المساعد الشخصي الرقمي

مشاهدة النسخة كاملة : جريدة الشرق تروّج لشرب .. النبيذ !!


همر
10-03-2011, 10:32 AM
ورد في عدد اليوم في جريدة الشرق صفحه 28 تحت عنوان عطلات الشرق :

http://img69.imageshack.us/img69/2489/sharqr.jpg

ولا ابالغ في العنوان فما هو مكتوب اعلاه ليس الا ترويج لشرب الخمر بطريقه مبتذله قد لا نستغربها في المجلات المنحطه وبروشورات الخطوط الجويه القطريه, اما ان تكتب بهذه البساطه في جريده محليه يقرأها الكبير والصغير فعذراً يا جريدتي المفضله .. هذا ليس خطأ مطبعياً، فاما ان يكون نتيجة اهمال "القص واللزق" وهذه مصيبه، واما ان يكون من باب دس السم في العسل وهذه مصيبة اعظم..

فما رأيك ايها المحرر ؟!!
الأصيلة
10-03-2011, 10:38 AM
الرقابة نايمة في العسل..
لاحول ولاقوة إلا بالله...
لافوشيا
10-03-2011, 10:40 AM
صارت الاعلانات عاديه للخمور والي اكثرمن كذا
سهم احمر
10-03-2011, 10:40 AM
اي رقابة أي حماية مستهلك أي أي أي .......... ألخ

الله يعيينا ويعين الأجيال القادمة ويثبتنا على الصوااااب
كازانوفا
10-03-2011, 10:41 AM
لا اعلم ادعيله بالهدايه وهو لا يريدهااااا ...
ام ادعي عليه وهو نايم بالعسل .....

؟؟؟؟؟
BIG-VEGA
10-03-2011, 10:41 AM
ياخوي همر ... فيه من كتاب المقالات المماثله او الاصح من ناقلي المقالات هم الناس الي مساله الحلال والحرام مش قضيه اساسيه عندهم


يعني المعكرونه حلاتها مع نبيذ

نفس عندنا

الذباح حلاته مع بيبسي :nice:
بـــــــنت النوخـّــــذه
10-03-2011, 10:43 AM
يقولون يستحسن تناول الفطاير مع النبيذ:playball:





صباح الخير
شبح الصمت
10-03-2011, 10:45 AM
اشبلاكم كلمة نبيذة صارت نفس واحد قاعد يشرب ماي

الله يستر علينا فوق الارض وتحت الارض ويوم العرض

مب سالفة رقابة الا سالفة عاديه السالفه صارت
Abdulraman
10-03-2011, 10:45 AM
اي رقابة واي خرابيط بجيك يوم تحصل النبيذ في السوبرماركت والمكاين
مصيبة والله
اسأل الله العظيم رب العرش العظيم ان يهدي جميع حكامنا ويمنعون هالمسخرة في بلادنا
طارق
10-03-2011, 10:50 AM
ورد في عدد اليوم في جريدة الشرق صفحه 28 تحت عنوان عطلات الشرق :

http://img69.imageshack.us/img69/2489/sharqr.jpg

ولا ابالغ في العنوان فما هو مكتوب اعلاه ليس الا ترويج لشرب الخمر بطريقه مبتذله قد لا نستغربها في المجلات المنحطه وبروشورات الخطوط الجويه القطريه, اما ان تكتب بهذه البساطه في جريده محليه يقرأها الكبير والصغير فعذراً يا جريدتي المفضله .. هذا ليس خطأ مطبعياً، فاما ان يكون نتيجة اهمال "القص واللزق" وهذه مصيبه، واما ان يكون من باب دس السم في العسل وهذه مصيبة اعظم..

فما رأيك ايها المحرر ؟!!



شكلك زعلان من المحرر
والعنوان صيغ بشكل سينمائي
لافوشيا
10-03-2011, 10:51 AM
اشبلاكم كلمة نبيذة صارت نفس واحد قاعد يشرب ماي

الله يستر علينا فوق الارض وتحت الارض ويوم العرض

مب سالفة رقابة الا سالفة عاديه السالفه صارت

:victory::victory::victory:
درع الوطن
10-03-2011, 10:52 AM
شنهو هذا النبيذ

يعني مثل الفيمتو ؟!!!!!!::con2:

خووووووش عطله يالشرق :eek5:

... وهذا من ضمن المطبات اللي تطيح فيها وسائل إعلامنا .. ووووووعجبي
تاجر
10-03-2011, 10:54 AM
للإطّلاع والنظر في الموضوع ... :telephone:
chillis
10-03-2011, 10:54 AM
النبيذه = المهياوه يمكن بس انتوا ما فهمتوهم :×
alsubaiai
10-03-2011, 10:54 AM
شكلك زعلان من المحرر
والعنوان صيغ بشكل سينمائي





العنوان صيغ بشكل سينمائي
Abdulraman
10-03-2011, 11:00 AM
النبيذه = المهياوه يمكن بس انتوا ما فهمتوهم :×

:nice::nice::nice:
همر
10-03-2011, 11:03 AM
للإطّلاع والنظر في الموضوع ... :telephone:


شفت اخر اسم في الصوره اللي في ردك .. البابا غرغور التاسع !!

تهقى غرغور مال افتح يا سمسم مسيحي ؟!!



اشك ان الاسم غريغوري لاني اول مره اسمع عن بابا اسمه غرغور .. شكلي بألف كتاب عن هالمقال لو كملته .. المشكله وقفت عند النبيذ .. عاد انا جرحني موضوع النبيذ .. بس طلع احساسي "سنمائي" !!
intesar
10-03-2011, 11:33 AM
هو الواضح انه ماكان قاصد والدليل انه ماخذه كوبي بيست من موقع على الانترنت لذا طلعت سالفة الخمور تحت ..
خطأ مطبعي يدل على ثقافة محرري الصحف والمجلات .. كوبي بيست وانت ماشي
همر
10-03-2011, 12:00 PM
هو الواضح انه ماكان قاصد والدليل انه ماخذه كوبي بيست من موقع على الانترنت لذا طلعت سالفة الخمور تحت ..
خطأ مطبعي يدل على ثقافة محرري الصحف والمجلات .. كوبي بيست وانت ماشي


يعني مش المفروض محرر الصفحه يكتب "منقول" او "منسوخ" من باب الذوق ؟!! ولا سالفة منقول تطلع على ظهورنا في المنتدى وللجرايد مطلق الحريه في "النسخ" ويطلع اعتراضنا "سنمائي" !!
الرايــق
10-03-2011, 12:09 PM
جريدة للاسف كل يوم تثبت انها مش قد العمل الصحافي
الرقابة والتحرير على راي اخونا .... نايمه في العسل
ابو محمد7
10-03-2011, 12:21 PM
العنوان فيه اتهام وتشهير قد يحاسب عليه كاتب الموضوع

اتوقع انه خطأ ناتج عن النقل بدون تدقيق والله اعلم

وانا عن نفسي ما اشوف في الموضوع اي دعوة لشرب الخمر

هذي الوصفة يشتهر فيها هالمكان وهالشي مايخصنا احنا

وما اظن ان اي انسان ملتزم بدينه وبعيد عن هالخبائث راح يتأثر 1 % او يتشجع على هالمنكر من وراء مثل هالاعلان !!!
intesar
10-03-2011, 12:27 PM
شتوتمبارغ .. منطقة يعني صناعية اكثر .. مو سياحية .. مشهورة بالسيارات .. وناديهم الرياضي .. في ألمانيا فيها مناطق أحلى بكثير من اللي ذاكرينه ما قلت لكم كوبي بيست ..

أختكم خبيرة ألمانية ..
همر
10-03-2011, 12:29 PM
العنوان فيه اتهام وتشهير قد يحاسب عليه كاتب الموضوع

اتوقع انه خطأ ناتج عن النقل بدون تدقيق والله اعلم

وانا عن نفسي ما اشوف في الموضوع اي دعوة لشرب الخمر

هذي الوصفة يشتهر فيها هالمكان وهالشي مايخصنا احنا

وما اظن ان اي انسان ملتزم بدينه وبعيد عن هالخبائث راح يتأثر 1 % او يتشجع على هالمنكر من وراء مثل هالاعلان !!!


عجيب !!!! :con2:

يعني بدل ماتعتذر الجريده بترفع علي قضيه ؟!!

تهقى اروح ارفع عليهم قضية سرقه ادبيه وترويج للخمر بطريقه غير مباشره واتغدا فيهم قبل مايتعشون فيني ؟!!

بس انا بتغدا فيهم مع لبن بدون نبيذ...
همر
10-03-2011, 12:39 PM
العنوان فيه اتهام وتشهير قد يحاسب عليه كاتب الموضوع

اتوقع انه خطأ ناتج عن النقل بدون تدقيق والله اعلم

وانا عن نفسي ما اشوف في الموضوع اي دعوة لشرب الخمر

هذي الوصفة يشتهر فيها هالمكان وهالشي مايخصنا احنا

وما اظن ان اي انسان ملتزم بدينه وبعيد عن هالخبائث راح يتأثر 1 % او يتشجع على هالمنكر من وراء مثل هالاعلان !!!


ولا تزعل نفسك.. بزيدك من الشعر بيت .. شوف المقال مبيوق من وين .. وبالحرف ..

http://wm2006.deutschland.de/AR/Content/Gastgeber-Deutschland/Staedte-und-Stadien/stuttgart.html

وبدون اي اشاره للموقع المبيوق ..



بس صج طلع اسم البابا غرغور .. :tease:
بويعقوب
10-03-2011, 12:41 PM
ياخوي وسع صدرك وكبر عقلك :)

الحين وقفت على هالمقال المنسوخ أو حتى المكتوب

وشرايك تروح اليوم اي فندق في قطر وافتح الثلاجة وكحل عينك ... هذا وش يكون بالنسبه للمقال ؟؟؟!!!!

الله يحفظنا ويحفظ عيالنا من كل شر

واهم شئ البيبسي على الغده :)
همر
10-03-2011, 12:45 PM
ولا تزعل نفسك.. بزيدك من الشعر بيت .. شوف المقال مبيوق من وين .. وبالحرف ..

http://wm2006.deutschland.de/ar/content/gastgeber-deutschland/staedte-und-stadien/stuttgart.html

وبدون اي اشاره للموقع المبيوق ..



بس صج طلع اسم البابا غرغور .. :tease:



وفي بيت قصيد صغيرون ابي اضيفه .. الموقع عليه "حقوق طبع" وش رايك ادز لهم نسخه من جريدتنا الموقره ؟!!
همر
10-03-2011, 12:52 PM
ياخوي وسع صدرك وكبر عقلك :)

الحين وقفت على هالمقال المنسوخ أو حتى المكتوب

وشرايك تروح اليوم اي فندق في قطر وافتح الثلاجة وكحل عينك ... هذا وش يكون بالنسبه للمقال ؟؟؟!!!!

الله يحفظنا ويحفظ عيالنا من كل شر

واهم شئ البيبسي على الغده :)


ايواااااه .. حبه حبه .. جس نبض السالفه .. خلهم يروجون للخمر في الجرايد الرسميه عشان اذا مافي ردة فعل بكره تشوف اعلانات شيفاز وبلاك ليبل في الجريده !!!

بي اس .. شيفاز وبلاك ليبل اسماء تجاريه للخمر كثيرا ما تدرج في مطبوعات السوق الحره وبما اني كثير السفر في البر تعلمت هالاسماء لاني ادري بيجيني واحد الحين يقول من وين تعرف هالاسماء ويدخل في النيات ومايندرا بعد يكفرني .. اهم شي الجرايد صح واحنا مسوين دراما عالفاضي ..


خلها دايت بيبسي الله يخليك عشان الضغط والسكر ...
أم هشام
10-03-2011, 12:52 PM
المقال واضح انه copy - paste
وما حد شيك ودقق
اهمال واضح
ابو محمد7
10-03-2011, 12:53 PM
عجيب !!!! :con2:

يعني بدل ماتعتذر الجريده بترفع علي قضيه ؟!!

تهقى اروح ارفع عليهم قضية سرقه ادبيه وترويج للخمر بطريقه غير مباشره واتغدا فيهم قبل مايتعشون فيني ؟!!

بس انا بتغدا فيهم مع لبن بدون نبيذ...




ولا تزعل نفسك.. بزيدك من الشعر بيت .. شوف المقال مبيوق من وين .. وبالحرف ..

http://wm2006.deutschland.de/ar/content/gastgeber-deutschland/staedte-und-stadien/stuttgart.html

وبدون اي اشاره للموقع المبيوق ..



بس صج طلع اسم البابا غرغور .. :tease:




وفي بيت قصيد صغيرون ابي اضيفه .. الموقع عليه "حقوق طبع" وش رايك ادز لهم نسخه من جريدتنا الموقره ؟!!



اسمح لي اذا ضايقتك انا بس حبيت انبهك حق نقطة وكانت نصيحة صغيرة مني لك

وانا قلت هذا خطأ ولكنه ناتج عن النقل بدون تدقيق فقط وليس ترويج والله اعلم
be cool
10-03-2011, 12:58 PM
العنوان فيه اتهام وتشهير قد يحاسب عليه كاتب الموضوع

اتوقع انه خطأ ناتج عن النقل بدون تدقيق والله اعلم

وانا عن نفسي ما اشوف في الموضوع اي دعوة لشرب الخمر

هذي الوصفة يشتهر فيها هالمكان وهالشي مايخصنا احنا

وما اظن ان اي انسان ملتزم بدينه وبعيد عن هالخبائث راح يتأثر 1 % او يتشجع على هالمنكر من وراء مثل هالاعلان !!!

:victory::victory::victory:
فيزيائية
10-03-2011, 01:27 PM
يعني بس في المنتديات ننقل عمياني خلهم بعد ينقلون وهم مغمضين دام مافيه رقيب !
(بوطلال)
10-03-2011, 01:29 PM
اخوي في فرق بين النبيذ والخمر .

النبيذ في منه الحلال وارجع للاحاديث النبويه ولمعنى كلمة نبيذ .

ليس كل نبيذ خمر
سهيل قطر
10-03-2011, 01:33 PM
مافيها شيء يالربع يقولون يستحسن على ذوووقهم شدخل الشرق واعلاان
الله يهديكم كل عقله براسه واللي بيشرب مب نااطر يشوف اعلان فيه اعلان للسجااير با انواعهاا وبشكل مباشرر وبكره بنشوف اعلان للخنزير اعزكم الله واكله هل بنقوول سووؤ اعلان عنه يبوون نأكله
بو خليفه 123
10-03-2011, 01:37 PM
خلاص

لا تروحون شتوتجارت


ولا حد يزعل :nice:
همر
10-03-2011, 01:54 PM
صج بعض الردود في المنتدى تحسسك ان كاتب اي موضوع متهم حتى تثبت برائته .. واي محاوله لاستنكار المنكر تعتبر محاوله انقلابيه صهيونيه على الفكر العربي الحر ..

وانا اشدخلني في جريدة الشرق اصلا تكتب ولا تنسخ ولا تطبع ... وش لي خص اذا كتبوا عن الخمر ولا النبيذ ولا عصير بو نص ... ليش اللقافه تدور اغلاط الجرايد وهم مايدرون مساكين :anger1: .. وش دراني اصلا ان خمر ترولينجر المذكور اعلاه مايطلع شراب شعير خالي من الكحول مطابق للمواصفات الشرعيه ..


انا اسف .. انسوا الموضوع ..
BIG-VEGA
10-03-2011, 02:17 PM
صج بعض الردود في المنتدى تحسسك ان كاتب اي موضوع متهم حتى تثبت برائته .. واي محاوله لاستنكار المنكر تعتبر محاوله انقلابيه صهيونيه على الفكر العربي الحر ..

وانا اشدخلني في جريدة الشرق اصلا تكتب ولا تنسخ ولا تطبع ... وش لي خص اذا كتبوا عن الخمر ولا النبيذ ولا عصير بو نص ... ليش اللقافه تدور اغلاط الجرايد وهم مايدرون مساكين :anger1: .. وش دراني اصلا ان خمر ترولينجر المذكور اعلاه مايطلع شراب شعير خالي من الكحول مطابق للمواصفات الشرعيه ..


انا اسف .. انسوا الموضوع ..


شنوا اسف وشنوا ننسى :eek5:

اتشهينا على النبيذ وبعدين اتقول انسوا الموضوع









هههههههههههههههههههههههههههههههههههههههههههههههههه هههههههههه

اتغشمر معاك يالغالي .... وطول بالك