دوام العسكريه ؟؟

[Bin.Yousef]

السلام عليكم ورحمه الله وبركاته

شحالكم يالربع عساكم طيبين ؟؟


انا والله حبيت استفسر عن رواتب العسكريه يعني راتب الظباط ورايح يعني رواتب الرتب كل رتبه وكم الراتب


يعني عندي ثانويه ودارس 4 سنين يعني بكالوريوس لو بتوظف بالداخليه وعندي هالشهادات ودراسه بالخارج شبتكون الرتبه اول شي والراتب كم والترقيات تكون شلون بالظبط ؟




ويعطيكم الف عافيه

[Google]

تبي نصيحتي لا تدخل العسكرية ترا تعيش باقي عمرك ذليل. كل ماشفت حد من هالضباط اشوف الخوف في قلوبهم وتشوفهم كنهم مساكين, تبي الطنخة والعيش بحرية روح اتعلم شي في الطب او الهندسة او اي مجال ثاني تحس بقيمتك وانسانيتك. راح تستفيد شي اكثر من اللي بتستفيده في العسكرية.

[Bin.Yousef]

تسلم اخوي على الرد

بس انا سمعت ان الواحد اذا كان عنده رتبه يكون مرتاح وهاي الي سمعته ومادري وانا انشالله بتكون دراستي علاقات دوليه وسياسه وعلى ماعتقد ينقبل هالتخصص في الداخليه


بس حبيت استفسر عن الرواتب والترقيات

ويعطيك العافيه

[انتر ميلان]

إذا عندك بكالوريوس يدخلونك دورة مدتها 6 شهور وعقب يعطونك رتبة ملازم ثاني

والله يكتب لك اللي فيه الخير

[Roooo7 Qtr]

خلك مدني احسن وابرك خلك حر طليق
قدم في الخارجيه

[Google]

تسلم اخوي على الرد

بس انا سمعت ان الواحد اذا كان عنده رتبه يكون مرتاح وهاي الي سمعته ومادري وانا انشالله بتكون دراستي علاقات دوليه وسياسه وعلى ماعتقد ينقبل هالتخصص في الداخليه


بس حبيت استفسر عن الرواتب والترقيات

ويعطيك العافيه


الله يوفقك يارب ويوفق كل مسلم , مادام ناوي تدخل العسكرية حاول تدخل تخصص يفيدك عمليا عشان تقدر تفيد فيه الناس بعدين لو تقاعدت , مثل مجال الاتصالات او الهندسة الميكانيكية , حاول تدخل مجال علمي افضل , بس لو تبي اداري وعلاقات دولية بعد زين بس اهم شي لاتدرس في الدول العربية لانك ماراح تستفيد شي بيعلمونك شلون تكذب ويقولون لك هذا تخصص العلاقات الدولية . روح لجامعات اوروبية او امريكية وانت بتستفيد. وبالتوفيق

[Bin.Yousef]

تسلمون يالربع على الردود الطيبه وماقصرتم


بس اخوي اذا خلصت الدوره 6 شهور حصلت رتبت ملازم ثاني كم المعاش واذا متزوج كم وشلون الترقيات ؟

والسموحه لان بغيت اعرف عن الداخليه وبشكل عام العسكريه

[be cool]

الله يوفقك ويسرلك امورك

[ماجد البدر]

انا اشوف شغلة العسكرية ممتازه خاصة لو الواحد دخل بمجموع واذا قدرت تلتحق بالكلية العسكريه مستقبل واضح ودراسة وتاخذ مكانتك بالمجتمع بوضوح
تدخل على اساس مرشح ضابط وتكمل دراستك بعد الميدان بعد ان تسمر وتنحك شوي في الميدان تحس بنفسك انسان مثالي نشيط تدخل بقوه في الدراسة وتكمل طريقك للنجاح اما ابتعاث الى فرنسا او بريطانيا بحسب انك فني او اداري وترجع ضابط وطريقك سمح ان شاء الله

[G0LD]

شوف ميولك وخذ المشوره وتوكل على الله

سواء عسكريه أو غيرها كلها تتميز بأشياء تفيدك

وعسى الله يوفقك

[(رمز المحبه)]

والله العسكريه تفرق من مكان لمكان .. اعرف شباب ضباط فالجيش مكروووفين مثلا ويناوبون دايم كم كم يوم اتصل له وينك يا ولد .. والله مناوب .. !!

