وبعدين مع هالجار .. وكلابه..

[المحافظ]

عندنا جار مربي كلاب في البيت ، و طول الوقت و النباح مزعجنا وبالذات في الليل عقب العشا ، يعني وقت رقاد اليهال ، انزين و بعدين .. يعني لين متى نتحمل ، وأغلب المنطقة قطريين ، هل هناك حق قانوني او جهة اقدر اتصل عليها و يجبرونه انه يشيل الكلاب ...

حتى عيالي الصغار يفزعون من صوت الكلاب .. هذا أذىمقصود ..

:omg:

[ورقــة أمــل]

نفس الشي جارنا مسندرنا مع جلابه كلمناه ولافي فايده اخر شي بحذف في بيتهم شراخيات بسندره

[ANONYMOUS]

الله يعينكم

كان عند عيال جارنا كلاب.. نفس سالفة جاركم.. بس الله هداهم و ودوهم مادري وين .. يمكن حد اشتكا عليهم.. مادري بصراحه

الله يهدي جاركم انشالله

[مونديال]

عادي واحد الووو للجار مع شرح الاذى
ان تعاون
واحد الووو تشكرون مبادرته ولاتنسون حق الجار
واذا ماتعون
واحد الووو 999 بلاغ ازعاج وبيشيلهم غصب

[المـهـفـة والـســفـرة]

شدعوه جارك وتستحي منه ههههه.
روح قوله يابوفلان , ترى كلابك أزعجونا , تكفى شوفلك صرفه.

لاتجامله ,,, لأنه المجاملة أحسها من النفاق.
والله يهون عليك وعلى أعيالك.

[Mshari]

اخذ امام مسجدكم الي تصلون فيه وروح وكلمه انت والامام

واذا ما استجاب اتجه للجهات الرسميه

[Sleepless Doha]

عندنا جار مربي كلاب في البيت ، و طول الوقت و النباح مزعجنا وبالذات في الليل عقب العشا ، يعني وقت رقاد اليهال ، انزين و بعدين .. يعني لين متى نتحمل ، وأغلب المنطقة قطريين ، هل هناك حق قانوني او جهة اقدر اتصل عليها و يجبرونه انه يشيل الكلاب ...

حتى عيالي الصغار يفزعون من صوت الكلاب .. هذا أذىمقصود ..

:omg:
كلاب .........الله يعزكم
ليش ما تقط لحم ......بنكهه سم الفيران
تالي الليل :secret:

[المحافظ]

اخذ امام مسجدكم الي تصلون فيه وروح وكلمه انت والامام

واذا ما استجاب اتجه للجهات الرسميه

الجهات الرسمية مثل من ؟ وهل فيه قانون يمنع تربية الكلاب في البيوت بالذات لما تسبب إزعاج للجيران.

يعني هذيلا اللي مسوين نفسهم "هاي كلاس" ويربون كلاب ما يفكرون في الأذى والإزعاج اللي ممكن يسببونه للجيران ، بعد هذا شي مش "هاي كلاس"

[المـهـفـة والـســفـرة]

كلاب .........الله يعزكم
ليش ما تقط لحم ......بنكهه سم الفيران
تالي الليل :secret:


:omg:
فرضا قعد يسوي كباب بحوش البيت , ونبح الكلب أعزكم الله
وتذكر خطتك , وحط النكهة ورمى القطعة في بيت جاره

وجاك ولد جاره يوعان وبلع اللحمة أم نكهة ,
لاتضحك أبي توقعاتك لحالة الطقس , أقصد لحالة البيت.:nice:

أما عندك خطط فايف ستار ,,, ياساتر منك ههههه:D

[sh50]

الله يعينكم اخوي كلم صاحب البيت ان صوت كلابهم مزعجكم
واذا ما شالوها وابعدوها
بلغوا الشرطة

[ملاك]

كلمه بالطيب ما تعاون معاك الله لا يهينك المراكز مبطله بيبانها روح قدم فيه بلاغ

[المليونير الفقير]

اخوي تتصل على الشرطه وتقولهم السالفه وهم يفيدونك وين اتروح وشنو الطريقه المهم الي اعرفه اذا كانت مزعجه يشيلونها بقوة بس نصيحه من اخوك حاول انك ماتحط بينك وبين جارك حساسيه لانه مهما كان جارك ومراح تبعدون عن بعض الا بانتقال والرسول عليه الصلاة والسلام وصى على سابع جار

[خليفـة]

