لأصحاب الهمر " نصائح " ومساعدة مجانية

[يراعٌ فراتي]

السلام عليكم ورحمة الله وبركاته

اخوتي الافاضل

اللي عنده همر ويعاني من مشكلة او يحب يستفسر عن قطع الغيار و الصيانة

ان شاء الله اساعده باللي اقدر عليه واذا فضيت افحصه له بفحصه بدون اي مقابل

وهذه الخدمة مجانية للاخوة الاعضاء في منتدى الاسهم القطرية
اخوكم يراع

[يراعٌ فراتي]

الاخوة
raed_sleiy
الجنتل
فريج البدر
jassim_9

غدا باذن الله بكون عند كرك النعيمي في محطة بترول اللاند مارك

اللي يحب اساعده يطرش رقمه على الخاص

واي حد غيركم يبي اساعده يطرش مختصر عن مشكلته مع رقمه

وبتواصل معاه

[يراعٌ فراتي]

نسيت عندي تايرين مستخدمين + بيرينغ تاير امامي مستعمل

مستخدمين تقريبا 60%

اللي يبيهم بدون مقابل من صوبه

وبشوف شنو عندي اغراض اخرى ما ابيها بنزلها

[DR.Hamad]

جزاك الله خير اخوي وبيض الله وجهك في مساعدة اخوانك لوجه الله

[al-obaidly]

ما تقصر والله يكثر من امثالك

[الدوحة قطر]

الله يكثر من امثالك وفي ميزان حسناتك بإذن الله

[يراعٌ فراتي]

بارك الله فيكم

حبيت انزل هالموضوع لان اصحاب الهمر مظلومين
اكثر الكراجات ما يعرفون له واذا يعرف يكون سعره اضعاف مضاعفة بس لانك راكب همر
يظن انه بنتلي او لمبرغيني
الا من رحم ربي
وفي اشياء بسيطة اقدر اساعد فيها واحلها
وابي فيها الاجر
رغم ان اختصاصي هندسة كمبيوتر
الا اني احب شي اسمه سيارات

[باسكن روبنز]

تحــري بهـآ يا يراع ،

يعطيــك العآفيــه يالذيـب ،

[][ iMedia ][]

بيض الله وجهك يالغالي
شنب والشناب قليـلُ
:)

[raed_sleiy]

الاخوة
raed_sleiy
الجنتل
فريج البدر
jassim_9

غدا باذن الله بكون عند كرك النعيمي في محطة بترول اللاند مارك

اللي يحب اساعده يطرش رقمه على الخاص

واي حد غيركم يبي اساعده يطرش مختصر عن مشكلته مع رقمه

وبتواصل معاه

ما قصرت يا أخي و كللك نخوة و شهامة

[Buhamad]

بيض الله وجهك وكثر الله من امثالك .. الله يجزيك خير

[تراثكم]

جزاك الله خير وربي يبارك لك في حلالك وصحتك

حبيت اسأل عن الهمر الصغير اعتقد الا أتش3 كيف استخدامه وهل فيه مشاكل لاني افكر اشتري واحد

[الجنتل]

جزاك الله خير وبيض الله وجهك


شيك الخاص

[al7amadi]

بيض الله وجهك وكثر الله من امثالك

[يراعٌ فراتي]

بارك الله فيكم.
الاخوة اللي طرشوا ارقامهم
موعدنا اليوم
مابين الخامسة والسادسة عند النعيمي

[يراعٌ فراتي]

للاخوة اللي طرشوا ارقامهم:victory:

لاتعليق:waiting:

[يراعٌ فراتي]

جزاك الله خير وربي يبارك لك في حلالك وصحتك

حبيت اسأل عن الهمر الصغير اعتقد الا أتش3 كيف استخدامه وهل فيه مشاكل لاني افكر اشتري واحد

هلا اخوي

الاتش ثري صغير ومجكلم
بس قومته ثقيلة وخصوصا انه خمسة سلندر
قطع غياره قريبة من البليزرات

