التقييم ممكن يتغير بس للسوء وليس للافضل !!؟؟

[wadha-qa]

السلام عليكم

انا اليوم انصدمت لما قالوا لي ان التقييم اللي شفته مب نهائي
حتى ما خلوني اوقع عليه ولا اقرا الملاحضات اللي كاتبينها قالوا بيتم الاجتماع مره ثانيه
الحين السؤال
لو غيروا تقييمي للاسوء شسوي ؟ و هل فيه طريقه تضمن حقي لانهم قالوها بصريح العباره عادي ممكن نحول البعض لجيد و مقبول !!!!!!

[بـــــــنت النوخـّــــذه]

في اجتماع صار لجميع المدراء بالدوله بالنسبه للتقاييم
لان كثير موظفين انظلمو بسبه قانون الموارد البشريه للتقيم وتوهقو المدراء بتوزيع التقييم
بالنسبه لوضعج والله مادري الحين بعد الانتفاضه الي صايره بالنسبه للتقييم اتبعو طريقه ان الي له ترقيه هو فقط من يحصل على جيد جدا او امتياز والباقي جيد ولما يجي دورهم بالترقيه بياخذون الجيد جدا او الامتياز 00 طبعا هي حسبه ظالمه 100% ولكن هذي اعذار المدراء
وضعج مادري عنه اذا مالج ترقيه احتمال يشلون التقييم وينزلونج ويعطون موظف احق بالترقيه طالما التقرير بالرصاص هذا ظلم صح ولكن انتي لاتستعجلين الامور نطري يمكن يثبت تقييمج ساعات بس يقولون جذيه عشان لاتصير بلبله وفي الحقيقيه التقييم ثابت والله يوفقج

[متواصل]

لو يتعاملون مع تعاليم الدين والقرآن
مثل ما يتعاملون مع القوانين " الضارة فقط "
كان احنا بخير
اي شي فيه خصم مضره يطبقونه بحذافيره

[^NoOOoR^]

والله احس انا صرنا في زمن اللي مايشتغل بكفاءة مثل اللي يشتغل بكفاءة وبذمة وضمير
الله المستعان