ابتسامه موظفه الاستقبال .. لا تعتقد انها حبتك [الأرشيف]

مشاهدة النسخة كاملة : ابتسامه موظفه الاستقبال .. لا تعتقد انها حبتك

الوجبه

14-03-2011, 10:23 AM

ايش الحكمه ..

في البنوك .. تجيك الوحده الابتسامه ما اتفارقها .. طبعا (جزء من عملها )
في كيوتل
في الصحه
وغيرها الكثير من الاماكن ..

المسكينه .. يعني لازم تبتسم للناس ..

من يجبرهم على هذا .. ؟؟!!

يعني لو البنت مسكينه نفسيتها تعبانه او متضايقه وهذا حال البشر .. تشوف شغلها
او مديرها يجبرها على (ستايل) او (شكل) واحد للعمل ..

طبعا هذا جزء من عملها .. لا تفكر انها (حبتك) .

فنقول .. الله يعينها .. والله انه هذا (يزيد) المرض فيها تحصلها من شغلها او من الاشكال
اللي تصادفهم وهي مضطره تبتسم لهم ..

وللعلم في تقارير توصل للاداره في بعض الجهات ان (الموظفه) او (السكرتيره) او غيرها
(مكشره) اليوم وهذا سبب (نفور) (للشخصيات) او (الزباين) وهروب ( للمشتريين) ..

فنقول ..

المسكينه تحصلها من وين ولا وين ,,

من واحد (غبي) على باله البنت حبته وممكن يزعجها .
اوخوفها من الاداره
ولا خوفها لا ينقطع راتبها .

وكل ابتسامه وانتم بخير

be cool

14-03-2011, 10:27 AM

لا مو شرط بتتسم في ويوه خلق الله وبعد ماتكون مكشره تكون ع طبيعتها اهم شي تعرف شلون تتعامل مع الزباين بروح طيبه

العقل الحر

14-03-2011, 10:28 AM

chillis

14-03-2011, 10:29 AM

وش رايك اذا بلد بكبره الكل لازم يبتسم في جميع الحالات ... عمل شراء بيع معامله

وعاده من عاداته وثقافته حتى ولو نفسيته تعبانه او غير ذلك

لازم يبتسم والا .........

صباح الخير لازم يبتسم والا شنو كمل :) الابتسامه بوجهه اخيك صدقه وبعدين اعتقد جزء من عملهم الابتسامه

ميموري

14-03-2011, 10:29 AM

فيه فرق بين البشاشه والابتسامه المنافقه

العقل الحر

14-03-2011, 10:36 AM

وش رايك اذا بلد بكبره الكل لازم يبتسم في جميع الحالات ... عمل شراء بيع معامله

وعاده من عاداته وثقافته حتى ولو نفسيته تعبانه او غير ذلك

لازم يبتسم واذا مابتسم يعتبر قله ادب وبعض الاحيان تؤدي الى الضرب المبرح او رفض البيع او او ...... الخ

صباح الخير لازم يبتسم والا شنو كمل :) الابتسامه بوجهه اخيك صدقه وبعدين اعتقد جزء من عملهم الابتسامه

تم التعديل

OTOsan

14-03-2011, 10:37 AM

ابتسمت لي .. حبتني :shy:

خل ارجع لها مره ثانيه باسألها اي سؤال عالماشي:shy:

عـُقد نفسيّـه بعيد عنك !!

حنان الدنيا

14-03-2011, 10:49 AM

وجه نظري هالشى لازم يكون جزء من شخصيتي

اذا قلنا العمل مافيه اي تعامل مع زبائن او عملاء معناتها ماابتسم واجي معصبه للدوام

ومشاكلي الشخصيه لازم تكون بعيده عن مجال الشغل هذا وجه نظري

ومب شرط الابتسامه اني اشق حلجي لا وبعدين في اماكن البنات فيه منقبات والواحد مايشوف

اذا يبتسمون ولا مكشرين بس الطريقه هي التعامل هي اللي توضح هالشى

و المهم مايكون مخيس النفس او يبين عليه الضيق او يطلع حرته في العميل لانه متهاوش مع

مادري مين

مستوى الدعم

14-03-2011, 10:49 AM

تذكرت مشهد في مسلسل درب الزلق يعبر عن هالنقطة:

لما الخال قحطة كان يغسل المواعين للشغالة نبوية في مصر...

وطاح عليهم "بو صالح".. ولام قحطة على فعلته ..

قال له قحطة: مجبور لأن البنية حبتني..

سأله: قالت لك إنها حبتك؟

قال: لا .. بس قالت لي نورت مصر...

طارق العلي

14-03-2011, 10:53 AM

العن شي اذا موظفة الكاشير حق كارفور ابتسمت لك وتعطيك علوك بدال النص . . كنها تقول يالله حبيبي روح حق امك

تحس انك ياهل قاعد يدور على امه داخل السوق

المـهـفـة والـســفـرة

14-03-2011, 10:56 AM

حاول تظهر البسمه
لو طالت بك الآهات ترى
الناس من حولك كثير اشكال والواني

في وقت السعه
الاصحاب ينعدون بالعشرات
ووقت الضيق وين اللي يقول انه بيفداني

جروح الوقت ياقلبي
ترى اكبر من الكلمات بس بالحلم
اتحمل وطول الصبر عنواني

تراني يازمن شامخ
ولا ترعبني الهزّات صحيح
اني بشر لكن رب العرش يرعاني

مونديال

14-03-2011, 10:58 AM

هذا صج في ناس عايشه هل دور من وحده ابتسمت له يقول تصدق عجبتها يمكن حبتني
هذا واحد من الربع واحنا نماشيه على قد عقله نقول له
ممممممم والله يمكن عجبتها انته وسيم وحلو ويصدق الحبيب واخنا نضحك تسالي شباب

بـــــــنت النوخـّــــذه

14-03-2011, 10:58 AM

الابتسامه لازم يصاحبها شي مهم !!!!

يعني فيه ابتسامه مع رزانه وثقل يبين من وراها ان فيه حدود وقيود 000

لكن الي بتبتسم واتسبل بعينها اهههههههههههه وتدلع طبعا الهدف واضح وهي من فتحت الباب بسوء الظن بها :looking: 000

مع الابتسامه المصاحبه بثقل وعقل يظهر على الشكل الخارجي بانطباع يقول لك قف هنا :stop: خيالك العلمي مايتعدى هالابتسامه :nice:

لافوشيا

14-03-2011, 11:00 AM

كل واحد وشخصيته عااااااادي

طارق

14-03-2011, 11:48 AM

يعني اذا الكاشير الحلو
ابتسم لأحد البنات
وقامت كل يوم تسحب 5 ريال كم حسابها كل يوم
بنقول البنت حبته

قصص اتصير يوميا

ROSE

14-03-2011, 11:51 AM

عمل موظفة الاستقبال عمل صعب وقليل منهم يدرك معنى او مسؤولية عمله

من اهم شروط القبول بهذه الوظيفه هي الابتسامه والوجه البشوش

لو كوارث الدنيا حلت بها ،، عليها ان تبتسم ولا يهم ما وراء ذلك القناع الذي تلبسه

اثناء تأدية عملها ،، ويجب كذلك ان تكون ملمه بمجال عمل المكان الذي تعمل به

فهي الواجهه الرئيسية والمهمه لهذا المكان سواء كان بنك او غيره من الشركات او المؤسسات

هي وافقت على هذا العمل فعليها تحمل تبعاته

الغلا

14-03-2011, 11:56 AM

اهم شي تعرف شلون تتعامل مع الزباين بروح طيبه
لن هالايام وايد ملاغه

طارق

15-03-2011, 10:46 AM

الي يواجه الجمهور لازم يبتسم حتى لو قلبه يدمي

بس بعض خرفانا وبعض شويهاتنا
لو حد يتبسملهم ازهقونه

بس عادي , من مهام الوظيفه انك تتعامل مع الجمهور

تحياتي
طارق أقوى زلمه في العالم

شيط ويط

15-03-2011, 10:50 AM

اذا كنت غير قادر على الابتسام فلا تفتح دكانا ... مثل صيني :)

فيزيائية

15-03-2011, 12:28 PM

صحيح ولكن على حسب الابتسامة+ النظرة ....

وأحيانا ليس معنى أن الاشقر صاحب المحل ابتسم لج معناه صار واحد من الربع وهاات ياسوالف وضحك ....

خليفـة

15-03-2011, 12:31 PM

مو شرط تتبسم لي الموظفة او الموظف
بس أقل شي يتعاملون مع الناس بروح طيبة .. وبعيد عن خياس النفس

:)

chillis

15-03-2011, 12:32 PM

مو شرط تتبسم لي الموظفة او الموظف
بس أقل شي يتعاملون مع الناس بروح طيبة .. وبعيد عن خياس النفس

:)

بس ما يصلح تخدمك وبوزها شبرين نفسيا انت تتعب معامله طيبه وبرطم ممدود مهب شي :)

خليفـة

15-03-2011, 12:53 PM

بس ما يصلح تخدمك وبوزها شبرين نفسيا انت تتعب معامله طيبه وبرطم ممدود مهب شي :)

اخوي .. انت جاي تخلص مصلحتك في هالمكان ؟ ولا جاي تدور ابتسامات من الناس ؟

وحتى لو مدة بوزها شبرين على قولتك .. في نهاية المطاف هي انسانه ولها احوالها وظروفها .. وما اعتقد انها ملزومة تنسى همومها ان وجدت عشان تبتسم لحضرتي .

مثل ما ذكرت لك اخوي .. المهم ان تكون ردود الموظف او الموظفة فيها أدب واحترام
وبعيدة عن خياس النفس والتذمر ( من طبيعة العمل )

قواك الله

:)

chillis

15-03-2011, 12:55 PM

اخوي .. انت جاي تخلص مصلحتك في هالمكان ؟ ولا جاي تدور ابتسامات من الناس ؟

وحتى لو مدة بوزها شبرين على قولتك .. في نهاية المطاف هي انسانه ولها احوالها وظروفها .. وما اعتقد انها ملزومة تنسى همومها ان وجدت عشان تبتسم لحضرتي .

مثل ما ذكرت لك اخوي .. المهم ان تكون ردود الموظف او الموظفة فيها أدب واحترام
وبعيدة عن خياس النفس والتذمر ( من طبيعة العمل )

قواك الله

:)

>>>> بنت :( والله وبعدين الابتسامه بوجهه اخيك صدقه حتى لو لازم تبتسم لو شي خفيف

خليفـة

15-03-2011, 01:16 PM

>>>> بنت :( والله وبعدين الابتسامه بوجهه اخيك صدقه حتى لو لازم تبتسم لو شي خفيف

انا اسف يا " بنت "
على بالي ولد
:)
نعم الابتسامة في وجه اخيك المسلم صدقة
ولكن التماس العذر للآخرين من حُسن الخُلق ايضاً

قواج الله
:)

jeep-srt8

15-03-2011, 02:22 PM

اهم شيء الأبتساااااااامه لانها بتخلي الطرف الاخر يبتسملللللللك وكذا بتصيرون ربع ومابيقول من وراك مخيس النفس ومادري وشو

انا داااااااااااااااااااااااااااااايم مبتسم مع الناس ولاحد يدري وش بداخلي بس هذا واجبي ان طلعت برا بيتنا :)

نــــظــــره

15-03-2011, 02:31 PM

تحداني

15-03-2011, 05:45 PM

مافي أحلى من الإبتسامه

:) .. :)

بدونها الحياه مالها طعم

وعيشوا الواقع .. وإتركوا عنكم الخيال
ما تعبتوا وإنتوا إتحملون المواقف أكبر من حجمها

:)

جملك الله برضى الرحمن

وهم قطر

17-03-2011, 01:28 AM

اها أنا فكرتها تبيني أو تبي تتعرف

الصراحه مانعطا وجه الي تبتسم لي اطول في السوالف وياها ممكن اطلب

كرك تزين السوالف

والي مكشره احاول اخلص بسرعه ولا أحط عيني بعينها

QATAR-2006

17-03-2011, 01:52 AM

الاولى غض البصر :)

ZURICH

17-03-2011, 02:00 AM

ابتسامه :) عن :) ابتسامه

تفرق

بيرق قطر

17-03-2011, 02:20 AM

اشوف الابتسامات والمظهر الجمالي بكثرة في البنوك الربوية والعكس في البنوك الاسلامية
:nice::nice::nice:

ابو علاوي

17-03-2011, 02:20 AM

العن شي اذا موظفة الكاشير حق كارفور ابتسمت لك وتعطيك علوك بدال النص . . كنها تقول يالله حبيبي روح حق امك

تحس انك ياهل قاعد يدور على امه داخل السوق

وتقول لك بعدها ثانكيووو سيررررر

.Q a T a R.

17-03-2011, 03:46 AM

الله يجزاهم خير خل يبتسمون

لاجل QT

17-03-2011, 04:54 AM

باااااال لين الحين في ناس سطحين لهاي الدرجة يفكرون النظرة او الابتسامة رسائل حب:( هذا ماشاف خير من قلب:)

ابشرو اللى بتحبك بتجيك تقولك في وجهك .او بتسوى حركات قرعة :omg:..زمن الحياء راح:(

مو لازم الابتسامة اهم شي المعاملة بروح طيبة ماتحسسك انك جاي طر من عندها

بعد اذا الحلج كلة مبطل على الفاضي والمليان مو حلو:(

ابو عبدالله5

17-03-2011, 06:49 AM

ذكرتوني بسالفه قحطه و نبويه شبشب

ام السعف

17-03-2011, 07:10 AM

البشاشة في الويه غير شق الحلج ،،

يعني مرات كثيرة ممكن الواحد يفرد عضلات ويهه من غير ما يفرد شفايفه

ومن ثم نقول// الابتسامة على الوجه غير لما تبتسم وتقز عيون العميل،،،

فالمقصد المعاملة الطيبة والحسنة مع العميل ،، بروح طيبة تنعكس
على ملامح ويهها ،، اما تقدم الخدمة للعملاء واشوي بتصفقه بتكشيرتها
يبي لها تقرص في التقرير والترقيات ...

chillis

17-03-2011, 07:18 AM

ام السعف

17-03-2011, 07:27 AM

يختي درر :shy:

يا اختي من بعض من عندكم :shy:

ra3shat hadab

17-03-2011, 04:04 PM

http://www.qatarshares.com/vb/attachment.php?attachmentid=72729&stc=1&d=1300366691

بذمتكم هذي اشكال تنحط فالاستقبال !! :rolleyes2: ..
والله انك جبتها يا محمد عبداللطيف :victory: :nice:

ضبط النفس والبشاشة تريح العميل.
اصلا اللي تعامله جاف او ما يعرف يكون بشوش :anger1:.. ما يصلح ينحط فالواجهة مثل الاستقبال او السكرتارية ..

لو انا رحت مكان وطلعت لي موظفة الاستقبال مكشرة بتجنب التعامل معاها او حتى ماروح لها كلش.

غير اللي ترحب وترد السلام وتبدأ الحوار بعبارات لبقة مثل (شلون اقدر اساعدك .. او امر الشيخ.. او تفضل ...الخ) :) :nice:

قبل شهر تقريباً جاني مسؤول من احدى السفارات .. انا خدمته باللي اقدر عليه ورحبت فيه مثل ما اخدم وارحب في اي شخص يجيني لين مكتبي عشان الشغل ... وطلب البزنس كارد وعطيته وتم يشكرني واااايد وطلع.
ثاني يوم اتصل عالمكتب :telephone: يشكرني وتم يمدح ويمدح وانتي خدمتيني واحرجتيني بلطفج ومن هالكلام ملللغ علي :rolleyes2: .... وشكرته على كلامه وقلت له اني اعامل الكل مثل هالمعاملة :nice: والموظف الناجح يحاول كثر ما يقدر انه يحسس المراجع بانه شخص مميز ومهم.. (يعني لا تصدق نفسك) :tease: وقبل لا يسكر قال لي ان شاء الله في اقرب فرصة بزورج فالمكتب! عسى ماشر :omen2: قلت له انا في خدمتك في اي وقت والموجودين معاي مش مقصرين حتى لو انا مش موجودة (وصلت له مسج بشكل غير مباشر انك لا تفهم اهتمامي وخدمتي لك انها شي ثاني غير الشغل) :omen2: وقلت له اهم شي عندي ان المراجع يطلع من مكتبي وهو راضي حتى لو ماقدرت اخدمه :nice: عاد مشكلة البعض يفهمونها غلط.. الله يعين والله :omen2:

The Master

18-03-2011, 06:12 AM

وين ؟؟!! ماشفنا شي :rolleyes2:

الظاهر اخوي الوجبه شكلك امشبه :tease:

ترا احنا في قطر...ركز...في قطر...

يمكن قصدك انها تبتسم لغير القطريين... صح ولا انا غلطان :telephone:

لان ربعنا...مايحتاج تبتسم لهم...من يشوفون سواد...ولا شي يلمع التفتوا...فما بالك تبتسم لهم...يا ويييييييييييييييليييييييييي... ضاعوا الشباب :rolleyes2:
احم...

ماعلينا نرجع للموضوع...

انا اخالفك الراي اخوي...
الشخص في الاستقبال...كان رجل ولا امرأة...عليهم ب استقبال الناس ب كل بشاشة وطيبة و سعة صدر...وهذا لا يمنع الابتسامة...
ياما من ابتسامات خلت ناس تدفع ملايين...ولا وش قولك :secret: ...احم

على العموم...نورت المنتدى...وعاش من شافك...:nice:

الا اخبار مقولتك...الوجبه يسلم عليكم ويقوووووول :eek5: ...احم