++++++ ( أبغي أتزوج يا الله ياناس ) ++++++ ( وين الدوله ) ++++++

[الكونغرس]

[center]1- خلصت المدرسه وعمري 18

2- اشتغلت وضروفي ماتساعد ادش الجامعه

3- شريت سياره عن طريق البنك للحاله الاجتماعيه المتواضعه للوالد

4- بديت اعتمد على نفسي في كل شي فكرت في الزواج وانا عمري22

5- بديت احسب تكاليف الزواج ++++++++++++ بخصوص الزوجه ++++++++++++
(1- لازم ملحق على الاقل مبدئيًا تعديله بيكلفك اقل شي 20 الف)( 2- المهر اقل شي من 100 ألف الى 200 ألف )
(3- صالة الافراح اتعس صاله ماعتقد باقل من 80 الى 200 الف)(4- الشبكه اقل شي في السوق ب 50 الف وتستحي تقدمها للزوجه ) 5-(وصباحية الزواج اقل شي خاتم خلنا نقول مب ساعه ب 5000) 6-( شهر العسل اقل شي في الخليج 20 الف سبوع)
++++++++++++ بخصوص الزوج ++++++++++++

(1- تحجز خيمه اذا كان في الصيف اقل شي 20 الف اعتقد واي كلام تكون والشي العدل فوق ال50 الف) (2- العشى اقل شي 15 الف والمتوسط 30 الف )
______________________________________________
والحسبه عليكم وغير التناتيف ماتوقع البنك بيعطيني بيقولي مايغطي راتبك وعليك سلفت سياره نسيت:weeping:
قولولي شلون اتزوج بدون البنك --- شلون ماتبون لقطري عليه دين --- الشكوى لغير الله مذله

[ممنوع اللمس]

اخوي صح كلامك بس مهر 200 لا والله واجد يعني 80 معقوله وطبعا سلفـه

الصالات الملكـيـه بـ 45.000 مع التجهيز تكلف 75.000 وبعد سلفـه

الشبكه بين 10 لين 18.000 واكيد اكيد سلفـه


انا اللي يفقع كبدي ويسبب لي احتقان بالنخاع الشوكي يجي واحد يقول مانبي الديون تطيح وغير مؤيد لإسقاط الديون؟حسسني لو طاحت الديون بيدفع شي من جيبه

الحمـد لله على كل حآل...

[الكونغرس]

الي يده في الماي مب مثل الي يده في النار

الشيخ يمكن انت متزوج من زمان واذا ماتزوجت الله يعيييينك ويعين الجميع بس الاسعار تغيرت وايد اتمنى الي بيتزوج الحين وتزوج الحين يفيدك

[ممنوع اللمس]

والله ياكونغرس انا اخوي متزوج تو يعني ما صار له سنه
المهر 80
القاعه 75
عرس الرجال 30
وغيره من تكاليف

اما تجي وحده تقولي المهر 200 الف؟ وين عسى ماشر والله لو شنو


وبالتوفيق واتمنى كل خير للكل ان شاء الله

[Qa6aRi]

ياليت لو في صندوق للزواج مثل الامارات ٧٠ الف لكل متزوج

بيسهلون علينا امور كثيره

وربي يكون بالعون

^_^

[ممنوع اللمس]

ابشرك يقولون زادو لـ150 الف والله حسب كلام الربع

[Qa6aRi]

ابشرك يقولون زادو لـ150 الف والله حسب كلام الربع

ياليت لو عندنا ياليت :weeping::weeping:

باقيلي شوي واتخرج وناوي اتزوج

بسس....:secret::weeping:

[STAR]

اخوي اسمح لي اقووول لك انك بالغت كثيرا...

اخوي في وااااااااايد بنات مهوووورهم
ماتوصل أكثر من ‏80‏ ألف...
بس انا اللي اعرفه اللحين موالبنت تتشرط
صار الريال يتشرط..
ابيها تشتغل في المكان الفلاني..
ابيها جميلة تشبه مادري من...
ابيها جامعية..
ابي شعرها طوله مادري جم سم
ابي خصرها مادري جم انج..
ابيها من العايلة الفلانية..‏!!‏

اخوي لو صج تبي تتزوج وفي قلبك الزواج
صدقني راح تتزوج..

[STAR]

ياليت لو في صندوق للزواج مثل الامارات  الف لكل متزوج

بيسهلون علينا امور كثيره

وربي يكون بالعون

^_^

هاه؟!!‏

لكل متزوج والا لكل اعزب مقدم على الزواااج؟!!‏

[رجل مثالي]

حتى لو كانت المساعدة 200 الف ريال للزواج للشاب اول

مره زواج تكون افضل للشباب من مبلغ بسيط لان مصاريف الزواج

كثيرة والدولة والحمدلله في خير أحنا دولتنا تساعد الغريب الاولى البداية

مساعدة المواطن والشباب يبون الزواج والستر والحمدلله لان الزواج نصف

الدين عند الاسلام والمساعدة في الزواج شىء عظيم وله اجر عند الله

اجر عظيم في الدنيا والاخرة

[الكونغرس]

مب شرط المرأه وايد جميله - مب شرط جامعيه - مب شرط تشتغل

اظفر بذات الدين -اذا تشتغل من يجابل لعيال من يسنع مكانك - كل واحد وتفكيره الموضوع يبيله لفته من الدوله اتحدى حد يتزوج زواج اهل قطر اليوم ومايوصل 200 الف وابشرك انه بعض البنات ياخذون من اهلهم

[STAR]

الله يوفقك وتلاقي مبتغاك..

وان شاء الله الدولة تسوي صندوق للزواج الشباب القطريين..

[جلمود]

مب شرط المرأه وايد جميله - مب شرط جامعيه - مب شرط تشتغل

اظفر بذات الدين -اذا تشتغل من يجابل لعيال من يسنع مكانك - كل واحد وتفكيره الموضوع يبيله لفته من الدوله اتحدى حد يتزوج زواج اهل قطر اليوم ومايوصل 200 الف وابشرك انه بعض البنات ياخذون من اهلهم

أخوي الكونغرس أنت معاك حق المفروض مساعدة الديوان ماتقل عن 50 الف ريال وأجراءاتها المساعده ماتاخذ اكثر من اسبوعين

مب 10 الف واذا جاك ولد عطوك ايها :rolleyes2:

بس ياخوي اذا نيتك بالزواج بتزوج وانت بنفسك قلت انه بعض الحريم ياخذون من اهلهم واهلهم يعطونه لانه يبون الستر وإللي يبي الستر على بنته أو اخته يتحمل المصاريف لين ربك يستر عليها وتيسر , وتقدر تتزوج باقل من 200 الف .

ذات الدين مهي بقايله لك عطني مهر 120 الف :victory:

الله يوفقك ويهل عليك وعلى كل مسلم :nice:

[SOUD.QA]

اخوي الكونغرس في بنات تبي الستر والرجال عمله نادره وتراه ينشرى بفلوس لايغرك كلام الناس عن غلاء المهور وتوابعه يعلم الله ان في بنات ماتمانع ان تعيش في غرفة الرجال فبيت اهله لاتقولي خساير ملحق ولاغيره ،،، والواحد يدور البنت اللي تستره وتقدر ظروفه مايدور ناس اعلى من مستواه المادي لان وقتها بيشتكي من الصرف اللي ماله داعي ،،، الله يرزقك بالزوجه الصالحه

[الـقـاسـي]

والله صحيح كلامك يالكونغرس ومثل ماقالوا اللي قبلي في بنات واجد يبون الستر بس وقت العرس كل شي يتغير وتتغير طلباتهم

[BIG-VEGA]

أخوي الكونغرس أنت معاك حق المفروض مساعدة الديوان ماتقل عن 50 الف ريال وأجراءاتها المساعده ماتاخذ اكثر من اسبوعين

مب 10 الف واذا جاك ولد عطوك ايها :rolleyes2:

بس ياخوي اذا نيتك بالزواج بتزوج وانت بنفسك قلت انه بعض الحريم ياخذون من اهلهم واهلهم يعطونه لانه يبون الستر وإللي يبي الستر على بنته أو اخته يتحمل المصاريف لين ربك يستر عليها وتيسر , وتقدر تتزوج باقل من 200 الف .

ذات الدين مهي بقايله لك عطني مهر 120 الف :victory:

الله يوفقك ويهل عليك وعلى كل مسلم :nice:

200 الف شوي على واحد ضروفه صعبه ومش خريج وعليه سلفيه سياره؟؟؟

مع اني اشوف من النادر ان مصاريف الزواج (الظاهر والمخفي) تكون باقل من 200 الف....

بس نتخيل انه بيبداء حياته بسلفيه 200 الف ... يعني القسط المريح على 7 سنين بيكون تقريبا 3350 ريال (مع الفوائد من بنك اسلامي)

عقب سنه بيجيه الولد .. في البدايه لازم فيه مصاريف مثل المستشفى والهدايا واغراض البيبي ولازم تعل لملحق علشان ضيوف المدام ..او تعدل غرفه المدام الي في بيت اهلهم
((باقي على سلفيتك 6 سنين))

عقب سنتين بعد المدام بتشتغل ... عاد تشتري سياره ... يا اجار .... (بس لاتفتكر ان الحمل بيخف عليك ...اذا مازاد انت في نعيم)
ومبروك جاك الولد الثاني ... هاي المره لاتنسى تعزم الشباب
بنتخيل انك مناضل وجمعت حق تيدا مستعمله وعطيتها الاهل وعزمت الشباب على البتراء
((باقي على سلفيتك 4 سنين))

عقب سنتين .. مبروك الولد بيدخل الـ KG-1 .. يبيله شوي مصاريف ماراح اتاثر عليك ..لاتنسى ان راتبك ما شاء الله زاد 1000 اة 2000 ريال :rolleyes2:
((باقي على سلفيتك 2 سنين))

والحين يبدا العد التنازلي على سلفيتك ....





وفجاةً

انت ماتبي تبني بيت ... ولا بتم في الملحق طول عمرك !!!!!!!!!!!!!!!!!

سلفيات طووووول العمر :secret:

هاي كله ونفترض ان اسرته ماتمرض ... ولايسافرون ... وسيارتهم ماتخترب كلش... والبيت ممتاز حتى بيب ماينقط ... ولاثاث كلش مايخترب... ومش محتاجين خدامه ... ولا مره صادهم الخرجي... وعندهم بس كرت واحد من كيوتل .. ولاحد من جماعته او ربعه بيطلب منه فلوس حق زواج او مرض او حادث او عزاء


الواحد فينا ... ياما عنده اهل يساعدونه في المصاريف (سياره وزواج وبيت وغيره)
او يروح ياخذ جنسيه شاميه ويشتغل في الجزيره.... او جنسيه اجنبيه وتصير مدير او خبير
ولا اسهل طريق انك تروح البنك الي يغريك ويصبغلك الدنيا وردي
لاتنسى اذا رحت البنك الغلطه غلطتك وانت ماتعرف تتصرف في فلوسك :eek5:

مبروك العرس مقدما يالكونغرس :D

اطلب من ربك وبس ان ييسر عليك امورك ويرزقك




اخر شي... ومن واقع خبره
لاتاخذ الحجي من بنات ,... قبل العرس يقولون لك ان فيه بنات وايد مايبون مهر ... وانهم يرضون بالقليل ... ومستعدين يعرسون في الحوش ....واهم شي الدين والاخلاق
وقت الصج ...كل شي ينقلب

[المستعينه بالله]

أخوي عليك بالدعاء ورضى رب العالمين والله بييسر أمورك .

[اسعاف]

اطلب العون من الله وتوكل عليه

فسترى التوفيق والبركة

[الأصيلة]

اخوي الكونغرس في بنات تبي الستر والرجال عمله نادره وتراه ينشرى بفلوس لايغرك كلام الناس عن غلاء المهور وتوابعه يعلم الله ان في بنات ماتمانع ان تعيش في غرفة الرجال فبيت اهله لاتقولي خساير ملحق ولاغيره ،،، والواحد يدور البنت اللي تستره وتقدر ظروفه مايدور ناس اعلى من مستواه المادي لان وقتها بيشتكي من الصرف اللي ماله داعي ،،، الله يرزقك بالزوجه الصالحه

كلامك صحيح يا اخوي يا سعود
البنات بكل مكان ومن احسن الناس ولا عندهم شروط...
وكلام الناس في غلاء المهور يقصدون فئة معينة في البلد..
لكن تلقى اللي يدورون على الستر والرجال الطيب...
بس لاتكون هذي شماعة للزواج من غير القطرية
بدعوى إن 50 ألف تكلفة كل شي في الزواج
بنت البلد أولى بـ ولد بلادها...
ويقعد ملف الطلب بالداخلية من سنة لـ سنتين بدون موافقة
أستغرب من بعض الشباب اللي يتزوج بـ غير قطرية ولاهي تقرب له ولاهي
من أهله عشان يكون له عذر بس بدعوى أرخص..
أنا متأكده إنهم ماكلفوا نفسهم بالبحث والا البنات
اللي يبغون الستر بكل مكان مافيه داعي للإستعجال...
بس ياليت يخففون الشباب من شروطهم في الشكل والطول والعرض...
وحلاة الثوب رقعته منه وفيه...

[][ iMedia ][]

بالــغت !

[مشاهد بصمت]

صدق سعود قطر والأصيلة، وخصوصاً الأصيلة وايد عجبني ردها، الحين البنات صاروا أضعاف الشباب، واللي تبي الستر ترضى بالريال وتشتريه، لا يغرك الأشكال الي تشوفها في المجمعات واللي كل يومين داشين محلات الماركات ويشترون أقل شي بألف ريال، ترى هذول لهم ناسهم.
مثل ما قالت الأصيلة: خفف من الشروط ومب بس الشروط في الشكل حتى في شغلات ثانية، يعني دور على بيت تكون حالتهم الاقتصادية والاجتماعية مثلكم وأقل منكم لا تطالع فوق، وأنصحك تاخذ بنت البلاد ولا تدور على المقيمة (الكل فيه الخير) بس بنت بلادك أولى بك.
في وايد بنات يرضون بثلث التكاليف اللي أنت ذكرتها، وعلى قد لحافك مد ريولك، وإذا فلانة عاجبك طولها ولا شكلها ولا وزنها، ما راح يفيدك هالشي إذا بتعيش مهموم ومديون طول عمرك.

[قطري رزه]

اخوي خل بنات قطر روح السعوديه احسن لك
أخوي عليك بالدعاء ورضى رب العالمين والله بييسر أمورك .

[هارودز]

في البعض من الشباب يدفع المهر و الشبكة ومايسون حفل ياخذها ويسافر

[الأصيلة]

صدق سعود قطر والأصيلة، وخصوصاً الأصيلة وايد عجبني ردها، الحين البنات صاروا أضعاف الشباب، واللي تبي الستر ترضى بالريال وتشتريه، لا يغرك الأشكال الي تشوفها في المجمعات واللي كل يومين داشين محلات الماركات ويشترون أقل شي بألف ريال، ترى هذول لهم ناسهم.
مثل ما قالت الأصيلة: خفف من الشروط ومب بس الشروط في الشكل حتى في شغلات ثانية، يعني دور على بيت تكون حالتهم الاقتصادية والاجتماعية مثلكم وأقل منكم لا تطالع فوق، وأنصحك تاخذ بنت البلاد ولا تدور على المقيمة (الكل فيه الخير) بس بنت بلادك أولى بك.
في وايد بنات يرضون بثلث التكاليف اللي أنت ذكرتها، وعلى قد لحافك مد ريولك، وإذا فلانة عاجبك طولها ولا شكلها ولا وزنها، ما راح يفيدك هالشي إذا بتعيش مهموم ومديون طول عمرك.

وخاصة اطلعت موضة حنا وعشا وبدون حفلة عرس..
الله يزيدهم ها البنات اللي اعقلوا شوي...
المهم في السالفة كلها (اسأل عن أمها ) وهذا كله يكفيك...

[وحيد-الشوق]

لازم الدولة تتدخل وتساعد الشباب بقاعات افراح رمزية ومنح للمهور

انا حاط لي قاعده زواج بديون وقرض من البنك لا والف لا

بكره الله يرزقني بعيال ان شاء الله شلون اصرف عليهم

خلوني عزوبي ابرك :( راتبي يكفيني ويبقى منه ولله الحمد اقدر اسافر اقدر اشتري ليش اعيش محروم من كل شيء واحرم عيالي معاي

[R 7 A L]

لاتتزوج قطرية
تزوج أي مسلمة مهرها قليل

[المستريح]

التوكل على الله فقط توكل على الله واعقد النيه وكل شئ بتسهل وبعض التكاليف مب مهممه ويمكن تقليلها اوالغائها

[][ iMedia ][]

لاتتزوج قطرية
تزوج أي مسلمة مهرها قليل


يالغالي يعني انت تشوف هذا حل ..
اوكي .. لنفترض انك حليت مشكله من طرف
ما تشوف انك سبب في تفاقم مشكله من جهة اخرى
خصوصاً ان عدد البنات اصلا ضعف عدد الشباب !
واي شي يضر القطريه راح " يضرك " انت بعد في البدايه والنهايه
صح كلامي ولا لا ؟
:telephone:

[khaleeji]

الله يعينك

روح توكل على الله وتزوج من دولة مجاوره تراهم ناس مب معقدين

[الكونغرس]

عزف كثييير من شباب قطر عن الزواج في قطر والزواج من الدول المجاوره له عدة اسبااااااب

وليس عذر عشان الشباب يتزوجون من برع ينجبر

والبنات هم الي يتشرطون في لدوحه عكس الدول المجاوره

وموضوعنا تكاليف الزواج الله المستعان ويسرها على المسلمين

[meme~qatar]

الله ييسر لك امورك اخوي
ويرزقك بنت الحلال اللي تسعدك وتحفظك

[المستريح]

[ imedia ][;7031228']
يالغالي يعني انت تشوف هذا حل ..
اوكي .. لنفترض انك حليت مشكله من طرف
ما تشوف انك سبب في تفاقم مشكله من جهة اخرى
خصوصاً ان عدد البنات اصلا ضعف عدد الشباب !
واي شي يضر القطريه راح " يضرك " انت بعد في البدايه والنهايه
صح كلامي ولا لا ؟
:telephone:

صح 100%

[ابو مشعل]

[ imedia ][;7031228']
يالغالي يعني انت تشوف هذا حل ..
اوكي .. لنفترض انك حليت مشكله من طرف
ما تشوف انك سبب في تفاقم مشكله من جهة اخرى
خصوصاً ان عدد البنات اصلا ضعف عدد الشباب !
واي شي يضر القطريه راح " يضرك " انت بعد في البدايه والنهايه
صح كلامي ولا لا ؟
:telephone:
كلامك صحيح

[SOUD.QA]

بخصوص اللي يقولون تزوج غير قطريه اذا الكل بيتبع مبدأكم عزة الله البنات طاحوا فجبد اهلهم ماظن انت ترضى غير القطري بيتزوج اختك او وحده من هلك بسبب ان شبابنا يفضلون غير القطريه انتوا بدال ماتكحلونها بتعمونها ،،، الله يهديكم بس فكروا بعقل قبل ماتقنعون غيركم بهالشي ترى عندكم شوفات تبون لهم الستر إذا انتوا وغيركم اتبعوا هالمنطق بكره نسبة العنوسه بتوصل نسب رهيبه ولاتتوقع ان غير بنت بلادك بتحطك في عينها

لمعلوماتكم بس انا واحد من ربعي تزوج غير قطريه خذت الجواز وجابت له العيال وشافت نفسها وقامت تذله ذل اليهد خذت البيت منه وحرقة قلبه عالعيال ولبسته قضيه ان هو متهجم عليها وضاربها الرجال حالته صعبه وتكسر الخاطر كل يوم نايم له فبيت واحد من اخوانه والله ثم والله لو انها قطريه ماهان عليها قلبها تسوي فيه هالسواه

[barod]

بخصوص اللي يقولون تزوج غير قطريه اذا الكل بيتبع مبدأكم عزة الله البنات طاحوا فجبد اهلهم ماظن انت ترضى غير القطري بيتزوج اختك او وحده من هلك بسبب ان شبابنا يفضلون غير القطريه انتوا بدال ماتكحلونها بتعمونها ،،، الله يهديكم بس فكروا بعقل قبل ماتقنعون غيركم بهالشي ترى عندكم شوفات تبون لهم الستر إذا انتوا وغيركم اتبعوا هالمنطق بكره نسبة العنوسه بتوصل نسب رهيبه ولاتتوقع ان غير بنت بلادك بتحطك في عينها

لمعلوماتكم بس انا واحد من ربعي تزوج غير قطريه خذت الجواز وجابت له العيال وشافت نفسها وقامت تذله ذل اليهد خذت البيت منه وحرقة قلبه عالعيال ولبسته قضيه ان هو متهجم عليها وضاربها الرجال حالته صعبه وتكسر الخاطر كل يوم نايم له فبيت واحد من اخوانه والله ثم والله لو انها قطريه ماهان عليها قلبها تسوي فيه هالسواه

عين العقل

[مضارب دوسري]

الي يده في الماي مب مثل الي يده في النار

الشيخ يمكن انت متزوج من زمان واذا ماتزوجت الله يعيييينك ويعين الجميع بس الاسعار تغيرت وايد اتمنى الي بيتزوج الحين وتزوج الحين يفيدك

انا متزوج من 4 شهور :telephone:

المهر 80 الف
الشبكه 23الف
صالة الافراح ب 38 الف وتجهيزاتها ب 14000
عرس الرجاجيل الخيمه وكل شي يخصها ب 15000 من محل الكوشه في بن عمران والخيام المانيه
الخرفان والطبخ ف حدود ال15000 (للعلم جاتني قعدان عينيات:shy:)
بنيت ملحق بحدود ال 50 - 70 الف
سفره لدبي 4 ايام بسبب الشغل:tease: كلفتني 16000

بصراحه العرس كلفني اقل من 250 الف مع العلم جاتني عينيات ماديه حول ال 50:shy:

[مضارب دوسري]

اطلب العون من الله وتوكل عليه

فسترى التوفيق والبركة

قسم بالله انك صااادق

[wadha-qa]

بخصوص الدعايات لغير القطريات ..
خلونا نشوفكم بعد 5 سنين بعد ما المدام تستلم الجواز و بتشوفون وجهها الحقيقي
لان احنا الحريم نعرف بعض و نسمع سوالف ما تدرون عنها ..
بعض هالحريم تتمسكن و تسكت لين بس تاخذ الجنسيه بعدها توريه نجوم الليل بعز الظهر و كلامي مب من فراغ حالات شفتها بعيني و اقربها يوم الخميس وحده خليجيه اتحلف في زوجها تقول بعد سنه بتاخذ الجنسيه !!

[الأصيلة]

لاتتزوج قطرية
تزوج أي مسلمة مهرها قليل

أقول .. ما قصرت...
صح لسانك...
وذنب العوانس القطريات على ظهر من إن شاء الله...
مهر أقل... لكن المستقبل مايبشر بخير معاهم ومن تجارب الآخرين..!!!!

[اسعاف]

انا متزوج من 4 شهور :telephone:

المهر 80 الف
الشبكه 23الف
صالة الافراح ب 38 الف وتجهيزاتها ب 14000
عرس الرجاجيل الخيمه وكل شي يخصها ب 15000 من محل الكوشه في بن عمران والخيام المانيه
الخرفان والطبخ ف حدود ال15000 (للعلم جاتني قعدان عينيات:shy:)
بنيت ملحق بحدود ال 50 - 70 الف
سفره لدبي 4 ايام بسبب الشغل:tease: كلفتني 16000

بصراحه العرس كلفني اقل من 250 الف مع العلم جاتني عينيات ماديه حول ال 50:shy:

هذا هو الحد الأدنى من المصاريف لأهل قطر

ياريت اهل البنت يكونوا قانعين (بالرجال) وليس بالبهانس والمظاهر

[اسعاف]

انوي اعفاف نفسك واعفاف بنت الحلال بالحلال
وبتشوف تيسيرات رب العالمين من كل صوب

ترى الرازق في السما وليس في الأرض يا جماعة

[بن مسلم]

ياليت لو في صندوق للزواج مثل الامارات ٧٠ الف لكل متزوج

بيسهلون علينا امور كثيره

وربي يكون بالعون

^_^

اي صندوق الله يرضي عليك عندهم يدفعون حق الحداقين في فلسطين مبلغ 10 مليون دولار بس ماعندهم حق الي مقبلين علي الزواج

[المتألم]

اخوي الله يرزقك ويزوجك
رغم مبالغاتك نوعا ما بس كلامك صحيح

عندي اقتراح بسيط اتمنى يلقى قبولا

اللي يقول ان في ناس تقبل مهور بسيطة جدا وما يرهقون المتزوج بمطالبهم
ويهونون عليهم ويتبعون سنة النبي صلى الله عليه وسلم بأن خيرهن أقلهن مهرا
فأتمنى يدل الراغب بالزواج على هالعائلات على الاقل بالرسائل الخاصه
وهالموضوع فيه فايده نشر فضيلة العائلات الفاضله والتي بها نساء فاضلات طيبات
يرغبن بالزواج واهلهن طيبين لا يكلفون المتقدم فوق طاقته وكل ما يتمنونه ان يسترون بناتهم
الامر الاخر ان فيه مساعده لمن يرغب بالزوج بحيث يتم تسهيل زواجه والله يجزى الخير كل من شارك
في ستر مؤمن ومؤمنه

[BIG-VEGA]

ودي بمثال حي

من من الاعضاء تزوج وحده قطريه ماطلبت الا الستر ...والزواج ماكلفه كثير (يحدد كم كلف بالكامل واي سنه)

بس مب ارمله او مطلقه

[شيط ويط]

[center]1- خلصت المدرسه وعمري 18

2- اشتغلت وضروفي ماتساعد ادش الجامعه

3- شريت سياره عن طريق البنك للحاله الاجتماعيه المتواضعه للوالد

4- بديت اعتمد على نفسي في كل شي فكرت في الزواج وانا عمري22

5- بديت احسب تكاليف الزواج ++++++++++++ بخصوص الزوجه ++++++++++++
(1- لازم ملحق على الاقل مبدئيًا تعديله بيكلفك اقل شي 20 الف)( 2- المهر اقل شي من 100 ألف الى 200 ألف )
(3- صالة الافراح اتعس صاله ماعتقد باقل من 80 الى 200 الف)(4- الشبكه اقل شي في السوق ب 50 الف وتستحي تقدمها للزوجه ) 5-(وصباحية الزواج اقل شي خاتم خلنا نقول مب ساعه ب 5000) 6-( شهر العسل اقل شي في الخليج 20 الف سبوع)
++++++++++++ بخصوص الزوج ++++++++++++

(1- تحجز خيمه اذا كان في الصيف اقل شي 20 الف اعتقد واي كلام تكون والشي العدل فوق ال50 الف) (2- العشى اقل شي 15 الف والمتوسط 30 الف )
______________________________________________
والحسبه عليكم وغير التناتيف ماتوقع البنك بيعطيني بيقولي مايغطي راتبك وعليك سلفت سياره نسيت:weeping:
قولولي شلون اتزوج بدون البنك --- شلون ماتبون لقطري عليه دين --- الشكوى لغير الله مذله


اخوي الموضوع بسيط .. من استطاع منكم الباءة فليتزوج .. والباءة المقدره على الزواج من تحمل تكاليف الزواج والمهر والمسكن .. فإذا لم تملك هذه المقدرة فلا تتزوج وعليك بالصوم

هذا حديث من لا ينطق عن الهوى .. وفيه من المعاني والسلوكيات الشي الكثير في هذا الجانب

[لافوشيا]

الله يعين ويفرج كربتك اخوي

[ضي البدر]

الله يعينك ويساعدك اخوي وصدقني راح تلاقي بنت الحلال وتتيسر امورك والله يوفقكم يارب..

[BIG-VEGA]

اخوي الموضوع بسيط .. من استطاع منكم الباءة فليتزوج .. والباءة المقدره على الزواج من تحمل تكاليف الزواج والمهر والمسكن .. فإذا لم تملك هذه المقدرة فلا تتزوج وعليك بالصوم

هذا حديث من لا ينطق عن الهوى .. وفيه من المعاني والسلوكيات الشي الكثير في هذا الجانب

اخذ القرض قضيه فقهيه نتركها للمشايخ يعطيهم العافيه

بس ياخوي شيط ويط .. اذا قصدك انت بالباءة غير مشموله بالقدره على اخذ قرض من البنك
بتلاقي نص قطر صايمين

[بـــــــنت النوخـّــــذه]

[center]1- خلصت المدرسه وعمري 18

2- اشتغلت وضروفي ماتساعد ادش الجامعه

3- شريت سياره عن طريق البنك للحاله الاجتماعيه المتواضعه للوالد

4- بديت اعتمد على نفسي في كل شي فكرت في الزواج وانا عمري22

5- بديت احسب تكاليف الزواج ++++++++++++ بخصوص الزوجه ++++++++++++
(1- لازم ملحق على الاقل مبدئيًا تعديله بيكلفك اقل شي 20 الف)( 2- المهر اقل شي من 100 ألف الى 200 ألف )
(3- صالة الافراح اتعس صاله ماعتقد باقل من 80 الى 200 الف)(4- الشبكه اقل شي في السوق ب 50 الف وتستحي تقدمها للزوجه ) 5-(وصباحية الزواج اقل شي خاتم خلنا نقول مب ساعه ب 5000) 6-( شهر العسل اقل شي في الخليج 20 الف سبوع)
++++++++++++ بخصوص الزوج ++++++++++++

(1- تحجز خيمه اذا كان في الصيف اقل شي 20 الف اعتقد واي كلام تكون والشي العدل فوق ال50 الف) (2- العشى اقل شي 15 الف والمتوسط 30 الف )
______________________________________________
والحسبه عليكم وغير التناتيف ماتوقع البنك بيعطيني بيقولي مايغطي راتبك وعليك سلفت سياره نسيت:weeping:
قولولي شلون اتزوج بدون البنك --- شلون ماتبون لقطري عليه دين --- الشكوى لغير الله مذله


تراك يعني مبالغ اشوي بالمصروفات اشدعوه 00 يلا خلني احسبها معاك :
المهر 80 شالي خلاه 200 الف إلا اذا اهل العروس شارطين عليك هذا الشي بعد لاحول ولا قوه 00

-الملحق صراحه اذا 20 الف وايد ارخيص
-صاله الافراح انا معاك غاليه هذي حسبتك صح
-الشبكه من قال لازم ماتقل عن 50 الف اشدعوه هذي الخمسين تجيب لك احلى شبكه من الفردان والماجد 0 اخوي شاري شبكه من الفردان ايام المعرض ب 36 الف ناعمه وشحلاتها 000 لاتبالغ وبعدين الناس الحين مايلبسون دفش روح السليمان في السنتر (المركز) وشوف الاطقم الناعمه اشحلاتها وعمليه العروس تبغي شي تلبسه على كل وقت مهب لعيون الناس لليله الخطوبه 00 وبعد مهب شرط الماس كامله 00
- والصباحيه اذا انت حاط لها ميزانيه 5000 ريال مقدور عليها كخاتم شل من قيمه الشبكه وحط بالصباحيه
-وشهر العسل هل اساسي وفرض واذا ماصار يقع الطلاق 00!!! ماضنتي لازم خل شهر العرس لين تسترد عافيتك اتفق مع زوجتك وخلاص 00

-والخيمه ووومعاك حق فيهم

يعني من الاخر مالومك مالومك مالومك على المصاريف ولكن كذلك احنا انبالغ بالصرف لجل عيون الناس وشهو بيقولون 00 نفتقد للتخطيط الجيد بس نصرف على الفاضي والمليان نادر ما اسمع عن اشخاص اصرفو مبالغ واستقلو الي اشتروه للمستقبل
الله يعينكم يالشباب هذا الي اقدر اقوله المفروض يكون هناك دعم كما يحصل في دوله الامارات للمقبل على الزواج
والله اعلم بظروفك بعد ما اقدر احكم عليك بشكل مباشر الله يعينك ويستر عليك ويسر دربك :)

[الأصيلة]

بخصوص الدعايات لغير القطريات ..
خلونا نشوفكم بعد 5 سنين بعد ما المدام تستلم الجواز و بتشوفون وجهها الحقيقي
لان احنا الحريم نعرف بعض و نسمع سوالف ما تدرون عنها ..
بعض هالحريم تتمسكن و تسكت لين بس تاخذ الجنسيه بعدها توريه نجوم الليل بعز الظهر و كلامي مب من فراغ حالات شفتها بعيني و اقربها يوم الخميس وحده خليجيه اتحلف في زوجها تقول بعد سنه بتاخذ الجنسيه !!

ما تتصورعدد ملفات الطلبات للزواج من المقيمات متراكمة على طاولة وزير الداخلية...
ما أدري ايش صاير في الشباب...

[intesar]

فيه حل أحلى .. عزومة صغيرونه بالبيت ويخلص .. وشهر العسل يتأجل .. أو ما تسوي عرس تاخذ عروستك وتطير على شهر العسل .. وبعدها تبدى تبني نفسك طوبة طوبة .. هذا حل افضل .. لأن الحاصل عندنا فشخرة مالها داعي .. حوال انك تقتصد أكثر لا يزيد عرسك عن مثلا 10000 ريال ما بين المهر والتجهيزات .. وربي يبارك لك بحياتك .. المهم بعد هذه الليلة كيف راح تكون حياتك .. لو كل واحد فكر بعقله قدر يدير حياته بشكل أفضل .. استغني عن الكماليات .. ليش مهر بميتين ألف ليش ما يكون بـ 50000 ألف .. أنا ما ألومك الدنيا نار وغلا .. والله يعينك على الديون ..انت والبنت اللي بتخطبها ارسموا حياتكم ولا تخلون حد يتدخل .. هذي مو كلام أحلام بس ربي يفك عنك أزمتك لأنها أزمة الكثيرين من المقدمين على الزواج ..20000 مهر ايش بتسوي فيهم .. ما تدري انها راح تكون متداينة معاك .. يعني بتعيش بديون وهم الديون .. أنا أشوف لو تاخذ مهر 30000 الف كفاية في مثل حالتك .. أعتقد بتحصل بنات ما يشترطون ..
الله يوفقك ويوفق الجميع .. ويفك عنا أزمة الغلاء

[chillis]

الله يعينك وربي يفرجها عليك

[qtr qtr]

الله يعينك ويعين الجميع

ملاحظه (( جاري البحث عن زوجه ثانيه ))

[ورقــة أمــل]

توك 22 صغير ليش مستعيل انطر كم سنة وكون نفسك وحاول تشوف لك مصدر دخل غير الراتب

مسالة المهر والفشخرة صارت اساسية عند الكثير ويمكن الله يرزقك بوحده ترضى فيك وما تبي خرابيط ماتدري

عليك بالدعاء والاستغفار والصبررر بعد شتسوي اكثر من جذي هذا حالك وحال الكثير من الشباب للاسف

وياريت الدولة تساعد،،، بس حق ناس وناس بيبل اند بيبل

ولاتنسى ياخوي ان مب كل مشروع زواج في الاخير يكون ناجح عشان جذي لا تستعيل واختار الانسانة اللي ترضى فيك من البداية

احسن من انك تتدين و تتبهدل وتحسف انك تزوجت لاسمح الله..

[فابريغاس]

انا توني متزوج

المهر 80 الف

الصاله الملكيه بحب خشوم وواسطات 60 الف

عرس الرجال والله ارخص شي 20 الف من غير الذبايح

بنيت لي ملحق كيربي وشغل قطاعي 110 الاف


والحمدالله عطوني مساعدة زواج 20 الف هههههههه

[فيزيائية]

الله يعين المسلمين...
عالعموم لو كانت العينية الممنوحة من الدولة اكبر ولو الكل ساعد ومنح عينية للشاب ...المشكلة ان الفلوس ماتروح في شي له قيمة ونافع..
الا بالعكس تروح لكوشة (اكبر) وتوزيعات (افخم) ومطرب (اكثر شهرة)
والبنت ماتصدق تمسك المهر الا يالله على اقرب مجمع ماركات ...
المهر اللي جمعه المعرس وابوه وهله في سنين من كد وتعب...
تكده الغزالة وتاكله السباله...!!

[$$كلنا قطر$$]

لا تتزوج وصوم
ولما ربك يحلها وتنفرج تزوج
يعني حالتك الماديه مب لهناك شحادك تدفع هالمهر وتاخذ القاعه بهالسعر الي ألفته من عندك
انت قاعد تصعب الأمور
زهقتونا الدوله والدوله
ما باقي الا تطالبون الدوله تشتريلكم سيارات وماجلة البيت وتذاكر في الويكند وفي الصيف
ادري كلامي بيزعلك وبيزعل ناس وايد
بس امصخت وملينا من هالمنوال
انتو تطالبون بشي ما راح تاخذونه
تبي تتزوج يمع بيزه على بيزه
لا تقولي ما تقدر لو تبي تتزوج بتيمع
والي فباله الصلاه ما تفوته
كاتبلي اسعار خياليه وتقولي وين اتزوج
والي يقهر الي يأكد على كلامك



أتمنى تقرا كلامي بعقل
وأسف عالأطاله او اذا غلطنا بحق حد

[شيط ويط]

اخذ القرض قضيه فقهيه نتركها للمشايخ يعطيهم العافيه

بس ياخوي شيط ويط .. اذا قصدك انت بالباءة غير مشموله بالقدره على اخذ قرض من البنك
بتلاقي نص قطر صايمين

عقب ما تخرجت من الجامعه اشتغلت .. سنتين عقب الشغل تزوجت .. ومصاريف زواجي من وإلى من عرق جبيني ولا رضيت حد يمن علي سواء الدولة والا أبوي .. رغم ان الوالد ساعدني في الزواج ولولا طيبة خاطره ما قبلت .. والحمدلله لا قرض ولا غيره .. الإنسان من يشتغل يبدأ يفكر بالاستقرار ويقعد يجمع له كم بيزه ويستعد حق الزواج .. ويعرف يختار بنت الحلال اللي تبي العفه ..مب اللي تبي مهر 100 ألف وكوشة بـ 40 الف .. ومش عارف ايش من مصاريف مال ابوها داعي .. كان بإمكاني اخذ قرض اول ما اشتغلت وادخل في دوامة انا في غنى عنها .. الانسان لازم يعرف اشلون يتصرف واشلون يبتدي حياته ..

والحمدلله شباب واجد من هل قطر تزوجوا ووقفوا وياهم أهاليهم وساعدوهم .. والانسان من ينوي الزواج ربك ييسر له كل شي دامه يدور الستر ويطلب العفه من بنت الحلال اللي بيتزوجها

والله يفرجها على كل شاب وده يتزوج وييسر له اموره .. ويعينه

[فابريغاس]

لا تتزوج وصوم
ولما ربك يحلها وتنفرج تزوج
يعني حالتك الماديه مب لهناك شحادك تدفع هالمهر وتاخذ القاعه بهالسعر الي ألفته من عندك
انت قاعد تصعب الأمور
زهقتونا الدوله والدوله
ما باقي الا تطالبون الدوله تشتريلكم سيارات وماجلة البيت وتذاكر في الويكند وفي الصيف
ادري كلامي بيزعلك وبيزعل ناس وايد
بس امصخت وملينا من هالمنوال
انتو تطالبون بشي ما راح تاخذونه
تبي تتزوج يمع بيزه على بيزه
لا تقولي ما تقدر لو تبي تتزوج بتيمع
والي فباله الصلاه ما تفوته
كاتبلي اسعار خياليه وتقولي وين اتزوج
والي يقهر الي يأكد على كلامك




صوم عيل ههههههههههههههههههه

الله لايبلانا بس بهالعقليات الحاسده

[chillis]

سؤاا محيرني هل يعقل كل بنات قطر يبون مهر عالي وعرس ضخم وغيره من متطلبات الزواج ؟

[meme~qatar]

سؤاا محيرني هل يعقل كل بنات قطر يبون مهر عالي وعرس ضخم وغيره من متطلبات الزواج ؟

:nono::nono::nono:

[بـــــــنت النوخـّــــذه]

[
سؤاا محيرني هل يعقل كل بنات قطر يبون مهر عالي وعرس ضخم وغيره من متطلبات الزواج ؟

للامانه مش الكل لكن (الاغلب ) هذا واقع صارت نظرة البنات ماديه بالدرجة الاولى في اختيار الزوج 00او بنظرتها للشاب 00 الاهم المظاهر بنظرهم


0 الحق حق وينقال وهذا الي صاير بالفتره الاخيره 000 ولكن ماننكر وجود ناس قنوعين مع بناتهم






:discuss:

[chillis]

هذي الي اقصده ان الواحد يتب عمره شوي ويدور البنت الي تبيه لدينه واخلاقه وبس مهب لماله لان اكيد بيلاقي حتى لو في شوية صعوبه

[الصريحه]

معاك
لابد من بعض المساعده من الدوله
والاهم حجم جشع التجااااااااااااااااااار
المشكله كل شيء عندنا غالي ولو البنت اقتصدت قد ماتقدر بعد بيكون فيه غلاء من قاعه وغيره
الحل في رايي للدوله لها دور كبير
لو الاسعار عندنا تنزل في كل شيء كان قلت الديون
الله يعين كل راغب حلال

[bu 3li]

الحال من بعضه وانا اخوك .. قلت ابي اعرس وماعندي قالوا لي توكل والله بيوفقك
توكلت ولقيت بنت الحلال وتزوجت لكن المصاريف مثل ما انت عارف كل شي غلا هالايام
سلفة السياره على العرس ومعاملة البنك وفوايدهم صار القسط 7000
ولا رحت شهر عسل ولا حتى سويت عرس رياييل .. ومع ذلك انكسر ظهري
لا فيه صندوق زواج ولا هم يحزنون .. كل واحد يشيل عمره واللي يشوف حالنا يقول دولتنا فقيره وماعندها تساعدنا .. لكن استغرب من السكوت عن هـ الشي ومعاناة الزواج موجوده صار لها فتره

لكن مثل ماقالوا .. الشكوى لغير الله مذله

[almaf1a]

بعدين شلون بتبني بيت العمر وشلون بتعيش عيالك

[الكونغرس]

الكلام شي والواقع شي اخر

الحمدالله ابشركم اني متزوج انا بس حبيت اعرض مشكلة شخص قرييب مني وحزنت له حزن الله يعلم من حبي له

اتمنى لفته من الدوله لصندوق الزواج وتخفيف اسعار صالة الافراح اهم شي واباقي كله له حل

[مالي ومال الناس]

, , , ,

عندي سؤال يدور في بالي

هل المواطنيين متساويين فعلاً في الحقوق والمكرمات ؟

ام هناك تفرقه واضحه ومعاملتهم كطبقات !!!!!!

الطبقه العليا لهم ما يشتهون والشرائح الاخرى يعطون مالا يسد بطونهم او قد لايعطون

حسبنا الله ونعم الوكيل

[chillis]

, , , ,

عندي سؤال يدور في بالي

هل المواطنيين متساويين فعلاً في الحقوق والمكرمات ؟

ام هناك تفرقه واضحه ومعاملتهم كطبقات !!!!!!

الطبقه العليا لهم ما يشتهون والشرائح الاخرى يعطون مالا يسد بطونهم او قد لايعطون

حسبنا الله ونعم الوكيل

وضح اكثر ليش شاك انه مواطن عن مواطن ياخذ اكثر وضح الفئه الي تتكلم عنها ومن رائي لو التجار يسون صنودق الزواج بحيث كل شهر يحطون فيه مبلغ ويصرفونه اعانات زواج اعتقد بيجلون جزء من المشكله

[راعي المها]

قولو انشاء الله نسمع اخبار حلوه اخر الشهر وسمو الامير مابيقصر انشاء الله وياراعي الموضوع البس بشتك سامع اخبار حلوة وانا الحين لابس بشتي و قاعد

[shanks]

كل الناس تبي الستر ولاكن لاسف هالايام الستر باهظ الثمن

[سما الوطن]

للأسف لم استطع فراءه الردود كلها

وفعلا تكاليف الزواج كثيره

سؤالي لماذا يلجا للديون للزواج ولا يلجا الى التجميع لكم سنه قبل الزواج
يعني موظف وعمره 18 او 20 او 22 ليه ما يشتغل لاربع او ثلاث سنوات ويجمع الراتب ثم يتزوج
اقصد يكون نفسه بالاول

[منآكير]

الله يوفقك ياااخوي ....

بس اللي تبي الستر راح ترضى بمبلغ بسيط وانا من وجهه نظري مب لازم عرس ... حفله بسيطه وتسافرون مكان حلو ولو بالخليج .. ماله داعي العرس و مب مهم كلام الناس حفله بسيطه بين الاهل تكفي ..

(( وجهه نظري ورايي لمعرس المستقبل ))

مابتكلفك 30 الف ...

الله يوووفقك ياارب ... وان شاء الله قريب تعزمنا على عرسك ...

[R 7 A L]

انا استغرب من بعض الردود الى يطالبون التجار بالتبرع

اكثرية التجار شعارهم ( ريال على ريال يصير مليون )

شلون تبونهم يتبرعون !!!!!!!!!

[منآكير]

كلآمك 100% صح أخوي R7AL :nice:

[Ussop]

يارجال خلها على ربك بس...
كل ما أتذكر هالموضوع تجيني حالة ميتافيزيقية!

لين متى بنتم ندفع مصاريف مال أمها داعي على العرس... شوفوا الإمارات كيف عندهم صندوق مساعدة للزواج وقاعات وطنية مدعومه... مب إحنا شغل إحتكار وترس في بطون التجار على حساب من يطلبون العفة... ولا المساعدة الي تطلع عقب ما الله يرزقك باول مولود ...

والله ياناس مب ناقصنا شيء ... دولتنا غنية وشعبها قليل ووالله ماراح يكلفها شيء ... http://www.qatarshares.com/vb/images/icons/icon13.gif

الله المستعان بس...

[ولـــد قطـــر]

ياشباب الرجال الي يبي يتزوج وله نيه صادقة مافي شي باذن الله بيوقفه

والله ثم والله نويت اتزوج وحسابي مافيه الى عشرين او خمس عشر الاف تقريبا

بس نيتي كانت صادقة

بعت نص رصيدي من الاجازات في العمل

بعت كل ما كان يكملي كماليات فقط ولا لي حاجة فيه

خذت سلفتان من العمل وطبعا بدون فوائد واقساط بسيطه

كانت عندي سيارتين بعت وحدة وخليت الثانية

اقتصدت في صرفي

جاتني عنيات في حدود العشرين فقط

ثم خبروني ربعي عن حملة اعفاف الي كانت مسويتها مؤسسة راف وسجلت معاهم وخذت 40الف

والحمدلله والشكر لله ربك والله العظيم يسرها لي بشكل انا لين اليوم معرف اشلون

والله اني ماقربت البنك ولا خذت سلفة من البنك للزواج

وسويت حفلة خطوبة وعرس حريم ورجاجيل وكان الكل انعجب بالعرس

وسفرة شهر العسل على الاميال طبعا

ياشباب
الي يبي يتزوج يصفي نيتة

وينوي انه يتزوج وبيشوف اشلون ربك بيسرها له

والله يوفقكم ان شاء الله

[مرحوم قطر]

هههههههههههههههههههههههههههههههههههههههههههههههههه هههههههههههههههههههههههههههههه




تبي تتزوج و عمرك 22 سنه تو الناس الشيخ

قدامك 8 السنين تجمع نص المبلغ و الباقي سلف









اسمحلي الشيخ بس هذا للاسف الواقع


الله يكون بعونك

[miss.qa]

والله صحيح كلامك يالكونغرس ومثل ماقالوا اللي قبلي في بنات واجد يبون الستر بس وقت العرس كل شي يتغير وتتغير طلباتهم

هووووووووووووووه ده :nice:

انا بعد خطبت حق خالي وحده وقالو خذو بنتنا بثيابها اااللي لابستها اخر شي قصوووووووووووووووووووووووووووووووووووووو علينا واختارو شبكه ويبون صاله الدفنه مالت الشيرتون ... قالو مايبون خطوبه .. صارت الخطوبه فالملينيوم :rolleyes2:

[وهم قطر]

الله يوفقك وعليك بالصلاة والالحاح الى الله بالنيه الصادقه

[شنايدر]

الله يعين المسلمين...
عالعموم لو كانت العينية الممنوحة من الدولة اكبر ولو الكل ساعد ومنح عينية للشاب ...المشكلة ان الفلوس ماتروح في شي له قيمة ونافع..
الا بالعكس تروح لكوشة (اكبر) وتوزيعات (افخم) ومطرب (اكثر شهرة)
والبنت ماتصدق تمسك المهر الا يالله على اقرب مجمع ماركات ...
المهر اللي جمعه المعرس وابوه وهله في سنين من كد وتعب...
تكده الغزالة وتاكله السباله...!!

:victory:

[مالي ومال الناس]

وضح اكثر ليش شاك انه مواطن عن مواطن ياخذ اكثر وضح الفئه الي تتكلم عنها ومن رائي لو التجار يسون صنودق الزواج بحيث كل شهر يحطون فيه مبلغ ويصرفونه اعانات زواج اعتقد بيجلون جزء من المشكله

, , , ,

نعم فيه مواطنين ياخذون مبالغ ضخمه كمساعدة زواج وفي ايام معدوده فقط , حد ينكر هالشي ؟؟

[حيهور]

لاتتزوج وصوم


من زين الزواج

[Qt.1]

اخوي الكونغرس في بنات تبي الستر والرجال عمله نادره وتراه ينشرى بفلوس لايغرك كلام الناس عن غلاء المهور وتوابعه يعلم الله ان في بنات ماتمانع ان تعيش في غرفة الرجال فبيت اهله لاتقولي خساير ملحق ولاغيره ،،، والواحد يدور البنت اللي تستره وتقدر ظروفه مايدور ناس اعلى من مستواه المادي لان وقتها بيشتكي من الصرف اللي ماله داعي ،،، الله يرزقك بالزوجه الصالحه

كلام يسطر من ذهب :)

[NEMO]

والله العظيم والله يشهد على كلامي ان ختي مهرها كان 50 الف وهالكلام هالسنه صاير وحفلتها ماكلفت حتى 20 الف (الحفله في البيت) بس اللي يبي الستر مابيحسبها بلفلوس

شكرآ

[almaf1a]

لاتتزوج وصوم


من زين الزواج

اتفق مع هذا الرأي الحكيم

[رذاذ]

ربي يوفقك

[أم المها]

اخوي صح كلامك بس مهر 200 لا والله واجد يعني 80 معقوله وطبعا سلفـه

الصالات الملكـيـه بـ 45.000 مع التجهيز تكلف 75.000 وبعد سلفـه

الشبكه بين 10 لين 18.000 واكيد اكيد سلفـه


انا اللي يفقع كبدي ويسبب لي احتقان بالنخاع الشوكي يجي واحد يقول مانبي الديون تطيح وغير مؤيد لإسقاط الديون؟حسسني لو طاحت الديون بيدفع شي من جيبه

الحمـد لله على كل حآل...

:nice::nice::nice:

الله يعينك اخوي ويكون بعونك

[BeN QaTaR]

بمآآ إن مسآآآعدة آلزوآآآج هي لمره وحدة في آلعمر ليه مآآ إتكون للبنت وآلرجآآآل

بعد مآآآآيملكون يقدمون آلورقة آلي تثبت إنهم متزوجين

ويعطونهم آلمبلغ كمسآآآعدة وآلدولة غنيه ومآ إتقصر وآلموآآطنييين يستآآهلوون

آلرجآل إتكون 150<<< للمهر مسآعده

وآلمره إتكون 50<< إتسآعدهآآآ في آلتجهيز إزيآآده على آلمهر آلي بيعطيهآ إيآه آلرجآل

وبس خلآآآص


تعبنآآآ وآلله خل شبآآآبنآآآ وبنآآتنآآ يعرسوون

ويسووون درآآآآسه للي يستحق هذي آلمسآآعدة

ويآآليت لو يطيحوون آلديون إحنآآآ محتآآآجين لذآآ آلشي في نآآس حآلتهم تصعب على آلكآآفر

[مونديال]

الله يعينك
ويوفق كل راغب في الزواج

[(عبدالله)]

انوِ العفة

والله بيسر لك، بتشوف ربك فتح لك أبواب كثيرة وأغناك عن القروض والتكاليف

الشي الثاني: اللي نيته فوق كل شي الزواج والستر... ما بيرضخ للبذخ ولمطالب البذخ اللي ظاهرة في أفراحنا

ولا بيحتاج لغيره

عن تجربة شخصية، أنا كنت مخطط لحياتي من أيام الدراسة في الجامعة وكان مصروفي الشهري 1000 ريال لاغير

تميت أدخر وأستثمرت الباقي في البورصة على أيام 2003 وطالع.. مرات أربح ومرات أخسر وبدون مغامرات

أول ما توظفت، على طول ملكت وتزوجت بعد 6 أشهر وسافرت ماليزيا 12 يوم شهر عسل

وما استلفت ولا ريال ولله الحمد والمنة

على الرغم من اني سويت عرس الحريم في السعودية + عرس الرياييل وعزيمة حريم في الدوحة

بالإضافة إلى ما يتبع من عزايم وحفلات خطوبة وملكة... لكن بدون بذخ ولا مبالغات ولاتبذير..

والله ييسر لك وللجميع

[M!$s ĀŁ!eN]

شفيكم .. ياهوو هدووو هدووو ..
حرام عليكم انتو تقذفونا بنات قطر . شفيكم عليهم ..


اصليبه قلبي تدرين ليش مافيه .. ملفات طلبات بزواج .. مقيمات
لان .. يتزوجونهم .. في خارج البلاد ..
محد كفو يكلمهم
ولا وقت الولاده يرحون برا يولدون ,,
اعرف ناس جي ..
اشد المعرفه انصدمت .. الصراحه
ليش وش فيها القطريه على الاقل اهي بنت البلد منك وفيك وتعرف سنعك وسلمك
مو بنت ثانيه حتى لو خليجيه .. تحديدا من البحرين او من السعوديه
الطامه الكبرى لو تكون عربيه .. تلقينهم مساااكين .. يكسرون الخاطر ..
اصلا هم وحووووش
والله لو تمرون على منابر السجون تلقون ناس يعورون القلب كله من الاجنبات ..

انا اقول للي ما يبي القطريه .. لانه مو قطري ولا حاااصل له القطريه ..
يسوي دعايه .. حق جنسيته .. ميت على اللي تحصله القطريه من حريه قدر ...
يتمنها ..

ادا ماتبي قطريه ترا القطريه ما تبيك مافيك خير
لو تتزوج العربي او الاجنبي على الاقل ماا راح يخونها
ولا يكون وياها في كل شي في تريبته اليهال
البيت وكل شي .. مستعد انه يكون خدام او سايق لها ..
مو عيب لاحد يشوفك بس انت اتشيل الاغراض معاها ..
ترا والله الزواج من اجنبي .. مو عربي اجنبي ..
انه ارحم لنا من ان تزوج قطري .. مغرور .. مثلك ..



البادي اظلم ..
مع احترامي لبعض القطرين ..


بس اناالاسف مااا اوافق ان القطرية .. تاخذ غير قطري ..
لان فيني وفا بلادي .. مو مثلهم ..

[M&F]

وااااااايد أعرف بنات ما سووا عرس و لا شي !!!

مهر بسيط و سافروا...

الله يعينك ياااارب ... انوي الزواج و الله بيسر لك ...

[محمد بن ناصر]

وايد الحين ناس يتزوجون بدون حفلات باهضة

[ام السعف]

ابتر ريولك على قد لحافك،، بالمختصر المفيد ابتر رغبتك في الزواج
لأنك مب شرط تدين علشان تتزوج :(

[بوصلووح]

والله ياكونغرس انا اخوي متزوج تو يعني ما صار له سنه
المهر 80
القاعه 75
عرس الرجال 30
وغيره من تكاليف

اما تجي وحده تقولي المهر 200 الف؟ وين عسى ماشر والله لو شنو


وبالتوفيق واتمنى كل خير للكل ان شاء الله


انا بعد متزوج ما صار لي سنه و كلفني اقل من الي انت تقوله

و لو تبي اذكر التفاصيل بذكر

كل شي مع شهر العسل في ماليزيا و تايلند حول 250 ألف أكثر شوي أو أقل شوي .

[بوصلووح]

المشكله ان الريال صارت ماله كلمه
و خلوا كل شي بيد الحريم - مع احترامي للحريم هم اهلي و خواتي - لكنهم الصراحه يحبون يفوشرون حتى لو ماعندهم و يحبون يبذرون الفلوس
المفروض الريال لين قالوا له نبي كذا كذا كذا يقولهم لا يكفيكم كذا و بس .. يعني يكون له كلمه و في نفس الوقت مايزعلهم يعني باسلوب دبلوماسي :)

[بوصلووح]

و أهم شي يالغالي انك ماتضخّم الموضوع
و تقول باااال 250 ألف شلوووون من وييييين

ترى انا نفس ظروفك و يعلم الله يمكن اخس
ابوي متوفي و مشتغل بثنويه و الله اعلم بالحال

لكن والله الواحد ينوي يعف نفسه و يتوكل على الله
الله بيسر أموره و بيقضي له حوايجه
أهم شي تتوكل على الله حق التوكل و تسعى

[مناري]

صدقني لوعندي بنت يوزتك بس الزم الاستغفار يجعلك من كل ضيق فرجا ويرزقك من غير ماتحتسب وانت على يقين ان الله بيساعدك

[بوصلووح]

, , , ,

عندي سؤال يدور في بالي

هل المواطنيين متساويين فعلاً في الحقوق والمكرمات ؟

ام هناك تفرقه واضحه ومعاملتهم كطبقات !!!!!!

الطبقه العليا لهم ما يشتهون والشرائح الاخرى يعطون مالا يسد بطونهم او قد لايعطون

حسبنا الله ونعم الوكيل

كلنا تدور في بالنا هالأسألة :(

[ام السعف]

[

للامانه مش الكل لكن (الاغلب ) هذا واقع صارت نظرة البنات ماديه بالدرجة الاولى في اختيار الزوج 00او بنظرتها للشاب 00 الاهم المظاهر بنظرهم


0 الحق حق وينقال وهذا الي صاير بالفتره الاخيره 000 ولكن ماننكر وجود ناس قنوعين مع بناتهم


:discuss:

مرات حتى 100 الف تكون فوق طاقة المعرس،،
بيقولون له راتبك 10الاف اصرف 2000 وخش 8000
و 8000 * 24 وتزوج عقب سنة وبتزيد عندك الفلوس وعطها للي راتبه
5000 يكمل نص دينه :telephone:

[انتر ميلان]

لا تتزوج وصوم
ولما ربك يحلها وتنفرج تزوج
يعني حالتك الماديه مب لهناك شحادك تدفع هالمهر وتاخذ القاعه بهالسعر الي ألفته من عندك
انت قاعد تصعب الأمور
زهقتونا الدوله والدوله
ما باقي الا تطالبون الدوله تشتريلكم سيارات وماجلة البيت وتذاكر في الويكند وفي الصيف
ادري كلامي بيزعلك وبيزعل ناس وايد
بس امصخت وملينا من هالمنوال
انتو تطالبون بشي ما راح تاخذونه
تبي تتزوج يمع بيزه على بيزه
لا تقولي ما تقدر لو تبي تتزوج بتيمع
والي فباله الصلاه ما تفوته
كاتبلي اسعار خياليه وتقولي وين اتزوج
والي يقهر الي يأكد على كلامك



أتمنى تقرا كلامي بعقل
وأسف عالأطاله او اذا غلطنا بحق حد


أخوي انت تقول لو كل واحد يحط البيزة على البيزة يقدر يتزوج
خلنا نحسبها لو الواحد فاتح حساب توفير ويحط فيه كل شهر 3000 ريال لمدة 4 سنوات بيطلع له 144 ألف .. ((ولو انها صعبة توفر 3000 كل شهر لمدة 4 سنوات ))

والشباب اللي يتكلمون من واقع تجربة يقولون العرس يكلف بين الـ 200 والـ 250 ألف بسبب المبالغة في أسعار الصالات والتجهيزات للعرس
يعني بيضطر ياخذ سلفية ..

هني يبتدي دور الدولة بتوفير صالات بأسعار رمزية ومساعدة الزواج تكون 80 ألف مثل الامارات ... والواحد ماوده يقارن بلاده بدول ثانية والله يحز في خاطرنا واحنا نقارن بس هذا الواقع ،،،

وهالمبلغ اللي بينصرف ماراح يخسر الدولة .. لأن اتوقع عدد القطريين المقبلين على الزواج شوي ... وإن زادوا خير وبركة

[بلوتنيوم]

الزواج من المفترض ان يكون على راس اولويات الدولة
من اجل زيادة معدل الانجاب ومعالجة الخلل السكاني الى الكل قاعد يحذر ويشكي من المستقبل
يعني مافيها شيء لو تم التحفيز على الزواج بشتى الطرق
في الاخير هذا الاستثمار الى بيدوم لقطر
وهذا الانجاز الى مايمحي ؟؟!

[Qt.1]

شفيكم .. ياهوو هدووو هدووو ..
حرام عليكم انتو تقذفونا بنات قطر . شفيكم عليهم ..


اصليبه قلبي تدرين ليش مافيه .. ملفات طلبات بزواج .. مقيمات
لان .. يتزوجونهم .. في خارج البلاد ..
محد كفو يكلمهم
ولا وقت الولاده يرحون برا يولدون ,,
اعرف ناس جي ..
اشد المعرفه انصدمت .. الصراحه
ليش وش فيها القطريه على الاقل اهي بنت البلد منك وفيك وتعرف سنعك وسلمك
مو بنت ثانيه حتى لو خليجيه .. تحديدا من البحرين او من السعوديه
الطامه الكبرى لو تكون عربيه .. تلقينهم مساااكين .. يكسرون الخاطر ..
اصلا هم وحووووش
والله لو تمرون على منابر السجون تلقون ناس يعورون القلب كله من الاجنبات ..

انا اقول للي ما يبي القطريه .. لانه مو قطري ولا حاااصل له القطريه ..
يسوي دعايه .. حق جنسيته .. ميت على اللي تحصله القطريه من حريه قدر ...
يتمنها ..

ادا ماتبي قطريه ترا القطريه ما تبيك مافيك خير
لو تتزوج العربي او الاجنبي على الاقل ماا راح يخونها
ولا يكون وياها في كل شي في تريبته اليهال
البيت وكل شي .. مستعد انه يكون خدام او سايق لها ..
مو عيب لاحد يشوفك بس انت اتشيل الاغراض معاها ..
ترا والله الزواج من اجنبي .. مو عربي اجنبي ..
انه ارحم لنا من ان تزوج قطري .. مغرور .. مثلك ..



البادي اظلم ..
مع احترامي لبعض القطرين ..


بس اناالاسف مااا اوافق ان القطرية .. تاخذ غير قطري ..
لان فيني وفا بلادي .. مو مثلهم ..

اتمنى من كل قلبي ان يكون خانج التعبير , ولاتقصدين الي قلتيه لانك اذا تقصدينه مشكله !!

[فيزيائية]

هووووووووووووووه ده :nice:

انا بعد خطبت حق خالي وحده وقالو خذو بنتنا بثيابها اااللي لابستها اخر شي قصوووووووووووووووووووووووووووووووووووووو علينا واختارو شبكه ويبون صاله الدفنه مالت الشيرتون ... قالو مايبون خطوبه .. صارت الخطوبه فالملينيوم :rolleyes2:

آسفة بس في هالمواقف المفروض الرجل يثبت على رأيه..واللي أوله شرط آخره نور.

[مشتاقة لقطر]

اناراااايي الحل او نصف الحل

في فتح باب الرخص لاقامة قاعات زواج لكل من يرغب عونده القدرة المادية يسوي مشروع صالة افراح


ويوم بتزيد الصالات بيصير التنافس بالاسعار ..


يعني الاحتكار ليش وفي مصلحة من ؟؟؟؟؟؟؟؟؟؟

[طارق]

ياخي تزوج وحده من عمر ال 33-45
وهي بتعطيك جائزه مع الزواج
بيت وسياره

[طارق]

شفيكم .. ياهوو هدووو هدووو ..

لو تتزوج العربي او الاجنبي على الاقل ماا راح يخونها
ولا يكون وياها في كل شي في تريبته اليهال
البيت وكل شي .. مستعد انه يكون خدام او سايق لها ..
مو عيب لاحد يشوفك بس انت اتشيل الاغراض معاها ..
ترا والله الزواج من اجنبي .. مو عربي اجنبي ..
انه ارحم لنا من ان تزوج قطري .. مغرور .. مثلك ..



البادي اظلم ..
مع احترامي لبعض القطرين ..

بس اناالاسف مااا اوافق ان القطرية .. تاخذ غير قطري ..
لان فيني وفا بلادي .. مو مثلهم ..


يا أفلانه ينطبق عليج المثل

ما أبيه دزوني عليه

طارق بن زعتر المناقيشي

[][ iMedia ][]

طارق بن زعتر المناقيشي


ههههههههههههههههههههههاي :nice:
نسيت تكتب المغني المفضل : جورج وسوف
ههههههههههههههههههههههه
:nice:

[KHALiDiSH]

اخوي الله يرزقك ويزوجك
رغم مبالغاتك نوعا ما بس كلامك صحيح

عندي اقتراح بسيط اتمنى يلقى قبولا

اللي يقول ان في ناس تقبل مهور بسيطة جدا وما يرهقون المتزوج بمطالبهم
ويهونون عليهم ويتبعون سنة النبي صلى الله عليه وسلم بأن خيرهن أقلهن مهرا
فأتمنى يدل الراغب بالزواج على هالعائلات على الاقل بالرسائل الخاصه
وهالموضوع فيه فايده نشر فضيلة العائلات الفاضله والتي بها نساء فاضلات طيبات
يرغبن بالزواج واهلهن طيبين لا يكلفون المتقدم فوق طاقته وكل ما يتمنونه ان يسترون بناتهم
الامر الاخر ان فيه مساعده لمن يرغب بالزوج بحيث يتم تسهيل زواجه والله يجزى الخير كل من شارك
في ستر مؤمن ومؤمنه

:nice::nice::nice::thumbup1::thumbup1:

[طارق]

الله يزوجك من المرأه الطيبه
وعليك بالمرأه المتدينه
تحفظك وتحفظ بيتك
وخل عنك الي تدعي الدين والقلب وصخ
وأبعد عن شور خواتك وأسمع كلام والدتك
تحياتي
طارق بن زعتر الحلبي

[KHALID J]

اكيد اخوي
star
كلامك صحيح الي يبي يتزوج بيتزوج والله بيوفقه بسترى بقولك

اقل شي يبيلك 300 الف شامل المهر والشبكه والقاعات للرجال والنساء واذا كان في حفلة خطوبة هاي شي ثاني
ولا تنسى بعد العرس لازم في حفلة صغيرة + شهر العسل

كل هاي عشان بس تتزوج زواج عادي
وغير ذلك تسكن مع الوالد الله يطول في عمره لين البيت ينبني....

الله كريم

[راقي]

..!!
والله العظيم اقرا الردود وقلبي معورررررني
والله الشباب يكسرون الخاطر

وصراحه لحد يقووووووول مافي مبلاغه لا في ومن اللي اشوفه حوولي
وحده من اهلنا مهرهاا 120 الف .. وكل شي عليييييييييييييييييييييييييييييييييييه
ولا فوق هذا تسلفت من ابوها بعد !!@@

// ÷،/,

الله يرخص الدنيااااااا وينزل من الاجارات والبيووت وكل شي والامور بتمشي ولا اذا احنا بنتم على ذا الحال كل شي سعره فووووووق والله محد بيقدر يتزوج

وانا اشوف شكثر شباب تزوج من برع والسبه الغلى ومن حقه صراحه ولحد يقوول دور وبتحصل ياخذ له من برع وخلاص كان الله غفورً رحيما


./ ،/

وحتى انا قعدت مع بناات بنفسهم يقولون صراحه الواحد ياخذ له من برع احسن يعني بنفسهم يشهدون على ذا الشي .. /,

ونقطه ثانيه بعد .. لحد يقول سبب عنوسة الكثثير من القطريات زوااج الشباب من برع لا والف لا

والله العظيم شكثر بناااااااااااات اعرفهم عوانس ولا بيدخلون الثلاثين والسبه هذااا مب من ذي القبيله وهذاا مب اصل وهذاا ماعنده وهذاا شنو يشتغل وهذا وهذا وهذا ويطلعون فيه عيوب الدنيا
واعرف وحده تطلقت بس عشان مايقدر يسوي لها عرس معنه سوت حفلة خطوبه والله بفندق حفلة لا صارت ولا استوت !!! //

اذا جاك ذات خلق ودين فزوجوهـ.. !!/ / الحين محد يطالع بالدين والخلق
اهم شي مززيون وعنده فلووس وبيسفرني وبيلبسني ماركه وبيفكني منه امه ولا بقعد مع امهـ ./، ،×


/× /.


ما اقول غير الله يوفقك اخوووووووي ويستر عليك دنيا واخرهـ وانشالله تحصل بنت الحلال اللي تستر عليك
والله يسير امورك وامورررر كل الشباب المسلميين


:، (×
كانت معكم ,/ , محدتثكم اختكم الصغيرهـ رااقيـ ;p

[Right]

الله يعيينك ويعيين الشباب

[الغلا كله لك]

مقارنه بسيطه بين اثنين من ربعي

واحد تزوج من السعوديه عرسه ماكلفه 100 الف شامل كل شي

وواحد تزوج من الدوحه

مهر 100 الف شبكه 50 الف حفله خطوبه 20الف

العرس قاعة الحريم 80 الف خيمة الرجال + العشى 40 الف

غير الملحق يمكن كلف 80 الف تقريب

بس كلفه 370 الف العرس

الفرق بينهم 270 الف

محد يقدر يقول الا لاحول ولا قوة الا بالله

وعلى قولة الشباب الزواج شر لابد منه

[e7sas]

^^الزواج ماصار شر الا بسبه البشر الي عايشيين ينآظرون ويبون بس جمال وفلوس..

اختي راقيه صدقت بكل كلمه قالتها سبب العنوسه الكبيره في الدوحه البنت نفسها تعنس عشان هذا ماوفر لها المطلوب وياريت شي بالعقل شي خيالي..


غير هاي صارو شبابنا يتزوجون من برى هالشي مو عيب.. بس لحد يعترض اذا اغلب <<وركزوا ع اغلب أو البعض من اهالينا صاروا يتشرطون بكل شي وكل شي خيالي يكون..


بالتوفيق لك اخووي وان شاء الله تلقى بنت الحلال الي تسعدك وتسعدها,,


وربي يجبر بخاطركآ وبخآطر جمييييع الشباب

[(الفيصل)]

http://www.qatarshares.com/vb/showthread.php?t=430089

[الأصيلة]

مقارنه بسيطه بين اثنين من ربعي

واحد تزوج من السعوديه عرسه ماكلفه 100 الف شامل كل شي

وواحد تزوج من الدوحه

مهر 100 الف شبكه 50 الف حفله خطوبه 20الف

العرس قاعة الحريم 80 الف خيمة الرجال + العشى 40 الف

غير الملحق يمكن كلف 80 الف تقريب

بس كلفه 370 الف العرس

الفرق بينهم 270 الف

محد يقدر يقول الا لاحول ولا قوة الا بالله

وعلى قولة الشباب الزواج شر لابد منه

أنا أعرف وحده راحت ادور لولدها في السعودية
لعدم قدرتها على تكاليف العرس...
بس لما عرفوا أن المعرس قطري
حطوا الطلبات من مهر وشبكة وبيت وعرس...
المسكينة رجعت بخفي حنين...

[الجوكر90]

السلام عليكم
الشيخ بالغت وايد
لان اعرف وايد ناس ماعندهم مشكله لو تعطيهم 150 الف وكل شي عليهم
طبعا المهر والعرس من غير الشبكه

وعرس الريايل فخيمه الواجب ب19 الف مافي احسن منها


شوف الشيخ اذا تبي تتزوج بنت عرب او من عيله فلانيه لازم تدفع

بس في وايد بنات يقبلون بالقليل
واحد من الشباب دفع 75 الف للعروس مع كل شي لانها ( بدون )


وبالتوفيق

[بنت الطائي]

والله اللي مهرها فوق ال100 الف خلوها تخيس عند ابوها

في عوايل يبون الحشيمة

[بنت الطائي]

السلام عليكم
الشيخ بالغت وايد
لان اعرف وايد ناس ماعندهم مشكله لو تعطيهم 150 الف وكل شي عليهم
طبعا المهر والعرس من غير الشبكه

وعرس الريايل فخيمه الواجب ب19 الف مافي احسن منها


شوف الشيخ اذا تبي تتزوج بنت عرب او من عيله فلانيه لازم تدفع

بس في وايد بنات يقبلون بالقليل
واحد من الشباب دفع 75 الف للعروس مع كل شي لانها ( بدون )


وبالتوفيق

عفوا الجوكر انت قلت بنت عرب ................ لا اخوي انت غلطان مو بنت العرب اللي تطلب هالمبالغ ............................
اعرف بنت عرب على قولتك وابوها معروف ريلها عطاها مهر 70 الف

[$$$$$$]

الله يرزقك بنت الحلال الي تغنيك عن الناس
وابشر بالعانية وانا اخوك انت انو على الزواج وانا اول واحد بيعينك

ترك منك العالم الي تتكلم احنا بنشيل بعض

وصدقني لو ان المواطنين يوقفون مع بعض صدقني ما نعتاز لاي احد

[بوسلمان 2010]

الله يصبحك باالخير اخوي الكونغرس ترى اصابعك مو سوى وفي عوائل يرضون باالقليل علشان يسترون على

بنتهم اما الي يقول ابي مهر 200 الف اول شي هذا يبي يلتهك ويلته بنته لانها بتدفع ثمن سعادتها لانك بتم مديون


وشايل هم دينك وهذا طبعا بياثر بشكل كبير على حياتك مع زوجتك وانا عن نفسي والحمدالله ماكلفني الزواج


الكثير والحمدالله وهذا شي طيب والحمدالله والله يوفقك باالذريه الصلحه ويسر امورك باذن الله

[شعنونة قطر]

السلام عليكم


القطريه تتزوج غير القطري والدوله تعطيها أرض

يعني لاتخافون من العنوسه

[Qatarianes]

اعتقد اذا اهل المره والمره نفسها نيتهم الستر ومقتنعين فيك كريال زين
ماراح تدفع مهر وايد اعرف واحد تزوج وقالي المهر 30 الف لقناعة الاب فيه وقال مصاريف الحرمه والي تحتاجه للعرس بتكفل فيها انا
فتكاليف العرس ترا تعتمد والله على الزوج والزوجه وتفكيرهم مادي والخ

نصيحه تزوج مع اخوك ولد عمك او حتى واحد من ربعك,,لا تصير لي من طخة عيب وذي توفر الحين ترتاح عقب الزواج تصرف الحين تبتلش عقب الزواج كلن له عواقبه الزينه والشينه

[الجوكر90]

عفوا الجوكر انت قلت بنت عرب ................ لا اخوي انت غلطان مو بنت العرب اللي تطلب هالمبالغ ............................
اعرف بنت عرب على قولتك وابوها معروف ريلها عطاها مهر 70 الف

صحيح
خاني التعبير
مب شرط عيال عرب او حمايل بس الي اشوفه ان هم يطلبون اشيا وايده عشان النسب

[Bin Hood]

مب شرط المرأه وايد جميله - مب شرط جامعيه - مب شرط تشتغل

اخوي اذا حلوة اغلى يعني :weeping:

[Bin Hood]

الله يرزقك بنت الحلال الي تغنيك عن الناس
وابشر بالعانية وانا اخوك انت انو على الزواج وانا اول واحد بيعينك

ترك منك العالم الي تتكلم احنا بنشيل بعض

وصدقني لو ان المواطنين يوقفون مع بعض صدقني ما نعتاز لاي احد

الله يكثر من امثالك

والله يجزاك خير في الدنيا الاخرة

[BoAof]

والله مبالغ في كل شي اذا هاذي حسبتك ماقول الا الله يعين بنت الناس عليك
اخبر الرجال اللي يملي شروطه ماهي المره ولو بتسمع كلام الحريم وابي وابي وسولي ونفس فلانه
بتتم طول حياتك من دين لين دين
نسيت اذكر بشي هل البنت ما بيقولو اذا قصرت في شي تراه خذ سلفيه يوم تزوجها ومسكين ما نبي نثقل عليه
بتجيك المره تتشرط تقول عدو اللي قدامها من كثر الطلبات
وبكره بعد العرس لو كفو قصر في شي رايحه بيت اهلها وريلي مقصر وما يعطيني مصروف ههههههههههههههههههه

الخلاصه محد بيحس فيك عرس واثقل واعرف ان كل ماقلت التكاليف زاده البركه
ياما ناس عرسو بدون حفلات وبدون فشخره مالها معنا