ناخذها بالمنطق .. فعليا كيف حالك ياقطري ؟ ( دعوة للي يقولون أنه يتفشخر )

[alkhaleje]

بناخذها بالعقل والمنطق
وبالأرقام الصحيحة
والحسبة التي لاجدال فيها
أولا : قطر بلد بدأ ينقسم إلى شريحتين ، واحدة بدأت في السقوط في الهاوية ، والأخرى بدأت ترتفع بشكل كبير جدا . ولذلك الحديث هنا عن الشريحة السفلى التي تعاني والتي ( لم ولن يشعر بها أصحاب الشريحة العليا ) والذين في حقيقتهم ( لم ولن يصدقوا مايقوله أصحاب هذه الشريحة عن أوضاعهم لأنهم يتوقعون أن جميع الناس مثلهم )
ثانيا : شاب جامعي عمره (22 سنة ) توظف حديثا بمعاش 15 ألف ريال يصرف منها 5 آلاف ريال ( ثياب – فواتير – عزايم – مخالفات ورسوم – حلاق - .. الخ ) طبعا هذا إذا كان لايعطي أبويه ولايصرف إلا قليلا ( يعني زطي ) ويبقى منها (10 آلاف ريال) كيف يمكن أن يوجد الأمور التالية :

ماقبل الزواج :
1- تكلفة الزواج + شهر عسل ( لاتقل عن 200 ألف ريال ) طبعا قليل ولكن نأخذ أقل تقدير
2- تكلفة شراء السيارة ( لاتقل عن 100 ألف ريال ) طبعا قليل لكن ناخذ أقل تقدير
3- تكلفة تجهيز منزل الزواج من أثاث وخادمة (100 ألف ريال ) طبعا قليل لكن ناخذ أقل تقدير
لا أريد أن أذكر أمور أخرى أكتفي بمبلغ (400 ألف ريال ) مطلوبة من أي شاب يريد أن يبدأ حياته .. السؤال .. كيف يدبر هذا المبلغ ؟ طبعا سلفية .. لاخيار آخر .. السلفية في 400 ألف ريال من مصرف قطر الإسلامي أي قسط شهري لايقل عن 7000 ريال . لنكمل

بعد الزواج :
تزوج أخينا الزطي ، وصار عليه دين شرعي ( مش فشخره ) 7 آلاف ريال قطري شهريا + 5 آلاف مصرف له = 12 ألف ريال .. زاد راتبه 4000 علاوة زوجية ، صار الباقي من راتبه بعد السلفية هو ( 19 – 12 = 7 آلاف ريال ) وأصبح لديه الإلتزامات التالية :
1- خادمة واحدة ( بدون دريول يخسي يجيب ثنتين عشان محد يقول عنه يتفشخر ) 750 ريال
2- خضرة وسمك 250 ريال هههههههه حلوه 250 ريال
3- عدد 3000 ريال أغراض جمعية ( يعني انسى يشتري خروف ب1200 ريال عشان محد يقول عنه يتفشخر )
4- أمه وأبوه وخوانه الصغار قلنا مايعطيهم عشان مايتفشخر ، لكن زوجته ضروري يعطيها أقل شي شهريا 1000 ريال تشتري غراضها .
5- سيارته طبعا ماتخرب ، ولا يوديها تشييك للشركة عند عبدالغني اللي مبطل حلجه، لكن طبعا مضطر يبدل زيت وتواير وغسيل وبترول فيكون مصرفها تقريبا 1000 ريال شهريا .
6- طبعا مستشفيات خاصة مايروح عشان ( مايتفشخر ) ولايودي عياله مدارس خاصة ، ولايحط لهم مدرسين ، بس يشتري لهم ثياب ومصاريف مدرسة وعيد وغيرها بمعدل 1000 ريال شهريا . طبعا يخسي يجيب أكثر من ولد هو واحد بس عشان مايتفشخر .

خلاص خلصت الفلوس !!
هذا السينير .. كبار الموظفين ؟ كيف الموظف العادي ؟
هل فيه شيء من الكلام اللي كتب اعلاه غير صحيح ؟ غير منطقي ؟ كل ماذكر هو بأقل تقدير وهي أرقام بعيده عن الواقع الحقيقي اللي هو أكثر من كذا بكثير .
مثل هذا الشاب كيف يقضي بقية الشهر ؟
كيف لو خرب جهاز كهربائي في البيت ؟ او تعطلت سيارته ؟ او جاه ضيف ؟ وكيف يسافر ؟ وكيف يتمشى ويرفه عن عياله ؟ وكيف يدبر أموره بدون دريول وسيارة ثانية ؟ وكيف يدفع فلوس الروضه وطلبات المدرسات ؟ كيف يقدم هدية لزوجته أو يشتري لعبه يبكى ولده عشانها ؟ كيف لو كان عنده أكثر من ولد وبنت؟ وش يسوي لو ماحصل العلاج المطلوب في المركز الصحي أو ماحصل موعد عند دكتور الاسنان المجاني؟ كيف بيدفع عنيه لأخوة اللي يبي يتزوج ؟ وشلون بيزيد فلوس ويبني بيته مع قرض مايساوي نصف قيمة البناء الحقيقه؟

اللي يقول القطري يتفشخر معذور
لأنه يشوف القطريين لابسين نفس ثوبه ونفس غترته ونفس العقال بقيمة اجمالية لاتتعدى (1000 ريال ) لكن اللي في البيت شيء ثاني ،اللي في البيت أمور تسببت بطلاق الزوجة وتردي مستوى التعليم عند الأطفال وزيادة الأمراض النفسية والجسدية عند الآباء .

