عيب يا موظفات معهد النور

[حقــبان]

السلام عليكم ورحمة الله و بركاته

انني اتعجب من المستوى المتدني الذي وصلت اليه بعض الموضفات اللتي يشغلن مناصب الاستقبال و التحدث مع الزوار في معهد النور التابع للشفلح

ذهبت قريبه لي للتقدم بوظيفه في المعهد فقابلتها موظفه للاستقبال وعند سؤال قريبتي للموظفه عن مميزات العمل و طبيعه العمل خصوصا انه يخدم شريحه ذوي الاحتياجات الخاصه

ردت الموظفه لقريبتي " اختي انا ما عندي وقت ارد عليج ,, اللي جابج هالمكان و قال لج عنه اكيد قال لج عن كل مميزاتنا!"

هل هذا اسلوب او رد موظفه ترد به على متقدم لوظيفه ؟

هل من حقي كموظف معرفه طبيعه العمل و مميزات العمل قبل التقدم بالوظيفه ؟؟

[حصه20007]

في ناس ما تستحي
بس عليك بها اشتكي عند المديرة وربي انسااانة راائعة

[حقــبان]

كانت تبي تروح للمديره العامه لكن الموظفه الفاضله كلمت السكيورتي علشان يمنع قريبتي ماتروح للمديره العامه ..

المبكي المضحك ان موظفه اخرى حاولت قرأة السيره الذاتيه بالانجليزي وردتها على قريبتي الظاهر ماكانت عارفه تقرى و مافهمت شنو المؤهلات

حسبي الله و نعم الوكيل لكل من اراد احتكار وضيفه لقريب اوصديق

[ام السعف]

بشكل عام ،، هناك كثيرات او كثيرين يفتقدون الى فن التعامل مع الآخرين،،

وملاحظة جدا انكثيرات من القطريات يتعاملون مع المراجع كأنه داش يطر من عندهم
وان الوظيفة هذي ملكها الخاص ويحق لها ان تتصرف مع المراجع بالطريقة التي تتناسب
مع مزاجها ،،

مرة من المرات اتصلت على جهة رسمية ،، وموظفة الاستقبال سوء في التجاوب
والرد على المكاملة ،، ومب مرة ولا 2 ولا ثلاث ،،
قلت لها لو سمحت شسمج انت ؟ قالت لي ليش ؟ قلت لها بشتكي عليج الحين،،
قالت لي روحي اشتكي ،، والله ما خليت يومي يمر الا يوم وصلت لمديرها وردودها اللي اتيي عقبها بفترة صوت توت توت توت من غير ما تقول شكرا او مع السلامة او اسمحي لي ،
وقلت له وهذا مب اسلوب ترد فيه على الناس ،، اقل شي تاخذ
دورة مب ترضخ السماعة في ويهي وتقول لي شاسوي فيج ؟

اذا يوم وصلت للمدير كلمني بكل احترام ورد علي بكل أدب هي موظفة استقبال
المطلوب منها تحويل المكالمات والرد على بعض الاستفسارات الخاصة بتحويلات
الموظفين ،،

قال لي الحين راح اشوف الموضوع ،،

وفي جهة حكومية خدمية ،، دخلت على موظفة من لهجتها قطرية ،، عشر دقايق وهي
تسولف مع وحدة في جوالها وتتكلم عن مواعيد زيارات وولادة ومب عارفة وشو ،،
لين قلت لها لو سمحت نطرتج بما فيه الكفاية ،، سكرت الجوال،، واشوي بتقول لي اطلعي برع
بس امسكت نفسها،، خلصت المعاملة ،، كنت ناطرة منها بس نفس صغير على طوول اروح
اشتكي عليها علشان تتعلم اشلون تتعامل مع الناس،،

صيدلية حمد،، هناك دكتورة اتخيس النفس ،، وعقبها حولتني على وحدة
ما اتعرف طبيعة شغلها ،، و عصبية في الرد والأخذ و العطا ،، على طوول سألت وين مكتب المسؤول؟
قالوا لي هناك ،، دخلت قلت له موضوعي كيت وكيت وكيت ،، الطبيبة الفلانية
ردت علي بعصبية ،، بالفعل مسؤول محترم ،، على طوول يابها جدامي ،، قال لي هذي
قالت له ايه ،، قال لها شسالفة قالت هذي ياية وهي مالها حق ومب عارفة ايش؟
قال لها انت من قال لج مالها حق ،، قالت المفروض ،،عطاها درس وهزها هز
قال لها الحين تصطحبينها واتخلصين لها معاملتها وتصرفين لها اللي تبيه،،
اعتذرت مني يوم درت انها على خطأ ومن يومها مجرد ما اتشوفني اتشق الحلج ،،

في موضوع اتروحون للمسؤول على طوول ،، الكتابة في المنتديات مب حالة المشاكل

[حقــبان]

بشكل عام ،، هناك كثيرات او كثيرين يفتقدون الى فن التعامل مع الآخرين،،

وملاحظة جدا انكثيرات من القطريات يتعاملون مع المراجع كأنه داش يطر من عندهم
وان الوظيفة هذي ملكها الخاص ويحق لها ان تتصرف مع المراجع بالطريقة التي تتناسب
مع مزاجها ،،

مرة من المرات اتصلت على جهة رسمية ،، وموظفة الاستقبال سوء في التجاوب
والرد على المكاملة ،، ومب مرة ولا 2 ولا ثلاث ،،
قلت لها لو سمحت شسمج انت ؟ قالت لي ليش ؟ قلت لها بشتكي عليج الحين،،
قالت لي روحي اشتكي ،، والله ما خليت يومي يمر الا يوم وصلت لمديرها وردودها اللي اتيي عقبها بفترة صوت توت توت توت من غير ما تقول شكرا او مع السلامة او اسمحي لي ،
وقلت له وهذا مب اسلوب ترد فيه على الناس ،، اقل شي تاخذ
دورة مب ترضخ السماعة في ويهي وتقول لي شاسوي فيج ؟

اذا يوم وصلت للمدير كلمني بكل احترام ورد علي بكل أدب هي موظفة استقبال
المطلوب منها تحويل المكالمات والرد على بعض الاستفسارات الخاصة بتحويلات
الموظفين ،،

قال لي الحين راح اشوف الموضوع ،،

وفي جهة حكومية خدمية ،، دخلت على موظفة من لهجتها قطرية ،، عشر دقايق وهي
تسولف مع وحدة في جوالها وتتكلم عن مواعيد زيارات وولادة ومب عارفة وشو ،،
لين قلت لها لو سمحت نطرتج بما فيه الكفاية ،، سكرت الجوال،، واشوي بتقول لي اطلعي برع
بس امسكت نفسها،، خلصت المعاملة ،، كنت ناطرة منها بس نفس صغير على طوول اروح
اشتكي عليها علشان تتعلم اشلون تتعامل مع الناس،،

صيدلية حمد،، هناك دكتورة اتخيس النفس ،، وعقبها حولتني على وحدة
ما اتعرف طبيعة شغلها ،، و عصبية في الرد والأخذ و العطا ،، على طوول سألت وين مكتب المسؤول؟
قالوا لي هناك ،، دخلت قلت له موضوعي كيت وكيت وكيت ،، الطبيبة الفلانية
ردت علي بعصبية ،، بالفعل مسؤول محترم ،، على طوول يابها جدامي ،، قال لي هذي
قالت له ايه ،، قال لها شسالفة قالت هذي ياية وهي مالها حق ومب عارفة ايش؟
قال لها انت من قال لج مالها حق ،، قالت المفروض ،،عطاها درس وهزها هز
قال لها الحين تصطحبينها واتخلصين لها معاملتها وتصرفين لها اللي تبيه،،
اعتذرت مني يوم درت انها على خطأ ومن يومها مجرد ما اتشوفني اتشق الحلج ،،

في موضوع اتروحون للمسؤول على طوول ،، الكتابة في المنتديات مب حالة المشاكل

انا معاك الكتابه في المنتديات ليست حل

لكن ماذا تعملين عندما تمنعين بالقوه من مقابله المدير العام

[ام السعف]

انا معاك الكتابه في المنتديات ليست حل

لكن ماذا تعملين عندما تمنعين بالقوه من مقابله المدير العام

تحاول مرة مرتين ثلاث،، وتحاول تتصل في المديرة بأي طريقة ،،

[الهلي]

موظفات اخر زمن

[جبل]

السلام عليكم ورحمة الله وبركاته

اخوي جزاك الله خير على طرحك للموضوع

انا معاك ان فيه ناس وايد في مؤسسات حكومية هذا اسلوبهم

بس مب معاك انك تجمع كل موظفات معهد النور تحت كلمة عيب !!

كان المفروض تتخير لموضوعك عنوان احسن من هالعنوان !!

فيه منا لهم شوفات يشتغلون في هالمكان وما نرضى ينحطون تحت كلمة عيب !

ياريتك حددت الموظفه اللي استقبلت قريبتك بمسمى وظيفتها مب تجمع بنات الناس كلهم !

وبعدين اللي اعرفه هم توهم ناقلين للمبنى الجديد وعليهم ضغط شديد يعني مب غلط ان ندور لهم العذر ولو ان هذا ما يسمح لها بأنها تكلم الناس بطريقة مب مهذبه بس نصير احسن منها وندور لها العذر ,,!!

عموما حتى لو طلبت تقابل المديرة ما اعتقد بتوافق انها تقابلها !

كان المفروض انها تطلب تقابل مدير الشئون الادارية والمالية ..


تحيتي لك ولطرحك للموضوع

[بـــــــنت النوخـّــــذه]

السلام عليكم ورحمة الله و بركاته

ردت الموظفه لقريبتي " اختي انا ما عندي وقت ارد عليج ,, اللي جابج هالمكان و قال لج عنه اكيد قال لج عن كل مميزاتنا!"

هل هذا اسلوب او رد موظفه ترد به على متقدم لوظيفه ؟

هل من حقي كموظف معرفه طبيعه العمل و مميزات العمل قبل التقدم بالوظيفه ؟؟

عليكم السلام 000 انا للامانه ماعرف عن تعامل الموظفات في ذلك المكان ولكن بشكل عام وبصرف النظر عن المكان 00

سؤال اختي انتي سكتي ومشيتي ؟؟؟؟

اختي هذي موظفه وظيفتها تجاوب على اسئلتج واذا ماجاوبت فيه مديره تدخلين لها انا اتمنى اي حد يواجه نفس المشكله لايمشي يوقف يستفهم عن الوضع هل هذا متحف للشمع ولا ناس بشر فيهم روح 00يتلكمون 000

من حقج ونص ليتني والله مكانج كان قلت لها باسلوب محترم حياج اختي ثواني جدامي عند المدير العام 00وعادي تتمين ساكته طول الطريج لاتكلفين على عمرج 00

سلام (ن) عليكم:)0

[.Q a T a R.]

كل اناء ينضح بما فيه

[شيط ويط]

التمس لها العذر يمكن ما كانت في (المود) ذيك الحزه .. عشان كذا كان ردها (ينرفز) و(جاف) اشوي

[^NoOOoR^]

احسن شي الضرب عالحديد وهو حار
نفس الشي مع اختي .. كان عندها موعد في مستشفى خاص بلفيت انه مستشفى راقي .. دكتور الباطنية حولها لدكتور القلب تسوي تخطيط .. شافت ان الدكتور تأخر مع المريض اللي داخل والساعة قربت على الوحدة .. راحت تتوضا .. ولما ارجعت الا تشوف الدكتور يقفل غرفة الكشف والساعة وحدة الا دقايق
قالت له دكتور ابي اسوي تخطيط ..قالها تعالي العصر..قالت له ماقدر العصر..وطنش لها وراح ..راحت اختي عند الاستقبال والمموالممرضة تلحقها واسالت عن مكتب الشكاوي وراحت واشتكت على الدكتور ولما اتصلوا على جواله لقوه مسكر .. الموعد الجاي اختي بتوصل الشكوى للراس العود في المستشفى

[مشتاقة لقطر]

حركات تجيب الضغط ..

[حليتان*]

التمس لها العذر يمكن ما كانت في (المود) ذيك الحزه .. عشان كذا كان ردها (ينرفز) و(جاف) اشوي

يمكن البي بي مافيه شرج !! :anger1:



المفروض الموضفين الي يتواصلون مع الناس يكونون حاصلين على دورة في فن التعامل

لان في ناس مش متربيه في بيوتها ولازم يتربون او يبينون للناس انهم محترمين :)

[MAZEN37]

قبل اسبوع استفسر من موظفه على كاونتر في مبنى البريد تخيلوا انها سوت نفسها ما تسمعني
وكأني غير موجود قدامها - قولي شتسوي ؟
سألت موظفه ثانيه وساعدتني الله يساعدها دنيا واخره
في بعض الناس نفوسهم مريضه

[قطر دزاين]

الشفلح ما اشوف فيه الا اهل الشام ما اشوف اهل قطر علمآ ان فيه ناس عندهم القدره على العطاء المتواصل
والشيخة موزه حفظها الله ما قصرت بحقوق ذو الاحتياجات الخاصه لو منها وجهت رساله للاداره العليا بشكوى
والله لو كل قطري قام بواجبه وشتكى على اي نقص مره ومرتين وثلاث ما شفت ها الاشكال ترد عليك بها الطريقه وانت ابن البلد حتى لو كا قطري او قطريه
فيه سلوب التعامل وله دورات ها الاشكال لازم تمر بها الدوره اول شي

[نورالهدى]

لاحول ولاقوة إلا بالله العلي العظيم
انا لو مكانك
اعرف اسم الموظفه وأوصل للمدير بأي شكل
الناس مش لعبة

[MaRuKoO]

موظف او موظفة الاستقبال او في مكان يخدم عملاء او مراجعين لازمتتحلى بالأدب والحترام وطولة البال وسعة الصدر هذا شيء مفروغ منه ماليه اختيارات واجباري ولاتقعد فبيتهم

[خفوق]

وش تقول ولا وش تخلي قسم بالله أشكال تسد النفس
أما تلاقي الموظفه مخيسه النفس ولا ترضع التلفوون واذا كلمتها مده بوزها
مادري وش بيصير في اي موظف اذا ابتسم
قطيييعه

[تحداني]

في ناس صج ما تستحي
يفكرون المراجعين جايين يطرون من عنده او من عندها
اسلوب من العصر الحجري
وبدون ذوق واحترام وطوله إلسان


هالناس مافي حل معاهم الا ان الشخص يوقفهم عند حدهم
ويعلمهم ان طوله الالسان ما يبيله شي


في وايد اماكن تلقين من هالاشكال


جملك الله برضى الرحمن

[miss.qa]

استغفر الله العظيم بس اقوووووووووووووول ... هذيلا الناس متى بيرتقون بتصرفاتهم ولين وضفوا اجنبيات مكانهم قالو ليش مايوظفونا احنا واحنا اولى ...شوووووووووفي نفسج انتي اول يابنت البلد شوفي سلوكياتج وطبايعج ترا محد جابرج عالوظيفه قعدي ف بيتكم اف احتريت

اختي روحي اشتكي عليها ماعليج من اي احد

[باسكن روبنز]

اساس التعامل مع الجمهور مايبيله آداب كثر ماهو (تربيه) في البيت والتعامل الطيب هو الأساس ،

المفروض تردين عليها بآبتسامه تقولين لها مب كآنه عيب؟ ونرفزيها خليها هي آلي تطلب لج المديره ههههه ،