وبيعته ثقيلة
ومشاكل ما فيه مشاكل تخوف

انصحك تجربه كم يوم قبل لاتشتريه

مع اني ارشح لك اف جي
تقريبا نفس السعر
ولكن الاف جي افضل بمراحل
لايتفوق الهمر اتش 3 على الاف جي الا بالميزات مثل الجلد والفتحة والامور الاخرى


اما فئة الالفا ال 8 سلندر ما جربته بس افضل فالقومة ومصروفه اكثر

الخمسة سلندر نفس مصروف الستة


كان عندي اف جي بعته واخذت الاتش ثري
بعد كم شهر بعته ورديت للاف جي

[تراثكم]

:ok2::ok2:
هلا اخوي

الاتش ثري صغير ومجكلم
بس قومته ثقيلة وخصوصا انه خمسة سلندر
قطع غياره قريبة من البليزرات

وبيعته ثقيلة
ومشاكل ما فيه مشاكل تخوف

انصحك تجربه كم يوم قبل لاتشتريه

مع اني ارشح لك اف جي
تقريبا نفس السعر
ولكن الاف جي افضل بمراحل
لايتفوق الهمر اتش 3 على الاف جي الا بالميزات مثل الجلد والفتحة والامور الاخرى


اما فئة الالفا ال 8 سلندر ما جربته بس افضل فالقومة ومصروفه اكثر

الخمسة سلندر نفس مصروف الستة


كان عندي اف جي بعته واخذت الاتش ثري
بعد كم شهر بعته ورديت للاف جي

جزاك الله خير بس ال أف جي مانزلو 4 ابواب
وانا ابغي 4 ابواب ومجكنم على قولتك :ok2:
تسلم وماقصرت

[يراعٌ فراتي]

:ok2::ok2:

جزاك الله خير بس ال أف جي مانزلو 4 ابواب
وانا ابغي 4 ابواب ومجكنم على قولتك :ok2:
تسلم وماقصرت

الاف جي ما نزل الا غمارة وربع

وما اعتقد انه بينزل غمارتين

الاتش ثري عائلي وافضل من الاف جي بالميزات

الاف جي شبابي وعر ورهيف ينفع للمطامر والرملة وشوارع اشغال

ممكن تحصل لك اتش 3 2006 بحدود 50 نظيف وممشاه طيب

اما الاف جي 2007 ما تحصله اقل من 70

اذا تفكر بسيارة تنباع معاك بسهولة وتخدمك وتنفع للعائلة
برادو او كروزر

وانت وذوقك

[يراعٌ فراتي]

الاخت اللي تسال عن قطعة حاجبة الشمس او المظلة الشمسية الخاصة بالعبري للاتش ثري موديل 2006
SUNSHADE

معروضة في الامازون

http://www.amazon.com/Sunshade-Hummer-H3-T-HEATSHIELD-Custom-fit/dp/B000E0E6GK

http://ecx.images-amazon.com/images/I/51BpdUGC7LL._SL500_AA300_.jpg

وممكن تحصلينها من السكراب
سعرها فالوكالة غالي بحدود 700 او اكثر للمخمل اما الكشميري اتوقع يوصل 1000
وهي نوعين مخمل او كشميري

هذا رقم القطعة لو تبين تطلبينها من الوكالة او برا

مخمل رصاصي
رقم القطعة
15833741
او

15296723



كشميري
رقم القطعة

15296726
او
15833742

[يراعٌ فراتي]

وبالنسبة لحامل الاكواب
في الكرسي الخلفي للهمر اتش ثري

غالي يكلفك بدون شحن 200 دولار

لانه اكثر من قطعة

شوفي الصورة تحت

ورقم القطع لو تبين تطلبينها حسب االترقيم اللي فالصورة كالتالي
رقم حسب الصورة ---------------- رقم القطعة
14--------------------------------- 15255364

15---------------------------------- 15255365

17---------------------------------- 15255355

18---------------------------------- 89046281

[يراعٌ فراتي]

للرفع

[يراعٌ فراتي]

اخوي رائد اذا تقدر تجي صوب نادي ام صلال
اليوم بشوفلك موترك

يعني قريب صلاة العشاء

[raed_sleiy]

