متطلبات الأبناء هل هي بلا حدود؟؟؟ ...................دعوة لكل والد/ة

[فيزيائية]

السلام عليكم ورحمة الله وبركاته



في السابق كأن آبائنا يكدحون ويشقون من أجل توفير (لقمة) العيش واللحاف (الآمن) واللباس (الساتر)....
الأمر الذي تطور وتغير فأصبح ولي الأمر يكدح أيضا ويتعب من أجل توفير (الرفاهية)...لكل شخص في الأسرة...
فاللقمة أصبحت (مخزناً) من الأطعمة و(ثلاجةً) مليئة ...وأموال من أجل لقمات في المطعم أو توصيل المنازل !!
واللحاف أصبح غرفة خاصة ملآ بكل أنواع الترفيه والراحة..
واللباس تحول إلى غرفة ملابس يغوص احدنا فيه إن أراد !!
ولكن ما ألاحظه كأم ومهتمة في الأسر الكبيرة التي تحيط بي
أن الوالدين لازالا يكدحان ولكن لغرض آخر (جديد) يواكب(التغيرات الاجتماعية والمالية في المجتمع)
غرض استغربته ...فهل ستستغربونه مثلي أم بات الموضوع (عااادي)؟؟
إحدى الأمهات اللاتي وصلن إلى سن التقاعد ترفض التقاعد
والسبب أن راتب التقاعد لا يلبي احتياجات الأسرة (الجديدة)
؟؟؟؟
تعتقدون ما هو هذا الاحتياج المميت ؟؟؟
بدون تردد أجابتني ...
البنات يبغون يشترون ملابس وأحذية وإكسسوارات باهظة الثمن (ماركات)
وراتب التقاعد لا يلبي هذا الاحتياج...!!!!
............
هل مطلوب منا كأولياء أمور أن نوفر هذه المتطلبات لأبنائنا؟؟
بل هل ممكن أن يصل بالوالدين أن يكونا (بنك) مفتوح لأبنائهم على حساب أنفسهم وراحتهم وصحتهم...؟

[^NoOOoR^]

لازم نعود اليهال على اخذ الشي الجيد .. مب شرط ماركة باهضة الثمن وسعرها بالاف .. في ماركات معينة حدها حدها الف ريال ..
الام لازم تعود البنت خاصة على القناعة .. والقناعة مب في الماركات .. معليه ياخذون اشياء جميلة و ذويقة بس ماركات غالية و يستعملونها كم مرة وعقب خلاص تنقط في الخزانة لا ..
لازم نعودهم ومن هم صغار على هالشي ..لان مثل مايقولون القطو العود ما يتربى

[مشتاقة لقطر]

مرحب غاليتي

مش كل الناس يلبسون ماركات ..او هدفهم بالحياة عيالهم يلبسون ماركات

فيه متطلبات اخرى ضرورية او كمالية ..بسبب تغير افكار المجتمع ورفاهيته الى جانب اغلاء بالمعيشة تخلي الواحد يبي مصدر دخل مستمر ..

يحقق له نفس المستوى اذا ماكان اعلى ..

وسبحان الله على حسب تفكير الواحد يقولما ابي اقصر على عيالي .. وان شالله الين اكبرو وانا كبرت ما بيقصرو علي بشي ..

يعني بالنسبة للعيال كل شهرحاطين عينهم على شي .. ممكن اوفره كبداية كل شهر .. يعني احس الفرحة بعيونهم ..على الاقل بداية كل شهر .. مهمة بالنسبة لي

[الصريحه]

لاتنسين الغلاء مايخلي شيء من الراتب علشان يكفي راتب التقاعد
والله نبي حل

[qtr qtr]

من ناحيتي والحمدلله مب مقصر معاهم بس بحدود والماركات مالها داعي لا تودي ولا تجيب كلها كلام فاضي وخسارة فلوس ........
اهم شي الواحد ياخذ النوعيه الجييده ......... وعن تجربه خذيت زرار ماركة معروفه وسعره ب 350 ريال للاسف ماتم عندي شهر الا وانكسر الزرار والازره اللي اشتريهم من 15 ريال ل80 ريال لحد الان البسهم من سنين ......... ولازم الواحد مايعود عياله عالتبثير ومايشتريلهم اي شي يطلبونه ...... علشان يحسون فيه ويحافظون عليه....

والشكر لصاحب الموضوع من بعد الله سبحانه وتعالى لطرحه الهادف

[ضوى]

فديت بنتي الله يخليها يااااااااارب ، اذا شافت قميص ب300 ريال قالت يمه غالي صح ، هالشئ الام والاب يزرعونه في عيالهم مثل مازرعوه والدينا فينا

[hnony]

بعض العوائل للأسف فاهمه الدلع غلط ..

التربية تبدأ من الصغر .. لمى طفل يهدد أهله يقول ماراح اروح المدرسه الا اذا جبتوا لي آيباد ..والمشكله الأهل يستجيبون له ويجيبون الي يبي .. على اساس ان التعليم عندهم مهم والولد لازم يروح المدرسه !!!

تتوقعون أي شخصيه بتتكون عند هذا الطفل ..!!!

حبنـا ودلعنا لهم شي .. إفسادهم شي آخــر

لمى يصير عندي اطفال بوريكم فيهم هههههههه أمـزح

[بـــــــنت النوخـّــــذه]

السلام عليكم ورحمة الله وبركاته


هل مطلوب منا كأولياء أمور أن نوفر هذه المتطلبات لأبنائنا؟؟
بل هل ممكن أن يصل بالوالدين أن يكونا (بنك) مفتوح لأبنائهم على حساب أنفسهم وراحتهم وصحتهم...؟

موضوع مهم اختي ام نونيه 00

المفروض انعلم عيالنا على التخطيط الجيد بالنسبه لكل مايتعلق بالاحتياجات والماده 00

للاسف من وهم صغار انلبي طلباتهم على الفاضي والمليان ولما ينشد عوده ويكبر والاب ولا الام ينتهي دورهم في الصرف اتحصلين الولد متوهق لانه معتمد من وهو صغير على تلبيه احتياجاته سواء مهمه او غير مهمه 000

اعتقد محتاجين لتعليم اعيالنا كيف يخططون للمستقبل او كيف يخطط للمتطلبات الاساسيه في حياته وشنهو الشي الي ممكن اخسر عليه (واستفيد منه مستقبلا" ) مهب اشتريه لجل عيون الناس ولان فلان وعلانه شاريينه 00

موضوع مميز ويحتاج لمناقشه اشكرج عليه

والشخص ممكن يشتري الي بخاطره ولكن بالعقل واحيانا نحتاج للمسات من القناعه اذا استدعى الامر حتى ينشئ شخص يقدر قيمه الشيئ

سلام (ن) عليكم
:)

[شيزكيك]

الصراحه احس انا اشتغل علشانهم كم تسوى عندي فرحتهم لما اشتري لهم شي يديد

وطبعا مب دوم اوقات نجاحهم اشتري الاجهزة الي يبونها

اول الشهر اعطيهم مصروف بسيط

حتى لما اروح الجمعيه لازم اشتري لهم شي لو بريال

والحمدلله احس عيالي مب متطلعين وايد وبعد قنوعين وعودتهم من يوم صغار لما اوديهم

الجمعيه حدكم بس 3 ريال وفعلا يلتزمون

[فيزيائية]

لازم نعود اليهال على اخذ الشي الجيد .. مب شرط ماركة باهضة الثمن وسعرها بالاف .. في ماركات معينة حدها حدها الف ريال ..
الام لازم تعود البنت خاصة على القناعة .. والقناعة مب في الماركات .. معليه ياخذون اشياء جميلة و ذويقة بس ماركات غالية و يستعملونها كم مرة وعقب خلاص تنقط في الخزانة لا ..
لازم نعودهم ومن هم صغار على هالشي ..لان مثل مايقولون القطو العود ما يتربى
كلامج صج ...
ولكن هل نحن ملزومين على توفير كل شيء لهم حتى أمور مانشتريها لانفسنا ..؟:(

[فيزيائية]

مرحب غاليتي

مش كل الناس يلبسون ماركات ..او هدفهم بالحياة عيالهم يلبسون ماركات

فيه متطلبات اخرى ضرورية او كمالية ..بسبب تغير افكار المجتمع ورفاهيته الى جانب اغلاء بالمعيشة تخلي الواحد يبي مصدر دخل مستمر ..

يحقق له نفس المستوى اذا ماكان اعلى ..

وسبحان الله على حسب تفكير الواحد يقولما ابي اقصر على عيالي .. وان شالله الين اكبرو وانا كبرت ما بيقصرو علي بشي ..

يعني بالنسبة للعيال كل شهرحاطين عينهم على شي .. ممكن اوفره كبداية كل شهر .. يعني احس الفرحة بعيونهم ..على الاقل بداية كل شهر .. مهمة بالنسبة لي
وليش مايجمعون من مصروفهم وفلوسهم ؟؟؟
طبعا انا ماتكلم عن العطايا والهدايا بالمناسبات واهميتها....لهم

[فيزيائية]

لاتنسين الغلاء مايخلي شيء من الراتب علشان يكفي راتب التقاعد
والله نبي حل

وهذا مش موضوعي ...:shy:
اتكلم عن رغبات ابنائنا وحقوقهم علينا ...

[فيزيائية]

من ناحيتي والحمدلله مب مقصر معاهم بس بحدود والماركات مالها داعي لا تودي ولا تجيب كلها كلام فاضي وخسارة فلوس ........
اهم شي الواحد ياخذ النوعيه الجييده ......... وعن تجربه خذيت زرار ماركة معروفه وسعره ب 350 ريال للاسف ماتم عندي شهر الا وانكسر الزرار والازره اللي اشتريهم من 15 ريال ل80 ريال لحد الان البسهم من سنين ......... ولازم الواحد مايعود عياله عالتبثير ومايشتريلهم اي شي يطلبونه ...... علشان يحسون فيه ويحافظون عليه....

والشكر لصاحب الموضوع من بعد الله سبحانه وتعالى لطرحه الهادف
يعني انت مع (لكل شيء حدود)...
والشكر لاثرائكم للموضوع.:nice:

[فيزيائية]

فديت بنتي الله يخليها يااااااااارب ، اذا شافت قميص ب300 ريال قالت يمه غالي صح ، هالشئ الام والاب يزرعونه في عيالهم مثل مازرعوه والدينا فينا

ونعم التربية ...
مرورج اسعدني :shy:

[فيزيائية]

بعض العوائل للأسف فاهمه الدلع غلط ..

التربية تبدأ من الصغر .. لمى طفل يهدد أهله يقول ماراح اروح المدرسه الا اذا جبتوا لي آيباد ..والمشكله الأهل يستجيبون له ويجيبون الي يبي .. على اساس ان التعليم عندهم مهم والولد لازم يروح المدرسه !!!

تتوقعون أي شخصيه بتتكون عند هذا الطفل ..!!!

حبنـا ودلعنا لهم شي .. إفسادهم شي آخــر

لمى يصير عندي اطفال بوريكم فيهم هههههههه أمـزح

تهقين بتسوين مثل مابتقولين ؟:victory:

[فيزيائية]

موضوع مهم اختي ام نونيه 00

المفروض انعلم عيالنا على التخطيط الجيد بالنسبه لكل مايتعلق بالاحتياجات والماده 00

للاسف من وهم صغار انلبي طلباتهم على الفاضي والمليان ولما ينشد عوده ويكبر والاب ولا الام ينتهي دورهم في الصرف اتحصلين الولد متوهق لانه معتمد من وهو صغير على تلبيه احتياجاته سواء مهمه او غير مهمه 000

اعتقد محتاجين لتعليم اعيالنا كيف يخططون للمستقبل او كيف يخطط للمتطلبات الاساسيه في حياته وشنهو الشي الي ممكن اخسر عليه (واستفيد منه مستقبلا" ) مهب اشتريه لجل عيون الناس ولان فلان وعلانه شاريينه 00

موضوع مميز ويحتاج لمناقشه اشكرج عليه

والشخص ممكن يشتري الي بخاطره ولكن بالعقل واحيانا نحتاج للمسات من القناعه اذا استدعى الامر حتى ينشئ شخص يقدر قيمه الشيئ

سلام (ن) عليكم
:)

صحيح تعليمهم التخطيط والقناعة
ولاتنسين اهم شي الاعتماد على النفس
لين متى بنعيش لهم ؟؟؟

عليكم السلام :)

[فيزيائية]

الصراحه احس انا اشتغل علشانهم كم تسوى عندي فرحتهم لما اشتري لهم شي يديد

وطبعا مب دوم اوقات نجاحهم اشتري الاجهزة الي يبونها

اول الشهر اعطيهم مصروف بسيط

حتى لما اروح الجمعيه لازم اشتري لهم شي لو بريال

والحمدلله احس عيالي مب متطلعين وايد وبعد قنوعين وعودتهم من يوم صغار لما اوديهم

الجمعيه حدكم بس 3 ريال وفعلا يلتزمون

قنوعين <<<<هذي اهم نقطة يالطيبة...:discuss:

[الدمعه]

مشكوره حبيبتي عالموضوع ..

لازم اعود عيالي اني مب كل وقت اوفر اللي يبونه .. امس والله بنتي تقول لي يمه

ليش ماتشترون لي بلاك بيري او لاب توب ..انا ادري انكم تقدرون تشترونه

بس ماتبون .. رديت عليها بكل بساطه قلت لها اذا احنا شرينا لج كل شي بمناسبه

ومن غير مناسبه ..محتاجه له او مب محتاجه هل بتحسين بقيمه الشي اللي خذناه

لج ؟؟.. هذا غير اني مااشوف له فايده لج في عمرج ذيه ..

بالرغم ان كل اللي حواليها سواء من اهل او من زميلاتها في المدرسه عندهم اللي

طلبته الا اني مقتنعه ان هالشي غلط ..

بنت في سادس تقولي فلانه تكلم شباب وفلانه تروح مجمعات بروحها وغيرها سينما ..

عسى ماشر وين عقل امها وين عقل ابوها ..

البي حاجات عيالي غير واني اربيهم على الرباده والاعتماد عالغير وقلة الادب ..

اسفه بس كون اني اوفر كل شي ياشرون عليه هذا غير مقبول .. حدود حدود حدود

[ام السعف]

السلام عليكم ورحمة الله وبركاته


هل مطلوب منا كأولياء أمور أن نوفر هذه المتطلبات لأبنائنا؟؟
بل هل ممكن أن يصل بالوالدين أن يكونا (بنك) مفتوح لأبنائهم على حساب أنفسهم وراحتهم وصحتهم...؟

وعليكم السلام ورحمة الله وبركاته

على الابناء ان يدركوا حقيقة الاوضاع المالية للأسرة،، يعني لما الابن او الابنة يطلبون
لازم يعرفون شنهي ميزانية البيت وشنهو اللي ممكن يتوفر لهم وشنهو اللي ممكن ما يتوفر لهم ،، وشنهو اللي ممكن ويستحق ان الواحد يضغط نفسه علشان ياخذه ،، وشنهي ميزانية
كل واحد في البيت لو حبوا يتقضوا اغراضهم من السوق ،،

لكن في المقابل ،، ممكن تتوفر لهم امور على حساب ميزانية البيت لو كان
هالشي بيكون له دافع انه يطور نفسه او تعزيز لتفوقه او قدراته الفكرية او حسن اخلاقه ،،

مب مهمة الماركات مب مهمة الأمور الثانية على كثر ما هو مهم ان الابن يعرف قيمة
نفسه قبل لا يفكر انه يشتري ماركات ،، او يقتني كل شي جديد في السوق ،،

[BIG-VEGA]

قال عمر بن الخطاب رضي الله عنه : أو كلما اشتهيت شيئاً اشتريته ؟!!!

كلمتين يعادلون الف كلمه ,,,فيها اصلاح وتربيه وتهذيب ولجام للنفس

[فيزيائية]

مشكوره حبيبتي عالموضوع ..

لازم اعود عيالي اني مب كل وقت اوفر اللي يبونه .. امس والله بنتي تقول لي يمه

ليش ماتشترون لي بلاك بيري او لاب توب ..انا ادري انكم تقدرون تشترونه

بس ماتبون .. رديت عليها بكل بساطه قلت لها اذا احنا شرينا لج كل شي بمناسبه

ومن غير مناسبه ..محتاجه له او مب محتاجه هل بتحسين بقيمه الشي اللي خذناه

لج ؟؟.. هذا غير اني مااشوف له فايده لج في عمرج ذيه ..

بالرغم ان كل اللي حواليها سواء من اهل او من زميلاتها في المدرسه عندهم اللي

طلبته الا اني مقتنعه ان هالشي غلط ..

بنت في سادس تقولي فلانه تكلم شباب وفلانه تروح مجمعات بروحها وغيرها سينما ..

عسى ماشر وين عقل امها وين عقل ابوها ..

البي حاجات عيالي غير واني اربيهم على الرباده والاعتماد عالغير وقلة الادب ..

اسفه بس كون اني اوفر كل شي ياشرون عليه هذا غير مقبول .. حدود حدود حدود

اشكرج لاثرائج الموضوع بمشاركتج ...
وأكيد هالشي عيالنا ماراح يرضون عليه بس بعدين راح يفهمونه ويشكرونا عليه.

[فيزيائية]

وعليكم السلام ورحمة الله وبركاته

على الابناء ان يدركوا حقيقة الاوضاع المالية للأسرة،، يعني لما الابن او الابنة يطلبون
لازم يعرفون شنهي ميزانية البيت وشنهو اللي ممكن يتوفر لهم وشنهو اللي ممكن ما يتوفر لهم ،، وشنهو اللي ممكن ويستحق ان الواحد يضغط نفسه علشان ياخذه ،، وشنهي ميزانية
كل واحد في البيت لو حبوا يتقضوا اغراضهم من السوق ،،

لكن في المقابل ،، ممكن تتوفر لهم امور على حساب ميزانية البيت لو كان
هالشي بيكون له دافع انه يطور نفسه او تعزيز لتفوقه او قدراته الفكرية او حسن اخلاقه ،،

مب مهمة الماركات مب مهمة الأمور الثانية على كثر ما هو مهم ان الابن يعرف قيمة
نفسه قبل لا يفكر انه يشتري ماركات ،، او يقتني كل شي جديد في السوق ،،

معرفة الحالة الاقتصادية للاسرة وحدودها مهم للابناء ايضا...

اشكر اثرائج للموضوع

[intesar]

تربية الأطفال على القناعة من الصغر .. حتى لو كنت من الطبقة الألمعية على قولة غيري .. قول لا ضرورية في تربية الأطفال..

[العقل المدمر]

تعويد الأبناء من وهم صغار اتوقع اهم خطوه
وان الاهل بعد يكونون قدوه خاصه الام والابو دام هم اقتصاديين عيالهم يطلعون عليهم
وبعد احسن طريقه تحديد مصروف لهم حق طول الشهر هم بنفسهم بيخافون يصرفونه ع اشيا تافهه
احنا تعودنا ع هالطريقه ولين الحين عمري ماشريت شي ماركه غير نظاره !!
اما الثياب والشنط والاكسسوارات والجواتي وكل شي ثاني مستواه عااااااادي ولا اشوف يبين الفرق وبالعكس انا احب التغيير عشان جذي احب الرخيص ابدله بسرعه ماحس بالذنب :tease:

وووبعد فيه شي .. حتى لو مصروف العيال فيدهم بعد مب كل شي يشترونه يعني يشترون اشيا يستفيدون منها و ع حسب عمرهم
مب تجيني بنت فابتدائي تشتري مكياج عشان مصروفها مكفيها :tease:

اصلا من كثر ما العيال يسمعون "لا" من اهلهم يصيرون عقب يقولونها حق نفسهم :shy:

[حليتان*]

كلامج صج ...
ولكن هل نحن ملزومين على توفير كل شيء لهم حتى أمور مانشتريها لانفسنا ..؟:(

اذا انج ما علمتيهم وهم صغار فـ المفروض تكونين ملزومه تلبين لهم طلباتهم :(