للمهتمين بكلية المجتمع ..

[كروشيه]

Dear CCQ Student,
Thank you for your interest in CCQ. We are now registering for the Compass ESL Placement Examination. In order to properly serve all students, please drop by these dates & times to register:
· Sunday, March 20 9am, 10am, 11am, 12 Noon & 1pm C-Ring & West Bay
· Monday, March 21 9am, 10am, 11am, 12 Noon & 1pm C-Ring & West Bay
· March 22-April 20 Anytime between 9am-1pm C-Ring & West Bay
These are NOT test dates. Testing registration will be first come first serve until all testing seats are occupied. You must attend the Information Session to choose your test date. Please bring your Qatar ID & 150 QR in cash.

Thank you,
CCQ Admissions
أعزائي طلاب كليه المجتمع
نشكر لكم اهتمامكم بكلية المجتمع في قطر . نود إعلامكم بأنه قد تم فتح باب التسجيل لامتحان تحديد المستوى الخاص بالكلية. ونظراً لرغبتنا بخدمه جميع الطلاب نرجو منكم زيارة مبنى الكلية وذلك لتحديد واختيار موعد وتاريخ الامتحان.

الأحد 20 / 3 من 9 ص 10 ص 11 ص 12 ص 1 م
الاثنين 21 / 3 من 9 ص 10 ص 11 ص 12 ص 1 م
الثلاثاء 22 / 3 بأي وقت من الساعة 9 صباحاً وحتى 1 ظهراً م
( التسجيل في مبنى الخليج الغربي للبنين و مبنى الدائري الثالث للبنات )
هذا التواريخ ليست لأيام الامتحان وإنما للتسجيل لامتحان القبول فقط .
التسجيل للامتحان سوف يكون حسب الإولويه في الحضور حتى يتم شغل جميع مقاعد الامتحان عندها سيتم وقف التسجيل .
يجب على الطالب حضور الجلسات التعريفية وذلك لأخذ موعد الامتحان.
الرجاء إحضار البطاقة الشخصية ومبلغ 150 ريال نقداً رسوم التسجيل للامتحان.
شكراً
قسم التسجيل بكلية المجتمع

[نوفا91]

خير ان شاء الله ..

[باسكن روبنز]

رحم الله وآلديك ياكروشيه على هالموضوع الطيـب ، :)

[كروشيه]

الله يوفق الجميع

[N7eEeS]

وليش 150 ريال الجامعة مش تابعة للدولة والدولة ملزومة تعلم عيالها !

[intesar]

سبحان الله حتى 150 ريال معترضين عليه كل شي تبونه ببلاش

الله يوفق الجميع

[N7eEeS]

سبحان الله حتى 150 ريال معترضين عليه كل شي تبونه ببلاش

الله يوفق الجميع

اي يبونه ببلاش هذا تعليم والدوله ملزومه انها تعلم عيالها ببلاش !
لايكون مصدقة ان الدولة اتصدق بالتعليم على هل قطر!!
المادة (25)

التعليم دعامة أساسية من دعائم تقدم المجتمع، تكفله الدولة وترعاه، وتسعى لنشره وتعميمه.

شنو يعني تكفله؟ ابحثي عن معناها في المعاجم.
والمادة من الدستور.
مشكلة عندنا عقليات تفكر شلون تاخذ رسوم من هل قطر بأي طريقة بعد ماضيقوا عليهم التعليم بعد يبون ياخذون رسوم!!

[bo-ibrahem]

اختي والي ارسلو ايميل للجامعه وليحين ماجاهم رد او قبول يجونكم بعد ؟

[ام-سعود]

كلية المجتمع ..... الله يعينكم عليها دام ان اللي يديرونها ؟؟؟؟؟؟ كل دقيقة طالعين بقرار مضيع العالم لان الادارة ضايعة اصلاً بس اسمعوا الهمسات فيها وبتعرفون..

[بوطويشم]

اختي والي ارسلو ايميل للجامعه وليحين ماجاهم رد او قبول يجونكم بعد ؟

السلام عليكم

نفس السؤال؟؟؟

[alfahad1]

غريبه انا قدمت امتحان وخذيت مستوى الاول مع ان مستواي جيد بالانجليزي

[شمعة الدوحه]

وصلني الايميل بس التواريخ غير

حاطين حق الاسبوع الجاي

[هام السحاب]

شهاللعبه
كل امتحان بـ150 ريال
واخرتها يقولون انسوا الموضوع لين نتصلكم
مسجل من السنه الي طافت وقالوا ع الويتنغ لي شهر 2 وعقب قالوا شهر 9
يكرهون الواحد فالدراسة

[بـن عدوان]

اختي التسجيل للقطريين فقط ولا ؟

[majiphone]

حتى أنا سجلت السنة الي طافت وقالولي يمكن تدخل شهر
٩ او السنة الجاية

[كروشيه]

للعلم خواتي وأخواني انا وصلني الايميل وقلت افيدكم

[لاجئ عاطفي]

وليش 150 ريال الجامعة مش تابعة للدولة والدولة ملزومة تعلم عيالها !


اذا جامعة قطر تاخذ رسوم حتى عالكتب جات على كلية المجتمع :) وسع صدرك فديت خشمك

[Al-Kuwari]

يا عالم اذكروا الله اول شي

مبلغ الـ 150 ريال يعتبر مبلغ رمزي والمقصد منه ان الواحد مايسجل اسمه وياخذ مقعد من مقاعد الامتحان وفالاخر ما يجي او يطنش وبهالشي يمنع شخص اخر تمنى انه يقدم الامتحان ويكمل دراسته ولكن تفاجئ بأن عدد الكراسي المطروحه تم حجزها

بخصوص اللي يقولون سجلنا

انا مثلكم سجلت ولكن كان لازم اروح واقدم الامتحان والحمدلله تم قبولي وحالياً ادرس فالكلية

بالتوفيق للجميع

[Cooki]

اعتقد التواريخ غلط .. تأكدوا من الكليه احسن

[roma27]

انصح اللذين على قائمه الانتظار للامتحان تحديد المستوى ان يستغلوا الوقت بالالتحاق باحدى دورات اللغه الانجليزيه مثل التي تقدم بالنورث مثلا لرفع مستوى اللغه الانجليزيه عند الطالب وحتى يحقق عالي المستوى ويختصر السنه الدراسيه في اجتياز المستوى المطلوب للدراسه باحدى التخصصات في الكليه فمن الافظل للحصول على الدبلوم في هذه الكليه ،بالتوفيق للجميع:nice:

[roma27]

انصح اللذين على قائمه الانتظاار للامتحان تحديد المستوى ان يستغلوا الوقت بالالتحاق باحدى دورات اللغه الانجليزيه مثل التي تقدم بالنورث مثلا لرفع مستوى اللغه الانجليزيه عند الطالب وحتى يحقق عالي المستوى ويختصر السنه الدراسيه في اجتياز المستوى المطلوب للدراسه باحدى التخصصات في الكليه فمن الافظل للحصول على الدبلوم في هذه الكليه ،بالتوفيق للجميع:nice:[/QUOTE].:nice:

[بوطويشم]

السلام عليكم

انا ماجاني مسج

يصير اروح اسجل ولا لا ؟؟؟؟

[لمعة الالماس]

شسالفه الايميل ما وصل لي

يعني هم مختارين ناس معينين

[Elegant lady]

الله يوفقكم

[أجمل أنسانة]

شهاللعبه
كل امتحان بـ150 ريال
واخرتها يقولون انسوا الموضوع لين نتصلكم
مسجل من السنه الي طافت وقالوا ع الويتنغ لي شهر 2 وعقب قالوا شهر 9
يكرهون الواحد فالدراسة


نفس الحاله ..
انتظرهم من سنه ..!!
ويقولون خلاص انتي على الويتنغ لست لشهر 2 بناخذج و اكيد
وبهالفتره دخلت معاهد عشان اتعلم انجليزي واطور من نفسي ..
وجاء شهر 2 و راح .. ولا شفت منهم شئ .. والله تحطييييم ..
ولما نكلمهم يقولون مافي مكان ومافي رد علينا ..
طيب واحنا اللي ننتظر هالشهر ومتفائلين انه بندرس بهالشهر !!؟
بس الحين كلامهم صار شهر 3 مادري 4 التسجيل .. وشهر 9 الدراسه ..
يقصون علينا .. واحنا نتامل ونتامل واخر شي يحطمونا ..!!!
ابي اعرف يفتحون التسجيل ليش ..!!؟؟
والعالم اللي حاطينهم على الويتنغ لست من سنه وعطوهم كلام على اساس شهر 2 ؟؟؟
مع هذا انا انتظر شهر 2 متى بيكون عندهم .. :)

[basma222]

لحد ينتظر اللى يبي يدرس في الكلية يروح ويسجل للامتحان

يقدم الامتحان واللى بيحصل اعلى درجات في الامتحان هم اللى بيدخلوووا الكلية

انا ولدي وبنتي كانووا مسجلين في الموقع وكانوا ينتظرون يوصلهم مسج

بس انا رحت ايام التسجيل وكان معي صور من بطاقاتهم ودفعت لهم الفلوس وسجلتهم للامتحان

والحمد لله نجحوا وادخلواا الكلية

بنتي الصبح و ولدي مسائي

والله يوفقهم ويوفق الجميع

[Cooki]

ياجماعه الخير .. بنات وبنيين

اللي يبي يدرس بكليه المجتمع يروح الكليه الاسبوع الجاي من الساعه 8 الى الساعه 1 ظهراً ويحجز له مقعد للامتحان اللي بيكون اخر الشهر هذا ..

وياخذ معاه بطاقته الشخصيه و150 ريال فقط ..

لاتنتظرون منهم لا اتصال ولا غيره ..

يبه هذا مستقبلكم تحركوا شويه ..

اللي انا اعرفه انهم افتحوا التسجيل للامتحان ..

وهذا من مصادر موثوقه ..:victory:

وبالتوفيق للجميع :nice:

[الدانـه]

شوووكررررررن عالخبر

[أبو بكر سالم]

اختي التسجيل للقطريين فقط ولا ؟

هلا اخوي انا سالت لك واحد يشتغل اهناك قطري وغير قطري يدرس عادي يقول وبالتوفيق

[الجــــــآدل]

واللي قدمه من شهر 11 ولحد الحين ما يعرف نتيجته حتى ؟!!!!!

[alfahad1]

قالولي اللي مقدم من قبل ما يقدر يقدم الحين

الاولويه للي ما قدم