استفسار

[الرها]

السلام عليكم
بغيت اعرف من افضل دكتور بمستشفى خاص يسوي عمليات اللوز للاطفال
ولكم الشكر

[سوق واقف]

نصيحه لوجه الله

والله ولدي عبدالرحمن الله يحفظه عمره خمس سنوات أكثر من دكتور قالي لازم تشيل اللوز وديته برع قالوا ولا فيهم شيء وعطوني علاج والحمد الله ..

ما عليك من الدكاتره ولا يعرفون شيء ...

اذا شليت اللوز عقب الولد دايمن يكون مريض واي غبار يطيح مريض اللوز يمنع المكيروبات من دخول الجسم

[المـهـفـة والـســفـرة]

خطاكم الشر.
عندك الدكتور عبدالعزيز الجفيري.
عند وصولك لدوار قطر للديكور,,, روح صوب دوار أم سيمير بأتجاه بهامور
من توصل ثاني أشارة عند محطة بترول بوهامور على نفس الطريق
تتعدى الاشارة وتدخل أول منعطف ع اليمين وتكون محاذي للشارع الرئيسي
ستجد عيادة الدكتور عبدالعزيز علي يمينك.

وعملية اللوز بسيطة ولاتدعي للخوف , فقط توكل على الله.
لأنه في بعض اللوز تسبب أختناق للطفل وهو نايم,,, تحمل عليه.

ودعواتي لكم بالشفاء والاجر من الله.

[الرها]

اشكركم على الافادة

[سوق واقف]

خطاكم الشر.
عندك الدكتور عبدالعزيز الجفيري.
عند وصولك لدوار قطر للديكور,,, روح صوب دوار أم سيمير بأتجاه بهامور
من توصل ثاني أشارة عند محطة بترول بوهامور على نفس الطريق
تتعدى الاشارة وتدخل أول منعطف ع اليمين وتكون محاذي للشارع الرئيسي
ستجد عيادة الدكتور عبدالعزيز علي يمينك.

وعملية اللوز بسيطة ولاتدعي للخوف , فقط توكل على الله.
لأنه في بعض اللوز تسبب أختناق للطفل وهو نايم,,, تحمل عليه.

ودعواتي لكم بالشفاء والاجر من الله.


صحيح ولكن الجفيري ماراح يقول غير شيل اللوز أنا رحت له قالي شيلهم وريح نفسك

[خزامئ]

عبد العزيز الجفيري

[%حورية قطر%]

عمرو الحكيم ممتاز استشاري في مستشفى حمد وعنده عياده مسائيه
عبدالعزيز الجفيري

[q6r2009]

افضل دكتور في قطر ...بحكم خبرتي مع بياطرة قطر ...

أحمد حندوسة في مغربي بجانب المستشفى الأهلي ...
بروفيسور للأنف والأذن والحنجرة ..

الله يشفي ولدك ..

[omabdulla]

السلام عليكم اخوي شيل اللوز وتوكل على الله نفس ماقال اخوي الله يجزيه خير مع الوقت تسبب اختناق حق اليهال وهو نايم والهشي صار لولدي الله يحفظه ، بشيلها في المستشفى الاهلى اقريب ان شاء الله لان كان عنده موعد مع الدكتوره منال العبدالله في البحرين بس الله ماراد لنا السفره توكل على الله سبحانه وماعليه شر ان شاء الله ..

[][ iMedia ][]

اختي العمليه اقل من بسيطه .. مش محتاجه سؤال حتى مين افضل !!
اذا بدك انا بعملها ! ههه
على العموم .. بالسلامه ان شا الله :)

[ابو علاوي]

نتمناله الشفاء العاجل

[الدمعه]

الجفيري قبل اسبوعين تقريبا شايل حق واحد لحميه ومسبب لهم نزيف عمته الفلوس

يوم كان في رميله وايد كان شغله نظيف ومهتم بمرضاه ..

بنت اختي ودوها له وكانت تعاني من اللحميه والتهاب خلف طبله الاذن .. وخرعهم

انها بتصير صمخه اذا ماسوولها العمليه عقب يومين بالكثير ..

في لحظه اختي غيرت رايها قبل لاتوقع اوراق العمليه .. وراحت رميله عند وحده

نعرفها واستشارتها قالت لها مايصير تسوونها احين لان اصلا البنت فيها التهاب في

خشمها وزورها ومعاها حراره ولازم تتعالج قبل العمليه .. والحمدلله سوتها في الخشم

والاذن مره وحده وطلعت

في نفس اليوم ..

ونفس الدكتوره سوت حق ولد ولد خالتي ياهل شلت له اللوز واللهم لك الحمد والشكر

الصبي فديته شحلوه ولايمرض بزياده ولاشي عادي ..

وبعد بيوودون لها ولد اختي .. يشيلون له اللحميه ويشوفون اذنه مادري شفيها بعد مسببه

له صداع يقومه من النوم بصراخ ..

المهم في النهايه عندج رميله دكاترتهم ممتازين وماعليهم كلام

د. هيام الطويل اذا تحبين تستشيرينها..

[باسكن روبنز]

لاتستعجلين جـآيز آلتهابات بسيطه من تغير جو هاليومين ،

آن شالله يفيدونج المجربيـن ويقوم الولد بالسلامه ،

[الرها]

اشكر كل من افادني ويعطيكم العافيه