مديري العزيز (حسبي الله ونعم الوكيل فيك)

[جغرافي قطر]

السلام عليكم ورحمة الله وبركاته

اخواني اعضاء المنتدى الكرام, أعرض لكم اليوم مشكلتي الشخصية التي أنا على يقين أن الكثير من منكم يعاني نفس ما أعانيه

مشكلتي هي: مديري في العمل قطري ويعامل الأجنبي كالملاك المنزل من السماء. أما القطري فهو مهمل غير كفء متماطل .... الخ الخ الخ

وحتى يتسنى لي التعبير عن ما يجول في خاطري أسمحوا لي أن أسرد لكم بعض الحقائق عن هذا الطاغية وأسمحوا لي أن أتكلم بالعاميه القطرية.

انا الله يسلمكم الوحيد القطري عنده في القسم. هالرجال أول شي تعامله الشخصي مع الناس كلهم زفت لا ييحترم حد ولا يقدر حد.

ودايما يحوّل علي الشغل لانه يدري اني الوحيد الي اقدر اقوم بشغلي على اكمل وجه. استحملت معاملته السيئة لي وقلت كل اللي بيني وبينه هو الشغل وبس وما ابي منه شي.

لكن توصل لدرجة انه ينطر علي اي زله ويكتب فيني انذار على اي شي تافه؟ هذي الي ما ارضى عنها ولا ترضي رب العالمين.

قبل كم من يوم كان فيه شغله عندنا في الدوام وانا اعترف اني قصرت في شغله تافهه جدا جدا جدا لدرجه انه محد حس فيها كلش. الغلطه انه فيه شي تأخرت عن تسليمه كم من دقيقه بس والله العظيم ثم والله العظيم انه محد حس بهالشي في الادارة. لكن هذا الاخ أكتشفت انه حاط جواسيس علي يوصلون له الكلام أول بأول وفعلا راحوا وقالوا له انه فلان تأخر بتسليم الشغل 10 دقايق بس.

رجعت المكتب ولقيت الإنذار مطبوع وموقع ومحطوط على مكتبي!! رحت له وقلت له كل الامور مشت تمام قال لي ما يهمني انت غلطت وتتحمل خطأك. قلت مب مشكله يعييني رب العالمين وانطميت وما قلت شي.

عقبها بكم من يوم... فيه واحد من جنسية أوروبية عندنا في الدوام جاني وقال لي أنا في ورطه. قلت له ليش شفيك؟ قال لي : فنشوني.
قلت له: ليش عسى ما شر انت شسويت؟
قال لي السالفه وياليته ما قال لي.

السالفه الله يسلمكم هذا الأجنبي تحرش في وحده أجنبية بعد كانت تراجع عندنا. وحاول يوديها شقته ويوم وصلوا هناك أكتشفت البنت أنه ناوي عليها. تهاوشت معاه وثاني يوم راحت لرئيس الشركة وتقدمت بشكوى رسميه ضده وبعد التحقيق وثبات الدعوى ضد الأجنبي.. نزل قرار تفنيشه من المدير العام.

لحد هنا اوكي.. لكن الطامه الكبرى إن مديري القطري راح يترجى المدير العام أنه ما يفنش الأجنبي وإنهم يسامحونه.. ولكن ولله الحمد المدير العام كان صارم في الموضوع وأصر على أنه يتفنش..

ونرجع ونقول لحد هنا أوكي.. لكن إنه توصل في مديري القطري أنه يسوي لهالأجنبي حفل توديع ويجمع الموظفين كلهم ويشكره قدامنا كلنا على جهوده في الشركه ويقول: احنا ما كنا نتمنى أنك تتركنا وتروح بس هذا قرارك واحنا ما ندري شبنسوي عقب ما تروح واحنا بنفتقدك ومادري شنو من هالاكلام؟؟؟

يعني بالعربي غطى عليه وكأن السالفه أنه هو مستقيل مب أنه متفنش بتهمة تحرش جنسي

يوم كان يتكلم مديري القطري ويقول هالكلام كله, أقسم بالله ياجماعة أنا أعصابي أنهارت وكنت على وشك اني اتكلم وأقول له لالالا لو سمحت ترا السالفه مب كذا الرجال متفنش بتهمة تحرش جنسي مب هو اللي مستقيل. لكن خفت وقلت ياعمي ليش تفتح على نفسك باب.


هذي الاحداث الأخيره عندنا في الشغل. وما خفي كان أعظم

ما ابي اطول عليكم أكثر

وحسبي الله ونعم الوكيل

ويالله يارب حوبتي ما تتعداه

والسلام ختام

[wadha-qa]

الله يعينك ياخوي
و اتمنى تتحسب عليه هو شخصيا حرام عياله مالهم ذنب !!
و ترى في كل مكان مشاكل و بلاوي والله لو اقول لكم اللي صاير بادارتنا بتقول الحمد لله ع النعمه اللي انت فيها ...
المهم انت ما عليك منه خله يولي و اهم شي تسوي اللي عليك و هو بيجي يوم و بيذلف وبتفتكون منه
واذا شفت الامور كلش مب قادر تتحملها اطلب نقل لاداره ثانيه ! مع اني ما اايد النقل اذا كنت تحب شغلك الحالي !

[بوحارب]

الله يعينك ياخوي

بس عياله مالهم الله يجزاك خير

وصدقني كل ظالم وله يومه والروؤساء العرب خير مثال :)

انصحك تنسح هالموضوع وتوديه ادارة العمل وهم بيسنعونه :))

[جغرافي قطر]

جزاك الله خير على المرور اخوي

تكفون يا هل قطر وينكم؟ تكفون قولوا لي شاسوي؟

مقهوووووووووووووووووووووووووووووووور

[بـــــــنت النوخـّــــذه]

وحسبي الله ونعم الوكيل

ويالله يارب حوبتي ما تتعداه والسلام ختام


8
8
صراحه انا عند هذه الدعوه اقشعر بدني 000 المفروض المدير يحسب الف حساب لهذه الدعوه لاتجيه بظهر الغيب من مظلوم ولكم في الثورات عبره لودامت لغيرك كان دامت لك 00

الله يفرجها عليك اخوي الصبر 00وثق تماما مامن ظالم بيفلت من العقاب 00ولكن بالنسبه لكتاب الانذار هل دخل ملفك ولا لفت نظر عادي 00اذا عادي قدر وجه مديرك ولكن اذا دخل ملفك ممكن تراجع به المدير العام وتطلب مقابله كنوع من الاستفسار مهب كشكوى جيبها بطريقه ثانيه تبين انك قايم بالواجب على اكمل وجه وهل هذا عدل طالما طلع حليو وفنش الاجنبي 000
ولكن بشكل عام الله يعينه على دعوه المظلوم اعرف مجموعه مديرهم مجرم كبير مهب هو قطري من كثر الدعاوي عليه الله نزل جميع البلاوي عليه الي ماتتخيلونها حتى في اهل بيته 00يالله الستر يارب 00

العدل العدل العدل العدل يا جماعه الخير ولا ترى الله شديد العقاب 00
سلام (ن) عليكم
:)

[جغرافي قطر]

سوري ترا انا عدلت الموضوع وشلت هالدعوه على الاقل من المنتدى

لكن انا ادعي عليه في كل صلاه

الحين الاجنبي يسوي سواد وجه وتغطي عليه

والقطري غلطه تافهه وفي الشغل تعطيه انذار؟

لا والانذار هو بنفسه وداه وحطه في ملفي

[OREO]

الله يعينك اخوي و حسبي الله و نعم الوكيل على كل ظالم ،،،

[صقر بلادي]

اخوي اذا قطاع خاص روح اشتك في وزارة العمل

[القطــــــرية]

الله يفرج همك وينصرك على من ظلمك

[جغرافي قطر]

لا وفوق هذا كله

مؤهله رابع ابتدائي

والله طرطره

[PARIS]

حسبي الله ونعم الوكيل ...الا يتعظ الظالمين الايرون ان كثير من الظالمين الله ياخذهم اخذ عزيز مقتدر .. ان كنت مظلوم عليك بالدعاء فدعوة المظلوم ليس بينها وبين الله حجاب ... والله ظلمنا مديرنا واجد وكنا ندعي عليه ... الله يرحمه الحين برحمته هو عند الله .. ماادري ويش استفاد

[simsim1963]

اكتب تقرير فيه واطلب مقابله المدير العام واشرح له الموضوع واذا عند وثائق وادله او شهود بتدعم موقفك بيكون افضل . لأنه احين تلقاه جالس يبني لك ملف وانك مهمل وانك متسيب وبيرفعه للمدير . انصحك بسرعه تشوف المدير العام وتغدى فيه قبل ما يتعشى فيك

[امـ حمد]

الله يصبرك اخوي واحتسب اجوك على الله

إن الله حرم الظلم على نفسه وقال ياعبادي لاتظالموا

والظالم له يوم

[ثرية]

لا تستعجل بتاخذ حقك عاجلا ام اجلا صدقني حوبتك مابتروح عنه اذا ماجات اليوم بكره بتجيه وكل امرك لرب العالمين واحتسب امرك لله

قولي وشهو البني ادم من صخونه يطيح صدقني هالانسان مهما كبر وتفرعن مصيره يطيح والمنصب مايكبر انسان جاايز يكبره كم سنه لكن في اي لحظه مممكن ينقط من فوق ليتحت صدقني عمر المنصب مادام لاحد الي احسن منهم رااحوو هو مابيروح اصبر واستحمل وانشالله بتاخذ منصبه


هو بقولك شلون يفكر هو مايبي قطري ينافسه لاتنسى ان مممكن تاخذ منصبه بـأي لحظه جدك واجتهادك يمثل عقبه جدامه ولو انت كنت متمييز هالشي بيرفعك ويبعرف المسؤولين الي اكبر منه يعرفوونك ويمكن يحطونك مكانه


هو عارف ان الاجانب مابيحطونهم مدرااء بس انت مممكن يحطونك

[جغرافي قطر]

والله ياجماعه مب عارف ارقد من امس

واني حتى في صلاتي افكر فيه

طيب ليش؟ معقوله فيه ناس هالشكل في الزمن؟

مع اني كنت اعتبره مثل اخ لي في البدايه

مشكله لما تجيك الطعنه من ناس عطيتهم الثقه

[Al-Kuwari]

قلتها بنفسك

مؤهله رابع ابتدائي

وانت مؤهلك عالاقل ثانوي ان ماكان جامعي

يعدك منافس له ويخاف منك

الله يعين كل مظلوم يارب

[هارودز]

الله يفرج همك بس لاتدعي على عياله مالهم ذنب

[شبعان]

موظف"قطري" في احدى الجهات الحكوميه شاف موظف"اجنبي" سكران في العمل..فقام الموظف"القطري"بابلاغ مديره"القطري".. المدير قال للموظف"القطري" "مالك خص..هذي حريه شخصيه!!!"

[هارودز]

موظف"قطري" في احدى الجهات الحكوميه شاف موظف"اجنبي" سكران في العمل..فقام الموظف"القطري"بابلاغ مديره"القطري".. المدير قال للموظف"القطري" "مالك خص..هذي حريه شخصيه!!!"

ليش ما بلغت امن الدولة

[رجل الجزيرة]

الصبر ومن ثم الصبر ومن ثم الصبر وإن الله مع الصابرين.

[عيد823]

الله يعينك اخوي ...

[هارودز]

57- (يا بني أقم الصلاة وأمر بالمعروف وأنه عن المنكر واصبر على ما أصابك إن ذلك من عزم الأمور) [لقمان/ 17].