واعرف شباب ضباط في جهات أخرى .. كل يوم في دوله .. وكل يوم مؤتمر .. وكل يوم ورشات عمل .. واجتماعات وسفرات .. وانواع الفله صراحه .. يعني فيه فايده سواء علمية وخبره او بعد ماديه

ورواتب الظباط والله بالضبط مادري كم .. تقريبا فوق العشرين عزابي ..والمتزوج مادري كم زيادته .. وبدل السكن مساعدهم ..؟؟

بس الرواتب بالنسبه للشركات كبيره وأقوى من العسكريه


الله يوفقك ان شاء الله

[Bin.Yousef]

والله يالربع ميولي العسكريه بس حبيت اعرف مع السنين لما اتثبت ظابط شلون الترقيات وكم المعاش بيكون اول ماتوظف واعلق النجمه ؟

ويعطيكم العافيه على الردود يالربع

[Bin.Yousef]

هلا اخوي رمز المحبه


لاكن اخوي اذا بيكون معاشي بالعشرينات كبدايه وعزوبي اجوف ان زين ... يعني لو مثلا قدمت بالخارجيه كم بيكون معاشي اذا كنت موظف بالخارجيه ماعتقد بيعدي ال20 والصراحه ماعرف عن المعاشات عدل

بس قلت يمكن العسكريه معاشاتهم احسن خصوصا لو كنت ( رتبه ) وغير البدلات

[الـقـاسـي]

والله العسكرية ابرك من المدنيه لو يرجع بي الوقت ورى بدش العسكرية قالوا لي خذ دورة 4 شهور مادري 6 شهور وعلق النجمه الراتب اكثر والمميزات اكثر وترقياتك معروفه مب مدني يتمننون عليك بالتقاييم ولا رواتب عدله ولا شي

[Bin.Yousef]

هلا اخوي القاسي


والله بعد سمعت ان رواتب العسكريه ممتازه ومميزات وترقيات وبدلات

ويعطيك العافيه

[نوفا91]

مووووفق ..

[Bin.Yousef]

ويااك يالغالي

[بوناصر-قطر]

السلام عليكم ورحمة الله وبركاته
الأخ العزيز مآبنڪسر صآبر، هل انت مخلص بكالريوس والا لحد الآن ؟

شوف اخوي ان كنت مخلص البكالريوس فبيكون الوضع كالآتي:
الجيش:
تدخل دورة ضباط جامعيين مدتها من 4 الى 6 شهور
تعطى رتبة ملازم ثاني يعني * واحدة وبتكون بداية الراتب مع العلاوات في حدود الـ 23,000 وكل سنة الزيادة الدورية وهي أعتقد 350
الترقية بعد 3 سنوات الى رتبة ملازم أول يعني ** والراتب يزيد تباعا" عاد

في الشرطة بيكون الوضع شبيه بس موب متأكد من مدة الدورة التأسيسية اللي هي مثل دورة الضباط الجامعيين

بس كل هذا يعتمد على التخصص اللي عندك من خلال دراستك للبكالريوس
كأنك قلت علاقات دولية؟
ان كان تخصصك فعلا" علاقات دولية وعندك لغة فأنصحك نصيحة لن تندم عليها وهي الذهاب لوزارة الخارجية

الله يوفقك ويوفق الجميع

[تباشير الفجر]

اخوي ممكن اني افيدك بشي بسيط من الي تبي تعرفه لان زوجي في نفس هالشغله ..

