15الف شهريا.....مليون.....كيف ......تفضل

[Diamond]

السلام عليكم ورحمة الله وبركاته

عندي استفسار بسيط واتمنى مشاركة الجميع..واتمنى ان تعم الفائده على الجميع
لو يوجد شخص اسمه فلان وعنده مليون ريال(1,000,000) وهالشخص يخاف من الاسهم ويخاف من العقار ..وفلان هذا يبي طريقه يشغل فيها المليون ويطلع له 15الف شهريا

راح البنوك ولقى اعلى فائده 6% يعني 60,000 الف فالسنه =5,000 شهريا وشاف انها ما تسوى...يشتري بيت بعد المليون ما تكفي او بيكون بيت صغير واجاره ما يتعدى 5,000
طيب شالحل؟؟؟

نود الاستماع لاراء جميع الاعضاء ..وبالذات اذا حد جرب وقدر يطلع 15,000 شهريا من مليون....

[شموخ دائم]

,

,


مرحبا


الله يبارك له في حلاله ويزيده يارب

اذا كان يخاف من الاسهم ومن العقارات من الاكيد راح يخاف من كل حاجه بالسوق
لان الافكار الثانيه فيها مخاطره اكثر

15 الف بالشهر ماعرف شنو سر الرقم هذا لان المشاريع
مانقدر نفصل الدخل الشهري على الرغبه
وعمر الارباح ما تكون ثابته من شهر الى شهر تختلف بالمشاريع العاديه
ماعدا العقار يكون الايجار ثابت ( ومعروف )

انا انصح صاحب المليون يدخل ( العقار ) لانه اقل مخاطر من كل المشاريع الثانيه
وكل المشاريع معرضه للخسائر بشكل فادح ماعدا العقار يقل ايجاره او ثمنيه
ويرجع يرتفع مع الوقت ويحتفظ بقوه راس المال واكثر

المليون ريال ( نضارب ) في الاراضي
نشتري في المناطق ما خلف العمران وبحدود مليون ريال
ونبيعها اذا قرب عليها البناء ورتفع سعرها ونبيعها
مليون و200

يكون الربح بحدود 16 الف شهريا اذا قسمنا الربح
200 الف على 12 شهر = 16

لكن الامور توافيق وارزاق من رب العالمين
وهذا االشي المهم الي على كل الناس تعرفه ممكن نربح 200 الف وممكن 300 الف وممكن الضعف
ويمكن الله سبحانه وتعالى مو مقدر لنا الربح بهذه الارض ونبيعها بنفس سعرها ويمكن اقل

:)

على الانسان يتوكل على الله ( ويصنع ) لنفسه الفرص
لو مادخلت على الارض ما صنعت لنفسي ( فرصه ) الربح

يجب على الانسان يتواجد في ( مكان ) يصنع لنفسه فرصه



,

,


اخوك


شموخ دائم

[MAZEN37]

تأجير المعدات الثقيله

[البدع]

تأجير المعدات الثقيله

هذا ماشي سوقه هاليومين

[Diamond]

,

,


مرحبا


الله يبارك له في حلاله ويزيده يارب

اذا كان يخاف من الاسهم ومن العقارات من الاكيد راح يخاف من كل حاجه بالسوق
لان الافكار الثانيه فيها مخاطره اكثر

15 الف بالشهر ماعرف شنو سر الرقم هذا لان المشاريع
مانقدر نفصل الدخل الشهري على الرغبه
وعمر الارباح ما تكون ثابته من شهر الى شهر تختلف بالمشاريع العاديه
ماعدا العقار يكون الايجار ثابت ( ومعروف )

انا انصح صاحب المليون يدخل ( العقار ) لانه اقل مخاطر من كل المشاريع الثانيه
وكل المشاريع معرضه للخسائر بشكل فادح ماعدا العقار يقل ايجاره او ثمنيه
ويرجع يرتفع مع الوقت ويحتفظ بقوه راس المال واكثر

المليون ريال ( نضارب ) في الاراضي
نشتري في المناطق ما خلف العمران وبحدود مليون ريال
ونبيعها اذا قرب عليها البناء ورتفع سعرها ونبيعها
مليون و200

