نطالب ادارة المرور بزيادة السرعة في شارع 22فبراير ال 120 كم

[بوحارب]

السلام عليكم

نطالب ادارة المرور بزيادة السرعة على خط الشمال الى 140كم وفي شارع 22فبراير الى 120 على الأقل

الصراحة الخط طويل وأمان ووسيع والمفروض السرعة فيه تكون فوق ال 100كم

وياريت يتم التشديد على اللي يمسكون الخط السريع ويمشون 60 او 80 !!!!

والله زهقووووونا :anger1:

خلوا السرعة 120كم وعقب حطوا الف رادار متحرك مب مشكلة بس نبي سرعة معقولة لأنه ال 100كم في هالشارع مالها داعي :)

اتمنى من السيد مدير المرور النظر في الموضوع :)

[بوحارب]

طبعا خط 22 فبراير من بعد جسر الشمال الى دوار خميس العبيدلي

[العبرات]

أؤيد كلامك وبشدة .. الصراحة الواحد يمل وهو يسوق في هذا الشارع والطريق امامه مفتوح وفاضي

ومثل ما قلت يجيونك ناس على الخط السريع ويمشون اقل من 80 !!!!

ونفس الشيء في شارع سلوى لو يزيدون السرعة الى 140 .. وايد ابرك ..

يعطيك العافية ..

[لاجل QT]

عاد تصدق هذا طريج دوامى من الخيسة لين دوار خميس العبيدلي ..وعندى 3 مخالفات سرعة زايدة 113:weeping:
الخط سلس وسهل بس الزحمة تزيد بسبب وجود الرادارات والسرعة 100 فقط

ممكن اوصل دوامى في نص ساعة امبدال ساعة ونص:(

وانا اتفق معك :nice:

وتسلم ابن خالتي على الموضوع:)

[CH Engineer]

اي والله الزحمه عند الرادارات
واحد ماشي لك 100 اول مايوصل للرادار يضرب بريك ماتدري ليش!!
وغيره يمشي 80 ويمسك اليسار وياكثرهم
ولازم كل دقيقه تضرب بريك وتنتظره لين يوخر لك وبعدها تنتظر الي بعده لين تزهق من الشارع

[vtc-4800]

يا ريت يزيدون السرعة والله احسن بوايد وأول ما يخلص خط الشمال بالكامل يزيدوا السرعة ل140 كلامك صحيح
واتوقع أن الخرجي ماراح يقصر لأنه من فترة منع الشاحنات وهذا شي ممتاز

[المستعينه بالله]

أنا ما أتفق معاكم نهائيا

الشارع خطير ...وسبق أن رأينا سيارات متعطله تحت الجسر كادت تؤدي لحوادث خشنه

بسبب أنسيابيه الشارع .

كم مره شفت سيارات متعطله تحت الجسر

وأغلبها سيارات قديمه مره باص قديم ومره بيك أب و يتفاجئ السايق بوجودهم ويرتبك.. قد تسبب بكارثة لاقدر الله

[الرايــق]

معارض وبشدة .. السيارات تتزايد فوقت الذروة..
هذا واحنا على 100كم بالساعة والله يستر علينا كل يوم حادث !

[خالد32]

في رأيي المتواضع 20 كيلو زيادة ما تفرق في الوقت خاصتاً في وقت الذروة.
لازم يشوفون حل للي يمشون على اقل من راحتهم و يسببون الزحمة.
و في الاخير الله يحفظ الجميع.

[جغرافي قطر]

خلهم اول شي يشوفون حل لمدخل معهد الشهرطة

طلاب الجامعة اكيد عارفين الوضع

المدخل من شارع الشمال اقصد

وبالنسبة للسرعة, اذا طلعت من عند اللاندمارك لين توصل دوار خميس العبيدلي...

تمشي 100 توصل في 7 دقايق
تمشي 120 توصل في 5 دقايق

[QATAR-2006]

خلهم اول شي يشوفون حل لمدخل معهد الشهرطة

طلاب الجامعة اكيد عارفين الوضع

المدخل من شارع الشمال اقصد

وبالنسبة للسرعة, اذا طلعت من عند اللاندمارك لين توصل دوار خميس العبيدلي...