انا من رايي ان شغلة العسكريه بصراحه ممتازه والراتب اول ماتخرج بيكون فوق ال 20 غير المميزات الثانيه وغير بدل الزواج وبدل السكن والتذاكر ومدارس عيالك والترقيات يعني انا اشوفه انه الانسب والاضمن في هالايام عن الشركات والاماكن الثانيه ...
تحياتي

[بوناصر-قطر]

اخوي ممكن اني افيدك بشي بسيط من الي تبي تعرفه لان زوجي في نفس هالشغله ..

انا من رايي ان شغلة العسكريه بصراحه ممتازه والراتب اول ماتخرج بيكون فوق ال 20 غير المميزات الثانيه وغير بدل الزواج وبدل السكن والتذاكر ومدارس عيالك والترقيات يعني انا اشوفه انه الانسب والاضمن في هالايام عن الشركات والاماكن الثانيه ...
تحياتي

كل الكلام المكتوب لا غبار عليه إلا مالونته بالأحمر فهو أول مرة آسمع به
وإن كان موجود للأخوة الضباط فماهي الطريقة علشان ابلغ أكبر عدد ممكن من الربع يستفيدون منه

[تباشير الفجر]

كل الكلام المكتوب لا غبار عليه إلا مالونته بالأحمر فهو أول مرة آسمع به
وإن كان موجود للأخوة الضباط فماهي الطريقة علشان ابلغ أكبر عدد ممكن من الربع يستفيدون منه

انا ترددت قبل ماكتب هالكلمه لاني جد مب متاكده ولحين الله مارزقني بعيال بس هذا الي سمعته اول مايرجع زوجي بتأكد منه وبخبركم
اسمحلي

[بوناصر-قطر]

انا ترددت قبل ماكتب هالكلمه لاني جد مب متاكده ولحين الله مارزقني بعيال بس هذا الي سمعته اول مايرجع زوجي بتأكد منه وبخبركم
اسمحلي

اختي ترى لحد الآن مافي شيء عن التكفل بالرسوم الدراسية لعيال السادة الضباط جيش كانوا او داخلية او غيرها من الأجهزة العسكرية وهذا شيء انا متأكد منه

[hamoor4ever]

ماعليك اخوي في العسكريه مفتلين رواتب عاليه وبدل تذاكر بأسعار خياليه واذا جات زياده هم اول ناس قبل المدنيين توكل على الله ولا تتردد بتعيش الحياه السعيده صدقني المدنيه مذله مذله مذله وبتعيش حالتك حالك شوف اللي يشتكون في وطني الحبيب كلهم مدنيين تعرف ليش لان ماياخذون رواتب مثل العالم ومالهم اي مميزات تخيل انت بس بدل تذاكر سنوي يوصل فوق الميتين الف يعني كل سنه تطلع موتر وانت مرتاح لاديون ولا شي

[بوناصر-قطر]

السلام عليكم من جديد
الأخ الكريم hamoor4ever، اسمحلي بالتعليق التالي:
1.
ماعليك اخوي في العسكريه مفتلين رواتب عاليه

هل تعرف أخي الكريم أن رواتب العسكريين كانت متقدمة على بقية رواتب موظفي الدولة لغاية سنة 2001 تقريبا" عندما بدأت الهيئات والمؤسسات التي كانت وزارات تعدل رواتب موظفيها فأصبحت المؤسسات العسكرية بعد توحيد قوانينها الادارية والمالية في المرتبة الخامسة او السادسة بعد ان تفوقت عليها كثير من هذه الهيئات.
2.
وبدل تذاكر بأسعار خياليه
جوابي على هالفقرة هو كالآتي
اولا" بدل التذاكر للسادة ضباط السلك العسكري يعتبر ميزة ميزتها السلطات العليا للضباط القطريين وهي ليست مادة في القانون العسكري
تمنح هذه الميزة للضباط كل حسب عدد عائلته
فالعازب يأخذ تذكرته وينقز يعني بالكثير 25ألف
ولكن الضابط القديم برتبة رائد مثلا" فأعلى ياخذ همجة محترمة ان كان عنده عدد من العيال

