جهاز الأحصاء : السكان بداخل قطر = 1,685,585 نسمة [الأرشيف]

المستعينه بالله

01-03-2011, 08:57 PM

مسج من جهاز الأحصاء يذكر فيه

السكان داخل قطر الأن = 1,685,585 نسمة .

للعلم عدد سكان قطر = تقريبا 200الف قطري .

فكرت لو كل أجنبي أرسل ( فقط 1000 ريال ) لبلاده كم يصبح مجموع المبلغ ؟

=1000ريال * 1400000 وافد = 1,400,000,000 مليار

يذهب للخارج شهريا . عاد أحسب كم في السنة ؟؟

هل نحن بحاجه لهذه ألأعداد الكبيرة من الأجانب وسبب لنا أزدحام كبير في الطرق والخدمات وستنزاف في ......؟؟

الله يصلح أحولنا .

$بنت شيوخ$

01-03-2011, 10:03 PM

ماصدق احنا بس 200الف شوي

vtc_4.8

01-03-2011, 10:09 PM

الاخت بتسفر الاجانب عشان الزحمه :(

كاروهات

02-03-2011, 07:25 AM

بس 200 الف

هذول احنا !!!!!!!!!!!!!!!!!!!
ما اصدق

ام السعف

02-03-2011, 07:27 AM

اشوية احنا ليش جذيه ؟

موضي قطر

02-03-2011, 07:33 AM

اشوية احنا ليش جذيه ؟

القطريين شكلهم فقدوا الخصوبة بسبة " الديـون :telephone:

ام السعف

02-03-2011, 07:34 AM

القطريين شكلهم فقدوا الخصوبة بسبة " الديـون :telephone:

اممم
عاد 200 الف ؟
معقولة ؟
الناس في ازدياد واحنا في تناقص :(

ضوى

02-03-2011, 07:36 AM

يحليلنا بس 200 الف ؟؟؟ عيل كم موظف وموظفةعلى راس عملهم ؟؟ وكم موظف متقاعد تقاعد اجباري؟؟؟

يعني بحسبة بسيطة الدولة موفرة مبالغ كثيرة من المتقاعدين الشباب وماعتقد بتستخسر فينا تسديد ديون او

زيادة رواتب او الالتفات شوي لذوي الدخل المحدود وفئة الارامل والمطلقات واليتامي بزيادة مستحقاتهم اليس

كذلك؟

اذن نتأمل خيرا

موضي قطر

02-03-2011, 07:36 AM

اممم
عاد 200 الف ؟
معقولة ؟
الناس في ازدياد واحنا في تناقص :(

فيه سؤال طرى علي هل الحسبة تشمل المجنسين لا حد يهجم علي اقصد اللاعبين والفنانيين معقولة تجنيس وهذا عددنا معناته قلة عددنابسبة " الديـون بدون شك :victory:

ام السعف

02-03-2011, 07:37 AM

ضوى

02-03-2011, 07:37 AM

القطريين شكلهم فقدوا الخصوبة بسبة " الديـون :telephone:

شوفي عيادة شحاته وبتعرفين انه فعلا القطريين والقطريات فقدوا الخصوبة مش بسبب الديون بس اسباب كثيرة

الصريحه

02-03-2011, 07:38 AM

الاخت بتسفر الاجانب عشان الزحمه :(

ياليت مشكلتهم بس الزحمه
مصايبهم كل مالها تزيد ولاتنقص

الـقـاسـي

02-03-2011, 07:39 AM

الظاهر المواليد الجدد ما يدشون التعداد

اخبر من اكتتاب الريان واحنا قريب ال 200 الف :eek5:

لاتنسين ان عندنا اكبر نسبة وفيات من الحوادث ,, وبعدين صدق ترى اهل قطر شوي وتحسين كلهم يعرفون بعض واذا انت ماتعرفه تحصل اخوك ولا ولد عمك يعرفه

ام السعف

02-03-2011, 07:39 AM

فيه سؤال طرى علي هل الحسبة تشمل المجنسين لا حد يهجم علي اقصد اللاعبين والفنانيين معقولة تجنيس وهذا عددنا معناته قلة عددنابسبة " الديـون بدون شك :victory:

مب معقولة بصراحة ،، كلش الرقم مب راضي يدش مخي،،
اذا حسب ما يقولون 80 اجنبي تم تجنسيهم علشان يصيرون فرقة قطر للاوكسترا
من غير عوايلهم ،، وغير اللي يجنسونهم علشان فلان بن فلان
او لمصالح وطنية ورياضية وفنية وطبية و دينية،،
للحين 200 الف :(

احنا وايد اشوية كلش اشوية :(

ام السعف

02-03-2011, 07:41 AM

لاتنسين ان عندنا اكبر نسبة وفيات من الحوادث ,, وبعدين صدق ترى اهل قطر شوي وتحسين كلهم يعرفون بعض واذا انت ماتعرفه تحصل اخوك ولا ولد عمك يعرفه

حتى لو ،، ترى تعبت من كثر ما ودي هدايا للمواليد الجدد
ما ينحسبون هذيلا ؟
والا بس تنحسب الهدايا من جيوبنا :(

موضي قطر

02-03-2011, 07:42 AM

مب معقولة بصراحة ،، كلش الرقم مب راضي يدش مخي،،
اذا حسب ما يقولون 80 اجنبي تم تجنسيهم علشان يصيرون فرقة قطر للاوكسترا
من غير عوايلهم ،، وغير اللي يجنسونهم علشان فلان بن فلان
او لمصالح وطنية ورياضية وفنية وطبية و دينية،،
للحين 200 الف :(

احنا وايد اشوية كلش اشوية :(

ام السعف حاسه انه فيه احد من القطريين " سقط سهواً " من التعداد :eek5:

لأنه 200000 ألف رقم صادم لنا كقطريين :(

36R

02-03-2011, 07:44 AM

الاخت بتسفر الاجانب عشان الزحمه :(

:nice::nice:

ام السعف

02-03-2011, 07:44 AM

ام السعف حاسه انه فيه احد من القطريين " سقط سهواً " من التعداد :eek5:

لأنه 200000 ألف رقم صادم لنا كقطريين :(

بجد تراني احس بصدمة :omg: ومب قادرة امتصها كلش :(

موضي قطر

02-03-2011, 07:48 AM

حتى لو ،، ترى تعبت من كثر ما ودي هدايا للمواليد الجددما ينحسبون هذيلا ؟
والا بس تنحسب الهدايا من جيوبنا :(

أم السعف فعلاً هالمواليد وينهم من الحسبة ؟!!

أنا من آخر السنة المنصرمة لليوم <<< حلوة المنصرمه :)

وانا غرقانه في هدايا المواليد من ذكور وإناث اللي عبرتهم بهدايا يمكن حروة 15 مولود هذا غير اللي سويت نفسي مادريت عنهم :secret:

ام السعف

02-03-2011, 07:50 AM

أم السعف فعلاً هالمواليد وينهم من الحسبة ؟!!

أنا من آخر السنة المنصرمة لليوم <<< حلوة المنصرمه :)

وانا غرقانه في هدايا المواليد من ذكور وإناث اللي عبرتهم بهدايا يمكن حروة 15 مولود هذا غير اللي سويت نفسي مادريت عنهم :secret:

ما هي الصدمة تكمن في هالجزئية :weeping:
لا وذيك اللي ما شاءالله يابت لي ثلث فريق كرة قدم دفعة وحدة
اللهم يبارك لهم في ذريتهم ...> هذيلا ما انحسبوا ليش ؟

STAR

02-03-2011, 07:52 AM

مسج من جهاز الأحصاء يذكر فيه

السكان داخل قطر الأن = 1,685,585 نسمة .

للعلم عدد سكان قطر = تقريبا 200الف قطري .
.

اختي ممكن المصدر عن معلومة ان عدد القطريين 200 الف بس...

ام السعف

02-03-2011, 07:53 AM

اختي ممكن المصدر عن معلومة ان عدد القطريين 200 الف بس...

