........................لمصلحه من؟؟؟؟؟؟؟؟؟؟؟؟

[الصريحه]

السلام عليكم ورحمه الله وبركاته.

في صبيحه كل يوم عندما اهم بايصال ابنائي الى مدارسهم ,ابني البكر يدرس بمدرسه خاصه يقوم بتدريسه رجال, اساسها الدين والاخلاق والتربيه ومن ثم باقي العلوم, اغلب طلاب المدرسه من الاجانب.
ابنتي تدرس في مدرسه مستقله اغلب زميلاتها قطريات,وبجوار مدرستها مدرسه خاصه تعتمد اللغه الانجليزيه والعلوم التطبيقيه اساس لها .اغلب طلابها من الاجانب................
للاسف ادرك هؤلاء بان المدخلات الجيده تعطي مخرجات جيده وتخصصات مميزه وشهادات عاليه ولغات قويه.............................................. .....
بينما ابنائنا مازالوا في مدارسهم المستقله يتخبطون تاره في المناهج واخرى بضعف المدرسين والمحصله شهادات عاديه ومقبوله ,لاترقى ببناء الوطن في ظل المتغيرات القادمه.

...... اتمنى ان نعطى كقطريين بطاقه لتعليم ابنائنا في افضل المدارس القويه في الدوله وتامين صحي قوي لسلامه عقول وبدن ابائنا................كي لانجد اعذار اخرى ليحتل الغريب ارقى المناصب في دولتنا بحجه تميز وقوه شهاداته وهو يعمل الان على ابنائه ليسيروا بنهجه ليحصلوا على اقوى الروتب والعلاوات والتامين والبطاقات البنكيه المختلفه .
نريد لابنائنا مايستحقون ؟وان يكونون قاده يبنون ويبدعون في بلادهم من غير الحاجه لاحد اتمنى مشاركتكم ارائكم من دون ان يتخذ الموضوع مسار اخر...........

[مونديال]

يعني قصدك نهد المدارس ونروح المدارس الخاصه كلنا بس بيصير زحمه صح

[الصريحه]

يعني قصدك نهد المدارس ونروح المدارس الخاصه كلنا بس بيصير زحمه صح

ههههههههههه
لاقصدي يعطى القطري الفرصه مثل الاجنبي ويترك الخيار له
بس فكر بمخرجاتهم الطيبه

[بومتعب]

الغريبة في الامر

ان المجلس الاعلى للتعليم هو من يمنح التراخيص وهو من يشرف على العملية التعليمية في المدارس المستقلة والخاصة وهو من يعلم علم اليقين ويعترف بان مستوى المدارس الخاصة في اغلبها وخاصة الاجنبية منها افضل بكثير من المدارس المستقلة فمستوى الطالب في الصف الاول الابتدائي بالمدارس الدولية في قطر يعادل مستوى الطالب في الصف الثاني او الثالث في المدارسة المستقلة برغم المباني الفخمة والتجهيزات الحديثة للمدارس المستقلة .....

وفوق هذا كله تعتبر مخرجات المدارس المستقلة ضعيفة للغاية اذا ما قورنة بالمدارس الخاصة

الغريب في الامر ان المجلس الاعلى يصرف ميزانيات ضخمة على المباني والتجهيزات المدرسية الا ان جودة الكادر التعليمي والتدريسي في تلك المدارس تواجهه حملات تقشفية في الرواتب والاجور مما لايشجع على استقطاب الكادر التدريسي الكفؤ المؤهل لمثل هذا الامر .....برغم علم المجلس الاعلى للتعليم بذلك للاسف

[مونديال]

ههههههههههه
لاقصدي يعطى القطري الفرصه مثل الاجنبي ويترك الخيار له
بس فكر بمخرجاتهم الطيبه

ايييييييه
انا اقول يخلون لقطري في حاله وايد ابرك
وبدال هل خساير يرجعون الدراسه القديمه شحلاتها واجباري عقب
الثانويه لازم سنه دراسه خارجيه فقط لغه
بتشوفينا بلابل بنصير بنغرد عنقريزي

[الصريحه]

الغريبة في الامر

ان المجلس الاعلى للتعليم هو من يمنح التراخيص وهو من يشرف على العملية التعليمية في المدارس المستقلة والخاصة وهو من يعلم علم اليقين ويعترف بان مستوى المدارس الخاصة في اغلبها وخاصة الاجنبية منها افضل بكثير من المدارس المستقلة فمستوى الطالب في الصف الاول الابتدائي بالمدارس الدولية في قطر يعادل مستوى الطالب في الصف الثاني او الثالث في المدارسة المستقلة بغقم المباني الفخمة والتجهيزات الحديثة للمدارس المستقلة .....

وفوق هذا كله تعتبر مخرجات المدارس المستقلة ضعيفة للغاية اذا ما قورنة بالمدارس الخاصة

الغريب في الامر ان المجلس الاعلى يصرف ميزانيات ضخمة على المباني والتجهيزات المدرسية الا ان جودة الكادر التعليمي والتدريسي في تلك المدارس تواجهه حملات تقشفية في الرواتب والاجور مما لايشجع على استقطاب الكادر التدريسي الكفؤ المؤهل لمثل هذا الامر .....برغم علم المجلس الاعلى للتعليم بذلك للاسف
شكرا للتوضيح والافاده
واتفق معاك كليا وبانتظار الاخرين

[الصريحه]

ايييييييه
انا اقول يخلون لقطري في حاله وايد ابرك
وبدال هل خساير يرجعون الدراسه القديمه شحلاتها واجباري عقب
الثانويه لازم سنه دراسه خارجيه فقط لغه
بتشوفينا بلابل بنصير بنغرد عنقريزي

مااعتقد الدراسه القديمه اللي اساسها اللنسخ وحفظ بتطلع اجيال قياديه ومبدعه في الدوله
خصوصا في ظل المتغيرات الحاليه والقادمه

[فيزيائية]

لمصلحة من ؟؟
أكيد ليس لمصلحتنا !
لأننا نملك الحق كمواطنين في دولة غنية ان نختار نوع التعليم الذي نمنحه لابنائنا دون التفكير بأعباء اقساطه ...بينما الآخرون يُمنحون مجانية التعليم لابنائهم الشيء الذي بالتأكيد لاتوفره لهم دولهم الأم .

[بومتعب]

بغيت اقول حاجة اخرى وهي ان مشروع افتتاح مدارس دولية في قطر يعتبر من اكبر المشاريع المربحة خاصة في ظل ضعف مستوى المدارس المستقلة من جهة وقلة عدد المدارس الخاصة من جهة اخرى خاصة اذا ما علمنا بأن تكلفة الطالب للفصل الواحد في المدارس الخاصة تتراوح بين 5000 الى 12000 ريال .

[ام السعف]

لمصلحة مــن ؟
بالفعل اغلب الاجانب تدفع رسومهم ،، وهناك قطريين ما نقول لا بس في اللي منهم
يدفعون من جيوبهم الخاصة :(

[مونديال]

مااعتقد الدراسه القديمه اللي اساسها اللنسخ وحفظ بتطلع اجيال قياديه ومبدعه في الدوله
خصوصا في ظل المتغيرات الحاليه والقادمه
انتي شايفه هل جيل وش طالع
الله على الجيل القديم
التربيه والتعليم

[الصريحه]

انتي شايفه هل جيل وش طالع
الله على الجيل القديم
التربيه والتعليم

اخوي انا من مخرجات التعليم السابق
ويعلم الله ان اكثر مادرسته في تخصصي نسيته لانه لم يطبق في حينه ولو بدورات تدريبيه وكان يعتمد الحفظ بدون تطبيق عماي وبعد التخرج تجد مصاعب في الاحياه العمليه لان الحفظ غير والتطبيق العملي غير

واجد الكثيرين الذين لايكتبون اللغه العربيه بدون اخطاء
(هذا فقط في التعليم السابق)

[الصريحه]

لمصلحة من ؟؟
أكيد ليس لمصلحتنا !
لأننا نملك الحق كمواطنين في دولة غنية ان نختار نوع التعليم الذي نمنحه لابنائنا دون التفكير بأعباء اقساطه ...بينما الآخرون يُمنحون مجانية التعليم لابنائهم الشيء الذي بالتأكيد لاتوفره لهم دولهم الأم .


