حدث في مستشفى النساء و الولادة

[^NoOOoR^]

من قرابة شهر رحت ازور وحدة من الأهل في مستشفى الولادة .. وبينما احنا قاعدين نتجاذب أطراف الحديث عن هالمستشفى و الحالات اللي نسمع عنها .. إلا قريبتي تقول لي أن ممرضة من القسم جات وقالت لهم أن أي وحدة تيجي وتقول لكم عطونا البيبي عشان نسبحه أو نبدل له أو من هالكلام لا تعطونها إلا عقب ما تتأكدون من وجود الرقم هذا(( الرقم كان مكتوب على بطاقتها المعلقة على اليونيفورم ))
استغربت من هالشي !!!
معقولة حد يتنكر بلبس الممرضات و ياخذون اليهال بحجة يسبحونهم ولكن قصدهم _ يخطفونهم_
حد سمع عن هالكلام من قبل ؟؟؟

[راعي الدتسن]

الله يستر علينا وعلى عيالنا

[£عبدالعزيز£]

اختي ترى شي طبيعي انه مب كل من هب ودب ياخذ الياهل

واكيد هالاجراء روتيني

يعني مثلا لما يقولون لج لا تطلعين بطاقتج الشخصية حق اي حد فالشارع

الا لو عطاج اثباته .. بنقول ليش في حد باق بطاقة شخصية من قبل ؟

..

والله يستر علينا وعلى الجميع

[دااانة قطر]

لاحول ولا قوة الا بالله العلي العظيم
وين احنا في غاابه؟؟!!

[شيط ويط]

عن الاشاعات لان فيها 6 شهور سجن :)

[^NoOOoR^]

ما قلت شي عشان يسجنوني :(

[شيط ويط]

ما قلت شي عشان يسجنوني :(

هههههههه اتغشمر وياج .. وشكرا ع النصيحه .. والواحد لازم يكون حذر من هالسوالف

والله يستر على الجميع

[نــــظــــره]

اعتقد ضعاف النفوس لهم اساليب شيطانيه والحذر واجب
مشكوره اختي عل الموضوع لاهنتي

[كازانوفا]

ليش ما تاكدو من الممرضه ؟؟؟؟
وسالتوها لانه من حقكم تعرفو ليش طلبت منكم ما تعطو البيبي لاي ممرضه الا برقم

[R 7 A L]

كل شي وارد


وبالمناسبة أشكرك جزيل الشكر على هالتنبية المهم جداً

[khaldoon]

هالشي موجود من زمااااااااااااااان ما تسلم ابنك او بنتك لاحد من الطاقم الطبي من ممرضين و ممرضات و دكاتره الا لو كان يحمل بطاقة خاصه و هالشي في طوارىء السد للاطفال و كانت البطاقه عليها صوره باندا ما اعرف لو غيروها الحين والا لا

[شمعة الدوحه]

مشكوره عالتنبيه اختي نووور

وواجب الحذر

لانه اتوقع تصير

[abdulla4u]

بالعكس اجراء روتيني ... وشي حلوو انه في اهتمام وتوعيه... ولن في ممرضين وممرضات مخصصين حق التعامل مع الاطفال ...

[أخو من طاع ربه]

عمل روتيني للتجنب وأخذ احتيطات الأمان

[جيجيQ]

مساء الخير

حبيبتي بمستشفى النساء والولاده وخاصه في قسم ما بعد الولاده

يكون في ممرضات مخصصه للأطفال وما قامت به ممرضه الاطفال هذه هو اجراء روتيني

يتم القيام به عند استقبال الام مع طفلها في القسم وللعلم فالشعار هو شعار الكنغر

والهدف الرئيسي من هذا الامر هو الحرص على سلامة الطفل

لان في أناس كثيرة ضعيفة الانفس وممكن ان تقوم بأي عمل

تحياتي لج

[بـــــــنت النوخـّــــذه]

:eek5:

الحين صج ولا ؟؟؟؟؟؟؟؟؟؟؟؟؟؟؟؟؟؟؟

[حليتان*]

انا باقوني ولقيت نفسي وانا صغير :(


































لكن الحمدلله طلعت حلمان :)

[intesar]

كل شي جايز

[PARIS]

اختي الكريمه انا من ثلاث سنوات صار لي نفس الموقف قلت حق الممرضه اذا ممكن تساعدني وخاصه باليل تاخذ البيبي وترضعه لكن هي نصحتني وقالت لي الافضل تخلينه عندك وماتعطينه حد شئ من هالنوع ان ممكن احد يشل البيبيي ومحد يعرف من الي شله .. قالت الكلام بهدوء بيني وبينها ... والله اعلم

[نورالهدى]

هذا الكلام يقولونه كإجراء روتيني
وصارله سنين

[honey]

فعلا الكلام صحيح لأني انا مربيه من خمس اشهر وفعلا الممرضة قالت لي نفس الكلام ونبهتني ان اتأكد من البطاقة

[خشوف]

اي صح السالفه 100% هم دوم يحذرون اضن من سالفه البيبي الي اخطفوه من فتره

[almaf1a]

الرقم المكتوب على اليونيفورم كم؟

أظن اني عرفت الطبخه

[خذاني الشوق]

وييييي شلمستشفى شفيه صاير سبيل شدعوه مايشووفون بسم الله والله الواحد يخاف شنو ذي

[Rider]

هاي كله كلام فاضي والمستشفى مب مقصرين في شي عن تجربه بسكم إشاعات عن مستشفى الولادة

[طماطه]

انا كنت اطرش خدامتي مع البيبي .. الواحد يخاف بعد ..

[عندما اريد]

لا حول ولا قوة الا بالله العلي العظيم

[PARIS]

هاي كله كلام فاضي والمستشفى مب مقصرين في شي عن تجربه بسكم إشاعات عن مستشفى الولادة


اعتقد ان احنا تكلمنا عن شئ حدث لنا مب شئ سمعنا عنه حتى نكون سبب في نشر اشاعه الي بيصدق يصدق والي مايصدق الله يحفظه ....

[امـ حمد]

جزاك الله خير على التنبيه

[لافوشيا]

حسبي الله ونعم الوكيل

[MaRuKoO]

هالكلام صحيح وانا فعيالي قالولي نفس الكلام

[honey]

ما اعتقد اني انا احب اتبلى على المستشفى وصدق من قال كل يرى الناس بعين طبعه

[chillis]

دنيا خرابيه مصيبه وصلوا ان ممكن يسرقون الاطفال مابقى شي خلاص شيط بيط بس 6 شهور متاكد مهب اكثر

[الطيبة كلها]

لان سمعت بمحاوله اختطاف طفل بس زوج الحرمه اللي سرقت بلغ عنها

[الطيبة كلها]

لان سمعت بمحاوله اختطاف طفل بس زوج الحرمه اللي سرقت بلغ عنها

[miss.qa]

خخخخخخخخخ اش يبون فاليهال حق السنداره حد يبوق ياهل استغفرالله بس

[الـراسي]

ممكن ليش لا كل شي وارد في هالزمن

[bo_hamad]

أحذروا يا الامهات

[وهم قطر]

يمكن تذكير من قبل المستشفى

عشان يخلون مسؤليتهم اذا حصل شئ مثل خطف

على كلآ الحذر واجب

[قناص الخليج]

ماسمعنا عن هل الشي