رايكم يهمني بماحصل من مكتب استقدام خادم من الغلطان ومن له الحق انا او هو ؟

[المتضرعه لله]

السلام عليكم ورحمة الله وبركاته

اخواني يعلم الله ضيقي واحتياجي لرايكم

تعاقدت مع مكتب ان يحضر لي خادم خبره

ولقيت خادم مشتغل بالخليج 9 سنين راتبه 1200 ريال

عطيت المكتب المطلوب وانتظرت بعد مدة شهر جاء الطباخ

اخذته قال الرجل المكلف باداره المكتب لك يامدام 3 شهور تجربه ان ما اعجبك رديه واخذي مستحقاتك

قلت طيب قال لا تسوين الاقامه قلت طيب

اخذته البيت وقلت لا تدخل المطبخ لين نخلص فحصك خلص الفحص ثالث يوم وطلع سليم ولله الحمد

قلت يالله نشوف شطارتك طلع الانسان لا خلفيه طبخ ولا حاجه انما يبيع بسوبر ماركت ويسوي سندويشات جبن وبيض
رجعته للمكتب

قال يامدام والله ما كنا نعرف قلت الوقت شهر وانا انتظر ومحتاجه الطباخ

قال حقك علينا يامدام بس عطينا مهله 10 ايام نحول كفالته

انتهت العشرة ايام

الو ياخ وش صار قال اوكي مدام تعالي اخذي المستحقات والفيزه ووقعي على بعض الاوراق

قلت صار لما جيت المكتب اتفاجا

توقيع بلاغ هروب خادم

كيف قال والله هرب الخادم كيف قال مالنا دخل هرب تغافلنا وهرب وبنيه سليمه سلمت زوجي الاوراق ووقع تبليغ هروب خادم

ورجعناها للمكتب على الاساس هو بيقدمها وبيستخرج لنا فيزه جديده

قال بس اسبوع يامدام حتى تكون الفيزه جاهزه قلت اللي صبرنا شهر يصبرنا اسبوع

اتصل ولا خبر ارسل رسايل ولا خبر

واتصل من تلفون ثاني ويرد ياخوي ايش صار قال الفيزه معلقه ليه ؟

الطباخ سلم نفسه لسفارته واحنا ماراح ندفع له تذكره سفارته تدفع له والفيزه ماراح تطلع الا بعد سفره

الحين رايكم لي ايش وكيف اتصرف وايش اسوي الصراحه احس اني كنت ضحيه لشخص ماعنده ذمه ولا ضمير

حد مر عليه موقف مثلي

وكيف تصرف انا احس اني بورطه مع مخادع

المكاتب كثرت ولا هناك تعديل لحاله مثل هالحاله او هالمشاكل كل يوم مكتب جديد

رايكم الله لا يهينكم

[مالي ومال الناس]

, , , ,

تتصلون بحماية المستهلك وتوضحون الغش التجاري اللي صار لكم وهذا رقمهم المجاني 8005000

وترفعون قضيه على المكتب ولو عندكم ورقه تسليم العامل للمكتب بتاريخ قبل الهرب يكون افضل

وربي يوفقكم ان شاءالله

[المتضرعه لله]

, , , ,

تتصلون بحماية المستهلك وتوضحون الغش التجاري اللي صار لكم وهذا رقمهم المجاني 8005000

وترفعون قضيه على المكتب ولو عندكم ورقه تسليم العامل للمكتب بتاريخ قبل الهرب يكون افضل

وربي يوفقكم ان شاءالله

شكرا

ما اخذت ورقه لكن عندي شهود والمكتب هو نفسه اللي قدم البلاغ بعد توقيع زوجي والخادم موجود بسفارة بلاده يعني يقدرون يحققون معه ان احنا سلمناه المكتب

والله راحت عن بالي اني اخذ ورقة تسليم

جزاك الله خير

[مالي ومال الناس]

شكرا

ما اخذت ورقه لكن عندي شهود والمكتب هو نفسه اللي قدم البلاغ بعد توقيع زوجي والخادم موجود بسفارة بلاده يعني يقدرون يحققون معه ان احنا سلمناه المكتب

