كـيـف تـعـرف الأم عـروسـة أبـنـهـا ؟؟!

[قوي العزايم]

كـيـف تـعـرف الأم عـروسـة ابـنـهـا ؟؟!


شاب أخبر أمه بحماسة . . أنه وقع بالحب . . . وأنه قرر أن يتزوج.

قال لأمه:
" أمي, سوف أحضر لك ثلاث من زميلاتي وأنت حاولي معرفة من التي ارتفع قلبي في حبِّها"...

وافقت الأم...

اليوم التالي . .
أحضر ثلاثة نساء جميلات على البيت، جلسواً معاً، تبادلوا الحديث، وذهبوا...

وبعد ذهاب الفتيات . . . سأل أمه:

"أخبريني يا أمي، من التي تتوقعين بأني سأتزوجها"...

ردت الأم بسرعة: "بالطبع التي جلست على اليمين"...

قال لها الشاب وهو متفاجئ...

"ما شاء الله عليكِ يا أمي، ما أشطرك, لكن أخبريني كيف عرفتي؟؟".


ردت الأم:
"سبحان الله, ما حبيتها"


فما رأيكم في هذا ... هل فعلاً هذا هو الحادث والحاصل ؟؟

[مشتاقة لقطر]

هههههههههه حللوة

طبعا .. لا ..

يعني انا واختي ماخذين اخوان .. معقولة ما حبتنا الثنتين ..


يعتمد على تعامل الزوجة لام زوجها تتحدد المحبة

[ام عبدالعزيز]

دامه اختار اللي يبها يصرح وخلاص..


ويسلموا

[بـــــــنت النوخـّــــذه]

انا لو من امه وقال حبيت بشوف الوضع بعد القلب ومايهوى :omen2:

لكن انهم يجون البيت بدعوه من ولدها :eek5:صراحه ولا وحده تصلح ,,

نرجع للموضوع الاساسي :
وبالنسبه لاختيار الام 00محد يقدر يحكم الا بالمعاشره عن قرب والسؤال جيدا" والنظره الاولى لاتكفي للحكم
:nice:

[حسن]

هذي قصه من الخيال ولا الواقع

[ROSE]

انا لو من امه وقال حبيت بشوف الوضع بعد القلب ومايهوى :omen2:

لكن انهم يجون البيت بدعوه من ولدها :eek5:او ان كل وحده على علم انها راح تنخطب صراحه ولا وحده تصلح

وبعدين شهاللعبه يحب 3 اخبر القلب الصادق مايحب الا وحده صاحب بالين كذاب

وبالنسبه لاختيار الام 00محد يقدر يحكم الا بالمعاشره عن قرب والسؤال جيدا" والنظره الاولى لاتكفي للحكم
:nice:

شكلج مافهمتي القصة عدل


هههههههههههههههه


هو جاب ثلاثه يختبر ذكاء امه اذا بتعرف اللي هو اختارها ولا لا

بعدين القصة مااتوقع انها واقعيه والقصد من الموضوع هل فعلا الحماة لا تحب زوجة ابنها






ردا على صاحب الموضوع


الغيره دائما تسيطر على قلب الام في بعض الحالات

وليست جميعها

ولكن مع الايام والعشره تبدأ والدة الزوج بمحبة زوجة ابنها لو قامت الثانيه بالتقرب من الاولى

ومعرفة الطريق المؤدي الى قلبها واكتشفت سر التقرب اليها

[نوفا91]

سبحان الله ماحبيتها هههههههههههههههههههههه

لاطبعا الحكم من اول نظره لايكفى ابدا ياما ناس نحكم عليهم انهم ناس طيبين فالاخير .........!! وكذلك العكس ..

[بـــــــنت النوخـّــــذه]

شكلج مافهمتي القصة عدل


هههههههههههههههه


هو جاب ثلاثه يختبر ذكاء امه اذا بتعرف اللي هو اختارها ولا لا



:shy:

يعني حتى ولو بعد يجيب ثلاثه من وين طلع هالثلاثه المبدأ من اساسه خاطئ
يعني مثلا ولدي بجيب لي ثلاث بنات ويقولي ياماما حزري فزري من هيه الي حبيتها ,,<<اشدخل :nice::)

[ام السعف]

عني ما ادري .. مب عارفة السالفة كل الموضوع انه بيقول لي :
مام .. مامي .. ماما .. امي .. يما . يوومااااا.. يمة ا.. ام السعف .. سعوفة
اقول له اشتببييييييييييييييي سندرتني بيقول لي هااااااااااااي ابي ابتزوج وبيشرد

[بـــــــنت النوخـّــــذه]

عني ما ادري .. مب عارفة السالفة كل الموضوع انه بيقول لي :
مام .. مامي .. ماما .. امي .. يما . يوومااااا.. يمة ا.. ام السعف .. سعوفة
اقول له اشتببييييييييييييييي سندرتني بيقول لي هااااااااااااي ابي ابتزوج وبيشرد

اههههههه
ام السعف بعبع :p

ذكرتيني بمسلسل (الهدامه ) وعبدالله الي مستحي يفاتح اهله بموضوع الزواج والبنت الي يحبها 00الزمن الكميل اوي اوي

[ام السعف]

اههههههه
ام السعف بعبع :p

ذكرتيني بمسلسل (الهدامه ) وعبدالله الي مستحي يفاتح اهله بموضوع الزواج والبنت الي يحبها 00الزمن الكميل اوي اوي

بصراحة الكبير منهم متوقعة يسوي فيني جذيه ،،
ما عنده الا هاي مام ،، هيلووو ،، هاور آر يو ،،
اقول له يا يبة الناس لاتصلوا قالوا السلام عليكم يقول لي اوه سوري مام
السلام عليكم ....> ارد عليه هايين :( ( خربني والله )
وان بغى شي تلقينه ينادي مام مام مامي موم يوووممممماا يمة ماما
يقلد الصبي اللي ينادي امه ويقول لها لويس لويس ( بس مااعتقد انه بيستحي
يقول لي عن اللي يبيها هذا بالذت كتاب مفتوح ان بغى شي عبر عنه
وطلب وقال وحن لين ياخذه ) .........> يخلص جامعته في الأول بعدين
نروح انا وروز نخطب له :shy:

[بـــــــنت النوخـّــــذه]

بصراحة الكبير منهم متوقعة يسوي فيني جذيه ،،
ما عنده الا هاي مام ،، هيلووو ،، هاور آر يو ،،
اقول له يا يبة الناس لاتصلوا قالوا السلام عليكم يقول لي اوه سوري مام
السلام عليكم ....> ارد عليه هايين :( ( خربني والله )
:shy:


اهههه
الله يخليه لج وتفرحين به

هاتيه عند بنت اخوي عمرها 3 سنوات لي زارونا الناس انخشها عيوز مقعده اهههه تعالي بس وسمعي المصطلحات الشعبيه الي ماتتوقعينها تصدر من طفله صدقيني لي قلت لج كلامها نفس حجي العيايز اول الي يقولون هديتيه و 0ويابفليت يعني بس ماتضبطها عدل يابلفيت اههه ولا كلمه ابوووووي اتمدها بشكل غريب ولا لي اسئلت اليهال اتقول لهم وين اميمتكم :eek5:0

يلا في النهايه العاقل بيعقل والاهم يطلع رجل صالح وخلاص

موكنه غيرنا الموضوع :rolleyes2:

[ام السعف]

اهههه
الله يخليه لج وتفرحين به

هاتيه عند بنت اخوي عمرها 3 سنوات لي زارونا الناس انخشنا عيوز مقعده اهههه تعالي بس وسمعي المصطلحات الشعبيه الي ماتتوقعينها تصدر من طفله صدقيني لي قلت لج كلامها نفس حجي العيايز اول الي يقولون هديتيه و 0ويابفليت يعني ولا كلمه ابوووووي اتمدها بشكل غريب ولا لي اسئلت اليهال اتقول لهم وين اميمتكم :eek5:0

يلا في النهايه العاقل بيعقل والاهم يطلع رجل صالح وخلاص

موكنه غيرنا الموضوع :rolleyes2:

لا ما غيرنا الموضوع ،، لأن الموضوع يتكلم
عن الزواج والزواج وراه عيال واحنا نتكلم عن العيال


هو عاقل ما شاءالله عليه لكن مشكلته اني امه :(

الله يخليها الصغيرونة اللي تتكلمين عنها يا زين سوالفهم وخاصة لو
لها ستايل معين يميزهم فيها :shy:

[لافوشيا]

عاد الصراحه الام لاتختار لولدها احسن وتبتعد هي وبناتها وخواتها عن الموضوع

خليه يختار بنفسه والا بيندم اشد الندم

الله يسامحهم الي اختارو لاخوي .... المسكين قاعد يتحسر على عمره الي ضاع بدري وهو شاب صغير والسبب امي اختارت له والحين الكل مب لاقيين لها حل

الله المستعان
:weeping::weeping::weeping::weeping::weeping:

[قوي العزايم]

قَالَ رسول الله - صلى الله عليه وسلم :

( تُنْكَحُ الْمَرْأَةُ لِأَرْبَعٍ : لِمَالِهَا ، وَلِحَسَبِهَا ، وَلِجَمَالِهَا ، وَلِدِينِهَا ، فَاظْفَرْ بِذَاتِ الدِّينِ تَرِبَتْ يَدَاكَ )

[مونديال]

انا لو من امه وقال حبيت بشوف الوضع بعد القلب ومايهوى :omen2:

لكن انهم يجون البيت بدعوه من ولدها :eek5:صراحه ولا وحده تصلح ,,

نرجع للموضوع الاساسي :
وبالنسبه لاختيار الام 00محد يقدر يحكم الا بالمعاشره عن قرب والسؤال جيدا" والنظره الاولى لاتكفي للحكم
:nice:

ههههههه يحليلك بنت النوخذه تحب السوالف حتى في النكت بس احلا شي
ردت الأم:
"سبحان الله, ما حبيتها"

[بـــــــنت النوخـّــــذه]

ههههههه يحليلك بنت النوخذه تحب السوالف حتى في النكت "

احم الكلام مدح ولا ذم:looking::looking:

[نــــظــــره]

هذا الكلام مدح ولا ذم :unsure::unsure:

والعلم عند الله ذم خذي حقج يابنت النوخذه:threaten:

[بـــــــنت النوخـّــــذه]

والعلم عند الله ذم خذي حقج يابنت النوخذه:threaten:

ا

الله حيها الغاليه نظره
هههههههههههه يعني اتوكل على الله

بقولهم نظره عطتني الضوء الاخضر :p::


لالا بس انا غرضي من سؤالي اني اعيد ترتيب اوراقي خصوصا ان ماعندي اوراق من الاساس عشان ارتبها ,,,<< :tooth:اشدخل

[مونديال]

احم الكلام مدح ولا ذم:looking::looking:


2
in
1
:nice:

[مونديال]

والعلم عند الله ذم خذي حقج يابنت النوخذه:threaten:

هلا نظره
عيب يصيرون فتانين

[نــــظــــره]

ا

الله حيها الغاليه نظره
هههههههههههه يعني اتوكل على الله

بقولهم نظره عطتني الضوء الاخضر :p::


لالا بس انا غرضي من سؤالي اني اعيد ترتيب اوراقي خصوصا ان ماعندي اوراق من الاساس عشان ارتبها ,,,<< :tooth:اشدخل


افا عليج يالغاليه عيل اجوفج تنذمين واسكت

توكلي على الله ورتبي اوراقج حتى لو ماعندج اوراق من الاساس

المهم تردين

هذا حقج

[مونديال]

ا

الله حيها الغاليه نظره
هههههههههههه يعني اتوكل على الله

بقولهم نظره عطتني الضوء الاخضر :p::


لالا بس انا غرضي من سؤالي اني اعيد ترتيب اوراقي خصوصا ان ماعندي اوراق من الاساس عشان ارتبها ,,,<< :tooth:اشدخل

اتذكريني في وحده في فريجنا اول انسميها مريوم لغوه
زنكه زنكه هجوووم
بشرد احسن ... اتفقو على العصابه نظره وبنت النوخذه

[نــــظــــره]

هلا نظره
عيب يصيرون فتانين



انا مب فتانه انا(مواليه)
ل (بنات حواء)
ماقدر اجوف بنوته تنذم واسكت:(

[مونديال]

انا مب فتانه انا(مواليه)
ل (بنات حواء)
ماقدر اجوف بنوته تنذم واسكت:(


ممكن نسوي اتفاقيه مشتركه
اتركي عنج بنت النوخذه هذي بتسندرج وتموت في السوالف
يعني بتدمنين على البندول ولا بتسكت
خليها ثوره ثوره
وانتي بنت الثورات

[بنت صقار]

هههه اضحك الله سنك...اللي اشوفه ان الامهات..الحين مايهتمون البنت عدله ولا لأ؟؟اهم شي تكون من عايله معروفه..وغالبا شايفينها في عرس وماتوا عليها وسيده اخطبوها وعقب طلقوها؟؟؟؟

[بـــــــنت النوخـّــــذه]

افا عليج يالغاليه عيل اجوفج تنذمين واسكت

توكلي على الله ورتبي اوراقج حتى لو ماعندج اوراق من الاساس

المهم تردين

هذا حقج



والله انج بنت عن اميه رجال والنعم فيج مهب مجامله بس من خلال متابعتي لردود وعقليتج المتزنه في حالج مالج بزيد ولا عبيد ههههه الي عليج التعليق وبس :nice:

يلا عن اذنج خليني احول على الاخ مونديال مادري اشفيه علي :omen2:


اتذكريني في وحده في فريجنا اول انسميها مريوم لغوه
زنكه زنكه هجوووم
بشرد احسن ... اتفقو على العصابه نظره وبنت النوخذه


ممكن نسوي اتفاقيه مشتركه
اتركي عنج بنت النوخذه هذي بتسندرج وتموت في السوالف
يعني بتدمنين على البندول ولا بتسكت
خليها ثوره ثوره
وانتي بنت الثورات

:anger1:

ياحي سوالف بنت النوخذه عن سوالف بعض الناس الي وماوراها غير الحسد والضغينه ونشر الفتن والكلام الفاضي :whistling:

وبعد سبق وقلت بنت النوخذه ماتجبر احد )(يتابع )(لغوتها اهههه اقصد ردودها لان الي يتابع ويترصد كل كبيره وصغيره للانتقاد لذاتها عقله الباطن يخيل له انها اتهذر واجد 0 00:nice: لكن في الحقيقه هي مجرد مداخلات عفويه حالها حال اي عضوه او عضو متواجد 24\24 ويشارك بس الانظار بعيد عنه :)

في الاخير اتقبل اي شي بصدر رحب شاسوي ضريبه الكاريزما <<<اشدخل :nice:

[مونديال]

[


:anger1:

ياحي سوالف بنت النوخذه عن سوالف بعض الناس الي وماوراها غير الحسد والضغينه ونشر الفتن والكلام الفاضي :whistling:

وبعد سبق وقلت بنت النوخذه ماتجبر احد (لغوتها اهههه اقصد )(يتابع ) ردودها لان الي يتابع ويترصد كل كبيره وصغيره عقله الباطن يخيل له انها اتهذر واجد 0 00:nice: لكن في الحقيقه هي مجرد مداخلات عفويه حالها حال اي عضوه او عضو متواجد 24\24 ويشارك بس الانظار بعيد عنه :)


في الاخير اتقبل اي شي بصدر رحب شاسوي ضريبه الكاريزما <<<اشدخل :nice:[/QUOTE]



هلا اختي اقول انا فهمت من تقصدين الحسود وصاحب الفتن .. ادري نظره الله يهداها
بس عيب هذي رفيجتك ....(( نظره من افضل الاعضاء وانشطهم وكلامي من باب المزح ))
وعن ردودك انا شاسوي وين ماروح ألاقيها فويهي الله يصبرنا

(( استمري على نفس النهج هو تميز منك وانا امزح معاك والله اعلم بما في النفوس ))
اخوك موندياال <<< شدخل

[بـــــــنت النوخـّــــذه]

[
هلا اختي اقول انا فهمت من تقصدين الحسود وصاحب الفتن .. ادري نظره الله يهداها
بس عيب هذي رفيجتك ....(( نظره من افضل الاعضاء وانشطهم وكلامي من باب المزح ))
[/SIZE]

على فكره مره ثانيه خانك التعبير نظره من اعز العضوات واهي تعرف ذلك 000 لادخلها بردودك معاي

ماقصدتها اتمنى يالمونديال مره ثانيه قبل لاتكتب اتعرف المغزى
ولا يهمك رايك واحترمه لان يعبر عن رأي شخصي ^_^

الصبر مفتاح الفرج يالمونديال اليوم معاكم بكره الله يعلم وين كلكم اخواني وخواتي :nice:

[مونديال]

على فكره مره ثانيه خانك التعبير نظره من اعز العضوات واهي تعرف ذلك 000 لادخلها بردودك معاي

ماقصدتها اتمنى يالمونديال مره ثانيه قبل لاتكتب اتعرف المغزى
ولا يهمك رايك واحترمه لان يعبر عن رأي شخصي ^_^

الصبر مفتاح الفرج يالمونديال اليوم معاكم بكره الله يعلم وين كلكم اخواني وخواتي :nice:
انا اعلن انسحابي عشان ماينفهم كلامي غلك
الاخت نظره والاخت بنت النوخذه
كلكم عزيزين واحترمكم ولكم مني تحيه على النشاط
وكلامي فوق كله مزح والله

[بوحمد2]

كـيـف تـعـرف الأم عـروسـة ابـنـهـا ؟؟!


شاب أخبر أمه بحماسة . . أنه وقع بالحب . . . وأنه قرر أن يتزوج.

قال لأمه:
" أمي, سوف أحضر لك ثلاث من زميلاتي وأنت حاولي معرفة من التي ارتفع قلبي في حبِّها"...

وافقت الأم...

اليوم التالي . .
أحضر ثلاثة نساء جميلات على البيت، جلسواً معاً، تبادلوا الحديث، وذهبوا...

وبعد ذهاب الفتيات . . . سأل أمه:

"أخبريني يا أمي، من التي تتوقعين بأني سأتزوجها"...

ردت الأم بسرعة: "بالطبع التي جلست على اليمين"...

قال لها الشاب وهو متفاجئ...

"ما شاء الله عليكِ يا أمي، ما أشطرك, لكن أخبريني كيف عرفتي؟؟".


ردت الأم:
"سبحان الله, ما حبيتها"


فما رأيكم في هذا ... هل فعلاً هذا هو الحادث والحاصل ؟؟


؟؟؟؟؟؟؟؟؟؟؟

[قوي العزايم]

؟؟؟؟؟؟؟؟؟؟؟



!!!!!!!!!!!!!!!!!!!