هواء شديد وقوي الان

[الدوحة 2010]

هواء شديد وقوي في جميع مناطق قطر الله يستر

[الدوحة 2010]

من المتوقع ان تتأثر البلاد من بداية ليل يوم الأحد الموافق 13/03/2011 بامتداد لمرتفع جوي قادم من شمال غرب السعودية مصحوباً برياح شمالية غربية من نشطة الى قوية السرعة على جميع المناطق تتراوح سرعتها مابين 15-25 عقدة بالساحل ومن 20-30 عقدة داخل البحر تصل الى 35 عقدة في بعض المناطق وارتفاع في الامواج داخل البحر يصل 7-10 أقدام يزداد الى 13 قدم فيما بعد ويؤدي ذلك الى رمال مثارة وأتربة عالقة ليل الأحد .

ويكون هناك انخفاض في درجات الحرارة ابتداء من يوم الاثنين الموافق 14/3/2011 بقيم من 4-7 درجات حيث تتراوح درجات الحرارة العظمى في الدوحة مابين 23-26 درجة مئوية والصغرى مابين 15-18 درجة ومن المتوقع استمرار هذا الطقس الى نهاية الأسبوع كما تتكون السحب المنخفضة والمتوسطة مع احتمال فرصة لأمطار في بعض المناطق مساء الأحد.
وتهيب ادارة الأرصاد الجوية بالمواطنين والمقيمين توخي الحيطة والحذر ...

[الخزرجي قطر]

جزاك الله خير على التنبيه

[مهل]

مستمر لين الجمعه و يوم الثلاثاء القادم هو اعنف يوم و الله المستعان

[QtrGate]

الله يستر ويحفظ بلادنا

يعني نخلي اثياب اشتى والكواته
او نردهم المخزن ونركنهم ..,,مايحتاج فتره قصيرة وتعدي

[jeep-srt8]

لاتخافون هذه موجة برد عادية ان شاء الله ومن المتوقع بكرة غبار علشان كذا اللحين هواء

ودرجة الحرارة بالرياض 11 تقريباً من اسبوعين كانت حررررررر واليوم بررررررد وفي شوية ثلج اول امس

[Dawn]

فعلا هوا بس الجو حار

[com]

ابشرو بالحيا ان شاء الله ...

[مهل]

ابشرو بالحيا ان شاء الله ...

الـــــلــــــــــــه كـــــــــــر يــــــــــــــم

[غلا2022]

الله يرزقنا بالمطر وتفألوا خيرا تجدوه
وانشاء الله يوم الثلاثاء يكون مطر وخير

[al-sadd]

واحد من الشباب كويتي يقولي جو الكويت غريب
نازله درجه الحراره اليوم لي ١١ الى ١٢ !
وغريبه تنزل لهادرجه وخاصه بشهر ٣ !
يالله يا كريم يجيكم البراد ^^
انا من الناس الي بديت اكره البرد ^^"

[الماريّة]

عادي هذي بردة العجوز


شفيكم

[الرايــق]

قبل شوي رجعت من الدوام والهوا قوي
يا رب سترك

[بصمة قطرية]

الجو بدا يبرد ..
اتوقع باجر راح يكون ابرد ..
الحين انا فاتحة باب الصالة والجو بارد وهوا قوي وغيم ~
يارب يجينا مطر ~

[نورالهدى]

الحمدلله
يارب تمطر امطار خير

[jeep-srt8]

الاشياء برا بيتنا تتكسر وفوق السح كل شيء وقع واصواااااااااااااااااااات

يالله سترك

[مهل]

الجو بدا يبرد ..
اتوقع باجر راح يكون ابرد ..
الحين انا فاتحة باب الصالة والجو بارد وهوا قوي وغيم ~
يارب يجينا مطر ~

اكيد صار طعس داخل بيتكم :nice:

[الصريحه]

الله يعين
اللهم اجعلها رحمة ًولا تجعلها عذاباً ، اللهم اجعلها رياحاً ولا تجعلها ريحاً "

[ملاك]

اي والله اليوم الصبح اشوف القراطيس والاجياس اتطاير قلت الظاهر صج هالتنبيه

الله يستر بس

[ورقــة أمــل]

بغيت اطيررر مع الهوااا بس يودتني الجاذبية

[STAR]

هوااااا قوي والجو مغيم

[bohilal191]

طلعت من من باب الصالة ولا هوى قوي طير الغترة وطاحت على الارض ،،،بس الجو حلو

[ahmaaaddd]

لي متى راح تستمر هالموجة ( العاصفة ) ؟

[N7eEeS]

لي متى راح تستمر هالموجة ( العاصفة ) ؟

ان شاء الله من الجمعه يبداء الهواء يخف تدريجيا

[روعة الجوري]

اعتقد هذي هي ضربة العيوز او برد العيوز

[مهل]

ان شاء الله من الجمعه يبداء الهواء يخف تدريجيا

السلام عليكم

من بكره ان شاءالله راح يخف الهوى من ٢٢ عقده اليوم الى ١٤ و ١٦ من بكره لين الجمعه
ولكن تضل ١٤ و ١٦ هوى قوي نوعا ما