دمج البطاقتين الشخصية والصحية قريبا

[دايموند]

يطبق إجبارياً على المواطن والمقيم.. د. فوزية عبد الله لـ "الشرق": تنفيذ مشروع دمج البطاقتين الصحية والشخصية خلال الأشهر القادمة




كشفت الدكتورة فوزية عبدالله مدير إدارة تكنولوجيا المعلومات بالمجلس الأعلى للصحة لـ(الشرق) عن أن الأعلى للصحة بالتعاون مع وزارة الداخلية يعكفان حاليا على الانتهاء من مشروع دمج البطاقتين الشخصية والصحية في بطاقة واحدة، وذلك بشكل إجباري على جميع من يعيش على أرض قطر، لا فرق في ذلك بين مواطن ومقيم. وبينت أنه عند تجديد البطاقة الشخصية سيتم تجديد البطاقة الصحية تلقائيا، مؤكدة في السياق ذاته أن المشروع سيتم الانتهاء منه خلال الأشهر القلية المقبلة.



"الشرق" التقت الدكتورة فوزية عبدالله مديرة إدارة تكنولوجيا المعلومات بالمجلس الأعلى للصحة للتعرف على دور الإدارة والمشاريع الجديدة فإلى نص الحوار:
* تم الإعلان عن إلغاء البطاقة الصحية والاستعاضة عنها بالبطاقة الشخصية، إلى أي مدى وصل المجلس في هذا المشروع؟
ــ بخصوص مشروع إلغاء البطاقة الصحية، يهدف المشروع إلى دمج البطاقة الشخصية بالبطاقة الصحية لتصبح بطاقة واحدة تخدم الهدفين المنشودين من كلتا البطاقتين في نفس الوقت، بمعنى حينما يتم تجديد البطاقة الشخصية يتم تجديد البطاقة الصحية تلقائياً، ويتوقع أن يتم تنفيذ المشروع خلال الأشهر القليلة القادمة، علماً أن المشروع سيطبق بشكل إجباري على جميع الأفراد (القطريين والمقيمين) بالتعاون مع وزارة الداخلية.


بقية التفاصيل في الرابط

http://www.al-sharq.com/articles/more.php?id=233245

[كاروهات]

الحمدلله

خطوة جيدة الصراحة بدال ما نترس البوك بالبطاقات وتسهيل لنا

ما قصروا

[بنت الاول]

بعد بفلوس ... لاحول ولا قوة الا بالله

[قدها وقدود]

خوش فكرة

ونتمنى المزيد من التطور والافكار الجديده

[chillis]

خطوه حلوه وجيده والله يقللون عنا البطاقات

[مونديال]

الحمدلله

خطوة جيدة

[مضاد]

حلو .

وكم ندفع....؟

[حمد بن خالد]

أخيراً

يفكونا من عبالة هالبطايق

ولو يخلون الليسن مع البطاقية الشخصية بالمره يكون احسن ههه

نفتك بصراحة

[المخباط]

كانت فكرة من بنات افكاري :nice:

[مرتبش]

هذا اختراع يعني؟

شي مذهل او تطوير يدخلنا الالفية الثالثة ؟
ناقصنا مؤتمر صحفي للاعلان عن هالاجراء الغير اعتيادي على مستوى الدنيا

البطاقة الذكية تقدر تشحنها بكم هائل من المعلومات وتخليها تصير سوبر بطاقة مب بس صحية وشخصية ..حتى ملفك الطبي يكون فيها

[STAR]

توني من اسبوع رحت المركز الصحي عشان يجددون بطاقتي الصحية وليحين ما استلمتها ... خسارة عالبطاقة

شكلي ماراح استلمها...

