رأيكم يا شباب [الأرشيف] - منتديات شبكة الأسهم القطرية

مشاهدة النسخة كاملة : رأيكم يا شباب

love life

10-03-2011, 09:39 AM

مناحي السادس عشر

10-03-2011, 09:44 AM

يعتمد على الظروف الموجوده في البيت
مثلا عدد افراد هالاسره في البيت
السعه الموجوده
الراحه النفسيه واشياء واجد
اذا كانت كل الظروف ايجابيه
افضل الجلوس مع بابا وماما في بيت واحد طبعا لوقت وزمن محدد بالنهايه بيجيك عيال ويزيد العدد
بنهاية الحال هاليوم لابد منه ان اجلا ام عاجلا انك تستقل في بيتك يا باشا

آهـل شَـرق

10-03-2011, 09:44 AM

والله اشوف ان الواحد من الافضل له ان يقعد مع هله وخاصه في بداية الحياه الزوجيه على اقل تقدير لمدة سنه قبل ان يستقل .. لان البيت مسؤوليه وانا اخوك !

تهامي باشا

10-03-2011, 09:44 AM

اذا عنده فلوس يشيل قشه ومرته ويطلع على بيت يديد بدون تفكير
واذا ما عنده يستحمل لين ما الله ييسر
وفي أسوء الأحوال ما تزيد فترة جلوسه عند أهله عن الثمان سنوات

Abdulraman

10-03-2011, 09:47 AM

انا اشوف افضل تسكن مع هلك في بيت الوالد اذا في مكان وبعد سنة اوسنتين او بعد اول مولودين اطلع بيت بروحك
والسبب اذا طلعت بيت بروحك في البداية انت تطلع من البيت وتروح عند ربعك وهي تزهك في البيت بروحها
ويمكن كل يوم تقولك ودني بيت ابوي وآخر الليل تروح تاخذها من بيت ابوها
وشكرا لك

سوق واقف

10-03-2011, 09:48 AM

أخي العزيز ...وجهة نظر أذا كنت ضيفا ثقيلا على أهلك ولديك الإمكانيات أنا أقول تطلع بيت بنفسك بس ما يكون إيجار

أذا أيجار خلك مكانك أحسن . . .

للأسف بعض الشباب أذا تزوج يعقد بيت أهله وينسى أنه قاعد يشرب وياكل أهو وزوجته وعياله وتحصلهم ما يحطون ريال في البيت . .والأب هو الذي يصرف فهذا خطأ صحيح الأب لا يتكلم والأم لا تتكلم ولكن من الأفضل دفع مبلغ في البيت . . .

هبوب الكوس

10-03-2011, 09:53 AM

للأسف بعض الشباب أذا تزوج يعقد بيت أهله وينسى أنه قاعد يشرب وياكل أهو وزوجته وعياله وتحصلهم ما يحطون ريال في البيت . .والأب هو الذي يصرف فهذا خطأ صحيح الأب لا يتكلم والأم لا تتكلم ولكن من الأفضل دفع مبلغ في البيت . . .

صدقت صراحة

ولا بعد يهمل الزوجه ويطلع ويسهر على راحته

ولا يحاتي لانه مطمأن ان الزوجه مب لوحدها في البيت

toghma

10-03-2011, 09:56 AM

انا مع رأي أغلب الشباب
انا بنفسي قاعد مع الوالد والوالدة والايجابيات كثيرة مثل
انا والمدام في الدوام ـ اليهال تجابلهم الوالدة وخواتي .
الغداء والعشاء مع الأهل .
مافي ملل ـ دايما حركة ـ والحركة بركة .
أمن وأمان .

السلبية الوحيدة بس ، ان أحيانا يكون في تدخل في شؤونك الخاصة ـ ـ ـ ينبط جبدي اذا اخواني الاصغار يهاوشون عيالي :)

Rider

10-03-2011, 10:35 AM

انا افضل بيت بروحي ليش السكن مع الاهل لازم الواحد يتعلم المسؤوليه

alsubaiai

10-03-2011, 10:46 AM

أفضل الاستقلالية

اذا ماكنت مسؤول في ذا الوقت

متى بتعلم المسؤولية

وعمرك 40

تحياتي لك

مملكة المرأة بيتها

طارق

10-03-2011, 10:48 AM

حبيت أعرف رأي شباب مع أوضد وإذا ضد مع بيان السبب ....
إن الواحد إذا تزوج وعنده فلوس ويقدر على بيت ثاني المفروض يطلع مع زوجته بيت بروحهم أول ما يتزوجون ؟
أم يفضل يقعد مع أهله مع إن عنده امكانيه؟ أو راح ياخذهم معاه في بيته الجديد ؟

ليش المخاسير
يتم في بيت هله ويجمع فلوسه حق البناء
وانتي اذا بتجيبين ياهل او اثنين تقدرين تصبرين لين يصير عمرهم 6 اسنين
وبعدها انقلو بيتكم الجديد
تأقلمي مع زوجك وعائلته
خلج ديبلوماسيه
بدل الخساير على الايجارات و تموين وتصليحات وأثاث بيت جديد
ساعدي رجلج
بيحترمج على الشيئ

تحيات
طارق ابو زعتر ( مواليد غزه )

chillis

10-03-2011, 10:52 AM

حسب الظروف وحسب عدد الاسره ببيت اهله بس انا افضل بيت مستقل علشان يكون بعيد عن المشاكل

لافوشيا

10-03-2011, 10:53 AM

يقعد مع مرته في بيت لحالهم تحسبا للمشاكل مع حمواتها وخواته وابوه

شبح الصمت

10-03-2011, 10:58 AM

إذا اهو يقدر يتوكل على الله

بس اختي الظروف الي تمنعه شنهي ..

يمكن أمه مره كبيرة فالسن

عنده خوات يبي يكونون تحت عيونه

يمكن في اشياء احنا نجهلها

في ناس هالاسباب توقفها ما تقدر تخليها تطلع من البيت ..

المستريح

10-03-2011, 11:22 AM

اذا ابوى وامى يقدرون يعيشون بروحهم او عندهم اخوانى اصغر منى اويد الاستغلاليه بنفسى فى بيت مستغل واوسع عليهم

love life

10-03-2011, 04:17 PM

يقعد مع مرته في بيت لحالهم تحسبا للمشاكل مع حمواتها وخواته وابوه

أولا مشكورين على الرد الصراحة ما اتوقعت إن ازواج اليوم مع فكره الطلعة من البيت الله يوفقكم (وأهم الأسباب الي اتخلي الزوجة اتفكر بأنها تطلع السبب الي ذكرته أخوي )