مهم الرجاء من كل مستخدم سيارة ان ينتبة لهذا الامر

[khalid-qtr]

شريت سيارة من سنة تقريبا ومشيت فيها اكثر من 70 الف كيلومتر استغربت يوم رحت شركة عبدالغني الفني الي هناك قال لي لازم تغير زيت الغير ( زيت ناقل الحركة ) استغربت قلت لة ليش اغيرة قال هو كل 70 او 80 الف كيلو متر يتغير
حسيت بشي غلط رجعت البيت ودشيت اقراء في الانترنت عن هذا الموضوع لني اعرف انة زيت الغير مش مثل زيت المكينة يتحرك ويدور ويسخن ويبرد وتقل كثافتة يصير مثل الماي لنة زيت الغير مسكر علية بس يساعد في تسهيل حركة تروس الغير حتى لا يكون هناك احتكاك وصعب انة يسخن ممكن انك تزيدة لو نقص بس لكن تغيرة هذا خطاء المهم قريت ايضا انك تغيرة في حالة لو حسيت انة الغير فية صوت والمعروف انة البمب في الغير فية مبرد حق الايل والمعروف انة سيارات السباق يغيرون ايل الغير ليش بسبب انهم الحركة القوية الي تصير للغير والتبديل يعني الدعس يأثر على ايل الغير على مسافة قصيرة وقريت هذا الموضوع وحبيت انقلة لكم للفائدة والله اعلم...

http://www.ehow.com/decision_6973933_should-oil-high-mileage-car_.html

ويليت لو حد من الاخوان يفيدنا هل بالفعل ايل نقل الحركة (الغير) لازم يتغر او لا ؟

[شيط ويط]

اخوي الفني ما كذب .. اللي اعرفه انه ايل القير يتغير كل سنة مره .. ولو حسبتها 80 الف كم تمشيها في سنه بالنسبة للمتوسط اذا مب اقل

[مناحي السادس عشر]

طبيعي اخ خالد من الخمسين للثمانين الف كيلو يتغير
تسلم عالمعلومه والتنبيه

[أسير الاسهم]

انا اخبر كان يتغير زيت القير الاوتوماتيك على 40 ألف كيلوو .. ام الموديلات الجديده صارو يغيرونه على 80 ألف ,, انا عن نفسي ما عندي خلفيه عن السبب في التغيير .. قالوا لي غيره على هالوقت وغيرته

أن شاء الله الشباب يفيدوننا

[سوق واقف]

كل خمسين مرة يكون احسن

[hamoor4ever]

اي يتغير اخوي ، الجديد ع كلام الوكاله كل 80 الف ، بس بدله قبل انا بدلته قبل ال 80 في المره الاولى والمره الثانيه مشيت فيه تقريبا فوق ال 60 او قريب السبعين بس حسيت تبديلاته بدت تخبط شوي يوم وديته قال لي الزيت وايد تعبان مع انه ماكمل 80 الف يعني على حسب استخدامك للموتر وانه حاكه بالسفر مهم يوم بدلت الايل اموري تمام ومافيه شي ، اللي اقصده بدل الايل على الستين او السبعين علشان امورك تكون في السليم ، اما اللي مايحتاج تبديل هو الجير العادي

[Stars]

لغير مافيه مشكلة لو بتغيره غيره براحتك بس الدفريشن اللي مايتغير انتبه

[قطريه ماركه]

شكرا ع التنبيه .......