يات المنقذة،، بعدي عليج
سؤال في محله .. وين المصدر ان عددنا 200 الف ...> لحقوا علي بالخبر
قبل ما انجلط من الصدمة :weeping:

بوخالد911

02-03-2011, 07:56 AM

بلييز

نبي رقم دقيق بخصوص عدد القطريين

كم بالضبط؟

المستعينه بالله

02-03-2011, 08:27 AM

اختي ممكن المصدر عن معلومة ان عدد القطريين 200 الف بس...

أخوي عدد سكان قطر لم يذكره مسج جهاز الأحصاء

ودائما يستبعد هذه المعلومة , :secret::secret:

هو يذكر عدد السكان في قطر وعدد الأناث وعدد الذكور فقط ؟!!

أنا ذكرت هذه العبارة (( للعلم أن عدد سكان قطر .....الخ )) ,

حسب علمي أنا 200 الف نسمة منذ أكتتاب مصرف الريان ....

طبعا زاد العدد ....,

ولحد الأن لم يذكر جهاز الأحصاء عدد سكان القطرييين فقط عبر المسجات .

ويعيطكم العافية

موضي قطر

02-03-2011, 08:31 AM

أخوي عدد سكان قطر لم يذكره مسج جهاز الأحصاء

ودائما يستبعد هذه المعلومة , :secret::secret:

هو يذكر عدد السكان في قطر وعدد الأناث وعدد الذكور فقط ؟!!

أنا ذكرت هذه العبارة (( للعلم أن عدد سكان قطر .....الخ )) ,

حسب علمي أنا 200 الف نسمة منذ أكتتاب مصرف الريان ....

طبعا زاد العدد ....,

ولحد الأن لم يذكر جهاز الأحصاء عدد سكان القطرييين فقط عبر المسجات .

ويعيطكم العافية

سعوفه الحمدلله طلعت البنيه تخمن :telephone:

المستعينه بالله

02-03-2011, 08:32 AM

الاخت بتسفر الاجانب عشان الزحمه :(

الأخ شكله مقيم وخايف .... :tease::shy:

لا ما نطلب بطردهم بس تعتقد في دولة في العالم

يكون عدد الأجانب أكبر من عدد أهل البلاد الأصليين بهذا الحجم .؟؟؟؟؟؟؟

والله المستعان .

ام الحناين

02-03-2011, 08:46 AM

الصراحة لازم الاحصاء يعطينا رقم

نبي نتاكد

200,000
ولا اكثر او انقص

ام السعف

02-03-2011, 08:49 AM

سعوفه الحمدلله طلعت البنيه تخمن :telephone:

ويه يمااا الحمدلله...> كنت في مرحلة نضوج الجلطة ....> ابي عصير برتقال فرش :shy:

محمد سالم

02-03-2011, 09:02 AM

بلييز

نبي رقم دقيق بخصوص عدد القطريين

كم بالضبط؟
هذي معلومه سريه للغايه بعدين بتعرفون وبتحسبون دخل الدوله وعدد الشعب وتنصدمون
و أم السعف بتكتمل معه الجلطه وبتروح بخبر كان:omg:

ام السعف

02-03-2011, 09:08 AM

هذي معلومه سريه للغايه بعدين بتعرفون وبتحسبون دخل الدوله وعدد الشعب وتنصدمون
و أم السعف بتكتمل معه الجلطه وبتروح بخبر كان:omg:

خلنا نبالغ ونقول 500 الف ( مبالغة لحد يصدق ويقول وايد وما نبي اسقاط للديون والدولة بتفلس :( )
الثروات وايدة نقول الثروات مب الثورات لحد يقرا غلط لو سمحتوا مب ناقصة اتهامات
الثروات اكبر واكبر واكبر واكبرواكبر واكبر واكبر واكبر واكبر
بكثيييييييييييييييييييييييييير بكثييييييييييييييييييييير بكثييييييييييييييييييير من
عدد المواطنين :(