الله لا يبليني بمثل هالجار

لو كنت بمحلك اخوي .. بكلم الجار في البداية بالتي هي احسن
لو جاب الكلام نتيجة .. خير وبركة
اذا ماجاب الكلام الطيب نتيجة .. الشاهد الله ان كلابهم بيتسممون على يدي
:)

[بوحارب]

حاول تصيد الكلب خارج البيت ودوسة بالموتر :)

[عندما اريد]

الله يهديه

استبعد انك تسممه ... لاتزهق روح
لكل شئ حل بالحسنى

[Abdulraman]

السلام عليكم
اخوي حاول تتفاهم معاه بالطيب ولا تشتكي عند الشرطه مهما كان هذا جارك وانت حاول معاه باللين والكلمة الطيبة واصبر عليه والدعاء, خلك احسن منه وحاول وحاول بالطيب وبدون عصبية جزاك الله خير والله يعينك
حق الجار على الجار

وعن سعيد بن المسيب أن النبي صلى اللَّه عليه وسلم قال "حرمة الجار على الجار كحرمة أمه.
وروى أبو هريرة رضي اللَّه تعالى عنه عن النبي صلى اللَّه عليه وسلم "لا يزال جبريل يوصيني بالجار حتى ظننت أنه سيورثه.
وروي عن رسول اللَّه صلى اللَّه عليه وسلم أن رجلاً جاء إليه يشكو جاره فقال رسول اللَّه صلى اللَّه عليه وسلم "كف أذاك عنه واصبر على أذاه وكفى بالموت فرّاقا.
وقال الحسن البصري: ليس حسن الجوار كف الأذى عن الجار ولكن حسن الجوار الصبر على الأذى من الجار
وشكرا

[ثرية]

الله يعينكم

[لافوشيا]

اخذ امام مسجدكم الي تصلون فيه وروح وكلمه انت والامام

واذا ما استجاب اتجه للجهات الرسميه

ليش امام المسجد؟؟؟؟؟

[Abdulraman]

اخذ امام مسجدكم الي تصلون فيه وروح وكلمه انت والامام

واذا ما استجاب اتجه للجهات الرسميه
كلامك صحيح بس بدون ان تتجه للجهات الرسميه عليه بالصبر والدعاء مهما كان هذا جار

[المحافظ]

السلام عليكم
اخوي حاول تتفاهم معاه بالطيب ولا تشتكي عند الشرطه مهما كان هذا جارك وانت حاول معاه باللين والكلمة الطيبة واصبر عليه والدعاء, خلك احسن منه وحاول وحاول بالطيب وبدون عصبية جزاك الله خير والله يعينك
حق الجار على الجار

وعن سعيد بن المسيب أن النبي صلى اللَّه عليه وسلم قال "حرمة الجار على الجار كحرمة أمه.
وروى أبو هريرة رضي اللَّه تعالى عنه عن النبي صلى اللَّه عليه وسلم "لا يزال جبريل يوصيني بالجار حتى ظننت أنه سيورثه.
وروي عن رسول اللَّه صلى اللَّه عليه وسلم أن رجلاً جاء إليه يشكو جاره فقال رسول اللَّه صلى اللَّه عليه وسلم "كف أذاك عنه واصبر على أذاه وكفى بالموت فرّاقا.
وقال الحسن البصري: ليس حسن الجوار كف الأذى عن الجار ولكن حسن الجوار الصبر على الأذى من الجار
وشكرا

لقد قلت فأبلغت ..

[mooona]

اذكر وحده من هاي كلاس وعندها كلاب داخل البيت ....وكانت عايشة في دولة اوربية لما تزوجت استقرت وهي قطرية ...ست سنين تحمل وتسقط وكانت تشتكي لي من المصائب اللي تجيها قلت لها شي طبيعي اللي يصير لك الملائكة ماتدخل البيت لان عندكم كلاب ...طلعتهم
وحافظت على الصلوات وقيام الليل بشهر حملت بتوام سبحان الله واللي عندهم الكلاب الله يعزكم الرحمة ماتدخل بيتهم

[الدمعه]

مثل ماقالو كلمه بالطيب وان شاء الله يتفهم ..

احنا كان عندنا غنم تتونس فيهم جدتي الله يرحمها .. جيراننا اللي ورانا ماعجبهم

وبدون مايكلمونا اشتكوا علينا مع ان هم من الاهل بس من بعيد واضطرينا نوديهم

العزبه .. وزعلت عنزه يدتي وماتت . .. :eek5:

[طارق]

عندنا جار مربي كلاب في البيت ، و طول الوقت و النباح مزعجنا وبالذات في الليل عقب العشا ، يعني وقت رقاد اليهال ، انزين و بعدين .. يعني لين متى نتحمل ، وأغلب المنطقة قطريين ، هل هناك حق قانوني او جهة اقدر اتصل عليها و يجبرونه انه يشيل الكلاب ...