3.
تخيل انت بس بدل تذاكر سنوي يوصل فوق الميتين الف يعني كل سنه تطلع موتر

كلام غير صحيح ومنحة بدل التذاكر يعتمد كبرها وصغرها على عدد أفراد العائلة كما ذكرت سابقا"

[غير عنهم]

تبيي راتب صح عندك العسكريه والشركات مثل قطر للبترول وقطر غاز
واترك عنك المدنيه وبذات الوزارت الحكوميه رواتبهم جدا ضعيفه

[كاس العالم]

ادخل العسكريه ابرك لك

راتب زين صحيح فيه شركات رواتبهم اقوى من العسكريه بواجد

بس العسكريه كل سنه تذاكر يعني سنويا مثلا انت وزوجتك بس بتحصل 50 الف غيرهذا مع الايام ان شاء الله

اذا الله ارزقك بعيال على كل طفل تقريبا 25 الف وحدك تقريبا 5

والرتبه تقريبا كل 4 سنوات تترفع

اما اذا دخلت وعندك بكلريوس تاخذ دوره مدتها من 6 شهور الى سنه وعقبها تعلق النجمه

ويكون الراتب بحدود 22 و 23 الف ريال اول ماتدخل

وبعدها تترقى لملازم اول ويختلف حزتها اذا مسكت منصب ومن هالقبيل

واحسب كل 4 سنوات ان شاء الله اذا مأتأخرت سنه في كل رتبه بيصير عمرك

مثلا لو عمرك 25 حاليا بيكون عمرك 52 وانت عميد بأذن الله

والله يوفقك

[رجل الجزيرة]

نا مدني والحمد لله بس الزين في العسكرية إن ترتقيتك ما تضيع ولا تتأخروعلى حسب مسئولك المباشر، وإما عن المدني فبعضنا قعد سنين ولين الحين ما ترقى.

[أخو من طاع ربه]

بالتوفيق اخوي واذا عندك شهادة جامعيه تكون فني وتاخذ دورة 6 شهور ويمكن تاخذها في بريطانيا
اما الراتب حدود 23 الف طبعا ً هذا وانت بتكون ملازم ثاني

[][ iMedia ][]

الله يوفقك يالغالي :)

[بوهلال]

معلومات جديده اسمعها عن العسكريه

بتكلم عن الجيش باللي اعرفه

رواتب حلوه

والجيش مب مثل الاول الحين سهالات

والضباط سفرات وبدل تمثيل لليوم 3500

لكن اذا طالن المده فوق ال 6 شهور يتوقف بدل التمثيل

وطبعا مافي مهمه عمل او دوره فوق ال 6 شهور

الا للرتب الكبيره

و كل منصب او مسمى وظيفي عليه علاوه

و في اقسام او نسميها وحدات علاواتها غير

يعني مستحيل تلقى ضابطين رواتبهم نفس الشي

لان كل وحده لها علاواتها الخاصه

وفوق هذا كله مسوولك ومدرائك قطريين اجانب مافي

و العسكريه دلع

[Master_qtr]

والله ياخوك روح العسكرية وانت مغمض ..اقل شئ ترفيعاتك ماشيه ..غصبن عن اللي مايرضى
المدنيه والشركات يعتمد فيها على علاقتك مع المدير ..اذا هو راضي عليك ..ابشر ..واذا موراضي ..مكانك سر...

بالتوفيق ..