الله كريم !

[مالي ومال الناس]

, , , ,

والله انك صدقت بكل كلمه

[بو رااكان]

الله يعين ويعاون

[مشتاقة لقطر]

100%

هذا وهو زطي مو ملحق

[بوحارب]

:weeping:

[بن مسلم]

والله انك جبتها علي الجرح

[(بوطلال)]

اخوي اذا كان يوفر من 15000 ريال مبلغ 10000ريال على قولتك مب لازم ياخذ سلفيات .يجمع المبلغ لمدة 4سنوات بيستوي عنده نص مليون يبداء فيها حياته بدون ديون . مب لازم من اول يوم يشتغل يتزوج وماشالله شبابنا اصغر واحد يتزوج وعمره 26وفوق .المهم انه يقدر يوفر مب يصرف معاشه على المواتر والارقام والسفرات والعزايم .لازم نتعلم التوفير .

[بوطويشم]

السلام عليكم

بيجيك واحد وبيقول ليش ماياخذ وحده على قده !!!

الله المستعان

[سما الوطن]

اخي تقول خلنا نتكلم بالمنطق والارقام
اوكي اسمح لي ان ارد عليك بالارقام
وليتسع صدرك لردي والله ما قصدي مو وراءه شي
اولا :
شاب عمره 22 وراتبه 15 يصرف 5 الالاف ريال على نفسه
ليه عاد 5000 ريال .... ماتحس انه المبلغ مبالغ فيه؟؟
الشاب اللي يحس بالمسؤوليه وانه عنده التزامات بالمستقبل ما يصرف اخوي 5000 ريال
المقيم 5000 ريال يفتح به بيته طول الشهر

ثانياً
لنفرض كما تقول ان تكلفه العرس 400 الف ..وبيضطر ياخذ قرض
ليه ما فكر ما دام هو عمره 22 سنه ويتبقى من راتبه 10 الالاف يعني بالسنه 120 الف لو تجمع لاربع سنوات وبعدها تزوج لكان عنده 480 الف يعني تزوج وعمره 26 وبدون اي قرض

والله اخي ما اظنك تتكلم على الطبقه الهاويه كلش

[بن مسلم]

اخوي اذا كان يوفر من 15000 ريال مبلغ 10000ريال على قولتك مب لازم ياخذ سلفيات .يجمع المبلغ لمدة 4سنوات بيستوي عنده نص مليون يبداء فيها حياته بدون ديون . مب لازم من اول يوم يشتغل يتزوج وماشالله شبابنا اصغر واحد يتزوج وعمره 26وفوق .المهم انه يقدر يوفر مب يصرف معاشه على المواتر والارقام والسفرات والعزايم .لازم نتعلم التوفير .

بيمع حق سياره ولا بيمع حق بيت ولا يمع زواج ليكون راتبه 50 الف

تكلم بواقعيه اذا الله معطك خير غيرك ماعنده بس الحياة صارت صعبه

والحل : انه الدوله تزيد مساعدة الزواج بدال 10الاف او 15 الاف يخلونها 70 الف
او 80 الف

يبنون بيوت ويعطونهم بدال هالمليون ونص الا ماتيب لك فيها حتي ارض

[مخطط قطري]

ماتكفي شنهي 15 الف تكلمو بالمنطق مايبي يسافر مايبي يوسع خاطره كيوتل مبطله حلجها
ضيفان عنده يبي يعطي ابوه الي ماقصر وياه يبي يشارك في ميره البيت
وليش يقعد يجمع 4 سنوات خير ؟؟؟ هندي ولا بنغالي مع كامل احترامنا وتقدرينا للهندي والبنغالي البلاد فيها خير وايد
اذا راتبه 30 الف اوكي يوفر 10000
انا اول يوم في الشهر اسحب 10000
معاشات صبيان وخدامه وكيوتل ومصاريف بيت
الاول 10000 مبروكه و15 الف الحين استغفرالله مادري لو عندك 100 الف ماتحس انها وايد:)÷

[عبدالله qp]

مشكور على الموضوع
نقدر نقول هذا الموضوع متكرر بس من زوايا مختلفه و زبدة الموضوع
الشعب يريد تسديد الديون
لو تشوف نظرة المديون اذا سمع عن تسديد الديون حتى لو اشاعه
تنبض فيهم الحياة من عقب ماهم ذابلين من الزمن
انا اعرف واحد من يوم ما وعيت على الدنيا وهو مديون للبنك ويسدد لين اللحين وهو عمره ٤٧ وهو يسدد للبنك
*

[i.qatar]

الله يعينك على الفئة اللي ( الفشخره ) حلال عليها وحرام على غيرها
بتشوف ردود ترفع الضغط بس لا يرتفع وايد على شان لا يقولون فشخره بعد

[HAMADZ]

جبتها على الجرح وكنك مادريت
وأخواني التجار الموضوع مب لكم عشان تردون أتكلم عن البعض ويعرفون نفسهم .