[ملاك]

حسبي الله ونعم الوكيل

ما أقول الا

( قطر لغير القطريين فقط ) :)

[البيت بيتك]

الله يعينكم
بعض القطرين اذا صارو اصحب قرار الله يعين الموظف القطري في اماكن كثيرة تحصل مثل هذا الامور

[جغرافي قطر]

قلتها بنفسك

مؤهله رابع ابتدائي

وانت مؤهلك عالاقل ثانوي ان ماكان جامعي

يعدك منافس له ويخاف منك

الله يعين كل مظلوم يارب

نعم اخوي انا جامعي وكنت الاول على دفعتي بعد

[بوعمير]

والله ياجماعه مب عارف ارقد من امس

واني حتى في صلاتي افكر فيه

طيب ليش؟ معقوله فيه ناس هالشكل في الزمن؟

مع اني كنت اعتبره مثل اخ لي في البدايه

مشكله لما تجيك الطعنه من ناس عطيتهم الثقه

ولية مهب عارف ترقد !!!

الشيخ وش حادك على الضيم إذا مهب مرتاح في شغلك انقل إدارة ثانية ولا شف لك شغل ثاني.

[نبض قطر 1970]

نعم اخوي انا جامعي وكنت الاول على دفعتي بعد

أخي العزيز للأسف الشديد أصبحت الشهاده الجامعيه مثل قلتها هالايام

راح أقولك سالفه (( فيض من غيض ))

عندنا رئيس قسم يحمل الشهاده الثانويه

تحت يده 20 موظف وموظفه

منهم 1 حامل شهادة ماجستير و 6 على الاقل حملة الشهاده الجامعيه

من سنتين حول الكثير منهم للبند المركزي عشان ما يأخذون مكانه

كل سنه تقييم موظفينه لا يتعدى الجيد ودوم يشتكي منهم ويصور للمسؤلين أنهم مايشتغلون

مع العلم أن قسمه لايصلح أن يديره إلا من هو مختص بهذا المجال

لكن لمعرفته بفلان وللواسطه تم تثبيته بهذا المنصب

وزادو راتبه وقفز من الدرجة السابعه بقدرة قادر إلا الثالثه في ظرف 3 سنين

لا تسالني شلون

حسبي الله ونعم الوكيل

تقبل تحياتي

[مريومة]

الله يعينك ياخوي
و اتمنى تتحسب عليه هو شخصيا حرام عياله مالهم ذنب !!
و ترى في كل مكان مشاكل و بلاوي والله لو اقول لكم اللي صاير بادارتنا بتقول الحمد لله ع النعمه اللي انت فيها ...
المهم انت ما عليك منه خله يولي و اهم شي تسوي اللي عليك و هو بيجي يوم و بيذلف وبتفتكون منه
واذا شفت الامور كلش مب قادر تتحملها اطلب نقل لاداره ثانيه ! مع اني ما اايد النقل اذا كنت تحب شغلك الحالي !


الله يعينك ياخوي

بس عياله مالهم الله يجزاك خير

وصدقني كل ظالم وله يومه والروؤساء العرب خير مثال :)

انصحك تنسح هالموضوع وتوديه ادارة العمل وهم بيسنعونه :))

انا هذي دعاوويي .. لان

ما يحرق قلب الواحد الا عياله .. حزتها يقعد يتفكر هو اش سوى في دنياه

واللي يقول اشحادك تقعد في الشغل دور لك ادارة ثانية .. خل العاطلين يلقون لهم شغل قبل

الله المستعان

[ألوان]

السلام عليكم ورحمة الله وبركاته

موضوعك ذكرني بأول سنه اشتغلت فيها .. كُلفت بـ المهمة الأولى ثم الثانية ثم الثالثة وبالرغم من الكم الكبير والمهام المتعدده فعادي عندي ومؤدية عملي على أكمل وجه .. وفي يوم البعض قال لي إن المهام الـ ثلاث كثيره وانتي جديده وحرام واشلون ساكته لهالشي يعني من أولها كذا ؟ حسيت إن فيه نوع من الاستغلال مستحييل اسكت ..
وعلى طوول للإدارة وبدوون مقدمات قلت : انتوا مكلفيني بمهام كثيرة و و ..
ابتسمت المديرة وقالت : لاني حسيت انج متميزة وكفء من البداية وكلفتج بهالمهام عشان تتعلمين بسرعه ولولا ثقتي بج وانج بتنجزين حتى وانتي مضغوطه كان ماكلفتج بهالمهام .. و الوضع مؤقت ..
المهم .. عجبني اسلوب الضغط بهدف الانجاز وانتهجته..إلى أن وجدت هالملاحظة مكتوبه على الورق اللاصق و مرعليها سنوات ومازلت محتفظه بها ..
http://www13.0zz0.com/2011/03/11/17/473016710.jpg (http://www.0zz0.com)
بصراحة مابحثت عن من كتب الملاحظه .. ولاسئلت !!
لكن عرفت إن اللي يناسبني يمكن ما يناسب غيري .. فهنالك فروق ولكل إنسان طاقة وقدرات يجب مراعاتها ..
نصيحتي إن مديرك : محتاج لـمثل هالـ NOTE وبالانجليزي إذا اللي معاك كلهم أجانب ..
ونصيحتي لك : الله يجزاك خير لاتدعي وقل ( فوضت أمري إلى الله وهو بصير بالعباد )
والسلام عليكم ورحمة الله وبركاته

[الصريحه]

الله يعينه على نفسه الظلم ظلمات

[الكبير الله]

يريحك اذا قلت لك اني اشاركك نفس الضروف !!!

بس انت احسن مني للحين في شغلك ((وانا محال على التقاعد))

..... ((حسبي الله هو نعم الوكيل))......

[جغرافي قطر]

يريحك اذا قلت لك اني اشاركك نفس الضروف !!!

بس انت احسن مني للحين في شغلك ((وانا محال على التقاعد))

..... ((حسبي الله هو نعم الوكيل))......

على الاقل متقاعد

انا في اقل من سنه عطاني انذارين

وانا صارلي اكثر من 5 سنين في دوامي الكل يشهد لي بالكفاءه

ولا مره جاني انذار ولا حتى لفت نظر

هذا صار مديري من سنه تقريبا وفي هالفتره عطاني انذارين

والنظام يقول 3 انذارات يتفنش الموظف

وشكله يجهز للانذار الثالث

يعني رحت فيها :weeping:

[مشاهد بصمت]

أخوي
إن شاء الله تكون صادق في كل كلمة قلتها وما تبليت على مديرك
أنا أقول لك لا تسكت عنه واكتب فيه شكوى إلى المدير العام أو الوزير ما أدري إنت وين شغال المهم واللي يرحم والديك لا تسكت عنه مهما كان لا تخاف منه حتى لو كان واصل ترى بومشعل الله يحفظه ويطول عمره ما يرضى بهالنوعيات إنها تتسلط على الناس وتظلمهم
أنا مستعد أساعدك ونكتب فيه كتاب محترم، وحزتها إذا المدير العام ما وقف معاك أو حتى الوزير، لا تطول السالفة وروح الديوان، ترى بومشعل بابه وقلبه مفتوحين لكل المواطنين المظلومين

[الأصيلة]

مافيه داعي للسكوت
الأرزاق بيد الله سبحانه
السكوت والقهر بيضرك أنت ...وهو سالم وغانم
وبيجيك الأمراض بالقولون...
ليش هالخوف والإنهزام ...اشتك باللي تشوفه وبأدلتك
واعتقد المدير العام عرف السالفة وأخذ فكره عن مديرك بما أنه توسط للأجنبي ...
أعتقد موقفك جدا سلبي....

[جغرافي قطر]

اللهم اني اشكي عليك ضعف قوتي وهواني على الناس

الهم أنك تعلم السر وما يخفى

اللهم خذ بحقي عاجلا غير آجل

إنك على كل شيء قدير

[أسير الاسهم]

الله يعينك يالجغرافي

بس والله لو منك خلال هالفتره انا حاس انه اموري مب تمام .. احاول اقدم لي في مكان ثاني منا والا منا أو نقل على إداره ثانيه .. وابعد عن هالانسان النذل .. هذا أسلوبه واضح يااخوي هذا خايف على مكانه منك .. انت القطري الوحيد عنده ومع الوقت بيجي دورك تستلم المكان واهو خايف من هالشي فعشان كذا يعاملك هالمعامله يبي يزيحك عن دربه ولا يتم عنده الا الاجانب

أو وصل صوتك للمدير العام .. أعمل لك تقرير مفصل عن كل المواقف اللي قام بها معك .. وأرسلها للمدير العام .. وإذا المدير فيه خير مهب مقصر

أو تصبّر وتحسب عليه لين الله ينزل به ماهو يستحقه

[الـقـاسـي]

الله ياخذ حقك منه ياخوي نصيحة اشتك عليه او اطلب مقابله المدير العام

[أين الحل ؟]

الله يعينك اخوي و حسبي الله و نعم الوكيل على كل ظالم ،،،


اي والله أخي قطر زون حسبي الله ونعم الوكيل على كل ظالم .

المسؤولين القطريين ما يخلون سوالفهم الله يهديهم انشاالله .

[جغرافي قطر]

هو اكيد بيقرا هالموضوع

او على الاقل بيوصل له خبر عنه

ولما يشوفه بيحس على البطحا الي فوق راسه
اخرى
مع العلم اني ما ذكرت لا اسم الشركة ولا اسماء

[غير البشر]

أخوي
إن شاء الله تكون صادق في كل كلمة قلتها وما تبليت على مديرك
أنا أقول لك لا تسكت عنه واكتب فيه شكوى إلى المدير العام أو الوزير ما أدري إنت وين شغال المهم واللي يرحم والديك لا تسكت عنه مهما كان لا تخاف منه حتى لو كان واصل ترى بومشعل الله يحفظه ويطول عمره ما يرضى بهالنوعيات إنها تتسلط على الناس وتظلمهم
أنا مستعد أساعدك ونكتب فيه كتاب محترم، وحزتها إذا المدير العام ما وقف معاك أو حتى الوزير، لا تطول السالفة وروح الديوان، ترى بومشعل بابه وقلبه مفتوحين لكل المواطنين المظلومين

اخوي انا اتوقع انه صادق في كل كلمه قالها
لاني الي اعرفه معظم المدراء القطريين في بطش وديكتاتوريه على القطري
ومعظمهم طبعا مايدرون وين الله قاطهم خشب مسنده

[HiTec]

لا وفوق هذا كله

مؤهله رابع ابتدائي

والله طرطره


:secret::secret::secret:

[pink pearl]

لو كنت صادق في كل كلمة الله يعينك أخوي
والله يفرج همك وكربك بس نصيحتي لك لا تسكت وبلغ المسؤولين عندك بكل التفاصيل

[لافوشيا]

الله يفرج همك

[ضي البدر]

الله ياخذه وكل من على شاكلته والله مكثرهم الى يخونون الامانه وياكلون خير هالبلد..

والله يعينك اخوي لاتصبر اكثر من كذا حاول تجمع ايميلاته وتكون بين اديك اكثر من اثبات وروح حق المدير العام وادارة العمل والله ينصرك ويوفقك..

[gamal503]

ثق تماما ان الله معك ومن كان معه الله فمن يريد ؟؟؟؟؟؟

واعلم تماماً ان مهما مر الزمان سيرد الحق لاهله ولك اسوة في مبارك وبن علي ....

[qtr qtr]

اخوي سوي مثل ماسويت انا

رفعت كتاب ضد مسؤولي مع الادله والبراهين والحمدلله عطوه انذار

لان الله يستجيب دعوات المظلوم

[فابريغاس]

الله وقسما بالله

لوانا مكانك كان تكلمت وقلت من يروح ويتركنا ؟

مب مفنشينه عشان قصية تحرش جنسي ؟

والرازق فالسما ولاراح يقطع راسك

حسبي الله عليه

[جغرافي قطر]

لو كنت صادق في كل كلمة الله يعينك أخوي
والله يفرج همك وكربك بس نصيحتي لك لا تسكت وبلغ المسؤولين عندك بكل التفاصيل

اقسم بالله العظيم أن كل كلمة كتبتها في مشكلتي صحيحه 100 %

ولدرجة أني متأكد إنه راح يستدعيني في مكتبه بكره ويسأني ليش كتبت في المنتدى

وباقول لكم عقب شبيصير

[Eman Qtr]

الله يعينك اخوي
ويفرج همك

[سهم عتيج]

اقسم بالله العظيم أن كل كلمة كتبتها في مشكلتي صحيحه 100 %

ولدرجة أني متأكد إنه راح يستدعيني في مكتبه بكره ويسأني ليش كتبت في المنتدى

وباقول لكم عقب شبيصير


اذا هو يدش المنتدى,, فياريت من الأعضاء يوجهون له نصيحة لوجه الله..

والله يعينك..

[qatarman8008]

جزاك الله خير على المرور اخوي

تكفون يا هل قطر وينكم؟ تكفون قولوا لي شاسوي؟

مقهوووووووووووووووووووووووووووووووور


اخوي في شي الكثير من الناس ما يعرفونه وهو المساهم الاجنبي او ( shareholder) وغالبا ما يكونون من الجنسيات اللي ذكرتهم هذولي طال عمرك لهم الحق في التصويت للموضف باخذ الترقية الفلانية او العدم فمن مصلحة الموظف ضعيف النفس والمستوى خصوصا ان يدور رضاهم ويثبت لهم انه يدعمهم بكل قراراته وارائه عشان يتم في هالمنصب وبكرة يرشحونه للمنصب اللي اعلى
اما مديرك الاعلى فيبدوا من كلامك انه حر القرارات والتصرفات ولا يضعف او يتمسكن لاحد لانه متاكد من نفسه وقدراته وعنده ايمان بان الرزق بيد الله وحده .... الله يكثر من امثاله

[أخت الكل]

استغفر الله واتوب إليه والله سالفة تجيب القهر ولو منك يا أخوي اغير الادارة لمدير يقدر اجتهادك

[جغرافي قطر]

اذا هو يدش المنتدى,, فياريت من الأعضاء يوجهون له نصيحة لوجه الله..

والله يعينك..

لا ياخوي هو وين والمنتدى وين

هو ما يعرف للكمبيوتر اصلا خير شر

بس انا اقول كذا لانه منتدانا صاروا يتابعونه كل هل قطر

ويمكن حد يذكرله الموضوع بطريقة او باخرى

[بو راشد 1]

اللهم لك الحمد، الي يشوف بلاوي الناس تهون عليه بلاويه، ما قول الا الله يصبرك بس

[راعي المها]

الله يعينك ويصبرك على هل المدير

[برزان]

أمحق مدير ... ماوردنا المهالك مع الاجانب في الدولة الا هالاشكال .
من زمان انا مالوم الاجنبي لاكن الوم القطري الي دخله ....
شرايك ياخوي مدير اجنبي ايسوي عشاء عمل مع وسكي ويطرشه حق مسؤول ايوقع عليه ويندفع من ميزانية المؤسسه ولا الشركة ...وبكل هدوء .

ماعليك منه وانا اخوك ...اثبت بالحق قدامه ...ولاتخاف منه ....
اهم شي تحسسه انك مهب خايف منه ...وفي نفس الوقت تحاشاه كثر ماتنقدر .
وزواله قريب ان شاء الله .....

[محمد بن ناصر]

لا تسكت
يمكن ما تاخذ حقك لين تكلمت، لكن المهم ما تسكت على ظلم

[قطريه ماركه]

الله يعينك عليه ........ صج يحررررررررررر

[جغرافي قطر]

بدى الموضوع والحمد لله يؤتي ثماره

[toomi9]

لا حول ولا قوة الا بالله
الله يعينك وحسبي الله على الظالم :(

[جغرافي قطر]

الكل اليوم في الشركة يتكلم عن هالموضوع

ولله الحمد

[أسير الاسهم]

الله ينصر المظلوم

[بونو]

السلام عليكم ورحمة الله وبركاته

اخواني اعضاء المنتدى الكرام, أعرض لكم اليوم مشكلتي الشخصية التي أنا على يقين أن الكثير من منكم يعاني نفس ما أعانيه

مشكلتي هي: مديري في العمل قطري ويعامل الأجنبي كالملاك المنزل من السماء. أما القطري فهو مهمل غير كفء متماطل .... الخ الخ الخ

وحتى يتسنى لي التعبير عن ما يجول في خاطري أسمحوا لي أن أسرد لكم بعض الحقائق عن هذا الطاغية وأسمحوا لي أن أتكلم بالعاميه القطرية.

انا الله يسلمكم الوحيد القطري عنده في القسم. هالرجال أول شي تعامله الشخصي مع الناس كلهم زفت لا ييحترم حد ولا يقدر حد.

ودايما يحوّل علي الشغل لانه يدري اني الوحيد الي اقدر اقوم بشغلي على اكمل وجه. استحملت معاملته السيئة لي وقلت كل اللي بيني وبينه هو الشغل وبس وما ابي منه شي.

لكن توصل لدرجة انه ينطر علي اي زله ويكتب فيني انذار على اي شي تافه؟ هذي الي ما ارضى عنها ولا ترضي رب العالمين.

قبل كم من يوم كان فيه شغله عندنا في الدوام وانا اعترف اني قصرت في شغله تافهه جدا جدا جدا لدرجه انه محد حس فيها كلش. الغلطه انه فيه شي تأخرت عن تسليمه كم من دقيقه بس والله العظيم ثم والله العظيم انه محد حس بهالشي في الادارة. لكن هذا الاخ أكتشفت انه حاط جواسيس علي يوصلون له الكلام أول بأول وفعلا راحوا وقالوا له انه فلان تأخر بتسليم الشغل 10 دقايق بس.

رجعت المكتب ولقيت الإنذار مطبوع وموقع ومحطوط على مكتبي!! رحت له وقلت له كل الامور مشت تمام قال لي ما يهمني انت غلطت وتتحمل خطأك. قلت مب مشكله يعييني رب العالمين وانطميت وما قلت شي.

