العازل الحراري والضمان

[الـراسي]

السلام عليكم ورحمة الله وبركاته

انا ركبت عازل حراري من احد الشركات المعروفة بسعر 1600 ريال
وكان عليه ضمان 5 سنوات فركبت مثبت الجوال على الزجاج الامامي فتغير لون العازل الى اللون الاصفر مكان مثبت الجوال بقعة صفراء فرحت للمحل وقلتلهم السالفه فتخيل ايش الرد
قال ما نبدلك العازل على الضمان قلت ليش؟
قال الضمان يكون على ان العازل ما يتقشر فقط

زين السؤال اللي يطرح نفسه؟

1- وش الفايده من العازل الحراري وهل يعزل الحرارة صدق في الصيف؟
2- الفرق بين عازل الشركة والعازل في محل الزينه؟
3-الضمان ايش الفايدة منه ؟
4- هل فيه عملية نصب في اسعار العازل الحراري لدى الشركات؟

ارجو المشاركة وابداء الرأي في الموضوع

[عاشق الشهادة]

انا جربت عازل جونسون وجربت عازل كوري ينباع بالاحساء مافي فرق بينهم جونسون 2200 و الكوري 300 ريال ,
اتوقع هي حالة نفسية لان عازل الزينة بـ 300 ريال ماينفع عند البعض وعيب ؟
وعازل الشركات المتناثرة بطريق سلوى من 1500 وطالع هذا الي ينفع ويرفع الرأس ؟
وبالاخير كل واحد ينام على الجنب الي يريحة :)

[ولد الانصاري]

انا اشوف مافي فرق .. ادفع 300 ريال وغير كل فترة باللون الي تبيه

ولا تدفع 2000 او 3000 .. ويتم ع الموتر سنين

في شركة في طريق سلوى .. يركبون عازل وحماية بـ 4000 ريال واكثر ...

والصدمة اني شفت نفس الشركة .. في دولة مجاورة .. يركبون لك بـحدود 1000 ريال

قلنا فرق الايجار .. بس مب ترفع علينا 300%

ونفس ما قال اخوي .. عاشق الشهادة

كل واحد ينام على الجنب الي يريحة

والله يوفقك اخوي

[بوعمير]

إذا المحل الي ركبت عنده هو تيتانيوم فهذي حركاته خساس ونصب على العالم، الله يعوض عليك.

[Rider]

احسن من مخفي محلات زينة مافيه 100 او 150 ريال والسلام ومثل ماقال احد الاعضاء هي حالة نفسية بس يعني انا ركبت مع واحد مركب عازل ب 3000 ريال في الصيف الي طاف احس انه مافيه فرق

[Al-Kuwari]

افضل عازل هو عازل في كول

افضل عازل وبشهاده كل من جرب في كول وجرب غيره ولاحظ الفرق ..

بصراحه مب خساره فيه الـ 2000

[N7eEeS]

إذا المحل الي ركبت عنده هو تيتانيوم فهذي حركاته خساس ونصب على العالم، الله يعوض عليك.



اخوي تحط في ذمتك انه نصب على العالم!!
وانا اقراء كلامك اتصلت حق راعي المحل وسألته قال انبدل اذا تغير اللون.
واذا صار لك موقف معاهم ومحد انصفك على مايشهدون الموجودين ارسلي رقمك على الخاص واخلي راعي المحل براسه يكلمك ومالك الا طيبة الخاطر.
فمان الله

[nnoodd]

والله ياخوي جربت كل شي
احسن عازل اجوفه جونسون
هههه بس تدري حاط فموتري الثاني عازل بحريني والله مافي فرق
ركب مال الزينه والله ابركلك

[الـراسي]

