اجرءات صارمه ولاكن مالها داعي [الأرشيف] - منتديات شبكة الأسهم القطرية

مشاهدة النسخة كاملة : اجرءات صارمه ولاكن مالها داعي

المليونير الفقير

13-03-2011, 04:46 PM

السلام عليكم ورحمة الله وبركاته

اخواني اخواتي بخصوص السفاره البريطانيه وطلباتهم الجديدة والتعجيزيه اولا اذا تبي فيزة لازم تحضر سواء صاحي او مريض او مشلول في مبناهم الي فالمطار ثانيا تبي فيزة للخدامه بيطلعون عينك عشان تاخذ فيزه واليكم بعض طلباتهم لفيزة الخدامه:
1 :كشف احساب6 اشهور من احسابك:eek5:
2 :تجيب اثبات ان الخدامه استلمت راتبها لمدة6 اشهور مع ذكر الراتب والتوقيع:eek5:
3:لازم يكون عندها فيزة كارد او تجيب من اي فندق انها ساكنه او تعطيهم ضمان:eek5:
هذا بعض متطلباتهم واذا دفعت قيمة الفيزه وبعد يومين طلع اي خطا فالطلب ترجع تقدم طلب جديد وتدفع قيمة الفيزة:omg:

انا ابي اعرف ليش كل هالافلام؟؟ وليش الحكومه ماتتخذ مع مواطنينهم نفس الاجراءت وتضع نفس قوانينهم؟؟؟

رجل الجزيرة

13-03-2011, 04:52 PM

لا وأزيدك من الشعر بيتين:
1 - إعتبارا من 1 أبريل يجب تقديم الطلب عن طريق موقعهم بالإنترنت.
2 - إعتبارا من 1 مايو يجب أن تأخذ موعدا عن طريق موقعهم الإنترنت.

تبغي وإلا مع السلامة.

شموخ دائم

13-03-2011, 04:52 PM

,

,

مرحبا

اخوي الكريم

بالنسبه للخدامه عندهم سبب وجيه

معظم الخدم يهربون هناك وما يرجعون مع العائله القطريه

وهم مبتلشين بالاعداد الكبيره الي تهرب كل سنه هناك من العائلات الخليجيه

عليك حساب كم عائله تسافر كل سنه من الخليج الى لندن

وعليك حساب كم خدامه وسائق يهرب هناك وما يرجع

:)

لازم يشددون الاجراءات

الانجليز الي يحضرون الى قطر ما يجيبون خادمه معاهم

حتى نعاملهم بالمثل

والله يعطيك العافيه وتروح وترجع بالسلامه

,

,

اخوكم

شموخ دائم

طارق

13-03-2011, 04:56 PM

سافرو من غير خدامه وخلاص

يعني هنى في لندن اليهال مقطوطين مع الخادمه
شوهااااااااااااااااظ

طارق بن زعتر ال مناقيشي

الصريحه

13-03-2011, 04:56 PM

الله يعينك
ماباليد حيله

شمعة الدوحه

13-03-2011, 04:57 PM

انا اشوف اذا السفرات بعيده حق اوروبا وامريكا مثلا

ماله داعي للخدامه

اذا احنا نروح السعوديه مانوديها علشان مانتأخر بسبة اجراءاتها شيوديها لندن

نحطها في بيت حد من اهلنا وانتهى الموضوع

الواحد يوم يكون مسافر ومع اهله مافيها شي لو خدم نفسه بيكون فاضي على طول

ومثل ماقال اخوي شموخ

هروب السائقين والخادمات وقت السفر بالهبل وبالذات في اوروبا :discuss:

فارس الكلمة

13-03-2011, 04:58 PM

يعني .. هل هذه الإجراءات ستحد من هروب الخدم في لندن مثلاً ..؟

المليونير الفقير

13-03-2011, 04:58 PM

ياجماعه الخدامه مب لي للوالده ممرضه لها وتحتاجها

المليونير الفقير

13-03-2011, 05:01 PM

ابي اعرف البريطانين اذا يبون يجون الدوحه لازم يروحون لمقر سفارتنا والا لا؟؟

جبل

13-03-2011, 05:02 PM

الحين الريّال يتكلم عن الشروط التعجيزية اللي حاطتها السفارة البريطانية !

وانتوا تتكلمون عن سفر الخدامه مع العائله !

زين يمكن ظروفهم تتطلب ان الخدامه تكون متواجده معاهم !

يا اخوان مب كل الناس لها نفس ظروفكم !

كل شخص هو اللي يقدر يقرر اذا انه يحتاج للخدامة في سفرته او لا !

دائما تطلعون خارج الموضوع الاساسي !!

^NoOOoR^

13-03-2011, 05:06 PM

السعودية كنسلت استقدام الخادمات الاندونيسيات بسبب الطلبات الخرافية
واحنا شنسوي الحين امام طلبات السفاره البريطانية ؟؟:(

قطر دزاين

13-03-2011, 05:08 PM

الخدم مشكله ولنا عبره من سعودي اللي بمريكا تبلت عليه الخدامه 10 سنوات سجن والرجال مدين

المليونير الفقير

13-03-2011, 05:13 PM

صراحه شي متعب وطلبات مالها داعي اوك وسوينا كل هالطلبات وبعدها اشردت الخدامه شلي بيستفيدونه من هالاجراءت؟؟؟ولاشي

العقل الحر

13-03-2011, 05:14 PM

ياخوان وياخوات

لا متى ماتفهمون هؤلاء مايبونكم وانتم غير مرحب بكم في بلادهم

المليونير الفقير

13-03-2011, 05:42 PM

الله المستعان

ام السعف

13-03-2011, 06:01 PM

ان شاءالله يودي جيش خدامات ،، هو حر،، الأخ يتكلم عن الاجراءات التعسفية
في منح الفيزة ،، اما اصطحاب الخادمة من عدمه هذا امر راجع له،، تبونه يكتب لكم قصة حياته :(

مشتاقة لقطر

13-03-2011, 06:28 PM

الله ييسرلك امورك ..

مالك الا انك تسوي امورك واجراءاتك . وتتوكل على الله

المليونير الفقير

13-03-2011, 07:54 PM

جميعا انشاءالله

intesar

13-03-2011, 08:19 PM

كله من القاعدة وحبوب الهلوسة
اللي خلتهم يشددون علينا

Gh2o

13-03-2011, 08:26 PM

اسهل سفاره بالفيز البريطانيه عيل لو قدمت شنجن شبتسوي كفايه يعطونك الفيزا بنفس اليوم واغلب الاسئله مب لازم ترد عليها وكشف الحساب مب مطلوب عالقطريين

شمعة الدوحه

14-03-2011, 09:22 AM

الصديق الوفي

14-03-2011, 09:25 AM

القصد انه اجرااءات سفر الخادمه عوار راس الواحد في غنى عنه

بس دامه شي مهم وحق الوالده

ما ألومه في هالحاله

وأنا اؤيد هذا الكلام 100%

كازانوفا

14-03-2011, 09:37 AM

اذا ينفع تعطيني الخدامه لحد ما تروح وترجع ماعندي مانع وبعطيها الراتب

المليونير الفقير

14-03-2011, 10:10 AM

اذا ينفع تعطيني الخدامه لحد ما تروح وترجع ماعندي مانع وبعطيها الراتب

:eek5::omen2::secret:

ميموري

14-03-2011, 10:18 AM

اسهل سفاره بالفيز البريطانيه عيل لو قدمت شنجن شبتسوي كفايه يعطونك الفيزا بنفس اليوم واغلب الاسئله مب لازم ترد عليها وكشف الحساب مب مطلوب عالقطريين

انا مطلعه فيزا شنجن لخدامتي وعادي

مافيها اي تعقيدات

chillis

14-03-2011, 10:27 AM

طيب ليش ما تاخذين ممرضه من هني مع الوالده لين لندن افضل من الخدامه واجراءاتها اعتقد اخف