضه فلبينية وهي لابسه القفازات كانت تفتح باب غرفه العلاج كل شوي داشة وطالعه ومسكت راس الزباله الله يكرمج وهي لابسه القفاز .. عاد نبهتها وقلت لها تغيره وغيرت القفاز وبعد طلعت مره ثانيه من الغرفه ولما جا الدكتور قلت له وقال للممرضة اتغيره ثاني مرة.


واتمنى اتخاذ موقف حازم وصارم تجاه المخالفين للشروط الصحية من المراكز الطبية الخاصة. :omen2:

[السندان]

جزاك الله خير اختي على الموضوع وانا متأكد ان كل ما يكتب بالمنتدى يصل الى المسؤولين بجميع انواعهم ولهذا فأن لم يتخذ اجراء خلال الايام القادمه فعلمي انهم شايفين وراضين .. ولا اعتقد بان مسؤولينا راح يرضيهم هذا المنظر وان شاء الله تختفي عندنا هالظواهر السيئه
واتمنى من مثل هذه الجهات بان تهتم في عملها وفق الاشتراطات الصحيه اللازمه من غير توجيه

[ra3shat hadab]

مب غريب عدم الأهتمام بالنظافه والتعقيم في اي مجمع خاص بالعكس بالنسبه لي شي وارد جدا جدا
لعدم وجود الرقابه ولأن الهدف الأول والأخير الربح




والله اختي فيه عيادات معقمة ونظيفة واماكن ثانية لا،،
و المفروض الواحد يكون دايماً مصحصح ويحط باله على مثل هالامور اذا راح المراكز والعيادات الصحية الخاصة ويفطن لها... لان بعض العيادات الضمير ميت عندهم..
والله المستعان يا اختي ،، :) :)

تسلمين..

[La Bella]

أي والله أنا مره رحت عيادة ليزر
كانت وحدة داشة قبلي وطلعت الممرضة ماسكة الكمادة الباردة وكلها دم
غسلتها جدامي ورجعتا الفريزر

[ra3shat hadab]

وينكم يالمسؤولين ؟؟؟!!

صج عمك اصمخ

لا تظلمينهم يمكن محتاجين زراعة قوقعه :telephone: ...

[الصريحه]

أي والله أنا مره رحت عيادة ليزر
كانت وحدة داشة قبلي وطلعت الممرضة ماسكة الكمادة الباردة وكلها دم
غسلتها جدامي ورجعتا الفريزر

ول
حرام عليج سكتي
بمووووووووووووووووووت

[الصريحه]

أي والله أنا مره رحت عيادة ليزر
كانت وحدة داشة قبلي وطلعت الممرضة ماسكة الكمادة الباردة وكلها دم
غسلتها جدامي ورجعتا الفريزر

ول
حرام عليج سكتي
بمووووووووووووووووووت

[ra3shat hadab]

الله يعيين

والنعم بالله سبحانه...
اللي اتمناه تنظيم حملات تفتيشية مفاجئة للعيادات والصالونات
للتأكد من نظافة وتعقيم الادوات والغيارات...

ارواح الناس مهي لعبة .. ولا من رخص الخدمات اللي يقدمونها..

[khaldoon]

ضيفي على كلامج اختي انه نفس الشي يحدث في مركز العلاج الطبيعي للرجال ...اقول هالشي عن تجربه و شفته بنفسي

[ra3shat hadab]

جزاك الله خير اختي على الموضوع وانا متأكد ان كل ما يكتب بالمنتدى يصل الى المسؤولين بجميع انواعهم ولهذا فأن لم يتخذ اجراء خلال الايام القادمه فعلمي انهم شايفين وراضين .. ولا اعتقد بان مسؤولينا راح يرضيهم هذا المنظر وان شاء الله تختفي عندنا هالظواهر السيئه
واتمنى من مثل هذه الجهات بان تهتم في عملها وفق الاشتراطات الصحيه اللازمه من غير توجيه

رحم الله والديك اخوي،،،

عن ابي هريرة رضي الله عنه قال" قال رسول الله صلى الله عليه وسلم: ( اذا ضيعت الأمانة فانتظر الساعة ).

والعمل امانة.. واذا المسؤولين شايفين وراضين الله فوقهم..
وللمجمع الطبي المذكور ... ابي اعرف الفوط غالية هالكثر ولا الصابون غالي... ولا ارواح الناس رخيصة.. ! شهالوصاخة :eek5:..


:(

اللي صاير اخوي انهم يدورون على اعلى ربح بأقل تكلفة.
او يمكن التعاقد مع مغسلة او شراء غسالة وجهاز تعقيم بيخرب الميزانية.

المسؤولين ،،، الو... حوّل... هل تسمعونا..... ؟!!!
ولا معطينا الاذن الصمخا ،

...

:telephone:

شكراً جزيلاً على مداخلتك اخوي السندان

[مهل]

ra3shat hadab

نصيحتي لج حتى بدون لاتلاحظين هالشي الي مصورته .. دايما اخذي اغراضج معاج في الاماكن الي مثل هذي سواء فوط او ملابس او صابون و غيره

[ra3shat hadab]

أي والله أنا مره رحت عيادة ليزر
كانت وحدة داشة قبلي وطلعت الممرضة ماسكة الكمادة الباردة وكلها دم
غسلتها جدامي ورجعتا الفريزر

:eek5: ... وما نبهتيها ؟؟؟!! :omg:
امراااض امرااااض امرااااااااض :( ....

من يعرف وين ينباع البخاخ اللي يكشف عن بقع الدم وسوائل الجسم ؟ مافي الا هالحل :omen2:
<< متأثرة بـ CSI :omen2: :anger1:

[بنت صقار]

لاحول ولا قوة الا بالله................مافيه رقابه............كـــــــــــلــــــــــــــــــش؟ ؟؟

[ra3shat hadab]

ضيفي على كلامج اختي انه نفس الشي يحدث في مركز العلاج الطبيعي للرجال ...اقول هالشي عن تجربه و شفته بنفسي

الله يقرفهم :(
طيب تظن ليحين نفس الشي ولا وصل صوتنا للمسؤولين.... ؟؟

[شيط ويط]

يمكن هالجهاز كفيل بتعقيم وتنظيف الفوطه .. عموما المفروض والافضل كل وحده تجيب وياها الفوطه الخاصة بها

[راشد محمد]

شلون اخذ موعد عندهم

[Abdulraman]

وين الرقابة عنهم هذا مسخره مسخره مسخره. ولا الرقابة على المطاعم فقط
الله المستعان

[أنين]

ضميرهم ميت ميت ميت

[أنين]

والله والله لا رقااابه ولاهم يحزنون

[الباحثة م]

النقطة السلبية في المجمعات الخاصة ..

ان همهم الاكبر الربح قبل العلاج