عقبها بكم من يوم... فيه واحد من جنسية أوروبية عندنا في الدوام جاني وقال لي أنا في ورطه. قلت له ليش شفيك؟ قال لي : فنشوني.
قلت له: ليش عسى ما شر انت شسويت؟
قال لي السالفه وياليته ما قال لي.

السالفه الله يسلمكم هذا الأجنبي تحرش في وحده أجنبية بعد كانت تراجع عندنا. وحاول يوديها شقته ويوم وصلوا هناك أكتشفت البنت أنه ناوي عليها. تهاوشت معاه وثاني يوم راحت لرئيس الشركة وتقدمت بشكوى رسميه ضده وبعد التحقيق وثبات الدعوى ضد الأجنبي.. نزل قرار تفنيشه من المدير العام.لحد هنا اوكي.. لكن الطامه الكبرى إن مديري القطري راح يترجى المدير العام أنه ما يفنش الأجنبي وإنهم يسامحونه.. ولكن ولله الحمد المدير العام كان صارم في الموضوع وأصر على أنه يتفنش..

ونرجع ونقول لحد هنا أوكي.. لكن إنه توصل في مديري القطري أنه يسوي لهالأجنبي حفل توديع ويجمع الموظفين كلهم ويشكره قدامنا كلنا على جهوده في الشركه ويقول: احنا ما كنا نتمنى أنك تتركنا وتروح بس هذا قرارك واحنا ما ندري شبنسوي عقب ما تروح واحنا بنفتقدك ومادري شنو من هالاكلام؟؟؟

يعني بالعربي غطى عليه وكأن السالفه أنه هو مستقيل مب أنه متفنش بتهمة تحرش جنسي

يوم كان يتكلم مديري القطري ويقول هالكلام كله, أقسم بالله ياجماعة أنا أعصابي أنهارت وكنت على وشك اني اتكلم وأقول له لالالا لو سمحت ترا السالفه مب كذا الرجال متفنش بتهمة تحرش جنسي مب هو اللي مستقيل. لكن خفت وقلت ياعمي ليش تفتح على نفسك باب.


هذي الاحداث الأخيره عندنا في الشغل. وما خفي كان أعظم

ما ابي اطول عليكم أكثر

وحسبي الله ونعم الوكيل

ويالله يارب حوبتي ما تتعداه

والسلام ختام

السالفه هذي ماتدش المخ .... واسمحلي ياخوي ما اكذبك .... بس مب محبوكه ... اشلون المراجعه راحت لين الشقه وعلى اي اساس ؟؟ واكتشفت انه ناوي عليها عقب ماوصلوا الشقه ؟! والله عجيبه !! ومدام الحبيبه راحت للشقه برضاها ... مالها حق تشتكي في مكان العمل ... شكوتها تنقلب مدنيه في الشرطه .... اشوي السالفه فيها إن .... وهذا فهمي المتواضع واسمحولي يالربع

[قطر love]

الحال من بعضه اخوي اذا انت شخص واحد

ف احنا مجموعه وكلنا في قسم واحد وبرائسه قطري يعني كلنا اخوان

بس النفاق ماله حد

حسبي الله ونعم الوكيل

[جغرافي قطر]

السالفه هذي ماتدش المخ .... واسمحلي ياخوي ما اكذبك .... بس مب محبوكه ... اشلون المراجعه راحت لين الشقه وعلى اي اساس ؟؟ واكتشفت انه ناوي عليها عقب ماوصلوا الشقه ؟! والله عجيبه !! ومدام الحبيبه راحت للشقه برضاها ... مالها حق تشتكي في مكان العمل ... شكوتها تنقلب مدنيه في الشرطه .... اشوي السالفه فيها إن .... وهذا فهمي المتواضع واسمحولي يالربع

هذا الي قاله لي هو بنفسه والسالفه فيها تفاصيل ثانيه

بس يكرم منتدانا من اني اذكرها

اذا تبي تعرف ليش انا ممكن ارسل لك اياها على الخاص

ولكن في النهايه؟؟ انت استغربت من هالشي وما استغربت من ردت فعل المدير؟؟

مشكور

[بونو]

هذا الي قاله لي هو بنفسه والسالفه فيها تفاصيل ثانيه

بس يكرم منتدانا من اني اذكرها

اذا تبي تعرف ليش انا ممكن ارسل لك اياها على الخاص

ولكن في النهايه؟؟ انت استغربت من هالشي وما استغربت من ردت فعل المدير؟؟

مشكور

ههههههه .... ردة فعل المدير طبيعيه اخوي وخابرينها ... وشفتها قدامي .... بس الحبكه الدراميه للروحه للشقه ماتقبلتها ... بس عالعموم ... الله ينصرك عليهم اذا كان الحق معك ... وتحياتي

[eqahtani]

الله ينصرك اخوي وينصر اخواني من بعض المسؤولين الظالمين
انا احب يكون مديري اجنبي ولا قطري لاني ماراح اشره على الاجنبي لما يطعني ولا يتسلط علي بالظلم اشره على الاداره الي حطته
بس موضوع قطري مسوول يتعالى على موظفينه القطريين والاجانب يشيلهم على كفوف الراحه هاي شي ماينسكت عنه
لانه الاجنبي فيه ميزه عند المسوول سهل يلطش فيه بس مايقدر يتحجى معا القطري بكلام فيه قلت ادب لانه القطري ولله الحمد عنده عزت نفس
بس الحمد لله المسوولين الكبار في اي مكان يهتمون بالكوادر القطريه وصدقني ماراح يسكتون ويوقفون هاي الاشكال عند حدهم الدوحه مليانه منهم , والحمد لله في بعض المسؤولين القطرين يهتمون بالكوادر القطريه لانهم يعرفون انهم مستقبل قطر

[جغرافي قطر]

سبحان الله يافارج الهم ويا كاشف الغم

فرّج همي ويسر أمري وأرحم ضعفي وقلة حيلتي

وأرزقني من حيث لا أحتسب

يارب العالمين

[جغرافي قطر]

أعجبني مقال الكاتب القطري أحمد المهندي في جريدة الشرق

يوم الأثنين 14/3/2011 صفحة 24 بعنوان محاربة الكوادر القطرية

جزاه الله خير (انصح بقراءة المقال)

[bohilal191]

يوم لك ويوم عليك وبتشوف بتجيله ضربه قوية وبيتفنش على شي تافه بتشوف،،،

[Chambray]

ياجغرافي قطر
اترك عنك المدير وتعال فرنسا غير جووووووووووووو ههههههههههههههه

[جغرافي قطر]

تسلم الشيخ على المرور

والله يرجعك بالسلامه لهلك

والارزاق بيد الله سبحانه

انا مقدم في كذا مكان وان شاء الله يجي الفرج من رب العالمين

اللهم اني اشكو عليك ضعف قوتي

[saeed alhajri]

مديرك هذا الى مزبلة التاريخ مثل غيره من المدراء الحاقدين على عيال بلدهم

[لاجئ عاطفي]

زين منك تحسبت فيه لان هالنوعيه من المدراء مافيهم وخير ولاهم كفؤ لهالمناصب وياكثر المدراء اللي من هالنوعيه عند الاجانب يصير ذليل وعند القطريين سيف مسلط وانا راح اقول مثلك حسبي الله وعنم الوكيل في هالنوعيه من المدراء بس اتمنى انك ماتسكت ووصلها لاكبر راس في البلد عشان يعرفون هالنوعيه من المدراء ِ

[جغرافي قطر]

ووصلها لاكبر راس في البلد عشان يعرفون هالنوعيه من المدراء ِ

أنا وصلتها للعلي الكبير سبحانه

ومن يوم كتبت الموضوع لين اليوم وهو زايد في عناده اكثر واكثر

[لاجئ عاطفي]

أنا وصلتها للعلي الكبير سبحانه

ومن يوم كتبت الموضوع لين اليوم وهو زايد في عناده اكثر واكثر


والنعم بالله وان شاء الله مايدوم لا هو ولا اللي على شاكلته

[لافوشيا]

السالفه هذي ماتدش المخ .... واسمحلي ياخوي ما اكذبك .... بس مب محبوكه ... اشلون المراجعه راحت لين الشقه وعلى اي اساس ؟؟ واكتشفت انه ناوي عليها عقب ماوصلوا الشقه ؟! والله عجيبه !! ومدام الحبيبه راحت للشقه برضاها ... مالها حق تشتكي في مكان العمل ... شكوتها تنقلب مدنيه في الشرطه .... اشوي السالفه فيها إن .... وهذا فهمي المتواضع واسمحولي يالربع

هذا مسلسل رمضان السنه هذي انشالله

[يحفظك ربي]

حسبنا الله ونعم الوكيل في المدراء اللي جذي
مادري ليش احسك تتكلم عن مديري السابق !!! نفسسسسس اللي قلته وكله ينطبق عليه بالحرف
سبحان الله بعد ماغيرت قسمي صارت مديرتي امريكية لكن ماشاءالله من احسن مايمكن تتفهم وضعي تمام التمام
صحيح كل مكان فيه الزين والشين
لكن بعد المفروض ان القطري يكون قلبه على عيال البلد
بس شكله خايف تغطي عليه وتكشه من مكانه عشان جذي قاعدلك بالمرصاد حسبي الله عليه
الله يكون بعووونك اخوي .. وحط في بالك دعوة المظلوم مستجابه

[صوت الضمير]

الله يكون بعونك اخوي

اللهم فرج هم المهمومين ونفس كرب المكروبين، وأقض الدين عن المدينين، ويسر أمور المسلمين

اللهم اجعل لنا من كل هم فرجاً، ومن كل ضيق مخرجاً، ومن كل بلاء عافية، ومن كل مرض شفاء،
ومن كل دين وفاءً، ومن كل حاجة قضاءً، ومن كل ذنب مغفرة ورحمة،

اللهم امين

[مشتاقة لقطر]

الله يعينك يارب

[Max Speed]

الله يعينك اخوي و حسبي الله و نعم الوكيل على كل ظالم ،،،
بس انا يا اخوي لو مكانك كان كشفته على حقيقته قدام كل الناس يوم يودع الاجنبي على انه مستقيل
ولا اخاف من احد ولو فيها قطع رقاب والله الكريم اللي بيرزقني ما في حد في الدنيا يقدر يمنع الرزق عني ولا يضرني الا الله سبحانه وحده لا شريك له

لو كل واحد سوف يتغاطى عن مشاكل الاخرين من خوف منه او خوف على رزق او ان يضرنا سوف ينتشر في الفساد في المجتمع هذه وجهه نظري الشخصية

الله كريم اخوي الله يعينك عليه

[hnony]

الله يهديــه ويعينك عليه

[sendarala]

الله يعينك اخوي وينصرك على من ظلمك


في كل مكان هذا الظلم لا حول ولا قوة الا بالله العلي العظيم

[جغرافي قطر]

اليوم التقيت بشخص عندنا في الدوام

وتكلمنا عنه وخريت له الموضوع كله

وصدممممممممممممممني

انه مديري طلع قايل حق الكل انه عندي موظف فيه كيت وكيت وكيت

وما خلا صفه مب زينه الا وحطها فيني

يعني ما كفاه الي يسويه فيني؟ رايح يشوه صورتي عند باقي الموظفين

ولكن الحمد لله الريال الي قال لي هالكلام انه محد مصدقه لاننا نعرفك عدل

[طبيب قطري]

أخي العزيز .. الله يعينك وينصرك .. لازم تعرف ان هذا الحكر صار شىء مألوف تعاني منه الكوادر القطرية في أغلب المؤسسات ..
الرجاء مراجعة مقالة الدكتورة نيلة المسند عنوان (محاربة الكوادر القطريه)

[بنت قطر202]

الله يهديــــــــــــــــــــه

اخوي المشكله في بعضهم يمسكون مناصب وينسون الناس
الحمدلله مديرنا قطري والنعم فيه والله يكثر من أمثاله

الله يوفقك ويبعد عنك وعن اخوانا المسلمين الشر
ويسر دربك ودربنا انشالله

[بنت قطر202]