لمصلحة مــن ؟
بالفعل اغلب الاجانب تدفع رسومهم ،، وهناك قطريين ما نقول لا بس في اللي منهم
يدفعون من جيوبهم الخاصة :(

ياليت يتم اتخاذ قرار لصالح المواطنين والجيل القادم بهذا الشان

[مونديال]

اخوي انا من مخرجات التعليم السابق
ويعلم الله ان اكثر مادرسته في تخصصي نسيته لانه لم يطبق في حينه ولو بدورات تدريبيه وكان يعتمد الحفظ بدون تطبيق عماي وبعد التخرج تجد مصاعب في الاحياه العمليه لان الحفظ غير والتطبيق العملي غير

واجد الكثيرين الذين لايكتبون اللغه العربيه بدون اخطاء
(هذا فقط في التعليم السابق)
اذا في التعليم انا معاك اما التربيه
الجيل القديم تميز باحترام المدرس
واما الباقي تعتمد على الثقافه والبحث والاطلاع
ولايقارن القديم بالجديد لتوفر المعلومه لهذا الجيل
الذي اصبح العالم بين يديه

[MAZEN37]

ايييييييه
انا اقول يخلون لقطري في حاله وايد ابرك
وبدال هل خساير يرجعون الدراسه القديمه شحلاتها واجباري عقب
الثانويه لازم سنه دراسه خارجيه فقط لغه
بتشوفينا بلابل بنصير بنغرد عنقريزي
وجهة نظر جميله:nice:

[مريومة]

مااعتقد الدراسه القديمه اللي اساسها اللنسخ وحفظ بتطلع اجيال قياديه ومبدعه في الدوله
خصوصا في ظل المتغيرات الحاليه والقادمه

آخ يا زمن .. الحين صارت المدارس الحكومية كخه

اغلب اللي ماسكين الوزارت والهيئات والمؤسسات مخرجات التربية والتعليم

صحيح كان في نسخ ولصق .. لكن في فهم واستيعاب

اما الحين نسخ ولصق والعقول الله بالخير

[الصريحه]

آخ يا زمن .. الحين صارت المدارس الحكومية كخه

اغلب اللي ماسكين الوزارت والهيئات والمؤسسات مخرجات التربية والتعليم

صحيح كان في نسخ ولصق .. لكن في فهم واستيعاب

اما الحين نسخ ولصق والعقول الله بالخير

اختي مع احترامي لكلامك
هل تستطيعين مقارنه من تخرج من جامعاتنا ودرس بالاسلوب القديم مع من درس في افضل المدارس الخاصه
من حيث المعلومات وطلاقه اللغه وحصوله على شهادات مميزه
الخلاصه خذوا عنا الوظائف

[ضوى]

كانت عندي فرص كثيرة اني ادخل عيالي مدارس اجنبية خاصة رفضت ، لما عرفت انه تركيزهم عالعلم فقط اما دين فصفر وان لم يكن صفرا كان ضحلا

[عندما اريد]

سبحان الله وبحمده .. سبحان الله العظيم

[حليتان*]

الغريبة في الامر

ان المجلس الاعلى للتعليم هو من يمنح التراخيص وهو من يشرف على العملية التعليمية في المدارس المستقلة والخاصة وهو من يعلم علم اليقين ويعترف بان مستوى المدارس الخاصة في اغلبها وخاصة الاجنبية منها افضل بكثير من المدارس المستقلة فمستوى الطالب في الصف الاول الابتدائي بالمدارس الدولية في قطر يعادل مستوى الطالب في الصف الثاني او الثالث في المدارسة المستقلة برغم المباني الفخمة والتجهيزات الحديثة للمدارس المستقلة .....

وفوق هذا كله تعتبر مخرجات المدارس المستقلة ضعيفة للغاية اذا ما قورنة بالمدارس الخاصة

الغريب في الامر ان المجلس الاعلى يصرف ميزانيات ضخمة على المباني والتجهيزات المدرسية الا ان جودة الكادر التعليمي والتدريسي في تلك المدارس تواجهه حملات تقشفية في الرواتب والاجور مما لايشجع على استقطاب الكادر التدريسي الكفؤ المؤهل لمثل هذا الامر .....برغم علم المجلس الاعلى للتعليم بذلك للاسف


اقولك شي بيني وبينك ...

انا في ثالث ثنوي فالمستقله ..وبنت اخوي فالصف الثاني في اكديمية قطر التابعة لمؤسسة قطر

المهم كذا مره حاولت اني افهم الموجود فكتابهم الانجليزي ولكن ما اقدر

مع العلم ان نسبتي الى الان والحمدلله 82 :(

[حليتان*]

آخ يا زمن .. الحين صارت المدارس الحكومية كخه

اغلب اللي ماسكين الوزارت والهيئات والمؤسسات مخرجات التربية والتعليم

صحيح كان في نسخ ولصق .. لكن في فهم واستيعاب

اما الحين نسخ ولصق والعقول الله بالخير

يا بنت عقاب ..العقول مهب الله بالخير

النظم الي في المدرسه هي الي الله بالخير


بعض اصحاب التراخيص مايهمه شالي يصير في الصفوف

الي يهمهم تطبيق معاير المجلس الاعلى حتى لو كانت اعلى من مستويات الطلاب


وان رحنا اشتكينا وتكلمنا ان احنا ما تاسسنا بما ان نظام المستقله جديد علينا من 3 سنين
وهالـ 3 سنين الانجليزي كانو يرزون فالمعاير بنسبة 70% وعلى اخر سنه صارت 99.9%


وهذا كلام الاكديمي يوم الخميس الي طاف ... احنا ندري ان اعلى من مستواكم لكن هذي معاير المجلس الاعلى واحنا مانقدر نغير شي ...

اقوله زين كلمهم ووضح لهم هالشي ...يقول ما بيدنا شي وما نقدر نغير شي :rolleyes2:



احس اني طلعت من الموضوع ... السموحه

[المـهـفـة والـســفـرة]

لمصلحة من...!!
أعتقد الصورة واضحة وجلية.

تخبرين ضربة الأبراج 9/11

ومن يومها قالوا للعرب غيروا مناهجكم
لأن التعليم بالوطن العربي,
فيه مخرجات , غبية متخلفة , ماتواكب التطلعات الغربية.
واللغة العربية اللي تدرسونها لأبنائكم ,,, نبيكم تمحونها.
لأن القرآن والشرعية الأسلامية عندكم ,
مخرجاتها فئات أرهابية .

وللأسف تم تنفيذ القرار ,وبدء التطبيق في بعض الدول.
الأ من رحم ربي .

أصبحت اللغة العربية بالمدارس المستقلة ماهي الأ... لذر الرماد بالعيون .

ولدكم طالب أول ثانوي.

[دستور]

المكلفون بتطوير التعليم ليس لديهم علم بأن تطوير التعليم لايكون إلا بتطوير المعلم أولا"

[أبو مناير]

لا بقينا على تعليمنا الأول ، ولا صرنا مثل الغرب ، وأصبحنا في منطقة ضبابية ، نسأل المولى عز وجل أن يساعدنا في الخروج منها .
وسلامتكم .

[intesar]

أقول عن تجربة
المدارس المستقلة مناهجها تمام التمام
يعني بنتي تبارك الرحمن معلوماتها أحسن من أي طفل تعلم بالخاصة
ولدي دخلته الخاصة دمروه الله يدمرهم والحمد لله طلعته ووديته مدرسة خاصة ثانية
واضطريت ادخله خاصة لأن المستقلات ارفضته لظروفه الصحية

المستقلة مناهجهم ما تقل قوة عن الخاصة بل ممكن تفوقها .. ولا تقولون اكتساب لغة اجنبية لأنه يقدر ياخذه من معاهد
مو حلوة الولد لسانه عوي وغير البث الغير صريح للتنصير .. ومناهج بنفس مستوى المستقلات .. ١٦ سنة وأنا أقارن ما بين المستقلات والحكومة وكل لها عيوبها .. المناهج ما تختلف لكن الخاصة يعتمدون نظام الدبلوما والبكالوريا وهذي مو كل المستقلات عندها .. مثلا البيان عندها .. فيه نظامين بريطاني أثبت صعوبته وفشل تطبيقه عندنا في قطر ومستوى طلبتنا .. والنظام الأميركي أسهل وأفضل لطلبتنا .. والإمتحانات من برع .. أما المستقلات فالمناهج تقريبا نفسها ..

وربي الكفاءات اللي بالمستقلات أعلى .. أقلها أولادكم ما يطلعون دلوعين ونص رجاجيل .. وخلنا واقعيين ..يعني أنا مجربه الجهتين والخاصة بلوى
ايش مشكلة المستقلات .. المناهج قوية..
طاقم التدريس الأجنبي ضعيف يعني من الهند وايران وجنوب أفريقيا.. بصراحة وين بنات البلد اتركوا عنكم الكسل .. المستقلات محتاجة لكم ..
الإدارة تعاملها المدرسة دوما على حق .. والطالب دائما على باطل .. لا تناقشهم لأنك بتطلع غلطان ..

بس الحمد لله مقتنعة جدا بالمستقلات .. يعلمون الطالب علي أسلوب التحاور والتخاطب .. الحين بنتي في المرحلة ١١ .. عندها أعمال تطوعية وفنية ورياضية .. وغير أشياء تعين الطالب على رنه يكون جريء في حياته العملية وفي مستقبله ..

وبس سلامتكم ..

[intesar]

اقولك شي بيني وبينك ...

انا في ثالث ثنوي فالمستقله ..وبنت اخوي فالصف الثاني في اكديمية قطر التابعة لمؤسسة قطر

المهم كذا مره حاولت اني افهم الموجود فكتابهم الانجليزي ولكن ما اقدر

مع العلم ان نسبتي الى الان والحمدلله 82 :(


اللغة خذها من المعاهد.. ولا تغرك المدترس الأجنبية خرطي لا تثقف ولا هم يحزنون وقلوبهم على فلوسهم

[ام السعف]

أقول عن تجربة
المدارس المستقلة مناهجها تمام التمام
يعني بنتي تبارك الرحمن معلوماتها أحسن من أي طفل تعلم بالخاصة
ولدي دخلته الخاصة دمروه الله يدمرهم والحمد لله طلعته ووديته مدرسة خاصة ثانية
واضطريت ادخله خاصة لأن المستقلات ارفضته لظروفه الصحية

المستقلة مناهجهم ما تقل قوة عن الخاصة بل ممكن تفوقها .. ولا تقولون اكتساب لغة اجنبية لأنه يقدر ياخذه من معاهد
مو حلوة الولد لسانه عوي وغير البث الغير صريح للتنصير .. ومناهج بنفس مستوى المستقلات .. ١٦ سنة وأنا أقارن ما بين المستقلات والحكومة وكل لها عيوبها .. المناهج ما تختلف لكن الخاصة يعتمدون نظام الدبلوما والبكالوريا وهذي مو كل المستقلات عندها .. مثلا البيان عندها .. فيه نظامين بريطاني أثبت صعوبته وفشل تطبيقه عندنا في قطر ومستوى طلبتنا .. والنظام الأميركي أسهل وأفضل لطلبتنا .. والإمتحانات من برع .. أما المستقلات فالمناهج تقريبا نفسها ..

وربي الكفاءات اللي بالمستقلات أعلى .. أقلها أولادكم ما يطلعون دلوعين ونص رجاجيل .. وخلنا واقعيين ..يعني أنا مجربه الجهتين والخاصة بلوى
ايش مشكلة المستقلات .. المناهج قوية..
طاقم التدريس الأجنبي ضعيف يعني من الهند وايران وجنوب أفريقيا.. بصراحة وين بنات البلد اتركوا عنكم الكسل .. المستقلات محتاجة لكم ..
الإدارة تعاملها المدرسة دوما على حق .. والطالب دائما على باطل .. لا تناقشهم لأنك بتطلع غلطان ..

بس الحمد لله مقتنعة جدا بالمستقلات .. يعلمون الطالب علي أسلوب التحاور والتخاطب .. الحين بنتي في المرحلة ١١ .. عندها أعمال تطوعية وفنية ورياضية .. وغير أشياء تعين الطالب على رنه يكون جريء في حياته العملية وفي مستقبله ..

وبس سلامتكم ..

اسمحي لي اختلف معاج

عندي 3 طلاب في مدرسة خاصة ولله الحمد الثلاث مناهج المستقلة ماي عندهم :)
لا شفنا تنصير ولا شفنا غيره على عيالنا ولله الحمد ( بفضل من الله وحده ) ..

والإدارة جدا متعاونة ويانا ،، ولنا كلمة مسموعة في المدرسة ان طالبنا بحقنا بفضل من الله
.............................

اخونا amaf535

طبعا المدارس الخاصة افضل من المعاهد لعدة اسباب
المعهد بالكثير ان بالغت راح تدرس فيه 3 ساعات في اليوم بمعدل 4 ايام في الاسبوع
لكن المدارس الخاصة راح تدرس فيها 6 ساعات يوميا بمعدل 5 ايام في الاسبوع
وراح تتعرف على كلمات انجليزية اكثر بعلوم مختلفة وراح تمارس اللغة على مدار اليوم
في المدرسة مع المدرسين و المدرسات ،،

لذلك الطفل يدخل يتأسس في مدرسة مستواه راح يكون اعلى من طفل يتأسس في معاهد

ولما نقول لغة هذا لا يعني انه يكون شاطر ،، اكتساب اللغة غير عن اكتساب العلوم
والدليل على هذا هناك اطفال شاطر لكنهم مب طلقين في اللغة لأن ما عندهم اللي
يمارس اللغة وياهم في البيوت ،، وهناك طلاب سوالف انجليزية مع الخدم وطلاقة
في النطق لكن ضعف في المحصلة النهائية،،

[LED]

بغيت اقول حاجة اخرى وهي ان مشروع افتتاح مدارس دولية في قطر يعتبر من اكبر المشاريع المربحة خاصة في ظل ضعف مستوى المدارس المستقلة من جهة وقلة عدد المدارس الخاصة من جهة اخرى خاصة اذا ما علمنا بأن تكلفة الطالب للفصل الواحد في المدارس الخاصة تتراوح بين 5000 الى 12000 ريال .

وين هذي الي ب 5000 ؟؟ الظاهر خبرك عتيج او المدارس مب ذاك المستوى

اذا تبي شئ يستاهل ومدارس خاصه قويه جدا وموثوقه خلك مثلي

الطالب الواحد كل فصل 20000 ريال كاش :) الله يكون في العوووووون

هني المشكله مب الكل يقدر يدفع مبلع ابتداء من 5000 على كلام بو متعب لين 20000

عشان جذي لازم يشوفون حل واكيد مب لمصلحتنا ويسلموو على الموضوع الطيب

اتمنى التفاعل والله موضوع مهم جدا وححتاجين اجابه

[chillis]

بس الاجنبي يوم راح راح بفلوسه تقدرين تودين عيالج نفس المدارس الي فيها الاجانب ويتعلمون نفس مستوى التعليم واعتقد ان وايد مدارس مستقله قويه بالتعليم مثل البيان

[ام السعف]

بس الاجنبي يوم راح راح بفلوسه تقدرين تودين عيالج نفس المدارس الي فيها الاجانب ويتعلمون نفس مستوى التعليم واعتقد ان وايد مدارس مستقله قويه بالتعليم مثل البيان

من قال ان كل الأجانب بفلوسهم يا chillis
اغلبهم من جيس الحكومة او من شركاتهم الخاصة اللي يشتغلون فيها :telephone:

يعني 32 الف على 3 روس من العيال مبلغ هين .. يقدر يدفعه الأجنبي
ويصعب على القطري في بلاده ؟

اهنيه المعادلة الصعبة،، لو كان الاجنبي يقدر يدفع وهو يشتغل في قطر
32 الف ريال على كل ررا س ليش القطري ما يقدر ؟

مع اني عارفة اغلبهم تندفع لهم رسوم كراسي عيالهم :(

[ام علي1981]

شكلك تقصدين مدرسة لندن الدولية

[المخباط]

ابشروا بالخير
كوبونات التعليم تم تطبيقها في اكثر من مدرسة دولية
بس لازم تتوفر فيكم الشروط التالية :



شروط أهلية الطلبة للحصول على كوبونات في السنة الثانية من البرنامج:

1-يجب أن يكون الطالب قطرياً من سن أربع سنوات فما فوق حتى نهاية التعليم الثانوي.

2 -يجب أن يكون الأب موظفاً في القطاع الخاص أو عاطلاً عن العمل أو متقاعداً.

3-يجب أن لا يتلقى الأب أو الأم بدلات تعليم من جهات عملهم.
وتابعونا وفالكم طيب :)

[chillis]

من قال ان كل الأجانب بفلوسهم يا chillis
اغلبهم من جيس الحكومة او من شركاتهم الخاصة اللي يشتغلون فيها :telephone:

يعني 32 الف على 3 روس من العيال مبلغ هين .. يقدر يدفعه الأجنبي
ويصعب على القطري في بلاده ؟

اهنيه المعادلة الصعبة،، لو كان الاجنبي يقدر يدفع وهو يشتغل في قطر
32 الف ريال على كل ررا س ليش القطري ما يقدر ؟

مع اني عارفة اغلبهم تندفع لهم رسوم كراسي عيالهم :(

ليش جيس الحكومه ماهو بتعبهم وجهدهم هم وايد قطرين اعرفهم من جيس الحكومه لانهم يشتغلون بالخاص والهيئات تدرين الهنود بالذات عندهم استعداد ماياكلون بس يعلمون عيالهم :) وانا اشوف المدارس الخاصه الحين اغلبهم قطرين @@ جنه مافي مدارس مستقله وما يصعب على القطرين لان مثل ما قلت لج لو تروحين تشوفين وايد منهم قطرين

[الصريحه]

يا بنت عقاب ..العقول مهب الله بالخير

النظم الي في المدرسه هي الي الله بالخير


بعض اصحاب التراخيص مايهمه شالي يصير في الصفوف

الي يهمهم تطبيق معاير المجلس الاعلى حتى لو كانت اعلى من مستويات الطلاب


وان رحنا اشتكينا وتكلمنا ان احنا ما تاسسنا بما ان نظام المستقله جديد علينا من 3 سنين
وهالـ 3 سنين الانجليزي كانو يرزون فالمعاير بنسبة 70% وعلى اخر سنه صارت 99.9%


وهذا كلام الاكديمي يوم الخميس الي طاف ... احنا ندري ان اعلى من مستواكم لكن هذي معاير المجلس الاعلى واحنا مانقدر نغير شي ...

اقوله زين كلمهم ووضح لهم هالشي ...يقول ما بيدنا شي وما نقدر نغير شي :rolleyes2:



احس اني طلعت من الموضوع ... السموحه

معاك
نعرف الاسباب نبي حل للموضوع
ومشكور اماف للتوضيح

[الصريحه]

ابشروا بالخير
كوبونات التعليم تم تطبيقها في اكثر من مدرسة دولية
بس لازم تتوفر فيكم الشروط التالية :



شروط أهلية الطلبة للحصول على كوبونات في السنة الثانية من البرنامج:

1-يجب أن يكون الطالب قطرياً من سن أربع سنوات فما فوق حتى نهاية التعليم الثانوي.

2 -يجب أن يكون الأب موظفاً في القطاع الخاص أو عاطلاً عن العمل أو متقاعداً.

3-يجب أن لا يتلقى الأب أو الأم بدلات تعليم من جهات عملهم.
وتابعونا وفالكم طيب :)
ابي اعرف وش مشكلتنا اللي يشتغل في القطاع الحكومي ليش مايتم تشجيعه
واعطائه الكوبونات...............................
انا نعمل للبلد ونستحق الافضل
بعدين اللي يشتغلون خاص شركاتهم مب مقصره فيهم
نبي شيء لنا وعيالنا

[الصريحه]

ليش جيس الحكومه ماهو بتعبهم وجهدهم هم وايد قطرين اعرفهم من جيس الحكومه لانهم يشتغلون بالخاص والهيئات تدرين الهنود بالذات عندهم استعداد ماياكلون بس يعلمون عيالهم :) وانا اشوف المدارس الخاصه الحين اغلبهم قطرين @@ جنه مافي مدارس مستقله وما يصعب على القطرين لان مثل ما قلت لج لو تروحين تشوفين وايد منهم قطرين

من قال بفلوسهم
بفلوس بلدنا ولاريال يدفعون واذا ادفعوا مبلغ زهيد لايذكر
كلهم صاروا هوامير عندنا للاسف
وابن البلد يتلته لادخل واحد من عياله خاص
نستحقالافضل في ظل المتغيرات القادمه

[بوخالد911]

عينُ عذاري

..................

:(

[abn qatar]

المشكله ليست في اعطائه بطاقه لدخول مدارس مستقله وتامين المشكله بعد ماينهي دراسته

وين بيحصل الوظيفه طالما محجوزه حق اللي عيونهم خضر وشعرهم اشقر ورواتبهم فوق

1000000

[عنابي وابيض]

لمصلحة من ؟؟
أكيد ليس لمصلحتنا !
لأننا نملك الحق كمواطنين في دولة غنية ان نختار نوع التعليم الذي نمنحه لابنائنا دون التفكير بأعباء اقساطه ...بينما الآخرون يُمنحون مجانية التعليم لابنائهم الشيء الذي بالتأكيد لاتوفره لهم دولهم الأم .

exactly what i want to say

[intesar]

أم السعف وأنا يوم تكلمت تكلمت عن تجربة.. ضيعوا من عمر ولدي سنة .. طيب .. واللي حوليني قالوا لا يمكن ولدج (!!!!!!!) لأن ولدي من ذوي الاحتياجات الخاصة .. حز بنفسي هالكلام وحبيت أثبت لهم انه ولدي مو قاصرة شي واعاقته في رجوله.. شلته وحطيته في ذا ليرنينغ سنتر لأن للأسف المستقلات ما حبت تدخله وتعتني به .. وربي الشاهد على كل شي .. انه محبوب من الكل ومتفوق وكل سنة عن سنة يزيد تفوقه .. تعرفين ليش لأنه مدرسته الخاصة القبليه تبي تنفخ جيبها على حساب الناس.. ضيعت من عمر ولدي سنة.. طيب من المسؤولعن هذي المدرسة الأجنبية أقصد الاكاديمية اللي كل يوم طالعة بقانون جديد .. ومجننه الناس.. وهذي وحده وغيرها مدارس بلاوي.. فيه اكاديمية ثانية ادارتها مصرية مع العلم انها أجنبية.. وبنت أخوي من يوم ما اطلعت وراحت مستقلة ما شاء الله عليها مرتاحة ومتفوقة.. ومدرسة ثالثة مو عارفين يتحكمون بالطلبة.. ولا وبفرع البنات مرة اختفى المدير وقاموا يدورون عليه بالصفوف.. وعاد هذه مدرسة مشهورة جدا جدا ..
لاتقنعيني انهم ما يبثون أول شي اجازتهم تبع الربيع متى ياخذونها...!!!؟
بالكريسمس .. صح ولا يمكن بالحج
وعيد الام ما يحتفلون به
والايستر ما ياخذون اجازة والهالووين شخباره
حتى لو ما خذوا اجازة يبثونه في عيالنا
مناهجهم في العربي والشرعية بالذات شخبارها عزيزتي .. بعد قولي لي أقوى من المستقلات..
وين شعاراتج ولا بس الديون واسقاطها هي المهمة..
كلم العاقل بما يعقل..
قولي أنا عيالي بمدارس خاصة فيها مميزات وفيها مساويْ
لكن لا تقولين انها كلها مميزات
أما الاختلاط فحدث ولا حرج .. يعني اللي يبي يصاحب بكل سهولة .. ما أقول المستقلات ما فيها لكن الخاصة أكثر فيها
وهذي بشهادة مرتاديها من الطلبة..
بالرغم من عيوب المستقلات لكنها أفضل بكثير من الخاصة..
على الأقل الجانب الديني أفوى.. اللي تكاد تكون معدومة في الخاصة
واللغة ياخذونها من المعاهد.. مو مشكلة

مثل ما قلت لج .. عيالج بخاصة يعني ما جربتي المستقلة
لكن انا عندي نموذجين خاصة ومستقلة والثانية أفضل بشكل عام

[chillis]

أم السعف وأنا يوم تكلمت تكلمت عن تجربة.. ضيعوا من عمر ولدي سنة .. طيب .. واللي حوليني قالوا لا يمكن ولدج (!!!!!!!) لأن ولدي من ذوي الاحتياجات الخاصة .. حز بنفسي هالكلام وحبيت أثبت لهم انه ولدي مو قاصرة شي واعاقته في رجوله.. شلته وحطيته في ذا ليرنينغ سنتر لأن للأسف المستقلات ما حبت تدخله وتعتني به .. وربي الشاهد على كل شي .. انه محبوب من الكل ومتفوق وكل سنة عن سنة يزيد تفوقه .. تعرفين ليش لأنه مدرسته الخاصة القبليه تبي تنفخ جيبها على حساب الناس.. ضيعت من عمر ولدي سنة.. طيب من المسؤولعن هذي المدرسة الأجنبية أقصد الاكاديمية اللي كل يوم طالعة بقانون جديد .. ومجننه الناس.. وهذي وحده وغيرها مدارس بلاوي.. فيه اكاديمية ثانية ادارتها مصرية مع العلم انها أجنبية.. وبنت أخوي من يوم ما اطلعت وراحت مستقلة ما شاء الله عليها مرتاحة ومتفوقة.. ومدرسة ثالثة مو عارفين يتحكمون بالطلبة.. ولا وبفرع البنات مرة اختفى المدير وقاموا يدورون عليه بالصفوف.. وعاد هذه مدرسة مشهورة جدا جدا ..
لاتقنعيني انهم ما يبثون أول شي اجازتهم تبع الربيع متى ياخذونها...!!!؟
بالكريسمس .. صح ولا يمكن بالحج
وعيد الام ما يحتفلون به
والايستر ما ياخذون اجازة والهالووين شخباره
حتى لو ما خذوا اجازة يبثونه في عيالنا
مناهجهم في العربي والشرعية بالذات شخبارها عزيزتي .. بعد قولي لي أقوى من المستقلات..
وين شعاراتج ولا بس الديون واسقاطها هي المهمة..
كلم العاقل بما يعقل..
قولي أنا عيالي بمدارس خاصة فيها مميزات وفيها مساويْ
لكن لا تقولين انها كلها مميزات
أما الاختلاط فحدث ولا حرج .. يعني اللي يبي يصاحب بكل سهولة .. ما أقول المستقلات ما فيها لكن الخاصة أكثر فيها
وهذي بشهادة مرتاديها من الطلبة..
بالرغم من عيوب المستقلات لكنها أفضل بكثير من الخاصة..
على الأقل الجانب الديني أفوى.. اللي تكاد تكون معدومة في الخاصة
واللغة ياخذونها من المعاهد.. مو مشكلة

مثل ما قلت لج .. عيالج بخاصة يعني ما جربتي المستقلة
لكن انا عندي نموذجين خاصة ومستقلة والثانية أفضل بشكل عام

عن تجربه كل الاعياد المسيحيه يحتفلون فيها باجازاتهم والحين قريب عيد البيض اجازه

[chillis]

من قال بفلوسهم
بفلوس بلدنا ولاريال يدفعون واذا ادفعوا مبلغ زهيد لايذكر
كلهم صاروا هوامير عندنا للاسف
وابن البلد يتلته لادخل واحد من عياله خاص
نستحقالافضل في ظل المتغيرات القادمه

هم يعتبر جزء من تعبهم ليش ما شتغلتي في هيئه خاصه ولا شركه مثل الديار وغيرها كانوا عيالج على حساب الشركه الحين درسوا بالخاص اختي كل القطرين الي يشتغلون بالشركات الخاصه سواء الجزيره بروه قطر فونديشن الديار عيالهم على حساب الشركه لا تحاسبين ناس وناس ولا نعلق دايما اخطائنا على ظهور غيرنا دايما قاعدين مكانا ونتحلطم على الاجانب صح الاجانب ماخذين وايد بدولتنا ويمكن في اشايء اكثر منا حنا القطرين بس في منهم هم صراحه عندهم خبره ويشتغلون وتغربوا :) خلنا واقعين لو مره وحده

[الصريحه]

هم يعتبر جزء من تعبهم ليش ما شتغلتي في هيئه خاصه ولا شركه مثل الديار وغيرها كانوا عيالج على حساب الشركه الحين درسوا بالخاص اختي كل القطرين الي يشتغلون بالشركات الخاصه سواء الجزيره بروه قطر فونديشن الديار عيالهم على حساب الشركه لا تحاسبين ناس وناس ولا نعلق دايما اخطائنا على ظهور غيرنا دايما قاعدين مكانا ونتحلطم على الاجانب صح الاجانب ماخذين وايد بدولتنا ويمكن في اشايء اكثر منا حنا القطرين بس في منهم هم صراحه عندهم خبره ويشتغلون وتغربوا :) خلنا واقعين لو مره وحده

يعني اذا كان عندنا ولااشتغلنا للحكومه ونخدم مصالح المواطن والوطن
ليش مانعطى نفس المميزات اللي لهم
واردد اكرر مايصرفون الا القليل هنا لان كل شيء لهم علاوات وبطاقات وامتيازات
المفروض انشاء جيل قطري وليس اجنبي
يقوم بخدمه الوطن في كل المجالات فاذا لم يعطى الفرصه فكيف سيخدم مستقبلا

[بنت صقار]

ابي اعرف وش مشكلتنا اللي يشتغل في القطاع الحكومي ليش مايتم تشجيعه
واعطائه الكوبونات...............................
انا نعمل للبلد ونستحق الافضل
بعدين اللي يشتغلون خاص شركاتهم مب مقصره فيهم
نبي شيء لنا وعيالنا
تهقين..في نظرة شموليه للمصلحه القطري بالقطاعين؟؟؟؟

من قال بفلوسهم
بفلوس بلدنا ولاريال يدفعون واذا ادفعوا مبلغ زهيد لايذكر
كلهم صاروا هوامير عندنا للاسف
وابن البلد يتلته لادخل واحد من عياله خاص
نستحقالافضل في ظل المتغيرات القادمه
ويقهرني نظرة بعضهم الاستعلائيه ؟؟والنظر بدونيه..لنا؟؟الخير خير ابونا..والغُرب..............؟؟

عينُ عذاري

..................

:(
صرنا نكرر هالمثل مؤخراً واااااااااااايد!!للأسف..ولا (حياة..لمن.........؟؟)

المشكله ليست في اعطائه بطاقه لدخول مدارس مستقله وتامين المشكله بعد ماينهي دراسته

وين بيحصل الوظيفه طالما محجوزه حق اللي عيونهم خضر وشعرهم اشقر ورواتبهم فوق

1000000
احنا شعب..احفاد..من صبروا على غبة البحر وجور الصحراء..:shy:

exactly what i want to say
كلااام ام نونيه بالصميم(هل كان ولا سيكون للأجنبي..ربع ما نوفره له في بلده الام؟؟):eek5:

أم السعف وأنا يوم تكلمت تكلمت عن تجربة.. ضيعوا من عمر ولدي سنة .. طيب .. واللي حوليني قالوا لا يمكن ولدج (!!!!!!!) لأن ولدي من ذوي الاحتياجات الخاصة .. حز بنفسي هالكلام وحبيت أثبت لهم انه ولدي مو قاصرة شي واعاقته في رجوله.. شلته وحطيته في ذا ليرنينغ سنتر لأن للأسف المستقلات ما حبت تدخله وتعتني به .. وربي الشاهد على كل شي .. انه محبوب من الكل ومتفوق وكل سنة عن سنة يزيد تفوقه .. تعرفين ليش لأنه مدرسته الخاصة القبليه تبي تنفخ جيبها على حساب الناس.. ضيعت من عمر ولدي سنة.. طيب من المسؤولعن هذي المدرسة الأجنبية أقصد الاكاديمية اللي كل يوم طالعة بقانون جديد .. ومجننه الناس.. وهذي وحده وغيرها مدارس بلاوي.. فيه اكاديمية ثانية ادارتها مصرية مع العلم انها أجنبية.. وبنت أخوي من يوم ما اطلعت وراحت مستقلة ما شاء الله عليها مرتاحة ومتفوقة.. ومدرسة ثالثة مو عارفين يتحكمون بالطلبة.. ولا وبفرع البنات مرة اختفى المدير وقاموا يدورون عليه بالصفوف.. وعاد هذه مدرسة مشهورة جدا جدا ..
لاتقنعيني انهم ما يبثون أول شي اجازتهم تبع الربيع متى ياخذونها...!!!؟
بالكريسمس .. صح ولا يمكن بالحج
وعيد الام ما يحتفلون به
والايستر ما ياخذون اجازة والهالووين شخباره
حتى لو ما خذوا اجازة يبثونه في عيالنا
مناهجهم في العربي والشرعية بالذات شخبارها عزيزتي .. بعد قولي لي أقوى من المستقلات..
وين شعاراتج ولا بس الديون واسقاطها هي المهمة..
كلم العاقل بما يعقل..
قولي أنا عيالي بمدارس خاصة فيها مميزات وفيها مساويْ
لكن لا تقولين انها كلها مميزات
أما الاختلاط فحدث ولا حرج .. يعني اللي يبي يصاحب بكل سهولة .. ما أقول المستقلات ما فيها لكن الخاصة أكثر فيها
وهذي بشهادة مرتاديها من الطلبة..
بالرغم من عيوب المستقلات لكنها أفضل بكثير من الخاصة..
على الأقل الجانب الديني أفوى.. اللي تكاد تكون معدومة في الخاصة
واللغة ياخذونها من المعاهد.. مو مشكلة

مثل ما قلت لج .. عيالج بخاصة يعني ما جربتي المستقلة
لكن انا عندي نموذجين خاصة ومستقلة والثانية أفضل بشكل عام
رموح..دخيل الله بس نبغي تأسيس عدل..وترى المدارس المستقله مهب مثل بعض!!فيها زين وفيهااااااااااااااا شين..ناهيك..عن بلاويها اللي منها وفيها!!



هم يعتبر جزء من تعبهم ليش ما شتغلتي في هيئه خاصه ولا شركه مثل الديار وغيرها كانوا عيالج على حساب الشركه الحين درسوا بالخاص اختي كل القطرين الي يشتغلون بالشركات الخاصه سواء الجزيره بروه قطر فونديشن الديار عيالهم على حساب الشركه لا تحاسبين ناس وناس ولا نعلق دايما اخطائنا على ظهور غيرنا دايما قاعدين مكانا ونتحلطم على الاجانب صح الاجانب ماخذين وايد بدولتنا ويمكن في اشايء اكثر منا حنا القطرين بس في منهم هم صراحه عندهم خبره ويشتغلون وتغربوا :) خلنا واقعين لو مره وحده

يعني ياشيلز تشوفينه حل..هل قطر يطلعون من القطاع الحكومي..ويروحون للخاص؟؟من بيستقبل كل هالاعداد..المهوله من الشعب القطري؟؟؟
اذا هو بدون شي يتم استقطاعه..في كثير من القطاعات؟؟
زين..
الحين الجيش والداخليه..بما انهم عليهم اعباء امن الوطن..ماتشوفين انهم احق بالامتيازات..شوي ع الاقل يحسون انهم ..اذا ماتوا..ظهرهم مسنود..مهب معاش وبس؟؟
البلديه والاوقاف وكهرماء..القطريين هناك..مالهم حق؟؟
اعتقد القطري في اي قطاع وين ماكان.له حق..انه ما يكون اقل من الاجانب في دولته(من باب حفظ ماء وجهه)
..
والمدخلات والمخرجات..تبغي لها ناس فاهمه وقلوبها حيه..هذا احنا من التعليم القديم وفاهمين ونتكلم لغات؟؟اعتقد..تأسيسنا صح..وعرفنا كيف نخطط لتعلمينا عقب الثانويه واخترنا التخصص اللي نرغب فيه..والابداع في مجال العمل المهني والتعلمي منوط..بما يحيط بالشخص والمنح التشجيعيه لها دور..
في جعبتي الكثير ..
لكن اكتفي بهذا.

[chillis]

تهقين..في نظرة شموليه للمصلحه القطري بالقطاعين؟؟؟؟

ويقهرني نظرة بعضهم الاستعلائيه ؟؟والنظر بدونيه..لنا؟؟الخير خير ابونا..والغُرب..............؟؟

صرنا نكرر هالمثل مؤخراً واااااااااااايد!!للأسف..ولا (حياة..لمن.........؟؟)

احنا شعب..احفاد..من صبروا على غبة البحر وجور الصحراء..:shy:

كلااام ام نونيه بالصميم(هل كان ولا سيكون للأجنبي..ربع ما نوفره له في بلده الام؟؟):eek5:

رموح..دخيل الله بس نبغي تأسيس عدل..وترى المدارس المستقله مهب مثل بعض!!فيها زين وفيهااااااااااااااا شين..ناهيك..عن بلاويها اللي منها وفيها!!


يعني ياشيلز تشوفينه حل..هل قطر يطلعون من القطاع الحكومي..ويروحون للخاص؟؟من بيستقبل كل هالاعداد..المهوله من الشعب القطري؟؟؟
اذا هو بدون شي يتم استقطاعه..في كثير من القطاعات؟؟
زين..
الحين الجيش والداخليه..بما انهم عليهم اعباء امن الوطن..ماتشوفين انهم احق بالامتيازات..شوي ع الاقل يحسون انهم ..اذا ماتوا..ظهرهم مسنود..مهب معاش وبس؟؟
البلديه والاوقاف وكهرماء..القطريين هناك..مالهم حق؟؟
اعتقد القطري في اي قطاع وين ماكان.له حق..انه ما يكون اقل من الاجانب في دولته(من باب حفظ ماء وجهه)
..
والمدخلات والمخرجات..تبغي لها ناس فاهمه وقلوبها حيه..هذا احنا من التعليم القديم وفاهمين ونتكلم لغات؟؟اعتقد..تأسيسنا صح..وعرفنا كيف نخطط لتعلمينا عقب الثانويه واخترنا التخصص اللي نرغب فيه..والابداع في مجال العمل المهني والتعلمي منوط..بما يحيط بالشخص والمنح التشجيعيه لها دور..
في جعبتي الكثير ..
لكن اكتفي بهذا.

الي مايقدر مهب لازم خاص لان انا اشوف تعليم المستقلات افضل صراحه واقوى على الاقل اللغه الاساسيه العربيه والدين :) والحكومه صراحه مهتمه جدا بالتعليم والصحه ومابه اي تقصير واذا سوا التعليم الخاص لكل الوزارات والجيش وغيره من بيدرس بالمدارس المستقله ؟ وبعدين صراحه في نوع من التناقض هذاك اليوم انا اشوف تكلمون عن المدارس الخاصه وانها تبشر وتحتفل باحتفالات مهب لنا اشلون الحين تبونهم كلهم بمدارس اجنبيه :)

[الصريحه]

الي مايقدر مهب لازم خاص لان انا اشوف تعليم المستقلات افضل صراحه واقوى على الاقل اللغه الاساسيه العربيه والدين :) والحكومه صراحه مهتمه جدا بالتعليم والصحه ومابه اي تقصير واذا سوا التعليم الخاص لكل الوزارات والجيش وغيره من بيدرس بالمدارس المستقله ؟ وبعدين صراحه في نوع من التناقض هذاك اليوم انا اشوف تكلمون عن المدارس الخاصه وانها تبشر وتحتفل باحتفالات مهب لنا اشلون الحين تبونهم كلهم بمدارس اجنبيه :)

هل مخرجات المستقله ستفي باداره المشاريع القويه والمميزه المستقبليه للدوله؟؟؟؟؟؟؟؟
ام كالعاده سيعتمد على الاخر ....
لنفس السبب ونظل في نفس الدوامه
وابائنا يصبحون تحت امرتهم
لم لايخرج جيل قوي قيادي متسلح بكافه التخصصات المميزه ولانحتاج مستقبلا للغير
وان احتجنا باقل القليل

[ام السعف]

أم السعف وأنا يوم تكلمت تكلمت عن تجربة.. ضيعوا من عمر ولدي سنة .. طيب .. واللي حوليني قالوا لا يمكن ولدج (!!!!!!!) لأن ولدي من ذوي الاحتياجات الخاصة .. حز بنفسي هالكلام وحبيت أثبت لهم انه ولدي مو قاصرة شي واعاقته في رجوله.. شلته وحطيته في ذا ليرنينغ سنتر لأن للأسف المستقلات ما حبت تدخله وتعتني به .. وربي الشاهد على كل شي .. انه محبوب من الكل ومتفوق وكل سنة عن سنة يزيد تفوقه .. تعرفين ليش لأنه مدرسته الخاصة القبليه تبي تنفخ جيبها على حساب الناس.. ضيعت من عمر ولدي سنة.. طيب من المسؤولعن هذي المدرسة الأجنبية أقصد الاكاديمية اللي كل يوم طالعة بقانون جديد .. ومجننه الناس.. وهذي وحده وغيرها مدارس بلاوي.. فيه اكاديمية ثانية ادارتها مصرية مع العلم انها أجنبية.. وبنت أخوي من يوم ما اطلعت وراحت مستقلة ما شاء الله عليها مرتاحة ومتفوقة.. ومدرسة ثالثة مو عارفين يتحكمون بالطلبة.. ولا وبفرع البنات مرة اختفى المدير وقاموا يدورون عليه بالصفوف.. وعاد هذه مدرسة مشهورة جدا جدا ..

طيب ،، يا اخت ( بصراحة مب عارفة اقرا اسمج اعذريني :( )
خليني اقول لج في البداية ربنا يحفظ لج وليدج ويطرح لج فيه البركة يارب ويستفيد اكثر واكثر ومن ثم اوضح لج عيالي كلهم الا الصغير من منتسبي مدرسة عمر بن الخطاب الثانوية وبنتي البيان،، ونقلتهم اثنين منهم لمدارس خاصة واشوف انها من افضل المدارس المستقلة في قطر ،، نوعية التعليم غير،، مواد التعليم بعد غير ،، اسلوب التدريس غير،، اسلوب الثواب والعقاب غير ،، تعامل المدرسين مع الطلاب غير
نااااادر ما تلقين مدرسة نافخة عمرها على الطالبة ،، وان كان هناك عبس على وجه المدرسة فهذا لأنها من طبيعة ربنا شكلها جذيه ،،
عندهم تحديد مستوى للطلاب من بداية السنة ،، القوي يدرس مواد تتوافق مع قدراته الضعيف
يقللون له المعايير ،، والشيء هذا ما تلقينه في المدارس المستقلة اللي الكل يدرس نفس المنهج وكل سنة عن قبلها المعايير في نزول ،،

بتقولين لي المدارس المستقلة احسن ،، ولد اخوي ما يعرف يكتب جملة عربية مثل الناس
نسبته في مدرسته 95% :telephone:،، بنت اخوي الثانية اخطاء املائية بالجملة
وقراية عدلة مافي ونسبتها 90% ممكن حد يشرح اشلون تستوي هالسالفة ؟ :(

لاتقنعيني انهم ما يبثون أول شي اجازتهم تبع الربيع متى ياخذونها...!!!؟
بالكريسمس .. صح ولا يمكن بالحج
وعيد الام ما يحتفلون به
والايستر ما ياخذون اجازة والهالووين شخباره
حتى لو ما خذوا اجازة يبثونه في عيالنا

الحمدلله عيالي لهم اكثر من خمس سنين في مدرسة ادارتها بكبرها اجنبية ،، لا هم يؤمنون باعياد الميلاد ولا هم يؤمنون باحتفلات راس السنة ولا هم يؤمنون بالهالويين داي ،،
احنا عارفين انها مدرسة اجنبية وشي طبيعي اجازاتها تكون متوافقة مع اجازات المدرسين اللي يشتغلون فيها ،، وفوق كل هذا عيد الاضحى عندنا اجازة اسبوع عيد الفطر عندنا اجازة اسبوع عطلة الربيع كانت عندنا اجازة اسبوع ،، ما اشوفهم احرموا عيالنا من اجازات اعيادنا ولله الحمد من اول يوم داوموا عيالنا في المدارس.. رفضنا الهالووين انلغى نهائيا من المدرسة ،،اعتقد لو البيت ما كان له دور في توجيه عياله ممكن هالأمور تكتسب في المدارس من خلال الطلاب بعضهم البعض ،،

مناهجهم في العربي والشرعية بالذات شخبارها عزيزتي .. بعد قولي لي أقوى من المستقلات..

مناهجهم في العربي ،، اقدر اقول لج ولدي في الصف الثاني يقدر يكتب جمل باللغة العربية يقرا قراية طلقة يعرف يحلل الكلمات يعرف يحل الإسئلة ،، يعرف يعبر عن صورة ،، يقرا دروسه بطلاقة ،، يقرا الدروس الجديدة بنصف طلاقة ليما يتعرف على الحروف ،، يقرا قصص خارجية وخاصة لو كانت امشكلة ،،
انيي للشريعة اي سورة ياخذها يدرس تفسيرها ،، منه تعلمنا ان الانسان خلق من علق مب من طين وراح ياب لنا القرآن وقال لنا شوفوا ،، منه تعلمنا ان الكوثر نهر من انهار الجنة وعد الله محمد صلى الله عليه وسلم ،، درس السيرة النبوية من بداية ولادته الى بداية البعثة ،،
حافظ ادعية حافظ بعض الاحاديث الصغيرة ،، هذا هو منهجه اللي يدرسه وعنده ملزمة
مكتوب عليها اسم مدرسته ويقولون لنا ان الدروس من منهج الوزارة سابقا ،،
يعرص كيفية الوضوء والصلاة والشهادتين كاملة ...> شنهو اللي ناقصه وما تعلمه للحين ؟
هناك حصص نشاطية للي يرغب يسجل عياله للتقوية ما بعد الدوام في مادتي اللغة العربية والشرعية اصلا بشكل عام هناك حصص في كل المواد الاساسية والنشاطية في مدرستهم



وين شعاراتج ولا بس الديون واسقاطها هي المهمة..

مب عارفة اشدخل شعارات اسقاط الديون في هالموضوع يا اختي الكريمة وجهة نظري جدا خاصة بأن المدارس الخاصة اقوى من تجربة 3 عياال فيها وابدا ماله دخل تربطين شعارات اسقاط الديون بالموضوع هذا :)

كلم العاقل بما يعقل..
عديت نفسي عاقلة وقيمت حالة عيالي من خلال مستواه مفي المدرسة ومن خلال مقارنة مستواهم باقرانهم اللي في المدارس المستقلة ،، وابدا ولله الحمد ما شفت انهم ناقصهم شي وتفقوا عيال المستقلات عليهم بأي شي ،،

قولي أنا عيالي بمدارس خاصة فيها مميزات وفيها مساويْ
لكن لا تقولين انها كلها مميزات
أما الاختلاط فحدث ولا حرج .. يعني اللي يبي يصاحب بكل سهولة ..
ما أقول المستقلات ما فيها لكن الخاصة أكثر فيها
وهذي بشهادة مرتاديها من الطلبة..

احنا في البداية كنا نتكلم عن المستوى الاكاديمي للمدارس ما كنا نتكلم عن الأمور الثانية ،،، الاختلاط له مساوئه ما اقدر اقول لج لا والله ماله مساوئ بس
في الأخير الواحد يصفي نيته ويتابع عياله اول باول ويكون حريص انه يكون قريب منهم في البيت وفي المدرسة ،، والحافظ في الأول والخير ربنا سبحانه وتعالى ،،اللي يبي يصاحب مب محتاج اختلاط والنماذج كثيرة في مدارس الشباب والبنات المنفصلة اللي ما فيها اختلاط ،،

بالرغم من عيوب المستقلات لكنها أفضل بكثير من الخاصة..
على الأقل الجانب الديني أفوى.. اللي تكاد تكون معدومة في الخاصة
واللغة ياخذونها من المعاهد.. مو مشكلة

شوفي اي اختي الكريمة ،، ايام كانت الحكومية قوية اقول لج ايه بالفعل كلامج صح اليوم المستقلات مقلقصين منهج الشرعية ،، ويادوب الثانوية ياخذون حصتين بس في الاسبوع على يام كانوا عيالي في عمر بن الخطاب ،، اليوم يوم بينت وجهة نظري بينتها من خلال اني عاصرت 3 مراحل من التعليم بالنسبة لعيالي ،، الحكومي والمستقلات والخاصات ،،
الحكومي كان اقواها ،، المستقلات رديئة ،، الخاصة افضل من المستقلات وخاصة في تأسيس اللغة الإنجليزية والعلوم الأخرى ،،


مثل ما قلت لج .. عيالج بخاصة يعني ما جربتي المستقلة
لكن انا عندي نموذجين خاصة ومستقلة والثانية أفضل بشكل عام

الحين ندخل في امور ثانية في مدرسة عيالي هناك مادة اسمها ديزاين تكنالوجي ( يرسم الطالب الشكل ثلاثي الابعاد ) وعقب يدخل معمل ينجر او يصهر التصميم على مادة خام خشب او بلاستيك وينتج مجسم ،، عندهم على طول السنة مسابقات على مستوى المدرسة قاسمين المدرسة على اسماء اربع مخترعين عالميين ،، وكل مخترع او فريق له لونه الخاص، وهناك فعاليات اسبوع للعلوم واسبوع للرياضة واسبوع للرياضيات ،، وغير التنافس اللي يكون داخل المدرسة ،،غير اليوم المفتوح وفعاليات جمع التبرعات واسبوع المكتبة واصبع البيئة واسبوع مكافحة الأمراض الخبيثة وغيره وغيره ،،

هاتي طفل في الصف الأول الابتدائي في مدرسة خاصة وطفل ثاني في الصف الأول الابتدائي
في مدرسة مستقلة وشوفي ذيج الساعة الفرق بينهم ( شفت بعيوني هالفرق ) :(

في الأخير يااختي انت مب ملزومة تصدقين كلامي او تاخذين عليه ،، اختلافاي معاج على اساس اني مجربة 3 مراحل في التعليم في قطر من خلال عيالي ومب عيال الجيران ومطلعة تمام على المناهج واعرف اشفيها :(

تحية لج

[ام السعف]

هل مخرجات المستقله ستفي باداره المشاريع القويه والمميزه المستقبليه للدوله؟؟؟؟؟؟؟؟
ام كالعاده سيعتمد على الاخر ....
لنفس السبب ونظل في نفس الدوامه
وابائنا يصبحون تحت امرتهم
لم لايخرج جيل قوي قيادي متسلح بكافه التخصصات المميزه ولانحتاج مستقبلا للغير
وان احتجنا باقل القليل

غالبية اللي تخرجوا من مدارس مستقلة يجدون صعوبة في السنة التأسيسية في الخارج
وشوفي مستوى طلال قطر في الخارج بتعرفين شنهو يعني مخرجات المدارس المستقلة :(

[الصريحه]

الحين ندخل في امور ثانية في مدرسة عيالي هناك مادة اسمها ديزاين تكنالوجي ( يرسم الطالب الشكل ثلاثي الابعاد ) وعقب يدخل معمل ينجر او يصهر التصميم على مادة خام خشب او بلاستيك وينتج مجسم ،، عندهم على طول السنة مسابقات على مستوى المدرسة قاسمين المدرسة على اسماء اربع مخترعين عالميين ،، وكل مخترع او فريق له لونه الخاص، وهناك فعاليات اسبوع للعلوم واسبوع للرياضة واسبوع للرياضيات ،، وغير التنافس اللي يكون داخل المدرسة ،،غير اليوم المفتوح وفعاليات جمع التبرعات واسبوع المكتبة واصبع البيئة واسبوع مكافحة الأمراض الخبيثة وغيره وغيره ،،

هاتي طفل في الصف الأول الابتدائي في مدرسة خاصة وطفل ثاني في الصف الأول الابتدائي
في مدرسة مستقلة وشوفي ذيج الساعة الفرق بينهم ( شفت بعيوني هالفرق ) :(

في الأخير يااختي انت مب ملزومة تصدقين كلامي او تاخذين عليه ،، اختلافاي معاج على اساس اني مجربة 3 مراحل في التعليم في قطر من خلال عيالي ومب عيال الجيران ومطلعة تمام على المناهج واعرف اشفيها :(

تحية لج

ماشاء الله هذا الابداع وتنميه المواهب واطلاق الخيال
هذا مانريده
الله يخليك لك عيالك
ومدرستهم متميزه لكن مب الكل قادر يودي عياله ويصرف عليهم علشان يكونون قد الاحلام والتوقعات المرجوه منهم
نريد التطبيق العملي والابداع ولاتقاس بعض المدارس المتميزه الخاصه باخرى مازالت مهيده الولود

[الصريحه]

غالبية اللي تخرجوا من مدارس مستقلة يجدون صعوبة في السنة التأسيسية في الخارج
وشوفي مستوى طلال قطر في الخارج بتعرفين شنهو يعني مخرجات المدارس المستقلة :(

معاج اختي .
فيه فرق كبير
وهذا لابد يوضع له قانون ويتم تغييره لمصلحه الوطن والمواطن اللي بيبني بلده ان شاء الله
اساس جيد يعني فرق كبير واستغناء عن عماله اجنبيه كثيره ومصاريف زائده
ابداع غير محدود لانه ناشئ عن حب الوطن وليس فقط لاجل الراتب

[ام السعف]

ليش جيس الحكومه ماهو بتعبهم وجهدهم هم وايد قطرين اعرفهم من جيس الحكومه لانهم يشتغلون بالخاص والهيئات تدرين الهنود بالذات عندهم استعداد ماياكلون بس يعلمون عيالهم :) وانا اشوف المدارس الخاصه الحين اغلبهم قطرين @@ جنه مافي مدارس مستقله وما يصعب على القطرين لان مثل ما قلت لج لو تروحين تشوفين وايد منهم قطرين
يا اختي تشيليز ،،،
الكل يشتغل ويجد ويجتهد ويتعب القطري وغير القطري ،،

فما في شي اسمه الأجنبي يشتغل بعرقه والقطري يشتغل بعرق غيره :

احنا في الزاوية هذه نتكلم عن احقية ترك المجال للطالب القطري انه يختار ما بين مدارس مستقلة او مدارس خاصة وخاصة ان الدولة معتمدة سياسة الموت على اللغة الإنجليزية ومستوى الطالب في اللغة هي اللي تحدد مستقبله في الجامعات في كل مكان ،،

ومن ثم نقول ان من جيس الدولة
طالب المرحلة الابتدائية في المدارس المستقلة يصرف عليه 20 الف ريال سنويا
بينما الأجنبي اقل دعم لطفه يكون 20 الف والرقم في تزايد ،، في مدارس تبي
تاخذ على المرحلة الابتدائية 26 الف ريال غير الملابس والكتب ،،
وفي مدارس تاخذ 30 الف ريال قطري وفي مدارس تاخذ 40 الف بس للمرحلة الابتدائية ،، وهذي كلها تنصرف على عيال اللاجانب في وقت القطري حاطين له كوبونات وفي مدارس
محددة وفق شروط بعد ،، انت شوفي اشلون القطري لما بغوا يعطونه كوبون قالوا له في شروط
بينما الأجنبي ينرصد له حسب شغله 3 من عياله وعلى حساب الدولة :(

مدير ادارة كبيرة في وزارة ما يتساوى مع موظف درجة 13 في شركة صناعية تابعة للحكومة :telephone:

اللي يحز في النفس ،، ان القطريين الأم تشتغل والأبو يشتغل علشان عيالهم يدرسون في هالمدارس والأجانب واحد من الوالدين يشتغل يتأمن له 3 مقاعدد بالساهل ومن غير شروط
ومن غير ما ينقص من حسابه ريال واحد لا في التعليم ولا في الصحة ،،

[ام السعف]

ماشاء الله هذا الابداع وتنميه المواهب واطلاق الخيال
هذا مانريده
الله يخليك لك عيالك
ومدرستهم متميزه لكن مب الكل قادر يودي عياله ويصرف عليهم علشان يكونون قد الاحلام والتوقعات المرجوه منهم
نريد التطبيق العملي والابداع ولاتقاس بعض المدارس المتميزه الخاصه باخرى مازالت مهيده الولود

خلينا في مادة الرسم ،، مطلوب من الطالب يرسم غرفته او باب بيته او او حسب ما تقول لي بنتي الحين مطلوب منها انها تختار بناية يا انها ترسم البناية كلها او اتسوي زوم على جزء من البناية وتحدد الملامح بشكل دقيق ،،

عندهم مفهوم الريسايكل Recycle مرة ولدي في الرسم خذ جوتي قديم كلش وعدل فيه وغيره وخلاه عمل فني ،، مفهوم اعادة التنصيع او التوجيه او التعديل توها بنتي من اسبوع
مرت المكتبة وخذت صندوق اوراق ال A4 والمطللوب منها انها تعيد الاستفادة من الصندوق
بجزئينه اتخلي الكبير للأوراق المطبوعة من الصوبين والصغير للاوراق المطبوعة من صوب واحد علشان الأبلة او المدرس يستغل الصوب الثاني ،، بدل ما اتروح تشتري عدة يديدة في البيت ،، وبنفس المفهوم قلت لها شوفي علب رش مستخدمة رشي الصندوق وعقب زينيه بالريش والاكسسوارات ،، من غير ما تشتري شي يديد ابدا الا مسدسات الشمع ،،
وكانت المسابقة على مستوى المرحلة اللي تدرس فيها ،، صبيان وبنات كل سوى وشارك
وفي الأخير الفايز واحد ،،

بجد مااقدر اقول مرت علي مدرسة مستقلة بهذا النشاط،، على الرغم من عدم رضائي الكامل
عن المدرسة بس اللي شوف حالة غيره تهون عليه حالته :shy:


معاج اختي .
فيه فرق كبير
وهذا لابد يوضع له قانون ويتم تغييره لمصلحه الوطن والمواطن اللي بيبني بلده ان شاء الله
اساس جيد يعني فرق كبير واستغناء عن عماله اجنبيه كثيره ومصاريف زائده
ابداع غير محدود لانه ناشئ عن حب الوطن وليس فقط لاجل الراتب

هذا احنا انشوف اشلون ،، طلاب الحكومي اكثر شطارة من المستقلات في الجسر
الاكاديمي بس تنقصهم اللغة :(

[بنت صقار]

الي مايقدر مهب لازم خاص لان انا اشوف تعليم المستقلات افضل صراحه واقوى على الاقل اللغه الاساسيه العربيه والدين :) والحكومه صراحه مهتمه جدا بالتعليم والصحه ومابه اي تقصير واذا سوا التعليم الخاص لكل الوزارات والجيش وغيره من بيدرس بالمدارس المستقله ؟ وبعدين صراحه في نوع من التناقض هذاك اليوم انا اشوف تكلمون عن المدارس الخاصه وانها تبشر وتحتفل باحتفالات مهب لنا اشلون الحين تبونهم كلهم بمدارس اجنبيه :)

ردج..معناه مافهمتي وش كتبت..فديتج ولا تهونين..ارجعي اقري ردودي..وبتأني..وما قلت ابغي اجنبي..بس تترك خيارات للمواطن حاله حال غيره...
انتي على الطاري عن اي مدرسه تكلمين انها مستقله وممتازه؟؟:con2:
انا اجوفهم الله بالخير..لا في اللغه ولا في غيره؟؟
انا وحده اذكر دروسي اللي في الاعداديه والابتدائيه والثانويه..واعرف ارسم خريطه العالم عدل واوزع الدول وعواصمها واقول لج عملاتها من كنت بثاني اعدادي..هذيلن..مايعرفون تلت التلاته ..كم؟؟
حافظه جداول الضرب..الحين مهب حافظينها..
اعرف قواعد ..هذيلن الله بالخير..
اعرف انجليزي صح..مهب انجليزيهم؟؟؟
اعرف شرعيه صح(الله يرحم الفقه والتوحيد والسيره النبويه)
هذيلن..شغل غورتمات على مايبدو؟؟وهم توهم ابتدائي..لايكون عباقرة زمانهم...........مع مؤسسه رند؟؟

[بنت صقار]

نقص اللغه مهب عيب..كمن دورة وبيصيرون بلابل..........البلا..لاحصلوا لغه ولا تعليم اكاديمي؟؟؟
لحد يخليني اتكل عن الفراعنه...............:)<<<تعليم راسخ..ههههه

[الصريحه]

نقص اللغه مهب عيب..كمن دورة وبيصيرون بلابل..........البلا..لاحصلوا لغه ولا تعليم اكاديمي؟؟؟
لحد يخليني اتكل عن الفراعنه...............:)<<<تعليم راسخ..ههههه

ياليت الموضوع بس لغه
الله ييسر لنا الخير ان شاء الله