حتى عيالي الصغار يفزعون من صوت الكلاب .. هذا أذىمقصود ..

:omg:


اتصل 999 ووبيتصرفون معاه
الي مايستحي منك لاتستحي منه
واهم شيئ اعيالك مايسوى عليك جلب عاض وجه واحد منهم
مع التحيه
طارق ابو زعتر ( مواليد غزه توه متجنس )

[شبح الصمت]

كلمه بالمعروف يمكن يستحي منك

اهم شيء تمسك اعصابك ولا تعصب

[المُلهم]

واسفااااااه على بعض الردود ..!!
اللي يقول اتصل على الشرطة او كلم إمام المسجد .. او دوس ببطن الكلب ..!!
هذا جار ..!!
في الإسلام .. أوصى النبي علية الصلاة والسلام بالجااااار ..!!
وفي الأعراااف .. الجار .. قبل الدار ... كناية .. عىل أن الجيرة .. لها قيمتها ..!!
نصيحتي ..!!
تقديم هدية .. اولاً .. !
او إرسال لهم من (طباخ البيت) ..!
او شراء .. فواكه ( كيلو او كيلوين من كل نوع) ... او خضار ..!
بنية ( النيه الخالصة) إتباع ماوصى به المصطفى ..!!
اولاً تكسب قلبة .. ووده ..!!
وبعدها بأيام .. تعزمه عندك .. وبطريقة مهذبه ومحببه وفيها ( فكاهه وفن التعامل) ..! تفتح الموضوع وتقول له بكل ذوق .. ولا تركز على هذه النقطة .. بل تظاهر انها عابرة ..! واتجه إلى موضوع آخر ... غير مبالي بقضية إزعاج الكلاب..!
تأكد إن خلصت نيتك .. لإصلاح خلل جارك برقي .. سوف تؤجر .. وتحصل على أبد مما تريد بإذن الله.!!

شكراً

[حليتان*]

دام انه جارك ..كلمه وقوله يا بوفلان : اليهال يخافون من صوت الجلاب (عزك الله) وما يرقدون الليل :nice:

واذا انه ولد حلال وسمح بيشيلهم واذا عيا عندك المركز





حاول تصيد الكلب خارج البيت ودوسة بالموتر :)

ياا خي ايصير لك رامبو من بعيد ؟:tease:

[بنت الجسرة]

انت احمد ربك ان بس ينبحون احنا كان يدخل البيت الصبح ويلحق الدجاج وتعال بس اسمع صراخهم بس ماصاد ولا وحده منهم

[طارق]

واسفااااااه على بعض الردود ..!!
اللي يقول اتصل على الشرطة او كلم إمام المسجد .. او دوس ببطن الكلب ..!!
هذا جار ..!!
في الإسلام .. أوصى النبي علية الصلاة والسلام بالجااااار ..!!
وفي الأعراااف .. الجار .. قبل الدار ... كناية .. عىل أن الجيرة .. لها قيمتها ..!!
نصيحتي ..!!
تقديم هدية .. اولاً .. !
او إرسال لهم من (طباخ البيت) ..!
او شراء .. فواكه ( كيلو او كيلوين من كل نوع) ... او خضار ..!
بنية ( النيه الخالصة) إتباع ماوصى به المصطفى ..!!
اولاً تكسب قلبة .. ووده ..!!
وبعدها بأيام .. تعزمه عندك .. وبطريقة مهذبه ومحببه وفيها ( فكاهه وفن التعامل) ..! تفتح الموضوع وتقول له بكل ذوق .. ولا تركز على هذه النقطة .. بل تظاهر انها عابرة ..! واتجه إلى موضوع آخر ... غير مبالي بقضية إزعاج الكلاب..!
تأكد إن خلصت نيتك .. لإصلاح خلل جارك برقي .. سوف تؤجر .. وتحصل على أبد مما تريد بإذن الله.!!

شكراً


شو هااااااااااااااااااااااااااااظ
بدك اسكتله هو وكلابه , بالله أكلو دجاجاتي وأرانبي يازلمه
بدي ادعس على كلبه ابكندرتي ( اخص عليه يارامبو الفيصلي )
اخوك
طارق ابو زعتر

[فيزيائية]

واللي عيال الجيران مأذينهم يصير ندوسهم ونسممهم ؟!

[مهل]

الجهات الرسمية مثل من ؟ وهل فيه قانون يمنع تربية الكلاب في البيوت بالذات لما تسبب إزعاج للجيران.

يعني هذيلا اللي مسوين نفسهم "هاي كلاس" ويربون كلاب ما يفكرون في الأذى والإزعاج اللي ممكن يسببونه للجيران ، بعد هذا شي مش "هاي كلاس"

سبحان الله .. الي نها عنه الدين صار يعتبر في وقتنا هذا من ظواهر الترف و الهاي كلاس :(
اخر الزمان

[بو خليفه 123]

اخوي افضل طريقه انك تكلمه بشكل ودي و تقوله ان الاولاد منزعجين من الكلاب و اذا ما فاد معاه برسل لك الشوزن تصرف معهم :)

[%حورية قطر%]

الله يعينكم صراحه على اذيتهم وازعاجهم
ومثل قالوا الاعضاء لازم تحطون حد لهالسندارة اللي مالها داعي ...

[نمـر]

فيه طوق يبيعونه يحطونه في رقبه الكلب إذا نبح يضربه كهرب مره مرتين عقب مايعيدها كلمه اذا رفض يوديهم اقترح عليه سالفه الطوق واذا رفض الله يعينك عليه

[جاد]

:
واللي عيال الجيران مأذينهم يصير ندوسهم ونسممهم ؟!

:eek5:

:)

[المحافظ]

في تطور مفاجىء للموضوع ، توقفت الكلاب عن النباح منذ طرح الموضوع في المنتدى ، هل يا ترى قرأ الجار الموضوع ، أم أن الكلاب مريضة ، أم أن الأمر لا يعدو عن كونها إجازة الأسبوع و قد ذهب الجار بكلابه في رحلة نقاهة ، سوف نوافيكم بتطور الأحداث لحظة بلحظة ..

[روعة الجوري]

من حقه عليك انك تكلمه

لا تستغرب لانك منزعج منه وشايف عليه غلط ولازم تصلحه

[روعة الجوري]

انزين محد من الجيران انزعج منهم غيركم

يمكن احد يقدر يكلمه من الجيران ويمون عليه

[ضحية البورصة]

كلاب .........الله يعزكم
ليش ما تقط لحم ......بنكهه سم الفيران
تالي الليل :secret:


ههههههه سبقتني ،،،، عندك اياهم

[مستر بن]

الله يعينكــ

[ابو علاوي]

حاول تصيد الكلب خارج البيت ودوسة بالموتر :)

هههههههه
يازين افكارك يبوحارب

اخي صاحب الموضوع اعتقد لو كلمت جارك رح يقتنع ويقلع الضواري(الجلاب)
:nice::nice:

[الملكة الام]

اخي المحافظ





عندنا جار مربي كلاب في البيت ، و طول الوقت و النباح مزعجنا وبالذات في الليل عقب العشا ، يعني وقت رقاد اليهال ، انزين و بعدين .. يعني لين متى نتحمل ، وأغلب المنطقة قطريين ، هل هناك حق قانوني او جهة اقدر اتصل عليها و يجبرونه انه يشيل الكلاب ...

حتى عيالي الصغار يفزعون من صوت الكلاب .. هذا أذىمقصود ..

:omg:



مر الجمعيه اخذ لك كم فخذ بقره من الحجم الكبير وودهم البيت حط فيهم سم واحذفهم على الكلاب قبل الفجر عشان محد يشوفك وما يصبح الصبح الا انت مرتاح...


بس انشد لك شيخ .اظن انك متضرر ولك الحق...




اختك العوده



الملكة الام

[روعة الجوري]

اعتقد المواجهة والطلب من راعي هالكلاب تكفي لكن يسممهم

فرضا عياله متعلقين بهالكلاب؟؟؟ يصبحون الا كلابهم ميته

الكلبة الفلانية ماتت والعلانية ماتت

حرام يا قلوب اليهال تتقطع

اكيد الرجال بيفهم الموضوع ولا عندك الشرطة

لكن تذبحونهم عشان نبحو

هذا الهرانة والهدرز ماخلت المسلمين يرتاحون وتروع حتى البيبيات محد يقول شي

اذكر الله ولا تسمم هالكلاب وهي ارواح وان شاء الله راعيهم بيريحكم من صوتهم