سافرت ولم يودعها أحد

[جابر العثرات]

هي الكل في الكل في البيت
هي المعتمد عليها في كل شيء بالبيت
هي اللي تعابل الجميع بما فيهم الزوج والعيال
وعندما أرادت أن تسافر
وكان يوم السبت الكل نيام
حملت حقائبها في السياره
وهي تحاول ان تبدي رغبتها في توديع العيال وام العيال
شعرت بها ولكن طلبت منها ركوب السياره لانهم نيام
ولن ينهض احد لتوديعها
ركبت السياره وفي عيونها دمعه محبوسه
لأول مره شعرت اننا لم نقدرها حتى في وداعها
لا مكافأة مجزية ولا اجازة ولا حفلة وداع
اوصلتها للمطار ورحلت
وآخر كلامها سوي سلام على ماما
انها خدامة البيت

[المليونير الفقير]

المعاملة الحسنة هي اساس الحياة

[QtrGate]

ههه

والله في خدم يجون ويعيشون وكأنهم من أهل البيت ووقت السفر تشوف دمعتهم وشلون راح يفارقونكم

عندنا خدامة في بيت جدي صارلها 11سنه ووقت سفرها قعدة مع جدتي نص ساعة تتظكر كل شي

وتذكر كل الي صار والمواقف وكل شيئ

صراحة هناك خدم يساعدون في البيت ويعتبرون نفسهم وحدة من أهل البيت وابد مايقولون لا


وفي خدم تجيبهم سنتين وبالياله يكملونهم وتسفرهم وهم يقولون ابركها من ساعة

[الرويـس]

قصدك لسان حالها يقول :
سافروا ما ودعوني.... سيبوني وراحوا
:(

[نورالهدى]

هذه عشرة والعشرة ماتهون
حتى لو خدامه
مهنه شريفه وماعليها قصور
اتساعدنا
والحمدلله على كل شيء

[العضو العتيج]

مسكينه كسرت خاطري

[ابو علاوي]

قصدك لسان حالها يقول :
سافروا ما ودعوني.... سيبوني وراحوا
:(

لاااا
لسان حالها يقول :
لا بالله ياهل الدار
امانة لاتجافوني
بعون الله لاشعل نار
ولمن اعود تلاقوني
وانهلت عيني هلة
لاتلوموني بالله
والدمع السايل دمعي
والعيوني عيوووووني

الله يسهل عليها وعلى كل مسلم

[ام السعف]

اوبيه احنا تصير مناحة في البيت والدموع همايل

وربنا لا يغيرعلينا يارب

[wadha-qa]

وين هالايام ولت
الحين الخدامات اغلبهم يشردون بنص الليل راحت ايام الخدامه الامينه الوفيه الله يذكر الهنديات بالخير

[تباشير الفجر]

جان زين في خدامات جذي الحين هالايام الخدامه تسافر والسانها يلوط اذانها وادعي على اهل البيت وتروح ولا همها حد ...

[R 7 A L]

الاعداد الكبيرة منهم أصحاب النقاط السوداء والمعاملات الغير نظيفة
ماخلوا للمحترمين شي
ولا خلوا لدى العوائل اي حب او اي ثقة تجاههم

[مونديال]

الاوليين قالو
العشره ماتهون إلا على الكافر
والمقصود بالكافر هنا
هو من كفر بالنعمه التي هو بها

[بـــــــنت النوخـّــــذه]

عندنا شغاله من زمان مسافره ومازلنا نتواصل معها بالاتصال او بمعنى اصح الوالده تتواصل معها ويسئلون عن بعض00 بين فتره وفتره وصار لها مسافره من عندنا من 7 سنوات

بعضهم يتركون ذكرى طيبه وبعضهم ذكراهم تجيب الهم والنكد

[رذاذ]

والى يقول لكم خدامه صار لها اكثر من 30 سنة عند ناس اعرفهم

لدرجه انها حضرت حفل زواج الابن الاكبر و 3 بنات وللحين موجوده

وتكلم عربي بلبل ولين سافر احد توصي به لاتطلع بالليل ولا تمشي بنفسك واتصل اول ما توصل على البيت

منهم اوفيااااء ومنهم تبي الفكه من شررره

[ميموري]

للاسف في الوقت الحالي انعدمت هالحاله

زين ان كملت العقد (سنتين)

[OTOsan]

على كثر ما اقرا واسمع عن الخدامات ..
حسيت ان اجمل شعور .. لما مايكون عندك (خدامه) في الاساس ..
احساس بالارتيااااح الشامل :)

[الرويـس]

^
شامل والا ضد الغير
:(

[الصريحه]

اهم شيء انها تسافر بدون تذكارات عينيه من الاسره
الله يحفظ الجميع منهم

[مشتاقة لقطر]

الله يعينها ..

[meeemz]

الحين مايكملون السنتين كله ينصادون في اشياء لا اخلاقيه

[محمد جمال]

شكرا أخوي