سياسة تبديل المشتريات او استرجاع قيمتها يصل إلى 90 يوم !!!! هل هي في صالح العميل؟

[ra3shat hadab]

السلام عليكم ورحمة الله وبركاته

تسمح العديد من المحلات التجارية للعملاء استبدال البضاعة المشتراة أو استرجاع قيمتها
في فترة تصل إلى 90 يوماً (3 شهور) . :secret:

برأيكم اخواتي اخواني هل هذه السياسة تضر العميل ام تخدمه ؟؟ :omen2:

لو وضعنا بعين الاعتبار ان البضاعة التي اعيدت للمحل التجاري ربما تم استخدامها من قبل العميل ؟
وتباع لمستهلك آخر على انها جديدة والمشاكل التي تصاحب اعادة بيع البضاعة أياً كان نوعها :telephone:



كل التقدير للجميع/
..

:)

[شموخ دائم]

,

,


مرحبا

الطريقه تشجع على الشراء وهي في مصلحه الطرفين
احيانا الانسان يكون متردد يناسبه او لا وهل المقاس او اللون مناسب او لا وتدفعه طريقه الاسترجاع الى الشراء لانه يقدر بسهوله يرجع البضاعه
ولكن في الحقيقه 90% من الناس لايقوم بالعوده بسبب امور كثيره
ابسطها " الكسل "

:)

الطريقه في صالح الطرفين

تشجع العميل على الشراء
وحفظ حق العميل في الاسترجاع ان لم تناسبه

دمت بطيب
موضوع جديد ومختلف


,

,

اخوك


شموخ دائم

[@north_star@]

اظن في شروط للعميل الي بيرجع البضاعه وانه البضاعه المرتجعه ما تكون مستخدمه

[مونديال]

الاسترجاع من صالح العميل
ولاكن الآليه في طريقه اعادة بيع الماده
يجب ان يعمل مثل بعض دول أوروبا وهي بيعها بنسبة خصم

[تحداني]

اول مره اعرف هالمعلومه .. لان قبل 3 ايام شريت من المفتاح غرض
ورديته بعد ربع ساعه ورفضوا يردون لي المبلغ بحجه اني شريته بالبطاقه
مع العلم لما رحت للموظفه الي بالمحل قالت لي راح انرده بحسابج مو كاش


واضطر واحد من اخواني يكلم الاداره عشان يفهم ايش هالقوانين الغريبه
وبعد هواش واخذ وعطى ردوا المبلغ مع خصم قيمه عموله الفيزا مع البنك
والله ما يستحون


ما علينا

نرد للسؤال 3 اشهور وايد .. اذا مكياج وعطر يمكن طريقه الاحتفاظ فيه مو صحيحه في البيت
واذا لبس يمكن يحطونه في مكان مو امرتب
انا ما أأيد هالفتره الطويله




جملك الله برضى الرحمن

[بـــــــنت النوخـّــــذه]

تدرين اختي رعشه هدب 000 اي محل بضاعته تسترد ما اشتري منه الا اذا كان اللبس بقراطيسه مقرطس عدل عدل 0000 (خصوصا الملابس الشسمه الخاصه )
وتنبيه اي حد يشتري ملابس يغسلها لان فيها مايكروبات صغيره من الغبره والشحن والتعليق لفتره طويله 00 حتى لو على البخار تغسلونهم مره شفت برنامج طبي الدكتوره قالت منعا لتحسس الجسم (يفضل ) غسل الملابس الجديده 00

ومن يومها ولا شي يدخل البيت الا مار على الغسيل :omen2:


المفروض المحل اذا تم استرجاع البضاعه انهم يغسلون المسترد ويتم تغليفه اما من مكان الناس صراحه بذمتهم 00

[chillis]

تدرين اختي رعشه هدب 000 اي محل بضاعه تسترد ما اشتري منه الا اذا كان اللبس بقراطيسه مقرطس عدل عدل 0000

وتنبيه اي حد يشتري ملابس يغسلها لان فيها مايكروبات صغيره من الغبره تى لو على البخار مره شفت برنامج طبي الدكتوره قالت منعا لتحسس الجسم (يفضل ) غسل الملابس الجديده 00

ومن يومها ولا شي يدخل البيت الا مار على الغسيل :omen2:


المفترض المحل اذا تم استرجع البضاعه انهم يغسلون المسترد ويتم تغليفه اما من مكان الناس صراحه بذمتهم 00

ميه ميه بالذات الملابس يكونون وايد مجربينها وما تدرين شنو باجسامهم حتى الملابس الي متردينها انا صرت اغسلها لان قبلي اكيد احد مقايسها :victory:

[CH Engineer]

لا في شروط اختي
انا شاري جوال من شهرين بـ2400 وابي ابيعه الحين جايبلي 1700 ريال
لو كلامج صح بروح ارجعه لان للحين مافيه ولا شمخ واللزقه للحين عليه
اذا تبين تشترينه مني ب 2200 وترجعينه لكارفور بـ2400 :shy:
الفاتوره للحين عندي


القانون يخدم وبقووه
لان عندنا فالدوحه اذا نزل شي جديد ينزل بدبل سعره استغلال للناس
وبعد اسبوع او شهر ينزل سعره فاذا في مجال الواحد يرجع الغرض وياخذ فلوسه ويشتري واحد جديد بنفس السعر افضل..
بعكس الشركات برى فاوروبا وامريكا يتم السعر ثابت لفتره طويله

[الـقـاسـي]

هالنظام حلو ويشجع الناس للشراء ومثل ماقال اخوي شموخ دائم مب كل الناس يردون البضاعه لكن فتره 3 شهور اشوفها كبيره جدا اتوقع اسبوعين الى شهر كافيه جدا جدا

[بوحارب]

اكثر المحلات عندنا مكتوب عند الكاشير يتم الأستبدال خلال 24 ساعة فقط

وين هذي ام 90 يوم ماشفتها فمكان !

