ما لقيت لوى مدرسة يسجل فيها وين اروح؟؟التعليم صار تجارة وواسطات!!

[راشد محمد]

السلام عليكم ..
من اسبوع وانا محتاس مع المدارس الاجنبية..اغلب المدارس رحت اسجل ولدى بيروح الصف الاول وما لقيت مقعد:anger1:..بعض المدارس صكرت التسجيل وبعضها على قائمة الانتضار والامل ضعييييييف جدا جدا انه يدخل..وبعضهم موب راضيين يسجلونة كلش بسبب الاكتفاء لسنتين..وبعضهم تقول سجليه قبلها بسنتين ثلاث..اوووووووووكي وين اروح ..ما لقيت مدرسة..واله اني احاتي ما لقيت مدرسة..
تدرون احدى الموظفات في احد المدارس شتقولي:اصبح تسجيل طفل في الروضة اصعب من تسجيله في الجامعة..:omg:
طيب وين اوديه..خاطري اعيالي يتعلمون احسن تعليم..
اتمنى احد يشوف لنا حل..

[حبر سري]

اتمنى والله ياخوي انك اتلاقي حل
لكن ترى وايد وايد اشيا عندنا صارت تجارة وواسطات

[Me&OnLy]

الله يكون في عونك

[البارح]

الله يعينك الله يعينك
القطري صار يدور على مدرسه
وين الوزاره وين المجلس وين الوزير ما تحترمون
قرارات سمو الامير وهو تعليم الاطفال
عدم وجود مدارس ورفض تسجيل الابناء
عباره انكم تقفون ضد هذه التعليمات والقرارات الملزمه

[Toomy]

ما فهمت شلون توك بتسجله في صف أول,طيب وين كان الفصل الأول?شئ طبيعي ترى الصفوف خلاص طفحت كان المفروض يتسجل في فترة التسجيل.في حل انك تجيب له استثناء من مكتب المدارس المستقلة ولو اني أنصحك تنتظر لين السنة الجاية لأن كل مدرسة لها نظام مختلف في التقييم.

[راشد محمد]

ما فهمت شلون توك بتسجله في صف أول,طيب وين كان الفصل الأول?شئ طبيعي ترى الصفوف خلاص طفحت كان المفروض يتسجل في فترة التسجيل.في حل انك تجيب له استثناء من مكتب المدارس المستقلة ولو اني أنصحك تنتظر لين السنة الجاية لأن كل مدرسة لها نظام مختلف في التقييم.
اختي انا ولدى تمهيدي في مدرسة خاصة ومفروض انقله لمدرسة خاصة اخرى لانه السنة الجااااية بيروح الصف الاول..بس ما حصلت للحين تسجيل للصف الاول للعام القادم..وولدى الثاني بيروح الروضة بعد ما حصلت له مقعد في مدرسة اجنبية

[لافوشيا]

روحي قطر انتيرناشونال

[إلا..إذا]

اذا تبي مدرسه مستقله انصحك بمدرسه القادسيه النموذجيه ..وروضتهم

نظام ..متعاونين من المديره لاصغر شخص ..بارك الله فيهم ووفقهم لمايحب ويرضى

[مونديال]

سؤال ليش اجنبيه
سجليه في المدارس المستقله
ترى كلهم نفس المستوى إلا من رحم ربي
والموقع للمجلس الاعلى محدد لكل منطقه عدة مدارس

[البريق1]

مدرسة قطر أنترناشيونال عندهم ويتنك ليست لسنتين قدام ..

[Dawn]

كل هذا الانتظار ،، ويتنق لست وحاله

واخرتها مستوى التعليم الله بالخير

المشكله المدارس القطريه تشيل 30 طالب في الصف يعني مب مثل المدارس في الدول الثانيه اللي اقصى عدد 16 طالب في الصف ..

واحنا عددنا بسيط المفروض التعليم في قطر من أحسن ما يكون .. التعداد 250 الف مواطن ها العدد ممكن تكون المدارس راقيه ومستواها ممتاز في كل شي .. لكن هالاجانب اللي يدرسون معانا هم اللي مسببين كل هالزحمه ...

لو نسوي مثل الامارات يكون أفضل بدوا يخصصون مدارس للجاليات ومدارس للمواطنين ياريت لو يطبق هالشي عندنا ..

[دلة الرسلان]

السلام عليكم ..
من اسبوع وانا محتاس مع المدارس الاجنبية..اغلب المدارس رحت اسجل ولدى بيروح الصف الاول وما لقيت مقعد:anger1:..بعض المدارس صكرت التسجيل وبعضها على قائمة الانتضار والامل ضعييييييف جدا جدا انه يدخل..وبعضهم موب راضيين يسجلونة كلش بسبب الاكتفاء لسنتين..وبعضهم تقول سجليه قبلها بسنتين ثلاث..اوووووووووكي وين اروح ..ما لقيت مدرسة..واله اني احاتي ما لقيت مدرسة..
تدرون احدى الموظفات في احد المدارس شتقولي:اصبح تسجيل طفل في الروضة اصعب من تسجيله في الجامعة..:omg:
طيب وين اوديه..خاطري اعيالي يتعلمون احسن تعليم..اتمنى احد يشوف لنا حل..

أختار مدرسة مستقلة زينة مثل عمر بن الخطاب والأم تتابع دراسة ولدها أول بأول وأن شاء

الله بيكون حصل على تعليم مناسب لايغفل عن تدريس العربي والشريعة لأن المدارس الأجنبية

لا تحرص على اللغة العربية وكذلك الطلاب يستهترون بمدرسيها وأن أدعت هذه المدارس غير

ذلك مثل اكاديمية الجزيرة .