منو جرب الشهري كيوتل ؟؟؟؟؟

[عزيزوف]

السلام عليكم




بغيت احول رقمي حق باقة الشهري 1000

ممكن احد يفيدني شنو المميزات والعيوب وخاصه الي جربوا .؟؟؟

لاني سمعت كثير يقولون زادت الفاتورة وصارت اكثر من اول ......!!! :telephone:

وشكرا

[الرايــق]

زاااادت كثير بالنسبة لي
نصيحة لا تحول للشهري

[قطر دزاين]

انا جربت الباقه 300 ريال

دقايق مجانيه
تختار رقم مجاني بمعنا ها الرقم تتصل عليه مجان ما يحسب من رصيد

عندهم عرض لين 18-3 الدقايق المجانيه تستخدمها في المكالمات الخارجيه

[ابوعلي]

انا جربت الشهري 300 ومستمر معاهم والحمدلله الفاتورة اقل من قبل وعندي دقايق مجانية حوالي 2000 دقيقة

[تحداني]

أنا إشتركت زمان في باقه الــ 300 بس للأسف ما عرفت استخدمها بالطريقه الجيده
إلي يتكلمون عنها الاخوان ان فيها توفير .. فقمت وقطعتها ..

عروض كيوتل اتواجهني صعوبه في التعامل معاها
بس اعتقد وايد ناس استفادوا منها


جملك الله برضى الرحمن

[QS20000]

الشهري ٣٠٠ واترك اي عرض ثاني واللي يقول اكثر من قبل ما يعرف الحساب
اهم شي تعرف تاريخ الفاتوره بتاريخ كم ومن نفس التاريخ تحسب

[أبو الـمها]

الشهري ٣٠٠ واترك اي عرض ثاني واللي يقول اكثر من قبل ما يعرف الحساب
اهم شي تعرف تاريخ الفاتوره بتاريخ كم ومن نفس التاريخ تحسب

صحيح انا مرتاح معاهم وجيده فعلا

[م. عبدالعزيز]

اخوي عزيزوف ،،، انا مش موظف بكيوتل لكني مشترك بالباقات من فتره طويله وبقولك تجربتي ،، حسب رأيي ماتقدر تحدد بالضبط ايش الباقة اللي تناسبك .. وهالشي تقدر تحدده خلال شهرين من الاشتراك بالشهري،، يعني ماعليك من كلام موظفين كيوتل يقولون لك فواتيرك 300 روح حط باقة 300.. لانه الباقات تسوي لك تخفيض لكم معين من استخدامك الاعتيادي ..

انا بشرح لك افضل طريقة هي كالتالي : شوف استخدامك الشهري من موقع eQtel للشهور الماضيه

مثلا اذا كانت فواتيرك مابين 600 - 800 ريال ، واكثر استخدامك للمكالمات المحليه (بتلاقي الملخص في الصفحه الثانيه من الفاتوره)، ضيف باقة 300
اذا كانت فواتيرك مابين مثلا 200-400 ضيف باقة 130 او 60

واذا كانت فواتيرك فوق 800 مثلا ضيف باقة 575 ،
والشهري 1000 يعطونك 5000 دقيقه حسب ماهو موضح بموقعهم وهاي يعتمد على استخدامك لو فعلا تتكلم بالشهر 5000 دقيقه محليه يعني 83 ساعه شهريا واكثر، ينفع لك..



وعلى سبيل المثال كذلك لو انت تتكلم بالشهر 900 دقيقه (تقدر تشوف كم دقيقه شهريا تتكلم من الفاتوره بعد بالملخص بالصفحه الثانيه) ، لا تضيف باقة 300 لانها بتعطيك 1200 دقيقه وهو فوق استخدامك ، ولو ضفت باقة 200 راح تعطيك 700 دقيقه مجانيه والزياده تدفعه على حسب استخدامك ومافي شي يجبرك انك تخلص الدقايق المجانيه فبتحس بانه فواتيرك انخفضت نسبيا واستفدت من الباقات...