[لطآم]

الله يعطيك العافيه يالغالي على الموضوع
بس تبي الصدق كلام فالهواء بيني وبينك
وبعض الاخوان الله يجزاهم خير فيهم حسد
مب طبيعي عشان كذا ربي مهوب مبارك فالديره
حتى المطر بالحسره سبحان الله
كله من اللي بين الضلوع في بعض البشر
بس الحمدلله على كل حال وربك كريم يالغالي

[مساهم بسيط]

اي والله ياخوك جبتها على الجرح وانا لين الحين اسلف عشان علاج بنتي الى مب راضين يعالجونها على حساب الدوله سلفيتي اوصلت 430 الف بدون الفوايد هذا

[R 7 A L]

والله العظيم انك صادق



القطري بالمختصر طول الشهر وهو يتصارع مع المصروف والديون واول يوم من الشهر مبسوط من الراتب وثاني يوم من الشهر يرجع الصراع مرة أخرى حتى نهاية الشهر.

[الـقـاسـي]

اشهد انك صادق وبعدين الـ 5000 والله ماتكفي اللي على قده ومايسافر ومايشتري ومايرفه عن نفسه ..
يعني تبون الواحد من اول مايشتغل لمده اربع سنين وهو يجمع في هالراتب وضاغط على نفسه عشان ماياخذ دين مب معقوووله ..

[ملاك]

انقسمنا ما بين معارض وبين مؤيد

لكن يا جماعه الله عرفناه بالعقل من ذي اللي بيجمع وعمره 22 ولا 23 ؟؟؟!!!

ترى توه صغير ويده مفتوحه ووده يسوي كل اللي في خاطره يعني من ذي اللي يقدر يحرم نفسه والفلوس اتجمع في البنك ؟؟!!!

اللي الله فاكه من هم الدين ياحمد ربه وعن الحسد يا تقولون كلمه فيها خير ولا تاكلون سد الحنك احسن لكم

[LED]

اشهد انك صادق وبعدين الـ 5000 والله ماتكفي اللي على قده ومايسافر ومايشتري ومايرفه عن نفسه ..
يعني تبون الواحد من اول مايشتغل لمده اربع سنين وهو يجمع في هالراتب وضاغط على نفسه عشان ماياخذ دين مب معقوووله ..


5000???? والله انك صادق

للخدامه والوالده الله يطول في عمرها بتعطيها مبلغ واخوانك الصغار كل واحد مبلغ

على قده يونس عمره لانك الوحيد الللي يشتغل واذا داوم وما عنده موتر يتم يجمع وشلون

يروح الدوام ؟ ابي احد يجاوبني شلون اروح الدوام اذا انا من اهل الوكره ودوامي في لفان مثلا؟؟

اقول مب ذابح هالمديونين المساكين غير اللي ابوه يزوجه بمهر 500 الف والدزه بنتلي

ويصيف في لندن وباريس ويصرف بالملايين في الصيف وعقب يرجع اهني في المنتدى ويقولك

واللي حارم نفسه والي والي والي ترا في احد الردود في موضوع قديم لاح الاخوا الله يجزاه

خير تكيلم عن السقاط الديون دخل عضو وقال ليش يسددون الديون عنهم وانا اللي حارم نفسي

من كل شي لا موتر عدل ولا عرس وقاعد اجمع وللاسف طلع رجال انعرفه وكل سنه في لندن

وفينا وموتره يقول الزود عندي والله يخليله الوالد بس حركات لفت نظر واخرتها المسكين

المديون اللي يتعب .. انا ولله الحمد مب مديون وعايش في خير وفي نعمه لكن اشوف اللي

حولي والله اتمىن لهم سداد الديون وصدقوني محد منهم بيرجع للبنوك الربويه لو شنو يصير

اتمنى من اخوانا التجار واللي ربي رازقهم ومنعم عليهم يتقون الله في اخوانهم ويقولون الحمد

لله ترا النعمه زواله يا ما عالم مليارديريه والحين حتى الخبر مب محصل ياكله وما ابي اذكر

امثال موفقين وتحياتي للجميع والله يفرج كربة كل مديون يارب العالمين قولوا ... آمين

[impossible]

والله صدقت.. انا حتى اخواني السينير اللي معرسين لين جا نص الشهر ماعندهم فلس.. الوالد الله يحفظه يساعدهم في المصروف.. بس اعتقد المشكلة ممكن تنحل الا اذا فعلا الزوجة ساعدت وشلت مصاريفها ومصاريف الشغالات (750 + 750) والدريول (1000) والماجله (2500).. يعني 5000 تكون مساهمة الزوجة في البيت.. غير مصاريفها.. بجذي يكون الزوج مسؤول عن مصاريف العيال (لبس - مستشفيات - العاب - حليب..) والمصاريف الثانية (السيارة - الفواتير - اي شي خربان في البيت - الديون..)

[مشعل 111]

بصراحه

في كم عضو اشوفهم سجلو يوم كثرت مواضيع الديون والناس تبي تفضفض عالاقل شوي

والله العظيم اشوفهم كأني اشوف المرتزقه الي بليبيا احسهم نفس الطريقه

حسبي الله ونعم الوكيل في كل من كان مايتمنى الخير لاهل قطر وشعبها الغالي

[chillis]