تمشي 100 توصل في 7 دقايق
تمشي 120 توصل في 5 دقايق

انا مع رفع سرعة الشارع لين 120عشان انسيابية السير تزيد
الحين 100 ويسوقون 80-70 بس اذا زادو السرعه بتكون من 100-90

[حصة911]

انا اشوف ان الخط بالذات زحمة طول اليوم لا ذروة ولا فضاوة

ال100 أوكيه اذا انرفعت بتزيد الحوادث

ولازم دراسة في الحالتين لان الوضع متعب في هالخط

[البانوش]

اذا السرعة100 وكل يوم حادث على هذا الخط

بكرة اذا زادو السرعة بنشوف كل يوم وفاة

لاتنسون انا عندنا شباب خبلان في السواقة عمرة مايتعظ

ودليل الي يصيرمن تجاوزات في الشوارع في النهار

و استهتار اخر الليل بين الاحياء السكنية استعراض وسباقات

[.Q a T a R.]

الله يعيين

[حمد 2002]

صدقت اخووي بوحارب المفروض ايزيدون منسوب السرعه في كل شوارع الدوحه ، لان 120 و100 معدلات قديمه للحد الاقصى للسرعه ، المفروض اداره المرور اتواكب التطور في مختلف المجالات واتزيد السرعه الى 140 كرقم جديد يطبق لاول مره للحد الاقصى للسرعه . اما بالنسبه للحوادث فأن ضيق شوارع قطر وشركه اشغال وعدم الهندسه الصحيحه للشوارع ، كل تلك الامور من المسبابت الرئيسه للحوادث في دولتنا قطر .

[ابو ناصر]

مع المادة
ارجو زيادة سرعة الشارع
اذا شوارع فرعية مسارين سرعتها 100
فما بالك بشارع رئيسي 3و4مسارات

[MAZEN37]

معارض وبشدة .. السيارات تتزايد فوقت الذروة..
هذا واحنا على 100كم بالساعة والله يستر علينا كل يوم حادث !
خلاص عندي لكم حل 100 الصبح
120 باليل
160 بعد 1 باليل
:shy:

[][ iMedia ][]

خلاص عندي لكم حل 100 الصبح
120 باليل
160 بعد 1 باليل
:shy:


و200 قبل الفجر بربع ساعه
عشان نلحق الجماعه :shy:

[abdo222]

تبي تمشي 120 في شارع كله تفرعات !! وهنود وايد يقطعونه خاصه من صوب اللولو،،
على 100 والحوادث يامكثرها،، معارض بشده ،،

هذا المنطق ،، لو تبي تتكلم بالعلم:

من محطه بترول طيبه الي اهي اخر خط الشمال ،، لين دوار التضامن 16 كيلو متر ،،
لو تمشي فيه 100 بياخذ وياك 9 دقايق ونص ،، قول 10 دقايق ،،

لو تبي تمشي 120 بتاخذه في 7 دقايق ،، شالفرق في 3 دقايق والشارع كله مخارج ومداخل،، واهلنا واولادنا في الشارع واذا حطوه 120 الناس بتسوق 130 ،،،

المفروض الي تنتقده مب السرعه ،، انتقد الزحمه في المخارج وانه الزحمه ما توصل لين تسكر سيد كامل في الشارع الرئيسي،،

[ابيض و اسود]

تبي تمشي 120 في شارع كله تفرعات !! وهنود وايد يقطعونه خاصه من صوب اللولو،،
على 100 والحوادث يامكثرها،، معارض بشده ،،

هذا المنطق ،، لو تبي تتكلم بالعلم:

من محطه بترول طيبه الي اهي اخر خط الشمال ،، لين دوار التضامن 16 كيلو متر ،،
لو تمشي فيه 100 بياخذ وياك 9 دقايق ونص ،، قول 10 دقايق ،،

لو تبي تمشي 120 بتاخذه في 7 دقايق ،، شالفرق في 3 دقايق والشارع كله مخارج ومداخل،، واهلنا واولادنا في الشارع واذا حطوه 120 الناس بتسوق 130 ،،،

المفروض الي تنتقده مب السرعه ،، انتقد الزحمه في المخارج وانه الزحمه ما توصل لين تسكر سيد كامل في الشارع الرئيسي،،

:app2::app2::app2::app2::app2:


أتفق معاك قلبا ً و قالبا ً.

ما أنكر إن فتح الشارع ساهم بشكل كبير بتسيير المرور و خاصة مشاويري الخاصة

ولكني كلما أرتاد الشارع أتأمل في الفرق الشاسع بين هذا (الهاي وي = الخط السريع) وبين قرنائه في (دبي) ... ما أدري ليش أحسه (ضيق) وكان بالإمكان أفضل مما كان وخاصة إن المشروع (طول) جدا ً

عموماً....بالنسبة للموضوع ... فأنا شخصيا ً ضد الزيادة منعاً للضرر و خوفاً على السلامة العامة.

