ممكن حد يشرحلي معنى زيادة رسوم المدارس الخاص الشبه سنوية؟

[سعادة الوزير]

السلام عليكم ورحمة الله

انا ودي ان حد يشرح لي هالموضوع لاني حاولت افهمه بس ماقدرت! .. ايش المغزى من الزيادة المنتظمة لرسوم المدارس الخاصة؟ .. هل هي مثل العلاوات او الزيادات السنوية الي في الراتب مثلاً؟؟ ، وماهي دوافع مثل هالزيادات؟ .. هل المدارس من الممكن ان تقارن بالقطاع الصناعي مثلا وانه يعانى من ارتفاع اسعار المواد الاولية والنفط؟؟ .. وليش هالموال الممل وهالاسطوانة المشروخه الي تصير كل سنة بين المجلس الاعلى للتعليم وبين المدارس الخاصة ؟ .. المجلس يقول مافي زيادة ، والمدارس تقول لا فيه زيادة ، ويرد المجلس يقول لا ممنوع ، وسنعاقب كل من تسول له نفسه لمخالفة الاوامر ، ونهاية المطاف تطبق الزيادة السنوية المعتادة ، والمجلس يخيم عليه الصمت المطبق!!!

هل هناك اتفاق مسبق بين المجلس وبين اصحاب المدارس؟ ، هل هو فساد؟ ، هل هناك رشاوى تدفع لعمل مثل هذه التمثليات السنوية لتمرير وتبرير هذه الزيادات؟

الله اعلم!!

[ام السعف]

يقول لك ما يحق لهم الزيادة ، هذا بناء على تصريحات من المجلس الأعلى للتعليم
يا اخي راجع المجلس وقول لهم زادونا :(

[chillis]

على ان المجلس الاعلى اصدر قرار لا زياده الا بامر منهم وبشكل رسمي هذي بعض المدارس من الحين ارفعت الاسعار للسنه الجايه متحديه قرار المجلس الاعلى خوش يا مجلس يا اعلى صباح الخير يانايمين بالعسل ال ايه ال مجلس أعلى

[سعادة الوزير]

يقول لك ما يحق لهم الزيادة ، هذا بناء على تصريحات من المجلس الأعلى للتعليم
يا اخي راجع المجلس وقول لهم زادونا :(

هاذي هي المشكلة ، ان في الاخير المجلس يسح لهم بالزيادة عن طريق السكوت.

عموما انا استغرابي مب من سكوت امجلس الاعلى ، اصلاً من متى وحنا نرجي من وراهم الخير! .. المشكلة اني مب عارف ايش سبب هالزيادات؟؟ .. ولا هي بس زيادات سنوية وخلاص؟؟

[ام السعف]

هاذي هي المشكلة ، ان في الاخير المجلس يسح لهم بالزيادة عن طريق السكوت.

عموما انا استغرابي مب من سكوت امجلس الاعلى ، اصلاً من متى وحنا نرجي من وراهم الخير! .. المشكلة اني مب عارف ايش سبب هالزيادات؟؟ .. ولا هي بس زيادات سنوية وخلاص؟؟

في هذي اتفق معاك ولي موقف سابق وصلت الموضوع شخصيا الى المجلسالأعلى واتصلت فيني السيدة هيا وقالت لي ما يحق لهم واتصلوا حقوق الطفل بالسيد عادل السيد واكد ما يحق لهم
وفي الأخير المدرسة خذت رسوم حجز كراسي 5000 ريال من كل طفل قطري :(

ما شفنا لا قرار ولا هم يحزنون ،، يعني هل معقولة صعبة على المجلس الاعلى يصدر
قرار بمنع الزيادة ويكون القرار ملزم ؟ ولا هو يصدر القرار بس المدارس الخاصة
مالها دخل في الموضوع ؟

[La Bella]

شلون ماتبونهم يزيدون الأسعار ويشوفونكم متمسكين بمدارسهم التعبانة
دعوها تخيس ورجعو للمستقله أفظل لكم مادياَ ومن ناحية التعليم

[mnmn172]

السلام عليكم صحيح تعبنا من زيادة الرسوم لكن شنسوي مافيه مدارس تعتمد عليها ولو فيه مافيه مكان الا بالواسطه

[ام السعف]

شلون ماتبونهم يزيدون الأسعار ويشوفونكم متمسكين بمدارسهم التعبانة
دعوها تخيس ورجعو للمستقله أفظل لكم مادياَ ومن ناحية التعليم

مستحيل تكون افضل من ناحية التعليم مستحيل:(

[بومتعب]

مشروع افتتاح مدارس دولية في قطر يعتبر من اكبر المشاريع المربحة خاصة في ظل ضعف مستوى المدارس المستقلة من جهة وقلة عدد المدارس الخاصة من جهة اخرى خاصة اذا ما علمنا بأن تكلفة الطالب للفصل الواحد في المدارس الخاصة تتراوح بين 5000 الى 12000 ريال

[سعادة الوزير]

سبحان الله! ... صار الي كنت متوقعه بالضبط ، المجلس وافق على الزيادة!!

الظاهر انهم يبون يعاقبونا لان خلينا مدارسهم المستقله ورحنا للتعليم الخاص!

[خزامئ]

قالو لفرعون من فرعنك
قال ماحصلت حد ايردني

[شيط ويط]

المفروض يصدر بيان - ان لم يصدر - يوضح فيه المجلس مبررات هذه الزيادة