بناخذها بالعقل والمنطق
وبالأرقام الصحيحة
والحسبة التي لاجدال فيها
أولا : قطر بلد بدأ ينقسم إلى شريحتين ، واحدة بدأت في السقوط في الهاوية ، والأخرى بدأت ترتفع بشكل كبير جدا . ولذلك الحديث هنا عن الشريحة السفلى التي تعاني والتي ( لم ولن يشعر بها أصحاب الشريحة العليا ) والذين في حقيقتهم ( لم ولن يصدقوا مايقوله أصحاب هذه الشريحة عن أوضاعهم لأنهم يتوقعون أن جميع الناس مثلهم )
ثانيا : شاب جامعي عمره (22 سنة ) توظف حديثا بمعاش 15 ألف ريال يصرف منها 5 آلاف ريال ( ثياب – فواتير – عزايم – مخالفات ورسوم – حلاق - .. الخ ) طبعا هذا إذا كان لايعطي أبويه ولايصرف إلا قليلا ( يعني زطي ) ويبقى منها (10 آلاف ريال) كيف يمكن أن يوجد الأمور التالية :

ماقبل الزواج :
1- تكلفة الزواج + شهر عسل ( لاتقل عن 200 ألف ريال ) طبعا قليل ولكن نأخذ أقل تقدير
2- تكلفة شراء السيارة ( لاتقل عن 100 ألف ريال ) طبعا قليل لكن ناخذ أقل تقدير
3- تكلفة تجهيز منزل الزواج من أثاث وخادمة (100 ألف ريال ) طبعا قليل لكن ناخذ أقل تقدير
لا أريد أن أذكر أمور أخرى أكتفي بمبلغ (400 ألف ريال ) مطلوبة من أي شاب يريد أن يبدأ حياته .. السؤال .. كيف يدبر هذا المبلغ ؟ طبعا سلفية .. لاخيار آخر .. السلفية في 400 ألف ريال من مصرف قطر الإسلامي أي قسط شهري لايقل عن 7000 ريال . لنكمل

بعد الزواج :
تزوج أخينا الزطي ، وصار عليه دين شرعي ( مش فشخره ) 7 آلاف ريال قطري شهريا + 5 آلاف مصرف له = 12 ألف ريال .. زاد راتبه 4000 علاوة زوجية ، صار الباقي من راتبه بعد السلفية هو ( 19 – 12 = 7 آلاف ريال ) وأصبح لديه الإلتزامات التالية :
1- خادمة واحدة ( بدون دريول يخسي يجيب ثنتين عشان محد يقول عنه يتفشخر ) 750 ريال
2- خضرة وسمك 250 ريال هههههههه حلوه 250 ريال
3- عدد 3000 ريال أغراض جمعية ( يعني انسى يشتري خروف ب1200 ريال عشان محد يقول عنه يتفشخر )
4- أمه وأبوه وخوانه الصغار قلنا مايعطيهم عشان مايتفشخر ، لكن زوجته ضروري يعطيها أقل شي شهريا 1000 ريال تشتري غراضها .
5- سيارته طبعا ماتخرب ، ولا يوديها تشييك للشركة عند عبدالغني اللي مبطل حلجه، لكن طبعا مضطر يبدل زيت وتواير وغسيل وبترول فيكون مصرفها تقريبا 1000 ريال شهريا .
6- طبعا مستشفيات خاصة مايروح عشان ( مايتفشخر ) ولايودي عياله مدارس خاصة ، ولايحط لهم مدرسين ، بس يشتري لهم ثياب ومصاريف مدرسة وعيد وغيرها بمعدل 1000 ريال شهريا . طبعا يخسي يجيب أكثر من ولد هو واحد بس عشان مايتفشخر .

خلاص خلصت الفلوس !!
هذا السينير .. كبار الموظفين ؟ كيف الموظف العادي ؟
هل فيه شيء من الكلام اللي كتب اعلاه غير صحيح ؟ غير منطقي ؟ كل ماذكر هو بأقل تقدير وهي أرقام بعيده عن الواقع الحقيقي اللي هو أكثر من كذا بكثير .
مثل هذا الشاب كيف يقضي بقية الشهر ؟
كيف لو خرب جهاز كهربائي في البيت ؟ او تعطلت سيارته ؟ او جاه ضيف ؟ وكيف يسافر ؟ وكيف يتمشى ويرفه عن عياله ؟ وكيف يدبر أموره بدون دريول وسيارة ثانية ؟ وكيف يدفع فلوس الروضه وطلبات المدرسات ؟ كيف يقدم هدية لزوجته أو يشتري لعبه يبكى ولده عشانها ؟ كيف لو كان عنده أكثر من ولد وبنت؟ وش يسوي لو ماحصل العلاج المطلوب في المركز الصحي أو ماحصل موعد عند دكتور الاسنان المجاني؟ كيف بيدفع عنيه لأخوة اللي يبي يتزوج ؟ وشلون بيزيد فلوس ويبني بيته مع قرض مايساوي نصف قيمة البناء الحقيقه؟

اللي يقول القطري يتفشخر معذور
لأنه يشوف القطريين لابسين نفس ثوبه ونفس غترته ونفس العقال بقيمة اجمالية لاتتعدى (1000 ريال ) لكن اللي في البيت شيء ثاني ،اللي في البيت أمور تسببت بطلاق الزوجة وتردي مستوى التعليم عند الأطفال وزيادة الأمراض النفسية والجسدية عند الآباء .

الله كريم !

يخفف من امور الزواج مهب لازم شهر العسل يخليه باحد الدول العربيه او مكه احسن مكان :) ماظن بيكلفه شي وبعدين سيارات في اقل من 100 الف الكامري اقل وكل الامور يقدر يسويها بس بترتيب واعتدال ومنزل تاثيثه 100 ليش 50 الف تكفي لو بس بياثث الامر كله شوية ترتيب وبس والله يعينه ويصبره

[سما الوطن]

بيمع حق سياره ولا بيمع حق بيت ولا يمع زواج ليكون راتبه 50 الف
تكلم بواقعيه اذا الله معطك خير غيرك ماعنده بس الحياة صارت صعبه
يبنون بيوت ويعطونهم بدال هالمليون ونص الا ماتيب لك فيها حتي ارض

والله فكرتك ممتازه لو الدوله تبي البيت بدل ما تعطي المليون و 200 الف
بس تدري لو تطبقت هاي الفكره بتلاقي نص اللي يبنون موب راضين ... بيقولون ان البيت صغير ونبي اكبر و و و

اما مساله التجميع انا تكلمت بخصوص السيناريو اللي حطه ..اقلها يتزوج بدون قرض موب يتزوج بقرض 400 ولين الحين ما ابتدى يبني


الله يعينك على الفئة اللي ( الفشخره ) حلال عليها وحرام على غيرها
بتشوف ردود ترفع الضغط بس لا يرتفع وايد على شان لا يقولون فشخره بعد

اخي كل واحد وقدارته
اللي يقدر يفوشر خله يفوشر واللي ما يقدر ما لازم يفوشر وبتكون حرام عليه لو سواها


الله يعطيك العافيه يالغالي على الموضوع
بس تبي الصدق كلام فالهواء بيني وبينك
وبعض الاخوان الله يجزاهم خير فيهم حسد
مب طبيعي عشان كذا ربي مهوب مبارك فالديره
حتى المطر بالحسره سبحان الله
كله من اللي بين الضلوع في بعض البشر
بس الحمدلله على كل حال وربك كريم يالغالي

وليه ما يكون عدم سقوط المطر ناتج من اتهام الناس بالباطل هاي حسود وهاي ما ادري شو بس علشان ما يوافقنا بالراي
ليه ما يكون لاننا لا نحمد الله على نعمه ودائما نتشكى... الحمد لله لا يكون فقط بقول الحمد لله الحمد لله بدون ما نحس فيها
ليه ما يكون لان اغلبنا يتعامل مع البنوك الربويه ويستدين... بنظره هو يستدين لحاجه وهي ليست كذلك بيت اكبر شوي من امكانيه القرض مال الدوله ..زواج بمصاريف نوعا ما عاليه وشهر عسل وو و ونسمي هذا ضروره ..كل هذا مع عدم تخطيط


اشهد انك صادق وبعدين الـ 5000 والله ماتكفي اللي على قده ومايسافر ومايشتري ومايرفه عن نفسه ..
يعني تبون الواحد من اول مايشتغل لمده اربع سنين وهو يجمع في هالراتب وضاغط على نفسه عشان ماياخذ دين مب معقوووله ..

طبعا وهذا المفروض
المفروض الواحد يخطط لحياته ويجمع موب اقول ليه اجمع ؟..وليه اضغط على نفسي. وبصرف 5000 ريال على نفسي فقط ( وليست مصروف البيت ) فقط لنفسي وبسافر و و و وبعدها اقول علي ديون

متخيل5000 ريال ريال يصرفها الشاب بس على نفسه؟؟؟؟؟


انقسمنا ما بين معارض وبين مؤيد
لكن يا جماعه الله عرفناه بالعقل من ذي اللي بيجمع وعمره 22 ولا 23 ؟؟؟!!!
ترى توه صغير ويده مفتوحه ووده يسوي كل اللي في خاطره يعني من ذي اللي يقدر يحرم نفسه والفلوس اتجمع في البنك ؟؟!!!
اللي الله فاكه من هم الدين ياحمد ربه وعن الحسد يا تقولون كلمه فيها خير ولا تاكلون سد الحنك احسن لكم
هنا دور التربيه
وبعدين شنو عمر 22 وتوه صغير؟؟
اللي يفكر بالطريقه اللي قلتيها الموفروض ما يتجاوز عمره 12 سنه والله
وبعدين عباره سد الحنك اللي قلتيها وان كانت تدل على مستواك بعد عيب تقولينها
اما تناقشي بالنقاش برقي او يمكن وصفتك ساعتها يصلح لك وعذرا






5000???? والله انك صادق

للخدامه والوالده الله يطول في عمرها بتعطيها مبلغ واخوانك الصغار كل واحد مبلغ

على قده يونس عمره لانك الوحيد الللي يشتغل واذا داوم اقول مب ذابح هالمديونين المساكين غير اللي ابوه يزوجه بمهر 500 الف والدزه بنتلي
ويصيف في لندن وباريس ويصرف بالملايين في الصيف وعقب يرجع اهني في المنتدى ويقولك

واللي حارم نفسه والي والي والي ترا في احد الردود في موضوع قديم لاح الاخوا الله يجزاه
آمين

اخي فعلا بتلك الحاله التي قلتها 5000 لم يصرفها على نفسه بل شارك اهله بها والاخ صاحب الموضوع لم يقل ذلك قال انه يصرفها على نفسه ولا يشارك الاهل بها بشي
الموضوع يفرق

وبعدين اخي كيف تحكم على اللي يقول اني حارم نفسي وما تدينت انه يكذب وانه ابوه زوجه ويسافر لندن ويصرف بالملايين؟
معليه بس عذرا لما حد يختلف معكم بالراي لا تتهمونه اما كذاب او حاسد او موب قطري بس لانه يرى ان كل انسان يجب ان يخطط لحياته بشكل صح

والله صدقت.. انا حتى اخواني السينير اللي معرسين لين جا نص الشهر ماعندهم فلس.. الوالد الله يحفظه يساعدهم في المصروف.. بس اعتقد المشكلة ممكن تنحل الا اذا فعلا الزوجة ساعدت وشلت مصاريفها ومصاريف الشغالات (750 + 750) والدريول (1000) والماجله (2500).. يعني 5000 تكون مساهمة الزوجة في البيت.. غير مصاريفها..