اليوم التقيت بشخص عندنا في الدوام

وتكلمنا عنه وخريت له الموضوع كله

وصدممممممممممممممني

انه مديري طلع قايل حق الكل انه عندي موظف فيه كيت وكيت وكيت

وما خلا صفه مب زينه الا وحطها فيني

يعني ما كفاه الي يسويه فيني؟ رايح يشوه صورتي عند باقي الموظفين

ولكن الحمد لله الريال الي قال لي هالكلام انه محد مصدقه لاننا نعرفك عدل


اخوي روح وقفه عند حده خله يعرف انك مب خايف منه

واذا مافاد معاه اشتكي عليه للي اعلى منه

في بعض المدراء مايخافون الا من الواحد الي يتهاوش معاهم

بس مب تلشطه بالعقال :eek5: ،، اقصد خله يعرف حدوده

[بنت قطر202]

سود الله ارقاعه خلاني اعصب :anger1:

[بوسعيد2]

قول حسبنا الله ونعم الوكيل والله موجود وسلامتك

[برق لمع]

اكتب تقرير فيه واطلب مقابله المدير العام واشرح له الموضوع واذا عند وثائق وادله او شهود بتدعم موقفك بيكون افضل . لأنه احين تلقاه جالس يبني لك ملف وانك مهمل وانك متسيب وبيرفعه للمدير . انصحك بسرعه تشوف المدير العام وتغدى فيه قبل ما يتعشى فيك

اانا معاك اخوي في اللي تقوله
هو موظف وانت موظف ومن حقك تطلب تحقيق وتشيل الانذار
عشان مرة ثانية يحسب لك الف حساب واخوي تعود تاخذ حقك اذا انت حاس بالذنب
في النهاية تراه موظف مب وزير ولا حاكم عشان تسكت عنه وهو كل يوم يقهرك

[ذيبة الريان]

قلبت المواجع والله

حسبي الله ونعم الوكيل في مديرك

جعل اللي يسويه فيك يرجع وينرد له دبل

عندي مدير عله ، ماخذ الكورسات الخارجية ويرشح نفسه لحاله

وينتظر الزله عشان الانذار علماً بأني اجي قبله واطلع بعده ..

حسبي الله ونعم الوكيل فيه

[بدون]

حسبي الله و نعم الوكيل في مثل هذه الأشكال

بس رجاء لا تعممون ، في مدراء قطريين رائعين بمعنى الكلمة وهم الواثقين من أن الأرزاق بيد الله عزوجل

و لكن من عمي قلبه عن هذه الحقيقة يتجبر و يظلم لكي يحمي نفسه!!!

الله يهديهم إلى سواء السبيل و ينصرك أخي على من ظلمك

[القحطاني505]

حسبنا الله ونعم الوكيل

القطري محارب في كل مكان

[تربوي]

حرام عليكم يمكن الاجنبي الطيب الشريف خانه التعبير وكان جمال البنت فوق طاقته وما قدر يمسك نفسه فوشوش له الشيطان ووسوس له وقص عليه الشيطان

والمدير القطري يدري ان الذنب ذنب الشيطان وليس ذنب الموظف الاجنبي

ولذلك توسط له

فلا تفهمون الرجال غلط :victory:

[بوخالد911]

شي مؤسف والله

نحن نتمنى القطري يمسك منصب

ولكننا ننصدم مليون مررة من تصرفاته لما يوقف بوه القطريين

الله يسهل علييكم

[.:: القيصر ::.]

السلام عليكم

اخوي اكثر الردود

تتحسب على الظالم و و و

معليش انا بقول لك

ادعي له ان الله يهديه

ويمكن من دعوتك ينصلح حاله سواء كنت معاه او مب معاه

وبعدها يمكن يحمد ربه على الهداية وتكون انت سببها بدعوتك

والدعوة بالهداية افضل من كل شي

الله يوفقك لكل خير

واسف ماشفت ردود كل الاعضاء على طول كتبت ردي


مع التحية :


القيصر

[جغرافي قطر]

ادعي له ان الله يهديه


اخوي انا والله العظيم اني كنت ادعي له بس هالكلام كان من كم من شهر

لكن الحين خلاص الرجل معلنها حرب

وصرت ادعي عليه

وهذا انا مقدم على لجنة التظلمات والله يعين

طبعا لجنة التظلمات الي يسوونها عشان التقييم السنوي

اكيد عرفتوا شنو اقصد :weeping: لانه عطاني مقبول في التقييم

اخ يالقهر

[الحال مايساعد]

أولا أخوي "جغرافي قطر" أعد صياغة العنوان ليصبح
لكل مدير ظالم ( حسبي الله ونعم الوكيل )
ثانيا انت جيت على الجرح والله العظيم ، وايد مدراء والعياذ بالله يفكرون انه "الكرسي" دايم لهم
ونسو حديث رسول الله صلى الله عيه وسلم (" مَا مِنْ أَحَدٍ يَلِي أَمْرَ عَشَرَةٍ فَمَا فَوْقَ ذَلِكَ ، إِلَّا يَأْتِي
يَوْمَ الْقِيَامَةِ مَغْلُولَةٌ يَدُهُ إِلَى عُنُقِهِ ، يَكُفُّهُ بِرُّهُ أَوْ يُوبِقُهُ جَوْرُهُ ") ، هذولا إن شاء الله عذابهم كبير و عسير عند رب العالمين
كان عندي يإخوان مدير مشكلته أنه يحب الهنود بطريقة فظيعة جدا جدا جدا ، لدرجة اني يوم أشتكيت
قالي لازم تراعي البيئة إللي هم جايين منها ، طباعهم مب مثلنا ، عوايدهم مب مثلنا ، وفي النهاية
قاللي الواحد يوم تصير عنده مشكله يقول ( حسبي الله ونعم الوكيل )
والله إني دوم أقولها
الله يعينك اخوي


الله يعينكم
بعض القطرين اذا صارو اصحب قرار الله يعين الموظف القطري في اماكن كثيرة تحصل مثل هذا الامور

البعض منهم صحيح والله