الصراحه كلهم نصابين تدرون ليش

كم سعر العازل لما ياخذونه الشركات

كل انواع العازل نوعيه وحده من امريكا بس الشركات تختلف بس الخام واحد

وياخذونه برخيص ولكن يوهمون الناس بانه يعزل

وانت جرب بنفسك حط سيارتك بالشمس وشوف حرارة السيارة

اتحداء اي واحد اذا الموتر مب مولع نار

يعني ان محلات العازل تنصب على الناس

كم سعر العازل اذا خذيته من الشركة بدون تركيب؟


والصراحه المحل اللي ركبت عنده توتانيوم

[JoOoOoOoJ]

يالربع انا بقول كلمة حق وكلن حر في رايه بعد اذنكم ,,,

انا مركب عازل شركة (حماية protaction)
والله العظيم الموتر فرق وياي في الصيف بس ركبت نوع الفي اي بي ضمان 10 سنوات
واللون اسود والحمدلله صج صج فرق الوضع يعني صح في حراره بس مب نفس قبل ,,,
اول كنت السكان ماقدر ازخه من الحراره احين لا عادي والله ,,,

والله يوفقنا وياكم واشكرك عالموضوع الطيب

[الـراسي]

المشكلة في الحرارة الداخلية للموتر

اذا انا مركب عازل زيرو ما له اي داعي وحتى 30% بعد

والعزل ما راح يكون بالشكل المطلوب

[أبو الـمها]

هالشغله مقصه بمقصه والله العظيم وما عليك منهم

[الـراسي]

هالشغله مقصه بمقصه والله العظيم وما عليك منهم

والله انك صادق واكبر دليل لو تجيب عازل من برا بيركبونه لك محلات العوازل


يعني اشتر العازل من برا وركبه ارخص لك بكثير

[khalid 88]

انا برأي انك لو تركب اي نوع من العازل حتى الرخيص جدا راح يعزل الحرارة بنسبة معينة ما تستاهل تدفع مبلغ وقدره

هذا بحكم اشخاص ركبوه من السعودية وقالوا مافي فرق بين الشركات والسوق الرخيص الا شي لا يذكر

[الـراسي]

انا برأي انك لو تركب اي نوع من العازل حتى الرخيص جدا راح يعزل الحرارة بنسبة معينة ما تستاهل تدفع مبلغ وقدره

هذا بحكم اشخاص ركبوه من السعودية وقالوا مافي فرق بين الشركات والسوق الرخيص الا شي لا يذكر

كلامك صحيح100% اخوي خالد

[الحـ(درب)ـب]

إذا المحل الي ركبت عنده هو تيتانيوم فهذي حركاته خساس ونصب على العالم، الله يعوض عليك.



مايصير يالغالي ذكر اسم المحل (( لان صاحب الموضوع ماذكره وتجنب ذلك ))

[الحـ(درب)ـب]

ياجماعة الخير

العازل الحراري اللي تتكلمون عليه يختلف عن العازل الرخيص المتواجد بمحلات الزينه

مثلا نمسك v kool
نظرا لانتشارة الواسع

معروف على الفي كوول انه يعزل نسبة كبيرة للحرارة حتى اخ انواعه
والسبب
بوجود طبقات مختلفه ضمن الجلاد (( لذلك يركبونه بالحرارة ومحلات الزينه مايعرفون يركبونه ))

http://www.jamesrivertrade.com/jrte_images/aegis_vkool.gif

http://www.jayceooi.com/wp-content/uploads/2010/08/window-tint-levels.jpg


وهذي درجاته المختلفة ولكن احنا بالخليج نعكس الأرقام 5 % يعني خفيف عندهم 5% هو الأقوى


والضمان اللي يعطيك المفروض حتى لو تغير لونه ترجع له ويغيره لك بالغصب ^_^

[الحـ(درب)ـب]

^
^
طبعا هذي كلها وجهات نظري فقط

[snafi]

الصراحه انا اشوفسبب المشكله كانت في تركيب الموبيل على الزجاج, شوف النك الي في توقيعي وبتعرف كيف ممكن تركب جوالتك في الطبلون ويدون اي مشاكل وطبعا بدون ثقوب..