شاي الأحمر سيصبح ب 2 ريال ،،، في كل مكان هذه السنة

[البدع]

باعتبار ان مشارك في مطعم فاحب انوه ان الشاي الأحمر سيتوصل عن بيعه بريال هذا العام

وسيصبح ب 2 ريال في اغلب المطاعم والكافتيريا ( البعض قد يجعله بريال ونصف)

والسبب

ارتفاع سعر السكر

ارتفاع سعر الشاي ( ليبتون ) بسبب النقل

ارتفاع اسعار الأكواب وخاصة التي تصنع من البلاستيك

البعض بدا بالفعل يبيعه ب 2 ريال

والبقية ستلحقها قبل نهاية العام

[غزلان]

دعوه يخيس

واشربوا في بيوتكم قبل لاتطلعون

[نــــظــــره]

يعني مب بس الشاي اللي بيرتفع سعره
في اشيا كثيره تعتمد عل المواد الي ذكرتها
واهم شي السكر
الله يعين بس

[البدع]

الثورات أضرت اكثر مما نفعت

ونظرية دعوه يخيس يفشل الناس في تطبيقه عندنا

[ام عبدالعزيز]

شدعوه؟؟

كل شي بيغلا...الله يعينااا على العماله اللي بالبيت((شكر-جاي-رينبو))مسرفين الصبيان اللي عندي

[hamoor4ever]

جات على الشاي يعني اخوي

[البدع]

أعطيك معلومة ببلاش

اذا الثورة وصلت لأهل النشامى ( الأردنيين ) ،،،، فراح يصير شح في الخضرة ويرتفع سعرها

هذا الي سمعته ( من العمال )

[شمعة الدوحه]

معناتها الكرك بيرتفع سعره :omg:

ابو حارب وينك :telephone:

يعطيك الف عافيه اخوي :rolleyes2:

[vtc_4.8]

شعليهم كل واحد صاير راعي مزاج يدق درب على قلاص شاي

خل يرفعون

[حسن]

أعطيك معلومة ببلاش

اذا الثورة وصلت لأهل النشامى ( الأردنيين ) ،،،، فراح يصير شح في الخضرة ويرتفع سعرها

هذا الي سمعته ( من العمال )

يارجل مافي مشكله نسوي مرقه هوامالت الول

[م. عبدالعزيز]

اذا الحليب بيزيد سعره عيل بيصير الكرك ب 3 ريال

يعني كوب واحد يساوي 3 اكواب <_<

[شمعة الدوحه]

اذا الحليب بيزيد سعره عيل بيصير الكرك ب 3 ريال

يعني كوب واحد يساوي 3 اكواب <_<

والله وصار الكرك منافس قوي للبيبسي :nice:

[الصريحه]

مبروك على البشاره اللي مب حلوه
ياحماااااااااااااااااااااااااااااااااااااااااااايه المستهلك
صح النوووووووووووووووووووووووووووووووووووووم

[البدع]

مبروك على البشاره اللي مب حلوه
ياحماااااااااااااااااااااااااااااااااااااااااااايه المستهلك
صح النوووووووووووووووووووووووووووووووووووووم

حماية المستهلك ليس لهم دخل

السبب عالمي

والبعض قام يصغر كوب الكرك واشاي وابقاء السعر ريال ولكنهم ماراح يستحملون

[دااانة قطر]

شدعوه ماتعرفون تصلحون دلة كرك في البيت؟؟

[w4rr10r]

والي يشرب بدون سكر ؟

[جرح الزمان]

وليش ... يرفع السعر 100 %

كوب الكرك كم يكلف فعلياً بعد زيادة سعر السكر ؟

اذا زاد سعره بنسوي حملة مقاطعه على الفيس بوك والتويتر ^__^

[عزوز المضارب]

رفع سعر البترول هو السبب ..وتوقعت ان تكون رده الفعل لن تكون فوريه
والموضوع اكبر من الشاي الاحمر او الكرك ..وسنشهد ارتفاعات جديده
في ظل الصمت المطبق من قبل حمايه المستهلك ..