وكيف يدبر أموره بدون دريول وسيارة ثانية ؟ !
اخي ليه خدامتين و سياره ثانيه وهو توهم معرسين؟؟

مره اخرى لا تفسروا كلامي على انه ضد تسديد الديون التي كانت للضروره كمرض وحريق و و
ولكن مع التخطيط السليم
مع تحمل المسؤوليه
مع النقاش بدون تجريح واتهامات لا معنى لها

[أرج ــوآنه]

،



كيف لو خرب جهاز كهربائي في البيت ؟ او تعطلت سيارته ؟ او جاه ضيف ؟ وكيف يسافر ؟ وكيف يتمشى ويرفه عن عياله ؟ وكيف يدبر أموره بدون دريول وسيارة ثانية ؟ وكيف يدفع فلوس الروضه وطلبات المدرسات ؟ كيف يقدم هدية لزوجته أو يشتري لعبه يبكى ولده عشانها ؟ كيف لو كان عنده أكثر من ولد وبنت؟ وش يسوي لو ماحصل العلاج المطلوب في المركز الصحي أو ماحصل موعد عند دكتور الاسنان المجاني؟


،



في هذه الحآله يتدين من دين في دين واذا جاء الراتب توزع على الديون،،
ولم يبقى لزوجة مصرف ولا للخادمه راتب ولا للملتزمات اليوميه مصرف،،
وتدب المشآكل بالبيت،،

وللذين يقولون ان هذا الشاب مبآلغ في صرفه..!!
ليس بيده هذا الشاب لآنه يعيش في مجتمع يفرض عليه هذه الشكليات التي تعني لهم الشي الكثيييير،،

للعلم: راتب القطري قد يكون آكثر من روات آهل الخليج الا انه آكثر ديناً،،
ولا يوجد بركه،،

الله المستعان،،

[mohad00974]

ماحد حسب الإيجار الشهري للبيت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[meme~qatar]

الله يعين اهل قطر

ومع ذلك منظولين

قال زبو وفشخرة

هذا الزطي جذي
شلون لو كان كريم؟؟؟

وبالنسبة للخضرة والسمج 250 ريال
مب جنك حطيت رقم خطأ
اذا سمج حق يوم الجمعة بس بيكلفك مش اقل من 300 او 400 ريال
والخضرة بروحها بتكلفك شهريا انت وزوجتك وولديك الوحيد يالزطي << حتى في اليهال زطي
مش اقل من 500 ريال

هذا لانه زطي

[بـــــــنت النوخـّــــذه]

بناخذها بالعقل والمنطق
وبالأرقام الصحيحة
والحسبة التي لاجدال فيها
أولا : قطر بلد بدأ ينقسم إلى شريحتين ، واحدة بدأت في السقوط في الهاوية ، والأخرى بدأت ترتفع بشكل كبير جدا . ولذلك الحديث هنا عن الشريحة السفلى التي تعاني والتي ( لم ولن يشعر بها أصحاب الشريحة العليا ) والذين في حقيقتهم ( لم ولن يصدقوا مايقوله أصحاب هذه الشريحة عن أوضاعهم لأنهم يتوقعون أن جميع الناس مثلهم )
( او ربما يتجاهلونهم ) ,,,<<<اسمحلي اضفت هالجمله:discuss:

الله كريم !

اكثر العبارات الي شدتني في موضوعك

بصرف النظر عن مفهوم الزطي والقصد من وراءه وبصرف النظر عن تكاليف الزواج ولكن الكلام الي اخترته من اقتباسك كبيـــــــــــــــــــــــــــــــــر كبير كبير وواقعي

سؤالي: متى دخل هذا الانقسام المجتمع القطري؟؟ ولماذا ؟ وماهو الحل ؟
سلام (ن) عليكم :)

[R.S.C]

:( الله يسهل ويمشي أمور شبابنا في قطر
والله حال كثير من الناس يحز بالخاطر

[mr_qtr]

:cry2:



:anger1:
الله كريم

[الـراسي]

الحمد لله الدولة بخير ونعمة ولا عليها اي قصور

لكن اللي يحز في الخاطر 20 مليون دولار راتب شهري لمدرب المنتخب لا ومب عاجبه المدرب

ليش مب الشعب اولا هذا الشي ما يقهر الواحد ما نبي زيادة ولا شي رجعوا الاسعار مثل اول

[حبر سري]

الحمد لله الدولة بخير ونعمة ولا عليها اي قصور

لكن اللي يحز في الخاطر 20 مليون دولار راتب شهري لمدرب المنتخب لا ومب عاجبه المدرب



قواك الله يالراسي
وكلامك على راسي:nice:

بس كن المعلومة اللي كاتبها انت جايبها من عندك؟
ولا انا غلطان؟

[مالي ومال الناس]

, , , ,

بحسبه بسيطه 9 مليون شهرياً , بعد يعتبر مبلغ ضخم

وتبذير للمال العام

[الحجاجي]

بيت بأختصار ..

لا يسهر الليل إلا من به إلم

ولا تحرق النار إلا رجل واطيها

/

محـد رايح يحس إلا المجرب


/

وعزة النفس تخلي الكل ساكت
من هالمصاريف والغلاء والحالة ..

/


اللي يضحك أن اللي يردون يحسبونها بارقام

وينسون أن الأنسان بني أدم له مشاعر واحاسيس
ومن حقه يعيش ما نقول برفاهيه ، على الأقل من دون هم آخر الشهر
والقسط ، والعيال والمستقبل الغامض ..


يا جماعه ..

أي منطق يقول أن الشاب ذو 22 سنـة
يصبر ويتم يجمع الريال فوق الريال عشان العرس ؟

طيب خلال الـ 4 سنوات كيف راح يعيش ؟


في الأخير
الله المستعان ..

[باحث علم]

لحظه
ايش السبب اللي يخلينا مانعيش في رفاهية؟؟
اذا سمو الأمير بنفسه هذا مطلبه ( ان يعيش المواطن في رفاهية ) وهذي الجملة تكررت كثيرا
من هم الذين يمنعون أن يتم تطبيق هذا المطلب وهو ( حق ) للمواطن في دولة مثل قطر ؟

غريب أمر البعض صراحة !!

[الـراسي]

قواك الله يالراسي
وكلامك على راسي:nice:

بس كن المعلومة اللي كاتبها انت جايبها من عندك؟
ولا انا غلطان؟

تكفيك جريدة الشرق عندنا ولا مشكوك في مصداقيتها

شف الرابط سنويا 30 مليون دولار مب شهرياً العفو

http://www.al-sharq.com/articles/articles.php?p=2&catId=18&subCatId=&date=2011-02-24

[غير البشر]

يخفف من امور الزواج مهب لازم شهر العسل يخليه باحد الدول العربيه او مكه احسن مكان :) ماظن بيكلفه شي وبعدين سيارات في اقل من 100 الف الكامري اقل وكل الامور يقدر يسويها بس بترتيب واعتدال ومنزل تاثيثه 100 ليش 50 الف تكفي لو بس بياثث الامر كله شوية ترتيب وبس والله يعينه ويصبره


صح كلامج
ومب لازم ياكل ستيك ياكل كلوب بحريني :rolleyes2:

[الـراسي]

صح كلامج
ومب لازم ياكل ستيك ياكل كلوب بحريني :rolleyes2:

بعد الكلوب البحريني غالي

مطعم السفير رخيص لحم ناشف يمدحونه بعد زاد سعره

[غير البشر]

بعد الكلوب البحريني غالي

مطعم السفير رخيص لحم ناشف يمدحونه بعد زاد سعره


هههههههههههههههه
شوف عشاي امس ما استحق يسقطون ديوني :weeping:


http://im.gulfup.com/2011-03-03/1299159913101.jpg (http://www.gulfup.com/)

http://im.gulfup.com/2011-03-03/1299159915252.jpg (http://www.gulfup.com/)

[الـراسي]

هههههههههههههههه
شوف عشاي امس ما استحق يسقطون ديوني :weeping:


http://im.gulfup.com/2011-03-03/1299159913101.jpg (http://www.gulfup.com/)

http://im.gulfup.com/2011-03-03/1299159915252.jpg (http://www.gulfup.com/)

تبي الصراحه حوش اكله كيما وبعد معها شطه اوف

[حبر سري]

تكفيك جريدة الشرق عندنا ولا مشكوك في مصداقيتها

شف الرابط سنويا 30 مليون دولار مب شهرياً العفو

http://www.al-sharq.com/articles/articles.php?p=2&catid=18&subcatid=&date=2011-02-24

اها

هذا العلم الصحيح ، كلامك انت كان غلط

والمبلغ فعلا خيالي ، ويقهر

لكن مافي داعي نزيد من عندنا علشان لحد يقول ان احنا نبالغ

ولا شرايك؟

[دانـة قطـر]

سأل امريكي عربي: ماهو حلمك الذي تنوي تحقيقه؟

العربي:ان يكون لدي عمل.. وأتزوج.. وأبني منزلا..

الامريكي:انا أتحدث عن احلامك وطموحاتك...وليس عن حقوقك :rolleyes2:

[chillis]

هههههههههههههههه
شوف عشاي امس ما استحق يسقطون ديوني :weeping:


http://im.gulfup.com/2011-03-03/1299159913101.jpg (http://www.gulfup.com/)

http://im.gulfup.com/2011-03-03/1299159915252.jpg (http://www.gulfup.com/)

كل هاللعشا وتبي اسقاط الديون اكلك ملوكي :(

[الـمـحـنـك]

الله يعين

معقوله عمره 22 وبيجمع علشان يتزوج وعمره 26

يسلام زين سياره اكيد بياخذها قرض لنه يبي حد يوصله ولا شرايكم ياخذ كروه

وزواج لو فيه دو من الدوله مساعدة زواج لا تقل عن 100 الف تعال قل لي عقب اناس تتفشخر

في ناس تتزوج وتشتري الي تبي ومورها طيب ...... وراتبهم كاااامل تدري ليه لنه يعرف افلان وفلان

ووساطه في كل مكان

يالله ربي يعين كل هل قطر بدون استثنا حد

علشان محد يزعل

تحياتي للجميع

[هبوب الكوس]

:weeping:

((امسح بمنديل الأمل دمعة الياس .. واسخر من أحداث الزمن بإبتسامه))

:)

[Qt.1]

الله كريم

[bu 3li]