[be cool]

فكره حلللوه

[بـــــــنت النوخـّــــذه]

هذا اختراع يعني؟

شي مذهل او تطوير يدخلنا الالفية الثالثة ؟
ناقصنا مؤتمر صحفي للاعلان عن هالاجراء الغير اعتيادي على مستوى الدنيا
البطاقة الذكية تقدر تشحنها بكم هائل من المعلومات وتخليها تصير سوبر بطاقة مب بس صحية وشخصية ..حتى ملفك الطبي يكون فيها


00

:p


عموما فكونا من العباله من كثرهم صرنا انغلط مره طلعت بطاقه السحب للصراف الالي في المركز الصحي بدون لا اركز وعطيتها للموظفه00شكرا شكرا على هذا الاختراع ا

[بوعلي2]

بادره طيبه وللامام دائما

[ام علي1981]

بعد بفلوس ... لاحول ولا قوة الا بالله

قول الحمدلله

[abn qatar]

لو الليسن والصحيه والشخصيه ببطاقه واحده احسن بس اللي اعرفه ان البطاقه الصحيه فيها

شريحه الكترونيه مسجل فيها كل الكشوفات والتطعيمات الصحيه وملف الشخص الصحي

[BIG-VEGA]

:D
هذا اختراع يعني؟

شي مذهل او تطوير يدخلنا الالفية الثالثة ؟
ناقصنا مؤتمر صحفي للاعلان عن هالاجراء الغير اعتيادي على مستوى الدنيا

البطاقة الذكية تقدر تشحنها بكم هائل من المعلومات وتخليها تصير سوبر بطاقة مب بس صحية وشخصية ..حتى ملفك الطبي يكون فيها

هههههههههههههههههههههههههه

لاحظ ترى نافخين الصدر ويقولون الموضوع اجباري :threaten:

يعني مب احسنلك اذا قلت لا :D

[مرتبش]

أخيراً

يفكونا من عبالة هالبطايق

ولو يخلون الليسن مع البطاقية الشخصية بالمره يكون احسن ههه

نفتك بصراحة

يقدرون يسوونها عادي.. يطبعون عليها "بطاقة شخصية ورخصة سواقة" اذا هم يحاتون اللي ماعندهم لياسن ويستعملون البطاقة كليسن


00

:p


عموما فكونا من العباله من كثرهم صرنا انغلط مره طلعت بطاقه السحب للصراف الالي في المركز الصحي بدون لا اركز وعطيتها للموظفه00شكرا شكرا على هذا الاختراع ا

يقدرون :) يخلونها بطاقة بنك وبطاقة كروة بعد.. يمكن هم عندهم اعتبارات اخرى يعني لما تضيع البطاقة "الموحدة" للشخص فما يتعطل لا بنك لا ليسن الخ

http://en.wikipedia.org/wiki/Smart_card

رابط فيه معلومات حليوة عن البطاقات الذكية..حتى ممكن البطاقة تستخدم لاسلكيا بدون ماتطلع من الجيب.. والربع يدمجون الصحية والشخصية اجباريا

[قناص الخليج]

بالتوفيق بس لاحد يقووولي جدد البطاقة توووني مجددها يعني الوعد بعد عشر سنوات اذا الله اعطنا عمر

[Doha Sun]

ماودي اغيرها لانها جديدة واما الصحية قديمة شوي

[بعيد الدار]

عقبال ما يدمجون معها الليسن بعد

يعني ما نشيل الا بطاقة وحدة

[مالي ومال الناس]

, , , ,

اشمئزيت من كلمة اجباراً :(

مافيه داعي هالاسلوب القديم , لا ومن دكتوره بعد

بامكانهم الاعلان باساليب اخرى افضل بكثير

[ثابت]

سؤال ؟

انا ماعمري طلعت لنفسي بطاقة صحية ولا لي رغبه فيها

عندي تامين صحي واستخدمه فاليش انجبر استخرج بطاقه صحية ؟؟

[chillis]

سؤال ؟

انا ماعمري طلعت لنفسي بطاقة صحية ولا لي رغبه فيها

عندي تامين صحي واستخدمه فاليش انجبر استخرج بطاقه صحية ؟؟

ياسمح الله لو بيوم تبي تتعالج بمستشفى حمد لاي شي كان عمليه او علاج مافيه الا هناك راح تحتاجها وعقب التقاعد بعد عمر طويل هم راح تحتاجه :) اشلون ما تبيه احتياطيا لازم ماتعرف بالظروف

[BIG-VEGA]

ياسمح الله لو بيوم تبي تتعالج بمستشفى حمد لاي شي كان عمليه او علاج مافيه الا هناك راح تحتاجها وعقب التقاعد بعد عمر طويل هم راح تحتاجه :) اشلون ما تبيه احتياطيا لازم ماتعرف بالظروف


حمد والولاده والطوائ وطوارئ الاطفال عادي ... البطاقه الشخصيه اوشهاده الميلاد او ورقه التطعيم للاطفال تكفي وتزيد

[ملاك]

عجبتني كلمه اجباري على كل مواطن

مسكين هالمواطن ماعليه الا السمع والطاعه

[.Q a T a R.]

بعد بفلوس ... لاحول ولا قوة الا بالله

ههههههه

اي والله بعد فلوس

[ام السعف]

الحمدلله اني ماجددت بطاقتي الشخصية الغبية بوحدة ذكية
سبحان الله واللحين راح الغي الفكرة نهائيا الى حين الدمج

[الـقـاسـي]

ابي اعرف ليش عندنا اي شي تافه وبسيط يسجل على انه انجاز واختراع ومؤتمرات واجتماعات ترى الا بطاقة يدمجونها وانتهت السالفه ماله داعي هالدكتوره تهددنا وتسوي نفسها طالعه القمر زين ماقالت بينضرب اللي مراح ياخذها


انا عنادا لكلمة اجباريا هذي مراح اخذها وابي اشوف كيف بتجبرني هالدكتوره ,, كل شوي طالعين لنا بفكرة والتطبيق على حسابنا ولا من زين الافكار بعد

[ام السعف]

ابي اعرف ليش عندنا اي شي تافه وبسيط يسجل على انه انجاز واختراع ومؤتمرات واجتماعات ترى الا بطاقة يدمجونها وانتهت السالفه ماله داعي هالدكتوره تهددنا وتسوي نفسها طالعه القمر زين ماقالت بينضرب اللي مراح ياخذها


انا عنادا لكلمة اجباريا هذي مراح اخذها وابي اشوف كيف بتجبرني هالدكتوره ,, كل شوي طالعين لنا بفكرة والتطبيق على حسابنا ولا من زين الافكار بعد

بتاخذها يعني بتاخذها :shy:

[نورالهدى]

واللي ماعندهم بطاقات شخصية مثل الصغار

[الـقـاسـي]

بتاخذها يعني بتاخذها :shy:

مراح اخذها الا اذا اعتذرت مني الدكتورة شخصيا:shy:

[ام السعف]

مراح اخذها الا اذا اعتذرت مني الدكتورة شخصيا:shy:

بنغيرها لك ،، بس بتاخذها يعني بتاخذها :shy:

[ام السعف]

واللي ماعندهم بطاقات شخصية مثل الصغار

اللي سمعته ان الكل يقدر يطلع بطاقة شخصية اليوم
لدرجة 14 و15 و16 عندهم بطاقات شخصية :telephone:

[الدوحي7]

اجباري ذاك زمان اول الحين مافي شي اجباري والاوضاع تبين للكل مايحصل في الدول والروساء يعني ماعد الابعد،،
انا مستشفى حمد مادخله والله لايحوجني له ولا حق غيرها،، وبطاقتي الشخصيه عندي ولو مالى حاجه فيها كان ماطلعتهاا بعد،،
ومدري من ذي فوزيه ،،

[مهل]

الحين يعني بتصير بطاقه وحده عن ثنتين
او
اجدد بطاقتي الشخصيه و اوتوماتك يعطوني وياها بطاقه صحيه ؟

[ورقــة أمــل]

شنو اجباري مافي اسلوب ارقى هههههه

المراد والله ابركها من ساعة اوفر مساحة حق البطايق في بوكي

[رحال]

ياريت الليسن وبطاقة التموين بالمرة ..

[حليتان*]

واللي ماعندهم بطاقات شخصية مثل الصغار

الصغار حالياً يصير اطلع لهم بطاقات شخصيه << للي حاب وفايدتها انك تتنقل بين دول الخليج بدون جواز :nice:



وابدااع :nice: الله يقويهم ونطور وانصير متطورين نفس بوعلوش :tease:

[BIG-VEGA]

واللي ماعندهم بطاقات شخصية مثل الصغار


الصغار كثروا لهم الحليب عشان يكبرون بسرعه ويقدرون ياخذون بطاقه شخصيه


لان الامر اجباري :weeping:

[تحداني]

ابي اعرف ليش عندنا اي شي تافه وبسيط يسجل على انه انجاز واختراع ومؤتمرات واجتماعات ترى الا بطاقة يدمجونها وانتهت السالفه ماله داعي هالدكتوره تهددنا وتسوي نفسها طالعه القمر زين ماقالت بينضرب اللي مراح ياخذها


انا عنادا لكلمة اجباريا هذي مراح اخذها وابي اشوف كيف بتجبرني هالدكتوره ,, كل شوي طالعين لنا بفكرة والتطبيق على حسابنا ولا من زين الافكار بعد




:):)
بتاخذها يعني بتاخذها

[تحداني]

ياريت الليسن وبطاقة التموين بالمرة ..



اقتراح جميل

جملك الله برضى الرحمن

[تحداني]

الحمدلله اني ماجددت بطاقتي الشخصية الغبية بوحدة ذكية
سبحان الله واللحين راح الغي الفكرة نهائيا الى حين الدمج



ليش يسمونها ذكيه
اذا تفتقد لوايد اشياء ذكيه وحلوه مثل باقي الدول الخليجيه ؟؟


مجرد فضول مواطنه قطريه

جملك الله برضى الرحمن

[AL ZUBARAH]

البطاقة الشخصية مهمة جدا و يجب الحفاظ عليها حتى لاتقع في ايدي العابثين واذا ضاعت فهناك اجراءات طويلة لاستخرج البديل ولا يمكن مقارنتها بالبطاقة الصحية حيث يمكن رميها في اي ركن من اركان البيت او تنساها في الاستقبال او عند الطبيب او في الصيدلية و يمكن استخراج البديل بسهولة.

[محمد جمال]

فكرة جميـــلة

[دااانة قطر]

مراح اخذها الا اذا اعتذرت مني الدكتورة شخصيا:shy:



آنا بعد ابيها تعتذر

[خزامئ]

الله ايوفقهم

[بولينجر]

اذا اجباري باطلعها على حساب الدكتورة... والحساب يجمع يابيه.... :p

[باسكن روبنز]

عجبتني كلمه اجباري على كل مواطن

مسكين هالمواطن ماعليه الا السمع والطاعه

:weeping:

[امـ حمد]

فكره حلوه

الله يعطيهم العافيه

[The Master]

الخبر معروف من 6 اشهر :)

[المهـندي]

احلى شي سووه صراحه

[البرونزي]

تستاهلون يا اهل قطر
صبرتو ونلتو
والى الامام الى الامام لا رجوع

[الـقـاسـي]

بنغيرها لك ،، بس بتاخذها يعني بتاخذها :shy:






آنا بعد ابيها تعتذر

خلاص الدكتورة ام السعف اعتذرت لنا بالنيابه عنها :tease:

[الـقـاسـي]

:):)
بتاخذها يعني بتاخذها

:eek5:

[جنوب الدوحه]

خطوه جيده ..بالفعل للتسهيل على المواطن والمقيم ..

[شيط ويط]

بالتوفيق وخطوة حلوه يشكرون عليها

[bohilal191]

سؤال يطرح نفسه متى سيتم اصدار البطاقات الذكية للمقيمين