[بو الجوري]

بوحارب بيتي صوب مسجد عمر :.. وكل يوم أنا على هالخط :.. وفي كل الأوقات :.. الصراحه سفايفي بسرعه تخلص :.. :(

[أبورودي]

لا اوافق الراي على زياده السرعه بل اتوقع ان يتم خفضها ل 80 بسبب كثره الالمخارج والمداخل بشكل كبير جدا جدا
مما قد يتسبب فى حاودث قاتله بكل اسف

[qtr qtr]

اتمنى يحطون رادار على الخط السريع للي يمشي بسرعه اقل من 90

لانهم هم اللي يتسببون بالحوادث وعرقلة السير ........ ناس ترفع الضغط الصراحه

وين ادارة المرور عن هالاشكال بس فالحيين عند الدواوير والاشارات ويخالفون عالحزام اللي ما يضر غير نفسه لا يسبب عرقلة السير ولا حوادث ........

ما اقول الا الله المستعاااان

[F-Qtr]

انا اقول يركبون رادار والي يمشي اقل من 80 يصيده !

[لاجل QT]

انا اقول يركبون رادار والي يمشي اقل من 80 يصيده !

ترا على هالخط السريع في ناس ماسكتة تمشي على 80 او اقل ..ومتى عاد الصبح وقت الدوام الكل يبي يلحق لايتاخر..والطيب او الطيبة على سعة :( كشفات هرنات مافي فايدة :weeping:..لزق على الخط كان حالف مايوخر:eek5:

زين مسكو الخط اللى في نص ..:anger1:

[بوحارب]

مشكورين على الردود المؤيدة والمعارضة


ومازلت اطالب المرور بزيادة السرعة لنه الشارع ممل على سرعة 100كم

خلوها 120 الله يجزاكم خير

وخط الشمال 140كم ولا حق من مسوينه 4 خطوط ؟؟؟

زينه مثلا !!

[alsenator]

100 فوق الممتاز الحين انت فتحت عيون المرور على هالشارع بكرا بيحطونة 80

[ضحية البورصة]

وياك 100% ،،،،وخلهم يحطون السرعه على الارض بعد 120كم مثل ما مسوين في الدفنه

[جنوب الدوحه]

قبل كنت اخذ المسافه بين منطقة المعموره الييين ازغوه والخريطيات في حدود ساعه وبعض الاحبيان ساعه ونص والسبب الزحمه .. ومع هذا الشارع 10 دقايق ولله الحمد .. انا وايد قنوع ولكن لا مانع بزيادة السرعه 20 كيلو يا بو حارب

[بوحارب]

أن شاء الله تتم الزيادة تراها زيادة طبيعية بالنسبة لهالشارع ياناس لاتحسسونا ان السيارات بتطير:)

[باسكن روبنز]

غير مؤيـد ،

هذا طريقي لدوامي كل صبح والناس من غير شي طايرين طيران ،

بعد أن زادو اللمت عز الله ناقصهم جناح ويقلعون!! ،:rolleyes2:

الله يحفظ المسلمين من شر المستهترين والحوادث ،




آسمحلي أخوي الحبيب بوحروب ،:shy:

[NEMO]

بما ان الموضوع يتعلق بالمرور ياجماعه اسمحوا لي ع المشاركة بس لاني قلبي محترق

ليش مخالفيني 1000 ريال يوم 8/03 /2011 على المخفي وهو نسبته 20%

[انتر ميلان]

انا مع رفع السرعة الى 120

لأن اذا سرعة الشارع 100 الناس يمشون 70 و80
لو صارت 120 يمكن يسرعون شوي ويمشون 100

وياليت يحطون لافتات مثل شارع الشيخ زايد في الإمارات ،، الحد الأدنى للسرعة 80 والحد الأعلى للسرعة 120
فرررررررررررررررررررررق بين شوارع الامارات وشوارعنا

[مرتبش]

100 حلوة وما اتمنى يزيدونها
الشارع مزدحم وصغير ..خط الشمال 4 حارات وهذا في وسط الدوحة 3 حارات ليش..