احتكار = رفع اسعار .. من ياكلها ؟؟ الشعب طبعاً
اشاعات زيادة الرواتب = رفع اسعار .. من ياكلها ؟؟ الشعب طبعاً
اشاعات اسقاط الديون = رفع اسعار .. من ياكلها ؟؟ الشعب طبعاً

ويبونا نعيش بعد !! انزين نموت احسن ويعيشون اهل العيون الزرق والخضر بدالنا ويفتلون بـ خير البلاد احسن

ويضحكوني اللي يقولون شاب عمره 22 سنه لازم يجمع فلوسه 4 سنين وعقب يعرس ويسوي كل شي

انزين من يوديه شغله في هـ الفتره ؟؟ باص ولا يروح ركيض من الصبح !!!
شاب عمره 22 سنه في زمن الدمار اللي احنا فيه والفتنه .. يستر على عمره ويعرس ولا يلعب ؟؟ لحد يقول لي يخاف الله ومايلعب ومايسوي .. هـ الكلام ما عاد ينقال الحين لو قبل 10 سنين باقول معليه ( الا من رحم ربي ) عشان مانقول الكل نقول البعض

بعدين الحسبه اللي محطوطه ماشملت السكن .. مب كل من يقدر يعرس ويقعد في بيت هله
ياما شباب تعدوا الـ 20 سنه لكنهم يتشاركون مع اخوانهم فـ غرفهم هـ الفئه وين تروح ؟؟ عـ الاقل يبي له اجار 2500 كل شهر ( عشان محد يقول الاجار مبالغ فيه )
والله الحياه صارت صعبه وكاس العالم لي الحين ماقرب ولا شفنا مردوده علينا

صدقوني كل من يقرا كلامنا ويشوف ردودنا بيقول مصيبتنا مصيبه .. وجنه مشاكلنا مالها حل
لكن اتوقع الحل بسيط وفـ متناول اليد ومب محتاج كل هـ الكلام والتبرير والتفسير

- يثبتون الاسعار وينزلون من بعضها الـ مبالغ فيه
- يقطون ديون الشعب + ايداع مبلغ ولو 100 الف حق اللي ماعليهم ديون ( عشان مايقولون مظلومين بعد )
- يعطون الاولويه لـ الشاب القطري فـ التوظيف ويقشعون الاجانب
- المواطن يكون مخير بين البيت بعد التشطيب ( مواصفات بنك التنميه ) او ياخذ الـ مليون و 200 ويبني بروحه .. وبعدين ليش الواحد يدفع قريب الـ 4000 !! يدفع 600 بس والـ 600 الثانيه تتبناها الدوله كـ هبه او مساعده او مكرمه

بتقولون يحلم او ماعنده سالفه .. باقول لكم الدوله قادره ( وبكل اريحيه )

واخيراً وليس اخراً .. (( اصحاب الوثايق القطريه )) ينعطون جوازات - للي يستحقون وفعلاً مالهم غير قطر
امثال ابناء القطريات وغيرهم من اللي انولدوا وعاشوا على هـ الارض الطيبه .. وصدقوني بيمثلونها خير تمثيل



والسلام ختام ..

[tager811]

الف شكـــــــــــــــــــــــــــــــــر

[همسه]

المشكله ان التجار والميونيريه الهوامير الشبعانين اللي مب عارفين وين يودون فلوسهم مب هاين عليهم يشوفون اخوانهم القطريين مرتاحين بعد اسقاط ديونهم مع انهم حتى لو اسقطت ديونهم ماراح يتساوون وياهم بس على الاقل بيتحسن وضعهم وبترتاح نفسيتهم

في نظرهم ليش هذا يكون مرتاح الراحه بس حكر عليهم هم وباقي القطريين لازم يكونون فقارا حسد

ناسين ان المسلم الحق يحب لأخيه ما يحب لنفسه

بدال مايدعون لأهل قطر اخوانهم عيال ديرتهم بالخير واسقاط الديون ينادون بعدم اسقاط الديون متحججين كذب ان هم شذنبهم تسقط ديون غيرهم وهم عاشو بضيق ولا تسلفو عشان ماتكون عليهم ديون

لكن حسبنا الله و نعم الوكيل في كل حاقد و حاسد

وعسى يذوق ماذاقوه المديونين ويحس بهم الدين

الدين همه ياكل و يشرب مع المديون

حتى لاجى ينام فكره توديه و فكره تجيبه لين يغلبه النوم

خل يجربون الدين وعقب يجون يقولون لا لاسقاط الديون

اللي يطلب عدم اسقاط الديون ينام بطنه شبعان ويركب اغلى السيارات ويسكن بافخم قصور ويصرف بخبال على امور تافهه ويضرب الارض طول بعرض ولا مفتكر بغيره وليت بعد ساكت لا يتكلم ويعارض الفقارا في مطالبهم لحقوقهم

قطر بخير ونعمه الحمد لله

ولو اسقط ديون المواطنين وتم ايداع مبلغ في حساب كل مواطن بعد بتكون في خير و نعمه

بسكم حسد ولا حد يقول هذي اتهامات لا هذا الصدق حسد وعنزطه ماتبون غيركم مثلكم

الله كريم

الحمد لله ان رزق اهل قطر مب بيدكم ولا كان علوم

الله يسلم ابونا حمد و يطول بعمره

الله يديم علينا الامن والامان و راحة البال

وجعل قطر في خير اليوم و دوم

آمين يارب