الاعلام وماادراك ماالاعلام .. ( موقف الاحساء ) !!

[بنت البدر 77]

مساكم الله بالخير

الاعلام وماادراك ماالاعلام ..

" موقف صار لي في الاحساء "
مشكلتنا في قطر
انا الاعلام خلانا في نظر المجتمعات اغنياء حتى الثماله لدرجت ان اخوانا في الاحساء قاموا يكرهونا

مو التجار الناس نفسهم !!

صار لي موقف بالسوق .. حالي حال الكثير من العائلات .. نروح الاحساء نبحث عن الارخص ثمناً في وقت صارت اسواقنا .. مثل اسواق اوروبا !! وقامت حساوية ودزتني .. !! انا انصدمت
ليش وانا ماسويت لها شئ .. ولا حتى صار موقف بيني وبينها !!

وهالحركة تكررت اكثر من مره .. المهم .. كان هالموقف برمضان قبل العيد .. دخلت محل والبايع سعودي من اصل يمني .. يقول للحساوية وهي معترضة على السعر .. وتطالبة ينزل لها .. قال لها ( تبين حياج الله ماتبين مية قطرية تشتري ابدالج !!! )

صراحه انصرعت !! هذا معناته ان سبب الكراهية صار واضح .. واترك لكم التعليق ..


موقف ثاني ..

في اسواق مكة .. وبعد اداء العملاة رحنا نتسوق بنفس الفندق اللي ساكنين فيه .. عجبتني شغله وطلبت من البايع ينزل من سعرها قال الاخت من قطر .. قلت له نعم .. قال : عيب اعرف ان انتي قطرية انزل لج !!
انتوا اهل خير وبركة !!

مااعتبر هالكلام يفرحني .. بل يحبطني .. ويجعلني افكر مليون مره ..

عندي زميلات يقولون لي .. احنا لما نروح السوق نتكلم سعودي .. عشان مايعرفون ان احنا قطريات وعقب ما ينزلون لنا !!

عسى ماشر !!

صراحة نفتخر ان احنا من قطر .. لكن نطالب مثل ماخليتوا سمعتنا التوووب .. خلوا هالأمور على ارض الواقع .. رفعوا رواتبنا اللي صارت ماتكفينا ولا تكفي احتياجاتنا ..
وعن نفسي انا كنسلت اروح الشرقية اجهز نفسي او العيال .. اذا بالاخير احسبها تطلع هنا وهناك نفس الشئ ..

وكفاية اعلام ياجماعة الخير ..

مواطنة قطرية تفتخر باانتسابها لارض طيبة .. لكن ترفض اعلام يكبر حجم جيوبنا !!

الله المستعان

[الصريحه]

معاج حق
الله يعين
بس صرنا مضطرين نشتري من هناك
مافيه حل اخر

[بـــــــنت النوخـّــــذه]

وهالحركة تكررت اكثر من مره .. المهم .. كان هالموقف برمضان قبل العيد .. دخلت محل والبايع سعودي من اصل يمني .. يقول للحساوية وهي معترضة على السعر .. وتطالبة ينزل لها .. قال لها ( تبين حياج الله ماتبين مية قطرية تشتري ابدالج !!! )

الله المستعان

يحليله عيل ينتظر القطريات يشترون

عموما اختي كلامج صح ما اقدر انكره 00بس ديري بالج احنا الحريم سواء داخل ولا بره الدوحه ماعندنا وعي بعمليه البيع والشراء بس اذا عجبنا شي ننزل السعر مع ان المفروض انشوف الصناعه وين نوع القماش شنهو البضاعه وين جايه وعلى هالاساس تقدرين اتردين على البائع 0وتنزلين حتى لو تكسرين السعر للارض لانج عارفه اساسا" كم يسوى 00صراحه لاعبين فينا لعبه 0

ذكرتيني يوم رحنا الحج دخلنا مكان شعبي نتشرى يوم قلت له آخر بكم الا قال لا هذي ماركه ياحجه كيف انزل :eek5: قلت شنهو عيد ما اسمع ماركه شنهو 00الا قال لالالا ما اقصد عالميه قلت له يعني ماركه محليه
بس عموما كلامج صح حتى اهل الحسا يتشكون من ارتفاع الاسعار خصوصا المواد التموينيه والسبه هل القطر لان بمقارنه باسعارنا بتحصلين ارخص فبعضهم ياخذ بدون لايكاسر

00نرجع للاعلام يختي عاد شسمه اهل قطر لي سافرو بره سوو نفسهم مافوقهم فوق لازم يطمعون العالم اهههههه<<<اتغشمر :p

[بو خليفه 123]

ذكرتيني اختي بنت البدر في قصتي مع صاحب التكسي في لندن عندما دار الحديث بيني و بينه و سالني أنا من وين .. قلت له من دولة قطر .. فجأه و بدون سابق انذار اوقف السياره في منتصف الشارع


قال قطري ؟ (بصوت عالي)
وهو ضاحكاً قال ماصدق انت منت بقطري

قلت له ليه ؟

قال قطري و راكب تكسي ؟
وين سيارتك الفيراري ؟


هاهاها موقف مضحك و لكنه محزن بعض الشيء ..

[meme~qatar]

يحليله عيل ينتظر القطريات يشترون

عموما اختي كلامج صح ما اقدر انكره 00بس ديري بالج احنا الحريم سواء داخل ولا بره الدوحه ماعندنا وعي بعمليه البيع والشراء بس اذا عجبنا شي ننزل السعر مع ان المفروض انشوف الصناعه وين نوع القماش شنهو البضاعه وين جايه وعلى هالاساس تقدرين اتردين على البائع 0وتنزلين حتى لو تكسرين السعر للارض لانج عارفه اساسا" كم يسوى 00صراحه لاعبين فينا لعبه 0

ذكرتيني يوم رحنا الحج دخلنا مكان شعبي نتشرى يوم قلت له آخر بكم الا قال لا هذي ماركه ياحجه كيف انزل :eek5: قلت شنهو عيد ما اسمع ماركه شنهو 00الا قال لالالا ما اقصد عالميه قلت له يعني ماركه محليه
بس عموما كلامج صح حتى اهل الحسا يتشكون من ارتفاع الاسعار خصوصا المواد التموينيه والسبه هل القطر لان بمقارنه باسعارنا بتحصلين ارخص فبعضهم ياخذ بدون لايكاسر

00نرجع للاعلام يختي عاد شسمه اهل قطر لي سافرو بره سوو نفسهم مافوقهم فوق لازم يطمعون العالم اهههههه<<<اتغشمر :p

اهم شي الماركة خخخخخخخخخ
الله يغربل ابليس البايع

والله صج وهالشي لاحظته في السعودية مايرخصولي السعر .. بس يهلون ويرحبون بي كزبونة بس مافي امل انزل السعر

[بنت البدر 77]

معاج حق
الله يعين
بس صرنا مضطرين نشتري من هناك
مافيه حل اخر

والله كنت اشتري قبل سنتين .. بس بعدها سويتلي ميزانية وسويت عملية استوب لمشترياتي .. صرت احسن من قبل ودوم الاحساء اخليها للعيال .. بصراحه بضاعتهم احسن للاطفال واجود واريح ( من حيث انهم 3 قطع وماراح اتعب بالتركيب ) وارخص بمليون مره بس للحريم الفستان اللي تشترينه بالاحساء ب 500 ريال عندهم عندنا ب 2000 اذا مو اكثر !! وهذا وقاصين علينا بالاحساء بعد :tease: بس باقي بضاعتهم احس انها رهادل وماتسوى .. ! ويبقى رأي .

وحبيت اقول شئ ثاني وهو المهم .. ارتفاع الاسعار سبب شئ ثاني ان احنا فقدنا ناس غاليين علينا واعرف عروستين مثل الورد راحوا بسبب حوادث .. صحيح الله كاتب لهم ولا اعتراض على حكمة .. بس راحوا الاحساء يتسوقون بسبب ارتفاع الاسعار بقطر وكان سبب من الاسباب الله يرحم كل من توفى على هالطريق ويغفر لهم .

الله المستعان .

[العضو العتيج]

اختلف معاج اختي في هالنقطه...ليش نقول الاعلام...شدخل الاعلام
ليش مانفترض ان فعلا الاغلبيه رسخت هذي الصوره عن القطريين. يمكن انتي مب مثلهم انتي وغيرج وميه وحدة لكن نشوف الاغلبيه,,نشوف ثقافه المجتمع شلون صايره,,,لازم علشان تحكمين على الوضع يكون عندج تصور واحصائيه عن نسبه اللي يقومون بفعلج ونسبه الي يدفع بدون حساب وماينتظر يرجع له البايع الباقي....اتوقع هم اكثر....انا لاحظت شي غريب,,, واكيد الكل لاحظه ان معظم المحلات والبقالات مايرجعون النص ريال,,ومحد يعقب هذا مؤشر خطير والناس تعتقد ان الموضوع بهذي البساطه ,,هذي يخلي اللي يبيعون ياخذون هالفكره سواء عندنا او في الدول الثانيه
مره رديت على البايع,,ليش ماترجع لي النص ريال.قال ماعندي,, قلت له عيل ليش ماتبيع الحليب اللي ب 6 ريال ونص ب 6 او 7 ريال قال لا انا اخسر اذا بعت ب 6 قلت له ليش تبيني انا اتنازل عن نص الريال وانت متمسك فيها..طبعا البايع كان من جنسيه عربيه واستغرب.... اكيد استغرب لان محد قاله هالكلام مع ان هم بينهم وبين نفسهم يدرون ان هالمبلغ له قيمه كبيره عندهم وفي النهايه انا ماتكلم عن القيمه الماديه سواء نص ريال ولا ريال ولا 2 انا اتكلم عن مبدأ والتساهل فيه ادى للي انتي تشوفينه حتى بالدول الثانيه

[بنت البدر 77]

يحليله عيل ينتظر القطريات يشترون

عموما اختي كلامج صح ما اقدر انكره 00بس ديري بالج احنا الحريم سواء داخل ولا بره الدوحه ماعندنا وعي بعمليه البيع والشراء بس اذا عجبنا شي ننزل السعر مع ان المفروض انشوف الصناعه وين نوع القماش شنهو البضاعه وين جايه وعلى هالاساس تقدرين اتردين على البائع 0وتنزلين حتى لو تكسرين السعر للارض لانج عارفه اساسا" كم يسوى 00صراحه لاعبين فينا لعبه 0

ذكرتيني يوم رحنا الحج دخلنا مكان شعبي نتشرى يوم قلت له آخر بكم الا قال لا هذي ماركه ياحجه كيف انزل :eek5: قلت شنهو عيد ما اسمع ماركه شنهو 00الا قال لالالا ما اقصد عالميه قلت له يعني ماركه محليه
بس عموما كلامج صح حتى اهل الحسا يتشكون من ارتفاع الاسعار خصوصا المواد التموينيه والسبه هل القطر لان بمقارنه باسعارنا بتحصلين ارخص فبعضهم ياخذ بدون لايكاسر

00نرجع للاعلام يختي عاد شسمه اهل قطر لي سافرو بره سوو نفسهم مافوقهم فوق لازم يطمعون العالم اهههههه<<<اتغشمر :p

هلا بج بنت النوخذه .. ومشكوره على الاضافة .. وبالفعل هناك من يتصنع الغنى بالصرف على امور ليس في محلها ولا يتسع المكان لذكره حتى لا نخرج من الدائرة .. وعلى الجميع ان يفتخر انه من قطر .. بس بحدود العقل .. ولا نسمح لاي شخص يستغلنا .. لان الاستغلال امر مرفوض بتاتاً .

[meme~qatar]

ذكرتيني اختي بنت البدر في قصتي مع صاحب التكسي في لندن عندما دار الحديث بيني و بينه و سالني أنا من وين .. قلت له من دولة قطر .. فجأه و بدون سابق انذار اوقف السياره في منتصف الشارع


قال قطري ؟ (بصوت عالي)
وهو ضاحكاً قال ماصدق انت منت بقطري

قلت له ليه ؟

قال قطري و راكب تكسي ؟
وين سيارتك الفيراري ؟


هاهاها موقف مضحك و لكنه محزن بعض الشيء ..

طيب لاتجيب الفراري

جيب المايباخ

الله يهديك قطري وعندك بير بترول وتركب تاكسي

اها عرفت السبب.. انت اصلا كنت جايب سيارتك بس وديتها الوكالة حق التشييك وركبت التاكسي وانت راد

[بنت البدر 77]

ذكرتيني اختي بنت البدر في قصتي مع صاحب التكسي في لندن عندما دار الحديث بيني و بينه و سالني أنا من وين .. قلت له من دولة قطر .. فجأه و بدون سابق انذار اوقف السياره في منتصف الشارع


قال قطري ؟ (بصوت عالي)
وهو ضاحكاً قال ماصدق انت منت بقطري

قلت له ليه ؟

قال قطري و راكب تكسي ؟
وين سيارتك الفيراري ؟


هاهاها موقف مضحك و لكنه محزن بعض الشيء ..

هلا بك بوخليفه
كلامك صحيح .. وفي كل مكان نفرح ان اسم قطر صار اسم لامع بكل مكان .. مو مثل قبل .. نقعد نشرح ونشرح واكثر شئ مايذكرون الا السعوديه ودبي والكويت .. صار القطري لازم يتكيف مع جنسيته .. وان بغيت الصج القطري بطبعه ما يقبل باي شئ .. يعني يستحيل يقبل باامور ممكن جنسية ثانيه تقبل بها .. بس في الاشياء المعقوله .. مو اشياء تنفرض عليك فرض .. هذا اللي انا مااقبل به .

[حسن]

بنت البدر الاعلام قد يكون له دور بس مب في كل شي الخطاءالاول والاخير علينا احنا لانه يشوفون القطريين شلون يلعبون في الفلوس واقصد نسبه كبيره وعلى فكره الاعلام مهب اللي يشتري احنا الخلل فينه كل سبوع دقوا الحسا

[انتر ميلان]

المشكلة ان بعض الآسيويين والمقيمين في قطر يقولون نفس الكلام

من يشوفون قطري يزيدون السعر

والكلمة اللي حفظتها من بعض الآسيويين : (( انت في شيخ وكلش نفر قطري فلوس واجد ))

[بنت البدر 77]

اختلف معاج اختي في هالنقطه...ليش نقول الاعلام...شدخل الاعلام
ليش مانفترض ان فعلا الاغلبيه رسخت هذي الصوره عن القطريين. يمكن انتي مب مثلهم انتي وغيرج وميه وحدة لكن نشوف الاغلبيه,,نشوف ثقافه المجتمع شلون صايره,,,لازم علشان تحكمين على الوضع يكون عندج تصور واحصائيه عن نسبه اللي يقومون بفعلج ونسبه الي يدفع بدون حساب وماينتظر يرجع له البايع الباقي....اتوقع هم اكثر....انا لاحظت شي غريب,,, واكيد الكل لاحظه ان معظم المحلات والبقالات مايرجعون النص ريال,,ومحد يعقب هذا مؤشر خطير والناس تعتقد ان الموضوع بهذي البساطه ,,هذي يخلي اللي يبيعون ياخذون هالفكره سواء عندنا او في الدول الثانيه
مره رديت على البايع,,ليش ماترجع لي النص ريال.قال ماعندي,, قلت له عيل ليش ماتبيع الحليب اللي ب 6 ريال ونص ب 6 او 7 ريال قال لا انا اخسر اذا بعت ب 6 قلت له ليش تبيني انا اتنازل عن نص الريال وانت متمسك فيها..طبعا البايع كان من جنسيه عربيه واستغرب.... اكيد استغرب لان محد قاله هالكلام مع ان هم بينهم وبين نفسهم يدرون ان هالمبلغ له قيمه كبيره عندهم وفي النهايه انا ماتكلم عن القيمه الماديه سواء نص ريال ولا ريال ولا 2 انا اتكلم عن مبدأ والتساهل فيه ادى للي انتي تشوفينه حتى بالدول الثانيه

انا اقولك ايش دخل الاعلام ...

يوم تطلع احصائيات ان دخل الفرد في قطر عالي وتلي سويسرا ( حسب مااذكر ) ايش يجي في بالك !! ممكن يجي في بالك ان في قطري محتاج !! ان في قطري مديون !! ان في قطري مو قادر يسكن بيت ملك !! ممكن يجي في بالك ان في قطري للحين مو قادر يلقى وظيفه !! ممكن يجي في بالك ان في خريجيين للحين ماشتغلوا صار لهم سنين !! ممكن يجي في بالك ان في قطري مو قادر يسافر يطلع هله سياحه اي بلد !! وووو الخ

هذا هو الاعلام .. الاعلام يوم يصور للعالم ان في بيت كل قطري بير بترول .. خلك من الاجانب حتى الدول العربية لين نزورهم في بلاد الشام او مصر او حتى في بلاد المغرب يتصورون القطري وكأنه نازل من السماء ... صحيح ان تصرفات البعض منا غلط .. بس انا احس ان صار ي وعي .. واحنا دورنا ننشر الوعي بين ابنائنا .. نربي اعيالنا ان ما يرضون يقبلون علوج بدل النص ريال مو بخل بس نعلمهم ان محد يقدر يقص عليهم !! نعلمهم اشلون يعرفون يشترون صح .. اشلون يصرفون افلوسهم صح .. يعرفون ان الحياة مو ملهى .. بكره يمكن ظروفنا تتغير وتصبح اصعب ..

اشكر مداخلتك وكلنا يد وحده ان شاء الله وعن نفسي مااقبل بالعلوج ولا بالتساهل في مثل هذه المواضيع ... حتى موضوع الاكرامية .. اعطيها من خاطري مو غصب عني مثل اللي قاعد يصير بقطر .. في ناس اذكرت ان بعد ما دخل احد المواطنين احد المطاعم عطى الجرسون 500 ريال قال له خذها ووزعها على الباقي !! تصرف اقول عنه غير واعي .. وغبي ان جاز لي التعبير ومايدل على كرم هالمواطن بل يدل على مدى سطحيته وعموما الجرسون ماراح يحبه بل راح ياخذون الفلوس ويحمل في قلبه الغل والحسد ويقول بخاطره ( شوف الناس اشلون تلعب بالفلوس وانا نشتغل طول الشهر براتب الف ريال !! )

الله كريم



الله المستعان .

[OTOsan]

المحاضر الذي ندرس لديه احدى المواد الخاصة بانشاءات المباني .. قال اثناء شرحه وبكل عفويه :

نحن في دولة (كذا) نستخدم هذا القدر من الاسمنت وذلك لخفض التكاليف ،
ولكنهم هنا يستخدمون قدراً أكبر because they have money !!


من السخرية ان هذه النظرة انعكست علينا معشر المغتربين في قطر عندما نذهب الى بلداننا الأصلية ، فعندما يعلمون انك تعمل في قطر يكون الجواب : فلووووس كثير :)

الله يكون بالعون ،،

[العضو العتيج]

انا اقولك ايش دخل الاعلام ...

يوم تطلع احصائيات ان دخل الفرد في قطر عالي وتلي سويسرا ( حسب مااذكر ) ايش يجي في بالك !! ممكن يجي في بالك ان في قطري محتاج !! ان في قطري مديون !! ان في قطري مو قادر يسكن بيت ملك !! ممكن يجي في بالك ان في قطري للحين مو قادر يلقى وظيفه !! ممكن يجي في بالك ان في خريجيين للحين ماشتغلوا صار لهم سنين !! ممكن يجي في بالك ان في قطري مو قادر يسافر يطلع هله سياحه اي بلد !! وووو الخ

هذا هو الاعلام .. الاعلام يوم يصور للعالم ان في بيت كل قطري بير بترول .. خلك من الاجانب حتى الدول العربية لين نزورهم في بلاد الشام او مصر او حتى في بلاد المغرب يتصورون القطري وكأنه نازل من السماء ... صحيح ان تصرفات البعض منا غلط .. بس انا احس ان صار ي وعي .. واحنا دورنا ننشر الوعي بين ابنائنا .. نربي اعيالنا ان ما يرضون يقبلون علوج بدل النص ريال مو بخل بس نعلمهم ان محد يقدر يقص عليهم !! نعلمهم اشلون يعرفون يشترون صح .. اشلون يصرفون افلوسهم صح .. يعرفون ان الحياة مو ملهى .. بكره يمكن ظروفنا تتغير وتصبح اصعب ..