[بو الطيب]

راتب الملازم الثاني مع العلاوات وكل شي 25 الف وراتب الملازم الاول وهاذي الرتبه عقب سنتين تجيك يكون راتبك 35 الف

ولو دخلت مرشح ظابط دورة الظباط الجامعين والفنين يكون راتبك فيها 15 لمدة 6 شهور وعقب تعلق وتكون دوره سهله واخف من دوره التاسيسه للمرشيح الظباط اللي فيها حجز 50 يوم و4 شهور تاسيسي من الحك المتواصل

وللي يقولك لاتدخل العسكريه تراه ماعنده سلف فالعسكريه مصنع الرجال

[خليفـة]

تبي نصيحتي لا تدخل العسكرية ترا تعيش باقي عمرك ذليل. كل ماشفت حد من هالضباط اشوف الخوف في قلوبهم وتشوفهم كنهم مساكين, تبي الطنخة والعيش بحرية روح اتعلم شي في الطب او الهندسة او اي مجال ثاني تحس بقيمتك وانسانيتك. راح تستفيد شي اكثر من اللي بتستفيده في العسكرية.

بعد اذن صاحب الموضوع .. ولكن وجب الرد على قوقل .
بسم الله .. وعلى بركة الله :
:)

اخوي قوقل .. انت شكلك عايش في العراق او في أحد الدول البوليسية
وصفك للعسكري ما يقوله انسان يثمن كلامه .. وسامحني بالكلمة .. يطلع من انسان جاحد

اشلون سمحت لنفسك تقول على العسكري انه انسان عايش عمره ذليل !
لو كنت قطري ومن عيال البلد .. أحب اذكرك ان سموا الأمير الله يحفظه كان عسكري
ولي العهد كذلك .. وطبعا عايشين وروسهم مرفوعة في العلالي بين كل زعماء دول العالم

شيء أخر .. لولا العسكري الي تقول انك تشوف في عينه الذل والخوف حسب وصفك الخاطيء .. كان مانعمت بالأمن والأمان داخل بيتك وبين افراد اسرتك .

الي يفرق بين العسكري والمدني شغلات بسيطة ومحدودة من ضمنها الأنضباط .. الألتزام بالنظام بشكل اكبر .. الزي العسكري .

انا اتمنى منك ان تنتقي ألفاظك .. وتحسن اسلوبك لما تتكلم عن رجال الأمن والعساكر في البلاد .. وتأكد انك بكلامك هذا قد تعديت حدودك ومن الممكن ان تورط نفسك الا اذا كنت تحت سن الرشد .. فلا حرج عليك .

وشكرا
:)

[مونديال]

تبي نصيحتي لا تدخل العسكرية ترا تعيش باقي عمرك ذليل. كل ماشفت حد من هالضباط اشوف الخوف في قلوبهم وتشوفهم كنهم مساكين, تبي الطنخة والعيش بحرية روح اتعلم شي في الطب او الهندسة او اي مجال ثاني تحس بقيمتك وانسانيتك. راح تستفيد شي اكثر من اللي بتستفيده في العسكرية.

اخوي مادري من وين هل كلام
شكل الي تعرفه متعقد ومريض نفسي
على فكره افضل دوام في الدوله العسكريه وانته مابتدخل جندي بتدخل ضابط
وانا اتكلم لاني في وسط هذا المجال
واي رتبه تبي بقول لك راتبها ..
يعني توكل على الله هي الافضل لها نظام وقانون

[مونديال]

راتب الملازم الثاني مع العلاوات وكل شي 25 الف وراتب الملازم الاول وهاذي الرتبه عقب سنتين تجيك يكون راتبك 35 الف

ولو دخلت مرشح ظابط دورة الظباط الجامعين والفنين يكون راتبك فيها 15 لمدة 6 شهور وعقب تعلق وتكون دوره سهله واخف من دوره التاسيسه للمرشيح الظباط اللي فيها حجز 50 يوم و4 شهور تاسيسي من الحك المتواصل

وللي يقولك لاتدخل العسكريه تراه ماعنده سلف فالعسكريه مصنع الرجال
اخوي مابدخل في كلام زايد
وابشر
الخير قدام والله ليتمنون دخول العسكريه ومايحصل لهم

[العضو العتيج]

على دراستك انا في رايي تتوجه للسلك الدبلوماسي ووزارة الخارجية

[alkoos]

اخوي راتبك بكون في حدود الـــ 23 تقريبا اول ماتدخل وترفيعاتك كل 3 سنوات لحد الـــنقيب بعدها 5 سنوات تترفع مقدم وبعدها كل 3 لحد العميد وفي تعديلات لضباط قريب من ناحية الترقيات والراتب وعندك بدل تذاكر لك ولعيالك اعتقد 5 او 7 ع كل تذكره 25 الف ريال حلوين ......