يكون الربح بحدود 16 الف شهريا اذا قسمنا الربح
200 الف على 12 شهر = 16

لكن الامور توافيق وارزاق من رب العالمين
وهذا االشي المهم الي على كل الناس تعرفه ممكن نربح 200 الف وممكن 300 الف وممكن الضعف
ويمكن الله سبحانه وتعالى مو مقدر لنا الربح بهذه الارض ونبيعها بنفس سعرها ويمكن اقل

:)

على الانسان يتوكل على الله ( ويصنع ) لنفسه الفرص
لو مادخلت على الارض ما صنعت لنفسي ( فرصه ) الربح

يجب على الانسان يتواجد في ( مكان ) يصنع لنفسه فرصه



,

,


اخوك


شموخ دائم

الله يرحم والديك على الدعوه الطيبه...وان شاء الله سبحانه وتعالى استجاب لدعوتك وقال لك مثله يارب...
كلامك عين العقل ... فلان هذا دخل فالبورصه وخسر مره وربح مره والعقار غالي بالوقت الحالي و80% من الناس مو عارفين الاتجاه صعود ولا نزول...بس فلان لو لقى مشروع او اي شي يدخل عليه 15 الف شهريا من المليون اللي عنده راح يكتفي وينام مرتاح.

[Diamond]

هذا ماشي سوقه هاليومين

اي نعم اخوي البدع ماشي بس لاهله..تقدر تقول ماشي لناس وناس لاصحاب النفوذ..
بس صدقني اللي ماله باع طويل بهالمجال يعتبر اخطر مجال ..لانه كله نصب في نصب..
روح المحكمعه وشوف القضايه اغلبيتها تريلات ومعدات.

[Diamond]

افضل فرصه لقيتها في السعوديه ..المليون راح تبني لك عقار زين وحلو ويتاجر لين 10,000 بالذات لو تخلي الاجار شهر ..لان فالسعوديه دفع الاجار سنوي او كل ست شهور بس انت لو بتخلي الاجار شهري تقدر ترفع في قيمته الف او الفين وهالشكل راح تكون طلعت المليون ف تسع سنين ...اما بالنسبه لقطر لو تشتري عقار وتاجره المليون ما تجيب الا بيت حده يتاجر ب5,000 .

[][ iMedia ][]

اي نعم اخوي البدع ماشي بس لاهله..تقدر تقول ماشي لناس وناس لاصحاب النفوذ..
بس صدقني اللي ماله باع طويل بهالمجال يعتبر اخطر مجال ..لانه كله نصب في نصب..
روح المحكمعه وشوف القضايه اغلبيتها تريلات ومعدات.

عين العقل :victory:

[بوفصول]

يجرب العملات والذهب

[ولد شرق]

...اما بالنسبه لقطر لو تشتري عقار وتاجره المليون ما تجيب الا بيت حده يتاجر ب5,000 .

تسلم اخوي على النصيحه
اذا عندك بيت شاريه وجديد واجاره ب 5000 ولا عليكم امر ارسل رقمك لأني مستعد أخذه منك ب 6000

[Diamond]

تسلم اخوي على النصيحه
اذا عندك بيت شاريه وجديد واجاره ب 5000 ولا عليكم امر ارسل رقمك لأني مستعد أخذه منك ب 6000

المشكله مو في الاجار المشكله وين البيت اللي بمليون!!!

[srs]

مرحبا اذا ممكن تذكر اي تجربه للودائع من حيث النسبه والبنك

[الفكر الحر]

لم لا تفكر في سلسلة بقالات ( ولو صغيرة ) في أماكن متفرقة سيتجاوز دخلها الـ 15000 بالراحة وتكاليفها قد تكون أقل من مليون!

اللمهم لا تنسى أهم النصائح في التجارة

(( لا تضع البيض في سلة واحدة ))

[محاسب]

نسبة 15% ربح سنويا ,,, ثـــــــــــــــــابت......... في الوقت الحالي صعبه
على قدر ماتطمع في الربح على قدر ماتزيد المخاطر
شوف مثلا:
1-المضاربه في الأسهم هي الأخطر ممكن تحقق لك ربح عالي والعكس............. وراجع حركة صعود ونزول أي سهم من سنه وفترض لوكنت تملك السهم .......... كم ربحك لوضاربة صح؟؟ هذا بس في حالة لوتعلمت فنون التداول عل يد ممارس وخبير عنده سجل من الانجاز.
أخوي ربح عالي وأنت مرتاح ؟؟؟؟؟؟؟؟؟؟؟ واضح أنك تحب الراحه .. الله يحقق لك مرادك
------- شوري عليك :
تبدأ كحد أدنى بنصف النسبه الي تبيها ,, وبعدين تجتهد شوي وتفكر شلون تنمي هذي النسبه ,,,,, وعندي لك تجربة تاجر عقار
طال عمرك وعمر من يقرأ هذا التاجر شرا عقار بمليون وشوي ,, المهم إيحارة في السوق 8000 ... قعد يفكر ويخطط .. وأنتهى إلى أنه يعدل المبنى بحيث أنه يصلح يسكن فيه أربع عوائل ... في البدايه كانت المشاكل وايد ,, المدخل,,, الكهربا ,, الماء,, حمامات ماتكفي ,, المطبخ وووووو الخ ,,,,,,,,,,,,,,,,,,,,,في النهايه عانه الله و سواها
وأجر لكل عائله 3500 ري.. هذا اسلوب مافيه تعب مثل المشاريع الي تتعامل فيها مع الجمهور....
والله يوفقك ,,,,,,,,,و راجع توقيعي

[saeed2005]

ناس عندها مليون ومش قادرة تطلع منه 15 ألف وناس عندها 15 ألف وتطلع منها مليون سبحان مقسم الأرزاق

[البدع]

ناس عندها مليون ومش قادرة تطلع منه 15 ألف وناس عندها 15 ألف وتطلع منها مليون سبحان مقسم الأرزاق

في اثناء الطفرة .... كلامك سليم

اما الان فمن المستحيلات

[مضارب مستثمر]

عندي طريقه تطلع منها 12000 شهريا,,:nice:,,

تبيها ,,,:),,

طيب كم بتدفع مقدما علشان تستفيد منها,,,:omen2:,,,

[المعضادي]

يا اخوي اسمع نصيحه ولا تزعل مني :)

إذا كان تفكيرك بهالطريقه انصحك لا تروح وتحاول في شيء ، لانك من اول ضربه بيصيدك

انهيار عصبي ( الله لا يقوله ان شاء الله )

التجارة لها معنى حطه في بالك عدل وانا اقولك كيف = ربح وخسارة فانت مب لازم تحط ربح

وبس ، الا لازم عليك انك تحط في بالك الخساير المتوقعه والمدة اللي تقدر اتعوض فيها

وتعرف متى خط الرجعه والاهم من انك اتاجر لازم تحاول في شيء تحبه وانت تكون فاهم فيه

وتقدر تتحكم في مصاريفك . مب اي شخص يدير لك الحلال وانت ماتعرف شيء عنه .

إذا ماقدرت اتحقق هذي المعادلة مالك الا وديعه في البنوك الاسلامية وبس وتمشي على قاعدة

قليل دائم خير من كثير منقطع

وانا قبل لا اربح ولله الحمد خسرت خساير واجد مب شوي وعلى فكرة ماكنت املك الكثير

بس على الاقل قلت في نفسي يا انا يا شركتي وبفضل الله وبعد صبر 12 سنه اقدر اقولك

اني صرت املك شركة ماراح اقولك اني ربحان فيها وبس الا اعرف فيها كل شيء من كل ورقة

وريال يدخل الرصيد وصدقني شل من قلبك الخوف وتوكل على الله وانوي خير وخل باسك شديد

ومثابر وصدقني انك بتشوف الخير يهل عليك من كل طريق .

بس اول شيء تعلم ايش اتاجر فيه وتوقع مساوئه قبل حسناته واعرف اسراره وحبه وبتشوف

التوفيق

والله يوفقك .

[saeed2005]

في اثناء الطفرة .... كلامك سليم

اما الان فمن المستحيلات

صدقني أخي البدع ليس مستحيلا البتة لا الآن ولا من قبل بشرط ليس وجود الطفرة ولكن وجود الفطرة التجارية والخبرة المصقولة وليس ركوب مجال التجارة دون خبرة ولا موهبة .

[البدع]

صدقني أخي البدع ليس مستحيلا البتة لا الآن ولا من قبل بشرط ليس وجود الطفرة ولكن وجود الفطرة التجارية والخبرة المصقولة وليس ركوب مجال التجارة دون خبرة ولا موهبة .

15 الف ... الى مليون ........... مستحيل

15 الف ماتكفيك تاجر محل

ولا خلو

ولا حتى تفتح سجل تجاري

واما البورصة فحدث ولا حرج

والمناقصات يقول لك ابي خبرة 7 سنوات في نفس المجال

والعملات مخاطرها عالية و 99 في المئة افلسوا او خسروا وهربوا بما تبقى

صعبة

[Diamond]

ناس عندها مليون ومش قادرة تطلع منه 15 ألف وناس عندها 15 ألف وتطلع منها مليون سبحان مقسم الأرزاق

اخوي كلامك صحيح بحالتين..
1 -الشخص اللي تتكلم عنه شاري ارض ب15,000 بداية التسعينات وباعها 2008 بمليون او شاري اسهم من الاكتتاب نفس المصرف او الدولي الاسلامي وباع بمليون طبعا ايام اللعبه اللي كانت صايره فالبورصه...

2- الشخص اللي تتكلم عنه اذا فالوقت الحالي يطلع مليون من 15,000 هذا اكيد قارون يشتري تريبات رمل ويحولها ذهب ويبيع...

حدث العاقل بما يعقل اخووي

[Diamond]

لم لا تفكر في سلسلة بقالات ( ولو صغيرة ) في أماكن متفرقة سيتجاوز دخلها الـ 15000 بالراحة وتكاليفها قد تكون أقل من مليون!

اللمهم لا تنسى أهم النصائح في التجارة

(( لا تضع البيض في سلة واحدة ))




اخوي مشروعك حلوو ولو ان عندي مشاريع وايد قويه ودارسه وسافرت وشفت اسعار الاستيراد ..واقدر ابيع بالضعف ثلاث او اربع مرات وبعد بكون ارخص من الاسعار الحاليه الموجوده من قطر ...بس انا لين الحين مو مقتنع بفكرة اني اخذ محل باب واحد قووطي بدون سكن العمال ب10,000 شهريا....والله ياخوي لو الدوله تبي تدعم الاسعار وتبي الشعب القطري يعتمد على نفسه خل يسون لنا محلات ويكون الاجار رمزي وبتشوف المشاريع وبتشوف الاسعار التنافسيه

[Diamond]

نسبة 15% ربح سنويا ,,, ثـــــــــــــــــابت......... في الوقت الحالي صعبه
على قدر ماتطمع في الربح على قدر ماتزيد المخاطر
شوف مثلا:
1-المضاربه في الأسهم هي الأخطر ممكن تحقق لك ربح عالي والعكس............. وراجع حركة صعود ونزول أي سهم من سنه وفترض لوكنت تملك السهم .......... كم ربحك لوضاربة صح؟؟ هذا بس في حالة لوتعلمت فنون التداول عل يد ممارس وخبير عنده سجل من الانجاز.
أخوي ربح عالي وأنت مرتاح ؟؟؟؟؟؟؟؟؟؟؟ واضح أنك تحب الراحه .. الله يحقق لك مرادك
------- شوري عليك :
تبدأ كحد أدنى بنصف النسبه الي تبيها ,, وبعدين تجتهد شوي وتفكر شلون تنمي هذي النسبه ,,,,, وعندي لك تجربة تاجر عقار
طال عمرك وعمر من يقرأ هذا التاجر شرا عقار بمليون وشوي ,, المهم إيحارة في السوق 8000 ... قعد يفكر ويخطط .. وأنتهى إلى أنه يعدل المبنى بحيث أنه يصلح يسكن فيه أربع عوائل ... في البدايه كانت المشاكل وايد ,, المدخل,,, الكهربا ,, الماء,, حمامات ماتكفي ,, المطبخ وووووو الخ ,,,,,,,,,,,,,,,,,,,,,في النهايه عانه الله و سواها
وأجر لكل عائله 3500 ري.. هذا اسلوب مافيه تعب مثل المشاريع الي تتعامل فيها مع الجمهور....
والله يوفقك ,,,,,,,,,و راجع توقيعي

ابشرك الشهر اللي طاف ضربت ضربه حلوه فالبورصه ولله الحمد...صار لي فتره وانا اضرب ضربات محترمه بس مو بشكل يومي اواسبوعي او شهري ...الكاش مخليه بالحساب ومتى ما صار هبوط حاد فالبورصه شريت وكم يوم وردت الاسعار وابيع وبس واسكر الشاشه ...العام كنت حاط الاجاره تحت المراقبه وهالسنه المواشي والرعايه :tease:,,,,,لكن بعد اخوي البورصه عمرها ما كانت مدخول شهري

[Diamond]

يا اخوي اسمع نصيحه ولا تزعل مني :)

إذا كان تفكيرك بهالطريقه انصحك لا تروح وتحاول في شيء ، لانك من اول ضربه بيصيدك

انهيار عصبي ( الله لا يقوله ان شاء الله )

التجارة لها معنى حطه في بالك عدل وانا اقولك كيف = ربح وخسارة فانت مب لازم تحط ربح

وبس ، الا لازم عليك انك تحط في بالك الخساير المتوقعه والمدة اللي تقدر اتعوض فيها

وتعرف متى خط الرجعه والاهم من انك اتاجر لازم تحاول في شيء تحبه وانت تكون فاهم فيه

وتقدر تتحكم في مصاريفك . مب اي شخص يدير لك الحلال وانت ماتعرف شيء عنه .

إذا ماقدرت اتحقق هذي المعادلة مالك الا وديعه في البنوك الاسلامية وبس وتمشي على قاعدة

قليل دائم خير من كثير منقطع

وانا قبل لا اربح ولله الحمد خسرت خساير واجد مب شوي وعلى فكرة ماكنت املك الكثير

بس على الاقل قلت في نفسي يا انا يا شركتي وبفضل الله وبعد صبر 12 سنه اقدر اقولك

اني صرت املك شركة ماراح اقولك اني ربحان فيها وبس الا اعرف فيها كل شيء من كل ورقة

وريال يدخل الرصيد وصدقني شل من قلبك الخوف وتوكل على الله وانوي خير وخل باسك شديد

ومثابر وصدقني انك بتشوف الخير يهل عليك من كل طريق .

بس اول شيء تعلم ايش اتاجر فيه وتوقع مساوئه قبل حسناته واعرف اسراره وحبه وبتشوف

التوفيق

والله يوفقك .

اخوي حرام عليك وين ابي الراحه....تصدق يالمعضادي ان من اول راتب استلمته سنة 2003 بديت اتاجر ...واذا الخبره بالضربات انا برفسور عيل...من البورصه الى التريلات الى السيارات الى ارقام السيارات الى محل عبي الى مجوهرات وساعات...وطبعا حالي كحال الشعب القطري النكسه كانت فالبورصه والتريلات اما المشاريع الثانيه تعبت فيها بس لا ربحت ولا خسرت والحمدلله على كل حال..

[المعضادي]

اخوي حرام عليك وين ابي الراحه....تصدق يالمعضادي ان من اول راتب استلمته سنة 2003 بديت اتاجر ...واذا الخبره بالضربات انا برفسور عيل...من البورصه الى التريلات الى السيارات الى ارقام السيارات الى محل عبي الى مجوهرات وساعات...وطبعا حالي كحال الشعب القطري النكسه كانت فالبورصه والتريلات اما المشاريع الثانيه تعبت فيها بس لا ربحت ولا خسرت والحمدلله على كل حال..