الزبده: شوف استخدامك الشهري كم يجيك وحاول تختار باقة اقل من استخدامك علشان يبين التوفير ،،

انا مثل حالتي قبل كانت فواتيري 500 ، اول مره اشتركت في الشهري 300 ، زادت وصارت 600-700 لاني اكتشفت اني ادفع مبالغ زياده وعندي دقايق مجانيه تزيد كل شهر، نزلته للشهري 200 وصارت فواتيري 300-400.. والى اليوم مشترك بهالباقة وفواتيري الشهريه مابين هالمبلغ :) ومستفيد من الرقم المجاني للمسجات حق الاهل..

[Exclusiveperfumes]

اخووي انا مع اخواني اللي ردوا قبلي كلهم انا انصحك بباقة ال300 ريال

واللي يتكلم ويقول زادت الفواتير ولا الفاتورة مب مضبوطه للأسف هو مايقرا شروط الاستخدام اللي موجودة في العرض وينسى الخدمات اللي ضايفها غير الشهر من باقة انترنت او باقات ثانية .

يعني انا بتكلم عن باقتي اللي استعملها اللي هي 300 ريال .

يعطونك 2000 دقيقة مجانية طبعا اول كانت هالدقايق للمكالمات المحلية على تلفون كيوتل بس
لكن الحين صارت على مشغل فودافون .
يعني 2000 دقيقه بس مكالمه محلية . يعني لا مكالمة فيديو ولا مكالمة دولية .
وعندك رقم مجاني تضيفه تتصله بالمجان من غير لاينحسب لك من الدقايق ال2000
وغير هذا عندك 200 رساله <<< شخبار الرسايل للحين في احد يستخدمها !!!


طبعا خدمه الشهري تعتبر خدمه سابقة الدفع يعني كل اول شهر او حسب التاريخ اللي مشترك فيه تنزل فاتوره ال300 ريال بغض النظر اذا كان اللمت 600 او 1000 او 2000 يعني انا تنزل فاتورتي 6 من كل شهر 300 ريال
طبعا بتقول دقايقي القديمة بتروح علي ؟
طبعا لا ماتروح عليك وتترحل وياك للشهر القادم هي والرسايل
واتمنى يكون شرحي مفهوم واي استفسار حاظر

[الرايــق]

الشهري ٣٠٠ واترك اي عرض ثاني واللي يقول اكثر من قبل ما يعرف الحساب
اهم شي تعرف تاريخ الفاتوره بتاريخ كم ومن نفس التاريخ تحسب

انا ما قدرت استفيد منها ... وغيري واييد اشتكوا من هالخدمة ...

[بوخالد911]

مشترك بباقة 200

ومرتاااااااااااااااااااااااااااح للغاية

لي : 700 دقيقة
و 100 مسج

ومدري كم من الكيلو بايت للنت


للتوضيح بخصوص الدقايق ال700

فرضا استخدمت بس 500 د
ال 200 المتبقية سوف ترحل للشهر التالي
فبيصير عندك 900 دقيقة ( 700د + 200د المرحلة )

اشترك ونت مغمض

ولا تحااتي



تحياتي قبل تسديد فاتوراتي
:)

[البارح]

دام انه من كيوتل
كله خرابط وكذب
ودفع ودفع

[الكاسر99]

أخوي في الله نصيحة من أخ محب لك لا تشترك في باقة الشهري وكلام وخرابيط

أن عندك مكالمات مجانية

خل هاتفك فاتورة عادية أحسن لك


أنا جربت الشهري وتندمت وكل ربعي الغوا خدمة الشهري كلام فاضي لسلب أموال المشتركين

[عزيزوف]

الله يعطيكم العافيه جميعا وماقصرتوا


الرايق
زد صدودك
ابو علي
تحداني الزمن
qs20000
ابو المها
م. عبدالعزيز
غرفاوي مدريدي
بوخالد 911
البارح
الكاسر99 >>>>>>> تسلم ع النصيحه بس احب المغامره ههههههههه


بس انا ابي احوله باقة 1000 بجرب اذا ما عجبني بحوله 300


ومنكم نستفيد :victory:

[القرنفل]

للاسف اشترك كل اللي في البيت بالباقه الشهريه ومحد استفاد الفواتير زادت وماعرفنا السبب وحاولنا نتابع مع كيوتل وللاسف ما توصلنا للحل اخر شي قطعنا الخدمه :omg:

[البارح]

الله يعطيكم العافيه جميعا وماقصرتوا


الرايق
زد صدودك
ابو علي
تحداني الزمن
qs20000
ابو المها
م. عبدالعزيز
غرفاوي مدريدي
بوخالد 911
البارح
الكاسر99 >>>>>>> تسلم ع النصيحه بس احب المغامره ههههههههه


بس انا ابي احوله باقة 1000 بجرب اذا ما عجبني بحوله 300


ومنكم نستفيد :victory:



دربك خضر اخوي
بس تكفى تكتب لنا تجربك من الباقه ال الف ريال

[الـقـاسـي]

انا اشتركت قبل في باقه الـ 300 في رقم من الارقام اللي عندي وكانت تزيد الدقايق كل شهر بس انا كانت تقريبا 95% من الاتصالات من الرقم هذا على رقم واحد اللي هو المجاني فكنت مستفيد واجد

[honey]

انا مشتركة في باقة 200 وفعلا مرتاحة والفاتورة ما تتعدى270

[CH Engineer]

يالغالي على حسب اذا انت تتصل على فودافون ماراح تستفيد من الباقه
واذا اتصالاتك كلها دوليه ماراح تستفيد من الباقه

انا كل الي اعرفهم مشتركين في كيوتل واستفدت من هالخدمه..
وتوكل على الله بس 1000 للمغازلجيه :tease:

[bohilal191]

انا مشترك في باقة 130 وادفع 250 ريال شهريا والحمدلله مرتاح وقبل كنت مشترك في باقة الـ 200 وادفع شهريا 300 فحولت على الـ 130

[مرتبش]

السلام عليكم
مثل ما قال الاخ م.عبدالعزيز في رده اعلاه واضيف شوية

شوف فواتيرك السابقة وشوف الملخص بعدد المكالمات والمسجات ومسجات الوسائط .
الباقات تبدا من 60 وتعطيك 100 دقيقة مكالمات محلية لكيوتل و10 مسجات ووسائط
ال 130 تعطيك 400 دقيقة مكالمات و50 مسج
ال 200 ريال تعطيك 700 دقيقة و 100 مسج
ال 300 تعطيك 1200 دقيقة و 250 مسج
وهكذا


الان شوف شنو نوعية استخدامك.. مكالمات فقط لكيوتل..دولية اكثر.. او مسجات اكثر من الكالمات ..
مثلا اذا انت تتكلم شوي وتستخدم الرسائل اكثر ..فاي باقة ستحتاج؟ اذا اخذت ال 300 بتعطيك 1200 دقيقة وانت ماتستخدمها (وقاعد تدفع لها) ولن تكفي لمسجاتك ..

[chillis]

اا نا اشوف زادت الفاتوره مع اني ما ستخدم وايد التلفون مامره تم لي رصيد بالعكس :(

[bohilal191]

اا نا اشوف زادت الفاتوره مع اني ما ستخدم وايد التلفون مامره تم لي رصيد بالعكس :(

1-المكالمات الدولية ماتشملها الدقايق المجانية(بس كيوتل مسويه عرض لمدة شهر ان الدقايق المجانية تقدر تستخدمها للمكالمات الدولية)
2- تبعث مسجات اكثر من اللي محددينه في الباقة،
3- تستخدم النت وايد وتعدي المسموح لك في الباقة.
4- الاشتركات الشهرية مثل الاخبار الاقتصادية او الرياضية تنحسب بروحها.
5- الدقائق المجانية ماتشمل ارقام فودافون.

[مرتبش]

من فيكم يراجع فواتيره ويعرف سعر دقيقة المكالمات واسعار المسجات؟

[chillis]

1-المكالمات الدولية ماتشملها الدقايق المجانية(بس كيوتل مسويه عرض لمدة شهر ان الدقايق المجانية تقدر تستخدمها للمكالمات الدولية)
2- تبعث مسجات اكثر من اللي محددينه في الباقة،
3- تستخدم النت وايد وتعدي المسموح لك في الباقة.
4- الاشتركات الشهرية مثل الاخبار الاقتصادية او الرياضية تنحسب بروحها.
5- الدقائق المجانية ماتشمل ارقام فودافون.

شرايك لا ادز مسجات هالكثر ولا استخدم التلفون وايد ومشتركه 300 بالشهر وتجيني الفاتوره 500 وخارجي ما تصل صراحه انا من النوع الي عمري ما شيك الفاتوره ادفع بس وهذي اكبر عيب فيني

[bohilal191]

من فيكم يراجع فواتيره ويعرف سعر دقيقة المكالمات واسعار المسجات؟


للأسف نسبة قليلة اللي تراجع وهذا اكبر غلط،،،

عن نفسي كل يوم اراجع فواتيري عن طريق خدمة eqtel على النت وبما اني نخبه فتاريخ فاتورتي يكون 15 من كل شهر ومحدد تاريخ 13 من كل شهر اني استخدم كرت هلا لين تاريخ 15 عشان تنزل الدقائق الجديدة ،،،وعلى فكرة نسيت شي اكثرية الناس مايشتركون في الخدمة تاريخ 1 من كل شهر،،لأن الله يسلمك اذا فاتورتك تصدر تاريخ 12/3 وعندك باقة 200 وجيت بتاريخ خل نقول 20 /3وطلبت باقة ال،300 تدري انك ماتقدر تستفيد من باقة ال،300كلها بس بتحسب لك من تاريخ 20 /3لين تاريخ 12 /4 يعني يمكن تستفيد 500 دقيقة من الـ1200وابتداء من 13 /4تنزل دقايق باقة ال،300 كلها

[be cool]

انا ماصار لي شهر ومشتركه في باقة ال 300 وحطيت اليمت 600 ريال((لاني ماتكلم في التلفون وايد بس رقم واحد او رقمين بلكثييير)) ونسيت اسوي المكالمه المجانيه بس توني من شوي اشتركت فيها))

بس انصدمت اتصلت ع 111 وسالتهم عن فاتورتي تقولي 744 قلتلها انا حاطه ليمت 600
قالت عندي اليمت الي انتي حاطته 2000

[@فارس@]

للاهمية والتوضيح ...


مع احترامي فيه كثير من الاخوة ما يفهم طريقة الاستفادة من الباقات الشهرية يعني على سبيل التوضيح :

اولا فيه تحديد للحد الائتماني للفاتورة في حالة زادت المكالمات على المحدد شهريا واقل حد مبلغ 600 ريال يعني لو باقتك الشهرية ب 300 ريال فيعطونك 300 ريال اضافية كحد اعلى للفاتورة الشهرية وفيه اعلى حسب الرغبة فلازم تحدد الحد الائتماني اولا

ثانيا الاستفادة من الرقم المجاني للباقات الي من 300 واكثر يعني حط الارقام الي تستعملها باستمرار كرقم مجاني او اكثر حسب الباقة

ثالثا استفد من مساحة الانترنت ونزل برامج مثل برنامج whatsApp والي يسمح لك بالاستفادة من المحادثات والرسايل لجميع من عندهم نفس البرنامج مجانا وبدون اي مقابل على اي رسالة وبشكل فوري وكذلك يمكنك فتح المسنجر طوال الشهر وكل ذلك بدون اي اضافات للفاتورة

رابعا يمكنك التسجيل في برنامج نجوم مجانا والحصول على نجوم عن كل مبلغ تدفعه والحصول على جوائز مجانية عند تجميع اكبر عدد منها بدون اي مبالغ اضافية

خامسا قم بتنزيل برنامج كيوتل والذي يتيح لك مراقبة رصيدك باستمرار ومن خلال الجوال وبشكل مجاني اولا باول


واخيرا وليس اخرا ...

الباقة الشهرية بكل معنى الكلمة راحة بلا حدود من اوجاع الفواتير وهمومها


والله يوفق الجميع

[be cool]

رابعا يمكنك التسجيل في برنامج نجوم مجانا والحصول على نجوم عن كل مبلغ تدفعه والحصول على جوائز مجانية عند تجميع اكبر عدد منها بدون اي مبالغ اضافية <<شلون اسجل في هالبرنامج؟؟
خامسا قم بتنزيل برنامج كيوتل والذي يتيح لك مراقبة رصيدك باستمرار ومن خلال الجوال وبشكل مجاني اولا باول<<شلون انزل هالبرنامج؟؟

[أزهلها]

والله ماعرفنا لكم .. نشترك في الشهري ولا لا ..!
واحد يشجعنا والثاني يقول نصيحه لاتشترك ..:(

[bohilal191]

شرايك لا ادز مسجات هالكثر ولا استخدم التلفون وايد ومشتركه 300 بالشهر وتجيني الفاتوره 500 وخارجي ما تصل صراحه انا من النوع الي عمري ما شيك الفاتوره ادفع بس وهذي اكبر عيب فيني

هذا اكبر غلط وخاصة انك ماتعرف متى تصدر فاتورتك شوف اخوي هاي الفاتورة

http://www.qatarshares.com/vb/attachment.php?attachmentid=72516&stc=1&d=1299565864

فيها تاريخ الفاتورة والفترة وانت شوف متى تاريخ فاتورتك وعقبها بـ3 ايام روح ادفع لأنها تنزل في السيستم وامش كل شهر على هذا المنوال وانت بترتاح

[ام السعف]

أنا إشتركت زمان في باقه الــ 300 بس للأسف ما عرفت استخدمها بالطريقه الجيده
إلي يتكلمون عنها الاخوان ان فيها توفير .. فقمت وقطعتها ..

عروض كيوتل اتواجهني صعوبه في التعامل معاها
بس اعتقد وايد ناس استفادوا منها


جملك الله برضى الرحمن

اشتركت في 300 وكانت توصل فاتورتي 600
طلعت 300 بس للمكالمات الداخلية وادفع زيادة للمكالمات الخارجية
وبشكل عام اصلا ان كثرت داخلي وخارجي ما كانت توصل فاتورتي 350 ريال :(

وما استخدم المسجات :(
الغيت الخدمة من جذورها :(

[chillis]

اخووي انا مع اخواني اللي ردوا قبلي كلهم انا انصحك بباقة ال300 ريال

واللي يتكلم ويقول زادت الفواتير ولا الفاتورة مب مضبوطه للأسف هو مايقرا شروط الاستخدام اللي موجودة في العرض وينسى الخدمات اللي ضايفها غير الشهر من باقة انترنت او باقات ثانية .

يعني انا بتكلم عن باقتي اللي استعملها اللي هي 300 ريال .

يعطونك 2000 دقيقة مجانية طبعا اول كانت هالدقايق للمكالمات المحلية على تلفون كيوتل بس
لكن الحين صارت على مشغل فودافون .
يعني 2000 دقيقه بس مكالمه محلية . يعني لا مكالمة فيديو ولا مكالمة دولية .
وعندك رقم مجاني تضيفه تتصله بالمجان من غير لاينحسب لك من الدقايق ال2000
وغير هذا عندك 200 رساله <<< شخبار الرسايل للحين في احد يستخدمها !!!


طبعا خدمه الشهري تعتبر خدمه سابقة الدفع يعني كل اول شهر او حسب التاريخ اللي مشترك فيه تنزل فاتوره ال300 ريال بغض النظر اذا كان اللمت 600 او 1000 او 2000 يعني انا تنزل فاتورتي 6 من كل شهر 300 ريال
طبعا بتقول دقايقي القديمة بتروح علي ؟
طبعا لا ماتروح عليك وتترحل وياك للشهر القادم هي والرسايل
واتمنى يكون شرحي مفهوم واي استفسار حاظر

شرايك انا ماستخدم النت ولا شي غير الو والسلام بس وقليل بعد وفي ناس غيري همعندهم نفس المشكله واعتقد لو اراجع الفواتير بلقى اخطاء من كيوتل شدعوه كل شهر 500 مافي مره يتم لي رصيد :(

[بوخالد911]

من فيكم يراجع فواتيره ويعرف سعر دقيقة المكالمات واسعار المسجات؟

سعر الدقيقة : 35درهم للدقيقة
مسج : 30 درهم

:victory:

[bohilal191]

رابعا يمكنك التسجيل في برنامج نجوم مجانا والحصول على نجوم عن كل مبلغ تدفعه والحصول على جوائز مجانية عند تجميع اكبر عدد منها بدون اي مبالغ اضافية <<شلون اسجل في هالبرنامج؟؟
خامسا قم بتنزيل برنامج كيوتل والذي يتيح لك مراقبة رصيدك باستمرار ومن خلال الجوال وبشكل مجاني اولا باول<<شلون انزل هالبرنامج؟؟


طرش مسج على رقم 92558 واكتب في المسج كلمة app وبيوصل لك رابط نزله على الجوال والبرنامج سهل بمجرد ماتفتحه بتعرف كل شي وعلى فكرة البرنامج لايعمل على الايفون فقط هواتف نوكيا والبلاك بيري

[be cool]

طرش مسج على رقم 92558 واكتب في المسج كلمة app وبيوصل لك رابط نزله على الجوال والبرنامج سهل بمجرد ماتفتحه بتعرف كل شي وعلى فكرة البرنامج لايعمل على الايفون فقط هواتف نوكيا والبلاك بيري

انا وحده ,, مشكووور اخوي

[فقط قطر]

والله كيوتل ما ينعرف لهم...وين...ولا تعرف صدقهم من كذبهم..
كانت فاتورتي في حدود 600 الى 800 ريال شهريا...فقلت افضل احول لنظام الشهري 570 فصارت فاتورة تلفوني ما تقل عن الف ريال...اشلون والله للحين مادري...والمشكلة اني ما اتكمل وايد....

[ولد ازغوى]

انا مشتركه فيها و ماشيه تمام ..
كل شهر ادفع 400 لاني مشترك بعد في خدمة النت 100

[ماجستك]

قطعت خدمه الشهري 300 قبل يومين لاني اكتشفت انها احدى طرق كيوتل المعروفه

لان باقه ال300 تعني ان لك 1000 دقيقه بالشهر ...اصلا سعر الدقيقه في الفواتير العاديه 35 درهم يعني 0.35 ريال.... يعني اذا استخدمت ال 1000 دقيقه في جوال فاتوره عادي بتدفع 350 ريال فقط...هذا اذا استخدمت 1000 دقيقه

انا استخدم اقل من 1000 ديقيه كل شهر وادفع 300 .. يعني اذفع حق دقايق ما استخدمتها.. لان اذا اشتركت في الباقه لازم تدفع مبلغها حتى لو ماستخدمت التلفون
المشكله انها زادت عندي .. مره 450 ومره 500 ومره 600 وانا عمري ماوصلت 1000 دقيقه لاني اصفر العدادات كل مادفع الفاتوره

الحين حولته فاتوره عاديه بس اشتراك سنوي .. يعني ادفع 300 ريال اشتراك سنوي وبعدها ادفع بس المكالمات كل شهر