المهم ..شوفو سرعة الخطوط السريعة في امريكا (اللي اخترعت السيارة) وقارنوها في اللي عندنا والسلام ختام

[شبح الصمت]

دورني يزيدون السرعه

احلى خط شفت فيه 3 اشارات سرعه

الخط الي من دوار الجزيرة لين دوار عين خالد

هههههاي فله

اول ما تمشي عليه 100 عقب يرد 80 عقب فله يصير 50 يا روحي كله عشان التعديلات

ودي افهم اشلون الاخ الي قاعد يضبط سرعه الشارع !!

اشلون عقليته ,,

وبخصوص شارع 22 فبراير ابشرك ما يحتاي يزيدون السرعه

اصلا من بعد ما تفك من الرادار ادعس ادعس ولاحدن حولك ولين وصلت الرادار تحصل ريله طالعه من البدي !!

ياخوك في ناس ما تعرف تسوق خلنا ساكتين خلنا على 100 اركد

[تباشير الفجر]

خلهم اول شي يشوفون حل لمدخل معهد الشهرطة

طلاب الجامعة اكيد عارفين الوضع

المدخل من شارع الشمال اقصد

وبالنسبة للسرعة, اذا طلعت من عند اللاندمارك لين توصل دوار خميس العبيدلي...

تمشي 100 توصل في 7 دقايق
تمشي 120 توصل في 5 دقايق

صدقت اخوي هالمدخل اعاني منه كل يوم ولا حياة لمن تنادي طول الطريج ماحاتي شي غير هاللفه ذي ....:(

[بوشاهين2]

السبب مش في السرعة السبب أن أي حادث بسيط أيصير أتلاقي هذيله الملاقيف ألي أيخففون لك السرعة وقاعد يشوف الحادث ولا مهتم بلي وراه .. وأتحصل الشرطي أيأشر له حرررك وهو ولامفتكر وأهم شي أيشوف الحادث وعلى فكره يومياً الحوادث على هذا الخط .. وبالنسبه لك ياخوي nemo أنا موتري مرسيدس cls وضاربه مخفي عاكس 40% ولا أحد يكلمني .. ليش .. وأزيدك من الشعر بيت من بعد المغرب ولا أتشوف شي داخل الموتر .. ياخوي الله يكون أبعونك ..

[شبح الصمت]

يالربع اخطر شيء يوم يصير حادث الله لا يقول في وسط شارع 22 فبراير قبل الجسر الي معلق فيه الرادار والناس تجي مسرعه والعالم واقفه وزحمة يالربع والله العظيم خطر خطر خطر

[bohilal191]

ضد زيادة السرعة بسبة الزحمة انا اروح الدوام واول ماعدي جسر مدماك تبتدي الزحة والمسارات الثلاثة تكون مزدحمة واذا تبي تعدي اللي قدامك مايقدر يفتح

[NEMO]

بوشاهين قولي بالله عليك شالحل معاهم ليش يخالفوني 1000 شدعوه اصلن كل ماشوف سياره يكون عليها مخفي واعلى من النسبه اللي بسيارتي شسوي فيهم حسبي الله ونعم الوكيل ترا اخر شي بسوي نفس ماسوا الشايب في المرور يوم صفوا عليه مخالفات قط عليهم مفتاح السياره وراح ترا والله جاي فبالي اسويها

[آهـل شَـرق]

يالربع اخطر شيء يوم يصير حادث الله لا يقول في وسط شارع 22 فبراير قبل الجسر الي معلق فيه الرادار والناس تجي مسرعه والعالم واقفه وزحمة يالربع والله العظيم خطر خطر خطر

اعرف واحد يقولي يومياً بلاغات توصله .. والحوادث لا تنعد ولا تحصى عاد ثلاث او اربع حوادث في نفس !! وكلها بسبب الزحمه والسرعه والخط نفسه !!

[qtr qtr]

السبب مش في السرعة السبب أن أي حادث بسيط أيصير أتلاقي هذيله الملاقيف ألي أيخففون لك السرعة وقاعد يشوف الحادث ولا مهتم بلي وراه .. وأتحصل الشرطي أيأشر له حرررك وهو ولامفتكر وأهم شي أيشوف الحادث وعلى فكره يومياً الحوادث على هذا الخط .. وبالنسبه لك ياخوي nemo أنا موتري مرسيدس cls وضاربه مخفي عاكس 40% ولا أحد يكلمني .. ليش .. وأزيدك من الشعر بيت من بعد المغرب ولا أتشوف شي داخل الموتر .. ياخوي الله يكون أبعونك ..

:anger1::anger1::anger1:

والله انك صادق ماخذينا فرجه والمفروض المرور يخالفونهم :omen2: