سؤال بخصوص اختبار القبول في كلية المجتمع .. [الأرشيف]

مشاهدة النسخة كاملة : سؤال بخصوص اختبار القبول في كلية المجتمع ..

شموع قطريه

07-03-2011, 11:05 AM

السلام عليكم ..

حبيت اسأل اللي عنده فكره عن اختبار القبول في كلية المجتمع او قدم هالاختبار ..
شلون كان .. وهل الاسئله تشبه اسئلة نموذج الاختبار اللي يوزعونه على الطلبه اللي سجلوا علشان يتدربون على طريقة الاسئله ؟؟
وهل استعانوا بمدرسين لدراسة اختبار القبول ؟؟

وياريت اللي يعرف مدرسة ممتازه لتدريس الرياضيات والانجليزي لطالبه حابه تدخل كلية المجتمع وتجتاز اختبارهم فياريت يتكرم ويرسله لي واكون شاكره له .. وياريت بأسرع وقت لان ماباقي شي على الاختبار

ام خليفة

07-03-2011, 01:43 PM

اختي بخصوص الاختبار

اختبار انجليزي عادي سهل مايحتاج مدرس
يعني مثلا في اللسننغ يحطون لج 4 صور ، ويتكلم الشريط عن هوايه معينه انتي تحطين تك على الصوره .
هو بس يشوفون تفهمين انجليزي ولالا .. وفي ريدنغ فقرات سهله بعد تعتمد على فهمج

اما الرياضيات انا حطيت لي مدرس وماستفدت منه لان الاختبار كان على الكمبيوتر وتستخدمين حاسبه الكمبيوتر ، وانا هاي اللي وهقني خذوا مني الحاسبه وخلوني استخدم حاسبه الكمبيوتر وماعرفت لها لان ماعمري استخدمتها وماعرفت اشتغل على الجذور والكسور وفتح الاقواس

مع ان مذكور في الورقه يوم التسجيل الرجاء احضار الحاسبه !!

والحمدلله مع هذا قبلوني بعد بس لفل 3 وانتي لازم تعدين لفل 5 عشان تتخصيين

موفقه حبيبتي بس متى الاختبار لاني افكر اعيده

شموع قطريه

07-03-2011, 02:58 PM

ماقصرتي يا ام خليفه جزاج الله كل خير حبيبتي ..
فديتج الاختبار مب لي لوحده من بناتنا وعلى ما اعتقد بيكون الاختبار بتاريخ 24/ 3 اذا ماخاب ظني .. حاولي وان شاءالله تتوفقين وتجيبين 5 وتتخصصين .. يعطيج العافية

َQaTaRi

07-03-2011, 03:04 PM

وانا ان شاء الله اقدم اوراقي
بس حبيت استفسر يصير اني اشتغل وااكون فالكليه ؟
ويعطيكم العافيه يا قطر في قلبي وام خليه
عسآآكـــم دووووم عآآلـــقوووه

الدانـه

07-03-2011, 03:31 PM

اي يصير

لان فاتحين كليه مسائي

Cooki

07-03-2011, 08:47 PM

اعتقد الامتحان بيكون في 27 او 28 -3

وبخصوص الامتحان.. في موقع اسمه compasstest.com.. هو موقع للامتحانات تحديد المستوى ..

اعطتني اياه الموظفه اللي بكليه المجتمع جزاها الله الف خير .. الصراحه وايد مفيد ..

في هالموقع امتحان تجريبي لكل افرع الامتحان ..استماع وكتابه وقراءه واعتقد بعد رياضيات ..

تحلينه وبعدين تشيكين على الاجابات بنفسج وتشوفين بوشو غلطتي ..

على الاقل تتعرفين على شكل الامتحان ونوعيه الاسئله ..

بومحمد911

07-03-2011, 09:26 PM

بالتوفيق للجميع

الروقي

08-03-2011, 09:05 AM

الي عنده فكره عشان التقديم لكلية المجتمع متى وكيف اقدم اوراقي كل مره يقولون في اليوم الفلاني في التاريخ الفلاني لين ضاع الوقت

ارجو من يوجهني ويساعدني كيف ومتى اخر اونهاية التقديم على الكليه

وشكرا

شموع قطريه

08-03-2011, 09:07 AM

be cool

12-03-2011, 01:26 PM

متى بتكون امتحانات القبول؟؟ والساعه كم؟؟ والمكان وين؟؟

الجــــــآدل

12-03-2011, 03:56 PM

الرجـــآآآآآآآآآآآآآآء المسااااااااااااااااااعده :( :( :(

انا مقدمـ،ـه من شهر 12 وكان سهل بالنسبه لي بس انا انشغلت ولحد الحين ماوصلني مسج او ايميل شالحل يا جماااااااااعه ساعدوني :( ,,,,,,

اللي عنده فكره بليز يعطيني جواب واللي يدل مبنى البنات الجديد بعد يقولي وين بالضبط

طــمــوحــة

12-03-2011, 04:07 PM

^
روحي بنفسج الكليه وسئليهم .. هم ما يتصلون على الناس لان وايد بنات حابين يلتحقون بالكليه

مبنى البنات مجابل المستشفى الامريكي

بجنب الاولى للتمويل ومسجد ابو عبيده

بالتوفيق

الجــــــآدل

12-03-2011, 04:15 PM

يعطيــــج العاااااااااااااافيه اختي طموحه ,
ما قصرتي حبيبتي

Al-Kuwari

12-03-2011, 08:09 PM

انا قدمت الامتحان وكان سهل وايد لاتحاتين

وفي صباحي ومسائي

الصباحي يبدى من اي لفل حسب المقاعد

المسائي لازم يكون مستواك من لفل 4 وطالع

لفل 4 المسائي يدرسون سنه كامله ويدخلون بعدها لفل 5 او الكليه ماتذكر بصراحه

اما لفل 5 يدرسون كورس واحد وبعدها يدخلون الكليه

بالتوفيق ان شا الله

بو فـهـد

13-03-2011, 11:26 AM

وصلني اليوم مسج يقول

تم تحديد مواعيد امتحان القبول

لكلية المجتمع في قطر ويبدأ التسجيل للامتحان

الاحد 13/3/2011 في كلا المبنيين

يمكنك ارسال بياناتك على العنوان التالي وذلك لحجز مقعدك للامتحان

admission@ccq.edu.qa

وشكرا

والله يوفق الجميع

أم المها

13-03-2011, 12:57 PM

وانا نفسك اخوي بوفهد .. بس انا مافهمت يعني ما اروح اسجل ؟ بس ارسل البيانات وخلاص ؟

النجلا

13-03-2011, 01:53 PM

امتحان الرياضيات ماياخذون بدرجته نهائيا بس مجرد انهم يبون يشوفون مستوى الطالب فيه

يعني لو جبت 0 مايتأثر اللفل اللي بيحطونج فيه في الانجليزي .. لان امتحان الانجليزي هو المهم .. وسهل واايد ..