المساعد الشخصي الرقمي

مشاهدة النسخة كاملة : مشكلة في لاندكروزر 2003 جي اكس


ثاني
06-03-2011, 10:08 AM
السلام عليكم
كيف الحال يالربع عساكم طيبين؟

يالربع عندي مشكلة
امس كنت واقف عند الاشارة وواحد من ربعي وراي ... اول مافتحت الاشارة انا دعست الريس كامل لين مابدل ... القير توماتيك
اثناء التبديل يقول رفيجي طلعت دخنه بيضة من السلنسر ؟

عاد فيه ناس خرعوني قالو لي لازم تبطل المكينة وشنبر بستن ؟

اتمنى منكم المساعدة في حل المشكلة علماً انا توني مبدل ايل المكينة توه ماشي 300 كيلو

والله يعطيكم العافية
سهيل قطر
06-03-2011, 10:14 AM
اللون الابيض معناته ماء يحترق او يتبخر

احتمال يكون يا من القازقيت او من سلندر المحرك فيه كراك


افتح الراديتر و شغل السياره شوف فيه هواء داخل الراديتر

اذا على طول تم يطلع الدخان الابيض اتمنى اكون افدتك والشباب الخبره مايقصرون
بوسيف الهاجري
06-03-2011, 10:17 AM
مرحبا الشيخ
خل السياره شغاله نص ساعه وعطها ريس اذا طلع دخان ابيض هذي من ربلات الصبابات
تبديلها ما يكلف 1800 مع قطع الغيار
روح كراج الكواري شارع 17
قطه الصبح والعصر بيكون خالص انشالله
ثاني
06-03-2011, 10:21 AM
ماقصرتو يالربع على سرعة الرد ....

يعني اتطمن انشالله السالفة مفيها تبطيل مكينة وشنبر بستن ؟
الخارجية
06-03-2011, 10:22 AM
اخوي ماعليك من السوالف في محل في ازغوى خلف معرض السادة اسم المحل (( رالي قطر )) دخل موترك وقول حق الهندي المشكلة بيعطيك اورق وفيها الاغراض وشترها حول 700 ريال وشغل يده في حدود 700 او 800 انا توني مسوي سيارتي والحمدلله .. بس قبل ماتروح حق الهندي خله يشيك معاك عندك صرفيه ايل او لا .. وبعد يمكن سيارتك مكربنه .
سهيل قطر
06-03-2011, 10:52 AM
للعلم
تأكد من مستوى زيت المحرك ستجده زائد عن الحد المطلوب (يؤدي الى تسرب الزيت الى جلود الصباب فوق غرفة الحتراق ومع الحرارة العالية يصبح تبخير للزيت وليس حرق لذا يخرج باللون الابيض.
واخوي يووسف الهااجري قرريب من الصواب وان شاء الله الماكينه مافيها شيء
ثاني
06-03-2011, 10:57 AM
توني كنت عند الفواز ف طريق سلوى وعطاها ريس وماطلع دخان ابيض ...
والحين انا موقفها برع شغالة بعد نص ساعة بعطيها ريس اذا ماطلع دخان معناته معناته ان شاء الله السيارة مفيها شي وشكرا لكم
ثاني
06-03-2011, 11:26 AM
ابشركم يالربع وقفت الموتر نص ساعة خليته شغال وعطيته ريسات ولله الحمد ماطلع دخان ابيض
يعني اتطمن انشالله مفيه مشكلة ب ربلات الصبابات

واشكر :
سهيل قطر
بوسيف الهاجري
الخارجية

على المساعدة وجزاكم الله خير
بونو
06-03-2011, 01:54 PM
اسمحولي ياشباب أفتي في هالموضوع لانه تخصصي :nice: ... الاحتراق الداخلي او الانتيرنل كومبسشن بالعنجريزي ..... الايل الابيض معناها آيل محترق .... وهذي ضاهره تصير في المكاين ال 4 ستروك عادة ً في حالة اذا الكرانك شافت دار بسرعه فجائيه ... نتيجه ان البستن يضرب مستوى الايل في الكرنكيس بقوه ... تلاقي بعض الايليطيش ويتسرب فوق ربلات البساتن وتحترق في الباك ستروك :eek5: ... مما ينتج عنه الدخان الابيض .... هذا احتمال للسيارات الجديده ....

اما حالة اخوي العزيز فخالي بوسيف اصاب الهدف ... لان السياره قديمه ويبيلها تبديل ربلات الصبابات ... وبالمره .... انصح بتبديل الصبابات لان عمرها الافتراضي قرب ينتهي ....

وفي ظاهره معروفه عند الشباب اللي هي الماي اللي ينقط من الشكمان ....:omen2: .... الكل يقول هذي دليل نظافة المكينه واسمحولي انه اعتقاد خاطئ مثل اسطورة بودريا :tease: .... الماي لما ينقط معناه ان عملية احتراق البترول في البستن تمت بشكل صحيح ويسمونه Complete Combustion ..... يعني كل البترول اللي في الستروك احترق ونتج عنه ماي وثاني اكسيد الكربون .... H2O & CO2 >>>> ولو الاحتراق مب كامل ... تقل كمية الماي .... وتصير رذاذ مع اول اكسيد الكربون وثاني اكسيد الكربون ... ويسمونه ..... incomplete combustion ....

الزبده ..... مافي مشكل بابا ..... سياره مال انتا واجد جين :nice:
ثاني
06-03-2011, 02:12 PM
ههههههه
الله يرفع قدرك
ماقصرت يالشيخ
وماقصرو الاخوان بوسيف و سهيل و الخارجية
بونو
06-03-2011, 02:24 PM
لاهنت ولا يهونون الحاضرين