[شيط ويط]

اللي سمعته ان انترنت الجوال مفتوح غير محدود ، ومسجات غير محدودة .. على ذمة الراوي

[بو الجوري]

أنا عن نفسي مشترك من أول ما إطرحوا الخدمه :..:telephone:
وكنت 300 :.. و تميت فتره طويله والحمدلله مرتااااح :.. لكن كل شهر كانت تتحولي دقايق و مسجات للشهر اللي عقبه :..
لأني ما أستخدمهم :.. فـقررت إني أحول لباقه الـ 200 :..:omen2:

والحمد لله عمري ما دفعت شي زياده :..
دايما فاتورتي ماتتعدى ال450 ريال تقريبا :..
( 200شهري + 125 بلاكبيري + الباقي مكالمات خارجيه ) :..

و كل شهر أشوف فاتورتي التفصيليه عن طريق النت :..


أستغرب الصراحه من اللي يقولون فاتورتي دبل و زياده :.. إنزين شوف عالنت وين المشكله !!!!

و بعدين اللي يبي يشترك :.. يشوف هو كم يصرف فالشهر تقريبا :..
و يشترك فالباقه الأقرب :..

يعني لو تصرف 500 إشترك فالـ300 :.. و هكذا :..


و بس :.. نصيحه ( شيكوا على فواتيركم ياللي تقولون إن عليكم مبالغ زياده :.. )

[بو الجوري]

قطعت خدمه الشهري 300 قبل يومين لاني اكتشفت انها احدى طرق كيوتل المعروفه

لان باقه ال300 تعني ان لك 1000 دقيقه بالشهر ...اصلا سعر الدقيقه في الفواتير العاديه 35 درهم يعني 0.35 ريال.... يعني اذا استخدمت ال 1000 دقيقه في جوال فاتوره عادي بتدفع 350 ريال فقط...هذا اذا استخدمت 1000 دقيقه

انا استخدم اقل من 1000 ديقيه كل شهر وادفع 300 .. يعني اذفع حق دقايق ما استخدمتها.. لان اذا اشتركت في الباقه لازم تدفع مبلغها حتى لو ماستخدمت التلفون
المشكله انها زادت عندي .. مره 450 ومره 500 ومره 600 وانا عمري ماوصلت 1000 دقيقه لاني اصفر العدادات كل مادفع الفاتوره

الحين حولته فاتوره عاديه بس اشتراك سنوي .. يعني ادفع 300 ريال اشتراك سنوي وبعدها ادفع بس المكالمات كل شهر


أخوي إنت بنفسك قلت :.. ما تستخدم الـ 1000 :.. ليش مشترك فالـ 300 عيل !!!!
خذ الـ 200 وبتحس بالفرق :..

و لا تنسى إن الـ 300 مب بس للدقايق على حسبتك :..
في مسجات مجانيه و رقم مجاني و ميقابيت :..
يعني إنت المستفيد :..

[BIG-VEGA]

احسن شي اتسويه .....
تشترك في eQtel عشان تقدر اتشوف وتنزل فواتيرك
بعدين تنزل فواتيرك الشهريه مالت سنه كامله
وبعدين اتشوف في كل شهر انت تتكلم كم دقيقه (من غير المكالمات الدوليه)
وبعدين اتشوف معدل الدقايق في هاي السنه

انا يوم سويتها لقيت ان معدل الدقايق مال مده سنه تقريبا 300 دقيقه
فرحت وشتركت بباقه الـ 130 ريال لانها تعطيني 400 دقيقه

من سنه تقريبا ولين الحين انا مبسوط وسعيد وفرحان والدنيا صارت ورديه ومرتاح لان فاتورتي ماتزيد عن الـ 130 الا اذا استخدمه في مكالمات دوليه او اسافر
وقبل لاشترك فواتيري كانت ماتقل عن 300 ريال

فانت شوف كم معدل استهلاكك الطبيعي من الدقايق ... عقب اختار الباقه