اخوي رائد اذا تقدر تجي صوب نادي ام صلال
اليوم بشوفلك موترك

يعني قريب صلاة العشاء

و الله الحين شفت الرد .. العفو يا أحلى أخ يراع بالعالم .. غللبتك معاي أعرف بس لازم أشوفك و الله عندي كام شغلة بالسيارة و أبغي أعرفهم

[قلم ساخن]

ممكن رقمك عالخاص اخوي

[الـقـاسـي]

جزاك الله خير وكثر الله من امثالك

[يراعٌ فراتي]

وجزاكم الله خيرا اخوتي

واخوي قلم ساخن بطرش لك رقمي على الخاص

بس قولي سيارتك اتش تو ولا ثري وشنو مشكلتك؟

ياليت تشرحها في هالموضوع عشان الكل يستفيد
وللعلم الموضوع مفيد لاصحاب سيارات الجمس والشفر والكديلاك لانها قريبة من الهمر في اكثر الامور ونفس المصنع

واخوي رائد تواصل معي على رقمي بنشوف متى نقدر نلتقي واساعدك

[يراعٌ فراتي]

نصيحة لاصحاب همر اتش تو
يغير غطاء تانكي البترول وخصوا اذا سافر

لان الاصلي بدون قفل
والسالفة ما تكلفه اكثر من 100 ريال تقريبا

وهذا رقم القطعة وصورة لها

gm 25862765
او
acdelco gt264
http://i.ebayimg.com/07/!B7S7YOwEGk~$(KGrHqZ,!joEzK0O)hz2BMz)T8gTrQ~~_12.J PG

[فقط قطر]

يا اخوي انا عندي Hummer H1 موديل 2000 مدني...مكينته 8 سلندر تيربو ديزل....لك خبره في هالنوع من الهمرات....

[يراعٌ فراتي]

هلا اخوي فقط قطر

والله خبرتي اكثر شي فالاتش تو وشوي فالاتش ثري

الاتش ون عندي فكرة بسيطة بس قول لي مشكلتك ممكن افيدك
لو كان بترول مهب بديزل كان تصلحه في اي ورشة امريكي بس الديزل يختلف شوي

[honda freak]

الشيخ أنا عندى H2 2005 كل فتره يطلعلي فالشاشه service brake system و تولع كل ليتات الريك: الهاند بريك و الABSو التراكشن أبند الموتر واشغله كل شي يروح وبعد فتره يرد يولع ممكن نفس اليوم وممكن بعد كم يوم.

أتمنى اني شرحت مشكلتي بوضوح

[milan]

السلام عليكم ورحمة الله وبركاته

تم فتح الموضوع بناء على طلب صاحب الموضوع

مع العلم ان الاستشاره مجانيه

ويمنع فيه عرض قطع الغيار او اي نوع من السلع

[يراعٌ فراتي]

السلام عليكم ورحمة الله وبركاته

تم فتح الموضوع بناء على طلب صاحب الموضوع

مع العلم ان الاستشاره مجانيه

ويمنع فيه عرض قطع الغيار او اي نوع من السلع

بارك الله فيك اخوي ميلان على التفاعل

واتمنى من الاخوة عدم طلب او عرض القطع
والموضوع للمساعدة والاستشارات في كل ما يخص سيارات همر

[يراعٌ فراتي]

الشيخ أنا عندى h2 2005 كل فتره يطلعلي فالشاشه service brake system و تولع كل ليتات الريك: الهاند بريك و الabsو التراكشن أبند الموتر واشغله كل شي يروح وبعد فتره يرد يولع ممكن نفس اليوم وممكن بعد كم يوم.