[BIG-VEGA]

سياسه الاسترجاع الي تصل ل 90 يوم اكيد لها شروط
مثل نوع البضاعه ..وسبب الاسترجاع .. حالتها وقت الاسترجاع ... وغيره

وماعتقد الاسترجاع بيكون بسهوله
والي يبي يرجع بضاعه لازم اتكون عنده مواصفات ... اهمها
صبور
شجاع
ضخم البنيه
سليط السان
مقنع
عابس الوجه تاره ومتبسم تاره
يلطش تاره ويتملحس تاره
ياحبذا لو يروح لهم وهو كاشخ حده كنه رايح عرس وبسياره كشخه وريحته الخنينه تدخل قبله
او العقال على جنب ومشمر والازره متقطعه ونافخ الصدر والعيون حمر وصراخه يبدا قبل لايدخل المحل

وسلامتكم

[ra3shat hadab]

,

,


مرحبا

الطريقه تشجع على الشراء وهي في مصلحه الطرفين
احيانا الانسان يكون متردد يناسبه او لا وهل المقاس او اللون مناسب او لا وتدفعه طريقه الاسترجاع الى الشراء لانه يقدر بسهوله يرجع البضاعه
ولكن في الحقيقه 90% من الناس لايقوم بالعوده بسبب امور كثيره
ابسطها " الكسل "

:)

الطريقه في صالح الطرفين

تشجع العميل على الشراء
وحفظ حق العميل في الاسترجاع ان لم تناسبه

دمت بطيب
موضوع جديد ومختلف


,

,

اخوك


شموخ دائم


اخ شموخ دائم.
شكرا على المشاركة.

انا معاك ان التأخير في رد البضاعة للمحل احد اسبابها الكسل.. وخصوصاً اذا طالت المهلة المعطاة للعميل.
وفعلاً مثل ما قلت هالسياسة تشجع العميل على الشراء. لكن.. هالسياسة محتاجة كنترول وتكنيك معين في كل الاجراءات من عرض البضاعة الى بيعها الى العبارات المكتوبة في الفاتورة والتي تخص سياسة الاسترجاع الى الكاشير او الموظف اللي راح يستقبل البضاعة المرجعه... عشان ما تستغل بطريقة خاطئة ويفقد المحل ثقة زباينه او يتضرر منها عملاء آخرين.



شكرا مرة ثانيه.

[Elegant lady]

اممم الصراحه ماعجبنيي يمكن الناس يلبسون ويكشخون فيه ويرجعونه المحل واحنا نجي نشتري ملبوس تخيلوو يكون فيها مرض معدي ينتقل السلامه اولااا لو دخلت محل ووعرفت باطلع وايدي خاليه افصل احسن لي

[wadha-qa]

بالعكس السياسه هذي مفيده لان تصير معانا بكثره ان نكتشف شي بالبضاعه بعد الشراء .. و مرات اشياء نشتريها و نحاول نركبها في البيت تطلع فيها عيوب او نكتشف ردائتها فنضطر نبدلها بشي ثاني من المحل .

واللي يقولون يمكن تكون ملبوسه !! ترى في كل المحلات غرف تبديل يعني عادي اي شي في المحل يكون شخص مجربها في غرف التبديل !!
الحل انك تحرص على غسل الاشياء اللي تنلبس بعد الشراء

[intesar]

هو فيه قانون منع المحلات من وضع لافتة البضاعة لا ترد ولا تستبدل
طيب وشركتي اللي خص بالأكل
يعني أنا ما أعرف لين يحطون قانون ليش يعممون ومايوضحون .. لازم يكون فيه تحديد وتوضيح .. شي يدوخ قوانين من غير قوانين
طيب لا ترد ولا تستبدل .. هل يخص المأكولات وهل يخص الملابس (!!!!!) يعني هذي اذا جربوها وردوها ماراح يقدرون يبيعونها .. ٩٠ يوم أنا أشوفها كثيرة على الأقل أسبوع كفاية .. بس لازم تتحدد

كل الشكر

[ra3shat hadab]

اظن في شروط للعميل الي بيرجع البضاعه وانه البضاعه المرتجعه ما تكون مستخدمه

صحيح هو شرط لا خلاف عليه،،، لكن انا كعميل شيضمني ؟
فيه بضائع ما تدري استخدمت من قبل او لا .. مثلا الملابس .. وخصوصا اذا طولنا المدة.

اذا رحتوا ماركس اند سبنسر بتشوفون عند الكاشير لوحة مكتوب عليها سياسة الاسترجاع ومن ضمنها المدة الخيالية 90 يوووم :eek5: بالتمام والكمال

شاكرة لك مداخلتك

[ra3shat hadab]

الاسترجاع من صالح العميل
ولاكن الآليه في طريقه اعادة بيع الماده
يجب ان يعمل مثل بعض دول أوروبا وهي بيعها بنسبة خصم

صحيح كلامك
البضاعة المرجعة المفروض يميزونها في كورنر خاص. فيه ناس مايحبون يشترون شي الا وهو مقرطس وماحد استخدمه قبلهم. حتى لو استخدام نظيف :nice:

شكرا لك اخ مونديال.

[وحيد-الشوق]

90 يوم مده مبالغ فيها جدا :rolleyes2: