المساعد الشخصي الرقمي

مشاهدة النسخة كاملة : وزير الناس هل مطلوب تواجده بالدولة ؟؟؟؟؟؟


بوطويشم
02-03-2011, 04:31 PM
السلام عليكم

وزير الناس هل مطلوب تواجده بالدولة ؟؟؟؟؟؟

وزير يهتم بشؤن العامة

صحياً و اجتماعياً

وزير يهتم بشؤن المواطن

ملينا من برنامج وطني الحبيب الي ما تشغله الا وتسمع المشاكل الي تنرفزك

و المسؤلين في وادي و الناس في وادي ثاني

ملينا المشكلة توصل حق الوزراء و الحكومة

لكن ما يتحركون

دولتنا ولله الحمد غنية مب مثل بعض الدول الي معذبه شعبها

ابرز المطالب الحين اسقاط الديون

طيب بتقولون الشعب مرتاح مب مشكلة لكن تصرفو لا تعيشون الناس بحلم اسقاط الديون

التعليم

ليش تجبرون الناس على الأنجليزي ؟؟؟

بتقولون مطلب سوق العمل ( وبعض الجهات تطلب من الجامعيين التخلي عن شهاداتهم ليكون ذي من متطلبات سوق العمل)

ليش ما نشوف جامعات عربية عندنا و الطالب له الحرية بين دخول جامعة تشترط التوفل على ناس توهم خالصين الثانوية و جامعة تدرسهم بالعربي و من ضمن المواد لغة انجليزية

الصحة

الاخطأ الطبية اكثرت واذا هدتهم بالشكوى يقولون لك اشتك (لأنهم يعرفون انك تاذن في خرابة)

أشغال

الشوارع الي تخلص في اسبوع عندهم في رزنامتهم شهر و الشهر شهرين الخ الخ....

المجلس البلدي

يقولن انرشحهم على شنو مادري كنتم مختفين و الحين طلعتو و مبررات بعدم تحرك المجلس اشيئ سخيفة

و باقي الوزارات و الهيأت

بعد كل ذي الي انكتب و الي ما نكتب

هل وزير الناس مطلوب لكي يصل بهموم الشعب الى الحكومة ؟؟؟؟
الأصيلة
02-03-2011, 04:49 PM
عندك حق...
Qa6ar
02-03-2011, 04:52 PM
وزير ماتقدر تدخل عليه الا بواسطه

اهل قطر مايجون 200000 نسمه يعني اللي سنهم فوق 18 ويشتغلون ومتزوجين اعمارهم فوق 25 سنه

يعني 100000 كلهم عندهم مشاكل مع نفس الوزير ماااظن

قول خمسه بمعدل يومي اذا الوزاره خدميه

نبي وزير يوصل صوت المساكين ذوي الدخل المحدود الى المسئولين وبدون واسطه يعني اي احد يقدر يوصل له
نسيم الروح
02-03-2011, 04:52 PM
واين المسؤولين واحنا من رب الناس؟
شموع قطريه
02-03-2011, 04:59 PM
ليش يحطون وزير الناس .. وهالوزراء وش مهرتهم !!
عيل ياخذون رواتب عاليه وامتيازات وحصانه دبلوماسية و و و و ... الخ ليش ؟!! وجاهة مثلا ؟؟ لا طبعا هم عطوهم هالمنصب علشان يخدمون الشعب ويذللون المصاعب لهم ويعملون على راحتهم .. مهنة الوزير مب تشريف قد ماهي تكليف .. الوزير لازم يداوم اول واحد بالوزارة ويطلع اخر واحد .. لازم يفتح بابه للكل بدون تحديد ويسمع مشاكلهم وتظلماتهم في حال وقوع ظلم عليهم من قبل المسؤولين بالوزارة .. لازم يسعى جاهد لتطوير وزارته .. تطوير الموظفين اللي يعملون في وزارته بدون واسطات ومحسوبية في هالشي .. تحفيز الموظفين المجتهدين وتكريمهم .. محاسبة المسؤولين وتغييرهم في حال سوء ادارتهم ..الزيارات الميداااانيه وحطوا تحتها عشرين خط للاقسام والادارات التابعة لوزارته للتاكد من سير العمل على اكمل وجه وعدم التسيب .. ومتابعة الجهات اللي فيها اتصال مع الجمهور وسماع اراء المراجعين من ناحية جودة الخدمه اللي لقاها من الموظفين وايش اللي يضايقهم خلال مراجعاتهم ..
لو كل وزير مشى على هالمنهج جان لقيت الوزارات كلها وموظفينها ماشين على الصراط المستقيم وجان ماشفت شكاوي وتظلمات ومشاكل .
أين الحل ؟
02-03-2011, 08:16 PM
ليش يحطون وزير الناس .. وهالوزراء وش مهرتهم !!
عيل ياخذون رواتب عاليه وامتيازات وحصانه دبلوماسية و و و و ... الخ ليش ؟!! وجاهة مثلا ؟؟ لا طبعا هم عطوهم هالمنصب علشان يخدمون الشعب ويذللون المصاعب لهم ويعملون على راحتهم .. مهنة الوزير مب تشريف قد ماهي تكليف .. الوزير لازم يداوم اول واحد بالوزارة ويطلع اخر واحد .. لازم يفتح بابه للكل بدون تحديد ويسمع مشاكلهم وتظلماتهم في حال وقوع ظلم عليهم من قبل المسؤولين بالوزارة .. لازم يسعى جاهد لتطوير وزارته .. تطوير الموظفين اللي يعملون في وزارته بدون واسطات ومحسوبية في هالشي .. تحفيز الموظفين المجتهدين وتكريمهم .. محاسبة المسؤولين وتغييرهم في حال سوء ادارتهم ..الزيارات الميداااانيه وحطوا تحتها عشرين خط للاقسام والادارات التابعة لوزارته للتاكد من سير العمل على اكمل وجه وعدم التسيب .. ومتابعة الجهات اللي فيها اتصال مع الجمهور وسماع اراء المراجعين من ناحية جودة الخدمه اللي لقاها من الموظفين وايش اللي يضايقهم خلال مراجعاتهم ..
لو كل وزير مشى على هالمنهج جان لقيت الوزارات كلها وموظفينها ماشين على الصراط المستقيم وجان ماشفت شكاوي وتظلمات ومشاكل .

بس مو كل الوزراء ينطبق عليهم هذا الكلام في وزراء ما يقصرون مع المواطنين والشعب وعامة الناس وأولهم وزير شؤون الداخلية تجيه أيام ما يروح البيت يقعد في الوزاره من الصبح لين المغرب وهو يستقبل مواضيع الناس ويدور لها حلول والله يطول بعمره ويجعله ذخر للبلاد والمواطنين أمين يا رب العالمين .
شموع قطريه
03-03-2011, 12:09 AM
بس مو كل الوزراء ينطبق عليهم هذا الكلام في وزراء ما يقصرون مع المواطنين والشعب وعامة الناس وأولهم وزير شؤون الداخلية تجيه أيام ما يروح البيت يقعد في الوزاره من الصبح لين المغرب وهو يستقبل مواضيع الناس ويدور لها حلول والله يطول بعمره ويجعله ذخر للبلاد والمواطنين أمين يا رب العالمين .

اذا تقصد الشيخ عبدالله بن ناصر وسبعة انعام فيه انا اشهد انه مثال للوزير المجد المجتهد اللي مكرس كل جهده لخدمة الوطن والمواطن القطري .. والكل يشهد له بالطيبه وتفانيه في عمله .. ربي يوفقه ويسخر له الخير وين ماكان
R 7 A L
03-03-2011, 08:14 AM
المفروض إدارات ( العلاقات العامة ) في كل وزارة اون لاين مع الجمهور وتوصل صوتهم للوزراء

خاطري اعرف شتة فايدة العلاقات العامة بالوزارات
الحبتور
03-03-2011, 08:31 AM
ماراح تلقى صدى للموضوع ..

انبحت اصواتنا وجفت اقلامنا ..

نفسي اعرف وش هي الفكره اللي ماخذينها المسؤولين عن المواطنين ..

لدرجه حتى وجه مايعطونهم ..