اشكر مداخلتك وكلنا يد وحده ان شاء الله وعن نفسي مااقبل بالعلوج ولا بالتساهل في مثل هذه المواضيع ... حتى موضوع الاكرامية .. اعطيها من خاطري مو غصب عني مثل اللي قاعد يصير بقطر .. في ناس اذكرت ان بعد ما دخل احد المواطنين احد المطاعم عطى الجرسون 500 ريال قال له خذها ووزعها على الباقي !! تصرف اقول عنه غير واعي .. وغبي ان جاز لي التعبير ومايدل على كلام هالمواطن بل يدل على مدى سطحيته وعموما الجرسون ماراح يحبه بل راح ياخذون الفلوس ويحمل في قلبه الغل والحسد ويقول بخاطره ( شوف الناس اشلون تلعب بالفلوس وانا نشتغل طول الشهر براتب الف ريال !! )

الله كريم



الله المستعان .

كلامج صح اختي بس صدقيني الاحصاءات والاستبيانات مب هي اللي تأثر على عمليه البيع والشراء اللي يأثر هو الفعل والتصرف من الاغلبيه غير ان الي تكلمنا عنهم سواء في الاحساء ولا اي مكان مايدرون عن الاحصائيات بل على العكس يشوفون افعال والفعل اكثر تأثير من الكلام..ولو افترضنا ان الاحصائيات منتشره وتثبت ان مستوى دخل الفرد في قطر هو الاعلى مثلا..لكن يشوفون طريقه شرائهم عاديه هل تتوقعين البايع بيرفع السعر بناء على البيانات والاعلام و بيخسر نفسه لان محد بيستجيب له ..ولا تصرفه كان بناء على فعل منتشر للاسف,,,,

تحياتي لج

[بنت البدر 77]

بنت البدر الاعلام قد يكون له دور بس مب في كل شي الخطاءالاول والاخير علينا احنا لانه يشوفون القطريين شلون يلعبون في الفلوس واقصد نسبه كبيره وعلى فكره الاعلام مهب اللي يشتري احنا الخلل فينه كل سبوع دقوا الحسا

صحيح واتفق معاك .. وعسى ان نقدم مادة تحتوي على وعي .. واعلام صادق في الايام القادمة ..

اشكرك ردك واضافتك

[بنت البدر 77]

المشكلة ان بعض الآسيويين والمقيمين في قطر يقولون نفس الكلام

من يشوفون قطري يزيدون السعر

والكلمة اللي حفظتها من بعض الآسيويين : (( انت في شيخ وكلش نفر قطري فلوس واجد ))

صحيح كلامك .. ولازم نتصدى لمثل هذه المشاكل .. الله المستعان

[بنت البدر 77]

المحاضر الذي ندرس لديه احدى المواد الخاصة بانشاءات المباني .. قال اثناء شرحه وبكل عفويه :

نحن في دولة (كذا) نستخدم هذا القدر من الاسمنت وذلك لخفض التكاليف ،
ولكنهم هنا يستخدمون قدراً أكبر because they have money !!


من السخرية ان هذه النظرة انعكست علينا معشر المغتربين في قطر عندما نذهب الى بلداننا الأصلية ، فعندما يعلمون انك تعمل في قطر يكون الجواب : فلووووس كثير :)

الله يكون بالعون ،،


صحيح واتذكر احد المقيمات قالت لي نفس الكلام .. قالت ندفع الكثير من الهدايا وندفع ضريبة ان احنا نشتغل في قطر فوق ماتتصورين !! ليس كل مغترب يتسلم 50000 راتب .. وياما مغتربين فضلوا الرحيل الى بلدانهم بسب غلاء المعيشة .. الله المستعان .

بعض الظروف تشلمنا سواء مواطنون او مقيمون ..
اشكر ردك وحضورك اسعدني ..

[بنت البدر 77]

كلامج صح اختي بس صدقيني الاحصاءات والاستبيانات مب هي اللي تأثر على عمليه البيع والشراء اللي يأثر هو الفعل والتصرف من الاغلبيه غير ان الي تكلمنا عنهم سواء في الاحساء ولا اي مكان مايدرون عن الاحصائيات بل على العكس يشوفون افعال والفعل اكثر تأثير من الكلام..ولو افترضنا ان الاحصائيات منتشره وتثبت ان مستوى دخل الفرد في قطر هو الاعلى مثلا..لكن يشوفون طريقه شرائهم عاديه هل تتوقعين البايع بيرفع السعر بناء على البيانات والاعلام و بيخسر نفسه لان محد بيستجيب له ..ولا تصرفه كان بناء على فعل منتشر للاسف,,,,

تحياتي لج


كلامك مقنع .. وفوق الممتاز ..
من الممكن ان الاحصائيات تؤثر في المجتمع الغربي بحكم انه مطلع على الاحصائيات ومهتم بها .. ولكن موضوع الدول القريبه المجاورة .. نحن سبب من الاسباب ..

احيانا لما اروح دولة مجاورة واسأل عن بضاعه واجد البائع يقول لي قيمتها مثلاً 500 ريال وارجع بعقلي وارى ان قيمتها بقطر 2500 ريال .. اجد نفسي دون وعي .. اقول له اوكي !! لانني لو سوف ادفع اقل من القيمة بااضعاف .. وهذا ما يحدث في الاحساء مثلاً !!

اجد من الضروري ان نتناول مواضيع مهمه مثل الوعي في التسوق .. وثقافة الاكراميات وغيرها من المواضيع الهادفه التي من الممكن ان نغير فيها مفاهيمنا ولو بعد حين .

اشكرك على تعقيبك الذي اثرى الموضوع .. ومساندتك في تقليب افكارنا ..

لك كل التحية .

[بوصلووح]

الله المستعان

ان شاء الله بيزيدوننا بس اتوقع ينطرون تتحسن ظروف الوطن العربي
تدرون يعني حكومتنا تحب السمعه .. و خاطرهم يراوون العالم ان احنا مازدنا شي و محد اعترض . بس مردهم بيزيدوننا ان شاء الله

[بنت البدر 77]

الله المستعان

ان شاء الله بيزيدوننا بس اتوقع ينطرون تتحسن ظروف الوطن العربي
تدرون يعني حكومتنا تحب السمعه .. و خاطرهم يراوون العالم ان احنا مازدنا شي و محد اعترض . بس مردهم بيزيدوننا ان شاء الله

لازم اكشن يعني !!

الله يسمع منك .. ونسمع بالزياده ونلمس واقعها .. على ان تكون مكرمة .. حتى تشمل الجميع وتكون الزياده في الراتب الاساسي مو في البدلات !!

لان الزيادة في الموارد البشرية غير مقبول لانه مايشمل كل المواطنين .. في ناس تشتغل بالخاص وشبة الحكومي .. ورواتبهم مثل ماهي واقل من الحكومة صارت لا ويقولون نشجع المواطنون بالعمل بالقطاع الخاص اذا شملتهم الزياده وعدلوا في نظام التقاعد راح نقتنع بالخاص وشبه الحكومي !!

الله المستعان

[قطري !]

اللي خلاهم يسوون هالشي



لان للاسف اكثر لقطريات مدمغات


سعر الشي ب 50 ريال مثلا , يخليه ب 100 وهي عادي ماتكاسر ولاهم يحزنون ..



هذي تعتبر مقصه وضحك عليج يالقطريه , لاتخلينهم يستغلونج

[مخطط قطري]

الي يروح خط الحسا لايستغرب انه في الهجر الي هناك سيارات جديده عليها لوحات قطريه
وبيوتهم في هذي الهجر
اعتقد هذولا يمكن حصلو على الجنسيه القطريه وقارنو الاسعار وقالو الاحسا ابرك
وحكومه قطر ماتقصر ترسل لنا الرواتب والاسهم والمعونات واراضينا في قطر موجوده
بس نجيهم كل 5 سنوات نجدد الجواز ونرد
طبعا بعض هولاء سبب رئيسي ومباشر في الي قاعد يصير لانه الحين هو قطري ويمثل قطر بس لهجته وكلامه سعودي
يعني الهدف من الجنسيه هو مكسب ورزق لاغير يعني مايعرف واجباته بس حقوقه لازم كلها ياخذها
اذا الاعلام له دور 10% ولا20% هالاشخاص الغير قطريين شرعيا وقطريين قانونيا هم السبب المباشر

[قطري !]

الي يروح خط الحسا لايستغرب انه في الهجر الي هناك سيارات جديده عليها لوحات قطريه
وبيوتهم في هذي الهجر
اعتقد هذولا يمكن حصلو على الجنسيه القطريه وقارنو الاسعار وقالو الاحسا ابرك
وحكومه قطر ماتقصر ترسل لنا الرواتب والاسهم والمعونات واراضينا في قطر موجوده
بس نجيهم كل 5 سنوات نجدد الجواز ونرد
طبعا بعض هولاء سبب رئيسي ومباشر في الي قاعد يصير لانه الحين هو قطري ويمثل قطر بس لهجته وكلامه سعودي
يعني الهدف من الجنسيه هو مكسب ورزق لاغير يعني مايعرف واجباته بس حقوقه لازم كلها ياخذها
اذا الاعلام له دور 10% ولا20% هالاشخاص الغير قطريين شرعيا وقطريين قانونيا هم السبب المباشر




ياخي اكثر من 50 % من اهل قطر بانيين في الهجر اللي تقول ومن ظمنهم ال ثاني .. ومن حق اي مواطن خليجي يبني في اي دوله خليجيه بعد القانون الجديد ..

ولا قلبك فيه عنصرية الله يكفينا شر منهم على شاكلتك .. لان البلد لايمكن تتطور بنموذج عقليتك


وللعلم ترا ايران فيها بيوت لمواطنين قطريين ومنهم الفردان وعبدالغني وغيره وغيره ... وفيه مواطنين قطريين يتملكون شقق وفلل في لندن وباريس وغيره من دول العالم



شنو مشكلتك ويا القطريين اللي يبنون برا؟؟؟؟؟؟؟؟ او حتى يسكن خارج قطر

لان الانسان ولد حرا وهذه الحرية كفلها له الله .. الانسان عبدا لله فقط

[مشتاقة لقطر]

حصل موقع بالخبر

شريت وكاسرت على كل قطعة شريتها ونزل لي فيهم

ويوم وقت الدفع طلعت ال500 قطرية بقق عيونه .. يقول فكرتج بحرينية .. لو دريت قطرية مانزلت


عطيته نظرة قلت له اي كلمة زيادة بارجع الاغراض كلها ..

[Mishari]

حصل موقع بالخبر

شريت وكاسرت على كل قطعة شريتها ونزل لي فيهم

ويوم وقت الدفع طلعت ال500 قطرية بقق عيونه .. يقول فكرتج بحرينية .. لو دريت قطرية مانزلت


عطيته نظرة قلت له اي كلمة زيادة بارجع الاغراض كلها ..


عدل شغلج اذا كل وحده سوت الي سوويته رااح يتراجعون الحراميه

والله يا جماعه اعرف ناس من الأحساء العاام فبل رمضان يضربون مشوار يتسووقون ماجلتهم من الدمام اسئل الرجال اقووله عندك في الأحساء اقرب لك وارخص يقوول كلي شي غاالي صاار عندنا كله من الاخووان أهل قطر مااا يكااسر البياع بالسعر حتى البنشر رفع اسعاار تغير الزيت والكفاراات صاارت العاالم تنزح الى الدمام ارخص واحسن .


يا جماعه قسم بالله محد مستفيد غير الأجنبي لأنه السلعه الي يبيعا 100 يرفعه 200 عشاان يحط في جيبه 100 وفي جيب كفيله 100 قمية البضاعه عرفتوو الحني حتى بعض اصحاب المحلات ما يدري العمل شنو يسووي يجي كل شهر يااخذ مبلغ البضاعه المبيوعه بفايده 10%

والعاامل أصلن هو طلع لنفسه 10% من ظهر الزبوون ترى اغلب الي يصير من العماله الأجنبيه .

تعال سالفه الفقع والربياان لأحظته في سووق العماني عندكم والله ياا جمااعه الرربياان مثلاً

متعوود كل سنه انطرش للجماعه بالدووحه تقريباً ما يعاادل نص طن كل سنه بثلاجاات قلت بخااطري خلني اروح السوق رحت السوق العماني وشفت عجب العجااب ربيان الأمارات سووه ربيان سعوودي ربيان آيران وعمان صاار سعوودي اوول مره اشووف ربيان القااع الي عندنا حمره اخبره يجيك ممولح لوونه شوي مو حمر الصراحه لازم رقاابه على الاسوواق.

واسمحوولي على لاطاله ونشووفكم على خير أن شاء الله

[الأصيلة]

أنا مع وجهة نظر الأخ العضو العتيج
فعلا القطريين نفسهم سبب الأزمة
لأنهم يوحون للبائع إن مايهمهم السعر ويشترون بالجملة
وهذا من زمان وترسخت الفكرة عندهم..
وأيضا السبب الأعداد الكبيرة اللي تعتمد على سوق الإحساء
والبخشيش والزايد من الفلوس البعض ماياخذها...
وألا البايع هذا اللي مقابل دكانه ليل نهار
اش عرفّه بإحصائية الدخل القطري والا الفائض من الموازنة...

[R.S.C]

في تاجر سعودي في أمريكا سأله قطري وقاله ليش ماتطور محلك شوي ويصير أفضل للزوار
قال له التاجر : أنا لو قطري كان طورته بس مشكلتي مب قطري و ماقدر اللحين ؟؟؟
مادري ليش أغلب الأخوان الخليجيين والعرب يحسبووون إننا قاعدين على بنك مثل مايقولون

[nadeemy]

والله اني مستغرب من هالكلام اللي اشوفه
اهل قطر تسببوا في رفع الاسعارفي الاحساء
هل كيف على قولة بوعلوي ؟
كم عدد اهل قطر اللي يروحون يتسوقون في الاحساء؟
للعلم بس عدد سكان الشرقيه اكثر من عدد سكان قطر مواطنيين واجانب مرتين:)
الاحساء مدينه اقتصادها قائم على التجاره , فهي لا تملك ميناء بحري ولا حتى مطار دولي , ومع ذلك فاهلها تجار ابناء تجار ابناء تجار ويعرفون كيف يجذبون الزبون يشتري وهو يضحك , ويا اخوان الاسعار ترتفع مش بس في الاحساء الا في عموم المملكه الا في العالم كله . الحين الاسعر ارتفغت في جده لا احد يقول لي القطريين السبب :)
الاسعار في قطر ترتفع يوميا يا ترى من هو السبب ؟ القطريين !!! وما اشوف احد يشتكي الكل يدفع وهو يضحك
اخير اقول :
الحمد لله ان اهل الشرقيه والاحساء بالذات هم جيرانا والله انهم من ارقى البشر اللي تعاملت معاهم, يكفي ان اعرف الكثير من الشباب ينزل اهله في احد المجمعات ويروح يخلص اغراضه من مكان ثاني واذا خلصوا اتصلوا فيه يجيهم ياخذهم , وفيه عائلات يروحون مع سواقيين , وفيه عائلات يروحون بالنقل الجماعي والكل مرتاح ومتهني
الله يديم عليكم نعمة الامن والامان يا اهل الخليج

[abu]

ذكرتيني اختي بنت البدر في قصتي مع صاحب التكسي في لندن عندما دار الحديث بيني و بينه و سالني أنا من وين .. قلت له من دولة قطر .. فجأه و بدون سابق انذار اوقف السياره في منتصف الشارع


قال قطري ؟ (بصوت عالي)
وهو ضاحكاً قال ماصدق انت منت بقطري

قلت له ليه ؟

قال قطري و راكب تكسي ؟
وين سيارتك الفيراري ؟


هاهاها موقف مضحك و لكنه محزن بعض الشيء ..

:eek5:

[hamoor4ever]

هاذه من الاعلام اللي شغال اربع وعشرين ساعه اعلى دخل واعلى دخل ومن بعض التصرفات السلبيه من البعض طبعا اللي مايكاسرون ، العتب على الحكومه اللي فشلتنا صرنا مانقدر نكاسر نخاف يقولون عنا قطريين فقراء او غيره لان صار في بالهم ان القطري الاصل هو اللي عنده فلوس لكن الفقير مب قطري واكيد بيقولون متجنس فالبعض صار مايكاسر خوفا من النظره ، انا اقول من اهنيه ترى القطري مب مثل ماانتو متصورين القطريين والاغلب يادوب يقدر يمشي حاله اخر الشهر والقطري متبهدل بالديون قد شعر راسه ولاتصدقون ان القطري غني مثل مايقول الاعلام ادري محد بيصدق بس انا قطري ومايصفى من راتبي الا الفين ريال تعرفون ليش لان عندي لمبرجيني وكل شهر اسافر اوروبا وباني لي قصر وعندي شقه في اللولوه ، شر البليه مايضحك المديون بعرف ليش انا مديون اما اللي يصرفون عليه اهله او ولد وفي حلجه ملعقه بيصدق هالشي

طبعا المواقف اللي صادتني وايد مثل انت شيخ ، ومره بعد في جسر البحرين يقول لي اي ياليتني قطري كان فلوسي وايد ، ومره بعد في محل اعتقد بالسعوديه قال لي القطرين مرتاحين وغيره وغيره كثير ومايدرون ان فيه ناس حالتهم حاله ومالهم نصيب من تبرعات غزه ولبنان ومايدرون بينا وبين السجن شعره ولو مساعده بعض الناس كنا الحين من زمان في ابو زعبل ولو يدشون المنتدى او يسمعون وطني الحبيب صباح الخير بيكتشفون ان القطرين حالتهم حاله والمشكله ان محد التفت لهم

[مونديال]

اذا على السعوديه بسيطه
حتى في قطر ... سعر القطري غير عن سعر المقيم

خلوها على الله بس

[R 7 A L]

شدخل الإعلام في السالفة
المشكلة من ثقافة القطريين الشرائية

[الـقـاسـي]

مو المشكلة هذا اللي الدولة تبي توصل له السمعه وبس والمتظرر في النهايه المواطن القطري العادي ,,
ترى هالكلام مب فالحسا وبس في كل مكان من يعرفون انك قطري يرتفع السعر على طول ..
مرة كانت في وحده امريكية تبيع وسئلتها عن سعر الشغله وقالت لي ونزلت لي ولما دفعت وخلصت سئلتني من وين قلت من قطر قالت المفروض اسئلك عن جنسيتك قبل لا انزل لك :eek5:
انتوا اغنياء ومن هالكلام ..

انا اذا بروح اشتري من مكان خصوصا اذا يشتغلون فيه عرب مستحيل اقول اني قطري لان السعر بيتدبل على طول ..
اذا حتى اسعار المكالمات لقطر اغلى سعر وفرق كبير بين الاتصال لقطر او لغيرها من الدول الخليجية وطبعا العذر ان قطر بلد غني يعني سعر الاتصال لقطر الدقيقه بـ 22 سنت تقريبا والبحرين بـ 4 سنت مب شي يقهر

[وهم قطر]

شدخل الإعلام في السالفة
المشكلة من ثقافة القطريين الشرائية

أي المشكله من الاعلام وهذه أكبر مصيبه أنا استغربت انك استبعدت الاعلام

لو مايذكرون الزيادات في الجرايد كان التاجر مارفع السلعه ثاني يوم

لو موالاعلام كان راعي الدكان في سبات عميق بالسعر العتيق

لو موالاعلام الي قطر اغنى دخل للفرد كان الدول المجاوره مارفعت السعر عليك

[بنت البدر 77]

اللي خلاهم يسوون هالشي

لان للاسف اكثر لقطريات مدمغات
سعر الشي ب 50 ريال مثلا , يخليه ب 100 وهي عادي ماتكاسر ولاهم يحزنون ..

هذي تعتبر مقصه وضحك عليج يالقطريه , لاتخلينهم يستغلونج

ياهلا ومرحبا بك اخوي قطري

اول شئ كلمة ( مدمغة ) لفظ مرفوض في موضوعي .. واستمحيك العذر واطالبك عدم تكراره في مواضيعي على الاقل مع الاعتذار على الطلب . :omg:

ثانياً : شئ مرفوض ان نقبل باي سعر يتم طرحه .. وهناك مالا تحب الجدال مع البائع وتترك السعر له في الذمة .. وهذا يعود الى شخصية المرأة نفسها ولكن اعرف سيدات بهذه الطريقه ( من ناحية دينية ) .

وقد يكون السبب الآخر هو : الاقتناع بالسعر .. مثال : ذهبت الى السوق ورأيت بضاعه ب100 ريال وفي قطر وبنفس الجودة والصناعة اعرف انها ب300 ريال .. إلا يجعلك ذلك تشتري البضاعة بااندهاش ! هذا ما يحدث بالفعل للبعض .

لك كل الاحترام والتقدير وياهلا بك مليار .

[بنت البدر 77]

الي يروح خط الحسا لايستغرب انه في الهجر الي هناك سيارات جديده عليها لوحات قطريه
وبيوتهم في هذي الهجر
اعتقد هذولا يمكن حصلو على الجنسيه القطريه وقارنو الاسعار وقالو الاحسا ابرك
وحكومه قطر ماتقصر ترسل لنا الرواتب والاسهم والمعونات واراضينا في قطر موجوده
بس نجيهم كل 5 سنوات نجدد الجواز ونرد
طبعا بعض هولاء سبب رئيسي ومباشر في الي قاعد يصير لانه الحين هو قطري ويمثل قطر بس لهجته وكلامه سعودي
يعني الهدف من الجنسيه هو مكسب ورزق لاغير يعني مايعرف واجباته بس حقوقه لازم كلها ياخذها
اذا الاعلام له دور 10% ولا20% هالاشخاص الغير قطريين شرعيا وقطريين قانونيا هم السبب المباشر


عن نفسي احترم اي قطري سواء كان اصل وفصل والا متجنس .. يكفي انه يحمل الجواز القطري سواء كان من اصل عربي ، اعجمي ، هولي ، وغيره .. عندما حمل جنسيتي سوف احترمه .. كيف لا ونحن ننتسب لنفس الارض معما كان موقعه على الارض ..

وعموماً .. اعرف سيدات تزوجن من كويتين وبحرينين واماراتيين وغيرهم رفضوا الجنسية الاخرى حتى بعد انجاب الابناء من الخليجي .. وحتى وهن مقيمات في بلد الزوج
العنابي من الصعب تغييرة .. للجميع كل التحية والاحترام .

[بنت البدر 77]

حصل موقع بالخبر
شريت وكاسرت على كل قطعة شريتها ونزل لي فيهم
ويوم وقت الدفع طلعت ال500 قطرية بقق عيونه .. يقول فكرتج بحرينية .. لو دريت قطرية مانزلت
عطيته نظرة قلت له اي كلمة زيادة بارجع الاغراض كلها ..


زين سويتي فيه :victory:
يستاهل هو ومن على شكالته .. حياج الرحمن حبيبتي .

[بنت البدر 77]

أنا مع وجهة نظر الأخ العضو العتيج
فعلا القطريين نفسهم سبب الأزمة
لأنهم يوحون للبائع إن مايهمهم السعر ويشترون بالجملة
وهذا من زمان وترسخت الفكرة عندهم..
وأيضا السبب الأعداد الكبيرة اللي تعتمد على سوق الإحساء
والبخشيش والزايد من الفلوس البعض ماياخذها...
وألا البايع هذا اللي مقابل دكانه ليل نهار
اش عرفّه بإحصائية الدخل القطري والا الفائض من الموازنة...

:thumbup: حياك الرحمن وسعيده بمرورك

[AbdullA-Qtr]

مره من المرات كنت في دزلدوف .. اتمشى مع بنتي وحاطها على كتفي وراد الفندق واذكر كان وقت الغروب ...

قالت يبا ابي ماي قلت لها ابشري .. وانا اتمشى حصلت لي كشك والي يبيع من جنسيه (( عربيه )) .. وقام يسولف معي ويسئلني انت كويتي قلت لااا انا اقطري وقام يمدح قطر وشعبها .. وماشاء الله ماتقصرون مع الاخوان العرب .. وانا ابي اقصر السوالف معه قلت ولا عليك امر ابي ست اغراش ماي (( الحجم الصغير )) قالي بـ 26 يورو تقريبا حوالي 130 ريال قطري .. وخذيت من عنده وانا ساكت .. ومع الايام وانا في التكسي قلت له وقف عند كشك خوينا (( الي من جنسيه عربيه )) هذا ابي اخذ من عنده قالي راعي التكسي (( اللماني )) عبدالله هذا يستقل الناس وينصب عليهم .. والله يجزاه خير ووداني محل اقريب منه وارخص والفرق بينهم شاسع ...
معرف ليه يعني الاستقلال هذا معليه حنا خيرنا لغيرنا ولكن ليه يتم استغلال طيبة اهل قطر ..؟

[بنت البدر 77]

في تاجر سعودي في أمريكا سأله قطري وقاله ليش ماتطور محلك شوي ويصير أفضل للزوار
قال له التاجر : أنا لو قطري كان طورته بس مشكلتي مب قطري و ماقدر اللحين ؟؟؟
مادري ليش أغلب الأخوان الخليجيين والعرب يحسبووون إننا قاعدين على بنك مثل مايقولون

فعلا هذا هو حال القطري في كل مكان .. ماخذين عنا فكره .. الحمد لله احنا بخير ونعمة بس بدون مبالغة .. الكل وانت مسافر طامع فيك .. تحس نفسك محاصر والكل ينتظر منك شئ .. ساعات يعرضون عليك فلل .. يطلبون منك يجون قطر يشتغلون !! وغيره اقول بخاطري خل اهل قطر يلقون شغل بالاول عشان ادبر شغل لكم .. :secret:

الله المستعان

[بنت البدر 77]

والله اني مستغرب من هالكلام اللي اشوفه
اهل قطر تسببوا في رفع الاسعارفي الاحساء
هل كيف على قولة بوعلوي ؟
كم عدد اهل قطر اللي يروحون يتسوقون في الاحساء؟
للعلم بس عدد سكان الشرقيه اكثر من عدد سكان قطر مواطنيين واجانب مرتين:)
الاحساء مدينه اقتصادها قائم على التجاره , فهي لا تملك ميناء بحري ولا حتى مطار دولي , ومع ذلك فاهلها تجار ابناء تجار ابناء تجار ويعرفون كيف يجذبون الزبون يشتري وهو يضحك , ويا اخوان الاسعار ترتفع مش بس في الاحساء الا في عموم المملكه الا في العالم كله . الحين الاسعر ارتفغت في جده لا احد يقول لي القطريين السبب :)
الاسعار في قطر ترتفع يوميا يا ترى من هو السبب ؟ القطريين !!! وما اشوف احد يشتكي الكل يدفع وهو يضحك
اخير اقول :
الحمد لله ان اهل الشرقيه والاحساء بالذات هم جيرانا والله انهم من ارقى البشر اللي تعاملت معاهم, يكفي ان اعرف الكثير من الشباب ينزل اهله في احد المجمعات ويروح يخلص اغراضه من مكان ثاني واذا خلصوا اتصلوا فيه يجيهم ياخذهم , وفيه عائلات يروحون مع سواقيين , وفيه عائلات يروحون بالنقل الجماعي والكل مرتاح ومتهني
الله يديم عليكم نعمة الامن والامان يا اهل الخليج


ياليتني احتفظ بالاحصائيات .. كان عرضتها عليكم ..

في عيد من الاعياد طلعوا احصائيات عن مشتريات القطريين من السوق من الشرقية وكانت المبالغ كبيرة جداً انا ماتخيلتها .. محد ينكر ان القطريين يساهمون بشكل كبير في رفع مستوى الدخل للتجار طوال العام وفي فترة الاعياد بزيادة .

الله المستعان

[بنت البدر 77]

هاذه من الاعلام اللي شغال اربع وعشرين ساعه اعلى دخل واعلى دخل ومن بعض التصرفات السلبيه من البعض طبعا اللي مايكاسرون ، العتب على الحكومه اللي فشلتنا صرنا مانقدر نكاسر نخاف يقولون عنا قطريين فقراء او غيره لان صار في بالهم ان القطري الاصل هو اللي عنده فلوس لكن الفقير مب قطري واكيد بيقولون متجنس فالبعض صار مايكاسر خوفا من النظره ، انا اقول من اهنيه ترى القطري مب مثل ماانتو متصورين القطريين والاغلب يادوب يقدر يمشي حاله اخر الشهر والقطري متبهدل بالديون قد شعر راسه ولاتصدقون ان القطري غني مثل مايقول الاعلام ادري محد بيصدق بس انا قطري ومايصفى من راتبي الا الفين ريال تعرفون ليش لان عندي لمبرجيني وكل شهر اسافر اوروبا وباني لي قصر وعندي شقه في اللولوه ، شر البليه مايضحك المديون بعرف ليش انا مديون اما اللي يصرفون عليه اهله او ولد وفي حلجه ملعقه بيصدق هالشي

طبعا المواقف اللي صادتني وايد مثل انت شيخ ، ومره بعد في جسر البحرين يقول لي اي ياليتني قطري كان فلوسي وايد ، ومره بعد في محل اعتقد بالسعوديه قال لي القطرين مرتاحين وغيره وغيره كثير ومايدرون ان فيه ناس حالتهم حاله ومالهم نصيب من تبرعات غزه ولبنان ومايدرون بينا وبين السجن شعره ولو مساعده بعض الناس كنا الحين من زمان في ابو زعبل ولو يدشون المنتدى او يسمعون وطني الحبيب صباح الخير بيكتشفون ان القطرين حالتهم حاله والمشكله ان محد التفت لهم


ترى مستوى القطري بالخارج ارتفع يعني صار عيب القطري يسكن في اي مكان وعيب القطري يركب في اي شئ .. لذلك تجد الناس تحط على نفسها وتركب وتسكن وتسافر اغلى الاماكن .. انا مااقول ان هالتصرفات صح .. بس هذا الواقع !!

الله المستعان

[R 7 A L]

أي المشكله من الاعلام وهذه أكبر مصيبه أنا استغربت انك استبعدت الاعلام

لو مايذكرون الزيادات في الجرايد كان التاجر مارفع السلعه ثاني يوم

لو موالاعلام كان راعي الدكان في سبات عميق بالسعر العتيق

لو موالاعلام الي قطر اغنى دخل للفرد كان الدول المجاوره مارفعت السعر عليك




من صجك ماتبين الاعلام يذكرون الزيادات
مافية ولادولة في العالم عطت زيادات وما عممت في جميع وسائل الاعلام


خلونا واقعيين اللوم مو على الاعلام اللوم علينا نحن القطريين
الى نمدح رواتبنا وانها عالية في غير ديرتنا ماندري انة بدال مانكحلها نعميها .

[بنت البدر 77]

اذا على السعوديه بسيطه
حتى في قطر ... سعر القطري غير عن سعر المقيم

خلوها على الله بس

نعم اخوي وهالشئ لاحظته .. حتى يوم الوحده اتروح مع خادمتها تشتري يرفعون السعر واذا خليت الخادمة تشتري ابروحها تدفع نص المبلغ !!

الله المستعان

[AliQatar]

الله يعينا

[ام ناصر1]

ما اشوف المشكلة بالاعلام، وما اشوف الاخوة بالحسا يستنزفونا ويزيدون علينا الاسعار
بل العكس ...اسعارهم رخيصة وذات جودة ...ولو ايحصلي شان كل نهاية اسبوع بالحسا مش
كل نهاية شهر ...البسي عباية على الراس وتحجي مثل السعوديات وفالج الرخص ...
المشكلة بديرتنا وبلدنا اذا نمسك شي مثال شنطةيد نسائية يبدأ السعر ب250 ريال فمافوق اشدعوه لاقين فلوسنا بالتراب

[SmartMan]

والله محد فضحنا غير المهايطية واللي يتفشخروون بحلال غيرهم برى ! !

قطر فاونديشن حاطين أعلانهم على فنايل لنادي أوربي رياضي بالملاييين ....يعني وش تتوقعون أكثر !!!

الله المستعان