المستعينه بالله

02-03-2011, 09:14 AM

خلنا نبالغ ونقول 500 الف ( مبالغة لحد يصدق ويقول وايد وما نبي اسقاط للديون والدولة بتفلس :( )
الثروات وايدة نقول الثروات مب الثورات لحد يقرا غلط لو سمحتوا مب ناقصة اتهامات
الثروات اكبر واكبر واكبر واكبرواكبر واكبر واكبر واكبر واكبر
بكثيييييييييييييييييييييييييير بكثييييييييييييييييييييير بكثييييييييييييييييييير من
عدد المواطنين :(

أخذي الجلطه .. أقصد أخذي الرقم 77مليون طن من الغاز سنويا

ومليون برميل من النفط تصدره قطر يا أم السعف والله يحفظج .:nice:

ام السعف

02-03-2011, 09:16 AM

أخذي الجلطه .. أقصد أخذي الرقم 77مليون طن من الغاز سنويا

ومليون برميل من النفط تصدره قطر يا أم السعف والله يحفظج .:nice:

لا هذي عندي مناعة منها وما تهمني كلش :(

R 7 A L

02-03-2011, 09:18 AM

شلون 200
من قال 200
عطونا المصدر الله يسلمكم

بويوسف

02-03-2011, 09:23 AM

شلون 200
من قال 200
عطونا المصدر الله يسلمكم

القطريين لايتجاوزون ال 250 الف

يعني حوالي 16% من مجموع السكان ..

becauzah

02-03-2011, 09:47 AM

المفروض من الدولة انها تشجع على الزواج من أكثر من وحدة أو على الأقل تعطي راتب لربات البيوت و تعجيهم فرص للعمل بدوام جزئي ، المشكلة ان الرجل الذكي ما يتزوج الا وحدة ذكية و يفنون حياتهم في العمل و لا ينجبون الا 3 ابناء ، أما الغير ذكي يتزوج وحدة غير ذكية و يعيش بسيط في حياته في آخر الهرم الوظيفي و ينجب 9 عيال من زوجته الاولى و 7 عيال من زوجته الثانية، و يدور على الثالثة وهو ابو 50 سنة!

ضد التيار

02-03-2011, 09:50 AM

بس 200 الف وين الباقي ؟

R 7 A L

02-03-2011, 09:51 AM

القطريين لايتجاوزون ال 250 الف

يعني حوالي 16% من مجموع السكان ..

معقولة بس 250 الف عدد القطريين

حمد بن خالد

02-03-2011, 09:55 AM

انا مش مع الاجانب بس خلنا واقعيين شوي

ونمشي مع أصل الموضوع

لو كل أجنبي طلع من قطر 1.400.000.000 ريال شهرياً

بس عملهم عندنا في كل الجهات كانت خاصه أو حكومية أو شخصية

كم يدخل لقطر شهرياً ؟؟

ابي حد يجاوب لأني ماعرف الرقم كم ؟؟

(رمز المحبه)

02-03-2011, 10:02 AM

شدعوه 200 ألف .. لو اعد الجماعه والربع اللي أعرفهم وصلنا الـ200 ألف .. معقوله !!؟

إذا صدق 200 ألف .. اجل خلاص المفروض الدوله نفسها الحكومه تشجع على الزواج بأكثر من وحده يعني الواحد يكون عنده 4 زوجات ومرتاح ماديـاً .. ونفسيـاً .. والحكومه تدعمه بكل ما ينقصه .. وزوجاته تنجب له كل سنه كلهم يحملون يعني المتزوج وعنده اربع زوجات وكل سنه يحملون ويولدون .. بيصير عندنا أرتفاع كبير في المواليـد وهذا المطلوب نزيد عدد المواطنين

على هالخطه اللي مقترحها سنه 2022 بيكون عندنا ولا عشر منتخبات وكلهم قطريين ( منتخب اول وتسع فرق أحتياطيه له ) الكأس مهب راايح برا قطر ما فيها كلام

انتر ميلان

02-03-2011, 10:06 AM

شدعوه 200 ألف :omg: :omg: :omg:

يعني لو كل مواطن قطري يقط ريال مانقدر نشتري كروزر من الوكالة :rolleyes2:

لازم الدولة تشجع الشباب على الزواج وراتب شهري حق كل مولود لزيادة القطريين

BURBERRY

02-03-2011, 10:07 AM

القطريين الاصليين 40 الف

ام علي1981

02-03-2011, 10:11 AM

يعني اذا راحو كل الاجانب من بيتم

انتر ميلان

02-03-2011, 10:13 AM

يعني اذا راحو كل الاجانب من بيتم

خااااطري أجرب هالشعور يوم وااااااااااااحد

وأطلع من البيت ماأحصل ولا أجنبي :(

أحس كل واحد يمشي ويسلم على الثاني

R 7 A L

02-03-2011, 10:13 AM

القطريين الاصليين 40 الف

شلون يبين الاصلي من التجاري ؟

موضي قطر

02-03-2011, 10:15 AM

القطريين الاصليين 40 الف

ممكن تنورنا شلون نميزهم الله ينور عليك :telephone:

حمد بن خالد

02-03-2011, 10:19 AM

شدعوه 200 ألف :omg: :omg: :omg:

يعني لو كل مواطن قطري يقط ريال مانقدر نشتري كروزر من الوكالة :rolleyes2:

لازم الدولة تشجع الشباب على الزواج وراتب شهري حق كل مولود لزيادة القطريين

ههههههههههههههههههههههههههه

:nice: :nice:

بو خليفه 123

02-03-2011, 10:33 AM

انتر ميلان

02-03-2011, 10:41 AM

سبب تدني نسبة عدد المواطنين : تفوق نسبة الطلاق على الزواج + الوفيات من الحوادث + زيادة اعداد الجنس الثالث بكثره + العزوف عن الزواج بسبب غلاء المعيشه و تكاليف الزواج و امور اخرى

سبب زيادة عدد الاجانب : لزيادة عدد الانتاج + لتوافق و تسيير مشاريع الدوله + لتصبح قطر دوله عالميه و امور اقتصاديه اخرى ..

الحلول المقترحة:
1- نبي نعرف أهم أسباب الطلاق علشان نحاول إيجاد الحل..
2- بخصوص الوفيات من الحوادث وأغلبها من الشباب لأنه غير مسؤول عن بيت وزوجة ولو تزوج احتمال كبير انه يعقل
3- إدارة الأمن الوقائي مب مقصرة من ناحية الجنس الثالث ولو يشدون عليهم أكثر ويعاقبونهم بالسجن بتقل هالظاهرة
4-العزوف عن الزواج بسبب الغلاء هذا تتحمله الدولة .. والحل يكون بتوفير مبالغ للمساعدة مثلاً 80 ألف إلى 100 ألف وهالمبلغ راح يشجع الشباب على الزواج والاستقرار ...

بوصلووح

02-03-2011, 10:45 AM

الـراسي

02-03-2011, 10:46 AM

الله يعين الجار صار ما يعرف جاره بسبة الاجانب

الجيران كلهم اجانب وما على بعضهم قصور

كان اول كل جار يعرف وش عند جاره هذي كلها راحت

الله يرحم ايام اول الجيران على قلب واحد لانهم كلهم عيال الديره

ام علي1981

02-03-2011, 11:17 AM

خااااطري أجرب هالشعور يوم وااااااااااااحد

وأطلع من البيت ماأحصل ولا أجنبي :(

أحس كل واحد يمشي ويسلم على الثاني

والله يااخوي اللي يبي يسلم بيسلم سواء كان في اجانب او لا
وعن الحجج اللي مالها لازمة
ولاترمون اخطاءكم على غيركم

بوخالد911

02-03-2011, 12:25 PM

القطريين الاصليين 40 الف

وكيف عرفتهم؟!؟

:eek5::omg::omg::eek5:

N7eEeS

02-03-2011, 12:32 PM

القطريين الاصليين 40 الف

شلون يبين الاصلي من التجاري ؟

ممكن تنورنا شلون نميزهم الله ينور عليك :telephone:

وكيف عرفتهم؟!؟

:eek5::omg::omg::eek5:

القطريون أساساً هم :
1- المتوطنون في قطر قبل 1930 ميلادية و حافظو على إقامتهم العادية فيها ، و احتفظوا بجنسيتهم القطرية حتى تاريخ العمل بالقانون رقم (2) لسنة 1961 المشار إليه .
2- من ثبت أنة من أصول قطرية ، و لم تتوفر فيه الشروط المنصوص عليها في البند السابق ، و صدر باعتباره كذلك قرار أميري .
3- من ردت إليهم الجنسية القطرية طبقاً لأحكام القانون .
4- من ولد في قطر أو في الخارج لأب قطري بموجب البنود السابقة

السؤال كيف عرف :)
الجواب سهل بعض اللي في الجوازات يعرفون .

BIG-VEGA

02-03-2011, 12:33 PM

شلون يبين الاصلي من التجاري ؟

:)
من موديل الجد
مش انا اقول ... هم يقولون

حمد بن خالد

02-03-2011, 01:14 PM

:)
من موديل الجد
مش انا اقول ... هم يقولون

ههههههه

حلوه هاي اعجبتني

ههههه

حسيت ان سيارة

:nice:

الـهاجري

02-03-2011, 01:27 PM

وجه نظري انه الاجانب خطر على البلاد واهلها
عسى الله يكفينا شرهم

vtc_4.8

02-03-2011, 02:41 PM

الأخ شكله مقيم وخايف .... :tease::shy:

لا ما نطلب بطردهم بس تعتقد في دولة في العالم

يكون عدد الأجانب أكبر من عدد أهل البلاد الأصليين بهذا الحجم .؟؟؟؟؟؟؟

والله المستعان .

اي الشيخه مقيم

وهالاجانب مب قاعدين في قطر عشان يسوون زحمه ,, ناس جايه تشتغل وقاعده تعمر البلاد

vtc_4.8

02-03-2011, 02:43 PM

خااااطري أجرب هالشعور يوم وااااااااااااحد

وأطلع من البيت ماأحصل ولا أجنبي :(

أحس كل واحد يمشي ويسلم على الثاني

من بيصب لك بترول ؟؟ :shy:

jeep-srt8

02-03-2011, 03:15 PM

هاللحين الزحمة والحسبة على كم يرسلون برا ؟؟؟؟جاي يشتغل ببلاش يمكن ؟؟؟؟؟خلوا العالم تترزق

لاحول ولا قوة الا بالله

nadeemy

02-03-2011, 04:06 PM

جزاهم الله عنا كل خير

الخنجر

02-03-2011, 04:25 PM

يجب خلق فرص استثمار للأجانب وتمليك للحفاظ على الأموال ..

R.S.C

02-03-2011, 05:25 PM

الحل الوحيد لزيادة عدد المواطنين بوجه نظري هو تشجيع الشباب على الزواج ومساعدتهم بمبالغ مادية
وإعطاء كل أب مبلغ رمزي عن كل ولد او بنت وبتنفيذ هالشيئين ممكن نشوف العدد يتزايد ونسبة 16 %
صج صج صج صغيرة جدا بالنسبة لعدد المواطنين إذا افترضنا إننا 250 ألف فقط

هام السحاب

02-03-2011, 05:28 PM

يجب خلق فرص استثمار للأجانب وتمليك للحفاظ على الأموال ..

فرص استثمارية !!
قصدك شراء اراضي !!
اسمح لي مانبي قطر اتصير نفس دبي
كفايه عليهم كم منطقه محدده

وبخصوص القطريين 200 الف :rolleyes2:
فعلاً شي محير :rolleyes2:
خل نقول 350 الف و مع لاعبين المنتخبات و المطربين و الفنانين و الي ماعندهم سالفه نوصل 500 الف :omen2:

نبض قطر 1970

02-03-2011, 06:28 PM

ماصدق احنا بس 200الف شوي

عيل كم عبالج الشيخه 2 مليون

كلهم 200 الف وبنقصان بعد

شلون تبينهم يزيدون اذا الشباب مايقدرون على تكاليف الزواج

وساحبين سلفيات وديون

واذا تزوج الواحد منهم قالتله زوجته ترى خل نتفق أن حدنا نجيب ولدين ولاثلاثه

لان مانقدر على مصاريف مدارسهم وشراء مستلزماتهم

لو الدوله شجعت المواطنين على زيادة الأنجاب سواء باسقاط الديون أو صرف مبلغ

مالي لكل طفل وتحمل مصاريف المدارس كما يفعلون مع الاجانب جان شفتي العدد في تزايد

تدرين كل يوم يرتفع ضغطي وأنا اشوف اغلبية طلاب المدرسه اللي فيها عيالي اجانب

وكل وحده داخله تتمخطر وبيدها 3 و4 اطفال مع ان رسوم المدرسه مب هينه

ف يتبدر إلى ذهني سؤال من أين لكم كل ذلك ؟

شي يعور القلب صراحه

ورقــة أمــل

02-03-2011, 06:32 PM

بس 200 الف يحليلنا

نبض قطر 1970

02-03-2011, 06:35 PM

شلون يبين الاصلي من التجاري ؟

أتمنى ماتكون العلامه التجاريه مضروبه في تايلند او الصين

لووووووووول

نبض قطر 1970

02-03-2011, 06:44 PM

اي الشيخه مقيم

وهالاجانب مب قاعدين في قطر عشان يسوون زحمه ,, ناس جايه تشتغل وقاعده تعمر البلاد

ماشاء الله جايين يشتغلون ويعمرون البلاد

وبعد كم سنه يطلع من الديره وهو باني 4 عمارات و7 فلل وعنده بحسابه 10 مليون

والقطري ولد البلد مديون طايح حظه مو قادر يزيد عدد افراد اسرته خوفا من غلاء المعيشه

أنا لست ضد استقطاب الدوله للأجانب ولكن يجب أن يكون هناك تقنين لهذا الاستقطاب

كأن أجلب الايادي العامله للأستفاده منهم في اعمال البناء وتطوير البنى التحتيه

وشغل الوظائف التي تحتاج لخبره معينه غير متوفره بأبناء الديره

أما أني اجيبهم واكدسهم فوق بعض على الفاضي والمليان فلا وألف لا

CH Engineer

02-03-2011, 06:48 PM

كان في رقم محدد في اخر احصاء
اعتقد 267000

وعدد الموظفين القطريين 70 الف وشوي..

موضي قطر

02-03-2011, 06:50 PM

القطريون أساساً هم :
1- المتوطنون في قطر قبل 1930 ميلادية و حافظو على إقامتهم العادية فيها ، و احتفظوا بجنسيتهم القطرية حتى تاريخ العمل بالقانون رقم (2) لسنة 1961 المشار إليه .2- من ثبت أنة من أصول قطرية ، و لم تتوفر فيه الشروط المنصوص عليها في البند السابق ، و صدر باعتباره كذلك قرار أميري .
3- من ردت إليهم الجنسية القطرية طبقاً لأحكام القانون .
4- من ولد في قطر أو في الخارج لأب قطري بموجب البنود السابقة

السؤال كيف عرف :)
الجواب سهل بعض اللي في الجوازات يعرفون .

اخوي نحيس انا تروعت لأني ينطبق على ماذكرته بالأحمر بس قلت لايكون تغير ... خبرك مافيه شي مضمون :(

hamoor4ever

02-03-2011, 07:07 PM

اللي يشك ان عدد القطرين 250 الف ، تذكرو ايام الاسهم كم عدد القطرين اللي كانو يكتتبون كانو في احسن الاحوال مايتجاوزون ال 210 مع العلم ان كل اهل قطر كانو مكتتبين

gxr o.z

02-03-2011, 07:46 PM

انا نادر

أين الحل ؟

02-03-2011, 08:27 PM

يا الجماعة الخير الواحد لو ما كان عنده دين ويفكر ليل نهار فيه كيف يسد الدين ولو تم سداد دينه راح يكون ما عنده شىء يفكر فيه وراح يمل ما عنده شىء يفكر فيه .ويمكن يفكر في أشياء أخره غير مفيده له فالدين نعمه لصاحبه .

والذكي يفهم ,,,,,,,,