[البدع]

عزوا المضارب

حماية المستهلك مالهم علاقة

أنا مستعد اخلي سعر الشاي ٥٠ ريال ،،، ومحد يقر يقول لي شي

الدولة مالها علاقة أيضاً فهي دعمت اسعار الطعام

هذر السبب هو ( المضاربات ) على النفط والسكر في البورصات العالمية

[عابر سبيل]

الثورات أضرت اكثر مما نفعت

ونظرية دعوه يخيس يفشل الناس في تطبيقه عندنا


كنت با طالب برفع المعاشات
او دفع الديون..
لكن بعد هالرد العجيب..
تسمح لي..
ان اطلب نقل الموضوع
للاستراحة..
اذا ما يسبب لك هالطلب عدم "راحه":shy:

[البدع]

كنت با طالب برفع المعاشات
او دفع الديون..
لكن بعد هالرد العجيب..
تسمح لي..
ان اطلب نقل الموضوع
للاستراحة..
اذا ما يسبب لك هالطلب عدم "راحه":shy:

براحتك اخوي

واتسائل اذا ضايقك يوم حصلت معاك مرة

ويعطيك العافية

[جرح الزمان]

رفع سعر البترول هو السبب ..وتوقعت ان تكون رده الفعل لن تكون فوريه
والموضوع اكبر من الشاي الاحمر او الكرك ..وسنشهد ارتفاعات جديده
في ظل الصمت المطبق من قبل حمايه المستهلك ..

رفع سعر البترول .... سيستغل ذريعه من التجار لرفع الاسعار ...
ولا تجارنا يربحون من 100% الى 300% ويمكن اكثر

واذا حماية المستهلك غافله عن دورها ...هل الناس مب قادره انها تحمي نفسها بنفسها .....

[البدع]

رفع سعر البترول محليا ليس له علاقة

رفع اسعار النفط عالميا هو السبب

[هدهد سليمان]

كنت با طالب برفع المعاشات
او دفع الديون..
لكن بعد هالرد العجيب..
تسمح لي..
ان اطلب نقل الموضوع
للاستراحة..
اذا ما يسبب لك هالطلب عدم "راحه":shy:

انت طالب .. وعقب يصير خير :)

[غزلان]

رفع سعر البترول .... سيستغل ذريعه من التجار لرفع الاسعار ...
ولا تجارنا يربحون من 100% الى 300% ويمكن اكثر

واذا حماية المستهلك غافله عن دورها ...هل الناس مب قادره انها تحمي نفسها بنفسها .....



:ok:

لونسوي مثل لكويت يوم ارتفع سعر الطماط اسبوع والتجار منزلين سعره

[عزوز المضارب]

رفع سعر البترول محليا ليس له علاقة

رفع اسعار النفط عالميا هو السبب

غير صحيح اخوي البدع
في 2008 كان سعر النفط عالميا 150 دولار
والسعر اليوم اقل بكثير ؟؟

[عابر سبيل]

خلاص هونت يا هدهد سليمان...
نبيهم يمشون علاوة (مواطن)
لكل ابن او بنت من اول يوم
لين 18 سنه..
زين
*
*
،،

عموما..
توني شارب شاي حليب
من (صندقه) حوالين مستشفى حمد
و دافع اريال واحد..و الحمد لله..

و لا غرشة الماي في ستار بوكس
على 5 ريالات..و الشايمع حليب..
داخل كانتين مستشفى حمد
على ريالين من زمااان..
و هلم جرا!

فالمسألة..ما اشوف فيها
اي رابط منطقي في الطرح..
و السموحة منك يا خوي (البدع)

[البدع]

عابر سبيل

كتبت كما وصلني

ولعلمك مطعم بيروت الشاي برياليين

[العضو العتيج]

سيتوصل عن بيعه

!!!!! هل كيف؟

[هدهد سليمان]

خلاص هونت يا هدهد سليمان...
نبيهم يمشون علاوة (مواطن)
لكل ابن او بنت من اول يوم
لين 18 سنه..
زين
*
*
،،

عموما..
توني شارب شاي حليب
من (صندقه) حوالين مستشفى حمد
و دافع اريال واحد..و الحمد لله..