والله راحت عن بالي اني اخذ ورقة تسليم

جزاك الله خير

العفو :nice:

[meme~qatar]

اخوي خدامته شردت
وهو اصلا كان ماخذها مرجعة من مكتب الخدم
والحاصل شردت عقب 5شهور من استلامها
ويوم راح الشرطة وقدم البلاغ قالوا له هذا ثاني بلاغ هروب لها
حيث كانت عند كفيل سابق وشردت منه وصادوها والكفيل ردها المكتب
ويوم اخوي طلب خادمة قالوا له عندننا وحدة مرجعة لان كفيلها السابق كان يسيء معاملتها وماقالوا له انها شاردة يعني نصب في نصب

والحين اخوي راح المكتب وهزأ راعي المكتب وقالهم مالي شغل فيها
وهذي مسؤوليتكم وردوا لي فلوسي حتى لو انتهت مدة الضمان ولا بشتكي عليكم

[Dawn]

اشتكي عند وزارة العمل لان مكاتب الخدم من اختصاصهم ...

وكل مازادت الشكاوي على مكتب ممكن يتسكر بسبب عدد المخالفات ...

[وحيد-الشوق]

اشتكي عند وزارة العمل لان مكاتب الخدم من اختصاصهم ...

وكل مازادت الشكاوي على مكتب ممكن يتسكر بسبب عدد المخالفات ...

اداراة العمل قسم تفتيش العمال

للأمانة انا جربتهم وماقصروا اشتيكت على مكتب الخدم الغشاش في الوكرة ورجعولي فلوسي

لاتقولين شسوي ووين اروح سيده روحي هناك وقدمي شكواج وان شاء بيرجع لج حقج

[الصريحه]

ماشرد ولاشيء
تلاقينه ودوه لناس ثانيين وهناك شرد وحطوا اللوم عليكم وخلوكم تتكفلون به لان اسم الكفيل راجع لكم
المفروض المكتب هو اللي يتحمل اللي صار لانكم رديتوه للمكتب ماهرب عندكم
الله يعينكم ويعينا
يبيلهم انظمه صارمه ورادعه
بس للاسف مافيه

[المتضرعه لله]

اخوي خدامته شردت
وهو اصلا كان ماخذها مرجعة من مكتب الخدم
والحاصل شردت عقب 5شهور من استلامها
ويوم راح الشرطة وقدم البلاغ قالوا له هذا ثاني بلاغ هروب لها
حيث كانت عند كفيل سابق وشردت منه وصادوها والكفيل ردها المكتب
ويوم اخوي طلب خادمة قالوا له عندننا وحدة مرجعة لان كفيلها السابق كان يسيء معاملتها وماقالوا له انها شاردة يعني نصب في نصب

والحين اخوي راح المكتب وهزأ راعي المكتب وقالهم مالي شغل فيها
وهذي مسؤوليتكم وردوا لي فلوسي حتى لو انتهت مدة الضمان ولا بشتكي عليكم

هم للامانه ردو من 2500 رجعوا 1960 ريال لكن قالوا الفيزه مانقدر معلقه لين يسفر الخادم لانه سلم نفسه للسفاره واعتقد ان المكتب هم اللي هربوه ولكان ماسلم نفسه لسفاره

حسبي الله عليهم

[المتضرعه لله]

اشتكي عند وزارة العمل لان مكاتب الخدم من اختصاصهم ...

وكل مازادت الشكاوي على مكتب ممكن يتسكر بسبب عدد المخالفات ...

وهذا اللي بيصير لان الوضع مايسكت عليه

[Roooo7 Qtr]

عندي احساس المكتب المقصود في المنتزه

[^NoOOoR^]

بلاوي الخدم كل مالها تزيد و الضحية هو الكفيل ..
نطلب خدامة ماشتغلت من قبل ولا عندها خبرة ،، يجيبونها مشتغلة سنين في الخليج وتعرف القوانيين أحسن منا ..
على كلامهم إن المكتب يقول لهم خلكم أوكى في الشغل لمدة 3 شهور وعقب سووا اللي تبون تسونه ..
المضحك المبكي خدامتنا اشردت قبل لا تكمل ثلاث شهور واسرقت بعد ذهب الوالدة حسبي الله عليها يعني قضيتين هروب وسرقة والقضية الثالثة شافوها ناس نعرفهم في مجمع تجاري وبلغوا وجات الفزعة او الخويا وامسكوها و ودوها مركز شرطة والمصيبة انها اشردت من مركز الشرطة بعد على حين غفلة مثل ما وصلنا الكلام منهم وقت الصلاة يعني 3 قضايا وتخيلوا .. عقب فترة كم من شهر يجي مسج على جوال الوالد خدامتكم غادرت البلاد !!!!!
اشلون سافرت وبدون علم الكفيل ..
ولما سألنا قالوا انها سلمت نفسها وكانت حامل والتذكرة كانت معاها ..طيب اشلون بدون ما تقولون لنا او تسالونها عن الذهب المسروق ..

مانقول غير حسبي الله ونعم الوكيل

[المتضرعه لله]

عندي احساس المكتب المقصود في المنتزه

والله مدري الشارع ايش هو بس اسمه لله بالاصل والاصاله الصراحه تحطيم

[المتضرعه لله]

بلاوي الخدم كل مالها تزيد و الضحية هو الكفيل ..
نطلب خدامة ماشتغلت من قبل ولا عندها خبرة ،، يجيبونها مشتغلة سنين في الخليج وتعرف القوانيين أحسن منا ..
على كلامهم إن المكتب يقول لهم خلكم أوكى في الشغل لمدة 3 شهور وعقب سووا اللي تبون تسونه ..
المضحك المبكي خدامتنا اشردت قبل لا تكمل ثلاث شهور واسرقت بعد ذهب الوالدة حسبي الله عليها يعني قضيتين هروب وسرقة والقضية الثالثة شافوها ناس نعرفهم في مجمع تجاري وبلغوا وجات الفزعة او الخويا وامسكوها و ودوها مركز شرطة والمصيبة انها اشردت من مركز الشرطة بعد على حين غفلة مثل ما وصلنا الكلام منهم وقت الصلاة يعني 3 قضايا وتخيلوا .. عقب فترة كم من شهر يجي مسج على جوال الوالد خدامتكم غادرت البلاد !!!!!
اشلون سافرت وبدون علم الكفيل ..
ولما سألنا قالوا انها سلمت نفسها وكانت حامل والتذكرة كانت معاها ..طيب اشلون بدون ما تقولون لنا او تسالونها عن الذهب المسروق ..

مانقول غير حسبي الله ونعم الوكيل

هذي اكبر مصيبه حتى حقوقنا من بلدنا تضيع شلون يسفرونها بدون ما يشوفون حقوقكم

مانلوم هالمقيمين اللي ماسكين المكاتب ان نصبوا علينا وضحكوا علينا لانهم عارفين مالنا عوين

يقول سوي اللي بدك ماراح اسفره وهو ما جلس عندي الا ثلاث ايام ومسلمته لهم وعندي شهود

حسبي الله والنعم الوكيل

[المتضرعه لله]

ماشرد ولاشيء
تلاقينه ودوه لناس ثانيين وهناك شرد وحطوا اللوم عليكم وخلوكم تتكفلون به لان اسم الكفيل راجع لكم
المفروض المكتب هو اللي يتحمل اللي صار لانكم رديتوه للمكتب ماهرب عندكم
الله يعينكم ويعينا
يبيلهم انظمه صارمه ورادعه
بس للاسف مافيه

النيه الطيبه ما تمشي مع هالناس وربي

انا لو قايله باخذ معك الطباخ العوض بدل هذا كان اخير لكن قلت له ياخوي اللي هذا اوله ينعاف تاليه

ولما سلمته الطباخ نسيت اعطي الطباخ شي يكسر الخاطر رديت له الا وهو يهاوشه وشوي وبيضربه تركتهم لكن كان تفكيره خبيث

الله ينتقم منه

[ام السعف]

اشتكي عند وزارة العمل لان مكاتب الخدم من اختصاصهم ...

وكل مازادت الشكاوي على مكتب ممكن يتسكر بسبب عدد المخالفات ...

افضل حل ،،
مكاتب الخدم يستغلون عدم معرفتنا بالقانون ،،

ويااااااااليت يلغون شي اسمه خادمة مرجعة ،، تبي اتجربها ؟

اييونك وهم عارفين هالسالفة ،، ما عجبها الوضع تقول لك بكل وقاحة
ردوني المكتب بروح بيت ثاني :omen2:

[دااانة قطر]

مشااكل مكااتب الخدم زاادت بعد رفع الاسعاار من 2800 رياال الى 7000 و8000 رياال

والموااصفات تكون غلط في غلط خااصة اذا جبتي خبره تجي الشغاال لساانها شطوله وتقول انا في البيت الساابق ماكنت اشتغل كنت حااضنة اطفال او اعتني بكباار السن او او او ............ ولا انا ماصحى الا 7 وما اناام الى 8 بالكثيير


انا عن نفسي جااتني وحده لساانها طويل واخذتها بموااصفات ( سيلاانيه من كثر مامدحوهم لي ومسلمه وخبره في السعوديه والكويت ) او ماجبتها تبي تجلس معانا على السفره واخوي جاالس وماتبي تكوي وما تبي تنظف وماتبي تصحا يوم جات تنام قالت المخده مب مرتاحه عليها قلت لها انتظري لباجر المهم استغفلتي وراحت سحبت مخدتي ونامت عليها ووووووووو
المهم يوم رديتها المكتب بعد اسبوع حاول يقنعني وانا مصممه اني مابيها مافيها شي يخليني اصبر يوم اكثر جلس يماطل عشان يرد لي المبلغ قال بستبدلها قلت المبلغ ولا اروح اشتكي والله يوم جا صااحب المكتب طلع رجاال فيه خير وقال له خلاااص رجع للمره بيزااتها وخلصوا الموضوع هني وخلصنا

طبعا هالسااالفه من 2004 وم بعدها ماتعااملت مع ولا مكتب والحمدلله اشي الحاال مع اني مضغوطه من الشغل والبيت والعياال بس الله كريم ولا الحنه مع هالخدم

[بوخالد911]

الله يعيينكم

[المهاجر]

اختي اول شي تراجعون ادارة البحث والمتابعه وتتأكدون اذا في بلاغ هروب او لا

فان كان تم الابلاغ عنه تاخذون ايصال البلاغ وتراجعون الجوازات لاستخراج تأشيره جديده

وبعدها تطلبون من المكتب اعادة باقي المبلغ واذا رفض تقدمون شكوى على المكتب بادارة العمل وهم بيقومون باللازم

[بنـت الغالـي]

الله يكون بعوونج اختي
=)

[بو خليفه 123]

اختي المتضرعه بالله اهلاً و سهلاً بكم في عالم مشاكل الخدم ..


احب اضيف على كلام اخوي المهاجر بعد اخذ نسخة من البحث والمتابعه (على زوجك ان يتابع معهم) استخراج فيزا اخرى بأسمك او بأسمه حيث بأمكان كل كفيل استخراج عدد 2 فيزا تحت اسمه .

بغض النظر عن سوء معاملة و تهرب مسؤول المحل ترا كلهم سواسيه في اللف والدوران ..

[فتى الجود]

اشتكي عليهم في

ادارة العمل بالدور الثاني بالمبنى المقابل لجريدة الراية
عند فارس الكعبي او ابراهيم المعاضييد

[%حورية قطر%]

حسبي الله عليهم بعض مكاتب الخدم اللي يغشون الناااااس ويورطونهم مع اشكال هالخدم
احنا صارت لنا قصة مشابهه تمينا 3 اسابيع اذا مب اكثر وعقب طلعه الرووح رجعوا الفيزة والفلوس وخصموا منها شوي بعد مع ان مده الضمان ماخلصت ..غثا وعوار راس

[الجووري]

شيكي ع الخاص