يارجال طول بالك اخوك هبط من مليون الين اقل من النص ، ولكن الحمد لله سنتين وانا ارقع
الوضع ومازادني الا اصرار ، وبفضل الله كل شيء رجع نفس الاول واحسن :nice:
البركة فيك والاخوان ، ماراح اقولك انا فلته بس صدقني كانت عندي قناعه اني مثل ما وصلت
المليون فأقدر اوصلها للمرة الثانية ومالك في الطويلة ، حطيت هدف بين عيوني وقلت لازم
اوصل له وحطيت مدة معينه له وقلت إذا وصلت ربع المبلغ في هالمدة باكون وحش وبالبركة
والنية وصلت بس اهم شيء حط الثقة في نفسك وصدقني بتشوف خير

وقول وقتها المعضادي قال والله يوفقك والاخوان معاك

[مشتاقة لقطر]

الله يبارك لكم

[فيصل الشمري]

تشتري لك محلات وتأجرهم
عادي لو برا الدوحة او بالمناطق البعيده
واذا احتجت بعهم

[المريش]

السلام عليكم

أخوي أيام الطفرة كانت ذهب ولأننا للأسف كنا مبتدئين، ما حسبنا حساب النكسات
أيام الطفرة جربت أشياء كثيرة من النقليات والبورصة إلخ ولكن عندما أتت الأزمة الإقتصادية أخذت الأرباح مع بعض رأس المال.

أخوي التجارة لابد لها من مخاطرة واللي يبي الربح والثراء لابد له من الصبر وخوض التجارب مع استشارة اهل الخبرة، بالإضافة أنه ما يدخل إلى اي مشروع الا بعد عمل دراسة جدوى.

أخي الكريم لة قرأنا عن سير أصحاب الملايين، لعجبت من صبرهم وكم تعرضوا من خسائر أو عقبات ولكن مع الاصرار اصبحوا على ما هم عليه.

ترا في قطر فرص كثيرة للإستثمار ولو طرقنا بعض الدول المجاورة لوجدنا عندهم ما ليس عندنا ولوجدنا افكار ببلاش، ولكن تحتاج الخبير الذي يدخل معك شراكة والذي يكون له الباع الطويل والخبرة لإنجاح المشروع وطق من المدعيين.

أنا نصيحتي لك في الأخير ، ما لك إلا الستثمار في العقار، سواء بناء أو أراضي، لو لاحظنا خلال الست أشهر السابقة الأراضي ارتفعت اسعارها، واكد لك هذا الشي من واقع خبرة لأني كنت ادور ارض اشتريها ويوم حصلت طلب كان فارق السعر من بديت ادور لين شريت اكثر من 200,000، وبع ما شريت حصلت ربح تقريبا 150000، بس الأرض شاريها للبناء.

ومع ذلك لابد من استشارة من لهم خبرة بالعقار وبالتوفيق

[woalf]

ومنكم نستفيد او انخاف مادري

[محمد الجفيري]

عطني المليون وانا بعطيك كل شهر 15 ألف :] طبعا المليون مابترجعلك هاهاهاهاهاهاي

[HiTec]

افضل فرصه لقيتها في السعوديه ..المليون راح تبني لك عقار زين وحلو ويتاجر لين 10,000 بالذات لو تخلي الاجار شهر ..لان فالسعوديه دفع الاجار سنوي او كل ست شهور بس انت لو بتخلي الاجار شهري تقدر ترفع في قيمته الف او الفين وهالشكل راح تكون طلعت المليون ف تسع سنين ...اما بالنسبه لقطر لو تشتري عقار وتاجره المليون ما تجيب الا بيت حده يتاجر ب5,000 .

اخوي مو ضروري في قطر صح؟؟

ومثل ماقلت ع السعودية،، ممكن تستثمره في مكة هناك العقارات كلش رخيصة
وتكسب الأجرين :)

وحسب ماسمعت يمكن في تركيا مسموح الاستثمار العقار
وممكن في العراق،/ كردستان العراق :shy::shy:

[ام خويلد]

اخوي خلك في تجارة العقارات كبيع وشراء في الاراضي لان العقار يمرض بس مايموت ،وكذلك عندك التجارة بالذهب كشراء سبائك ذهب وبعدها بفترة ترجع تبيع