أتمنى اني شرحت مشكلتي بوضوح

اخوي انت بدلت بيرينغ او حساسات سرعة او سفايف ؟

اول خطوة افحص الفيوزات كاملة الداخلية على يسار السكان
والخارجية اللي يم البطارية

وطبعا افحص والموتر طافي ويفضل في النهار و الافضل تفصل سلك البطارية السالب وانت تفحص الفيوزات

بعدها شيك على وايرات الاي بي اس شوف ليكون فيها واير مفصول او منقطع

" واير يدخل قريب السفايف على الدراميل"

وبعدها رد لي خبر

[يراعٌ فراتي]

سوال اخوي هوندا

الموتر يوم يجيك التنبيه " البريك يكون اوكي ولا الموتر تحسه مفهي والبريك مب مضبوط "

[الجنتل]

السلام عليكم
مرحبا اخوي يراعٌ فراتي عندي استفسار عندي الهمر h2 ساعات وانا ماشي ينزل من ورا الموتر اصف على جنب ارفع بالهيدروليك

وساعات وانا صاف ثاني يوم الاقيه طايح وايام مايطيح الموتر من ورا
المهم انا عارف من الهيدروليك
بكم قيمته ووين ارخص مكان ينباع ووين ارخص مكان يتبدل
والاقي في السعوديه ارخص وفي وين وبكم
هل هو احتمال يكون البالونه ول الولف وشلون اعرف

[يراعٌ فراتي]

السلام عليكم
مرحبا اخوي يراعٌ فراتي عندي استفسار عندي الهمر h2 ساعات وانا ماشي ينزل من ورا الموتر اصف على جنب ارفع بالهيدروليك

وساعات وانا صاف ثاني يوم الاقيه طايح وايام مايطيح الموتر من ورا
المهم انا عارف من الهيدروليك
بكم قيمته ووين ارخص مكان ينباع ووين ارخص مكان يتبدل
والاقي في السعوديه ارخص وفي وين وبكم
هل هو احتمال يكون البالونه ول الولف وشلون اعرف

اخوي الهدروليك ينزل اذا تجاوزت سرعة ال60 تقريبا وهاي شي طبيعي
وكثر الرفع موزين خله على طبيعته لانك اذا كل ما نزل ترفعه بتعب الكمبريسر و البوالين
يعني الا الان الامور طبيعية

اما اذا تطفي الموتر وهو مرتفع وتجي تحصله نازل هاي تنسيم في البوالين او الهواز
سعره بس البوالين حدود 3500
والسعودية ارخص تقريبا 2400
تحصله فالوكالة

واذا تطلبهم من برا ارخص

بس نصيحتي لك لاتسوي شي الا ان تفحص الموتر وتتاكد العطل كهربائي ولا ميكانيكي

انصحك بما هو اتي :

افحص الفيوزات كاملة
ارفع الموتر وهو واقف وجيب لك ماي وصابون حطه في بخاخ
وانزل تحت الموتر ورش على البوالين والهواز والولوفة
وشوف اذا في تنسيم او لا

اذا الموتر ينزل من جهة والجهة الثانية مرتفعة هني اكيد الجهة النازلة هي اللي بالونها يهرب

شغل الكمبريسر اللي ورا والمخصص لنفخ التواير وشوف يضغط هوا ولا ضعيف
اذا شغال يعني الكمبريسر سليم


اخيرا

شيك على حساسات الهدروليك وهي نفس الركب صغيرة موجودة فوق التاير الخلفي
وبخ عليها بخاخ اي سي دلكو للتنظيف يمكن مصدية او فيها خلل---------------

هل يطلع لك بالطبلون
service air suspension
ولا ما في اي رسالة

اذا مافي رسالة يمكن الوضع طبيعي بس انت لا تهوجس

سوى اللي قلت لك عليه

واذا ما مشى الحال تواصل معي بشوف اذا اقدر نلتقي واشوفلك الموتر
تحياتي

[يراعٌ فراتي]

السلام عليكم
مرحبا اخوي يراعٌ فراتي عندي استفسار عندي الهمر h2 ساعات وانا ماشي ينزل من ورا الموتر اصف على جنب ارفع بالهيدروليك

وساعات وانا صاف ثاني يوم الاقيه طايح وايام مايطيح الموتر من ورا
المهم انا عارف من الهيدروليك
بكم قيمته ووين ارخص مكان ينباع ووين ارخص مكان يتبدل
والاقي في السعوديه ارخص وفي وين وبكم
هل هو احتمال يكون البالونه ول الولف وشلون اعرف

اذا طلع سعر تصليحه غالي شل الهدروليك وركب جمبينات وريح راسك

[يراعٌ فراتي]

للرفع

[مرحبا]

السلام عليكم اخوي بغيت انشدك عن تواير الهمر اتش 2 الكودير مالقيت وش تنصحني اركب

[نشمي 2022]

اخوي اشكرك عالموضوع وعندي استفسار الله لايهينك ..