[مونديال]

اخوي راتبك بكون في حدود الـــ 23 تقريبا اول ماتدخل وترفيعاتك كل 3 سنوات لحد الـــنقيب بعدها 5 سنوات تترفع مقدم وبعدها كل 3 لحد العميد وفي تعديلات لضباط قريب من ناحية الترقيات والراتب وعندك بدل تذاكر لك ولعيالك اعتقد 5 او 7 ع كل تذكره 25 الف ريال حلوين ......

تصحيح معلومه الترفيع حسب التسلسل
3-4-5-4-4-4-4-4-4
والتذاكر بدايه 5 و6 و7 عقيد واعلا والتذكره تفريبا 30000

[Bin.Yousef]

مشكوررين يالربع وتسلمون ويعطيكم الف الف عاافيه على الردود


وانا انشالله بكمل دراستي باذن الله والله يوفقني وياكم انشالله


وانشالله لين بتخرج باذن الله بقدم على الداخليه والله يوفقنا وياكم انشالله


تحياتي لكم

[قهوجي]

روح اخدم وطنك باي وسيله
الله يوفقك
المهم تكون بناء للوطن موب هدام

[عذب الكلام 1]

استخير وتوكل على الله

[Bin.Yousef]

مشكورين وماقصرتوا على الردود الطيبه


يعطيكم العافيه

[شاعر المليون]

اخوي مونديال

ممكن تذكر لنا راتب

الملازم الاول والملازم ثاني

بالتفصيل لاهنت

[مونديال]

اخوي مونديال

ممكن تذكر لنا راتب

الملازم الاول والملازم ثاني

بالتفصيل لاهنت
شوف بين لثنين حوالي 700 ريال يعني مافي فرق
بالضبط مب ذاكر بس مايقل عن 23000
وفي العلاوات واللذي منو
حسب التخصص والاداره
اخوي شي طبيعي البدايات محدوده بس تتزوج وتييب عيال
وتترقى بتحس بالفرق يعني من ملازم لين نقيب غير
ومن رائد لين عقيد غير وعميد وطالع غير
بختصار درجات
اذا انته ناوي استخير وتوكل
ووإذا معزم تبي بالضبط
ذكرني لاهنت على الخاص بحطلك بكره التفاصيل بالعلاوات

[شاعر المليون]

لا انا نشدتك بالتفصيل عشانك قلت باحد الردود في الموضوع هذا

ان الملازم اول 25000 والملازم ثاني 35000

استغربت الفرق معقولة 10 آلاف ريال.

[مونديال]

لا انا نشدتك بالتفصيل عشانك قلت باحد الردود في الموضوع هذا

ان الملازم اول 25000 والملازم ثاني 35000

استغربت الفرق معقولة 10 آلاف ريال.
مستحيل يوصل الملازم 35000

انا ماقلت وان قلت غلطان واعتذر

[مستثمر تحت التعليم]

ثرا الراتب أحيانا ايكون بحسب الأقدميه في عدد السنين ولايمكن ان يصل راتب الملازم الأول الى 35000 والثاني 25000 مسسسسسسسستحيل الثاني صحيح بس الأول لا.......... الأ أذا كانت هناك زياده جايه؟؟ الله العالم ولكم الحلاوه أن شاء الله

[بوراشد82]

صديقي .. انت تبي المستقبل ولا الراحات ؟؟

انا كنت في البترول 6 سنين وطلعت ودخلت العسكرية صارلي 4 سنين .. والله العظيم متحسف .. ماعن الراتب نفس الشي والعسكرية شغل لايذكر وراحات من قلب .. لكن .. مافي مستقبل اقولك الصج يعني سواء ضابط ولا مب ضابط نفس الشي يعني انت تشتغل وتكرف ورفيجك الي نف رتبتك يكش ذبان ترقون مع بعض شرايك ؟؟ يرضيك ؟ انت ماخذ مثلا نقول دورات ورفيجك كله اجازات وقعدة في الدوام وترقون مع بعض يعجبك ؟؟ انت ملتزم بالدوام ورفيجك يلف ويدور مع المسؤول وغالبا ماتكون اموره في السليم على عكسك انت ..!! شرايك

يبى القطاع الخاص بالذات رواتب مجزية وحوافز وميزات اللهم الدوام اطول بس شي يستاهل انا اخبر والله اشد حيلي اترقى غيري مايترقى الا اذا شد حيله .. ودوراتك على حجمها ترقيك يعني حدث ولا حرج في قطاع البترول بالذات .. ويقولك اسئل مجرب ولا تسئل طبيب انا انصحك لا تدش العسكرية كلش مب عشان حك بس عشان مستقبلك

تحياتي لك

[مونديال]

صديقي .. انت تبي المستقبل ولا الراحات ؟؟

انا كنت في البترول 6 سنين وطلعت ودخلت العسكرية صارلي 4 سنين .. والله العظيم متحسف .. ماعن الراتب نفس الشي والعسكرية شغل لايذكر وراحات من قلب .. لكن .. مافي مستقبل اقولك الصج يعني سواء ضابط ولا مب ضابط نفس الشي يعني انت تشتغل وتكرف ورفيجك الي نف رتبتك يكش ذبان ترقون مع بعض شرايك ؟؟ يرضيك ؟ انت ماخذ مثلا نقول دورات ورفيجك كله اجازات وقعدة في الدوام وترقون مع بعض يعجبك ؟؟ انت ملتزم بالدوام ورفيجك يلف ويدور مع المسؤول وغالبا ماتكون اموره في السليم على عكسك انت ..!! شرايك

يبى القطاع الخاص بالذات رواتب مجزية وحوافز وميزات اللهم الدوام اطول بس شي يستاهل انا اخبر والله اشد حيلي اترقى غيري مايترقى الا اذا شد حيله .. ودوراتك على حجمها ترقيك يعني حدث ولا حرج في قطاع البترول بالذات .. ويقولك اسئل مجرب ولا تسئل طبيب انا انصحك لا تدش العسكرية كلش مب عشان حك بس عشان مستقبلك

تحياتي لك

بوراشد انا اختلف معاك في التساوي من يعمل ومن لايعمل
ومقياسك لاربع سنوات ولاشي
صحيح الترفيع لها نظام وهذا افضل اما الدورات مايصير الي ياخذ الدوره
والي ماياخذ الدوره يترفع
نظام الترفيع له شروط واقدميه اذا طبق يترفع اذا ماطبق يتم على نفس الرتبه
اما العمل واجتهاده هذا هو تميز الضابط بحصوله على منصب
والي مايشتغل ومايجتهد غير
لك تحياتي

[باسكن روبنز]

خذهآ نصيحة آخووو من القلب ،

كـ بدايه قدم ع الخآرجيه وشوف ردهم عليـك ،

لاتستبعد تصـير قنـصل في يوم من الآيـآم بهالشهـآده ما شالله عليك ،

وآذا ماصار نصيـب معآهـم ،

عندك فرصه تعلق النجمه توكل ع الله ولا بتتحسف آن شالله ،

جايز بالبدايه شوية تعب بس مسألة الراتب والآمتيازآت بتنسيك التعب ،

كلهآ آسابيع وبتتعود ع الوضع ،

وفوق هـذأ حط في بالك آن حقوقك بالعسكريه مابتضيع ،

ولو آنا مكآنـك مافرطت هالفرصـه والله يوفقك ياولد بـلآآآدي ،

[Bin.Yousef]

يعطيكم العافيه يالربع والله يوفقكم كلكم انشالله


بس انا للحين ماخلصت الدراسه والله يوفقني معاكم واخلص


بس انا الحين قاعد اجوف وشو الاحسن والافضل قبل لا اخلص عشان لما اخلص اكون عارف على طول وين ادخل


وانشالله ادخل المكان الي يعجبني ومقتنع فيه

وانا والله الصراحه ميولي للعسكريه اكثر بس انشالله خير

ويعطيكم الف عافيه وماقصرتو

[مخطط قطري]

بعطيك نصحيه لواء في الجيش القطري ضابط من سنه 1977
بس في الخاص :)

[Bin.Yousef]

شلون اخوي مافهمت ؟

ممكن توضح

[doha_vip]

صديقي .. انت تبي المستقبل ولا الراحات ؟؟

انا كنت في البترول 6 سنين وطلعت ودخلت العسكرية صارلي 4 سنين .. والله العظيم متحسف .. ماعن الراتب نفس الشي والعسكرية شغل لايذكر وراحات من قلب .. لكن .. مافي مستقبل اقولك الصج يعني سواء ضابط ولا مب ضابط نفس الشي يعني انت تشتغل وتكرف ورفيجك الي نف رتبتك يكش ذبان ترقون مع بعض شرايك ؟؟ يرضيك ؟ انت ماخذ مثلا نقول دورات ورفيجك كله اجازات وقعدة في الدوام وترقون مع بعض يعجبك ؟؟ انت ملتزم بالدوام ورفيجك يلف ويدور مع المسؤول وغالبا ماتكون اموره في السليم على عكسك انت ..!! شرايك

يبى القطاع الخاص بالذات رواتب مجزية وحوافز وميزات اللهم الدوام اطول بس شي يستاهل انا اخبر والله اشد حيلي اترقى غيري مايترقى الا اذا شد حيله .. ودوراتك على حجمها ترقيك يعني حدث ولا حرج في قطاع البترول بالذات .. ويقولك اسئل مجرب ولا تسئل طبيب انا انصحك لا تدش العسكرية كلش مب عشان حك بس عشان مستقبلك

تحياتي لك

صحيح كلامك .. من واقع تجربه

[Bin.Yousef]

تسلم اخوي على الرد

بس انشالله اهم شي بجوف الي يعجبني وبدخله

تحياتي

[مريومة]

خذهآ نصيحة آخووو من القلب ،

كـ بدايه قدم ع الخآرجيه وشوف ردهم عليـك ،

لاتستبعد تصـير قنـصل في يوم من الآيـآم بهالشهـآده ما شالله عليك ،

وآذا ماصار نصيـب معآهـم ،

عندك فرصه تعلق النجمه توكل ع الله ولا بتتحسف آن شالله ،

جايز بالبدايه شوية تعب بس مسألة الراتب والآمتيازآت بتنسيك التعب ،

كلهآ آسابيع وبتتعود ع الوضع ،

وفوق هـذأ حط في بالك آن حقوقك بالعسكريه مابتضيع ،

ولو آنا مكآنـك مافرطت هالفرصـه والله يوفقك ياولد بـلآآآدي ،

حمدالله على السلامة

[مونديال]

تسلم اخوي على الرد

بس انشالله اهم شي بجوف الي يعجبني وبدخله

تحياتي

اول شي الله يوفقك اخوي
ونصيحه لك بس تنوي تدخل العسكريه
خذالمعلومه من رتبه رائد فأعلى
لانك بتاخذ الزبده
والسبب تقريبا اكمل كل الدورات الرئيسيه
والشي الثاني وصل الى مراكز قياده
والفتره الى قضاها بالعسكريه ممكن تأهله
بالحكم على طبيعه العمل
ولك تحياتي
والله يوفقك

[Bin.Yousef]

انشالله والله يوفقنا وياك يالغالي وماقصرت

[باسكن روبنز]

حمدالله على السلامة

الله يسلمج ،:shy: