استفسار يالربع .. عن ( ثقل ) السكان .. !

[][ iMedia ][]

السلام عليكم ..

صراحه عندي مشكله وحاب استفسر منكم بعد اذنكم
اللي هي ثقل الـ ( سكان ) بشكل كبير جدا
يعني صعب جدا ينلف بيد وحده .. :secret:
مع ظهور اصوات " طقطقه " ..

.

اعتقد الاصوات من المقصات ؟!
انزين وصعوبه الحركه من شنو ؟؟

مع العلم ان زيت الباور مش ناقص ولا ملي !

مممم .. تحياتي وانتظر ردوكم

[آلصآحب آلجديد]

نوع الموتر عشان الي عنده او مرت عليه هالعله يفيدك ،، والله يعينك.

[بوليد]

شي طبيعي ومع المدة بتتعود علية
وانا ملاحظ الكروزر التشكيلة القديمة من 98 الى 2007 السكان اخف من نفس النوع بس موديل 2008 وفوق

[][ iMedia ][]

سوري شباب عشان ماذكرت نوع الموتر
نيسان التيما 2005
:)

[BuFaisal]

الله لا يهينك شوف لك ميكانيكي يفحصها ويقولك وش فيها بدل التخمين
شوف اسلم البنغالي الموجود بالمحلات الي مقابلة سوق الغرافة من صوب المسجد القديم

[راعي 2006]

شيك على هوى التواير

وشيك على ايل الباور

وشيك على ميزانية الرودات

وبخصوص الطقات يمكن المقصات مثل ماقلت

[bo Hassan 99]

شيك على هوى التواير

وشيك على ايل الباور

وشيك على ميزانية الرودات

وبخصوص الطقات يمكن المقصات مثل ماقلت


:omen2:


مافي غيرهم

شيكهم وربي يعينك

:nice:

[boamir]

داام صوت طقطقه وإنت لااف ودايس ريس اعتقد من الإكسلااات !!

[رذاذ]

اكسلات : الطقطقة معروف يا تشتري الاكس كامل يا الربله السودا

البور بوكس : يخترب طبيعي ويكون الزين ما ينقص وفيه الزيت ما يتحرك ولا يتوزع للهوزات .

[nnoodd]

اكسلات يالشيخ
والبور بوكس
عندك كهربائي الرشيد في سلوى ولى بروسلي