عندي همر اتش 2 موديله 2007 قاطع 50الف لونه ابيض بدون حوادث كم يسوى؟

وهو فل ابشن ياليت ترد علي الله لايهينك

[بيرق قطر]

طبعاً كل الشكر والتقدير لصاحب الموضوع على مساعداته الطيبة
وبنسبة عن استفسارات الهمر ممكن من اخواني اصحاب الهمرات
الدخول على هذا الموقع وسوف يفديكم اكثر لأنه خاص بالهمر .

http://www.hummer-arabia.com/

تحياتي للجميع

[يراعٌ فراتي]

السلام عليكم اخوي بغيت انشدك عن تواير الهمر اتش 2 الكودير مالقيت وش تنصحني اركب

افضل شي تواير الوكالة
1
Good Year (قوود يير)

مقاس
/LT315/70R-17 (مقاس الوكاله)
الصنع/امريكى

بعدها ياتي
2
البي اف قودراتش
3
في تويو وفي
ميشلان

ولكن الافضل هو الاول والثاني القوديير غالية وسعر الواحد تقريبا 2000 ريال
ممكن تحصل في الحسا ارخص

[يراعٌ فراتي]

اخوي اشكرك عالموضوع وعندي استفسار الله لايهينك ..

عندي همر اتش 2 موديله 2007 قاطع 50الف لونه ابيض بدون حوادث كم يسوى؟

وهو فل ابشن ياليت ترد علي الله لايهينك

الشيخ بيكم ولا عادي؟
كامل المواصفات .؟

سعره من 95 الى 110 حسب نظافته والله اعلم

[يراعٌ فراتي]

طبعاً كل الشكر والتقدير لصاحب الموضوع على مساعداته الطيبة
وبنسبة عن استفسارات الهمر ممكن من اخواني اصحاب الهمرات
الدخول على هذا الموقع وسوف يفديكم اكثر لأنه خاص بالهمر .

http://www.hummer-arabia.com/

تحياتي للجميع

حياك اخوي
وللعلم ايضا اخي الكريم انا احد اقدم اعضاء المنتدى المذكور

بارك الله فيكم

[يراعٌ فراتي]

السلام عليكم,,,

اخوي انا باجر باخذ همر وماعرف شي في السيايير كلللللش,,

لو سمحت تقدر تذكرلي عيوبه,,,

وهاي اول مره اسوق سياره شتنصحني؟؟

ممكن تحدد اي همر فيهم الاتش ثري ولا التو ولا اتش ون

[يراعٌ فراتي]

السلام عليكم اخوي وجزاك الله خير على فعلك الطيب

عطني تلفونك ماعليك امر يالغالي فيه عندي استشارة في همر اتش تو ابي اشتريه ولقيت فيه شوية مشاكل والناس خوفوني منه ياليت تفيدني الله يباركلك ياخوي
ابشر اخوي بطرشه لك
وياليت ياخوة تخلون استفساراتكم على العام عشان الكل يستفيد
الاتش تو مكينة قير دبل تقريبا نفس الجمس واليوكن الدنلي
وقطع غياره متوفرة بكثرة وصيانته اسهل من الاتش ثري بحكم انه مكينة وقير جمس
مصروفه عادي التانكي فل ب 100 ريال لو مصفر الاحتياط يمشيك حول 450 كيلو مع الاحتياط حول 500
اللي يفرق عن الجمس هو البدي والاكسسوارات
سيارة له هيبتها وكارزمة خاصة
والناس اذواق
وفالبيع يتاخر مب مثل التيويتا

اذا عندك مشاكل ياليت تكتبها على شان الكل يستفيد

وللعلم الموضوع يفيد اهل الجموس والشفرات لان سيارات الجي ام ( الجموس - الكديلاك - البيوك - الشفرات - الهمرات ) نفس المصنع

[نشمي 2022]

الشيخ بيكم ولا عادي؟
كامل المواصفات .؟

سعره من 95 الى 110 حسب نظافته والله اعلم



هلا اخوي لا عادي مش بيكم

[يراعٌ فراتي]

اخي النشمي

البيكم في ناس مايرغبونه عشان اللوحة الخضرة

وفي البيعة اصعب من العادي " الجيب "

والسعر نفس اللي قلت لك عليه
لوكان عادي مش بيكم ممكن يزيد سعره شوي

لانه اذا بيزيد عن هالسعر باخذ لي 2008 الشكل الجديد

والاهم يكون له ملف في الوكالة وتعرف الهيستوري حق الموتر بالتفصيل

[يراعٌ فراتي]

للرفع

[يراعٌ فراتي]

السلام عليكم اخوي

بغيت استفسر الهمر 2004 في فرق بينه وبين ال2006
من جير ومكينة وشاص ودفرنش ولا نفس الشي

وبخصوص الجير كثير يقولون ان جير الهمر يضرب
هل هذي المعلومه صحيحة

لاني ناوي على واحد

وجزاك الله خير دنيا واخرة

اخوي ما في فرق في المكينة والقير والدبل والشاص والكهرب يعني تطابق تقريبا 99%

اختلافات بسيطة جدا
ولكن في مشاكل في القير بموديل 2003 وتم حلها في الموديلات 2004
والكل يفضل موديل 2005 و2006 و2007 هذا بالنسبة للشكل القديم

اما بالنسبة للشكل الجديد 2008 والتغييرات في الداخل
وتم تغيير المكينة والقير

النصيحة انك تبعد عن موديل 2003 و 2004

واذا قروشك زةيادة خذ 2008 روعة
عندي 2005 واذا فكرت ابيعه اكيد باخذ 2008 او 2009
لانه فخامة من داخل
ومكينته اقوى وقيره مية ميه

[يراعٌ فراتي]

وانصحك باللون الاسود
واذا سلفر مب مشكلة

اما باقي الالوان ما انصحك شوي صعبة فالبيع
الاسود ماله حل

[يراعٌ فراتي]

الاخ اللي يسال عن علاق السبير الخارجي

والله ما لك الا تشوف الصناعية وللعلم فالدوحة ما في الا 3 سيرات همر مكنسلين اذا في شي جديد الله واعلم
واذا تقدر تطلبها من السعودية او الامارات ارخص واحسن
لان طلبها من امريكا بتكلفك وايد بحكم الوزن
سعرها مستعملة من 1500 الى 3000 ريال

وجديدة فالمناعي يطلبونها لك وغالية جدا

[المفترس]

بالتوفيق :)

[يراعٌ فراتي]

الله يوفقك ويوفقنا

للرفع

[G0LD]

يعطيك العافيه على الموضوع الطيب

بالنسبه للهمر 2003 استعملته فتره طويله ووارد امريكا مااشتكيت منه ابدااا - ولو حوليك واحد ويكون وارد امريكا وبسعر زين لاتبخل علي ويكون أسود ويكون خلف جانبينات فقط بدون هايدروليك

وعساك على القوه

[يراعٌ فراتي]

يعطيك العافيه على الموضوع الطيب

بالنسبه للهمر 2003 استعملته فتره طويله ووارد امريكا مااشتكيت منه ابدااا - ولو حوليك واحد ويكون وارد امريكا وبسعر زين لاتبخل علي ويكون أسود ويكون خلف جانبينات فقط بدون هايدروليك

وعساك على القوه

الله يقويك ابشر وللاسف ياخوي مالي فالبيع والشراء بس اذا لقيت لك شي بعطيك خبر

[يراعٌ فراتي]

اذا في حد جرب كراج غير الوكالة يفهم بالهمر ياليت يعطينا اسم الكراج وعنوانه