الى عنده خبره بالجراند شيروكي لا يبخل علي.. !!

[رذاذ]

سلام عليكم

شخباركم انشالله طيبين

يالربع معروض علي موتر وسعره حلووو لكن به امور تبي تصلح مثل ليك في هوزات البور ستيرنج .. وصوت طقطقه بالاكسل يسار يمين وتبديل بريكات ..

قير مكينه شاص مكيف كله تمام

دعمات ما فيه صبغ الشركة

موديلة 2000 ماشي 196 الف .

ابي صراحه سياره للدوام وثابثه ..


هل تشورون علي اخدها واعدل الى بها !!
هل قطع الغيار متوفره وسعرها معقول .؟
وين في كراجات يصلحون جيب شروكي ويفحصون ويكون متخصص!!

[الصيفي قطر]

مرحب اخوي....

شوف انا بقولك شي وانت كيفك ...

انا اعرف انه الشروكي تبدا مشاكله في اشياء بسيطه وعقبها تكبر لحد الجنون :(

لكن مادري والله لو انت ماخذه بسعر حلو وعقب سنتين لو بتبيعه ب3000 عادي عندك ايه اخذه لكن انا اقولك بتتعب عليه وايد هاي من خبرتي المتواضعه والله يوفقك فيه وماتصرف عليه ريال انشالله

[Rider]

لا ياخوي ابعد عن الشروكي ترى اذا عرف طريق الكراجات ماعاد بيطلع

[المنكوب]

مب لهذه الدرجه بس نصيحتي لا تاخذه عشان البريك الله يعينك من البريك كان عندي نفس الموتر وفيه البريك بس لكن طلع روحي واخر شي مابعته عطيته حق واحد ( قطع غيار ) وانت حر في الاخر

[عاشق الدمعة]

وعليكم السلام ورحمة الله وبركاته

بخير يا الغالي

أخوي أنا شريت جراند شيروكي من كم سنة وللاسف مواصفاته امريكية وانا اغتريت بسعره ونظافته وراعي المعرض ما قال لي عن المواصفات وغلطتي ما فحصته
المهم اول يوم قامت حرارته ويوم وديته الوكالة دفعت فيه 5700 ريال عشان مبرد للراديتر ومن عقبها ما يمر شهر لازم أقط في بطنه أقل شي 1000 ريال تصليح
وسافرت به مكه وتعطلت في الطايف والسبب الشفت مال الدبل لانه نظام فورويل وكلفني تصليحه قريب من 4000 ريال والبراكدون وصله لي ب 1700 ريال يعني خساير في خساير وتضيع وقتك في التصليح

نصيحتي بالعربي إبعد عن الشر وغني له .... يعني بتتبهدل من كراج لكراج وقطع غياره غاليه وجاتني فتره اروح السعوديه عشان قطع الغيار ولا تغتر بالنظافة ومثل ما قالوا الأخوان في البداية تخترب عندك اشياء بسيطة وعقب تكثر بلاويه وفي النهاية يا انك بتوقفه بخرابه او بتعطيه احد ببلاش أو بمبلغ بسيط او نفس ما سويت وديته وكاله يحسبونه دفعه عن سيارة جديدة ومبلغ بسيط وكنت أبغي الفكه منه بأي طريقة

وإذا في خاطرك فورويل عليك بالياباني اللاند كروزر أو النيسان

وتحياتي لك وبالتوفيق

[رذاذ]

جزاكم الله الف خير ..

خلاص غضيت النظر عنه احسه بيكلف بتصلحاته وام اوله تصليح يعين تاليها ..

بشوف لي فيكسار نفس الى عند بوحارب . 97 وتحت ..