سيارتي في وكاله عبدالله عبد الغني !!وأتفاجا بمخالفه حزام الأمان!!

[أم المها2010]

السلام عليكم ورحمه الله وبركاته


أخواتي ،أخواتي الأفاضل حبيت منكم تفيدوني؟؟

دخلت سيارتي لوكاله عبدالله عبد الغني تقريبا من شهرين لتركيب دينمه جديده وقلت هالشهر بطلعها لانكم تعرفون الغلا اللي صاير وهم يبون5000 ريال ، والسياره عندهم واتفاجا بمسج اليوم من مطراش عن مخافة عدم استعمال حزام الأمان !!!!

0000765244 2011-03-07 7:30 م عدم استعمال سائق المركبة ومن يركب بجواره لحزام الأ مان أثناء سير المركبة على الطريق
البدع 500 ر.ق
:omg::omg::omg:
وش الاجراء القانوني والصحيح اللي أسويه؟؟؟؟؟؟

ويعطيكم العافيه ،،وتقبلوا مني كل التقدير والاحترام ،، ومتابعتكم

[شيط ويط]

يمكن الفني اللي عندهم خذ فيها لفه لين اللولو وصادوه :secret:

[الألماسي]

اختي يمكن عمال " وكاله عبدالغني " مستغلين سيارتج . .!

سوي " برنت اوت " للمخالفه و في ساعه الدفع عطيهم المخالفه

[شيط ويط]

وفي احتمال ثاني .. تكون السيارة اللي عليها المخالفة مسجله باسمج مب شرط نفس السيارة اللي في الوكالة :secret:

[بوراشد82]

روحي ياختي المرور ومعاج ورقة من الوكالة تثبت بأن السيارة كانت في الورشة من التاريخ الفلاني الى التاريخ الفلاني وبيطيرونها لج بدقة زر ..

يمكن شرطي خالف واحد رقمه مثل رقم سيارتج لكنه غلط في رقم .. عادي ياختي الامور سهالات

[بوراشد82]

واحتمال مثل مالشباب ردوا عليج بعد بس اعرفي الاول مكان المخالفة بالضبط اذا في الصناعية يعني حد من العمال طالع يجرب السيارة ولاربط الحزام او

مثل ماقال الاخو شيط ويط يمكن هاذي سيارة ثانية غير الي في الوكالة

وارجع اقول الامور سهالات

[بيانو]

يمكن الفني اللي عندهم خذ فيها لفه لين اللولو وصادوه :secret:


وفي احتمال ثاني .. تكون السيارة اللي عليها المخالفة مسجله باسمج مب شرط نفس السيارة اللي في الوكالة :secret:



:victory::victory::victory:

الجواب سوف يكون واحد من الإثنين أعلاه

[(رمز المحبه)]

يا كثر ما يخطون المرور في كتابة المخالفة .. وخاصة الحزام .. لانه يلقط الرقم للي مب رابط الحزام واهو مقفي رايح ويحاول يسجل رقمه .. يمكن بالخطأ صدف انه رقمك

ورقة تثبت انه الموتر فالوكاله وتطير المخالفه في لحظه

[بوخالد911]

ربما خطأ من المرور

واطلبي كعب المخالفة

واحضري وصل بايداع سيارتج بالوكالة
وموضح فيه تاريخ تسليم السيارة

[أم المها2010]

لا حول ولا قوه إلا بالله

يعني الغلط من المرور؟؟وإلا من الوكاله؟؟؟؟ وأنا وش ذنبي أدفع المخالفه !!

[لاجئ عاطفي]

صارت مع رفيجي بس مع شركه غير رفع عليهم قضية وطالبهم بمليون ريال تعويض والله انهم اتصلوا فيه وقالوله فنشنا اللي استغلوا موضوعك وعطوه خصم لغاليه 50% على اي سياره يبيها مقابل انه يسحب القضيه فالمطلوب منج اتروحين المحكمه وترفعين عليهم قضيه

[CH Engineer]

الله يعينج
الحين الواحد شذنبه يروح المرور ويقدم الاوراق ويثبت ويشتكي والخ
ليش مايمنعون ع الاقل تسجيل مخالفة حزام الامان غيابياً؟

[ذيب سرحان]

نفس المخالفة اللي صارلي خالفوني والسيارة واقفة شهر تحت الشجرة وراجعت مرور المعمورة ثلاث ايام رايح جاي واخر شي طلعت المخالفة بالخطأ , فحاولي يالشيخه تمرين على المرور يمكن تكون المخالفة بالخطأ.

[باسكن روبنز]

بسيطه ،

الحل الله يسلمج هو بالآوراق ،

يعني ورقة ادخالج السياره للسيرفز بالوكاله ،

وورقة الفاتوره عند آستلام سيارتج ،

والتواريخ المسجله مابين االورقتين توضح آن وقت المخالفه كانت سيارتج بالتصليح ،

يعني آساساً خلي الاوراق عندج وطنشي الموضوع لحد تجديد الآستماره ومشوار بسيط لمرور خليفه في قسم المخالفات وبتطيح آن شالله ،

لاتعورين رآسج آلحين وآستمتعي بالموتــر المصلح ،:tease:

[BIG-VEGA]

لاتستلمين السياره قبل لاتسكرين الموضوع
ولاتنطرين لين الاستماره اتخلص

وسلامات للسياره :)

[ملاك]

انا اعتقد طالما المخالفه تسجلت باليد

فالخطأ وارد

يعني الشرطي سجل رقم سياره بالغلط والله اعلم

[القيادة]

نصيحة أختي لاتستلمين السيارة من الوكالة

ليما تروحين لادارة المرور وتشوفين شنو الموضوع

ومعاج ورقة تسليم السيارة للوكالة أذا أتضح ان السيارة عليها مخالفة

وأهي في الوكالة روحي للوكالة وأخبريهم أنهم يدفعونها.

[chillis]

انت عندك وصل اكيد بتاريخ دخول السياره تقدمه لهم وان مافاد للمرور :×

[.Q a T a R.]

عادي اختي

لا يشككونج الاخوان في الوكاله او او

عادي هاي عوايد المرور

انا مسافر وموقف موتري في باركنات المطار وجاني مسج بعد يومين وانا مسافر

بمخالفه حزام

شكله العسكري يبي يخلص الدفتر ومب عارف شلون

عساه مايتوفق لا دنيا ولا اخره ان كان قاصدها

كلها الا 500 ريال لاكن الظلم مب زين

اختي انتي اخذي ورقه من الوكاله تثبت ان موترج بالتصليح

لاكن الله يعينج والله لا ايلففونج المرورعشان اسقاطها

ادفعيها ولا تعورين راسج

[هارودز]

لازم تتابعون مع الوكالة و المرور ويتم التنسيق بخصوص المخالفه

[أم المها2010]

لو سمح الله ،صار حادث بالسياره من المسؤول عن ذلك؟؟ كلمت المرور وقالوا لي المخالفه صحيحه إن السياره كانت في البدع أمس ،والمستغربه منه أكثر شركه كبيره ويسير جذي ،الله المستعان.

[أم المها2010]

يعني لازم الحين الوكاله تدفع المخالفه وأنا ادفع لهم 5000 ريال ،والله العالم هما من متى يستخدمون السياره ، وياغافلين لكم الله .

[الجوكر90]

السلام عليكم
الشيخه تعطيني توكيل اتصرف مع الشركه
صدقيني ماراح اخليهم راح اشتكي عليهم وماراح اتنازل عن القصيه خير شر شرايج؟؟

ترى جد اتكلم عادي فاضي لهم

[doha_vip]

نفس الشي مره تخالفت و انا في الدوام .. والمرور مش مقتنعين ان الشرطي بشر ويمكن يغلط في كتابه الرقم .. المفروض يسوون آليه حق هذي المشكله .. لان التعب بيصير على الشخص المتخالف بيروح وبيجيب ورقه ويراجع المرور كأنه هو الغلطان والخطأ كله على شرطي المرور

[شاعر المليون]

اشتكي على الوكالة وحاججيهم بالعداد الكيلو متر بيبن فيه أنهم مستخدمين السيارة لان ورقة التصليح مكتوب فيها كم مشت السيارة صوري صورة العداد واشتكي عليهم.

[شموع قطريه]

مافيه الا يعطون كل شرطي كاميرا ديجتال ويثبت المخالفه بالصور واذا ماجاب صوره معناها انه يتبلى .. مب حاله معاهم متى ما اشتهوا كتبوا ارقام بالغلط علشان يخلصون الدفتر اللي عندهم والناس تدفع دم قلبها على هالمخالفات بروحها رواتبهم يالله تكفي معيشتهم بعد يخالفونهم على شي ماسووه !! غربلوا خلق الله بهالمخالفات ..

[jeep-srt8]

اي شركة كبيرة والله مو غريبة عليهم

خوي بعد دخل موتره كامري الوكاله والله عجبوووووووووو عالمووووووتر اخذه وطلعله عيوب اكثر من السابق

وبعدين علشان يبدلون دينمو ياخذون شهر !!!!!!!!!!!!!!!!!!!!! الله واكبررررررررررررر

انا بدلته ذاك اليوم وانا واقف ابو ساعتين

اتروحين وترفعين علهم دعوة وفاااااااااااااااااالك طيييب

[شنايدر]

لو اني بدالك والله ما خليهم . . . ولجيب واطيها عاليها .. لانها صارت معي .. .

الخطوات اللي تسويها . . .

- تجيب اثبات ( فاتوره مثلا) ان السياره كانت في الكراج من اليوم الفلاني الي اخر يوم وتحاول تخلي الراس العود يوقع عليها ويختمها .. .

وهذا اول اثبات عندك واشتغل عليهم . . .

لو اسحبوها .. حاول انك تطلب تبرير لما خدث .. وننتظر ردك <<!

[بصمة قطرية]

ضحكني العنوان بصراحة ..:secret:
حلوة هاذي شلون تخالفت السيارة ..
100% الرقم غلط ..

[أم المها2010]

عندي ورقه لحظه إدخال السياره الوكاله والكل عارف هالإجراء
وأمس كانت المخالفة والسياره موجوده لحد الآن بالوكاله ،،والمرور يقولون المخالفه صحيحه .
وويت برانت آوت للمخالفه وبنوديها الوكاله عشان يدفعون المخالفه هاي اللي استفده منكم .

[أم المها2010]

عندي ورقه لحظه إدخال السياره الوكاله والكل عارف هالإجراء
وأمس كانت المخالفة والسياره موجوده لحد الآن بالوكاله ،،والمرور يقولون المخالفه صحيحه .
وويت برانت آوت للمخالفه وبنوديها الوكاله عشان يدفعون المخالفه هاي اللي استفده منكم .

سويت برانت آوت

[ام عبدالعزيز]

الله المستعان

[أم المها2010]

وش رايكم باللي أسويه ؟؟؟

وإلا عندكم رأي أفضل ؟؟ ولكم مني كل الاحترام والتقدير .

[Charisma]

وش رايكم باللي أسويه ؟؟؟

وإلا عندكم رأي أفضل ؟؟ ولكم مني كل الاحترام والتقدير .

نصيحتي لج :

1- برنت لتاريخ ادخال السياره للوكالة
2- روحي المرور وخبريهم بلي صار
3- ان وافقوا يسقطون المخالفه كان الله غفورا رحيما
4- ان ماوافقوا.. انصحج وباسرع وقت تروحين لمحامي لاتفكرين بالـ5000 الالاف ولا بالمخالفه روحي لمحامي وارفعي قضيه عالشركه لان اكيد استخدموا سيارتج دام المرور اكد ان المخالفه صحيحه وخبري مدير الوكالة بموضوعج وانج راجعتي محامي .. انفضيه شوي
5- اطلبي تعويض .. بس يرحم والديج لاتطلبين 5000 الالاف تعويض.. حطي احذاهم صفرين

والله اني كل ماودي موتري عندهم القى شي مبيوق .. الميموري الميموري اللي ماينشاف باقوه من الشاشه

[QATAR-2006]

الله المستعان وحسبي الله على المرور صار همه تجميع المخالفات صافط السيارة فالدوام ويعطوني مخالفة حزام ويوم نروح نراجعهم ماتلقى اسم السياره ولا لونها 500 ريال في ذمة الي سجل الرقم

[المستعينه بالله]

السلام عليكم ورحمه الله وبركاته


0000765244 2011-03-07 7:30 م عدم استعمال سائق المركبة ومن يركب بجواره لحزام الأ مان أثناء سير المركبة على الطريق
البدع 500 ر.ق
:omg::omg::omg:


ويعطيكم العافيه ،،وتقبلوا مني كل التقدير والاحترام ،، ومتابعتكم



أختي المخالفه هذه بتاريخ أمس 7/3/2011 م الأثنين .



هذي مخالفه حقت أمس . ممكن أتشوفين الشرطي الموقع على المخالفه وتحققين معاه

على أساس أن الشرطي شاف السايق رجل ولا أمرأه في السيارة ومواصفات ولون السيارة إلي شافها الشرطي ؟؟

وبما أن المخالفه حقت أمس حققي معاه قبل ما تبرد السالفة .

وبعدين أختي سيارتج في الوكاله شغاله ممكن حد يسوقها ولا هي مازالت عطلانه ؟؟

لأنه في أحتمال أحد العاملين في الشركه ساقها والله أعلم .

وبعض أفراد الشرطه يسجلون أرقام السيارات على مزاجه علشان يتلخص من دفتر المخالفات ويحصل على إجازة ومكافئه .

[جنوب الدوحه]

تصير اختي .. لأن في هذي الايام الشرطه يقومون بمخالفات كثيره فاذا غلط في مخاله او مخالفتين فهذا وارد وممتاز

الله يعطيهم العافيه :)

[عنزي قطر]

عندي ورقه لحظه إدخال السياره الوكاله والكل عارف هالإجراء
وأمس كانت المخالفة والسياره موجوده لحد الآن بالوكاله ،،والمرور يقولون المخالفه صحيحه .
وويت برانت آوت للمخالفه وبنوديها الوكاله عشان يدفعون المخالفه هاي اللي استفده منكم .



حياك الله اختي راجعي قسم الشكاوي والتظلمات بادارة المرور مدينة خليفة مع ورقة إدخال السياره الوكاله وفالك طيب


اخوك عنزي قطر

[المستعينه بالله]

حياك الله اختي راجعي قسم الشكاوي والتظلمات بادارة المرور مدينة خليفة مع ورقة إدخال السياره الوكاله وفالك طيب


اخوك عنزي قطر



لاتحاول :anger1:


بينا وبينكم




المحاكم ! :anger1:





ترى نمزح :nice:

[باسكن روبنز]

حـل سـريع وبالتلفـون ،

أتصلي بـرج عبدالغنـي وأطلبي منهم تحويلج للشؤون القانونيه عند محامي مصـري آو أردني (ناسي بالضبط) ،

وقوليله بهالمشكله وآن المرور مصرين ع تسجيل المخالفه عند البدع بالرغم من آن السياره واقفه تتصلح بالشركه!! ،

قسم الشؤون القانونـيه عند الشركه يهتم بآي موضوع يخص الشركه ،

توكلـي ع الله وأطلبي رقمهم من كيوتـل آلحين ،

[باسكن روبنز]

ياجماعة الخيـر ،

آنا مب شـرطي عشان بقول الكلام هـذا ،

بس لاتستهينون بتعـب العسـآكر وآسألوا آخوآنكم وربعكم آلي بالعسكـريه ،

يمكن ألي صار بموضوع الآخت تسيب من موظفين الشركه آو خطآ عفـوي بتسجيل رقم المخالفه ،

بآختصــآر آحنا عايشين في بـلاد حـره وكل مشكله ولها حـل ،

وآلي لـه حق خل يتبع الآجراءات والخطوآت الصحيحه وبيآخذ حقوقه كلها غصبن عن آلي يرضى وآلي مايرضـى ،;)

[شبح الصمت]

أختي يعطيج العافيه

نفس ما تفضلوا بعض الاخوان ,,

الله لا يهينج روحي الشركة وقولي لهم عطوني وصل بأن سيارتي كانت واقـفه عندكم في الشركة من غاية كذا لين كذا ..

وودي الاورقه عند قسم المخالفة

وعطيهم الاورقه وباذن الله بيشلونها

دامها مب عندج

[قهوجي]

اختي تاكدي انه السياره كانت موب وياك وتاكدي من المخالفه والوقت
واذا صار واتاكدتي انه السياره ما كانت وياك
خطوتين لاقرب محامي واستشاره صغيره هوا بيقدر يفيدج اذا بترفعي قضيه او لا
والحق مايرجع الا بالقانون وخلي عنك الخرابيط الباقيه لا ترجعيلهم بالمره
بس اهم شي خذي ورقه منهم ان السياره كانت عندهم المده

[CH Engineer]

حياك الله اختي راجعي قسم الشكاوي والتظلمات بادارة المرور مدينة خليفة مع ورقة إدخال السياره الوكاله وفالك طيب


اخوك عنزي قطر

اخوي عنزي قطر دام دخلت الموضوع
اسمحلي اقدم هالاقتراح وياريت توصله لادارة المرور
الاقتراح ان الشرطي الي يسجل المخالفه يكتب نوع السياره ولونها مع الرقم " مثال : يكتب اللون ابيض نوع السياره تويوتا لاندكروزر يعني يكتب بشكل عام مب شرط يحدد النوع بالضبط عشان مانصعب على الشرطي واذا يجهل انها لاندكروزر يكتب تويوتا فورويل"

ووقت تسجيل المخالفة في المرور اذا تطابق لون السياره ونوعها مع البيانات الموجوده فالمرور تسجل المخالفه واذا ماتطابقت تحذف بدون ماتلعوزون العالم..
عشان نضمن ان شرطي المرور فعلا كان مخطي وماكان متعمد الخطأ لان مرات الواحد يتعمد الخطأ وبمثل هالمواقف تصيدهم :nice:

[أم المها2010]

المخالفه طلعت صحيحه ورحنا الوكاله قالوا لنا بندفع لكم المخالفة

قلنا لهم وشلون يعني تطلعون بالسياره ؟؟؟ وآخر شي بندفع المخالفة!!!!!!

يعني الواحد حاط سيارته في شركه عبدالله عبد الغني ويسوون جذي !! وبكل برود بندفع المخالفه!!!

[Abdulraman]

ارفع عليهم قضية واطلب مليون ريال وصدقني بتربح القضية
عاد النص بالنص والمحامي علي

[CH Engineer]

المخالفه طلعت صحيحه ورحنا الوكاله قالوا لنا بندفع لكم المخالفة

قلنا لهم وشلون يعني تطلعون بالسياره ؟؟؟ وآخر شي بندفع المخالفة!!!!!!

يعني الواحد حاط سيارته في شركه عبدالله عبد الغني ويسوون جذي !! وبكل برود بندفع المخالفه!!!

لاتسكتين عن حقج
ماله حق يستخدم سيارتج بدون اذنج هذي لحالها جريمه
غير انه ساق برعونه وطيش وما التزم بقوانين المرور وكل هذا باسمج وحملج المسؤوليه..
كان عادي يرتكب جريمه بالسياره و و و...

اتصلي بمحامي ووضحي له الامور وعندج عبدالرحمن بيدفع الاتعاب :tease:

[vtc_4.8]

اخوي عنزي قطر دام دخلت الموضوع
اسمحلي اقدم هالاقتراح وياريت توصله لادارة المرور
الاقتراح ان الشرطي الي يسجل المخالفه يكتب نوع السياره ولونها مع الرقم " مثال : يكتب اللون ابيض نوع السياره تويوتا لاندكروزر يعني يكتب بشكل عام مب شرط يحدد النوع بالضبط عشان مانصعب على الشرطي واذا يجهل انها لاندكروزر يكتب تويوتا فورويل"

ووقت تسجيل المخالفة في المرور اذا تطابق لون السياره ونوعها مع البيانات الموجوده فالمرور تسجل المخالفه واذا ماتطابقت تحذف بدون ماتلعوزون العالم..
عشان نضمن ان شرطي المرور فعلا كان مخطي وماكان متعمد الخطأ لان مرات الواحد يتعمد الخطأ وبمثل هالمواقف تصيدهم :nice:


والله ياريت ,, من فتره جاتني مخالفة في مواقف الستي سنتر
والستي صارلي سنين ماطبيته :secret:

بعد ماطبعت ورقة المخالفه في مدينة خليفه نوع المركبه طلعلي نيسان فقط ! والرقم نفسه

وانا متأكد اني مارحت الستي

ياريت اثناء تحرير المخالفه كتب نوع المركبه بالتفصيل

[أم المها2010]

لاتسكتين عن حقج
ماله حق يستخدم سيارتج بدون اذنج هذي لحالها جريمه
غير انه ساق برعونه وطيش وما التزم بقوانين المرور وكل هذا باسمج وحملج المسؤوليه..
كان عادي يرتكب جريمه بالسياره و و و...

اتصلي بمحامي ووضحي له الامور وعندج عبدالرحمن بيدفع الاتعاب :tease:

كلامك سليم 100%