و لا غرشة الماي في ستار بوكس
على 5 ريالات..و الشايمع حليب..
داخل كانتين مستشفى حمد
على ريالين من زمااان..
و هلم جرا!

فالمسألة..ما اشوف فيها
اي رابط منطقي في الطرح..
و السموحة منك يا خوي (البدع)

مب الكل يروح ستاربكس ولا الكل يشرب من شاي كانتين مستشفى حمد :) .. هذا مب مقياس للوضع الحالي مع ان اوبرا الشاي ما اذكر بكم لكن الرقم يفوق 15 ريال لا وبعد ماصخ !

ما يقصده اخوي البدع انها بداية الغلاء الذي سيحدث ان لم يحدث بالفعل .. بارك الله فيك ..

[هدهد سليمان]

عابر سبيل

كتبت كما وصلني

ولعلمك مطعم بيروت الشاي برياليين

الى اخابره ان صحن الحمص على خمس ريال والشاي مجاني .. الفترة الصباحيه .. الظاهر اني عايش العصر القديم ولازم تحديث !!:shy:

[M!ss_P!nk]

الله يخلي سكر الحكومه و حليب التموين

بعدين شهالدلع حتى الشاي الاحمر تشربونه برا .. كله ماي و ليبتون و سكر

و اللي مستغليه الصراحه لا يشرب لانه يضر اكثر ما ينفع :)

[البدع]

الى اخابره ان صحن الحمص على خمس ريال والشاي مجاني .. الفترة الصباحيه .. الظاهر اني عايش العصر القديم ولازم تحديث !!:shy:

الصحن ب 8 ريال

والشاي بريالين

( الا اذا قصوا علي )

[دااانة قطر]

مب الكل يروح ستاربكس ولا الكل يشرب من شاي كانتين مستشفى حمد :) .. هذا مب مقياس للوضع الحالي مع ان اوبرا الشاي ما اذكر بكم لكن الرقم يفوق 15 ريال لا وبعد ماصخ !ما يقصده اخوي البدع انها بداية الغلاء الذي سيحدث ان لم يحدث بالفعل .. بارك الله فيك ..



حتى البتيل واللي فرااانس:anger1:

[بطل الفريج]

كل شئ صار غالي اله الانسان كل ماله يرخص

[الجنرال2]

أخوي متأكد والا إشاعة لحد يعلم بوحارب اللي فيه كافيه ههههه

السمبوسه طارت بعد ...:rolleyes2:

سندويش البيض بثلاث ريال ...ليش لا في سكر ولا البيض مرتفع سعره عالميا ..:eek5:


يا إخوان حماية المستهلك وين ؟

[Dawn]

شي طبيعي بعد رفع سعر البترول ...

اصلا متوقع زياده قريبه في الاسعار .. لان التجار يستخدمون البترول في توصيل السلع .. ومن المنطق ان يحسبوا حساب هذه الزياده ويضعوها حجة لارتفاع الاسعار..

[شيط ويط]

ما اشرب شاي واجد .. واذا قررت اشرب خارج البيت .. فالمتعارف عليه اني انعزم .. :secret:

[قناص الخليج]

اشرب بالبيت مافي احلى منه

والسكر من التموين ^_^

[بوخالد911]

للحين الكرك ب 1
ولله الحمد

[الشقيان]

:eek5::omg::eek5:

[جفى الجوارح]

انزين اذا باجيب اقلاصي معاي وباشربه بدون سكر ؟

[meme~qatar]

وهل يضير الشاة سلخها بعد ذبحها

[jeep-srt8]

هو اصلاً بريالين ؟؟؟؟؟

الكورنيش والبندر يعني ممكن يصير سعر الكرك والشاي 3 ريال ؟؟؟

الله يخلي الوالده بس